ورق الجدران أو الصبغ

[الحـ قطر ــب]

محتار بين ورق الجدران و الصبغ ( داكور ، فلفت ، شامواه ، الخ ...... )

سعر ورق الجدران المتر على 10 بالكثير والتركيب على 10 المجموع 20 ريال

الصبغ المتر مب اقل من 45 ريال

ياريت تذكرون لي ايجابيات وسلبيات كل نوع مع ترشيح محلات للورق + الصبغ

[MAZEN37]

ورق جدران بعشرين مع التركيب وين هذا
اقل شي حصلته بخمس واربعين
وجوده عاديه
عندك شارع النجمه مليون محل لورق الجدران

[مضارب دوسري]

ورق الجدران بو 10 مايصلح للبيت عن تجارب ناس وايد ياخوي وحتى اللي ينباع ب 30 و 40فيه نصب كبييير للاسف
ان شاء الله الاخوان يفيدونك بمحل عنده ذكه وضمير
واسعاره تحت ال 40
ترى في ناس تعرف الردي من الزين من الملمس
ولكن فيه ناس وايد تعتمد على الشكل بس من دون الجوده
لازم تجمع بين الشكل والجوده عشان ما تعاني من مشاكل خصوصا لبيت العمر

[dream~qa]

أفضل الدمج بين الصبغ وورق الجدران !



ورق الجدران إللي على عشرين هذا وين ؟؟؟؟

[الحـ قطر ــب]

التركيب 10 ريال
والرول فيه 16 متر بـ 60 ريال ف دبي

[زمان]

ورق الجدران الوانه حلوه ومتعدد المناظر

لكن مشكلة انه ممكن يخترب بسرعه :eek5:

الصبغ افضل واطول عمراً

عندك مثلاً ممكن تصبغ الغرفة وتركب عليها ورق جدران في جهه وحده بس مثل خلفية سرير أو خلفية صالة فيها تلفزيون وكذا يعني :nice:

موفق

[معماري قطري]

التركيب 10 ريال
والرول فيه 16 متر بـ 60 ريال ف دبي

سعر عجيب ذيه طلع لي سعر المتر 3.75 ريال للورق، بس مواصفات الورق تحصلها موجودة على الكتلوج وفيه نوعيات ضد الحريق أو ما تحترق بسهولة يعني، ونوعيات مصنعة بمواد كيماوية سامة خصوصاً الصناعة الصينية الرخيصة، ودبي مشكلتهم يجيبون كل شيء من الصين الرديء جداً والجيد جداً والدرجات اللي بينهم ولا يهتمون للمواصفات المهم يسوقون وبس.

ركبت ورق عن طريق رافكو وما شاء الله له 8 سنين صامد وزين ومرتاح منه، وركبت ورق من سنتين تقريباً لغرفة ولصالة ولمكتب والحمد لله للحين كشكل وكسهولة في التركيب بدون أذية الصبغ ممتاز.

شفت ورق من أيام بنقوشات حلوه وبارزه بس النقوشات كلها بيضا سادة، وهذا ورق خاص بخليط فايبر ومواد قوية وبعد التركيب ينصبغ فوقه بألوان خاصة ويعطي تشكيلة ثلاثية الأبعاد بالبروز اللي فيه وشكل حلو .. موجود عند العمودي اللي قرب الساعة الأرضية.

بعض الورق بعد فيه مشكلة يتغير لونه ويمتص الروائح والغبار خصوصاً الشمواه، وبالتوفيق للكل في إختيار الجيد خصوصاً في أيام الغش هذي.

[مضارب دوسري]

ورق الجدران الوانه حلوه ومتعدد المناظر

لكن مشكلة انه ممكن يخترب بسرعه :eek5:

الصبغ افضل واطول عمراً

عندك مثلاً ممكن تصبغ الغرفة وتركب عليها ورق جدران في جهه وحده بس مثل خلفية سرير أو خلفية صالة فيها تلفزيون وكذا يعني :nice:

موفق

بس الصبغ مشكلته ياخوي ان يجبرك يا تاخذ لون ساده من جوتن او انك تتفنن وتسوي ترخيم او تعتيق وغيره وفي الحالتين تستانس عالصبغ اسبوعين ولا ثلاثه عقب تحس ان المكان كئيب عكس ورق الجدران خصوصا اذا كان لونه سكري وعليه نقشات بسيطه تعطي المكان رونق فتره طويله