بيع السياره على الوكاله .. ودفع الفرق للجديده .؟؟

[أسير الاسهم]

السلام عليكم

يالربع اللي يبـي يرد الموتر الوكاله ويدفع الفرق ويآخذ جديد ؟؟ كيف الطريقة .؟.؟

وكيف تقييم الوكاله للسياره .؟ هل هو مناسب او غير منصف ؟

اللي عنده تجارب عن هالامور يفيدنا :nice:

[برويقن]

وعليكم السلام

كان عندي نيسان وقيمته الشركة قسم السيارات المستعمله ب 105 الف ريال نفس اسعار معارض سلوى

ودفعت الفرقيه وخذت موتر جديد .. الطريقة مريحه نوعا ما ... تفتك من المعارض والروحه والجيه

وبفحصون الموتر في الشركة في الصناعية

[VX.R]

فعلاً ، يا ليت احد يفيدنا..

خاصه اللي عنده خبره التعامل مع قسم السيارات المستعملة لشركة عبدالغني " لاندكروزر"..

[qatari 111]

الموضوع بسيط
يقيمون سيارتك بعد الفحص ويعطونك اورقة بتقييم سيارتك وتروح قسم السيارات الجديد ويسون لك خصم من قيمة تقييم سعر سيارتك
وبس

[وطن]

أنا جربت تقييم المرسيدس
يقطون من سعر السيارة وايد
الأحسن تبيعها بره وبعدين تاخذ اللي تبي من عندهم

و سمعت ان بعد تقييم البي ام يقطون وايد من سعر السيارة

[بـويوسف]

على حسب السعر اذا مناسب او لا

اخبر موضوع واحد من الشباب

باع موتره ع الوكالة ب95

وثاني يوم الموتر واقف في معرض ب160 الف


المفروض تقييم موترك في اكثر من معرض وعقب تروح الوكالة

[Rider]

التويوتا ينزلون سعر الموتر واجد بس حتى المناعي يعني تبيع برى ابرك لكن شنو الموتر الي عندك يمكن نشتري

[fantasy]

العيب في قطر ماياخذون المستورد سألت تويوتا يقبلون تندرا مالت عليهم قالوا لا مع اني باخذ موتر من عندهم لكن غباء و شبعانين

[وبشرالصابرين]

أكثر الوكلات يعطون اقل من المعارض

تبيع في المعرض أحسن بس تأخذ وقت اطول

[أسير الاسهم]

الموتر لكزس 2011 فل .. وابي آخذ 2013 وادفع الفرق

بس مادري هل بيقيمونه لي تقييم عادل والا اخاف يقصون واجد

[ضوى]

انا بعد ابي استفيد من هالموضوع

لكزس 350ار اكس 2008 اظن جذي اسمها ابي اغيرها بالموديل الاحدث

[سمو انسان]

الموتر لكزس 2011 فل .. وابي آخذ 2013 وادفع الفرق

بس مادري هل بيقيمونه لي تقييم عادل والا اخاف يقصون واجد

انا مودي لهم مثل موترك اسود كركي بدون صبغ وماتعده ال 30 وعطوني فيه 250 وهالكلام العام