استفسار عاجل

[qatar-2022]

السلام عليكم عندي استفسار بسيط اللي عندة خلفية يرد علي عندي خدامة فلبينيه سافرت شهرين وردت للدوحة الحين تقول راتبي لازم يكون 1500ريال ان سمعت عن ارتفاع أسعارهم قبل لا تسافر بس كان فيه احتجاج كبير بخصوص ارتفاع رواتب الفلبينيات
وشكرا

[قطريه22]

اذا راحت وردت نفس راتبها واذا بتزيد برضاك مب احباري

الزياده كانت للي يبون يجون جداد

اكيد هي كانت مخططه انها تسافر واذا ارجعت تطلب زياده

ماعليك منها قولها مافي ولاتبينون لها انكم تبونها

وشوفها بتغير رايها

[عقرب]

قولها تبين راتبج القديم ولا تقصين تذكرة على حسابج وتردين بلادج أختاري بين الأثنين لا ثالث لهما :)

[كازانوفا]

على حسب ما اعرف للجداد فقط واذا حبيت تزيدها من نفسك هاي شي راجعلك

[qatar-2022]

الله يعطيك العافية

[بن غيث]

كم سنه صار لها عندك .. وهل مدة العقد سنتين قابلة للتجديد .. تأكد الاول

[نبيلوو]

السلام عليكم ورحمة الله وبركاته
اخوية اذا هي تستاهل زدلها الراتب لاانه 1500 ما تسوي شي هالايام

[qatar-2022]

هلا اخوي ابن غيث كانت عندي سنتين وراحت وزدها وعقب قعدت سنتين وسافرت من شهرين وردت والحين تقول هذا قانون لازم ظ،ظ¥ظ*ظ*ريال

[qatar-2022]

يعطيكم العافية جميعا على ردود كم

[بن غيث]

مثل ما أذكرولك الشباب .. أذا تستاهل عطها 1500 .. لان يطبق عليها القرار الجديد

لكن فهمها .. أنه بمزاجك .. مب مغصوب أنك تزيدها ..لانها ممتازة في الشغل وتستاهل .....

[ام السعف]

يعطيكم العافية جميعا على ردود كم

قانونيا اعتقد راتب الفلبينية 1500 ريال
بس يصير تلاعب في المكاتب ولحاجة الخادمة تطلب يكون راتبها
200 دولار فقط ...> اعتقد انه 200 دولار ،،

فأنت شوف اذا تستاهل زيدها احسن لك من انك تتكفل مصاريف
احضار خادمة ثانية ،،

[بو راشد 1]

كم راتبها القديم, اذا كان الف مثلا, زيدها 100 او 200 ريال لكن مب 50%

[CH Engineer]

اذا راتب الفلبينيات 1500 عطها حقها 1500 ريال ولا خلها تروح وجيب غيرها براتب اقل
لاتنسى 10000 المكتب راتب 7 شهور


في واحد فالمنتدى كاتب لك طريقة تجيب فيها الخدامه تكلفك التذكره والتاشيره
بالتوفيق

[بقايا صوت !!]

الله يعينا على الخدم !

[qrt_trading]

أخوي الشغاله قبل ما تسافر وديتها السفاره الفلبينيه وجابت لك أوراق أتوقعها انت وهي واتعبي فيها بياناتك؟

[التيما]

ها لقرار على الجديده لكن القديمة لا .. هذا أنا جبت مدبرة للبيت قبل القرار بشهرين وما زدتها .. ولو بنفذ هذا لقانون لازم تكون فل ابشن متعلمة وجاهزه .. مب تعل قلبي لين اعلمها ..

[qrt_trading]

ياخوي أنا شغالتي راح اتسافر بعد كم يوم وقبل ما تسافر لازم وضروري اتروح السفاره الفلبينيه أتوقع عقد هناك ولازم كفيلها يوقع معاها العقد ولا ما يخلونها في المطار هناك تركب الطيارة فلازم قبلها اتراويهم العقد وأنها اموقعته وكفيلها كذلك ولا أنسى شغالتي ترجع.

من بنود العقد أن الراتب 400 دولار وان الشغاله بعد كل 8 ساعات لازم ترتاح وتأخذ بريك وغير أن الشغاله لها يوم في الأسبوع أجازه........ الخ.

أنا زوجي وقع لكن قبل التوقيع فهمنا الشغاله أن رابها راح يزيد أن شاء الله بعد ما ترجع بس مش أكثر من 1000 ريال وتنسى موضوع الإجازة الأسبوعية ماعندنا شغالات يهيتون في الشوارع والله أشوفها وافقت وقعدت تضحك على بند الإجازة وقعدت أتقول لي يعني وين أنا باروح ما عندي مكان اروحه، وأنا ما أقول أنها ما تستحق أجازه هي بشر وتستحق بس اجازتها في البيت لا تطلع ولا شي واذا بغت تطلع أتكون معانا مش ابروحها.

[بصمة قطرية]

السلام عليكم عندي استفسار بسيط اللي عندة خلفية يرد علي عندي خدامة فلبينيه سافرت شهرين وردت للدوحة الحين تقول راتبي لازم يكون 1500ريال ان سمعت عن ارتفاع أسعارهم قبل لا تسافر بس كان فيه احتجاج كبير بخصوص ارتفاع رواتب الفلبينيات
وشكرا

ما لها غير الراتب القديم ..
إذا الدولة رفضت تزيدهم
و المكاتب رفضت ..
بتزيدها من كيفك 100 -200 انت حر ..
قول لها لو رحتي ما راح تدخلين البلاد
خلها تعرف إن الفلبينيات خلاص وقفوهم ..

[بصمة قطرية]

ها لقرار على الجديده لكن القديمة لا .. هذا أنا جبت مدبرة للبيت قبل القرار بشهرين وما زدتها .. ولو بنفذ هذا لقانون لازم تكون فل ابشن متعلمة وجاهزه .. مب تعل قلبي لين اعلمها ..

خدامة اختي فلبينية وصلت اليوم
على الراتب القديم
قبلها كانت مختارة خدامة قبل موعد وصولها بإسبوع
بلغونا المكتب إنهم ألغوا الطلب لأنها تبي الراتب الجديد
و المكتب ما يجيب الا على الراتب القديم
مافي شي اسمه جديدة وتاخذ راتب جديد
خلاص وقفوهم
بس اللي مقدم راح يجيب على الراتب القديم ،،

[شميرام]

قولها تبين راتبج القديم ولا تقصين تذكرة على حسابج وتردين بلادج أختاري بين الأثنين لا ثالث لهما :)

وضيفي ان مافي فيزا فلبنيات عشان تعرف ان في صعوبات

على حسب عقدها الأولي مع المكتب وإذا هي رجعت يعني موافقه ضمنيه للعقد اذا بتزدينها لازم عقد جديد

خيرها بين المبلغ القديم وتذكرة السفر

[أبورودي]

المشكله انكلما رحت السفاره تجددلها العقد وقعت علىراتب 400 دولار
وهنا العقد شريعة المتعاقدين