خادمة تضرب طفلا بزجاجة في مدرسته

[غزلان]

http://www.al-sharq.com/NewsImages//2013/3/12/336182df-e609-4eb0-874a-e4d702f2e463.jpg



حسن علي- بوابة الشرق

لم تكن الأم تعلم بأن ابنها الذي تنتظر قدومه من المدرسة، سوف تذهب هي إليه في طوارئ مستشفى حمد للاطئنان عليه، بعد أن تلقى ضربة على رأسه بعبوة زجاجية من خادمة كانت ترافق أحد أقرانه بالمدرسة، الأمر الذي أدى إلى إصابته بجروح بليغة في رأسه ونزيف حاد.

وقالت الأم لـ "بوابة الشرق" أن طفلها الذي هو في السادسة من عمره وفي الصف الأول الابتدائي كان يلعب مع طفل آخر في المدرسة وعندما ترك اللعب مع هذا الطفل لحقته الخادمة وأخرجت من حقيبتها عبوة زجاجية وضربته على رأسه، الأمر الذي أدى إلى إصابته بذعر شديد، ولاسيما بعد أن شاهد الدماء تسيل من رأسه، وأخذ يصرخ إلى أن تم إسعافه ونقله إلى الطوارئ.

وأشارت الأم إلى أن الخادمة قد تم تحويلها إلى النيابة العامة لاتخاذ الإجراءات اللازمة ضدها بعد أن ارتكبت هذه الجريمة بحق طفل أثناء دوامه المدرسي.

وأبدت الأم استغرابها لتواجد الخدم المرافقين للطلاب بالمدارس دون أن تمنع إدارة المدرسة دخولهن إلى المدرسة إلى جانب تقصير المدرسة في مراقبة الطلاب والحفاظ عليهم أثناء تواجدهم بالمدرسة .

[البحار00]

حسبي الله على هالخدم

الله يفكنا من شرهم

[بنت مريخ]

حسبي الله عليها

[أخت الكل]

كسر يد ان شاء الله

هذي انسانه ينخاف منها ردت فعلها غير طبيعية خصوصا ان الطفل عمره 6 سنوات

[لولو2022]

هذي عندنا في قطر ولا وين

[حياة]

الله ينتقم منها ان شاء الله

[التيما]

الإهمال الأول تتحمله المدرسة لانها تسمح للخادمات بالدخول والتجمع في ساحة المدرسة .. والخادمة عسا يدها الكسر الحيوانة ..

[غير البشر]

الإهمال الأول تتحمله المدرسة لانها تسمح للخادمات بالدخول والتجمع في ساحة المدرسة .. والخادمة عسا يدها الكسر الحيوانة ..


http://www.qatarshares.com/vb/showthread.php?t=241372

[غير البشر]

لاحول ولاقوه الابالله
جعل يدها القص ان شاء الله
اتمنى ياخذون حق هالطفل المسكين بأقصى عقوبه

ولو اني متأكد تنسجن كم يوم واحتمال ضعيف تتسفر وانتهى الموضوع

[Locale]

مافهمت هذي شغالة منو ؟؟
وليش اضربته ؟؟

[شميرام]

مافهمت هذي شغالة منو ؟؟
وليش اضربته ؟؟

ليش ضربت مادري هي مب خدامة الولد اللي ضربته

[بصمة قطرية]

اللي عرفته
هي خدامة طفل ثاني كان يلعب مع هالولد
و ضربت الولد

[الصغيره]

مجرمه وطبعا بيقولون عندها مرض نفسي وبتطلع مثل الشعره من العجين

حسبي الله عليها

[ودي أكون]

الله سلمه الحمدالله

اللي اعرفه ان ممنوع اي ادوات او علب زجاجيه تدخل المدرسه ..! .. هذا اولاً

وبالنسبه للخدامة يمكن ادخلت على نهاية الدوام المدرسي عشان تاخذ اليهال وصار اللي صار .. يعل يدها القص حسبي الله ونعم الوكيل عليها .. هاي رقم تو

اما رقم ثري .. اعتقد ان الخادمة كانت اتعاني من ضغط وكبت من بيت الكفيل .. فبعض الخدم من شدة الضغط مغصوبين يتحملون اسرة الكفيل ومايحبون اي ناس ثانيين .. فيوم مثلاً شافت الولد يتشيطن معاها او مع ابناء كفيلتها ماشافت نفسها الا وهي تفلع الولد كنوع من التنفيس عما بداخلها والله المستعان ..
فالسالفه هي اما ضغط شديد بداخلها .. او العكس حب شديد لابناء مخدومتها خلاها ادافع بهالصورة العدوانية ..


