[][][] كيـف تخاوي ابنـكـ او تجذبين بنتـكـ [][][]

[شبح الصمت]

’’
,,
’’
،،

السلام عليكم ورحمة الله وبركاته ’,’’,,,’’’

الموضوع اليوم مهم لي ولكم وللكثيــر من أفراد المجتمع رجالاً ونساءً


كيف ( أخاوي ولدي )

كيف ( تجذبين بنتـكـ )


الأب ( ومخاوات أبنـكـ )
الدراسات تدل على أنه الأنسان الذي يتقرب من أبنه فيه رآح تستمر علاقته فيه ورآح يكون له عوناً في الكبر كما كان والده له عوناً في الصغر .. !!! لأن والده أستطاع أن يحببه فيه وقدر يوصل لعقل هذا الطفل وعرف أشلون يخليه يميل لطبعه ,,,’’’ طبعا يخاويه في مجلساً فيه الذكر الطيب وإلا يخاويه في مجلسا ً( الله يبعد عنا وعنكم ) النميه والكلام البذئي ،، يعلمه حفظ كتاب الله .. يعلمه الاعتماد على نفسه وطاعة والدينه .

وكذلك الأم ( كيف تجذبين بنتـكـ )
البنت في مرحلتها من الصغــر تتعلم بسرعه وتكون أسرع فهما من الولد وكلنا نلاحظ بس مش الكل .. فالبنت بسميها ( قنبله ) لانها في أي وقت مستعد تنفجر أمام الأهل أو من وراهم .. فكيف تحافظين على ابنتـكـ وكيف تستطيعين انه تجعليها رفيقتك في كل مكان وصديقتك فالبنت بحاجه إلى أم تراها بعين الطفله وبعين المرأة الناضجه وبعين الثقة .. وتشاهد بعينها الثانية والدها الذي رباها على الاحترام .. الخ ..


الموضوع للنقاش واعذروني فانا اخرجت ما لدي وفي بعض الاوقات اعجز عن التعبـير وعن الرد .. ولكني اترك الموضوع لكم ..

واتمنى كل عضو أو عضوه تقولون لنا كيف نستطيع مخاوات ابنائنا وعن تجارب وهل فاد الامر معهم .. أم نلجأ إلى اناس ذو اختصاص تربوي .. !!



الله يحفظ ابنائكم وبناتكم ويفرحكم فيهم ..

اللهم آمين

[قطريه22]

لين الحين ماتزوجت وماعندي خبره بهالشي


بس اتوقع مخاواة الابن او الابنه تكون بالتقرب منهم تعليمهم الصح والغلط من وهم صغار وبنفس الوقت الاب والام يكونون قراب من اعيالهم ومتفاهمين معاهم ويخلون اعيالهم يعرفون انهم ماراح يرضون بالغلط والشخصيه تكون قويه ومتفهمه في نفس الوقت عشان يهابونهم..

[شبح الصمت]

لين الحين ماتزوجت وماعندي خبره بهالشي


بس اتوقع مخاواة الابن او الابنه تكون بالتقرب منهم تعليمهم الصح والغلط من وهم صغار وبنفس الوقت الاب والام يكونون قراب من اعيالهم ومتفاهمين معاهم ويخلون اعيالهم يعرفون انهم ماراح يرضون بالغلط والشخصيه تكون قويه ومتفهمه في نفس الوقت عشان يهابونهم..




مب شرط ما تزوجتي
الله يرزقك

بس هل لاحظتي هالشيء في دائرة اسرتك او دائرة اسرة قريبه منكم وهل وجدتي الشيء مفيد أو انه عكسي !!

لك حرية الرد او عدم الرد اختي

[قطريه22]

مب شرط ما تزوجتي
الله يرزقك

بس هل لاحظتي هالشيء في دائرة اسرتك او دائرة اسرة قريبه منكم وهل وجدتي الشيء مفيد أو انه عكسي !!

لك حرية الرد او عدم الرد اختي



الحل ان الابوين يكونون من البدايه قراب من عيالهم ويحاولون يعرفون عقليتهم وطريقة تفكريهم

ومثل ماكتبت لك في ردي فوق

[تحداني]

لما الاب والأم يتعاملون مع اخطاء اعيالهم بصدر رحب وتقديم النصيحه لهم بالمثل
هنا تنشال حواجز كثيره اولها الخوف وثانيهم الخجل ..
ولما الوالدين يشاركون اعيالهم في النقاش والقرارات .
. تنزرع الثقه ابداخلهم ويتقربون منهم اكثر

اعترف ان الوالده صديقتي .. والوالد كذلك ..
ومعاهم تصغر المشاكل حتى لو كانت كبيره


جملكم الله برضاه

[بوحمد111]

اخوي شبح الصمت

يعطيك العافيه على هذا الموضوع وانا اعتبره من المواضيع الهامه في وقتنا الحاضر والي نشوف فيه بعض الابناء او البنات يكونون فيه بعاد عن والديهم والاسباب عدم وجود الثقه والصراحه بينهم

وعن محيط عائلتي ولله الحمد انا وابني اصدقاء ودائما ما اجلس معاه ويصارحني بكل ما عنده من اسرار وبعض هذه الاسرار حتى والدته مع تعلم بها لأنها خاصه بالرجال والحمد لله ام حمد متفهمة للموضوع ولا تصر على معرفة اي شي يدور بيني وبين ولدي والعكس صحيح انا ما اتدخل في مواضيع تخص زوجتي وبناتي الا اذا طلب مني وهذه هي التربيه السليمه من وجهة نظري

متابع ان شاء الله افيد واستفيد من اخواني واخواتي

تحياتي

[حسن]

حيالله اخونا الشبح اللي غاب له كم يوم

عساه بخير

شوف ياخوي انا بالنسبه لي لما بنتي فطوم صغيره دائما اكلمها واحبها واشيلها واسولف معها
وكنت اعلمها على الاستئذان والادب والاحترام
والحمدلله كانت تحصل على شهادات كثيره في التميز والاخلاق والهدوء
اما الحين ياخوي كبرت وصارت الام اقرب لها واعتقد هذا امر طبيعي بحكم بني جنسها
لكن لازلت اراقب واسئل عنها يوميا

اما بالنسبه لحمود كبر شوي صار يعاند امه في بعض الامور بحكم الاسلوب اللي محمول بشويه عصبيه
ولما تطلب النجده مني
اقوله يبى محمد قوم راجع يقولي انشاء الله يايبا
هناك فن في التعامل من الصغر الصراخ والعصبيه والقسوه تؤدي الى نتائج عكسيه

زراعه الثقه من الصغر ومراقبتها فيهم كشجره تنمو مع اعمارهم ومحاوله تقليمها
لتطلع بالشكل المطوب
ونسئل الله الهدايه لهم والتوفيق

خلك مثل مايقول بو عبدو

في عيني اليمني من الورد بستان
وفي عيني اليسرى عجاج السنيني

تحياتي

[بنت قطريههه]

السلام عليكم ورحمه الله الحمد لله أنا دائماً صديقه لبناتي حتى أبناء اختي والجيران يأخذون رائي في معظم ما يخصهم فانا حرمت من حنان الوالدين من الصغر فعوضتها في أولادي فانا كاتمت الأسرار القلب الواسع الذي يستقبل ولا يزعل حتى اكون قريبه منهم في اي لحظه يحتاجو نني

[تحداني]

حيالله اخونا الشبح اللي غاب له كم يوم

عساه بخير

شوف ياخوي انا بالنسبه لي لما بنتي فطوم صغيره دائما اكلمها واحبها واشيلها واسولف معها
وكنت اعلمها على الاستئذان والادب والاحترام
والحمدلله كانت تحصل على شهادات كثيره في التميز والاخلاق والهدوء
اما الحين ياخوي كبرت وصارت الام اقرب لها واعتقد هذا امر طبيعي بحكم بني جنسها
لكن لازلت اراقب واسئل عنها يوميا

اما بالنسبه لحمود كبر شوي صار يعاند امه في بعض الامور بحكم الاسلوب اللي محمول بشويه عصبيه
ولما تطلب النجده مني
اقوله يبى محمد قوم راجع يقولي انشاء الله يايبا
هناك فن في التعامل من الصغر الصراخ والعصبيه والقسوه تؤدي الى نتائج عكسيه

زراعه الثقه من الصغر ومراقبتها فيهم كشجره تنمو مع اعمارهم ومحاوله تقليمها
لتطلع بالشكل المطوب
ونسئل الله الهدايه لهم والتوفيق

خلك مثل مايقول بو عبدو

في عيني اليمني من الورد بستان
وفي عيني اليسرى عجاج السنيني

تحياتي




عجبني هالرد وايد

يعطيك العافيه

[ام السعف]

متى ما حس كل من البنت او الولد انه بحاجة الى امه وابوه في اي مشكلة
يقع فيها ويروح ويكلمهم ،، اهنيه نقدر نقول انهم قدروا يحتون عيالهم ويخاونهم ،،

مب شرط عيالنا يكونون كتاب مفتوح نعرف عنهم كل شي
في الوقت نفسه لازم نشرف عليهم حتى نعرف ما هو مخشوش عنا ،،

وكل هذا ما يتم الا عن طريق التواصل معاهم ،، مرات باللين ومرة بالقوة ،،
لأن في الأخير الابن راح يحاسب هله على سوء تصرفاته ويحملهم
تراخيهم وياه ،،

[شبح الصمت]

لما الاب والأم يتعاملون مع اخطاء اعيالهم بصدر رحب وتقديم النصيحه لهم بالمثل
هنا تنشال حواجز كثيره اولها الخوف وثانيهم الخجل ..
ولما الوالدين يشاركون اعيالهم في النقاش والقرارات .
. تنزرع الثقه ابداخلهم ويتقربون منهم اكثر

اعترف ان الوالده صديقتي .. والوالد كذلك ..
ومعاهم تصغر المشاكل حتى لو كانت كبيره


جملكم الله برضاه


الله يخليهم لكـ ويخلـيكـ لهم ..
شيء طيب انكـ تحسين أمـكـ صديقه لكـ وتفضفين لها كـل شيء وفي نفس الوقت أحس أوقات انه دخلتهم في أموري الشخصية رآح ما يقصرون في الافاده أو في المساعدة ولكن يبقى اني جعلتهم يحاتون ويفكرون فيني اكثر من ما أنا ما فضفضت لهم ..

ومثلكـ قليلون اختي تحدآني
اللهم ادمها من فرحة عليك وعلى الحآضرين



اخوي شبح الصمت

يعطيك العافيه على هذا الموضوع وانا اعتبره من المواضيع الهامه في وقتنا الحاضر والي نشوف فيه بعض الابناء او البنات يكونون فيه بعاد عن والديهم والاسباب عدم وجود الثقه والصراحه بينهم

وعن محيط عائلتي ولله الحمد انا وابني اصدقاء ودائما ما اجلس معاه ويصارحني بكل ما عنده من اسرار وبعض هذه الاسرار حتى والدته مع تعلم بها لأنها خاصه بالرجال والحمد لله ام حمد متفهمة للموضوع ولا تصر على معرفة اي شي يدور بيني وبين ولدي والعكس صحيح انا ما اتدخل في مواضيع تخص زوجتي وبناتي الا اذا طلب مني وهذه هي التربيه السليمه من وجهة نظري

متابع ان شاء الله افيد واستفيد من اخواني واخواتي

تحياتي


الله يخليهم لكـ ويخـليكـ لهم بوحمد

ماشاء الله شيء طيـب التوافق بينك وبين عيالـكـ
مخاوت الولد شيء طيب والبنت كذلك مع امها تحس شيء جميل بينهم قلب واحد ..





