ما عرفت اوزع الحمام (عزكم الله ) ..

[مواقف النجادة]

السلام عليكم

طلبت من المهندس انه يوزع لي الحمام الماستر ..و لكن سوى لي توزيع اي كلام وما اظن انه حتى فكر في التوزيع .. شغله مشي حاللك ..

و حاولت اوزع بنفسي و لكن ماعرفت لانه لا عندي خبرة ولا اعرف قياسات الاشياء اللي تنحط في الحمام (اعزكم الله) .. فارجوا المساعدة والنصح ..

المطلوب وضع: مغسلتين/ بانيو/ شاور منفصل/ كرسي / وبيديه ..... (جلكم الله)

وهذي خريطة و مقاسات الحمام ..

http://farm9.staticflickr.com/8523/8554833571_70bd6d1dbe.jpg

http://farm9.staticflickr.com/8097/8554833771_440c908143.jpg

http://farm9.staticflickr.com/8518/8554835127_6a4d2e1db0_c.jpg

[jaf111]

مرحبا اخوي

ملاحظه : من الآفضل انك تخلي المقعد مش مقابل اول في ظهر القبله

في طرق واجد أفضل توزعيعات اشوفهم

انك تحط البيديه والمقعد تحت النافذه ( جهه اليسار ) - المغاسل فالوجه - والشور على اليمين

تقدر تحط المغاسل يمين والشور يسار والبيديهوالنفعده فالنصف

واذا كان عندك سعه تقدر تلعب وتغير فالمساحات اكثر ظ« ويختلف بأختلاف حجم الشور والمغاسل


الله يبارك لك فيه ان شاء الله

[معماري قطري]

يا اخوي كم قطعه تبي فيه؟

أربع ممكن بسهولة وإحتمال حتى 5 قطع شاور وبديه وكرسي ومغسلة وجكوزي، ولو عندك فايل الأوتوكاد بيكون التوزيع سهل علي باشتغل لك على مقترح لكل البيت يعني أثاث وقطع الحمام تكرم.

وبعد البيت لأي مرحلة وصل لأن ممكن تعديلات وايد تستوي؟

[مواقف النجادة]

مرحبا اخوي

ملاحظه : من الآفضل انك تخلي المقعد مش مقابل اول في ظهر القبله

في طرق واجد أفضل توزعيعات اشوفهم

انك تحط البيديه والمقعد تحت النافذه ( جهه اليسار ) - المغاسل فالوجه - والشور على اليمين

تقدر تحط المغاسل يمين والشور يسار والبيديهوالنفعده فالنصف

واذا كان عندك سعه تقدر تلعب وتغير فالمساحات اكثر ظ« ويختلف بأختلاف حجم الشور والمغاسل


الله يبارك لك فيه ان شاء الله

مشكور يالغالي عالاقتراحات .. بارك الله فيك


يا اخوي كم قطعه تبي فيه؟

أربع ممكن بسهولة وإحتمال حتى 5 قطع شاور وبديه وكرسي ومغسلة وجكوزي، ولو عندك فايل الأوتوكاد بيكون التوزيع سهل علي باشتغل لك على مقترح لكل البيت يعني أثاث وقطع الحمام تكرم.

وبعد البيت لأي مرحلة وصل لأن ممكن تعديلات وايد تستوي؟


مشكور اخوي عالرد الكريم

ابي الله يسلمك - اذا تسمح المساحة - مغسلتين , كرسي وبيديه, شاور و بانيو منفصل ... يعني اذا حسبنا المغسلتين قطعتين .. يصيرون 6 قطع!

وانا حاليا في المرحلة الاخيرة في التصميم .. يعني خلصنا المساقط و الواجهات و بدينا في توزيع الخدمات من كهرباء و مياه.. الخ

مشكور اخوي على الرد الكريم و المساعدة .. و ان شاء الله برسللك الاوتوكاد على الخاص.

تحياتي..

[MAZEN37]

فكرتي لك انك تخلي مدخل الدرسنج روم علي اقصى اليمين ومقابله باب الحمام واول ما تفتح باب الحمام عندك كسره بالطوفه للداخل تستغل فيها
المغسله وبالصوره هذه سويت مساحه جيده بالحمام تقدر توزع الاشياء الثانيه

[بن غيث]

صباح الخير عزيزنا ..

أن شاء الله أسلوبي يكون سهل وواضح ..

اولاً .. الكرسي والبديه في الواجهة .. والبانيو الشور يسار ( قريب الدريشه ( وتأكد أن عرض البنيو لايزيد عن 70 سم )..

المغسلتين . . قطعة رخام واحدة تركب فيها المغسلتين وتكون على اليمين ..


واذا ما أوضحت الصورة لك .. أعزمني على الغداء وبشرحلك بالتفصيل .. :)

[نور الحور]

بن غيث .. مو حلو يكون الكرسي والبديه في وجه الداخل .. احس المغاسل في الوجه افضل ..

