أفضل محل للإضاءه والليتات في قطــر

[أسير الاسهم]

السلام عليكم

يا جماعه حبيت أسأل عن افضل محل من واقع تجاربكم للإضاءه ؟
ليتات داخليه سبوت لايت وليتات كبيره للجيبسن بورد .. وليتات للسقف الخرساني .. وليتات خارجيه حول البيت وعلى السور

يعني ابي ليتااااات البيت كامله من جميع انواعها :nice:

بس اللي ابي اعرفه وين افضل محل .. من ناحية ::
الجوده
الاسعار
التعامل

ويا ليت ما تبخلون علي بنصايحكم وتجاربكم مع الاناره

وتشكرووون على كل حال :nice:

[q6r143]

نصيحه ياخووووي روووووح الشاااارقه وجيبهم بربع السعر نفس الي انا سويته 35 الف في الدوووحه و 14500 من الشارقه

[BoFahed]

نصيحه ياخووووي روووووح الشاااارقه وجيبهم بربع السعر نفس الي انا سويته 35 الف في الدوووحه و 14500 من الشارقه

وين في الشارقة اخوي ؟؟؟؟

[أسير الاسهم]

اي والله وين فالشارقه ..؟؟؟

وهل عليها جمارك لما اجيبها والا كيف ؟


واذا فيه هنا فالدوحـه محل كوالتي عالي واسعاره زينه لحد يبخل علينا بدال المشوار

[عيون الدوحة]

في أنواع مايركبونها الطيارة حاسبو

[حياة]

انا خذت من المشاعل
صراحه التعامل ممتاز والانواع ممتازه
انا خذت كشافات انجليزي للحوش من عنده مع اني كنت ماخذه عشرين حبه من الحساء وللاسف احترق واحد منها واحترق جزء من السور والله لطف...
عنده كل الانواع والكواليتي الزين وموب شرط تاخذ من مكان واحد اللي يعجبك والكواليتي عالي اخذه..
بالتوفيق

[معماري قطري]

صح والله مثل ما قالت الإخت حياة نوع وخذ الشيء الزين.. شوف غرناطة صراحه عندهم محلهم الجديد كم مستوى ولكل مستوى نوع من الإنارة ومعاملتهم زينه .. غيرهم أضواء الصالحية .. والشعلة .. وعندك الدرويش عندهم التوب كواليتي .. وفيه محل ورا محطة بترول التيسير في طريق سلوى أظن قطر للإناره عنده نوعيات وايد وقبل خذت من عنده سبوتات كريستال سوارفسكي إسئلهم عنها لأنهم كانوا يعرضونها في غرفة خاصة .. وعلل ما يعرفون يسوقون .. السبوتات المهم فيها الترانسفورمر والوايرات ومهم صناعة الترانسفورمر والتجهيز الداخلي تكون صناعة أوروبية لتاخذ صيني أو غير .. واللمبة فلبز بس شوف بعد ما تكون صناعة صينية .. انا عندي بعضها عايشة للحين 8 سنين ويومياً تشتغل أقل شيء 12 ساعة .. عند الدرويش ترانسفورمر حق 3 سبوتات ألماني وسعره شوي غالي لكن متطور جداً.

[@الأدعم@]

أخوي معماري وين محل الدرويش لو سمحت

[معماري قطري]

أخوي معماري وين محل الدرويش لو سمحت

الدرويش الله يسلمك بعد إشارات المطار وانت رايح إتجاه الوكره .. تكون يمين وممكن تدخل من أول أو ثاني دخله .. بس تمشي شوي بتشوف لافتتهم على اليمين .. ويبيعون مواد وايد متميزة وكلها جودة.. وسويشات أم كي الإنجليزية متوفره عندهم.

[A.L.I]

نصيحه ياخووووي روووووح الشاااارقه وجيبهم بربع السعر نفس الي انا سويته 35 الف في الدوووحه و 14500 من الشارقه




:nice::nice::nice::nice::nice::nice::nice:

[أسير الاسهم]

انا رحت أكثر من محل هاليومين .. ألترالايت .. والجابري .. وكم محل احترت صراحه أغلب البضائع صيني في صيني ...!!

وبصراحه مابي اركب بوطقه اخاف يحترق كل شوي والا يسبب مشاكل .. ابي الكوالتي الممتاز ..

شنو النوعيات في السبوت ليد الافضل ..
والليتات لكبار السبوت اللي تركب فالجبسن بورد شنو افضل الانواع ..
ولمبات السور وحول البيت والكشافات

يالربع اللي عنده خبره يفيدني افادكم الله

[معماري قطري]

انا رحت أكثر من محل هاليومين .. ألترالايت .. والجابري .. وكم محل احترت صراحه أغلب البضائع صيني في صيني ...!!