حيالله اخونا الشبح اللي غاب له كم يوم

عساه بخير

شوف ياخوي انا بالنسبه لي لما بنتي فطوم صغيره دائما اكلمها واحبها واشيلها واسولف معها
وكنت اعلمها على الاستئذان والادب والاحترام
والحمدلله كانت تحصل على شهادات كثيره في التميز والاخلاق والهدوء
اما الحين ياخوي كبرت وصارت الام اقرب لها واعتقد هذا امر طبيعي بحكم بني جنسها
لكن لازلت اراقب واسئل عنها يوميا

اما بالنسبه لحمود كبر شوي صار يعاند امه في بعض الامور بحكم الاسلوب اللي محمول بشويه عصبيه
ولما تطلب النجده مني
اقوله يبى محمد قوم راجع يقولي انشاء الله يايبا
هناك فن في التعامل من الصغر الصراخ والعصبيه والقسوه تؤدي الى نتائج عكسيه

زراعه الثقه من الصغر ومراقبتها فيهم كشجره تنمو مع اعمارهم ومحاوله تقليمها
لتطلع بالشكل المطوب
ونسئل الله الهدايه لهم والتوفيق

خلك مثل مايقول بو عبدو

في عيني اليمني من الورد بستان
وفي عيني اليسرى عجاج السنيني

تحياتي


يحيك ويبقيك
ماشاء الله الاخوان متشاركين انت وبوحمد نفس التعامل نفس الروح المشتركة بين الاسرة ..
الله يخليـكـ لهم ويخلـيهم لكـ يابومحمد




السلام عليكم ورحمه الله الحمد لله أنا دائماً صديقه لبناتي حتى أبناء اختي والجيران يأخذون رائي في معظم ما يخصهم فانا حرمت من حنان الوالدين من الصغر فعوضتها في أولادي فانا كاتمت الأسرار القلب الواسع الذي يستقبل ولا يزعل حتى اكون قريبه منهم في اي لحظه يحتاجو نني


الله يجمعكم في من حرمتي منهم فالدنيا في جنآته الفردوس
اللهم آمين

بس بيصجونك عيال الفريج في مشاكلهم الي ما تخلص
:nice:


متى ما حس كل من البنت او الولد انه بحاجة الى امه وابوه في اي مشكلة
يقع فيها ويروح ويكلمهم ،، اهنيه نقدر نقول انهم قدروا يحتون عيالهم ويخاونهم ،،

مب شرط عيالنا يكونون كتاب مفتوح نعرف عنهم كل شي
في الوقت نفسه لازم نشرف عليهم حتى نعرف ما هو مخشوش عنا ،،

وكل هذا ما يتم الا عن طريق التواصل معاهم ،، مرات باللين ومرة بالقوة ،،
لأن في الأخير الابن راح يحاسب هله على سوء تصرفاته ويحملهم
تراخيهم وياه ،،


الله يخليهم لكـ ويخليـكـ لهم

ام السعف احس انج حازمه تخوفين
:telephone:

المهم ما علينا الحزم في بعض الامور محتاجينه وبقوه لانه الصوت اوقات ما يجيب نتيجه فلازم الواحد يتخذ اجراءات

لازم الواحد فالبيت يكون عنده مثال مركز الشرطه تأديبي لهم وفي نفس الوقت لازم نحسسهم بالامان ..

[شبح الصمت]

مره دخلت مجلس شباب وكان فيه بزران يمكن 2

المهم الشباب الموجودين فيه يعلمون البزر كلمات وقسم بالله اني انحرجت ويخلونه يرددها !!!

وطبعا مش ابوه الموجود اخوه الكبير والبزر مستانس طفل وش درااه هالموقف خلاني اراجع حساباتي انه عيالي ما ادخلهم الا المجالس الطيبه الي ينذكر فيها اسم الله وينذكر فيها الكلام الطيب ..

لانه الطفل بطبعه يلقط واي شيء يشوفه يترسخ في ذاكرته ..

والله يجعلنا من الصالحين لهم

[chillis]

في نظري قربهم من عيالهم يقدرون يخاونهم بالذات اذا كانوا مب كبار بالعمر الام والابو عن نفسي دائما مع بنتي واسوي الي هي تحبه علشان اكسبها وكل طلعاتنا مع بعض يعني صديقه اكثر من انا اكون ام لها بالذات سن المراهقة من اصعب السنوات للبنت والولد والسيطره عليهم صعبه

[راشد محمد]

والله موضوهك حلو..
شوف اهم شي تكون العلاقة بين الاب وولده او الام وبنتها علاقه صداقة..
بعض الامهات او الاباء الله يهداهم ما يحبون يتكلمون مع عيالهم وما يحبون يسمعون لهم وهذا يخلي فجوة كبيرة بينهم وحاجز بين الطرفين

[حمد 2002]

الولد لازم ايكون مع ابوه بالمجالس والبحر والبر والرحلات ، ليأخذ صفات الرجوله والحكمه من ابوه ،،

والبنت يجب ان تطلع مع امها واتخاويها وتتعلم منها كل شيء ،،،،

ولكن انا ضد وضد وضد بعض الأمهات الله يهديهم ان شاء الله الي ايودون اولادهم من الذكور للأعراس والحفلات النسائيه !!!!!!!!!!!!!!!

تحياتي لك ياشبح الصمت على هالموضوع المميز

[شبح الصمت]

في نظري قربهم من عيالهم يقدرون يخاونهم بالذات اذا كانوا مب كبار بالعمر الام والابو عن نفسي دائما مع بنتي واسوي الي هي تحبه علشان اكسبها وكل طلعاتنا مع بعض يعني صديقه اكثر من انا اكون ام لها بالذات سن المراهقة من اصعب السنوات للبنت والولد والسيطره عليهم صعبه

الله يخليـكـ لها ويخليـها لـكـ
خاويها ونفس ما تفضلتي سن المراهقة اخطر سن لانها تكون بحاجة إلى من يقف بجانبها حاولي او الكل يحاول ان يلهي بنته او ولده بشيء يخليه ينسى هذه المرحلة لانه مرحلة المراهقة بالذات اهي فراغ مكون من عدة اشياء ( عاطفه ، تعامل ، تفريغ طاقة )

فعلينا متابعتهم حتى لا يحصل شيء لا تحمد عقباه ..



والله موضوهك حلو..
شوف اهم شي تكون العلاقة بين الاب وولده او الام وبنتها علاقه صداقة..
بعض الامهات او الاباء الله يهداهم ما يحبون يتكلمون مع عيالهم وما يحبون يسمعون لهم وهذا يخلي فجوة كبيرة بينهم وحاجز بين الطرفين

مروك الجميل اخوي بومحمد
هذا الشيء عدم التحدث للاطفال احاول اني اسده احاول قد ما اقدر والله يعينا صراحة .
لانه الطفل عقب العشر تقدر انك تحسسه بمسوليته ولكن حاليا كل تفكيره لعب لعب لعب
ههههههههههههههههههاي
فديتهم



الولد لازم ايكون مع ابوه بالمجالس والبحر والبر والرحلات ، ليأخذ صفات الرجوله والحكمه من ابوه ،،

والبنت يجب ان تطلع مع امها واتخاويها وتتعلم منها كل شيء ،،،،

ولكن انا ضد وضد وضد بعض الأمهات الله يهديهم ان شاء الله الي ايودون اولادهم من الذكور للأعراس والحفلات النسائيه !!!!!!!!!!!!!!!

تحياتي لك ياشبح الصمت على هالموضوع المميز



الله يحيك ياخوي حمد ويبقيك

اصقره وهو صغير ترى هالمعنى يركب على الكل اصقره من الصغر يطلع لك على ما تبيه ان كبر ..

:nice:

[ام السعف]

الله يخليهم لكـ ويخليـكـ لهم

ام السعف احس انج حازمه تخوفين
:telephone:

المهم ما علينا الحزم في بعض الامور محتاجينه وبقوه لانه الصوت اوقات ما يجيب نتيجه فلازم الواحد يتخذ اجراءات

لازم الواحد فالبيت يكون عنده مثال مركز الشرطه تأديبي لهم وفي نفس الوقت لازم نحسسهم بالامان ..

اول شي خلني اقول
مشاءالله تبارك الرحمن لا قوة الا بالله

تدري يا شبح ان بو العيال يسميني المجرمة :weeping: لأنه بطبعه انسان حنون وعطوف واايد على عياله ،، ونادر ما كان يعاقبهم اصلا ما عنده مصطلح العقاب في قاموسه ،،
تلقاه يقول لا وهو معصب ،، يردون يبوسون خشمه ويقولون له طلبناك ما رديتنا رد عليهم تم ،،

على النقيض ما اتنازل عن كلمتي فيضطر مرات كثيرة يستغل كرت مكانته عندي اني انفذ له طلبات اليهال فكنت انجبر غصب عني اقول اوكي تم :anger1: ،، وكنت اترصد ابسط غلطة منهم علشان اعيد العقاب :vampire:

واليوم لو ييت سألت عيالي كلهم من أكبرهم لين اصغرهم منهو الشرير فيهم امك ولا ابوك ،، بصوت واحد جهور بيقولون امنا :weeping: لكن في المقابل لبغوا حل لأي مشكلة تواجههم من له بيروحون امهم او ابوهم ؟بتلقاهم على طول عند امهم من كبيرهم لين صغيرهم ،،
وبو العيال اللي يقول ومازال يقول عني المجرمة يقول حق عياله اليوم
"عيال امكم" .............> فهل صرامتي وشدتي بعدت عيالي عني ؟


صحيح اني حازمة وصارمة وما اتغشمر لو قلت لا وما اتراجع في كلمتي
( واكيد واحد من عيالي يقرى كلامي المكتوب لأنه متابع للمنتدى ) لكن في الوقت نفسه صرامتي ما كانت لعقدة فيني صرامتي كانت لمصلحتهم واليوم بفضل من الله يجنون ثمار هالصرامة ،،

مب قايلة انهم ما يغلطون او انهم احسن الناس لكن اقلها ينقال عنهم مهذبين ومحترمين ويحترمون الناس ،، ومن ثم يحترموننا يقدروننا ويقدرن تعبنا عليهم فالحمدلله رب العالمين ،

احنا في بيت ابوي ما شاءالله اعدادنا كبيرة من بنات وشباب
فلما تسمع من اكثر من واحد يردد احنا نبي عيالنا مثل عيال ام السعف او اخوي الصغير
يردد ابي بنتي نفس بنت ام السعف وطالب زوجته انه يبي بنته تطلع نسخة كوبي بيست من بنت السعف في كل شي ،،

فهل لأن هالبنت تعاني من صرامتي وشدتي في تربيتها ؟
ربيت عيالي ما بين 15 واحد وكل له رايه وطريقته في التعامل مع الاطفال ،، لكني في الأخير كلمتي هي اللي كانت تمشي على اليهال وطريقة تربيتي هي اللي مشت ،،

