محتاج اراء الخبره منكم

[PGR]

السلام عليكم ,,, بيتي في مرحلة التشطيبات ,, عندي الواجهه الخلفيه للبيت فيها ثلاث نوافذ كبيره بالطول يعني تقريبا ارتفاعها 7-8 امتار ,, المغزى من هالنوافذ هو ادخال الضوء وايضا تكون الصالة مطله على الحديقة عشان القعده ,,, الشي اللي الحين قاعد افكر فيه هو انه النوافذ هاذي ماخذه من خصوصية البيت اللي اقصده انه في الليل البيت بيكون مكشوف من الخلف ,, فكرت اني اركب ستائر رومانية واركب لكل ستارة مكينة عشان ارفع وانزل الستائر , وفي ناس قالوا لي ركب نوافذ رملية وجذي بتحصل الضوء لكن المنظر للخارج بيروح وماراح اقدر اطل على الحديقة ,, الحل الاول اللي هو المكينة لكل ستارة يحتاج شويت تغيير وتوصيل وايرات لاماكن المكاين اللي بتنحط ففيها شويت شغل ,, فمادري هل في احد منكم عنده اقتراح افضل من هالاثنين يخدمني فيه ؟ يعطيكم العافيه ومنتظر ارائكم واقتراحاتكم

اخوكم/ بومحمد

[معماري قطري]

يا أخ بو محمد انا باحاول أفيدك

فيه يا اخوي ستاير خشبية تنفتح باليد وقت النهار وتقدر تسكرها في الليل، وهي بتكون صعبه إنها تنسحب لهالإرتفاع لكن تنفتح جزئياً تستوي مسطحة وتشوف من خلالها، وشكلها كثير مريح وحلو، وممكن توجد حلول ثانية عند سيدار، وفيه بعد البلاستيك اللي تنفتح رأسية بالدوران وتنفتح كاملة بالسحب بس ما ادري كم ممكن يكون طولها.

انا في مكتبي وفي غرفة الملابس حاط الخشبية وبسهولة يومياً أفتحها وأسكرها في الليل، وما اتوقع بيكون هالإرتفاع اللي عندك مشكله لازم سيدار عندهم حلول وبالتوفيق لك وعلمني شيصير معاك.

[حسن الاحمد]

السلام عليكم ,,, بيتي في مرحلة التشطيبات ,, عندي الواجهه الخلفيه للبيت فيها ثلاث نوافذ كبيره بالطول يعني تقريبا ارتفاعها 7-8 امتار ,, المغزى من هالنوافذ هو ادخال الضوء وايضا تكون الصالة مطله على الحديقة عشان القعده ,,, الشي اللي الحين قاعد افكر فيه هو انه النوافذ هاذي ماخذه من خصوصية البيت اللي اقصده انه في الليل البيت بيكون مكشوف من الخلف ,, فكرت اني اركب ستائر رومانية واركب لكل ستارة مكينة عشان ارفع وانزل الستائر , وفي ناس قالوا لي ركب نوافذ رملية وجذي بتحصل الضوء لكن المنظر للخارج بيروح وماراح اقدر اطل على الحديقة ,, الحل الاول اللي هو المكينة لكل ستارة يحتاج شويت تغيير وتوصيل وايرات لاماكن المكاين اللي بتنحط ففيها شويت شغل ,, فمادري هل في احد منكم عنده اقتراح افضل من هالاثنين يخدمني فيه ؟ يعطيكم العافيه ومنتظر ارائكم واقتراحاتكم

اخوكم/ بومحمد

هل النوافذ تشبه هذي ابو محمد؟؟


http://im31.gulfup.com/aV2xG.jpg (http://www.gulfup.com/?OxCyZX)

[حياة]

انا اقتراحي يااخوي هو انك ماتسوي شي وتخرب المنظر عليك اذا كان اللي ورى البيت بس زرع خل الدرايش وسو لك حاجز كشخه من حديد مشغول وخله ع اطراف الحديقه من صوب حوش البيت .. خصوصا اذا غرفه السايق مش في نفس المكان ...
بالتوفيق

[معماري قطري]

انا اقتراحي يااخوي هو انك ماتسوي شي وتخرب المنظر عليك اذا كان اللي ورى البيت بس زرع خل الدرايش وسو لك حاجز كشخه من حديد مشغول وخله ع اطراف الحديقه من صوب حوش البيت .. خصوصا اذا غرفه السايق مش في نفس المكان ...
بالتوفيق

بعد هذا إكتراح في محله .. ممكن تسوي الحديد مع القماش مثل اللي لمظلات السيارات سهل وسريع يسونه وأرخص وايد من الحديد المشغول.

[PGR]

اخواني ممكن توضحون لي كيف الحديد المشغول او القماش محتاج صورة توضح اللي تقولون عنه ومشكورين

[ضوى]

اذا مسوي الواجهة زجاج عشان تستمتع بالمنظر ليش تبي تحط ستاير ؟

بالعكس انا عندي تفكر بحل ثاني الا الستاير

[Chambray]

انا نفس الشئ

قسمت النافذه 4 اقسام
3 اقسام زجاج رملي
والقسم الاخير ( زجاج عادي )

بحيث الي في الشارع مايقدرون يكشفون داخل البيت ..

والقسم الاخير ( الارضي ) الي هو زجاج عادي علشان ماننحرم من اطلاله الحوش :)

اذا مافهمت تواصل معاي على الخاص وحياك البيت عندي ( لازال في مرحلة التشطيب ) وشوف الفكرة على ارض الواقع ان يازت لك سوها وان مايازت لك فكر في طريقة ثانية :)