السور الخارجي

[بو راشد 1]

مواصفات السور الخارج في العقد مع المقاول هى ارتفاع 3 متر من الداخل, المهندس يقول من الشارع بيكون اعلى.
السؤال: عندي غرفه السائق ملاصقه بالسور الخارجي من الجهه الاماميه، و ودي ارفع السور شويه بعد, عشان يغطي بروز سقف الغرفه‘ فيكون اللي في الخارج ما يعرف ان في غرفه سائق خلف السور (و بتكون واجهه الفيلا احلى - حسب اعتقادي).
من خبرتكم ما هو ارتفاع السور المناسب، وهل اذا وصل الارتفاع الى 3.5 متر بيكون مقبول. علما بان مساحه الارض هي 1000 متر, و ارتفاع مبنى الفيلا عالي بسبب وجود بيسمنت (قبو). و شكرا لمروركم .... :)

[شموخ دائم]

,

,


مرحبا


الله يعطيك العافيه

اول ما قريت الموضوع فكرتك مسوي غرفه السائق بدون رخصه
وتبي تخبيها
:)

ان بعض الظن اثم

الارتفاع الطبيعي للسور هو بحدود 230 سم
و في السنوات الاخيره صار السور يوصل الى 3 متر
لان صار يرفعون الفيلا كثير
فصار في نسبه وتناسب مع ارفاع الفيلا

الارتفاع 3 ونص انا اشوفه عالي اكثر من اللازم
وخاصه اذا وضع الارض لها اكثر من منسوب
من ناحيه بيظهر السور كثير عالي
وكانه سور قلعه
:)
وممكن يخرب على الشكل العام للفيلا او يخفي جمالها
بالنسبه للي يمر جنب البيت بالشارع
ما يشوف الفيلا يشوف فقط الاسوار

ما نقدر نحكم الان بالتصور
لازم حد يشوف الفيلا على الطبيعه ويقولك الراي المناسب

ولاتنسى ان ارتفاع السور 3 ونص
يحتاج الحيط تعزيز بالاعمده او صب خرسانه بعد ارتفاع 230 يسون جسر
انا اقول يمكن مو شرط هذا كلامي صحيح
شوف الاستشاري شنو يقول بهذا الخصوص

,

,


اخوك


شموخ دائم

[بو راشد 1]

,

,


مرحبا


الله يعطيك العافيه

اول ما قريت الموضوع فكرتك مسوي غرفه السائق بدون رخصه
وتبي تخبيها
:)

ان بعض الظن اثم

الارتفاع الطبيعي للسور هو بحدود 230 سم
و في السنوات الاخيره صار السور يوصل الى 3 متر
لان صار يرفعون الفيلا كثير
فصار في نسبه وتناسب مع ارفاع الفيلا

الارتفاع 3 ونص انا اشوفه عالي اكثر من اللازم
وخاصه اذا وضع الارض لها اكثر من منسوب
من ناحيه بيظهر السور كثير عالي
وكانه سور قلعه
:)
وممكن يخرب على الشكل العام للفيلا او يخفي جمالها
بالنسبه للي يمر جنب البيت بالشارع
ما يشوف الفيلا يشوف فقط الاسوار

ما نقدر نحكم الان بالتصور
لازم حد يشوف الفيلا على الطبيعه ويقولك الراي المناسب

ولاتنسى ان ارتفاع السور 3 ونص
يحتاج الحيط تعزيز بالاعمده او صب خرسانه بعد ارتفاع 230 يسون جسر
انا اقول يمكن مو شرط هذا كلامي صحيح
شوف الاستشاري شنو يقول بهذا الخصوص

,

,


اخوك


شموخ دائم

جزاك الله خير، ما شاء الله عليك، توقعت انك تكون من السباقين في الرد :nice:

[بن غيث]

3 أمتار أرتفاع ممتاز للفلل الخاصة ..

ويمكن أن تخفي أي بروز لغرفة السائق بعدة طرق أفضل من رفع السور

مثل .. : القرميد الصناعي .. الزراعة ..