كنت صارمة وياهم وهم صغار ما كان عندي ياهل يغلط علي او يفتن علي او يمشي كلمته علي ،، لقلت له لا يعني لا ،، ايه يعني ايه ،، لو قلت له لا وتدخل ابوي او امي ،، اقول ايه
بس تلقى الياهل من نفسه يقول لا خلاص مابي ،، لأنه سمع لا مني اول مرة ،،

ما كان عندي يسترزل او يتغشمر او يستعبط على اللي اكبر منه ولا كان عندي يرد على اللي اكبر منه حتى لو كان اللي اكبر منه هو الغلطان ،، استخدمت الضرب والعقاب والحرمان معاهم ،،
في الوقت اللي كنت اسهر وياهم في الصيف والعب وياهم واشاركهم كل العابهم ،،

اليوم لو يوقف ولدي طول وعرض جدامي وهو اكبر اخوانه وبنظرة وحدة مني يسكت
فهل تعتقد انه يوقف جدامي وهو يرتجف ؟ لا يا شبح علاقتي مع عيالي ولله الحمد والمنة علاقة صداقة اكثر من انها علاقة ام ربت وتعبت معاهم ،،

هالولد اللي بنظرة وحدة يوقف تعليقه في مرات كثيرة ،، او من كلمة وبعدين معاك ؟
مسجاته ما تخلى من هلا بحبيتي الغالية ،،
فمرة طرش لي هلا حبييتي قلت له يا ماما انا امك لا تكون مضيع في المسج ؟
ضحك وقال لي انتي حبيتي امي الغالية وفديتج والله ،، هذا اكثر واحد انضرب واكثر واحد قسيت عليه واكثر واحد نال من حزمي وشدتي واذا طلعت نتايجه اول انسان على هالكون يبشره هو انا واذا ما رديت عليه لقيت مسج يبشرني بنجاحه :"( يبوسني على راسي ويقول لي جزاج الله كل خير في كل اللي سويتيه معانا ،،

ولأني بلغت من العمر عتيا يعايروني اني ادلع واحد من اخوانهم اكثر منهم لأني ما قمت اعاقب مثل قبل ولا اشدد في الحزم وصرت احترم كلمتهم لو توسطوا حق اللي اصغر منهم ،،وفي الأخير كلهم يوقوفون ضدي اني ادلع هالولد ويسمونه دلوع الماما ،، حتى الزعبوط الصغير صاف وياهم ،،

يوووه ياشبح بجد مشتاقة اشوف ولدي الكبير وحشني وطول في غيبته هالمرة
ربنا يرده لنا بالسلامة :"(


فاعذرني لو بللت متصفحك بدموعي المشتاقة ،، لأن في كل اجازة ينزلها لازم الصبح القاه مواصل للصبح يشوف اخوانا يتريقون وعقب يقعد يسولف وياي لين يتعب وينام او اروح عنه او يخربني ويخليني اكمل الفيلم الهندي وياه،،:shy:

ومرة بست اليهال وراحوا المدرسة دخلت غرفتي تمددت ونمت ،، ما وعيت الا واقف على راسي يقول لي خيانة ،، قلت له وشو ؟ يقول لي وانا ناطرج صار لي نص ساعة قلت الحين بترد الحين بترد وفي الأخير نمتي عني :"(

تخيل هذا واحد من اللي شديت عليهم وكنت حازمة معاهم واخوه الثاني اللي لو في شي يقول ثقتي في امي كبيرة وهو العنيد الجامح اللي ترويضه كان صعب وكلمته مستقلة :"(
والثالث اللي لو غضبت منه يتعب ويمرض ،، فعنده اهاوشه وارزل فيه ولا احاربه وما اكلمه ،،

ولا بنتي اللي لشفت شعرها طالع لميتها وقلت لها الحلوة شعرها طالع تبتسم وتخشه
واللي لو قلت لها احذفي فلان وعلان من عيالي خواتي واخواني من الواتساب وما حذفتهم انسحب الجوال منها من غير رحمة ولا شفقة لين يتوسط لها اخوها وهو امأيد موقفي معاها ،،
وهي اللي لو عرفوا المحيط ان الجوال انسحب منها يتضايقون وتدخل الواسطات
من اختي الكبيرة لين بنات اخواني وخواتي في حين بنتي ما تقدر تقول لي ماما ابي الجوال ،،
فهل حب الكل لها نتيجة حزمي وقسوتي وصرامتي في تربيتي لعيالي وانهم معقدين ونفسياتهم تعبانة ؟

ولا خوسيه اللي مستحيل يروح المدرسة من غير ما يحضني وابوسه واقول له
توكلنا ويرد علي على الله ،،وهو اللي يردد بشكل مستمر ابوي اطيب مني امي ،،
امي ما ترحم كلش :"(

لازم اوقف كتابة ولا باكتب لك قصة حياتي كلها اليوم :"(

[شبح الصمت]

ماشاء الله عليج اختي ام السعف

لا اله الا الله عليكــ

الله يخليهم لكـ وتفرحين فيهم ويجمعكم معاهم في جناته الفردوس

كتابه رآئعة من أمراة رآئعة تستآهل الشكر والثناء على ما قدمته لاطفالها حتى بلوغهم

صرآحه ام السعف اقولها لج قبل كنت اتحسس من ردودك اوقات احس ابي اتهاوش وياكـ مب عشان شيء لانه اوقات ردودكـ ندري انها من واقع ولكن في مخيلتنا انه هالانسان يتصنع لكن بعد ردكـ ذي انا اقف احتراما لكـ

واعتذر عن اي شيء بذر من صوبي

والام مدرسة ان اعددتها اعددت شعباً طيبا الاعراقي

وانتي اهي المدرسة التي تستحق التقدير والاحترام لها ..

بيض الله وجهكـ

الموضوع موضوعكـ وانتي تستآهلين قيادته والرد عني لو تكرمتي لانه ملمه اكثر مني فما انا الا مبتدأ اما انتي فانتي مدرسة ..

[تحداني]

مساء الخير على الجميع


رائعه تلك التي كتبت معلقه طويله .. وروعتها تجعلني أقول شكراً للقدر الذي جمعني بها
وأجد حظي من الناس الطيبين كثير .. لذلك اللهم حببها في قلوب الغير
واجعلها من المحظوظين .. ويا اخوي شبح الصمت .. لا تتخوف من الي ورى بعض الأقلام
ترى اوقات ان غاضوك في قلوبهم جنه ما عرفها الا من عاش فيه


جملكم الله برضاه

[حسن]

مساء الخير على الجميع


رائعه تلك التي كتبت معلقه طويله .. وروعتها تجعلني أقول شكراً للقدر الذي جمعني بها
وأجد حظي من الناس الطيبين كثير .. لذلك اللهم حببها في قلوب الغير
واجعلها من المحظوظين .. ويا اخوي شبح الصمت .. لا تتخوف من الي ورى بعض الأقلام
ترى اوقات ان غاضوك في قلوبهم جنه ما عرفها الا من عاش فيه


جملكم الله برضاه

مساء النور

اي معلقه انا راسي عورني كملت نص وباقي النص باسهر عليه في البحر اكمله
على جو كل مانسنس من الغربي هبوب

[نور الحور]

صيحتيني يا أم السعف :weeping:
الله يبارك لج في عيالج ويبارك لهم فيج ..يجعلهم من البارين الصالحين

[تحداني]

مساء النور

اي معلقه انا راسي عورني كملت نص وباقي النص باسهر عليه في البحر اكمله
على جو كل مانسنس من الغربي هبوب



تدري هالسوسه شنو مشكلتها .. ان ما اتشوف الي اتسويه
في ناس في الحياه اعيونهم امغمضه على روحهم ومفتوحه على الي رايح وجاي
وتعمدت اقول معلقه لان ذاك اليوم كتبت خمستعشر سطر واتقول لي معلقه
لو انحط الي اكتبته في كتيب احتمال 66 صفحه .. تلقى ماكله جباتي على الصبح
وتارسه بطنها ورايقه للكتابه
ولا ما اعتقد انسان فيه شده تبارك الرحمن على هالصبح يكتب كل هالكلام


حمل النسمى هوا
يازين البحر



اهم شي حاول اتكون انجوي


جملك الله برضاه

[بيتي بوب 23]

نصيحة لاتخلون بحياه اعيالكم فراااغ لان الفراغ مدمر لازم الام اترافج بنتها والابو يخااوي ولده

مثلا الابو يدخل ولده في نشاطات يومه مثلاا عزبة جيم مجلس لازم ولده معه

الام بعد نفس الشي لاتهدونهم بروحهم الا وقت النوم او المدرسه حتى لو يتابعون عرب ايدول تابعو وياهم

[شبح الصمت]

مساء الخير على الجميع


رائعه تلك التي كتبت معلقه طويله .. وروعتها تجعلني أقول شكراً للقدر الذي جمعني بها
وأجد حظي من الناس الطيبين كثير .. لذلك اللهم حببها في قلوب الغير
واجعلها من المحظوظين .. ويا اخوي شبح الصمت .. لا تتخوف من الي ورى بعض الأقلام
ترى اوقات ان غاضوك في قلوبهم جنه ما عرفها الا من عاش فيه


جملكم الله برضاه




صادقه

جزيتي خيراً أختي تحدآآني ..

ام السعف فيها طبع الصراحة وتعطي كاش ما تعرف تلف ودور وهالرد أوقات يزعل ناس فيه اوقات تعاملنا صج مثل اطفالها !! لانها تعودت على هالشيء وهالشيء خلاها تحاول تعدل فينا لما فينا من أخطاء ..

تعلمت الصبر من شخصاً صبوري واختلفت في معاني الحروفي .. وجهلت الرد على كم تافهاً ارد بي فتح الجروحي ..ليت الزمن يعودوا وانثر ما بداخل قلمي من معنى واحتراماً لشخصاً حسبتهً شخصاً عبوسي وهو في الاساسي شخصاً ذو قلما نادراً االوجودي
وسلامتكم عادي ترى اوقات اخربط تحملوني

[تحداني]

مساء النور

اي معلقه انا راسي عورني كملت نص وباقي النص باسهر عليه في البحر اكمله
على جو كل مانسنس من الغربي هبوب



صادقه

جزيتي خيراً أختي تحدآآني ..

ام السعف فيها طبع الصراحة وتعطي كاش ما تعرف تلف ودور وهالرد أوقات يزعل ناس فيه اوقات تعاملنا صج مثل اطفالها !! لانها تعودت على هالشيء وهالشيء خلاها تحاول تعدل فينا لما فينا من أخطاء ..

تعلمت الصبر من شخصاً صبوري واختلفت في معاني الحروفي .. وجهلت الرد على كم تافهاً ارد بي فتح الجروحي ..ليت الزمن يعودوا وانثر ما بداخل قلمي من معنى واحتراماً لشخصاً حسبتهً شخصاً عبوسي وهو في الاساسي شخصاً ذو قلما نادراً االوجودي
وسلامتكم عادي ترى اوقات اخربط تحملوني




الله يسلمك يارب .. لا اتقول اخربط محشوم الله يرضى عليك
كلامك ابحد ذاته وساه على صدرها .. وانت الطيب عشان كذا اتشوف الناس من طيبك واخلاقك
الله يعلي مقدارك وينور طريقك يارب

نرد لجبد الموضوع .. احنه بدون شي مب خالصين من كره بعض الناس لنا في هذا المكان
ان جينا نتكلم بشكل فيه اطراء بيقضون علينه نهائياً


جملك الله برضاه

[شبح الصمت]

الله يسلمك يارب .. لا اتقول اخربط محشوم الله يرضى عليك
كلامك ابحد ذاته وساه على صدرها .. وانت الطيب عشان كذا اتشوف الناس من طيبك واخلاقك
الله يعلي مقدارك وينور طريقك يارب

نرد لجبد الموضوع .. احنه بدون شي مب خالصين من كره بعض الناس لنا في هذا المكان
ان جينا نتكلم بشكل فيه اطراء بيقضون علينه نهائياً


جملك الله برضاه




تسلمين اختي تحداني من طيب أصلك ’’’

ونقول الاب والام مدرسة ودورهم أساسي وتوزيع المهام جميل ’’

لكن تبقى ملاحظة كيف تصل الى قلب ابنكـ أو تصلين ألى قلب ابنتـكـ ..

