المساعد الشخصي الرقمي

مشاهدة النسخة كاملة : يا وزيـر البيـئــة اتــق الـلـه في نفسك و فينا نحن المواطنين


Aaziz
13-03-2013, 11:13 AM
السلام عليكم ورحمة الله


لم اجد وسيله لايصال صوتى سوى منتدى الاسهم

موضوعي هذا موجه لسعادة السيد عبدالله بن عبود وزير البيئة المحترم

لا اعلم يا سعادة الوزير ماهي القوانين المتبعة في وزارتكم هل هو القانون المعروف لدى الجميع و الذي بناء عليه نتقدم بطلباتنا و نبحث في استكمال شروطه ام ان للبيئة قوانينها الخاصه و التي الى الان لم اتمكن من التعرف عليها .

تقدمت بطلب للحصول على عزبة في مجمع الخور و كنت مستوفي لجميع الشروط المطلوبه والموضحة في قوانين البيئة الرسمية . فقمت بالذهاب للثروة الحيوانية و استخرجت منهم شهادة ترقيم الحلال بعد ان قامو باحصائة مرفوقة بكتاب طلب عزبه مع البطاقة الشخصية .
كان هذا قبل 6 اشهر من الان او يزيد و الى اليوم لم احصل على طلبي الذي بالاساس انا مستوفي لجميع شروطة . و خلال هذه الفتره تم صرف عدد من العزب لاشخاص في نفس المنطقه و انا كفيل باثبات ذلك .

خلال هذه الفترة تبين لي ان جميع اوراقي قد فقدت في الوزارة ،، فتقدمت بطلب جديد و بعد شق الانفس جاء رد بان المنطقه لا يوجد فيها اراض عزب فارغة لنمنحك اياها .

ذهبت للبلدية و اخذت منهم رقم قطعتين اراضي مع الاحداثيات الرسمية اعرف انها فارغة من اكثر من سنه ولم تصرف لاحد وحتى لو صرفت فالقانون يعطي الشخص فرصة 6 اشهر للاستفاده من الارض او تسحب منه .

ولكن للاسف لايوجد رد او موافقة .

طلبت مقابلتك يا سعادة الوزير ولكن اعتقد انه احد احلام المواطن هي مقابلة وزير البيئة .
بعد الحاح مني و مراجعات كثيرة تم ارسال طلبي من قبل سكرتير على بريدكم الالكتروني ولكن لاجدوى بتلقي رد منكم.
دلوني اهل الخير على شخص في مكتبك و ينوب عنك بهذا الخصوص منح من قبلكم صلاحية صرف العزب (لا افضل ذكر اسمة) وعند دخول السكرتير علية يطلب منه الاذن لي بالدخول .. رفض هذا الشخص دون تقديم اي سبب ؟؟؟ لماذا يرفض مقابلتي و انا اطالب بحق مشروع لي كمواطن اقرة قانون و استوفيت جميع الشروط بل و اكثر من هذا قدمت لكم ارضين فارغتين باثبات من جهة رسمية وهي البلدية ، ماذا تريدون اكثر ؟؟ هي ارض خاليه ماذا ستكلف البيئة لو صرفت لي ؟
الم يعين هؤلاء المسؤولين في هذه المناصب لمقابلتنا نحن المواطنين و حل مشاكلنا ؟

يا سعادة الوزير اتق الله في نفسك فانت مسؤول امام الله و امام المواطنين.. فبهذه الطريقة خلقتم سوق سوداء في مجتمعنا تباع فيها تراخيص العزب بشكل غير رسمي و غير قانوني و بمبالغ تفوق مأت الالوف ، حصل على هذه التراخيص من كذب و من تلاعب بالقوانين و من لديه واسطه و باعو ورقة a4 من المفترض انها لاتساوي شيء ولكن بتوقيعكم عليها اصبحت تباع و في منتدى الاسهم بـ 400 الف ريال و يزيد .

ختاماً : اشهد الله انني لم اذكر الا حقيقة و اقل من الحقيقة بكثير.
واشهد الله ايضا انني لم اتقدم بطلب هذه العزبه للتكسب المادي باي شكل من الاشكال ولكن لقربها من منطقة سكني و لرغبتي في وجود مكان اقضي فيه وقت فراغي في شيء يفيد انا و عائلتي بخصوصية .

و السلام عليكم ورحمه الله و بركاته
تحداني
13-03-2013, 11:19 AM
ما عندي خبره في هالمواضيع .. بس في جمله دايما اذكرها في المنتدى وللمواضيع الخاصه بوزاره البيئه احسها مفيده وايد للي عندهم شكوى او ملاحظه

في برنامج لكم القرار زمان على تلفزيون قطر قبل الهويه الجديده
استضافوا وزير البلديه .. قال " انا باب مكتبي مفتوح " والي عنده شكوي ويشوف ما انصفته يروح يشتكي علي في المحاكم

فإنت يا اخوي عزيز اختار الخيار المناسب
اما تدخل مكتبه المفتوح
او تشتكي عليه


جملك الله برضاه
بن غيث
13-03-2013, 11:23 AM
سياسة الباب المفتوح مرة أخرى ..

تعبنا من الوزراء الذين يختبؤون خلف جيش من السكرتارية

أذا انت وزير تخاف من مقابلة مواطن .. فأرجوك .. أجلس في بيتكم أفضل

فأنت معين لتخدمه وتخدم أي مواطن قطري
مبرمج QA
13-03-2013, 11:25 AM
الله يعيينك أخوي
تحداني
13-03-2013, 11:28 AM
سياسة الباب المفتوح مرة أخرى ..

تعبنا من الوزراء الذين يختبؤون خلف جيش من السكرتارية

أذا انت وزير تخاف من مقابلة مواطن .. فأرجوك .. أجلس في بيتكم أفضل

فأنت معين لتخدمه وتخدم أي مواطن قطري




هو ما يخاف .. هو مب فاضي .. او يمكن اجتماعاته الي يناقش فيها قضايا العصر والبعيده عن مشاكل الناس ما تنتهي .. بعدين هذا وزير مب موظف ولا انسان عادي
عنده مليونين شي .. مب مثلي ومثلك عندما 5 اشيا اتخلص في يوم واحد


لازم انوسع مداركنا ونستوعب ما معنى وزير
ولا ابجذي ما راح يعجبنا اي وزير
Aaziz
13-03-2013, 11:29 AM
ما عندي خبره في هالمواضيع .. بس في جمله دايما اذكرها في المنتدى وللمواضيع الخاصه بوزاره البيئه احسها مفيده وايد للي عندهم شكوى او ملاحظه

في برنامج لكم القرار زمان على تلفزيون قطر قبل الهويه الجديده
استضافوا وزير البلديه .. قال " انا باب مكتبي مفتوح " والي عنده شكوي ويشوف ما انصفته يروح يشتكي علي في المحاكم

فإنت يا اخوي عزيز اختار الخيار المناسب
اما تدخل مكتبه المفتوح
او تشتكي عليه


جملك الله برضاه

اشتكي عند من ؟ هو اعلى شخص في هذه الوزاره، الي تحته كل واحد يقطك على الثاني. اخر مراجعه لي كانت قبل ساعات من الان و صدموني بصدمه اخرى ، يقولون مالك طلب مبين في السستم ، مادري اروح احرق نفسي قدام باب وزاره البيئه عشان الفت انظار المسؤولين ؟

بعدين ايش علاقه وزير البلديه في البيئه ؟
دستور
13-03-2013, 11:31 AM
نفس مشكلتك يا خوي عزيز
والحين طالب مقابلة سعادة الوزير وإذا ما عطوني عزبة وما فيه مبرر قانوني فا الحمدلله البلد فيها قانون وباقدم دعوى في الدائرة الادارية
خصوصاً إن سلطة الوزير في منح الترخيص مقيدة وليست تقديرية
Aaziz
13-03-2013, 11:32 AM
سياسة الباب المفتوح مرة أخرى ..