امممم بالنسبة لي اشوف تخلي المغاسل في الوجه وتخليها بطول الجدار وفيها مرايه كبيرة توسع المكان .. وبين المغسلتين ممكن تسوي مكان طاولة وكرسي مثل التسريحة يعني مع ارفف جانبية علىجانبي جدار المغسلتين.. الشاور والبانيو اعتقد بيكفي انها تكون يمين .. والكرسي والبديه على اليسار .. أعتقد حسب ما سمعت انه اسهل التسليك لبرا بالنسبة لهم .. أو تعكسهم لو المساحة ما كفت ..
أو ممكن تخلي الشور والكرسي والبديه في جهة اليمين، و البانيو تكبره شوي وتخليه يسار صوب الدريشة .. نفس تقسيم اغلب الفنادق
والله يوفقك

[معماري قطري]

مشكور يالغالي عالاقتراحات .. بارك الله فيك




مشكور اخوي عالرد الكريم

ابي الله يسلمك - اذا تسمح المساحة - مغسلتين , كرسي وبيديه, شاور و بانيو منفصل ... يعني اذا حسبنا المغسلتين قطعتين .. يصيرون 6 قطع!

وانا حاليا في المرحلة الاخيرة في التصميم .. يعني خلصنا المساقط و الواجهات و بدينا في توزيع الخدمات من كهرباء و مياه.. الخ

مشكور اخوي على الرد الكريم و المساعدة .. و ان شاء الله برسللك الاوتوكاد على الخاص.

تحياتي..



اليوم فاضي من صبح اشتغلت وخلصت التوزيعة بس تكفي لمغسلة وحده والباقي أوكي .. بس يا اخوي وقف عندي البرنامج وإخترب كل شيء .. خبرك نسخ مب مرخصه .. عندي ملاحظات وايد لو تبي تطور التصميم للأفضل .. إن شاء الله أسويها لك على فايل الاوتوكاد وانت كيفك تاخذ اللي يناسبك.

[شموخ دائم]

,

,


مرحبا

منزل مبارك ان شاء الله

اذا في قهوه تركش وصحن كنافه بتدخل في التوزيع
اذا مافي اكل بتفرج
( :) )

ما شاء الله موجود بن غيث والمعلم معماري
وحور ولايهون الجميع

خلاص بعد مافي مجال لنا وراحت علينا الكنافه

:)

,

,


اخوك


شموخ دائم

[Chambray]

اخوي مواقف النجادة
اعتقد المساحة صغيره حق كل هالاشياء الي طلبتها !! يبيلها تعديل



,

,


مرحبا

منزل مبارك ان شاء الله

اذا في قهوه تركش وصحن كنافه بتدخل في التوزيع
اذا مافي اكل بتفرج
( :) )

ما شاء الله موجود بن غيث والمعلم معماري
وحور ولايهون الجميع

خلاص بعد مافي مجال لنا وراحت علينا الكنافه

:)

,

,


اخوك


شموخ دائم

الله يغربل بليسك هههههههه ،، قريت ردك دش خاطري في تركش ، رحت سويت لي تركش سكر زياده هههههههه :nice::nice:

[نوت]

عندك نموذجين 1-البانيوايسار الباب تحت الشباك افضل واجمل خاصه لوحطيت ستاره حلوه ونوعيه خاصه على الشباك الشاور في الزاويه اقصى اليمين وجنب منها wcخلف الباب مباشرة وانصحك تستغني عن البديه وتستعيض بالشطاف المغسلتين في مقابل الباب النموذج 2 شفته في احد الفنادق الراقيه في دبي وكان غايه في التنظيم والجمال وهو كالتالي الجهه المقابله للباب تقسمها وتعمل غرفتين
(بارتشن)وحده للشاور وحده للwcوزي ماقلت لك تستغني عن البديه والبانيوا تحت الشباك ويكون مستطيل والمغاسل يمين الباب وتضع مرآه بفريم عريض وفخم بمساحة الجدار المتبقي والباب في ها الحاله يفتح جهة اليسار بحيث تبين المغسله اول مايفتح الباب

[ولد المنصور]

هلا اخوي
انا اشوف ,, جهه اليمين وهي اصغر مساحه تخليه wc والبديه مع اني ماشوفه عملي ...
والمنطقه المقابله الباب لانها اكبر مساحه حط فيها الشاور والحوض وحط طفه بينهم ونص هالطوفه فتحه صغيره ,,, والطوفه اللي فيها دريشه حط المغسلتين ع يمينها ....

[معماري قطري]

آتوقع هذي أفضل توزيعة لإحتياجك، ورايي تكبر الدريشة وتختار القطع بالضبط حتى يرسمها لك الإستشاري .. المقاسات اللي انا حاطها للقطع واقعية وممكن تحصل شوي أصغر .. البوكسات اللي في الحايط عبارة عن كسرات لتخزين الصابون والشامبو .. والشاور بكرسي وبتسكير من كل الجهات بالقزاز وبعرض 1.1 متر .. يعني سوبر شاور وممكن تحط معاه بخار وتسكره من فوق بقزاز.

http://im35.gulfup.com/jajvh.bmp (http://www.gulfup.com/?oMBUf0)

[معماري قطري]

,

,


مرحبا

منزل مبارك ان شاء الله

اذا في قهوه تركش وصحن كنافه بتدخل في التوزيع
اذا مافي اكل بتفرج
( :) )

ما شاء الله موجود بن غيث والمعلم معماري
وحور ولايهون الجميع

خلاص بعد مافي مجال لنا وراحت علينا الكنافه

:)

,

,


اخوك


شموخ دائم


إخوي شموخ توني أشوف تعليقك .. تحمل الكنافة سعرات حرارية وايد الا اذا كنت ضعيف غير

[مواقف النجادة]

فكرتي لك انك تخلي مدخل الدرسنج روم علي اقصى اليمين ومقابله باب الحمام واول ما تفتح باب الحمام عندك كسره بالطوفه للداخل تستغل فيها
المغسله وبالصوره هذه سويت مساحه جيده بالحمام تقدر توزع الاشياء الثانيه

مشكور اخوي مازن على الفكرة ..بارك الله فيك..