اختي أم السعف قالت وكفت ووفت وما عليكم قصور وننتظر باقي المشاركات الطيبه بالتجارب ’’

[ام السعف]

صيحتيني يا أم السعف :weeping:
الله يبارك لج في عيالج ويبارك لهم فيج ..يجعلهم من البارين الصالحين

ويبارك فيج يا نور الحور ويبلغج كل امانيج وانتي بصحة وعافية وجميع الحضور امين يارب العالمين ،،

من غير كذب او خداع العبرات خانقتني ومع اي رمشة ممكن تتساقط دموعي
لأن الحياة علمتني دورنا احنا النساء في حياة اطفالنا ما تسمى تضحيات ،،

هذا دوري ودورج ودور فلانة الاساسي ،، صحيح اني استخرت ربي
ما بين دخول الجامعة او تربية عيالي وربي هداني تربية عيالي ،، ومرت
علي ايام كنت اعتقد اني ضحيت بشهادة جامعية مقابل تربية عيالي ،،

لكن الحياة وعتني وفهمتني رجوع ولدي من المدرسة وانا ناطرته في البيت
استقبله افتح له الباب اسوي سندويش او اجهز له التونة مع الفلفل
او القيمر مع الشكر
افضل من مليون شهادة ممكن احصل عليها ،،

فالغيت مفهوم التضحية من قاموسي لأن هذا دوري ومسؤوليتي
لو قمت فيه فهذا حق من حقوقهم اللي ما يصير اقارنه بأي شي في الدنيا ،،

ما بنقول عيالنا احسن من عيال الامهات اللي اشتغلوا
لكن في الأخير نتمنى ربنا يتقبل منا خالص النوايا ويهدي عيالنا وعيال
جميع أمة محمد للي يحبه ويرضاه ،،

[نور الحور]

آمين .. دور الأم عظيم .. ما كنت أتوقع إن الأمومة فيها هالكم الكبير من المشاعر والمسؤولية (مو التضحية ) << اتفق معاج في هالنقطة ..
حق من حقوق عيالنا إنه يلقى أم تربيه وتأدبه وفي نفس الوقت حنونه عليه وتتقرب منه وتتابع شؤونه.. هالمعادلة يبيلها انتباه ان نوزنها كل يوم وكل لحظة.. الا بعد في كل موقف أو تصرف .. الله يعينا ويعينكم على حسن التربية :weeping:

[القبطان سلفر]

بالنسبه لي انا اعامل اعيالي وحتى زوجتي بدومقراطيه وكل شئ بالاتفاق بيني وبينهم . مختارين يوم في الاسبوع للطلعه ولهم الحريه وين بيرحون وإدارة البيت من مهام زوجتي لاكن بتوجهات واشراف مني . واعطي عيالي رواتب شهريه لهم حرية التصرف فيها وتحمل نتائج هذا التصرف فبعضهم يوفر منها والبعض يحرقها من اول يوم .
وما اقدر اغير يومهم او ما اطلعهم الا اول شئ استأذن منهم واخذ موافقتهم واعوضهم بيوم ثاني في حالة موافقتهم بعدم الخروج . وعيالي وزوجتي عباره عن اصدقائي ودائما اردد هذه العباره جدامهم . عشان كذا مبدأ الخوف مختفي في التعامل معاي وخصوصا بنتي لانها اقرب اصدقائي وكاتم اسرارها اكثر من امها . ومعلمهم على المركزيه يعني كل امور البيت من طلعات وزيارات لازم تمر من خلالي انا من باب العلم بالشئ وهذه نقطه متشدد فيها معاهم ولا اتسامح فيها . .......ألوح بالجزره بأيدي اليمين ومخبي ايدي اليسار عنهم وهم عارفين ايش فيها ........ فيها عصى غليظه وموجعه لمن يكسر القوانين .

صنعت هالمنظومه ومسيطر بشكل محكم ولله الحمد ومرتاح لان الامور في البيت ماشيه بسلاسه .

[ام السعف]

ماشاء الله عليج اختي ام السعف

لا اله الا الله عليكــ

الله يخليهم لكـ وتفرحين فيهم ويجمعكم معاهم في جناته الفردوس

كتابه رآئعة من أمراة رآئعة تستآهل الشكر والثناء على ما قدمته لاطفالها حتى بلوغهم

صرآحه ام السعف اقولها لج قبل كنت اتحسس من ردودك اوقات احس ابي اتهاوش وياكـ مب عشان شيء لانه اوقات ردودكـ ندري انها من واقع ولكن في مخيلتنا انه هالانسان يتصنع لكن بعد ردكـ ذي انا اقف احتراما لكـ

واعتذر عن اي شيء بذر من صوبي

والام مدرسة ان اعددتها اعددت شعباً طيبا الاعراقي

وانتي اهي المدرسة التي تستحق التقدير والاحترام لها ..

بيض الله وجهكـ

الموضوع موضوعكـ وانتي تستآهلين قيادته والرد عني لو تكرمتي لانه ملمه اكثر مني فما انا الا مبتدأ اما انتي فانتي مدرسة ..

ويخلي لك من يعزون عليك ويبارك لك فيهم ويهديهم ويهدينا ويهدي عيالنا للي يحبه ويرضاه ،،
لا تعتذر يا اخوي شبح ،، من حقه فكرك يعطيك الانطباع اللي تشوفه من اي عضو لأنك تقرأ حروفه وانت تجهل حقيقته ،، فاليوم مابي اشوف اعتذار منك

لآني لو قلت اني انسانة ما تنزل دموعي لو ولدي مرض او تعب او طاح وانكسرت
يده او دخل العمليات ( ما اتذكر يوم انزلت دمعتي ) مع انهم وايد تعرضوا
عيالي للمرض والتعب والعمليات ،، من ببصدقني وانا اكتب حروفي الحين
وعيوني متروسة دموع ؟

تتصل لي طبيبة مدرسة عيالي " واحد في الثانوية والثانية في الاعدادية" وتقول
لي ان " في اليوم الرياضي" بنتج انكسر صبع يدها وولدج عنده اصابة في الانكل
قلت لها ان شاءالله خير يارب ما عليهم شر انا ياية اخذهم الحين ،،
تقول حق عيالي : " ايه ده دي مامتكم باردة بئؤلها عنكم بتقول لي حصل خير "

لكن لو لقيت واحد منهم يكلمني بقلة احترام احاول اضبط نفسي وانا اعصب عليه
لكني ما اقدر وافقد السيطرة على نفسي وتنزل دموعي واحس اني ما عرفت اربي ،،
وتلقاني اعطيه محاضرة وانا :eek3: وانهي كلامي بجملة بس خلاص انطم
مابي اسمع حسك خلاص :( واول من يدخل السالفة ويغسل شراعهم هو
ابوهم جزاه الله كل خير وما يخلي عليهم شي يجمع الكل بسبة تصرف واحد ،،

ابوهم يثور عليهم مب لأني صحت
لكن لأنه يدري اني ما صحت الا من شي كبير كسر لي قلبي واني اوقف مثل الجبل في الطواري و ورى غرف العمليات ودمعة ما تنزل من عيوني ،،ولا قط مرة قلت اه
تعبت منهم ومن مسؤولياتهم و تربيتهم ،،

من ممكن يصدق كلامي ؟ او يعتبره واقع معاش او هذي حقيقتنا ؟
محد الا اللي يعرف حقيقتناويعرفنا من قريب ،، لذلك ابدا مب زعلانة منك وارجع واقول ما بيك تعتذر ابدا ،، علاقتنا في المنتدى كأخوان ممكن مانفهم بعض وممكن ما نصدق بعض
لكن في الأخير نبقى نحترم بعض ،،وما لمست منك اي نوع من انواع عدم الاحترام
فجزاك الله كل خير ،،

وعطوني واحد
دايما دموع
:weeping:

[شبح الصمت]

بالنسبه لي انا اعامل اعيالي وحتى زوجتي بدومقراطيه وكل شئ بالاتفاق بيني وبينهم . مختارين يوم في الاسبوع للطلعه ولهم الحريه وين بيرحون وإدارة البيت من مهام زوجتي لاكن بتوجهات واشراف مني . واعطي عيالي رواتب شهريه لهم حرية التصرف فيها وتحمل نتائج هذا التصرف فبعضهم يوفر منها والبعض يحرقها من او يوم .
وما اقدر اغير يومهم او ما اطلعهم الا اول شئ استأذن منهم واخذ موافقتهم واعوضهم بيوم ثاني في حالة موافقتهم بعدم الخروج . وعيالي وزوجتي عباره عن اصدقائي ودائما اردد هذه العباره جدامهم . عشان كذا مبدأ الخوف مختفي في التعامل معاي وخصوصا بنتي لانها اقرب اصدقائي وكاتم اسرارها اكثر من امها . ومعلمهم على المركزيه يعني كل امور البيت من طلعات وزيارات لازم تمر من خلالي انا من باب العلم بالشئ وهذه نقطه متشدد فيها معاهم ولا اتسامح فيها . .......ألوح بالجزره بأيدي اليمين ومخبي ايدي اليسار عنهم وهم عارفين ايش فيها ........ فيها عصى غليظه وموجعه لمن يكسر القوانين .

صنعت هالمنظومه ومسيطر بشكل محكم ولله الحمد ومرتاح لان الامور في البيت ماشيه بسلاسه .




ماشاء الله عليـكـ

ياما تحت السوآهي دوآهي ( اسمح لي على هالمثل )

بس الي يشوف صورتكـ والنكـ نيم ما يتوقع هالحزم وهالشده يقول يمكن مراهق ويحب المسلسلات واتوقع انك تفتقر إلى روح الطفوله لديك وتعوضها في عيالكـ تحليل لا أكثر اخوي ولكن احييـكـ الله يديمهم لك ويفرحكـ فيهم وتشوف الصبيان معاريس والبنات عرايس ويجمعك معاهم في جناته الفردوس ..