تعبنا من الوزراء الذين يختبؤون خلف جيش من السكرتارية

أذا انت وزير تخاف من مقابلة مواطن .. فأرجوك .. أجلس في بيتكم أفضل

فأنت معين لتخدمه وتخدم أي مواطن قطري

والله يا بن غيث ان الوزير في مكتبه و بعد الحاح مني لمقابلته قالو النظام نطرش له الطلبات في الايميل.

انا بس ابي ادخل عليه اقول له كلمه وحده.
العزبه طالبها للوالده الله يحفظها عمرها فوق 60 سنه في مثل هذا السن وين اوديها اذا ابي اونسها. هل اوديها اللؤلؤه ولا كتارا ؟
ابيه ينصحني بس
بن غيث
13-03-2013, 11:36 AM
أكتب كتاب وقدمه لمجلس الشورى وارفق نسخه منه لمجلس الوزراء .. وشوف النتيجة ..
Aaziz
13-03-2013, 11:36 AM
نفس مشكلتك يا خوي عزيز
والحين طالب مقابلة سعادة الوزير وإذا ما عطوني عزبة وما فيه مبرر قانوني فا الحمدلله البلد فيها قانون وباقدم دعوى في الدائرة الادارية
خصوصاً إن سلطة الوزير في منح الترخيص مقيدة وليست تقديرية

رحم الله والديك انت ذكرت نقطه مهمه. احنا طالبين غزبه ارض خلاء ماتكلف شي و انا راح ابدا اصلح فيها وهم حاطين شروط 1 2 3
استوفيت الشروط تحصل على طلبك ما استوفيت الشروط يعني ماتستحق .
واحنا مستوفين الشروط و فوق هذا بالنسبه لي تعذرو بعدم وجود ارض نخصصها لك و مشيت ورى عذرهم و جبت لهم من البلديه ارقام قطع فاظيه مع احداثياتها. يعني حتى شغلهم انا سويته لهم ايش يبون اكثر.

اخوي كيف بخصوص التقديم دعوى في الدائره الاداريه
بوحمد111
13-03-2013, 11:37 AM
الواسطه وما تسوي وانا مثلك مقدم طلبي من ثلاث سنين والى اليوم ما حصلت

ربك كريم
لـبـيـه
13-03-2013, 11:37 AM
هو ما يخاف .. هو مب فاضي .. او يمكن اجتماعاته الي يناقش فيها قضايا العصر والبعيده عن مشاكل الناس ما تنتهي .. بعدين هذا وزير مب موظف ولا انسان عادي
عنده مليونين شي .. مب مثلي ومثلك عندما 5 اشيا اتخلص في يوم واحد


لازم انوسع مداركنا ونستوعب ما معنى وزير
ولا ابجذي ما راح يعجبنا اي وزير

اذا فعلا هو مشغول يحط واحد مكانه ويعطيه الصلاحيه

اما انه اكون مشغول واوقف شغل الناس الي ماتمشي الي بوجودي لين افضى

هذا قصه بعد
حمد 2002
13-03-2013, 11:39 AM
حتى لو استوفيت الشروط اخووي ، نفس مانت مقدم في الف واحد غيرك مقدم ، فمستحيل يعطون الطلبات كل الناس ،،،

الحل انك تشتري عزبه من شخص يبي ايبيع عزبته ،،،

وبالنسبه لرفضهم دخولك على الوزير ، من حقهم اخووي انهم مايدخلونك ، يعني تدري ان الوزير تحته مدراء ورؤساء اقسام وووو كل شخص حسب اختصاصه ،،

وللوزير مسؤليات ومهمات كبيره بالدوله فمب فاضي لكل واحد يجيه علشان مشكله بسيطه نفس مشكلتك ،، :)

تحياتي لك
Aaziz
13-03-2013, 11:39 AM
الله يعيينك أخوي

الجميع اخوي ، تسلم
تحداني
13-03-2013, 11:39 AM
اشتكي عند من ؟ هو اعلى شخص في هذه الوزاره، الي تحته كل واحد يقطك على الثاني. اخر مراجعه لي كانت قبل ساعات من الان و صدموني بصدمه اخرى ، يقولون مالك طلب مبين في السستم ، مادري اروح احرق نفسي قدام باب وزاره البيئه عشان الفت انظار المسؤولين ؟


انت لازم تتعامل مع هالنوعيه من الردود بروح رياضيه ويكون صدرك وسيع
اذا قال لك مالك طلب او امورك للحين مب واضحه قول له من هالخشم ومعاك حق
حط لي طلب في السستم الحين
ورد مره ثانيه حط الين ما تكره السالفه

بعدين ايش علاقه وزير البلديه في البيئه ؟



هو نفسه انا اذكر .. في شي ضموه مع شي صاروا شيئين لوزير واحد
انا متأكده





والله يا بن غيث ان الوزير في مكتبه و بعد الحاح مني لمقابلته قالو النظام نطرش له الطلبات في الايميل.

انا بس ابي ادخل عليه اقول له كلمه وحده.
العزبه طالبها للوالده الله يحفظها عمرها فوق 60 سنه في مثل هذا السن وين اوديها اذا ابي اونسها. هل اوديها اللؤلؤه ولا كتارا ؟
ابيه ينصحني بس




بينصحك ولا يهمك .. بيقول لك عطها مسباح اتسبح فيه ودها العمره .. او يمكن يقول لك
العزبه يبيلها امداراه بيطلع لك رد .. مهو الكلام ابلاش مب رياضيات ولا اختراع
دروب
13-03-2013, 11:41 AM
لو الوزير مشغول يحط موظفين نايبين عنه يشوفون مشاكل المراجعين
أقل شي يكون فيه خط ساخن
ويوظف من فيه الخير والأمانة يتابع أمور الناس ومصالحهم
وش فايدة الوزارة إذا ما تخدم مصالح الناس
العملية سهلة على من سهل الله عليه
معطاب
13-03-2013, 11:42 AM
موضوع عزب المجمعات فاشل لو خلوها على العزب الجواله وحمو الروض ابركلهم اغلب هل المجمعات قالبينها استراحات لو هي عزب وخيام وفي خلا مب ماخذها الا راعي الحلال لاكن اراضي بيوصلون له كهرباء وماي كل الناس تبيها وتكدسها ومنظرها بايخ العزب البر ابرك بفرق حطولهم مجمعات وواسطات وتوزيع على كل من هب ودب راعي الحلال هو اللي يقعد ينطر دورة
البرونزي
13-03-2013, 11:42 AM
قول الحمدالله ياخوي
أنا عطوني عزبه مؤقته من سنه تقريبا وسورتها
وحطيت الحلال فيها وشريت كباين ويوم وزعوا العزب الثابته
راجعتهم الا يقولون مالك اوراق عندنا وشل عزبتك ولين اليوم
ماحصلت حل وشليت اغراضي والموظفين اللي خلصوا معاملتي
واللي حدد لي الموقع يذكر ان كانت لي اوراق عندهم والعزب الجديده
توزعت كامله على كلامهم. السالفه معروفه طال عمرك نصيبي ونصيبك
راااح حق ناس ثانيه لان القسايم معروف عددها من قبل وشلوا ناس وحطوا
ناس. حطيت موضوعي يمكن يهون عليك موضوعك
وسويت كل اللي اقدر عليه ولا راح اقابل وزير لاني عارف ماراح اوصل حق حل
كلمة حسبي الله ومنعم الوكيل تكفيني واكثر
تحداني
13-03-2013, 11:42 AM
اذا فعلا هو مشغول يحط واحد مكانه ويعطيه الصلاحيه

اما انه اكون مشغول واوقف شغل الناس الي ماتمشي الي بوجودي لين افضى

هذا قصه بعد



والله ما ادري انا اسمع دايما ان الوزراء مشغولين
يمكن اشاعه الله اعلم .. بعد شنسوي

