المساعد الشخصي الرقمي

مشاهدة النسخة كاملة : رايكم بالرخام العماني


ابوعلي
13-03-2013, 10:20 PM
السلام عليكم ورحمة الله وبركاته

لو تكرمتوا عندي استفسار عن الرخام العماني للدرج

ومحتاج حد يفيدني عن تجربة او خبره

وهل تنصحون بتركيبه لبيت العمر

والله يعطيكم العافيه
الحـ قطر ــب
13-03-2013, 10:33 PM
لا تعور راسك

روح عند الرخام الذهبي ( جلال )

أخذ الكريما مارفل درجة ثانية أو التركي الفرق بينهم 1000 ريال

شوف السلابات فالمصنع واختار

العماني حلو لكن صدقني مايعمر 5 سنوت بالكثير وعقبها شكلة بيتغير
Chambray
13-03-2013, 10:36 PM
لا تعور راسك

روح عند الرخام الذهبي ( جلال )

أخذ الكريما مارفل درجة ثانية أو التركي الفرق بينهم 1000 ريال

شوف السلابات فالمصنع واختار

العماني حلو لكن صدقني مايعمر 5 سنوت بالكثير وعقبها شكلة بيتغير

ما انصحك في العماني

انا ركبت الايراني وهو بنفس مستوى العماني ( المتر ب 100 ريال ) بس ركبته حق درج البنت هاوس .. يعني درج مخشوش ومش مبين ..

اما الدرج الرئيسي ما انصحك ابداً تركب العُماني ..
نور الحور
13-03-2013, 10:53 PM
حسب اللي اعرفه العماني جودته مو ذاك الزود ..
اللي سمعت انه ممتاز وماجربته صراحة هو الكريما مارفل والبتشينو ..
واسأل بن غيث ومعماري ما شاء الله عندهم خبرة في هالأشياء
معماري قطري
14-03-2013, 03:11 AM
انا خبرتي محدودة في الرخام بس خذت للدرج نوع إسمه رويال بيج .. عماني المنشأ وإيطالي التصدير والقص .. وركبته قبل حلو ولماع وزين بس بعد فترة خفت لمعته كثير وفرق بينه وبين البورسلان.
شموخ دائم
14-03-2013, 12:52 PM
,

,



مرحبا

لا ما ينفع وعيوبه كثيره عن تجربه

:)

اذا بيت تجاري للايجار اوكي
اذا عماره تجاريه للايجار اوكي


,
,

اخوك


شموخ دائم
ابوعلي
14-03-2013, 01:12 PM
الله يجزاكم الخير على مشاركاتكم ونصايحكم الطيبة وان شاء الله نشوف البديل

وعساكم على القوة
q6r143
18-03-2013, 08:25 AM
ابتعد عن الرخام العمااااني بعد فتره يطلع عليه طبقه بيضاء ( املاح )
واضم صوتي لاخونا قطر الحب
روح الصناعيه شارع 19 عند الرخااااام الذهبي ( سعره ممتااااز)
كبير المتداولين
19-03-2013, 02:19 PM
لاينصح بالعماني وخاصه للدرج لانه ضعيف يتكسر بسرعه

الايطالي جيد قوي ولاكن تشكيلاته قليله بالسوق

الاسباني جيد ولاكن قلما تجيد التشكيلات والسعر الغالي

موفق مراقبنا الغالي بوعلي وجعله منزل مبارك
captin
24-03-2013, 06:18 AM
ما زين :)
بن غيث
24-03-2013, 06:25 AM
ارجوا الانتباه لشئ مهم .. بالنسبة للرخام الايطالي ..

لا يوجد رخام أيطالي بقطر .. الا بطلبات خاصة فقط . .

والرخام الايطالي الدرجة الاولى يبدأ سعر المتر من 3000 ريال .... الى 50000 ريال
dream~qa
16-04-2013, 07:32 AM
أنا سمعت معلمومة ما أدري صج ولا لا أنا مشروع دوحة لاند حاطين رخام عماني كامل .
BoFahed
16-04-2013, 09:03 AM
اخوي الرخام وقوته وجماله وعروقه مثل ما هو معروف علا طبيعة المحجر (الجبل ) اللي يجي منه لا علا البلد ولا الشركة المصنعه وهذا الكلام ماخذه من اهل الصنعه

فيه انواع عمانيه شفتعها من 10 سنوات متركبهفي درج وشكلها جميل ما تغير

وفيه انواع تتغير بسرعه علا حسب الشركة والمحجر
ولد شرق
16-04-2013, 12:54 PM
انا خبرتي محدودة في الرخام بس خذت للدرج نوع إسمه رويال بيج .. عماني المنشأ وإيطالي التصدير والقص .. وركبته قبل حلو ولماع وزين بس بعد فترة خفت لمعته كثير وفرق بينه وبين البورسلان.

عفوا يا معماري قطر
ماينبغي منك هالكلام وانت فطحل في هالامور

طبعا البورسلان لمعته غير عن الرخام ... اثنين ماختلفوا على هالشي وشتان ما بين البورسلان والرخام
وللمعلوميه جميع انواع الرخام حتى لو المتر بـ 10.000 لازم تنطفي اللمعه ويحتاج بولش من وقت لين وقت

انا قمت اتحاشى اسأل في المنتدى والسبب الجواب 180 درجة منحرف عن المطلوب

مثلا اسأل اشرايكم في الرخام الفلاني ويرد واحد والله البلاط الشعبي يمدحونه
ولا اشرايكم في الباركيه؟ اركب بني ولا بيج إلا واحد يرد السجاد البلجيكي زين

اسمحلي اخوي ماقصدك انت لكن انا اتكلم بشكل عام...
dream~qa
16-04-2013, 11:07 PM
في موضوع سابق للأخ شموخ عن أنواع الرخام واختبارات أجراها على عدة أنواع من الرخام ..منها الرخام العماني وظهرت النتيجة أن الرخام العماني من أصلب الأنواع ولا يترك أثر للبقع .

وبحثت عن الرخام العماني فوجدت أنه من جبال بركانية وهذا سبب صلابته وهو أقرب إلى صفات الجرانيت .
dream~qa
17-04-2013, 10:01 PM
حبيت أضيف معلومة مهمة ممكن تفيدك وهو أن عندي عينة من رخام عماني متره ب 220

حطيت عليه عصير لمدة يوم كامل والنتيجة كانت >>>> أن لمعة الرخام أختفت تماما لذلك أشوفه سيء .