عجبني مقطع جزره في اليد اليمين واليسار لا يعلمون ما وراها داما المفآجات لهم لا يعلمون

تبي الصج اتمنى اكون نفسك شخصيتكـ

[ام السعف]

آمين .. دور الأم عظيم .. ما كنت أتوقع إن الأمومة فيها هالكم الكبير من المشاعر والمسؤولية (مو التضحية ) << اتفق معاج في هالنقطة ..
حق من حقوق عيالنا إنه يلقى أم تربيه وتأدبه وفي نفس الوقت حنونه عليه وتتقرب منه وتتابع شؤونه.. هالمعادلة يبيلها انتباه ان نوزنها كل يوم وكل لحظة.. الا بعد في كل موقف أو تصرف .. الله يعينا ويعينكم على حسن التربية :weeping:

اللهم آمييييييييييييين

مسكين شبح موضوعه انترس دموع
:weeping:

[ام السعف]

الله يسلمك يارب .. لا اتقول اخربط محشوم الله يرضى عليك
كلامك ابحد ذاته وساه على صدرها .. وانت الطيب عشان كذا اتشوف الناس من طيبك واخلاقك
الله يعلي مقدارك وينور طريقك يارب

نرد لجبد الموضوع .. احنه بدون شي مب خالصين من كره بعض الناس لنا في هذا المكان
ان جينا نتكلم بشكل فيه اطراء بيقضون علينه نهائياً


جملك الله برضاه

بالفعل كلامه وسام على صدري
ولاني بطبعي ما اعرف اتعامل مع المدح القى نفسي اعجز عن الرد عليه
بما يليق مقام المدح :weeping:

فما اقدر اقول غير
جزاك الله كل خير ورحم الله والديك

[بوحمد111]

بالنسبه لي انا اعامل اعيالي وحتى زوجتي بدومقراطيه وكل شئ بالاتفاق بيني وبينهم . مختارين يوم في الاسبوع للطلعه ولهم الحريه وين بيرحون وإدارة البيت من مهام زوجتي لاكن بتوجهات واشراف مني . واعطي عيالي رواتب شهريه لهم حرية التصرف فيها وتحمل نتائج هذا التصرف فبعضهم يوفر منها والبعض يحرقها من او يوم .
وما اقدر اغير يومهم او ما اطلعهم الا اول شئ استأذن منهم واخذ موافقتهم واعوضهم بيوم ثاني في حالة موافقتهم بعدم الخروج . وعيالي وزوجتي عباره عن اصدقائي ودائما اردد هذه العباره جدامهم . عشان كذا مبدأ الخوف مختفي في التعامل معاي وخصوصا بنتي لانها اقرب اصدقائي وكاتم اسرارها اكثر من امها . ومعلمهم على المركزيه يعني كل امور البيت من طلعات وزيارات لازم تمر من خلالي انا من باب العلم بالشئ وهذه نقطه متشدد فيها معاهم ولا اتسامح فيها . .......ألوح بالجزره بأيدي اليمين ومخبي ايدي اليسار عنهم وهم عارفين ايش فيها ........ فيها عصى غليظه وموجعه لمن يكسر القوانين .

صنعت هالمنظومه ومسيطر بشكل محكم ولله الحمد ومرتاح لان الامور في البيت ماشيه بسلاسه .

اخوي القبطان سلفر

يا اخي انا انت او انت انا سبحان الله كلمات اشوف فيها نفسي واكثر من مره قريت ردك واقول في نفسي اني انا من كتب هذه العبارات ويمكن اختلف معاك في نقطه وحده وهي

بطاقة البنك الي حق عيالي عندي في محفظتي الى ان يخلصون الثانويه وفقط يستخدمونها اذا طلعنا طلعة عائليه وصار شي في خاطرهم اسلمهم البطاقه وآخذها منهم على طول او اول ما نرجع البيت علشان يحسون بالمسؤليه شوي شوي
وسبحان الله بنت من بناتي من كثر ما هي متعلقه فيني لو جاني صداع وهي في غرفتها تجيني وتقول لي يبه عسى ماشر من غير ما احد يخبرها بالصداع اللي فيني واذا سألتها من خبرج تقول لي انا بعد مصدعه وهذه الحاله صارت معانا في مرات كثيره كثيره جدا والصداع فقط مثال من امثلة اوجه التشابه بيننا وام العيال دائما ما تسمينا التوائم بفرق العمر

تحياتي

[القبطان سلفر]

ماشاء الله عليـكـ

ياما تحت السوآهي دوآهي ( اسمح لي على هالمثل )

بس الي يشوف صورتكـ والنكـ نيم ما يتوقع هالحزم وهالشده يقول يمكن مراهق ويحب المسلسلات واتوقع انك تفتقر إلى روح الطفوله لديك وتعوضها في عيالكـ تحليل لا أكثر اخوي ولكن احييـكـ الله يديمهم لك ويفرحكـ فيهم وتشوف الصبيان معاريس والبنات عرايس ويجمعك معاهم في جناته الفردوس ..

عجبني مقطع جزره في اليد اليمين واليسار لا يعلمون ما وراها داما المفآجات لهم لا يعلمون

تبي الصج اتمنى اكون نفسك شخصيتكـ



هههههه والله اني ضحكت من قلب . فعلا ملاحظتك في مكانها ولفته ذكيه منك .
طبيعية عملي وحتى اسلوب حياتي يغلب عليه الجد لذك اهرب الى العالم الافتراضي لاعيش حياة اخرى خصوصا في جزيرة الكنز ومعاي جيم ويسلم عليك وايد .

[شبح الصمت]

اختي ام السعف سؤال من متى الواحد يقدر يخاوي ولده يحس انه فهم

هل هناك سن معين !!

اتمنى الافادة

لانني ارى اطفالي حتى الان صغار ولكن لدي ابني الكبير يبلغ من العمر 8 سنين كله يتشره علي اني اطلعه اوديه اجيبه لكن اشوفه كله في دراسته ومابي اعوده على الطلعات ..

وعن نفسي بارد صراحه ما ادرسهم مخلي كل شيء حق امهم بس طلعات اطلعهم في الاسبوع مره وعلى حسب بعض الايام ان امكن .. ولكن الاطفال في هذه السن طماعين يحبون كل شيء يعني ما يعجبهم شيء ..

امهم حازمه معاهم لانها تضرب وتصارخ بس انا خوفهم مني قليل لاني ما احب امد يدي ,,, فمدري شاسوي اخاف شخصيتي تهتز قدامهم لاني ما احب اضرب


وتحياتي للشخص الي يتحكم في اطفاله بعيونه صراحه هذه قنبله

بس بعيونه تخيلوا نظراته تكون صاروخيه منها والقبر

[شبح الصمت]

:nice:
هههههه والله اني ضحكت من قلب . فعلا ملاحظتك في مكانها ولفته ذكيه منك .
طبيعية عملي وحتى اسلوب حياتي يغلب عليه الجد لذك اهرب الى العالم الافتراضي لاعيش حياة اخرى خصوصا في جزيرة الكنز ومعاي جيم ويسلم عليك وايد .




:shy:
عشان يدرون بعض الناس ادري فيهم قاعدين يشوفون كلامي منقهرين اني احلل واهم ههههههاي يحسبون انهم محللين
:tease:

الله يسلمك يالشيخ
ويعجنبي الشخص الجاد في الامور التي تستحق الجديه وفي الامور الاخرى سلس ..

احب افلام الكنز ملاحظة خارجه عن الموضوع يالقبطان
:nice:

[نور الحور]

الله يسامحك يا شبح .. الدموع انهار وسيول شي مني وشي من أم السعف.. صج صج التربية مسؤولية كبيييرة الله يعينا وياكم عليها

[نور الحور]

:nice:




:shy:
عشان يدرون بعض الناس ادري فيهم قاعدين يشوفون كلامي منقهرين اني احلل واهم ههههههاي يحسبون انهم محللين
:tease:

الله يسلمك يالشيخ
ويعجنبي الشخص الجاد في الامور التي تستحق الجديه وفي الامور الاخرى سلس ..

احب افلام الكنز ملاحظة خارجه عن الموضوع يالقبطان
:nice:


:omen2::omen2:

[شبح الصمت]

الله يسامحك يا شبح .. الدموع انهار وسيول شي مني وشي من أم السعف.. صج صج التربية مسؤولية كبيييرة الله يعينا وياكم عليها





:omen2::omen2:




بدأ مسلسل الدموع صح والحسد !!

:vampire:

:protest:

[القبطان سلفر]

اخوي القبطان سلفر

يا اخي انا انت او انت انا سبحان الله كلمات اشوف فيها نفسي واكثر من مره قريت ردك واقول في نفسي اني انا من كتب هذه العبارات ويمكن اختلف معاك في نقطه وحده وهي

بطاقة البنك الي حق عيالي عندي في محفظتي الى ان يخلصون الثانويه وفقط يستخدمونها اذا طلعنا طلعة عائليه وصار شي في خاطرهم اسلمهم البطاقه وآخذها منهم على طول او اول ما نرجع البيت علشان يحسون بالمسؤليه شوي شوي
وسبحان الله بنت من بناتي من كثر ما هي متعلقه فيني لو جاني صداع وهي في غرفتها تجيني وتقول لي يبه عسى ماشر من غير ما احد يخبرها بالصداع اللي فيني واذا سألتها من خبرج تقول لي انا بعد مصدعه وهذه الحاله صارت معانا في مرات كثيره كثيره جدا والصداع فقط مثال من امثلة اوجه التشابه بيننا وام العيال دائما ما تسمينا التوائم بفرق العمر

تحياتي

اخوي بوحمد الشرف لي ان شخصياتنا تتشابه .
انا اعطيهم رواتبهم كاش وللحين ما سويت لهم بطايق بنكيه . والسبب مثل ما تفضلت اخوي بوحمد عشان يحسون بالمسؤوليه ويعرفون مبدأ توزيع الميزانيه والاقتصاد المنزلي . الله يخليلك بنتك ويبلغك فيها وفي عيالك .

ملاحظه
البنات شموع البيت وقلبهم حنون ويسمعون الكلام وما يصدعون راسك مثل الصبيان . والله ان لو بنتي اضربوها ابره بالمستشفى اني امسك دمعتي لاتنزل من حبي لها .

[ام السعف]

اختي ام السعف سؤال من متى الواحد يقدر يخاوي ولده يحس انه فهم

هل هناك سن معين !!

اتمنى الافادة

لانني ارى اطفالي حتى الان صغار ولكن لدي ابني الكبير يبلغ من العمر 8 سنين كله يتشره علي اني اطلعه اوديه اجيبه لكن اشوفه كله في دراسته ومابي اعوده على الطلعات ..

وعن نفسي بارد صراحه ما ادرسهم مخلي كل شيء حق امهم بس طلعات اطلعهم في الاسبوع مره وعلى حسب بعض الايام ان امكن .. ولكن الاطفال في هذه السن طماعين يحبون كل شيء يعني ما يعجبهم شيء ..