[معماري قطري]

بعدين التصميم يحتاج شغل كامل ككل .. مثلاً عندك البانتري فوق كبير وجايه زاويته في الحمام مخربته ولا بيستوي لك عرض زين للمغسلة.

البانتري لو تسويه بعمق 60 سم أو 80 سم وبنفس العرض 2.9 كفاية كل شيء على خط واحد .. إنت تحتاج ثلاجة ومغسلة صغيرة بتحصل دائرية ستانلس ستيل كفايه .. وميكروويف وسخان ماي للشاي .. انا عندي بعرض 3.3 وبعمق 1.6 ومسوي فيه زيادة فرن وصدقني للحين محد استخدمه .. لا وحاط شفاط وفتحه من السقف يعني تقدر تطبخ فيه طبخ كامل ولا حد استعمله.

تدري بيتي تصميمه قريب من بيتك .. ومساحته مع الملاحق 1070 لو تبي مخططاته مستعد اساعدك في تطويرها حسب حاجتك ولو تبي تشوف البيت على الطبيعة بعد حاضر لك وللي يبي من الأعضاء.

[مواقف النجادة]

صباح الخير عزيزنا ..

أن شاء الله أسلوبي يكون سهل وواضح ..

اولاً .. الكرسي والبديه في الواجهة .. والبانيو الشور يسار ( قريب الدريشه ( وتأكد أن عرض البنيو لايزيد عن 70 سم )..

المغسلتين . . قطعة رخام واحدة تركب فيها المغسلتين وتكون على اليمين ..


واذا ما أوضحت الصورة لك .. أعزمني على الغداء وبشرحلك بالتفصيل .. :)

مشكور يا بن غيث على النصيحة.. ان شاء بدرسها مع أولي الامر في البيت .. ماقصرت و بيض الله وجهك

الفكرة واضحة <--- يبي يتشرد من العزيمة :)


بن غيث .. مو حلو يكون الكرسي والبديه في وجه الداخل .. احس المغاسل في الوجه افضل ..

امممم بالنسبة لي اشوف تخلي المغاسل في الوجه وتخليها بطول الجدار وفيها مرايه كبيرة توسع المكان .. وبين المغسلتين ممكن تسوي مكان طاولة وكرسي مثل التسريحة يعني مع ارفف جانبية علىجانبي جدار المغسلتين.. الشاور والبانيو اعتقد بيكفي انها تكون يمين .. والكرسي والبديه على اليسار .. أعتقد حسب ما سمعت انه اسهل التسليك لبرا بالنسبة لهم .. أو تعكسهم لو المساحة ما كفت ..
أو ممكن تخلي الشور والكرسي والبديه في جهة اليمين، و البانيو تكبره شوي وتخليه يسار صوب الدريشة .. نفس تقسيم اغلب الفنادق
والله يوفقك

بارك الله فيج اختي نور .. نصيحتج ممتازة .. وشكرا على الرد..


اليوم فاضي من صبح اشتغلت وخلصت التوزيعة بس تكفي لمغسلة وحده والباقي أوكي .. بس يا اخوي وقف عندي البرنامج وإخترب كل شيء .. خبرك نسخ مب مرخصه .. عندي ملاحظات وايد لو تبي تطور التصميم للأفضل .. إن شاء الله أسويها لك على فايل الاوتوكاد وانت كيفك تاخذ اللي يناسبك.

مشكوور يا معماري قطر .. وهذي عوايدك ..جزاك الله خير..


,

,


مرحبا

منزل مبارك ان شاء الله

اذا في قهوه تركش وصحن كنافه بتدخل في التوزيع
اذا مافي اكل بتفرج
( :) )

ما شاء الله موجود بن غيث والمعلم معماري
وحور ولايهون الجميع

خلاص بعد مافي مجال لنا وراحت علينا الكنافه

:)

,

,


اخوك


شموخ دائم

مشكور اخوي شموخ على الرد الكريم .. دخولك الموضوع بحد ذاته شرف لصاحبه..

بارك الله فيك..


اخوي مواقف النجادة
اعتقد المساحة صغيره حق كل هالاشياء الي طلبتها !! يبيلها تعديل




الله يغربل بليسك هههههههه ،، قريت ردك دش خاطري في تركش ، رحت سويت لي تركش سكر زياده هههههههه :nice::nice:

اذا السالفة جذي .. خلاص بنشيل قطعة.. يا مغسلة او بيديه (عزكم الله) .. مشكور اخوي على الرد..