حتى لو استوفيت الشروط اخووي ، نفس مانت مقدم في الف واحد غيرك مقدم ، فمستحيل يعطون الطلبات كل الناس ،،،

الحل انك تشتري عزبه من شخص يبي ايبيع عزبته ،،،

وبالنسبه لرفضهم دخولك على الوزير ، من حقهم اخووي انهم مايدخلونك ، يعني تدري ان الوزير تحته مدراء ورؤساء اقسام وووو كل شخص حسب اختصاصه ،،

وللوزير مسؤليات ومهمات كبيره بالدوله فمب فاضي لكل واحد يجيه علشان مشكله بسيطه نفس مشكلتك ،، :)

تحياتي لك




معاك حق الحين مشكله " عزيز " مقارنه لمسؤوليات الوزير وايد وايد بسيطه
خل انشوف اخونا عزيز مؤيد ولا امعارض .. ويمكن صج بسيطه
بس تدري عشان ما لقى موضوعه في السستم وقلبه مليان والموضوع يخص الوالده
يحس ان وايد مهم وكبير بعد ما يصير الوزير يصغر هموم المواطن القطري
عشان عنده مهمات تتعلق بدول وقارات
Al-Kuwari
13-03-2013, 11:43 AM
حسبي الله ونعم الوكيل

الله يعينك يابو سعود ويرزقك ان شا الله
دستور
13-03-2013, 11:44 AM
رحم الله والديك انت ذكرت نقطه مهمه. احنا طالبين غزبه ارض خلاء ماتكلف شي و انا راح ابدا اصلح فيها وهم حاطين شروط 1 2 3
استوفيت الشروط تحصل على طلبك ما استوفيت الشروط يعني ماتستحق .
واحنا مستوفين الشروط و فوق هذا بالنسبه لي تعذرو بعدم وجود ارض نخصصها لك و مشيت ورى عذرهم و جبت لهم من البلديه ارقام قطع فاظيه مع احداثياتها. يعني حتى شغلهم انا سويته لهم ايش يبون اكثر.

اخوي كيف بخصوص التقديم دعوى في الدائره الاداريه

سلم اوراقك عند حد من الحامين او ادخل على موقع المجلس الاعلى للقضاء وبتحصل الطريقة
Aaziz
13-03-2013, 11:45 AM
اذا فعلا هو مشغول يحط واحد مكانه ويعطيه الصلاحيه

اما انه اكون مشغول واوقف شغل الناس الي ماتمشي الي بوجودي لين افضى

هذا قصه بعد

هذا الي حاصل فعلا. هو وزير و نعذره انه مسغول و عنده مؤتمرات و سفر لتمثيل البلد في انحاء العالم.
الوزير معطي اشخاص محددين صلاحيه منح تراخيص لكن المشكله اني مثل ماذكرت حاولت اقابل احد الاشخاص ورفض بطريقه تحسسك باحساس مابي اقوله :(
بن غيث
13-03-2013, 11:50 AM
تحداني الزمان .. حمد 2002

أنا أشتغلت مع وزيرين سابقين .. ولدي ثلاثة وزراء من أصدقائي

وأعلم تماماً كيفية تفكيرهم .. والاسلوب المتبع في المقابلات

وكيف تكون للواسطة دور فعال على الوزراء .. او تكون توجيهات معينه سيادية

وأحب أيضاً أفهمكم أن للوزير وقت كافي جداً لمقابلة المواطنين الذين لم يجدوا حلول عند المسئولين الاخرين
ومن صميم عمله أيضاً . .
intesar
13-03-2013, 11:51 AM
تحرق نفسك عشان عزبة أخ عبدالعزيز..
روح ارفع عليهم قضية.. أو فوض أمرك إلى الله.. أحياناً الوزير ما يكون عنده علم والتقاعس يكون من هم من حوله..

اكتب بتويتر.. الصوت مسموع هناك أكثر.. دور يمكن الوزير يكون عنده تويتر..
كلم أحد الصحفيين عبر تويتر حتى يفعل قضيتك.. يمكن توصل له..

لو كان لك حق بإذنه تعالى راح تاخذه..

ودمتم بحفظ الرحمن..
Aaziz
13-03-2013, 11:51 AM
لو الوزير مشغول يحط موظفين نايبين عنه يشوفون مشاكل المراجعين
أقل شي يكون فيه خط ساخن
ويوظف من فيه الخير والأمانة يتابع أمور الناس ومصالحهم
وش فايدة الوزارة إذا ما تخدم مصالح الناس
العملية سهلة على من سهل الله عليه

رحم الله شايب رباك و بارك فيك ، الموضوع امانه و ذمه
اما تكون قد الامانه اما تعتذر
و الوزير ان شاءالله انه قد الامانه و لكن فيه خلل و خلل كبير في وزارته اتمنى منه سرعه تدارك الموضوع.

مش امر عادي اني اقدم اوراقي مرتين و اليوم يقولون لي مش بين في السستم انك مقدم على ارض مع انه شوف عيني عند السكرتير طلبي موجود في السستم
تحداني
13-03-2013, 11:51 AM
تحداني الزمان .. حمد 2002

أنا أشتغلت مع وزيرين سابقين .. ولدي ثلاثة وزراء من أصدقائي

وأعلم تماماً كيفية تفكيرهم .. والاسلوب المتبع في المقابلات

وكيف تكون للواسطة دور فعال على الوزراء .. او تكون توجيهات معينه سيادية

وأحب أيضاً أفهمكم أن للوزير وقت كافي جداً لمقابلة المواطنين الذين لم يجدوا حلول عند المسئولين الاخرين
ومن صميم عمله أيضاً . .




انا اتغشمر بمعنى استعجب بطريقه فكاهيه .. اما اخوي حمد يمكن يقصد الله اعلم اسأله
دستور
13-03-2013, 11:53 AM
الحق عند الوزير المتعنت ما يجيبه الا الحكم القضائي او الظغط الاعلامي

الحقوق تبغي حلوق
تحداني
13-03-2013, 11:53 AM
صح اكتب في توتير
اتصل وطني الحبيب صباح الخير
اكتب في الجرايد
كلم حسن الساعي


في طرق كثيره

عندك بدل الحل مليون .. بس احتمال تمل ابسرعه
فكن على استعداد على تجديد الامل
Aaziz
13-03-2013, 11:54 AM
قول الحمدالله ياخوي
أنا عطوني عزبه مؤقته من سنه تقريبا وسورتها
وحطيت الحلال فيها وشريت كباين ويوم وزعوا العزب الثابته
راجعتهم الا يقولون مالك اوراق عندنا وشل عزبتك ولين اليوم
ماحصلت حل وشليت اغراضي والموظفين اللي خلصوا معاملتي
واللي حدد لي الموقع يذكر ان كانت لي اوراق عندهم والعزب الجديده
توزعت كامله على كلامهم. السالفه معروفه طال عمرك نصيبي ونصيبك
راااح حق ناس ثانيه لان القسايم معروف عددها من قبل وشلوا ناس وحطوا
ناس. حطيت موضوعي يمكن يهون عليك موضوعك
وسويت كل اللي اقدر عليه ولا راح اقابل وزير لاني عارف ماراح اوصل حق حل
كلمة حسبي الله ومنعم الوكيل تكفيني واكثر

اعوذ بالله ، وضعك صعب بصراحه
Aaziz
13-03-2013, 11:56 AM
تحداني الزمان .. حمد 2002

أنا أشتغلت مع وزيرين سابقين .. ولدي ثلاثة وزراء من أصدقائي

وأعلم تماماً كيفية تفكيرهم .. والاسلوب المتبع في المقابلات

وكيف تكون للواسطة دور فعال على الوزراء .. او تكون توجيهات معينه سيادية

وأحب أيضاً أفهمكم أن للوزير وقت كافي جداً لمقابلة المواطنين الذين لم يجدوا حلول عند المسئولين الاخرين
ومن صميم عمله أيضاً . .