امهم حازمه معاهم لانها تضرب وتصارخ بس انا خوفهم مني قليل لاني ما احب امد يدي ,,, فمدري شاسوي اخاف شخصيتي تهتز قدامهم لاني ما احب اضرب


وتحياتي للشخص الي يتحكم في اطفاله بعيونه صراحه هذه قنبله

بس بعيونه تخيلوا نظراته تكون صاروخيه منها والقبر

الطفل ممكن تخاويه متى حس انه يفهمك ،، البعض يظنون عليه انه يتقرب من ولده علشان يفهمه وفي الواقع ان المفروض الاثنين يتقربون من بعض ،،

الولد يتقرب من الاب والأب يتقرب من الولد ،،الولد يتقرب من الأب لما يلقى اب يخاف عليه وحريص عليه ويحترم كلمته ،فيتقرب منه بطاعة كلامه علشان يتجنب زعله وغضبه ،

لكن ابو هامل في عياله ماله دور ابدا ولا كلمة عليهم وايي يحاسبهم عند الغلط هذا يبعد عياله عنه ويبتعد عنهم ،،

شنهو السن المفروض الواحد يخاوي في عياله ويكون صديقهم
ما اشوف هناك عمر معين ،، اللي اعرفه ان اللي ما يكون قريب من عياله
وهم صغار صعب عليه يربي نفسه اذا كبروا ويتقرب منهم،، الا اذا كافح في محاربة نفسه ،،

اما بخصوص الأطفال :
ما عليك من حنتهم ،، هم حتى لو تركتهم يلعبون بتلقاهم يحنون تعبنا من اللعب ،،

دام انك اتطلعه لصالحه اخذه علمه من تجاربك وتجارب الحياة وان ما اعجبه
فساعة له يلعب وساعة لك اتربيه واتعلمه ،،

كنت اعطي عيالي يكتبون مواضيع انشاء لأنهم في مدارس اجنبية وخفت
تضعف اللغة العربية عندهم ،، فكانوا يحنون ويرنون ويزنون لكنهم كانوا ينلزمون على الكتابة ،، وحتى ممكن ينحبسون وينحرمون من الطلعة لو ما اكتبوا وهم في المرحلة الاعداية ،،

ما اخبر عطيتهم موضوع لقيت القبول على ملامحهم ومع هذا لازم يكتبونه وان ما عجبني ولقيت فيه تلاعب ،، ينعاد كتابة الموضوع ،،فكل شي كانوا يسوونه وهم مب راضيين ،،

تخيل اليوم لما تقول مدرسة اللغة العربية ان الطالبة الفلانية انصدمت انها
خريجة مدرسة اجنبية ...........................> منهو اللي استفاد ؟
أكيد هالشي عاد عليها هي ،، ومع انها استفادت فهل تعلمت من الدرس ؟
لا وللحين ترفض تقرا روايات ومثل الياهل اقرى لها
بعض المرات علشان احببها في الرواية ،،

واخوها نفس الشي ،، تم معصب علي اشلون حاطين له عدد 2 مدرسين لغة انجليزية
عقب ما طلع من عمر والتحق في مدرسة اجنبية ،، واجهه اخوه اللي يدرس في
احدى جامعات المدينة التعليمية وقال له احمد ربك اني امي مسوية لك جذيه
تعال عننا الجامعة
و شوف طلاب يتمون يردون سنتين ورى ويحصلون حد يحط لهم مدرسين ،،

فهل اعجبه كلام اخوه او حرصي على انه يتقوى ويتأسس التأسيس الصحيح ؟
ابدا ما اعجبه شي وكله كان يعترض سواء لغة عربية او انجليزي او رياضيات
ومعوري لي راسي ابي اصير لاعب كرة قدم ،،

قلت له ما في الا تكمل اللي عليك وتشد حيلك ولكل حادث حديث ،،
واليوم يجهز نفسه يلتحق في الجامعة مستواه في كل من اللغة الانجليزية
متطور جدا ،، وفي اللغة العربية متطور وااايد فالحمدلله رب العالمين،، ،،
وتخيل سجل في فريق كرة القدم عقب ما خلص الثانوية ،،
لكنه في الأخير اختار انه يهتم في دراسته وطلع من الفريق ،،
قلت له اشحقى ما اشوفك تروح التمرين ؟ رد علي يبي له فراغه،،
كان يحن يبي كرة القدم لما كان يبي يهمل دراسته
ولما اشتد عوده في الدراسة ترك كرة القدم مع انه لقى تشجيع من الكل
ربنا يثبته وينور له دربه ،،

فاللي ابي اوصل له ،، لا تعطي الطفل ويه لو حن ورن ،، الاهم ان اللي تسوي
له اياه في صالحه في المستقبل ،، اما لو عطيته ويه بتحصله باجر
بيقول " مالقيت اللي يهتم فيني ويشد علي " تراهم قاسيين وجحودين العيال
فاكسر هالجحود والقسوة من نعومة اظافرهم بانك تزرع فيهم الدين و الصح والغلط
والتطور والاخلاق والعلم ،،

وربنا الموفق

[شبح الصمت]

آرحم الله والديكـ أختي ام السعف

استمري في الكتابه وفي ممر حياتكـ الجميـل الله يجملك بالرضى والسرور ..

ومتابعين .. اهنيه يقولون خبرات آهنيه خبرات الحياه تجسد في انسانه من جيل الطيبين مع احترامي للجيل الجديد من الآمهات ..

ولكن يبقى حاجز وفهوه كبيره بيننا وبين اطفالنا وذلك لوجود ..

1- الخادمات
2- التكنولوجيا الجديدة
3- انشغال الوالدين ..

الله يقدرنا ويصبرنا ويقدرنا على أنشائهم النشئة الصالحة حتى يدعون لنا يوم لا ينفع مال والا بنون الا من آتى الله بقلب سليم .. ولا يندعى علينا ..

اللهم آمين

وبخصوص ولدكـ لانه كان الطيش موجود بداخله وكان يبي يفرغ طاقه كان يحلم بحلم ولكنه عندما رأى هذا الحلم وتحقق لحقيقه علم أنه ليس مستقبله علم انه مستقبله يوجد في دراسته في علمه في كلامكـ له ..

فترة النضوج مالها مرحلة مع احترامي هناك من هم اصغر منا ولكنهم افهم منا ,, وهناك من هم اكبر منا ولكن العقل والاتزان ليس مناسب لسنه ..

بيض الله وجيهكم يميع وآرائكم الاسبوع القادم والموضوع تحت امرتكم لتعم الفائدة

اللهم اغفر لي وارحمني والسموحه منكم

[سكتون]

بالنسبه لي اخوي انا اتعامل مع عيالي معاملة اب لأبن
ومادخلت في راسي سالفة الصداقه مع الولد الصداقه بيحصلها مع ربعه من الناس الطيبه
الي علي اني اطلعه معاي مجالس ربعي وفي مجلسنا اعلمه شلون يحترم الضيوف ويقوم بواجبه ويقهويهم واعلمه شلون يختار ربعه
والحمد لله عيالي مع انهم صغار الا انهم اول مايشوفوني يبوسون راسي ويدي وفيهم خوف ورهبه مني اذا سوو غلط واذا يبون شي يطلبونه مني مباشره واذا رفضت محد فيهم يناقشني واذا وافقت مايخلون راسي وخشمي من التحبب هههه
الله يحفظهم
وعلى طاري الخوه
واحد اعرفه وهو مع ابوه مثل الربع لدرجة انه يقول له انا يايبه في الشيشه او طالع اغازل
وابوه يقول له لاتنقي الا الشي الزين يعني اكثر من هالخوه مافيه لاكن انا اشوف هالشي اكبر غلط

[شبح الصمت]

بالنسبه لي اخوي انا اتعامل مع عيالي معاملة اب لأبن
ومادخلت في راسي سالفة الصداقه مع الولد الصداقه بيحصلها مع ربعه من الناس الطيبه
الي علي اني اطلعه معاي مجالس ربعي وفي مجلسنا اعلمه شلون يحترم الضيوف ويقوم بواجبه ويقهويهم واعلمه شلون يختار ربعه
والحمد لله عيالي مع انهم صغار الا انهم اول مايشوفوني يبوسون راسي ويدي وفيهم خوف ورهبه مني اذا سوو غلط واذا يبون شي يطلبونه مني مباشره واذا رفضت محد فيهم يناقشني واذا وافقت مايخلون راسي وخشمي من التحبب هههه
الله يحفظهم
وعلى طاري الخوه
واحد اعرفه وهو مع ابوه مثل الربع لدرجة انه يقول له انا يايبه في الشيشه او طالع اغازل
وابوه يقول له لاتنقي الا الشي الزين يعني اكثر من هالخوه مافيه لاكن انا اشوف هالشي اكبر غلط




يعطيك العافيه اخوي خاوهم على الشيء الي فيه خير لهم ولك على حفظ كتابه على طلعاتك وياهم في شيء يفيدهم ويصقلهم طلعات البر والبحر هذه تعلمهم الاعتماد على انفسهم والرجوله والقوه ..

اما شيشه والا مجمعات والا هالسوالف تراه قاعد يدمر في ولده وهو مب حاس يحسب في هالامور راح يطلع رجال لا والله الا راح يخليه يطيح في مصايب وبلاوي وآثام الله يبعدهم عنها .

الله يستر على الجميع

[نوار قطر]

يعطيك العافيه اخوي شبح ،،،، بالنسبه حق العيال ( الصبيان) من صغرتهم المفروض يكون مع ابوهم يعلمهم على السنع والادب واخلاق الرياييل ،ويوديه المسيد معاه ، في بعض الرياييل يعلمون عيالهم الصغار على الميالس ويودونهم معاهم بين فتره وفتره ،، حلو الصبي يتعلم من ابوه هالاشياء يتعلم شلون يوجب الرياييل الي قدامه ،،، شلون يحترمهم ،، وهالشي بينعكس على شخصيته لي كبر ،،

والبنت وعليه البنت حبيبة امها كله تحت امها ،،، بالنسبه لي انا من صغرتي وامي تعاملنا ان احنا صديقاتها لدرجة اسرارنا نقولها لها ،، شي مضايقنا انيي ونقول لها،،، والحين خذت هالشي منها واتعامل مع بنتي بنفس الطريقه ،،، المفروض من الام تكون قريبه من بنتها وتكون صديقتها ،،، تسولف معاها تحسسها انها كبيره ،،، لي طلعت معاها مكان تاخذ رايها في الي بشتريه سواء كان حق الام او لهاا ،،،، تعلمها ان اي شي يضايقها اتيي وتقول حق امها،، تعلمها شلون تفتح قلبها لها اتعلم منها السنع ،،باختصار البنت صديقة امهاا ،،،

[شبح الصمت]

يعطيك العافيه اخوي شبح ،،،، بالنسبه حق العيال ( الصبيان) من صغرتهم المفروض يكون مع ابوهم يعلمهم على السنع والادب واخلاق الرياييل ،ويوديه المسيد معاه ، في بعض الرياييل يعلمون عيالهم الصغار على الميالس ويودونهم معاهم بين فتره وفتره ،، حلو الصبي يتعلم من ابوه هالاشياء يتعلم شلون يوجب الرياييل الي قدامه ،،، شلون يحترمهم ،، وهالشي بينعكس على شخصيته لي كبر ،،

والبنت وعليه البنت حبيبة امها كله تحت امها ،،، بالنسبه لي انا من صغرتي وامي تعاملنا ان احنا صديقاتها لدرجة اسرارنا نقولها لها ،، شي مضايقنا انيي ونقول لها،،، والحين خذت هالشي منها واتعامل مع بنتي بنفس الطريقه ،،، المفروض من الام تكون قريبه من بنتها وتكون صديقتها ،،، تسولف معاها تحسسها انها كبيره ،،، لي طلعت معاها مكان تاخذ رايها في الي بشتريه سواء كان حق الام او لهاا ،،،، تعلمها ان اي شي يضايقها اتيي وتقول حق امها،، تعلمها شلون تفتح قلبها لها اتعلم منها السنع ،،باختصار البنت صديقة امهاا ،،،




الله يخليـها لـكـ ويخليكـ لها وتفرحين فيها والحاضرين لهم بمثل هالدعوة الطيبه ’’

نفس ما تفضلتي بكل ما قلتيه الرجال يعلم ولده على الذرابه والسنع وتوجيب الرياجيل ولا ينسى انه لا يهمله ويخليه من الحفظه لكتاب الله تعالى .. ومحدن ما اتوقع ما يحب ولده يطلع من حافظت القرآن وخاتمه لاجل يوم القيامه يلبسه تاج الوقار .. الله يجعلنا منهم بالفعل وليس بالقول إن شاء الله ..