عندك نموذجين 1-البانيوايسار الباب تحت الشباك افضل واجمل خاصه لوحطيت ستاره حلوه ونوعيه خاصه على الشباك الشاور في الزاويه اقصى اليمين وجنب منها wcخلف الباب مباشرة وانصحك تستغني عن البديه وتستعيض بالشطاف المغسلتين في مقابل الباب النموذج 2 شفته في احد الفنادق الراقيه في دبي وكان غايه في التنظيم والجمال وهو كالتالي الجهه المقابله للباب تقسمها وتعمل غرفتين
(بارتشن)وحده للشاور وحده للwcوزي ماقلت لك تستغني عن البديه والبانيوا تحت الشباك ويكون مستطيل والمغاسل يمين الباب وتضع مرآه بفريم عريض وفخم بمساحة الجدار المتبقي والباب في ها الحاله يفتح جهة اليسار بحيث تبين المغسله اول مايفتح الباب

مشكور اختي على الرد و الافكار الجميلة .. بارك الله فيج


هلا اخوي
انا اشوف ,, جهه اليمين وهي اصغر مساحه تخليه wc والبديه مع اني ماشوفه عملي ...
والمنطقه المقابله الباب لانها اكبر مساحه حط فيها الشاور والحوض وحط طفه بينهم ونص هالطوفه فتحه صغيره ,,, والطوفه اللي فيها دريشه حط المغسلتين ع يمينها ....

شكرا اخوي ولد المنصور على الرد الكريم ..
المشكلة ان المساحة عندي وسط.. لا هي كبيرة الواحد ياخذ راحته في التصميم و لا صغيرة علشان يخليها ستاندرد .. بارك الله فيك.


آتوقع هذي أفضل توزيعة لإحتياجك، ورايي تكبر الدريشة وتختار القطع بالضبط حتى يرسمها لك الإستشاري .. المقاسات اللي انا حاطها للقطع واقعية وممكن تحصل شوي أصغر .. البوكسات اللي في الحايط عبارة عن كسرات لتخزين الصابون والشامبو .. والشاور بكرسي وبتسكير من كل الجهات بالقزاز وبعرض 1.1 متر .. يعني سوبر شاور وممكن تحط معاه بخار وتسكره من فوق بقزاز.

http://im35.gulfup.com/jajvh.bmp (http://www.gulfup.com/?ombuf0)



مشكوور اخوي معماري.. كفيت ووفيت .. بس - الله لا يهينك - بغيت اعرف كم عمق
(عرض) البانيو؟

طرشت لك ملف الاوتوكاد في حال عند ملاحضة او تعليق على البيت .. وبارك الله فيك.

[معماري قطري]

مشكوور اخوي معماري.. كفيت ووفيت .. بس - الله لا يهينك - بغيت اعرف كم عمق
(عرض) البانيو؟

طرشت لك ملف الاوتوكاد في حال عند ملاحضة او تعليق على البيت .. وبارك الله فيك.[/quote]

وصل يا اخوي وشغال عليه

بالنسبة لعمق البانيو ذيه متر و10 سم والموجود في السوق فيه من هذا العرض وفيه أقل لين حتى 70 سم، والطول مترين و10 سم والغالبية الموجودين في السوق 1.7 لين 2 متر يعني حتى تقدر تحط جزء طوفه فاصل وفوق زجاج أو توسع في الشاور.

على السبت إن شاء الله باخلص مقترح ثاني للبيت ككل.

[مواقف النجادة]

وصل يا اخوي وشغال عليه

بالنسبة لعمق البانيو ذيه متر و10 سم والموجود في السوق فيه من هذا العرض وفيه أقل لين حتى 70 سم، والطول مترين و10 سم والغالبية الموجودين في السوق 1.7 لين 2 متر يعني حتى تقدر تحط جزء طوفه فاصل وفوق زجاج أو توسع في الشاور.

على السبت إن شاء الله باخلص مقترح ثاني للبيت ككل.




تسلم يالطيب .. ما قصرت..

[معماري قطري]

تسلم يالطيب .. ما قصرت..


الله يسلمك يا اخوي

هذا تعديل بسيط بتحريك بعض الحوائط الداخلية وتعديل المساحات وبدون تغييرات خارجية، وباسوي مقترح ثاني أضيف فيه جزء للمكياج والسشوار في الغرفة الرئيسية بس بيكون البانتري شبه ممسوح مع حائط الصالة.

منطقة الدرج ضفت عليها اللفت اللي أشوفه ضروري وبتفتك من درابزين مكلف وتشطيب درج مكلف وبتحط التكلفة في اللفت .. الدرج ممكن تسويه بورسلان أو حتى أي نوع بلاط وتحط عليه سجاد .. أو سجاد في الوسط محفور له والأطراف 15 سم من كل جنب غرانايت أو رخام راقي، واللفت ممكن يسوي واجهته قزاز.

ضروري المنطقة الوسطى من الصالة يكون فيها سكاي لايت، واقتراحي يكون هرمي مثل ما وضحته هنا، ولو حبيت تقدر ترفع هذي المنطقة الوسطية بس وتسوي السكايلايت جانبي من ثلاث جهات بيجيك وحلو تخليه طوب زجاجي وبصفين أو ثلاثه .. يعني تحتد ترفعها حول متر، ويبقى عندك مخرج للدرج من فوق تسويه جهة الغرفة اليمنى في البنتاهاوس وباوضح لك طريقته لو حبيت.