ومثل ما ذكر الاخ شموخ .. لو توجد صورة للسور يكون أفضل

[شموخ دائم]

,

,


مرحبا

:)


لو تعزمنا انا وبن غيث على جباتي وكرك مال كتارا
ونشوف البيت راح نفيدك
ولو كنافه بعد وتركش كوفي الواحد يكون عنده طاقه يجتهد اكثر
ههههه

,

,


اخوك

شموخ دائم

[بو راشد 1]

:nice:حاظرين للطيبين

[بن غيث]

,

,


مرحبا

:)


لو تعزمنا انا وبن غيث على جباتي وكرك مال كتارا
ونشوف البيت راح نفيدك
ولو كنافه بعد وتركش كوفي الواحد يكون عنده طاقه يجتهد اكثر
ههههه

,

,


اخوك

شموخ دائم

:telephone: مطعم بيروت

[حياة]

انا سور بيتي ماشاء الله مرتفع والفيلا ايضا مرتفعه
ومعطي البيت منظر جميل جدا

[بو راشد 1]

انا سور بيتي ماشاء الله مرتفع والفيلا ايضا مرتفعه
ومعطي البيت منظر جميل جدا

أختي حياة، كم ارتفاع السور عندك؟

[معماري قطري]

السلام عليكم

انا إرتفاع سور بيتي بين المترين و80 والثلاثة أمتار تقريباً، بس ضفت من الخلف إرتفاع حول متر ونص وإستوى المكان مستور واستوت عندي حديقة صغيرة مريحة للباركيو والجلوس في الحوش .. يعني وصل السور إرتفاع يزيد عن 4 متر .. يمكن من الخارج يوصل أكثر من 5 متر بسبب دفان الأرضية داخل.

بخصوص جزئية إن الطابوق ما يتحمل إرتفاع كبير اللي متشكك منها الأخ شموخ دائم انا أُؤَكد بأن غالبية المهندسين عندهم مبالغة كبيرة في التصميم، وإستوى عندهم خوف من المغامرة وصف الطابوق لإرتفاعات عالية، واللي الواحد المفروض يخاف منه هو الشلوخ الحرارية بسبب تمدد وانكماش الحايط الطويل، وذلك إذا ما فيه فواصل تمدد كل 5 أو 6 متر لإرتفاع 3 متر، واللي يبني وخلص بنيان السور الخارجي والمقاول طنش لهذي الفواصل أو الإستشاري المحترم ما حطها في الخرايط ممكن يسويها أي وقت، قبل دوران السنة وتغير درجات الحرارة وبدء نشوء الشلوخ الحرارية اللي تزيد سنة بعد سنة، وهي تنعمل بالغرايندر وبقص الطابوق بالطول من فوق لتحت وعمل فراغ 2 سم وملء هذا الفراغ بالماستك المطاط، وإذا البناء حسب المواصفات القطرية واللي هو فرضياً مفروض وواجب ولو ما ذكر في العقد فمن واجب المقاول عمل هذي الفواصل بدون مقابل إن نسى عملها في البداية.

أخ بو راشد خل المقاول يسوي اللي في العقد بالضبط بارتفاع 3 متر من داخل البيت، واتوقع مذكور إرتفاع الدفان في الحوش ومذكورة صريحة جملة الإرتفاع يحسب بعد الدفان، وهذي ثغرة يلعبون فيها الإستشاريين والمقاولين، ونصيحتي في حال الإختلاف خله يخلص شغله وجيب ناس غير يكملون الباقي للإرتفاع اللي تبيه وبحيث يراعون مكان هذي الفواصل ويخلونها ممتدة لنهاية السور فوق، والإرتفاع للسور ممكن يكون مختلف من ثلاث جهات ونازل في جهة مثلاً تبيها تبين للناس، أو تخلي ثلاث جهات نازلة وجهة ارتفاعها أكثر، عادي ما عندك مشكله بس ركز بعد وقت البلاستر فوق يخلونه مايل خفيف جهة الداخل علشان المطر ما يسيل على الواجهة الخارجية ويخرب المنظر.