وبالنسبة للبنات يجب عليها ان تكون قريبه كل القرب من امها لانها الغطاء لها في السر وفي العلن وهي الاقرب لها والاحن ما أتوقع في انسان بيحن على ظناه كثر الام حتى الولد لسن معينه تكون الام اهي الملجأ له .. ولكن يكون باعتدال لانه اذا كثر تدليع الولد رآح يخترب وكذلك البنت ..

فالوسطيه أفضل واجمل للابناء ..

الله يجعلهم من الصالحين لنا ولكم ..

[نوار قطر]

الله يخليـها لـكـ ويخليكـ لها وتفرحين فيها والحاضرين لهم بمثل هالدعوة الطيبه ’’

نفس ما تفضلتي بكل ما قلتيه الرجال يعلم ولده على الذرابه والسنع وتوجيب الرياجيل ولا ينسى انه لا يهمله ويخليه من الحفظه لكتاب الله تعالى .. ومحدن ما اتوقع ما يحب ولده يطلع من حافظت القرآن وخاتمه لاجل يوم القيامه يلبسه تاج الوقار .. الله يجعلنا منهم بالفعل وليس بالقول إن شاء الله ..


وبالنسبة للبنات يجب عليها ان تكون قريبه كل القرب من امها لانها الغطاء لها في السر وفي العلن وهي الاقرب لها والاحن ما أتوقع في انسان بيحن على ظناه كثر الام حتى الولد لسن معينه تكون الام اهي الملجأ له .. ولكن يكون باعتدال لانه اذا كثر تدليع الولد رآح يخترب وكذلك البنت ..

فالوسطيه أفضل واجمل للابناء ..

الله يجعلهم من الصالحين لنا ولكم ..

اجمعين ان شالله اللهم امين

الولد بالذاااات ياخذ طبع ابوه وحركااته من صغرته يشوف ابوه شيسووي جان الابو يصلي بتلقى الولد صاف جنبه ويصلي معاه ،، جان انه يقرى قران الولد بياخذ المصحف وبيقرى حتى لو ماكان يعرف يقرى بس يقلد ابوه ويطبق حركااته ، والعكس تماما لو الابو مثلا يدخن قدام ولده تلقى الولد يمسك اي شي قلم مثلا ويقلد ابوه ، ، فتلاقي واايد من الرياييل الي يدخنون مايدخنون قدام عيالهم ، ومن شب على شئ شاب عليه ،،،،

الله يحفظ عيالنا وعيال امة محمد من كل شر

[شبح الصمت]

اجمعين ان شالله اللهم امين

الولد بالذاااات ياخذ طبع ابوه وحركااته من صغرته يشوف ابوه شيسووي جان الابو يصلي بتلقى الولد صاف جنبه ويصلي معاه ،، جان انه يقرى قران الولد بياخذ المصحف وبيقرى حتى لو ماكان يعرف يقرى بس يقلد ابوه ويطبق حركااته ، والعكس تماما لو الابو مثلا يدخن قدام ولده تلقى الولد يمسك اي شي قلم مثلا ويقلد ابوه ، ، فتلاقي واايد من الرياييل الي يدخنون مايدخنون قدام عيالهم ، ومن شب على شئ شاب عليه ،،،،

الله يحفظ عيالنا وعيال امة محمد من كل شر




اللهم آآآمين

جزيتي خيراً أختي الكريمة

[النجلا]

هاذي المواضيع الحلوة اللي تفتح النفس :nice::nice:

بالنسبة لي توني بأول الطريق ومنكم نستفيد مع اني واااايد اخاف وافكر شلون بتعامل مع ولدي حمد لانه ماشااء الله عليه وايد عنيد واستقلالي ويسوي اللي براسه غصبآ عن الكل ..


الله يحفظ عيالنا وعيالكم يارب ويهديهم ..

[شبح الصمت]

هاذي المواضيع الحلوة اللي تفتح النفس :nice::nice:

بالنسبة لي توني بأول الطريق ومنكم نستفيد مع اني واااايد اخاف وافكر شلون بتعامل مع ولدي حمد لانه ماشااء الله عليه وايد عنيد واستقلالي ويسوي اللي براسه غصبآ عن الكل ..


الله يحفظ عيالنا وعيالكم يارب ويهديهم ..




الله يجزاكـ خير

والله يخلـي لكـ غاليـكـ ويفرحكـ فيه وتشوفينه حافظ لكتابه ومعرس :)

ان شاء الله بأول الطريق وآلا بنهايته رآح تكونين خير عون له على نشأته وعبادته قبل كل شيء وطاعته لكـم ..
ماشاء الله الأمثلـه عندكـ كثيرة من الأخوات والأخوان ..
حاولي تركزين على النقاط الاساسيه في التعامل معه والولد بطبعه عنيـد أساليني انا عيالي اوقات ما يخآفون منـي لاني ما أضرب وإلا أمد يدي بس أمهم معطتهم العين الحمره يعني ان قالت لهم اركدو خلاص ..
مش معناته أنه شخصيتي مهزوزه قدآمهم لا الحمد لله احترامهم موجود بس في بعض الاشياء يميلون لأمهم فيها .. يمكن لاني اكون اوقات خارج البيت .

فأتمنى أنكـ لو أستعطتي أنكـ تروحين المحاضرات التي تخص الأبناء ومهب عيب ترى الآ احنا نتعلم من دكاتره وأسأتذة وخبرات في المجتمع ..

موفقـين يآرب

[ألماسة]

أشكرك أخوي شبح على طــرح هالموضوع اللي أكثر من رائع

كل رد فيه كنز أكثر من الثاني ... ما شاء الله على اخواني اللي ردوا

ملاحظات كنت اجهلها ... وملاحظات أعادت لي ذكرى تربية ابوي وامي لي ولأخواني ربي يحفظهم جميعاً

بديت مشوار الأمومه ... وان شاء الله أكون أم مثالية في تربية ولدي التربية المثالية ( ربي يقدرني )

ولــكن من وجهه نظري الخاصة .... أشوف أني راح اتبع طريقة تربية ابوي وأمي في تربية ولدي .... الحزم ... الصرامة ... الشدة ... اللين ... المصداقية .... والتقدير


اشكرك مرة ثانية على هالموضوع المفيد واللي فعلا محتاجين نتناقش فيه ونستفيد من بعض

[شبح الصمت]

أشكرك أخوي شبح على طــرح هالموضوع اللي أكثر من رائع

كل رد فيه كنز أكثر من الثاني ... ما شاء الله على اخواني اللي ردوا

ملاحظات كنت اجهلها ... وملاحظات أعادت لي ذكرى تربية ابوي وامي لي ولأخواني ربي يحفظهم جميعاً

بديت مشوار الأمومه ... وان شاء الله أكون أم مثالية في تربية ولدي التربية المثالية ( ربي يقدرني )

ولــكن من وجهه نظري الخاصة .... أشوف أني راح اتبع طريقة تربية ابوي وأمي في تربية ولدي .... الحزم ... الصرامة ... الشدة ... اللين ... المصداقية .... والتقدير


اشكرك مرة ثانية على هالموضوع المفيد واللي فعلا محتاجين نتناقش فيه ونستفيد من بعض





لا شكر على وآجب آختي

الطرح للاستفادة قبل كل شيء لي ولكم ..

ونفس ما تفضلتي في النقاط الاخيرة مهمه ويبقى دور الأب والأم صدقوني أكثر من دور أي دور آخر حتى من المدرسة ..
قبل المدرسة لها دور كبير مع احترامي للادارات الجديدة ولكن حاليا 80% دور الوالدين ..

فالله يعين كل أولياء الأمور على التربية الصالحه

لانه الي نسمعه في المدارس عن بعض الاطفال شيء محزن وينتج ذلك عن أهمال الوالدين لأبنائهم في التربية ..

[أبوعلي89]

يعطيكم العافية جميعا

[شبح الصمت]

يعطيكم العافية جميعا




الله يعافيكـ ياخوي ابو علي

إن شاء الله استفد من الموضوع واستفادوا الاخوان وانا قبلكم كلكم

:)

[غزلان]

المثل يقول اذا كبر ابنك خاويه

الاحظ كثير من العائلات الأولاد منفصلين عن الأبوين

كل جنس مع اصدقائه الصبح بالمدرسه وثم التجمع اما بالسينما او مطعم هالحياه تخلي الولد او البنت يكتسب مبادئه واخلاقه وتصرفاته وسلوكه من الأصدقاء حتى لو بتقولون الأم والأبو يوجهونهم بيكون تاثر الصداقه اكبر بحكم التواجد معهم معظم الوقت ومع توفر التلفون وكل وسائل التواصل بيدهم يكبر الخطر

اقدر اقول هالشي من اسباب كثرة الأنتقاد الى توجهه لسلوك الأبناء

[شبح الصمت]

المثل يقول اذا كبر ابنك خاويه

الاحظ كثير من العائلات الأولاد منفصلين عن الأبوين

كل جنس مع اصدقائه الصبح بالمدرسه وثم التجمع اما بالسينما او مطعم هالحياه تخلي الولد او البنت يكتسب مبادئه واخلاقه وتصرفاته وسلوكه من الأصدقاء حتى لو بتقولون الأم والأبو يوجهونهم بيكون تاثر الصداقه اكبر بحكم التواجد معهم معظم الوقت ومع توفر التلفون وكل وسائل التواصل بيدهم يكبر الخطر

اقدر اقول هالشي من اسباب كثرة الأنتقاد الى توجهه لسلوك الأبناء






صباح الخير اختي غزلان

صدقتي في كل الي قلتيه الاطفال والصحبه والحين نلاحظ اطفال في سن 10 سنوات وما فوق نحصلهم في المجمعات هياته مع ربعهم في بعضهم جايين للتسلية وفي بعضهم استغفر الله العظيم توهم صغار وعليهم حركات ..

والصاحب ساحب على الآباء الانتباه لما تفضلتي فيه والتركيز عليهم اما يكون الاب صاحب لهم او ان يختار لهم صحبه صالحة ..والبنت كذلك ..

والله يحفظ الجميـع

[ثابت]

’’
,,
’’
،،

السلام عليكم ورحمة الله وبركاته ’,’’,,,’’’

الموضوع اليوم مهم لي ولكم وللكثيــر من أفراد المجتمع رجالاً ونساءً


كيف ( أخاوي ولدي )

كيف ( تجذبين بنتـكـ )


الأب ( ومخاوات أبنـكـ )
الدراسات تدل على أنه الأنسان الذي يتقرب من أبنه فيه رآح تستمر علاقته فيه ورآح يكون له عوناً في الكبر كما كان والده له عوناً في الصغر .. !!! لأن والده أستطاع أن يحببه فيه وقدر يوصل لعقل هذا الطفل وعرف أشلون يخليه يميل لطبعه ,,,’’’ طبعا يخاويه في مجلساً فيه الذكر الطيب وإلا يخاويه في مجلسا ً( الله يبعد عنا وعنكم ) النميه والكلام البذئي ،، يعلمه حفظ كتاب الله .. يعلمه الاعتماد على نفسه وطاعة والدينه .