ركزت على ترتيب أماكن لخزاين الحايط الأمريكية بعرض 70 سم في كل غرفة وبطول مناسب حق تكفي للأغراض والثياب، ووسعت في بعض الغرف اللي بتكون فيها خزائن بعرض 60 سم عادية، وسويت غرفة ملابس للغرفة الرئيسية مغلقة وبحيث تكون كبتات بدون أبواب لسهولة الوصول للقطع.

إقتراحي تطلب من المكتب يشوف لك مهندس معماري يتابع لأن واضح إن اللي يشتغل رسام والمهندس مب مركز أو حتى مب موجود في الشغلة، وبعدين مهم تسوي عزل للحوائط وأحسن طريقة تثبيت قطع كبيرة من السيبوريكس أو الطابوق الإسفنجي ببراغي فوق الطابوق والخرسانات بحيث تغلف الحوائط وينقص مكان للدرايش، وهذا قبل البلاستر وما تحتاج بعدها لبلاستر وممكن تصبغ مباشرة على ألواح السيبوريكس، وميزة هذي الطريقة بتعطيك عزل جيد وبسمك 10 سم ولو تبي توفر حتى ممكن سمك 5 سم .. وسهلة القص والحفر وحتى عمل نقوشات فيها، والأهم تغليف الهيكل الإنشائي وحماية البيت من الحرارة والبرودة، وطبعاً تكتمل مع عزل الدرايش واستخدام نوعية يو بي في سي معزول زين.

توكل على الله والله يعينك على الباقي مع هذا المكتب خصوصاً الإنشائي. وتفضل المخطط.

http://im35.gulfup.com/rBjtp.bmp (http://www.gulfup.com/?vansmR)

[معماري قطري]

هذا مخطط البنتاهاوس والجزء اللي فيه سكايلات ممكن يكون مرتفع متر وتكون فيه إنارة طبيعية جانبية بطوب زجاجي من ثلاث جهات، وتم تعديل باب السطح وباب واحد كفاية للصيانة .. صفاقتين وعلى برا يدخلون غبار وما فيه داعي لهم .. بعدين السكايلايت الوسطي لو انعمل وتم رفع السقف شوي لإنارة طبيعية جانبية وتم وضع طاولة إفطار مقابل البانتري بيكون توزيع المكان عملي وبيكون منظر البيت من الخارج حلو خصوصاً مع رؤية السكايلايت وهو مضاء بلإنارة الداخلية ليلا من بعيد.

http://im32.gulfup.com/YxyTU.bmp (http://www.gulfup.com/?rYQfHc)

[qatara]

اهم شي الله يجلك والجميع

المرحاض لا تخليه مشاهد او مقفي للقبله

[معماري قطري]

المقترح الثاني للدور الأول .. تم تصغيير البانتري ليكفي لكاونتر وثلاجة ومغسلة وممكن حتى لفرن كامل ومايكروويف .. مع إني أنصح بعدم وضع فرن لتجربة شخصية وعدم استعماله بتاتاً .. وتم عمل مكان لتسريحة ولمغسلتين في الحمام الرئيسي.

http://im32.gulfup.com/iCcc1.bmp (http://www.gulfup.com/?JyCIBX)

[معماري قطري]

اهم شي الله يجلك والجميع

المرحاض لا تخليه مشاهد او مقفي للقبله


كنت معتمد هالمسئلة قبل بس سمعت فتاوي بأن إذا المكان مغلق وصعب تفادي هالشيء، فهناك إختلاف ويجوز حيث أن القبلة تكون مائلة قليلاً في أغلب الأحيان والنية ليست لمواجهة القبلة.

[بن غيث]

معماي ..

عندي أحساس أنك أذا فتحت مكتب أستشارات هندسية .. راح تسوي التصاميم والاستشارات مجانية ..

crazy

[معماري قطري]

معماي ..

عندي أحساس أنك أذا فتحت مكتب أستشارات هندسية .. راح تسوي التصاميم والاستشارات مجانية ..

crazy

هههههه شدعوى بن غيث ألحين انا اخطط لك كشريك معاي شكلك خذت عني فكره مب زينه .. انا عقلية تجارية 100% ولو فتحت مكتب الله لا يقول ان شاء الله الا بعد ما اخلص الماستر واحتمال الدكتوراه .. إن شاء الله بيكون شغلي كله للمكتب .. ألحين أشوف مخططات من رسامين والله ولا تحصل المعماري متفرغ لها يمكن يشيك بس آخر شيء .. والإخوان هنيه يطلبون النصيحة والتوضيح وانا احاول معاهم باللي أقدر عليه .. بس أغلبهم بعد يسون شيء غير كلش.

إنت شرايك في رفع سقف الصالة الوسطية للإنارة ووضع سكايلايت هرمي فوق؟ وفي التعديلات الباقية؟ والمفروض إستشاري الأخ مواقف النجاده يدرس عدل الدرايش والواجهات وينسقها ويوسع شوي في بعض الدرايش .. حتى الصالة فوق مكان الجلوس المفروض فيها دريشة في الزاوية أو حتى دريشو زاوية على شكل حرف l حتى تعطي رؤية واسعة لمدخل البيت.