والله اعلم

[moonبنتnight]

عور قلبي 00 الله يحفظه حق أهله 00
الخدامة بره البيت وهشكل عيل داخل البيت ايش بتسوي فيه 00

[خــالــد]

http://www.al-sharq.com/newsimages//2013/3/12/336182df-e609-4eb0-874a-e4d702f2e463.jpg









والله فقعت راسة صح الله يستر لا يكون الولد صادة ارتجاج في المخ

[basma222]

حسبي الله ونعم الوكيل فيها
يعل يدها الكسر

[قطريه22]

حسبي الله عليها


ماعتقد بيخلونها تسافر بسهوله في قوانين عندنا الحمدلله قبل ليسفرونها بيسطرونها تسطر في الابعاد

[NINA RICCI]

حسبي الله عليهاااا

[قطريه ماركه]

حسبي الله عليهاااا

مب صاحية !!!

[حمد بن خالد]

القضية صارت الساعة ثمان الصبح

انا كنت موجود مودي ولدي المدرسة والاسعاف وصل بعد ماوصلت والناس معتفسه

والولد الله يحفظه ويشفيه ولد اخو واحد من الربع


الله المستعان

[قطريه22]

القضية صارت الساعة ثمان الصبح

انا كنت موجود مودي ولدي المدرسة والاسعاف وصل بعد ماوصلت والناس معتفسه

والولد الله يحفظه ويشفيه ولد اخو واحد من الربع


الله المستعان



اخوي حمد انشالله الولد بخير ؟؟

[R 7 A L]

يالله هذا الى بناخذة من الاجانب
زوداً على ضررهم داخل الاسرة صار الضرر خارج الاسرة

حسبي الله عليها

[تحداني]

لا حول ولا قوه الا بالله
لو كانت يدامي وسوت في ولدي هالشي
بروح فيها مؤبد ويمكن اعدام

[راشد محمد]

لا حول ولا قوه الا بالله
مفروض الخدم ما يدخلون داخل المدرسة

[حسن]

لا حول ولا قوه الا بالله
لو كانت يدامي وسوت في ولدي هالشي
بروح فيها مؤبد ويمكن اعدام

تحملي تتهورين

كلها كم غرزه واموره في التمام

يقول ابوبكر انا سبب نفسي بنفسي جبت صبعي صوب عيني

الصراحه منظر الخادمات في المدارس شي مقزز
مره مديره مدرسه بنتي طردتهم برع

الصراحه تقول تجاج في حظيره من لغوتهم
شي فضيع الكثير من الناس سلموهم كل شي حتى فلذات اكبادنا حسبي الله الله عليهم

مره طلبت من مديره مدرسه بنتي في مجلس الامناء انها تمنع دخول اي خادمه
اللي يبي ياخذ عياليه يجيلهم ويشيلهم
واتمني هذا القرار يصدر من وزير التعليم

للحد من ظاهره الاهمال

من كم يوم شفت ولد طالع بكل جسمه من السياره مع السواق مقدرت اصوره ولا كان نزلتها في موضوع

من اشوف الابهات عند المدارس وهم قله اللي بدريسه والله ببدله عمله ياخذ عياله
افرح كثير واقول لازال هناك في اباء مهتمين بعيالهم

الله المستعان

[تحداني]

تحملي تتهورين

كلها كم غرزه واموره في التمام

يقول ابوبكر انا سبب نفسي بنفسي جبت صبعي صوب عيني

الصراحه منظر الخادمات في المدارس شي مقزز
مره مديره مدرسه بنتي طردتهم برع

الصراحه تقول تجاج في حظيره من لغوتهم
شي فضيع الكثير من الناس سلموهم كل شي حتى فلذات اكبادنا حسبي الله الله عليهم