وكذلك الأم ( كيف تجذبين بنتـكـ )
البنت في مرحلتها من الصغــر تتعلم بسرعه وتكون أسرع فهما من الولد وكلنا نلاحظ بس مش الكل .. فالبنت بسميها ( قنبله ) لانها في أي وقت مستعد تنفجر أمام الأهل أو من وراهم .. فكيف تحافظين على ابنتـكـ وكيف تستطيعين انه تجعليها رفيقتك في كل مكان وصديقتك فالبنت بحاجه إلى أم تراها بعين الطفله وبعين المرأة الناضجه وبعين الثقة .. وتشاهد بعينها الثانية والدها الذي رباها على الاحترام .. الخ ..


الموضوع للنقاش واعذروني فانا اخرجت ما لدي وفي بعض الاوقات اعجز عن التعبـير وعن الرد .. ولكني اترك الموضوع لكم ..

واتمنى كل عضو أو عضوه تقولون لنا كيف نستطيع مخاوات ابنائنا وعن تجارب وهل فاد الامر معهم .. أم نلجأ إلى اناس ذو اختصاص تربوي .. !!



الله يحفظ ابنائكم وبناتكم ويفرحكم فيهم ..

اللهم آمين

بارك الله فيك وجزاك الله خير على هذا الكلام الطيب ويجعلة بميزان حسناتك وصدقت يا اخي الطفل محتاج لولدية والحمدلله نراء الكثير من الاهلي يهتمون في اطفالهم في مجتمعنا والحمدلله هذي نعمة الاسلام وفضل رب العالمين علينا الا حالت شاذة وندعي لهم بالهداية اطفالنا فلذة اكبادنا.

جزاك الله خير

[شبح الصمت]

بارك الله فيك وجزاك الله خير على هذا الكلام الطيب ويجعلة بميزان حسناتك وصدقت يا اخي الطفل محتاج لولدية والحمدلله نراء الكثير من الاهلي يهتمون في اطفالهم في مجتمعنا والحمدلله هذي نعمة الاسلام وفضل رب العالمين علينا الا حالت شاذة وندعي لهم بالهداية اطفالنا فلذة اكبادنا.

جزاك الله خير




وجزاكـ ربي الف خير

والله يعينا على تقويمهم وتنشأتهم التنشئة الصالحه ..

اللهم آمين

[نور الحور]

شبح .. موضوعك وايد أثر فيني وصيحني لين قلت بس والحمدلله من بعد ما نشفت دموعي جيت أشارك ..:weeping:

وفي البداية بقولك إنك سألت عن عظيم .. التقرب من الأبناء وخاصة في هالزمن اللي طغت فيه الالكترونيات وصار الواحد بسهولة يقدر ينعزل عن اللي حوله ويتأثر في نفس الوقت بعالم مفتوح وكبير ..

لكن مثل ما قلت .. البداية من البيت .. حلو لما تخلي عيالك قراب منك وفي نفس الوقت محافظين على مسافة الاحترام ..
أنا من الرافضين لمبدأ الصداقة بين الأباء والأمهات وبين الأبناء إذا كان معنى هالصداقة هو التعامل كالأصدقاء تماما ..
لكن لو كان المقصد القرب والحميمية بين الوالدين والأبناء من غير ما يتنازل أحد من الوالدين عن موقعه في التوجيه والتربية والتعليم فهذا جيد ومطلوب ..
بختصر لك كم نقطة جات على بالي ممكن تطبق للتقرب من الأبناء :

1. متابعة الأبناء أولاً بأول في كافة أمورهم .

2. تقوية القيم والجانب الديني من خلال القصص والقدوة الحسنة أكثر من المواعظ والمحاضرات .

3.إعطاء الابن الأمان في حال صدر منه الخطأ حتى يعترف بخطأه ويتداركه في المرات المقبلة .. وليس بغرض التفي والانتقام لأنه ارتكب خطأ معين.

4. التقارب الجسدي .. كثرة الاحتضان والتقبيل واللمسات الحانية يعزز ويقوي العلاقة بين الآباء والأبناء .

5. ذم الفعل الخاطيء وليس الفاعل (الابن) .. يعني تجنب عبارات مثل : (أنا ما أحبك لأنك ....) أو (أنت ....) واستبدالها بـ (أنا أحبك لكن تصرفك الفلاني ما أحبه) .. أو (أنت ولدي مهما حصل أنا أحبك لكن تصرفاتك الفلانية مستحيل أقبلها)

6. تأكيد النية الحسنة وراء تعامل الآباء مع الأبناء .. لأن لأطفال أحياناً يحسون بأن تصرفات الآباء هي للتضييق عليهم أو أنهم يدققون أو يلومون بشكل كبير .. لكن لو توضحت لهم النوايا بيتجاوبون صح .. مثال : ابنك تأخر خارج البيت عن الموعد المعتاد .. بدل ما تزفه وتلومه أول ما يجي .. سلم عليه واحضنه وقول له ليش يبه تأخرت أنا قاعد أحاتيك خفت عليك إن يصير لك شي ..بهالطريقة الولد بيقلل من هالتصرف خوفاً على مشاعر أبوه مو خوفاً منه ..

7. ترسيخ الصدق والمصارحة .. خل قاعدة تعاملك مع عيالك أن : (الصدق منجاة) .. علمهم إن لو قالوا الصدق ما بيتعاقبون ولو اكتشفت كذبهم فالعقاب واجب .. وكأنك بهالطريقة تكافئهم على صراحتهم وصدقهم معاك وتعلمهم التقرب منك ..

8. اقرأ تعابير وجه أطفالك .. وارصد أي تغيير في سلوكياتهم .. فالطفل لا يقول لوالديه كل شيء .. لكن لو شفت أي تغيير ممكن تتقرب منه وتسأله بشكل غير مباشر وبيحس إنك موجود معاه وحاس فيه حتى لو ما عبر عن هالشي.

9. الرفق واللين وعدم الإكثار من الشدة إلا في أوقات محددة والموازنة بين الحزم واللين..

10. تخصيص وقت لكل طفل لوحده مع أحد والديه أو كلاهما في نزهة أو خروج أو لعب

11. مشاركة الأبناء في اللعب بين حين وآخر

12. برمجة الطفل على هدف أو أهداف
معينة ليحققها في حياته ، ومكافأته على المحاولات وليس فقط تحقيق النتائج

طبعا في أمور كثيرة ثانية ممكن تطبق على حسب مرحلة الطفل العمرية وحسب شخصيته ..لكن هذا ما تذكرته والله يعينا على الثبات في التطبيق ويبارك لنا في عيالنا ويحفظهم ويصلحهم

[شبح الصمت]

شبح .. موضوعك وايد أثر فيني وصيحني لين قلت بس والحمدلله من بعد ما نشفت دموعي جيت أشارك ..:weeping:

وفي البداية بقولك إنك سألت عن عظيم .. التقرب من الأبناء وخاصة في هالزمن اللي طغت فيه الالكترونيات وصار الواحد بسهولة يقدر ينعزل عن اللي حوله ويتأثر في نفس الوقت بعالم مفتوح وكبير ..

لكن مثل ما قلت .. البداية من البيت .. حلو لما تخلي عيالك قراب منك وفي نفس الوقت محافظين على مسافة الاحترام ..
أنا من الرافضين لمبدأ الصداقة بين الأباء والأمهات وبين الأبناء إذا كان معنى هالصداقة هو التعامل كالأصدقاء تماما ..
لكن لو كان المقصد القرب والحميمية بين الوالدين والأبناء من غير ما يتنازل أحد من الوالدين عن موقعه في التوجيه والتربية والتعليم فهذا جيد ومطلوب ..
بختصر لك كم نقطة جات على بالي ممكن تطبق للتقرب من الأبناء :

1. متابعة الأبناء أولاً بأول في كافة أمورهم .

2. تقوية القيم والجانب الديني من خلال القصص والقدوة الحسنة أكثر من المواعظ والمحاضرات .

3.إعطاء الابن الأمان في حال صدر منه الخطأ حتى يعترف بخطأه ويتداركه في المرات المقبلة .. وليس بغرض التفي والانتقام لأنه ارتكب خطأ معين.

4. التقارب الجسدي .. كثرة الاحتضان والتقبيل واللمسات الحانية يعزز ويقوي العلاقة بين الآباء والأبناء .

5. ذم الفعل الخاطيء وليس الفاعل (الابن) .. يعني تجنب عبارات مثل : (أنا ما أحبك لأنك ....) أو (أنت ....) واستبدالها بـ (أنا أحبك لكن تصرفك الفلاني ما أحبه) .. أو (أنت ولدي مهما حصل أنا أحبك لكن تصرفاتك الفلانية مستحيل أقبلها)

6. تأكيد النية الحسنة وراء تعامل الآباء مع الأبناء .. لأن لأطفال أحياناً يحسون بأن تصرفات الآباء هي للتضييق عليهم أو أنهم يدققون أو يلومون بشكل كبير .. لكن لو توضحت لهم النوايا بيتجاوبون صح .. مثال : ابنك تأخر خارج البيت عن الموعد المعتاد .. بدل ما تزفه وتلومه أول ما يجي .. سلم عليه واحضنه وقول له ليش يبه تأخرت أنا قاعد أحاتيك خفت عليك إن يصير لك شي ..بهالطريقة الولد بيقلل من هالتصرف خوفاً على مشاعر أبوه مو خوفاً منه ..

7. ترسيخ الصدق والمصارحة .. خل قاعدة تعاملك مع عيالك أن : (الصدق منجاة) .. علمهم إن لو قالوا الصدق ما بيتعاقبون ولو اكتشفت كذبهم فالعقاب واجب .. وكأنك بهالطريقة تكافئهم على صراحتهم وصدقهم معاك وتعلمهم التقرب منك ..

8. اقرأ تعابير وجه أطفالك .. وارصد أي تغيير في سلوكياتهم .. فالطفل لا يقول لوالديه كل شيء .. لكن لو شفت أي تغيير ممكن تتقرب منه وتسأله بشكل غير مباشر وبيحس إنك موجود معاه وحاس فيه حتى لو ما عبر عن هالشي.

9. الرفق واللين وعدم الإكثار من الشدة إلا في أوقات محددة والموازنة بين الحزم واللين..

10. تخصيص وقت لكل طفل لوحده مع أحد والديه أو كلاهما في نزهة أو خروج أو لعب

11. مشاركة الأبناء في اللعب بين حين وآخر

12. برمجة الطفل على هدف أو أهداف
معينة ليحققها في حياته ، ومكافأته على المحاولات وليس فقط تحقيق النتائج

طبعا في أمور كثيرة ثانية ممكن تطبق على حسب مرحلة الطفل العمرية وحسب شخصيته ..لكن هذا ما تذكرته والله يعينا على الثبات في التطبيق ويبارك لنا في عيالنا ويحفظهم ويصلحهم




السموحه ان حركت مشاعركـ بس احسن لاجل تنزلين الدموع المحبوسه
:shy:

ماشاء الله عليكـ صرآحـه ما قصرتي في النقاط الي ذكرتيها وكل نقطة اطيب من الثانية وفيها معاني كثيرة لغير المتزوجين والمتزوجين والآباء والامهات المرتبطين والمطلقين ..


شاكر لكـ مرورك الرائع ولو برد على كل نقطة يبيلها وقت ..

آرحم الله والديكـ