[بن غيث]

هههههه شدعوى بن غيث ألحين انا اخطط لك كشريك معاي شكلك خذت عني فكره مب زينه .. انا عقلية تجارية 100% ولو فتحت مكتب الله لا يقول ان شاء الله الا بعد ما اخلص الماستر واحتمال الدكتوراه

http://www11.0zz0.com/2013/03/15/15/565930455.png


.. إن شاء الله بيكون شغلي كله للمكتب .. ألحين أشوف مخططات من رسامين والله ولا تحصل المعماري متفرغ لها يمكن يشيك بس آخر شيء .. والإخوان هنيه يطلبون النصيحة والتوضيح وانا احاول معاهم باللي أقدر عليه .. بس أغلبهم بعد يسون شيء غير كلش.

هذه حقيقة

إنت شرايك في رفع سقف الصالة الوسطية للإنارة ووضع سكايلايت هرمي فوق؟ وفي التعديلات الباقية؟ والمفروض إستشاري الأخ مواقف النجاده يدرس عدل الدرايش والواجهات وينسقها ويوسع شوي في بعض الدرايش .. حتى الصالة فوق مكان الجلوس المفروض فيها دريشة في الزاوية أو حتى دريشو زاوية على شكل حرف l حتى تعطي رؤية واسعة لمدخل البيت.

أنت فنان .. وتستاهل كل خير :)

[معماري قطري]

أنت فنان .. وتستاهل كل خير :)

الله يسلمك يا شيخنا مشكور على رفع معنوياتي

وصج القبر لاحقنا لاحقنا بس صراحة متخوف من فتح مكتب استشاري وايد وخصوصاً لأنه يبي فراغ كامل وانا مع الدوام وما يسمحون لي بإدارة المكتب حسب القوانين لازم متفرغ، ويمكن الله كاتب لي عمر لين الثمانين .. يعني باقي لي 60 سنه يالله زين عندي رصيد :nice:

[بن غيث]

الله يسلمك يا شيخنا مشكور على رفع معنوياتي

وصج القبر لاحقنا لاحقنا بس صراحة متخوف من فتح مكتب استشاري وايد وخصوصاً لأنه يبي فراغ كامل وانا مع الدوام وما يسمحون لي بإدارة المكتب حسب القوانين لازم متفرغ، ويمكن الله كاتب لي عمر لين الثمانين .. يعني باقي لي 60 سنه يالله زين عندي رصيد :nice:

http://www11.0zz0.com/2013/03/15/16/867057199.jpg

[مواقف النجادة]

السلام عليكم

تم الاطلاع على الرسومات .. و بصراحة عجبتني الرسمة الثانية اللي فيها البنتري الصغير و مكان حق التسريحة.. وان شاء الله بكلم المهندس يحطها.

بخصوص السكاي لايت شكله حلو وراح يحلي الصالة.. و لكن للاسف محتاج مساحة السطح في امور كثيرة..على اعتبار ان ماعندي مساحة كافية في الحوش مثل ما يمكن شفت في المخطط. وانا -اذا لاحضت - في البنت هاوس في الجزء الاوسط اللي فوق الدرج حطيت خط افقي من طوب زجاجي للانارة .. وهذه الفكرة خذتها منك من احد مواضيعك السابقة..

بالنسبة للفت تراني مفكر فيه و مسوي حسابه و ان شاء الله بسويه على هيكل معدني و زجاجي بدون اسمنت اذا سمحت الميزانية.

بالنسبة للعزل .. بصراحة اول مرة اسمع عن المادة اللي ذكرتها و ما ادري اذا المقاولين يعرفونها ام لا ..
خبرك مقاولينا اذا بنيان بسيط و بطوب عادي او احمر يالله يالله يدبرون امورهم .. هذا إذا دبروا .. اما انك تجيب لهم مادة جديدة او تقنية جديدة .. اتوقع بتصيدهم جلطة في المخ او صدمة عصبية .. خلنا عالطوب الاحمر او الفلين لا يتعقد المقاول و يعقدنا وياه !

مشكور اخوي معماري قطري على الجهد و المساعدة .. انت مثل ما قال اخوي بن غيث انسان فنان و تستاهل كل خير .. و عساك عالقوة .

[معماري قطري]

السلام عليكم

تم الاطلاع على الرسومات .. و بصراحة عجبتني الرسمة الثانية اللي فيها البنتري الصغير و مكان حق التسريحة.. وان شاء الله بكلم المهندس يحطها.

بالتوفيق لك وزين سويت خليتني أشغل الأوتوكاد .. طلعت غبره يوم شغلته

بخصوص السكاي لايت شكله حلو وراح يحلي الصالة.. و لكن للاسف محتاج مساحة السطح في امور كثيرة..على اعتبار ان ماعندي مساحة كافية في الحوش مثل ما يمكن شفت في المخطط. وانا -اذا لاحضت - في البنت هاوس في الجزء الاوسط اللي فوق الدرج حطيت خط افقي من طوب زجاجي للانارة .. وهذه الفكرة خذتها منك من احد مواضيعك السابقة..