لو درى عمير طر جيبه
الوضع اصعب بكثير مما شرحت
بوصلووح
13-03-2013, 11:58 AM
الله يعينكم والله
عاد من كثرنا هل قطر ليش مايعطون كل من يبي عزبة شالمشكلة
الواحد الي يفكر يقدم على عزبة يشوف شكاويكم يتكدر و يهون
لا حول ولا قوة الا بالله , حسبنا الله على من استغل مكانه في خدمة القراب منه و أهمل باقي الناس الي مالهم حد
Aaziz
13-03-2013, 12:00 PM
تحرق نفسك عشان عزبة أخ عبدالعزيز..
روح ارفع عليهم قضية.. أو فوض أمرك إلى الله.. أحياناً الوزير ما يكون عنده علم والتقاعس يكون من هم من حوله..

اكتب بتويتر.. الصوت مسموع هناك أكثر.. دور يمكن الوزير يكون عنده تويتر..
كلم أحد الصحفيين عبر تويتر حتى يفعل قضيتك.. يمكن توصل له..

لو كان لك حق بإذنه تعالى راح تاخذه..

ودمتم بحفظ الرحمن..

لو الامر لي كان وكلت امري الى الله و كلمه حسبي الله و نعم الوكيل ترضيني.
ولكن الامر يخص اهل بيتي بشكل اكبر لذلك لذلك حاولت كثيرا و ساضل احاول لانه لايوجد سوى هذا الطريق.
الحمد لله حمدا كثيرا
تحداني
13-03-2013, 12:02 PM
الله يعينكم والله
عاد من كثرنا هل قطر ليش مايعطون كل من يبي عزبة شالمشكلة
الواحد الي يفكر يقدم على عزبة يشوف شكاويكم يتكدر و يهون
لا حول ولا قوة الا بالله , حسبنا الله على من استغل مكانه في خدمة القراب منه و أهمل باقي الناس الي مالهم حد



كلها كلها قطعه ارض بيعطون هالمواطن .. تعال يا اخوي شوف صاحب العزبه كم بيحط عليها
وكم بيصرف .. شنقول غير لا حول ولا قوه الا بالله العلي العظيم
انا لو عندي عزبه الحين بعطيها اخوي " عزيز " بدون شي عشان بس الوالده الله يطول ابعمرها .. لكن هم انا نفس المشكله اعاني ..
بن غيث
13-03-2013, 12:04 PM
أكتب كتاب وقدمه لمجلس الشورى وارفق نسخه منه لمجلس الوزراء .. وشوف النتيجة ..

جرب هالطريقة ... صدقني
Qatar-supra
13-03-2013, 12:05 PM
وشرايك الي يبون يسحبون عزبتنا ويحطون واحد ثاني مكنا وللعلم مافي مخالفات وعندنا حلال بحجة ان مكان غلط ونعطيكم مكان ثاني
Aaziz
13-03-2013, 12:09 PM
جرب هالطريقة ... صدقني

بخليه اخر حلولي ، مع انه شي يزعل و يحز بالنفس مواطن يقدم طلب الى مجلس الشورى و مجلس الوزراء عشان يؤذن لا بالاستفاده من ارض في الخلاء حتى لن يمتلكها .

الله كريم، كان رد احد الاخوان المسؤولين اليوم هناك انك ماقدمت الطلب عن طريقي
هل هذا عذر ؟
دروب
13-03-2013, 12:12 PM
إذا كان طلب الرخصة حق مسن
المفروض تكون له الأولوية في الحصول عليها ...
فئات المسنين والأشخاص ذوي الإعاقة من أكثر الفئات اللي تحرص الدولة على توفير سبل الراحة لهم
العلم
13-03-2013, 12:14 PM
اخوي عزيز احييك على هذا الموضوع ..


وزارة البيئة كغيرها من الوزارات السيئة التي تلحق الضرر بالمواطنين بدل نفعهم ...

وأحب أقول للأخوة ترى الوزير ماعنده شيء ولاهو بمشغول بقضايا الأمة عشان يهمل المواطنين ومطالبهم ..

واحنا مثلك طلبنا عزبة ولما تأخروا علينا حطيناها غصب عنهم .. يعني وين نحط حلالنا .. معانا فالبيت !!


انا واحد من قرايبي عنده عزبة له فالريس وطالب عزبة إضافية ولعياله كل واحد عزبة والطلب موافق عليه وماشي .. طبعا عياله مايعرفون يمكن حتى شكل الناقة ولا العنز .. بس الأخ عضو في مجلس الشوري ..فهمت شلون ..


علاوة على موضوع العزب و النهب الواضح فيه ورخص العزب اللي تباع بذيك القيمة ... نجي لموضوع منع الحلال من السرح ...



الملااك تضرروا من هذا القرار الهمجي الغير مدروس و اشتكوا فالجرايد والتلفزيون ووطني الحبيب ولاحيااااااة لمن تنادي ... الشعب ومصالحهم آخر شيء يفكرووون فيه ..


حسبي الله ونعم الوكيل
حسبي الله ونعم الوكيل
حسبي الله ونعم الوكيل
Aaziz
13-03-2013, 12:20 PM
إذا كان طلب الرخصة حق مسن
المفروض تكون له الأولوية في الحصول عليها ...
فئات المسنين والأشخاص ذوي الإعاقة من أكثر الفئات اللي تحرص الدولة على توفير سبل الراحة لهم

الطلب للوالده الله يديم عليها الصحه و العافيه
بغض النظر عن الاولويه لكبار السن لكن الموضوع بسيط جدا. البيئه تقول يحق لاي شخص انه يحصل على عزبه اذا استوفى الشروط التاليه ،،،،، الشروط مستوفاه ،، ليش ما امنح حقي ؟
كانك تبي تجدد استماره سيارتك المرور يشترط انها تعدي الفحص الفني و تأمن المركبه و اذا استوفيت الشروط تمنح الترخيص بتجديد الاستماره .
البلد فيها قانون و احنا كمواطنين يفترض ان نمشي حسب القانون ومؤسسات الدوله و وزاراتها يجب ايضا ان تسير امورنا حسب القانون.
بوالبيض
13-03-2013, 12:25 PM
ناس وايد يشتكون علي الارض العزب ناس تقدم كم شهر وتحصل ارض وناس كم سنه ربع ارض ما في
كله واسطات وخاصه اراضي الوكره شوفوا اخر الاراضي من ياخذها
حمد 2002
13-03-2013, 12:26 PM
عليك بالدعاء آخر الليل بينك وبين ربك ، وجووف النتيجه شلوون ،،،
Aaziz
13-03-2013, 12:26 PM
اخوي عزيز احييك على هذا الموضوع ..


وزارة البيئة كغيرها من الوزارات السيئة التي تلحق الضرر بالمواطنين بدل نفعهم ...

وأحب أقول للأخوة ترى الوزير ماعنده شيء ولاهو بمشغول بقضايا الأمة عشان يهمل المواطنين ومطالبهم ..

واحنا مثلك طلبنا عزبة ولما تأخروا علينا حطيناها غصب عنهم .. يعني وين نحط حلالنا .. معانا فالبيت !!


انا واحد من قرايبي عنده عزبة له فالريس وطالب عزبة إضافية ولعياله كل واحد عزبة والطلب موافق عليه وماشي .. طبعا عياله مايعرفون يمكن حتى شكل الناقة ولا العنز .. بس الأخ عضو في مجلس الشوري ..فهمت شلون ..


علاوة على موضوع العزب و النهب الواضح فيه ورخص العزب اللي تباع بذيك القيمة ... نجي لموضوع منع الحلال من السرح ...