وبصراحه مابي اركب بوطقه اخاف يحترق كل شوي والا يسبب مشاكل .. ابي الكوالتي الممتاز ..

شنو النوعيات في السبوت ليد الافضل ..
والليتات لكبار السبوت اللي تركب فالجبسن بورد شنو افضل الانواع ..
ولمبات السور وحول البيت والكشافات

يالربع اللي عنده خبره يفيدني افادكم الله



روح غرناطه وإسئلهم عن شيء كواليتي وما يكون صيني بالإضافة للمحلات اللي ذكرتها .. انا خذت ليتات نيون من محل عادي طلعوا أي كلام وإضاءَتهم البيضا المزعجة .. ورحت عند الدرويش حصلت نوعية يسمونها كول داي لايت وهي صناعة أُوروبية نسيت من وين بالضبط .. المهم الإضاءَة والنوعية تفرق وايد وخذت كرتون 25 حبه ب 103 ريالات.

وعندهم ألحين كشافات ال اي دي بس توهم مخلصين بيجونهم كمية بعد فترة .. مشكلة الدرويش يجيبون كميات وياخذونهم المختصين للمشاريع وتخلص هالكميات، واللي يلحق مره على شيء ويبيه ليفوته ياخذه أول بأول والسعر نهائياً مب ذاك الفرق الكبير في شيء بمواصفات عالية وصناعة متطورة.

[ولد المنصور]

انا خذت من الترا لايت اشكال حلوه ومميزه , والتعامل ممتاز , وعندهم خده توصيل ....

[@الأدعم@]

الدرويش الله يسلمك بعد إشارات المطار وانت رايح إتجاه الوكره .. تكون يمين وممكن تدخل من أول أو ثاني دخله .. بس تمشي شوي بتشوف لافتتهم على اليمين .. ويبيعون مواد وايد متميزة وكلها جودة.. وسويشات أم كي الإنجليزية متوفره عندهم.

مشكور ما قصرت

[أسير الاسهم]

يا جماعه انا قالوا لي كثير انه اللمبات اللي بترانس (محول) يقولون حاره وقويه

وكثير يقولون ركب اللي بدون ترانس . . تريت . . يقولون زينه ومب حاره

شرايكم ؟؟؟

[q6r143]

من دبي وانت رايح الشارقه عن طريق شارع الوحده اول ما توصل بتحصل لفه على ايدك اليمين مكتوب عليها الصناعيه
اول ما تلف يمين بتشوف محلات كثيره على يمينك و يسارك ( اضاءات - خلاطات - سيراميك)
اختار النوعيات الجيده والموديلات الجديده
وابتعد عن النوعيات الرديئه والله يسهل لك

[أسير الاسهم]

الحين اللي آخذ برايكم التريت والا اللي بترانس ؟؟؟ يقولون الترانس حاااار

[مهره]

وانا اقول الدرويش وين نقل

[كبير المتداولين]

كلهم نفس الشي ولاكن الي بالترانس اقل كلفه لانه قلما يخترب فعند اخترابه يتم تبديل اللمبه فقط تصير التكلفه اقل ولاكن بدون ترانس يتم تبديل اللمبه وسعرها سعر الترانس مع اللمبه

انا ركبت كل البيت ترانس وجربت بدون ترانس كلهم يختربون وبدلت الوايرات حسب نصايح الاخوان وهم يختربون

كل النوعيان الموجوده بالسوق سيئه


وموفق ان شاء الله

[معماري قطري]

الحين اللي آخذ برايكم التريت والا اللي بترانس ؟؟؟ يقولون الترانس حاااار

صج السبوتات شوي حاره .. بس لا تاخذ 50 وات خذ 25 كفاية ووزعهم زين وركب محول يتناسب معاهم .. عندي في الصالة يومياً نولعهم لهم حول 8 سنين ألحين شغالين .. خذتهم من الصالحية اللي في دبي وهنيه بعد فيه بس قبل فيه الفريم أسباني والقطع داخل ألماني والترانسفورمر ألماني.

إذا تبي ألماني فيه عند الدرويش غالي شوي وفيه نوعية واحد لثلاث ليتات.

[معماري قطري]

وانا اقول الدرويش وين نقل

الدرويش إخت مهره توزع عقب ما راحوا الطيبين الله يرحمهم .. وبعض الوكالات أما انباعت أو تكنسلت .. قبل كل شيء في مكان واحد ألحين لهم مكان لبيع معدات البناء في طريق سلوى ولازم اللي بيروح يودي معاه مترجم هندي معاملتهم خايسه للقطري اللي ما يهز راسه .. وعندهم محل الإلكترونيات اللي ورا تقاطع المطار.