توني مركز ولاحظت بإرتفاع 20 سم .. بتدخل نور خفيف وبتقول يا ليتني زدت وسويت صفين أو 3 طوب زجاجي .. انا مسوي بإرتفاع 30 سم ويدخل منها نور زين بس تمنيت لو مسوي أقل شيء صفين.

الجزء المأخوذ من السطح مساحته 4.7 في 5.4 وهي مساحة مرتفعه شوي ممكن تسويها حتى بإرتفاع 80 سم علشان تقدر تركب طوب زجاجي في الجوانب للصالة، والسكايلايت الهرمي ممكن تلغيه بالكامل .. أو حل ثاني تسوي السكايلايت الهرمي ويكون مرتفع حول متر حتى لحد يضرب فيه صدفه وممكن ينكسر .. يعني طابوق في الجوانب أو خرسانه وبعدها يجي فريم السكايلايت والمساحة اللي بتخسرها من السطح حول 2.8 في 1.8 وممكن لو حبيت بتكون أصغر بس انا احاول أعطيك المقاس المثالي للصالة اللي عندك.[ /color]

بالنسبة للفت تراني مفكر فيه و مسوي حسابه و ان شاء الله بسويه على هيكل معدني و زجاجي بدون اسمنت اذا سمحت الميزانية.

طريقة الدرج إذا هشكل مفتوح ألحين لازم بيكلف تكلفة بتكون قريبة من قيمة اللفت، إنت بس إسئل عن الدرابزين كم بيكلفك، وأرضية الدرج بعد بتكلف .. لو حبيت اللفت اللي بيته زجاجي وزواياه حديد هذا ما ادري كم بيكلف بس المفروض تأسس له من البدايه، وإحتمال تحتاج لغرفة لفت فوق .. وفيه نوعيات بدون غرفة لفت بس تحتاج لحفرة بعمض معين .. من رايي لو تسوي اللفت من البداية بيكون أحسن لك وأريح وحتى وايد أسهل .. والدرابزين ممكن يكون ستانلس ستيل دائري مثبت في حديد اللفت ومثبت في الطوفة بدون قواعد وتصميم معقد وغالي .. ولو حبيت في حال ركبت اللفت ممكن ما تركب أي درابزين.

بالنسبة للعزل .. بصراحة اول مرة اسمع عن المادة اللي ذكرتها و ما ادري اذا المقاولين يعرفونها ام لا ..

[color="blue"]يعرفون المقاولين ما عليك .. فيه منها طابوق الخفيف اللي يحطون بينه بتومين بدال الاسمنت علشان يقلل الجسور الحرارية بين الداخل والخارج .. لو حبيت شوف فيه موضوع كتبته عن العزل الحراري فيه تفاصيل كافيه.

خبرك مقاولينا اذا بنيان بسيط و بطوب عادي او احمر يالله يالله يدبرون امورهم .. هذا إذا دبروا .. اما انك تجيب لهم مادة جديدة او تقنية جديدة .. اتوقع بتصيدهم جلطة في المخ او صدمة عصبية .. خلنا عالطوب الاحمر او الفلين لا يتعقد المقاول و يعقدنا وياه !

مشكور اخوي معماري قطري على الجهد و المساعدة .. انت مثل ما قال اخوي بن غيث انسان فنان و تستاهل كل خير .. و عساك عالقوة .

العفو يا اخوي والله إحنا كلنا كأعضاء في هذا المنتدى يجمعنا حبنا للخير للكل، وانا عني يهمني أي حد يبني يتوفق في بنيانه بطريقة صح، وخايف إنك زعلتك كلمتي حق بن غيث إن كثير يسوون شيء ثاني كلش .. وهذي يمكن الحقيقة وقليل يختارون الصح .. تصدق إخوي سويت له تفاصيل ورسومات وقعدنا مع استشاريه التعبان وكل شيء يقول حنعمله عالطبيعة ووقت الصج المقاول نفذ الخرايط مثل ما هي وتورط هو في شغل زيادة وتكسير وشيء ما كنت أتمناه له، وإنت بيتك ما شاء الله بيطلع مرتب عدل وبتتوفق فيه إن شاء الله.

لو تبي فايلات الاوتوكاد بارسلها لك يطبقها الرسام مباشرةً وكلها أصلاً إضافات بسيطة لا تذكر.



لو تبي فايلات الاوتوكاد بارسلها لك يطبقها الرسام مباشرةً وكلها أصلاً إضافات بسيطة لا تذكر.