مره طلبت من مديره مدرسه بنتي في مجلس الامناء انها تمنع دخول اي خادمه
اللي يبي ياخذ عياليه يجيلهم ويشيلهم
واتمني هذا القرار يصدر من وزير التعليم

للحد من ظاهره الاهمال

من كم يوم شفت ولد طالع بكل جسمه من السياره مع السواق مقدرت اصوره ولا كان نزلتها في موضوع

من اشوف الابهات عند المدارس وهم قله اللي بدريسه والله ببدله عمله ياخذ عياله
افرح كثير واقول لازال هناك في اباء مهتمين بعيالهم

الله المستعان




صح كلها كم غرزه واموره طيبه ان شاء الله .. بس بنفعل لان ولدي وضناي
وتجي هالخدامه تضربه ابهالطريقه وانا الي لايمكن يهون علي اضربه على ايدينه
ما اعرف اسوي كنترول على غضبي .. واخاف بعد فتره ينكسر خاطري على هالخدامه واتوهق انا في هالمؤبد :)


ما ادري شاقول لك عن السواقين وتوصيله الاعيال
بس الوالد في البيت قايم ابهالدور من سنوات الله يعطيه طول العمر
مع العلم كبر بالعمر اشوي بس للحين يوصل عمور المدرسه ويجيبه


الله يخلي لك اعيالك يارب ويقر عينك فيهم ولا تتأخر عليهم لما يرن جرس المدرسه
ما عندهم صبر يردون البيت

[Rider]

ليش زعلانيين فازعه حق ولد معزبتها مادام الام مستعجله تبغي تلحق على الشغل والعيال لهم الخادمات

[العقل المدمر]

ليش زعلانيين فازعه حق ولد معزبتها مادام الام مستعجله تبغي تلحق على الشغل والعيال لهم الخادمات


وانت ما زعلت على الولد ؟ :(

[مهره]

تعالو اكاديميه الجزيرة وشوفو المهزله الي تصير عند الخدم السواقين مع الخدامات وتبادل ارقام وبيع وشرا ولا تجمع ناشيونال واليهال خبر كان وهي الخدامه طق سوالف ولا مب فاضيه تبيع موبيلات ولا رصيد ولا تبيع ساعات ومكياج واذا مع السواقين اللهم ياكافي حدث ولا حرج خلاص عيني عينك لمغازل
اللهم لا شماته

[Rider]

وانت ما زعلت على الولد ؟ :(

مب سالفة اني ازعل على الولد اكيد شي محزن انا اتكلم عن الاهمال الي من الامهات عيالهم كل من الخدم

[غزلان]

شي مؤسف ان لاتضع قوانين صارمه لكل مؤسسه تتناسب مع مافيها

كيف مسموح للخدم الدخول لمكان فيه اطفال لاحول لهم مؤمنيين اهلهم عليهم ودافعين مبالغ
بس يعرفون ياخذون مبالغ خياليه والأمن ومسؤوليه الأطفال والحفاظ عليها الله بالخير

اليوم خدامه وبكره حرامي :(

[غزلان]

http://www.al-sharq.com/NewsImages//2013/3/13/dcecdf03-9ee5-4143-800e-0442ec7daa51.jpg

حسن علي ـ بوابة الشرق

أكدت والدة الطفل فيصل ناصر المعاضيد الذي تعرض لحادثة الضرب على رأسه بزجاجة، على يد خادمة بإحدى المدارس الخاصة، يوم أمس الُثلاثاء، أنه أجريت له عملية خياطة للجرح، نظرا لأنه جرح عميق أحدث شق كبير في رأسه، مشيرة إلى أن الطفل باشر، صباح اليوم، فحوصات واسعة لمعرفة مدى تأثير الضربة على دماغه.

وقالت أم فيصل في تصريح خاص لـ "بوابة الشرق" أن المجلس الأعلى للتعليم اتصل بوالد الطفل، وأكدوا خلال الاتصال أن المجلس سوف يتخذ الإجراءات اللازمة بحق المدرسة، نظرا لوقوع هذه الحادثة للطفل أثناء تواجده في المدرسة.