الملااك تضرروا من هذا القرار الهمجي الغير مدروس و اشتكوا فالجرايد والتلفزيون ووطني الحبيب ولاحيااااااة لمن تنادي ... الشعب ومصالحهم آخر شيء يفكرووون فيه ..


حسبي الله ونعم الوكيل
حسبي الله ونعم الوكيل
حسبي الله ونعم الوكيل

المثل السوري يقول. لاتشكيلي لابكيلك

مصيبه ياخوي طريقه تعامل البيئه مع تصاريح العزب.
لا اخفيك اني وكلت امري الى الله وقلت بشتري عزبه مع اني رافض الموضوع كمبداء ( يحق لي ما يحق لغيري كوننا مواطنين)
لكن سالت هل شراء عزبه من شخص يعتبر قانوني و اقدر انقل تصريح العزبه باسمي ؟
جاء الرد بانه لاينقل تصريح العزبه الا للاقارب من الدرجه الاولى فقط و اعتقد حتى انهم الغو هذا الاجراء.
يعني اشتري ورقه بمبلغ و قدره و ممكن في اي وقت صاحب الترخيص يشتكي علي و يطالب بعزبته.
من الي بيرد لي حقي في هذه الحاله كوني شريت تصريح بشكل مخالف للقانون.
دستور
13-03-2013, 12:31 PM
عليك بالدعاء آخر الليل بينك وبين ربك ، وجووف النتيجه شلوون ،،،

جزاك الله خير والله إنه أفضل و أيسر حل
عيون الدوحة
13-03-2013, 12:35 PM
العزب معروف حق من تنصرف حاليا
سهم مديون
13-03-2013, 12:41 PM
بصراحة بعض الوزراء يبون رياح تغيير تهب عليهم:eek5:
العلم
13-03-2013, 12:48 PM
الله يرحم الشيخ زايد ..
Aaziz
13-03-2013, 12:52 PM
العزب معروف حق من تنصرف حاليا

جربت تكلم مدير مكتبه ناصر المريخي
رجال فية الخير

جربت كل شي ، ونعم فيه كثير ناس لله الحمد في هذه الوزاره ناس فيهم خير و معروفين في المجتمع و لهم مكانتهم دون تحديد اسماء


بصراحة بعض الوزراء يبون رياح تغيير تهب عليهم:eek5:

ربك كريم نتمنى الخير للجميع


الله يرحم الشيخ زايد ..

اللهم امين. كلن له حقه
Aaziz
13-03-2013, 01:29 PM
وشرايك الي يبون يسحبون عزبتنا ويحطون واحد ثاني مكنا وللعلم مافي مخالفات وعندنا حلال بحجة ان مكان غلط ونعطيكم مكان ثاني

لا اله الا الله

والله وضعك صعب انت و البرونزي

الله المستعان
المرحب
13-03-2013, 01:35 PM
يا سعادة الوزير اتق الله في نفسك فانت مسؤول امام الله و امام المواطنين
:nice:
العلم
13-03-2013, 01:37 PM
طيب عزيز انت تطالب بعزبة وعندك حلال والا تبي تسوي بعدين .. وإذا كان عندك وين حاطهم اللحين ..:rolleyes2:
Aaziz
13-03-2013, 01:39 PM
طيب عزيز انت تطالب بعزبة وعندك حلال والا تبي تسوي بعدين .. وإذا كان عندك وين حاطهم اللحين ..:rolleyes2:

عندي حلال و راح ازيدهم باذن الله اذا طلعت لي موافقه (غنم) مش مطايا
هههههه لاتسئل وين حاطهم عشان الاحراج بس
العلم
13-03-2013, 01:51 PM
لا صج .. انت في هالفترة لين يطلع لك رخصة على مايقولون وتمشي امورك حسب القانون المضحك اللي حاطينه لعبه مثل غطاء التمر إذا صرت تفره وتلعب فيه ... روح شف لك مكان وطق العزبة فيه وانتظرهم على اقل من مهلك :)
q6ri_vip
13-03-2013, 02:30 PM
بخليه اخر حلولي ، مع انه شي يزعل و يحز بالنفس مواطن يقدم طلب الى مجلس الشورى و مجلس الوزراء عشان يؤذن لا بالاستفاده من ارض في الخلاء حتى لن يمتلكها .

الله كريم، كان رد احد الاخوان المسؤولين اليوم هناك انك ماقدمت الطلب عن طريقي
هل هذا عذر ؟

ممكن توضح أكثر عن المسؤل اللي قال انك ما قدمت الطلب عن طريقه ؟
شالحكمه يوم قالها لك !
هل تقديمك من البداية لطلب العزبه صحيحه ؟ مجرد استفسار لا أكثر

أخيرا تواصل مع الإخوان في العلاقات العامه للبيئة وأشرح لهم مشكلتك والله يوفق الجميع
Aaziz
13-03-2013, 02:40 PM
لا صج .. انت في هالفترة لين يطلع لك رخصة على مايقولون وتمشي امورك حسب القانون المضحك اللي حاطينه لعبه مثل غطاء التمر إذا صرت تفره وتلعب فيه ... روح شف لك مكان وطق العزبة فيه وانتظرهم على اقل من مهلك :)

اذا حطيت لي عزبه بدون تصريح اعتبر مخالف و لهم حق يشيلون عزبتي ، مثل ما انا احترم القانون اتمنى تطبيق القانون على الجميع الي له حق ياخذ حقه و الي عليه حق يصحح وضعه




ممكن توضح أكثر عن المسؤل اللي قال انك ما قدمت الطلب عن طريقه ؟
شالحكمه يوم قالها لك !
هل تقديمك من البداية لطلب العزبه صحيحه ؟ مجرد استفسار لا أكثر

أخيرا تواصل مع الإخوان في العلاقات العامه للبيئة وأشرح لهم مشكلتك والله يوفق الجميع

والله مادري ايش قصده ولكن اعتقد انه يقصد راجع مع الي قدمت عنده.
العلاقات العامه مافي يدهم شي، منح تصريح عزبه يصرف من مكتب الوزير و اشخاص بسيطين جدا الوزير معطيهم صلاحيه منح تصاريح.
مثل ماذكرت صار لي اكثر من 6 شهور اراكض في الموضوع و صار عندي المام نوعا ما بطريقه سير الامور في البيئه

تخيل على سبيل المثال اذا عندك مراجعه مع احد الموظفين راح تنجبر انك تروح لموظفه استقبال في الدول الارضي و تعمل معاك تحقيق مصغر عن سبب وجودك و موضوعك و من ناوي تراجع.
و اذا اقتنعت و ماكان عندها رد جاهز راح تتصل بالموظف تطلب منه الاذن منه انك تراجعه. تخيل لو ماكان هذا الموظف على مكتبه انت كمراجع ايش راح تسوي ؟

والله انه مره عجوز كبيره في السن جات مع خادمتها تقدم طلب و ردت عليها الموظفه انه تقديم الطلبات الاثنين و الاربعا فقط.
قالت العجوز للموظفه يابنتي انا مره كبيره في السن و ما اقدر اجي في اي وقت. بعدين درجكم يكسر الظهر.
موقف كان مؤلم بصراحه
المسا
13-03-2013, 04:09 PM
اللي اعرفه أن وزير البيئة رجال سنافي و فيه خير و ان شاء الله ما يقصر .. اذا طلب عزبة خلاك تحس كل هذي المعاناة .. شنقول احنا اللي في طلب ارض سكنية و محد يرد علينا انا أقول يا وزير الأسكان و موظفين الأسكان اتقوا الله في التوزيع و لا تعلقون الناس على كلمة المشروع الجاي و المشروع اللي بيجي لا تزعل اخوي لأني طلعت عن الموضوع الأصلي بس نقضت جروحنا مع الوزارات الأخرى كلها معاناة
وحيد-الشوق
13-03-2013, 04:11 PM
الله يكون بعونك ياخوي

انا استغرب من شيء ليش الوزير بابة مسكر تراك في الاخير موظف تؤدي واجباتك اتجاه الدولة والمواطنين ومنصبك تكليف وليس تشريف :)
Aaziz
13-03-2013, 04:36 PM
اللي اعرفه أن وزير البيئة رجال سنافي و فيه خير و ان شاء الله ما يقصر .. اذا طلب عزبة خلاك تحس كل هذي المعاناة .. شنقول احنا اللي في طلب ارض سكنية و محد يرد علينا انا أقول يا وزير الأسكان و موظفين الأسكان اتقوا الله في التوزيع و لا تعلقون الناس على كلمة المشروع الجاي و المشروع اللي بيجي لا تزعل اخوي لأني طلعت عن الموضوع الأصلي بس نقضت جروحنا مع الوزارات الأخرى كلها معاناة

سعادة الوزير مانقول فيه شخصه الكريم شي ، رجل من عائله لها احترامها في المجتمع.
ولكن للاسف البيئه تحتاج الى وقفه لتصحيح وضعها.