[ضوى]

معماري

المفروض المنتدى يخصص لك راتب شهري يستقطعونه من اللي يطلب استشارة في البنيان


واتوقع يامعماري انك مابتفلح في شغل خاص لانك بتخدم هذا ببلاش وذاك ببلاش وهذا من المنتدى وهذا ولد عمي ضاعت الحسبة

ماقول الا الله يجزيك خير وتلقاه بميزانك يوم القيامة باذن الله

[معماري قطري]

معماري

المفروض المنتدى يخصص لك راتب شهري يستقطعونه من اللي يطلب استشارة في البنيان


واتوقع يامعماري انك مابتفلح في شغل خاص لانك بتخدم هذا ببلاش وذاك ببلاش وهذا من المنتدى وهذا ولد عمي ضاعت الحسبة

ماقول الا الله يجزيك خير وتلقاه بميزانك يوم القيامة باذن الله

الله يسلمج ويخليج أُخت ضوى

شدعوى والله محد يعرف إحساس المصمم شلون إذا دخل مكان يكون حتى مساهم فيه بفكره بسيطة، ويمكن لو يدخل البزنس في التصميم يتعب الواحد أكثر وأكثر، وأذكر واحد من الشباب فتح مكتب ونجح الحمد لله فيه وكان يشتغل لين وقت متأخر من الليل غير عن دوامه الرسمي، بس فتح كم مشروع تجاري وتفرغ لهم وباع المكتب .. لكن دوم مرتبط بهذي المهنة ويساعد الكل بالراي ويتعب لإثبات وجهة نظره.

وراتبي كلمة جزاك الله خير من إنسان راضي تكفيني.. ورؤيتي لشوية تطور صراحة قاهريني المكاتب الموجودة في قطر وأشغال وشوي التخطيط مع اني عارف انهم مجبورين .. مجبر أخاك لا بطل.

[مواقف النجادة]

لو تبي فايلات الاوتوكاد بارسلها لك يطبقها الرسام مباشرةً وكلها أصلاً إضافات بسيطة لا تذكر.

مشكور يالطيب .. الله يجزاك خير ..

خلي المهندس يرسمهم و يحلل فلوسه !

[معماري قطري]

مشكور يالطيب .. الله يجزاك خير ..

خلي المهندس يرسمهم و يحلل فلوسه !


الخوف يرسم شيء غير .. ولو نقلت له الصورة بتكون واضحة وبيقدر يطبقها على المخططات بسهولة بس راونا شبيصير معاك وإن شاء الله فالك كل توفيق.

[معماري قطري]

مريت صدفة صوب منطقة رميلة، وفيها قصر الضيافة القديم والمبني في الستينات أو السبعينات، وبعده فيه قصر ثاني فيه شوية قرميد بني فاتح دققت فيه وشفت السقف منحني شوي وفيه فتحات مربعة متفرقة ومسكره بطوب زجاجي، وفيه قبة بإرتفاع بسيط بعد بهذا الطوب .. ما ادري طول هالسنين وتكنولوجيا قديمة وتعمر كل هالعمر صراحة شيء جميل .. أتوقع اللي بانيه هذي القصور أما شركة الدرويش أو ناصر بن خالد أو العطية ( الكات ) بس ما شاء الله التصميم رائع وأتمنى لو ممكن أدخل وأشوف شلون عن قرب.

الفكرة قابلة للتطبيق بسهولة في المباني الحديثة، وخصوصاً في هذا التصميم الخاص بهذا الموضوع.

[نور الحور]

الله يعطيك العافية معماري .. ولا يهونون إخواني وخواتي الباقيين .. تنصح من قلب ..الله يجعله في ميزان حسناتك ..
وبالنسبة للي تنصحهم ويسوون شي غير كلش أشوا انك قلت (أغلبهم) هههههههههههه لأني كنت ناوية على نية شينة :secret:
بالنسبة لي أنا مطيعة.. أطبق النصايح اللي تقولها لنا .. وما أسأل إلا وأنا حابه أتعلم وأعرف وأطبق إلا إن كان شيء بسيط يمكن ما يناسبني أو ما يناسب ظروفي ..
صراحة نصايحك وايد مهمة ولو تخليها في موضوع واحد بتكون الاستفادة عمت الكل .. الله يعطيك العافية صراحة عضو مميز لقب شوية عليك

[معماري قطري]

الله يعطيك العافية معماري .. ولا يهونون إخواني وخواتي الباقيين .. تنصح من قلب ..الله يجعله في ميزان حسناتك ..
وبالنسبة للي تنصحهم ويسوون شي غير كلش أشوا انك قلت (أغلبهم) هههههههههههه لأني كنت ناوية على نية شينة :secret:
بالنسبة لي أنا مطيعة.. أطبق النصايح اللي تقولها لنا .. وما أسأل إلا وأنا حابه أتعلم وأعرف وأطبق إلا إن كان شيء بسيط يمكن ما يناسبني أو ما يناسب ظروفي ..
صراحة نصايحك وايد مهمة ولو تخليها في موضوع واحد بتكون الاستفادة عمت الكل .. الله يعطيك العافية صراحة عضو مميز لقب شوية عليك


مشكوره مهندستنا نور .. انا توني اقرا كلامج عن دمج الملحق في البيت .. وصج سهل ويكون عملي وكنت مخطط أسوي هالشيء في بيتي الحالي .. بس هذا التوجه صار بعد دراسات ويحثون عليه المخططين وهيئة التخطيط عندنا بسبب بسيط اللي هو الأمان من لا قدر الله الحريق، وحتى إن يكون الملحق مفصول على أساس لو صار حريق يبقى محدود في الملحق، ومشكلتنا نعتمد في الطبخ على الخدم اللي جهلهم كبير بهذي الأُمور ويتسبب بكوارث لهم ولأهل البيت.