وأشارت الأم إلى أن تجمعات الخادمات مازالت مستمرة في هذه المدرسة، حيث هناك العشرات من الخادمات الآتي ينتظرن الطلاب في ساحة المدرسة أثناء حضور الطلاب إلى المدرسة في الصباح حتى دخولهم إلى الصفوف ثم تعاودن الانتظار وقت الانصراف حيث تتجمع العشرات منهن ليحين خروج الطلاب بعد انتهاء الدوام المدرسي مطالبة المدرسة بمنع دخول الخادمات من بوابة المدرسة أثناء الدوام المدرسي.

[ودي أكون]

ماشاءالله حليوو الولد

حسبي الله عالعماله اللي جي ..

[غزلان]

ماشاءالله حليوو الولد

حسبي الله عالعماله اللي جي ..


الله حفظه ما اثرت الضربه اكثر زين ماجات بعيونه حسبي الله عليها

[شميرام]

الله سلمه الحمدالله

اللي اعرفه ان ممنوع اي ادوات او علب زجاجيه تدخل المدرسه ..! .. هذا اولاً

وبالنسبه للخدامة يمكن ادخلت على نهاية الدوام المدرسي عشان تاخذ اليهال وصار اللي صار .. يعل يدها القص حسبي الله ونعم الوكيل عليها .. هاي رقم تو

اما رقم ثري .. اعتقد ان الخادمة كانت اتعاني من ضغط وكبت من بيت الكفيل .. فبعض الخدم من شدة الضغط مغصوبين يتحملون اسرة الكفيل ومايحبون اي ناس ثانيين .. فيوم مثلاً شافت الولد يتشيطن معاها او مع ابناء كفيلتها ماشافت نفسها الا وهي تفلع الولد كنوع من التنفيس عما بداخلها والله المستعان ..
فالسالفه هي اما ضغط شديد بداخلها .. او العكس حب شديد لابناء مخدومتها خلاها ادافع بهالصورة العدوانية ..


والله اعلم

مب شرط في ضغوط أكي اللي ذبحت تالا شهري تمدح معزبينها ومعزبينها يمدحونها

وذي الخبله لو تعرضت لضغوط تضرب ول الناس ليش جان ضربت ولد معزبينها اذا مضايقينها!!!!
لين متى بنتعذر لهم إثيوبيات مجرمين أندونيسيات مب صاحين

[امـ حمد]

حسبي الله عليها هل الخادمه
الله ينتقم منها تضرب الطفل بدون سبب

[نوار قطر]

الصراحه شي يعووور القلب ويحز في الخاطر ،، الحين الام شيسوى عليها يوم همّلت ولدها مع الخدامه ،،، شيسوى عليها ان ولدها يصير فيه جذي ،،، ليش تعمتد على الخدامه في كل صغيره وكبيره ،،، شبيصير في كل ام لو طلعت وراحت تاخذ عيالها من المدرسه واذا مب هي الابو ،، بس ابدا اليهال مايتهملون مع الخدامه ،، لانها ماراح تستحملهم مثل ابوهم وامهم ،، مهما كان الشغل الي عنده تهده وتطلع والله الشغل مب اهم من عيالهااا،،، بعد عندها ظروف لا حول ولا قوه بس لازم يكون فيه من يسد مكانها ،،،، ومب الخدامه الي تسد مكان الام ،،

[نورهان88]

حسبي الله عليها ونعم الوكيل

للزوم يأخذون حق هالطفل المسكين

[ام السعف]

الإهمال الأول تتحمله المدرسة لانها تسمح للخادمات بالدخول والتجمع في ساحة المدرسة .. والخادمة عسا يدها الكسر الحيوانة ..

مافي قرار يمنع تواجد الخادمات دخول المدرسة
صاروا اهم من الكتب المدرسية :shy:

[مشـــــاعر]

حسبي الله عليها يعل إيدينها القص إن شاء الله


والله هالمدارررس مشاكلهم ماتخلص
كل موسم (حادثة) غيررر عن اللي قبلها

الله يرحم عيالنا وبناتنا من هالمصايب والكوارث