اسئل الله لكم التوفيق و تيسير اموركم باذن الله



الله يكون بعونك ياخوي

انا استغرب من شيء ليش الوزير بابة مسكر تراك في الاخير موظف تؤدي واجباتك اتجاه الدولة والمواطنين ومنصبك تكليف وليس تشريف :)

نعم هو تكليف و امانه عظيمه اخوي وحيد الشوق و ثقه منحت من الجهات العلي في البلد
سعادة الوزير
13-03-2013, 04:45 PM
حتى لو استوفيت الشروط اخووي ، نفس مانت مقدم في الف واحد غيرك مقدم ، فمستحيل يعطون الطلبات كل الناس ،،،

الحل انك تشتري عزبه من شخص يبي ايبيع عزبته ،،،

وبالنسبه لرفضهم دخولك على الوزير ، من حقهم اخووي انهم مايدخلونك ، يعني تدري ان الوزير تحته مدراء ورؤساء اقسام وووو كل شخص حسب اختصاصه ،،

وللوزير مسؤليات ومهمات كبيره بالدوله فمب فاضي لكل واحد يجيه علشان مشكله بسيطه نفس مشكلتك ،، :)

تحياتي لك

اخوي العزيز ، الظاهر انك ماقريت شكوى الاخ عدل!! ، يقول لك انهم يتعذرون بانه مافيه قسايم ، والاخ اثبت بالدليل القطعي بوجود قسايم فاضيه!! ، يعني بالعربي هالوزارة فيها تسيب وفيها صرف بالواسطه! ، وبعدين من قال لك ان ماعندنا حق ندخل على الوزير؟؟ ليش هو ملاك منزل ولا نبي مرسل؟؟ اذا انا مشيت في التسلسل الاداري ومحد حل مشكلتي وانا لي الحق ، فمن حقي اني ادخل عليه ، هو في الاخير موظف في الدولة ويمشي له معاش مثلي مثله!
alsenator
13-03-2013, 04:47 PM
الي اعرفة ان قدامك وبعدك مواطنين طوابير مقدمة على عزب
العلم
13-03-2013, 04:53 PM
طيب يعطون كل مواطن عزبه ،، بدل مايعطون مواطن واحد 5 عزب :)
Aaziz
13-03-2013, 05:11 PM
اخوي العزيز ، الظاهر انك ماقريت شكوى الاخ عدل!! ، يقول لك انهم يتعذرون بانه مافيه قسايم ، والاخ اثبت بالدليل القطعي بوجود قسايم فاضيه!! ، يعني بالعربي هالوزارة فيها تسيب وفيها صرف بالواسطه! ، وبعدين من قال لك ان ماعندنا حق ندخل على الوزير؟؟ ليش هو ملاك منزل ولا نبي مرسل؟؟ اذا انا مشيت في التسلسل الاداري ومحد حل مشكلتي وانا لي الحق ، فمن حقي اني ادخل عليه ، هو في الاخير موظف في الدولة ويمشي له معاش مثلي مثله!

رحم الله والديك


الي اعرفة ان قدامك وبعدك مواطنين طوابير مقدمة على عزب

اخوي ممكن اثبات على كلامك. اثبت لي انه فيه طوابير و ارقام و الاولويه للي يقدم قبل و راح اكون لك من الشاكرين ( وانا على يقين انك لن تستطيع ان تثبته)
لو كان الوضع يمشي بالقانون فا يا اهلا و مرحبا مليون مره.
لو تتمعن في موضوعي و كتابتي للمست انني اطالب بتطبيق القانون وهو حقي كوني مستوفي الشروط المنصوص عليها قانونا.

الكلام سهل و اي شخص يقدر يقول اي شي ولكن اتمنى محد يجيب كلام من راسه مجرد تخمين فالواقع يختلف
وشكرا لك.
Aaziz
13-03-2013, 05:14 PM
طيب يعطون كل مواطن عزبه ،، بدل مايعطون مواطن واحد 5 عزب :)

الله يرزق الجميع. مانتمنى الا التوفيق للكل.
و ترى الارض (العزبه) لو صرفوها لك مافيه اي تكلفه نهائيا او عبىء على الدوله و البيئه. وهذا الي استغرب منه.
ليش هذا الاسلوب في منح التراخيص ما ادري
نوار قطر
13-03-2013, 05:24 PM
السالفه ومافيها ياخووي عندك وااسطه بيعطونك وانت قاعد مكانك ،،، ماعندك واسطه لو تروح ووتراجعهم كل يوم بيقولون لك مافي ارضي او انطر دورك ،،، الله يعينك
Aaziz
13-03-2013, 05:29 PM
السالفه ومافيها ياخووي عندك وااسطه بيعطونك وانت قاعد مكانك ،،، ماعندك واسطه لو تروح ووتراجعهم كل يوم بيقولون لك مافي ارضي او انطر دورك ،،، الله يعينك

واسطتي رب العالمين ، واسطتي بلدي الي فيه قانون.
و ماعلي من غيري و اتمنالهم الخير
وهدفي من الموضوع هو المطالبه في حقي الي منحني اياه القانون ، ابدا مش هدفي اني اخرب على غيري والله عالم بالنيات
نوار قطر
13-03-2013, 05:32 PM
واسطتي رب العالمين ، واسطتي بلدي الي فيه قانون.
و ماعلي من غيري و اتمنالهم الخير
وهدفي من الموضوع هو المطالبه في حقي الي منحني اياه القانون ، ابدا مش هدفي اني اخرب على غيري والله عالم بالنيات
والنعم برب العالمين محد شكك بنيتك ياخوي بس فعلا هذي الحاصل ،، بس ماتدري يمكن يرزقك الله من حيث لاتحتسب ويعطونك العزبه على اهون سبب ،، تفائل وربك كريم
alsenator
13-03-2013, 05:35 PM
رحم الله والديك



اخوي ممكن اثبات على كلامك. اثبت لي انه فيه طوابير و ارقام و الاولويه للي يقدم قبل و راح اكون لك من الشاكرين ( وانا على يقين انك لن تستطيع ان تثبته)
لو كان الوضع يمشي بالقانون فا يا اهلا و مرحبا مليون مره.
لو تتمعن في موضوعي و كتابتي للمست انني اطالب بتطبيق القانون وهو حقي كوني مستوفي الشروط المنصوص عليها قانونا.

الكلام سهل و اي شخص يقدر يقول اي شي ولكن اتمنى محد يجيب كلام من راسه مجرد تخمين فالواقع يختلف
وشكرا لك.

بالعكس انا معاك واتمنى لك كل خير لكني كل ما اقعد بمجلس لازم احصلي 2 او 3 مقدمين وما طلع لهم

فقمت بتقدير انه هناك طوابير
.. الكاش ..
13-03-2013, 05:37 PM
وزاره البيئه من يوم ما تاسست وهي فاشله من ناحيه التواصل مع انه في وزارات في الدوله اهم منه تقدر تتوصل لهم بسلاسه
wd3ane
13-03-2013, 05:48 PM
أخوي اذا انت مقدم الطلب من 6 شهور فأنا من قبل سنة ونص، وللعلم ليست لي بل للوالدة وكلامك صحيح، والي صار معك صار معي كل ما أجي للوزارة يقولون الوزير طالع !!! ومماطلة وناس وناس، وليومك هذا مافيه اي تجاوب من الوزارة أبداً
Aaziz
13-03-2013, 06:22 PM
بالعكس انا معاك واتمنى لك كل خير لكني كل ما اقعد بمجلس لازم احصلي 2 او 3 مقدمين وما طلع لهم

فقمت بتقدير انه هناك طوابير

الله يجزاك خير و اتمنى التوفيق للجميع و كلن ياخذ الي يستحقه باذن الله
برشلوني قطر
13-03-2013, 06:31 PM
أخوي بوسعود أنا كان عندي طلب من كم سنه

على أيام خالد غانم العلي والشباب ماقصرو

بس كنت أبي ف سمسمه وقالو مافي إلا الوكره

والشحانيه أنا مابغيت. وقالو إذا انزلت التوزيعات

تاخذ. وتغيرت الأمور وصارت توزيعات ولا شفنا شئ

اسأل واحد من الربع يقولي الموظفين حاليا ما يقدرون

يسوون شئ. كلشي عن طريق الوزير
R 7 A L
13-03-2013, 08:28 PM
وش الي خلا الناس ترحيل وتشد بحلالها للسعودية
من يطلع الواحد من مركز سلوى لين الأحساء
وكل أهل العزب قطريين إلا بعض قوانين وزارة البيئة
الجائرة


با ننكر وجود بعض القوانين الإيجابية
غزلان
13-03-2013, 08:48 PM
الله يعينك اخوي ويسر امرك

ماتسوى عليك
كود نمبر
13-03-2013, 09:33 PM
ناس تدور على ارض وحده فقط
وناس معطينهم 6 اراضي جنب بعض

اغلب العزب مستخدمه لغير الشروط المطلوبه
Aaziz
13-03-2013, 10:40 PM
وزاره البيئه من يوم ما تاسست وهي فاشله من ناحيه التواصل مع انه في وزارات في الدوله اهم منه تقدر تتوصل لهم بسلاسه

الله يصلح الحال


أخوي اذا انت مقدم الطلب من 6 شهور فأنا من قبل سنة ونص، وللعلم ليست لي بل للوالدة وكلامك صحيح، والي صار معك صار معي كل ما أجي للوزارة يقولون الوزير طالع !!! ومماطلة وناس وناس، وليومك هذا مافيه اي تجاوب من الوزارة أبداً

لا تعليق :(
ms-qtr
13-03-2013, 10:58 PM
شنهي شروط التقديم على عزبة؟
ميلاف
13-03-2013, 11:56 PM
يا سعادة الوزير اتق الله في نفسك فانت مسؤول امام الله و امام المواطنين.. فبهذه الطريقة خلقتم سوق سوداء في مجتمعنا تباع فيها تراخيص العزب بشكل غير رسمي و غير قانوني و بمبالغ تفوق مأت الالوف ، حصل على هذه التراخيص من كذب و من تلاعب بالقوانين و من لديه واسطه و باعو ورقة a4 من المفترض انها لاتساوي شيء ولكن بتوقيعكم عليها اصبحت تباع و في منتدى الاسهم بـ 400 الف ريال و يزيد

الله يعينه هالوزير اذا رفع يده هالشايب او العجوز او واحد يسترزق من حلاله وتروح العزب لغير مستحقيها شبيقول لربه احنا على نفسنا يالله يالله نقوم بها حقوق الناس ومصالح خلق الله !
Store
14-03-2013, 12:56 AM
المادة 46
لكل فرد الحق في مخاطبة السلطات العامة


المادة من الدستور
imation
14-03-2013, 01:41 AM
اشتكي عند من ؟ هو اعلى شخص في هذه الوزاره، الي تحته كل واحد يقطك على الثاني. اخر مراجعه لي كانت قبل ساعات من الان و صدموني بصدمه اخرى ، يقولون مالك طلب مبين في السستم ، مادري اروح احرق نفسي قدام باب وزاره البيئه عشان الفت انظار المسؤولين ؟

بعدين ايش علاقه وزير البلديه في البيئه ؟




والله اخاف تسويها وتحرق نفسك لان اسمك عزيز
تغلبية
14-03-2013, 02:39 AM
البيئة ما يمشي فيها الا حب الخشوم في الوزارة والا في "الوكرة"

يعني حرام تحرق نفسك :eek2:
Qaatar
14-03-2013, 04:32 AM
صل. على النبي. يبه لا تعور راسك ولا تلاحقهم ولا شيء
شوفلك حد من ربعه معارفه. مدير من البيئه. يعني. واو
وموضوعك خالص اخبر من سنتين ههههههههههههه تصدق ذكرتي وقاعد اضحك
بام قهاب واحد من عيال الحسن كان عنده عزبه وجوله البيئه وقلوله انت بروضه ولازم تشل الروضه
وكل يوم يجونه وعطوه مخالفه
كلم واو بس صدقني ولا واحد جاله عقبها او كلمه
Qaatar
14-03-2013, 04:35 AM
وش الي خلا الناس ترحيل وتشد بحلالها للسعودية
من يطلع الواحد من مركز سلوى لين الأحساء
وكل أهل العزب قطريين إلا بعض قوانين وزارة البيئة
الجائرة


با ننكر وجود بعض القوانين الإيجابية

كلام سليم 100 ب100
أخت الكل
14-03-2013, 10:21 PM
ناس تدور على ارض وحده فقط
وناس معطينهم 6 اراضي جنب بعض

اغلب العزب مستخدمه لغير الشروط المطلوبه


حسبي الله ونعم الوكيــــل هذا فســـــــاد وين سمو الأمير عنهم
البرونزي
15-03-2013, 12:34 AM
ناس تدور على ارض وحده فقط
وناس معطينهم 6 اراضي جنب بعض

اغلب العزب مستخدمه لغير الشروط المطلوبه

صادق ياخوي ناس ماخذه 6 عزب وماعندهم حلال
وازيدك من الشعر بيت واحد ماخذ عزبتين في سمسمه
وعنده زرعين لاحظ معاي زرعيييين وماخذ كم راس ويبيع في العزبه
يترزق الله مسكين الظاهر برستيجه مايسمح له يبيع في مزرعته .
هذا هو المثل اللي يقول : حاسدين الفقير على موتة الجمعه
دستور
17-03-2013, 08:21 AM
بشر وش سار على موضوعك
بوخالد2
17-03-2013, 10:16 AM
يارجال 3 سنين و انا اطالب بعزبه بمجمع سمسمه ولايوجد امل او من يرد علينا او يخلصنا من الموضوع هذا

صارت العزبه حلم لايتحقق في الزمن هذا

الاول العزبه بدون الخرابيط هذه و متوفره بكل مكان

الحين قوانيين و ناس تاخذها بدون القوانيين


فالحين بس يشلون صوايات العالم
بوخالد2
17-03-2013, 10:20 AM
البيئة ما يمشي فيها الا حب الخشوم في الوزارة والا في "الوكرة"

يعني حرام تحرق نفسك :eek2:

:nice::nice::nice::nice::victory:
عيون الدوحة
17-03-2013, 10:29 AM
البيئة ما يمشي فيها الا حب الخشوم في الوزارة والا في "الوكرة"

يعني حرام تحرق نفسك :eek2:

:rolleyes2::rolleyes2:
سعادة الوزير
17-03-2013, 03:27 PM
بالعربي ماسوينا شي ، شالو العزب الي الناس حاطتها في البر توسع سدورها وسدور شيبانا وعجايزنا بدافع ان الارض ملكية للدولة ، وبعدين وزعوا ملكية الدولة المتمثل بثلاث ارباع سيف قطر ونص البر كشاليهات ومزارع حق "فئة" قليلة من المحظوظين!!
Aaziz
19-03-2013, 06:17 AM
أخوي بوسعود أنا كان عندي طلب من كم سنه
على أيام خالد غانم العلي والشباب ماقصرو
بس كنت أبي ف سمسمه وقالو مافي إلا الوكره
والشحانيه أنا مابغيت. وقالو إذا انزلت التوزيعات
تاخذ. وتغيرت الأمور وصارت توزيعات ولا شفنا شئ
اسأل واحد من الربع يقولي الموظفين حاليا ما يقدرون
يسوون شئ. كلشي عن طريق الوزير

هلا اخوي برشلوني ،، الي يوزع العنن اشخاص مايمشون على مقياس احتياج الشخص او رغبته او او ،،،،، عندهم مقياسهم العجيب الي يعطي شخص عنه وهو مايحتاجها بالاساس و ثاني يوم يعرضها للبيع .

والله لولا اني ما ارضاها على نفسي ولا كان طلبت الاتصال بالاشخاص الي يعرضون العنن للبيع و بلغت عنهم .
و المفروض ان هذا الامر يعتبر ادانه للشخص الي صرف لهم العنه .
و والله ان الخافي اعظم


وش الي خلا الناس ترحيل وتشد بحلالها للسعودية
من يطلع الواحد من مركز سلوى لين الأحساء
وكل أهل العزب قطريين إلا بعض قوانين وزارة البيئة
الجائرة
با ننكر وجود بعض القوانين الإيجابية

المشكله اخوي رحال ان البيئه تمشي على مقاييس و قوانين غير معروفه الهدف ... اعتقد حتى هم مايعرفون الهدف منها .



الله يعينك اخوي ويسر امرك
ماتسوى عليك

والله تسوى ياغزلان حق الي عنده حلال و حق الي ماله في قضاء وقت فراغه في التسكع في المجمعات بتلقينها تسوى ،، لكن للاسف
وزارة تعبانه جدا و وزير ما نقول غير اللهم اصلح بطانته


ناس تدور على ارض وحده فقط
وناس معطينهم 6 اراضي جنب بعض
اغلب العزب مستخدمه لغير الشروط المطلوبه

انت قلت شي يثبت لي انك راعي عزبه و شخص فاهم خفايا الامور ،، سالفه ست عزب مادري قلتها صدفه ولا ايش .
عزب تصرف لاشخاص قلبينها ورشات حداده

سؤال : احنا مواطنين عاديين و نعرف بكثيرمن تفاصيل و مخالفات في صميم قوانين البيئه ،، و مفتشين البيئه و مسؤلينها معقوله مايدرون ؟؟؟
دستور
19-03-2013, 10:35 AM
موضوع مهم يستحق الرفع
Aaziz
20-03-2013, 12:00 AM
شنهي شروط التقديم على عزبة؟

مذكوره في بدايه الموضوع


يا سعادة الوزير اتق الله في نفسك فانت مسؤول امام الله و امام المواطنين.. فبهذه الطريقة خلقتم سوق سوداء في مجتمعنا تباع فيها تراخيص العزب بشكل غير رسمي و غير قانوني و بمبالغ تفوق مأت الالوف ، حصل على هذه التراخيص من كذب و من تلاعب بالقوانين و من لديه واسطه و باعو ورقة a4 من المفترض انها لاتساوي شيء ولكن بتوقيعكم عليها اصبحت تباع و في منتدى الاسهم بـ 400 الف ريال و يزيد

الله يعينه هالوزير اذا رفع يده هالشايب او العجوز او واحد يسترزق من حلاله وتروح العزب لغير مستحقيها شبيقول لربه احنا على نفسنا يالله يالله نقوم بها حقوق الناس ومصالح خلق الله !

لا حول ولا قوه الا بالله ،، والله انها مسؤوليه كبيره و حمل و امانه تجاه رب العالمين و تجاه من اوكله هذه الوزارة .
جوال 11
20-03-2013, 07:32 AM
سياسة الباب المفتوح غير موجودة في الوزارات أو الهيئات مع الاسف اذا المدير يقال عنده أجتماع ويتضح بعد ذلك زيارة شخصية يقوم بها أحد الأصدقاء وعندما تحاججهم يقال لك هذه قوانين .
الأجتماعات من المفترض أن تكون خارج اوقات المراجعات
Bo M7med
20-03-2013, 10:25 AM
هناك سكرتاريه ومدراء مكاتب هم من يمنعون الجمهور من مقابلة الوزير

فيه سكرتاريه يموت ولا يدخل حد على المدير ما ادري ايش يبي يوصل له

وينهم من حديث حبيبنا محمد صلى الله عليه وسلم : (كلكم راع وكلكم مسؤول عن رعيته).
دستور
21-03-2013, 09:26 AM
مافيه الا نفك حلالنا في الريضان يا يعطوننا عزب يا ياخذون الحلال
الفا برافو
21-03-2013, 09:40 AM
اللي انا مستغرب منه انه يطلبون منك يكون عندك حلال ويتم ترقيمه من قبل الثروة الحيوانيه قبل لا يبتون في امر الموافقه بالعزبه ..
طيب لو تم هالشي والطلب للحين ينظر في امره وين اودي الحلال؟؟
خاصة اذا الموضوع فيه كل هالتسويف وروح وتعال !!!
يعني بالمنطق شلون يكون الحلاال موجود والعزبه غير متوفره !!
الله يعينك ياخوي.. واعتقد الارضين اللي انت لقيتهم طارت حق غيرك !!!
دستور
26-03-2013, 05:41 AM
اللي عنده طلب عزبة وما ردوا عليه يشوف له محامي يطعن في القرار السلبي للوزير وبيحصل عزبة وفوقها اتعاب المحاماة والتعويض إن شاء الله
الكاسر99
26-03-2013, 12:59 PM
أنا مره طلبت عزبه في مجمع الوكره وخذت موافقه من مدير الأدارة المسؤول

عن صرف العزب

وكان اسمه / محمد الجيده جزاه الله كل خير

أنه وقع على طلب الحصول على العزبه وضاع طلبي في وزارة البيئه وقدمت مره ثانية وبعدها راجعت

بيئة الوكره قالوا لي أمامك فقط ست أشخاص وبعدها ممكن عطوا كل اللي هم يبونهم وانا خارج اللستة

وين كلاهم امامي فقط ست أشخاص

ولا ست أشخاص في وزارة البيئة مفهومها غير عن اللي عند مفهوم الناس


وكرهوني في حصلوي على العزبه وتركت المطالبة بالعزبة

مع العلم أني كم مره حصلت عزبه للبيع وسألت هل أقدر أشتريها وأحولها بأسمي قالوا لا


مع أن كثير من الشباب يشترون عزب


ما أدري وش سالفة العزب


هل هي مقتصره على ناس معينة أنها تحصل عزب ......؟؟؟

ومقتصره على ناس معينة في تحويل ألاسم .......؟؟؟

أليس من باب أولى أن اللي يحصل عزبه ويبيعها المفروض يتحاسب على ذلك

لأنه ما دام باعها أكيد هو غير محتاج لها
بوسلمان 2010
26-03-2013, 09:44 PM
الله بسهل امورك يااخوي
مشهور
26-03-2013, 10:25 PM
هناك كشوف تم رفها الي سعادة الوزير ونتمنى بان يوجه المسؤولين لصرف العزب للمستحقين
ولو يقولون في الرويس بعد ما عندنا مانع