مدير المرور مدير اشغال مدير البلديه ادراه التخطيط

[Qaatar]

السلام عليكم ورحمه الله وبركاته

الموضوع ومافيه وباختصار
خط 22 فبراير
ملينا وكرهنا اليوم الي. خلص فيه هالشارع
انواع الزحمه من 6ونص الصبح لين 10 باليل حوادث بالهبل ازدحام مش طبيعي
والله حرام شارع من 6 سنوات خلص يصير فيه هالمشاكل مدري يفكرون بس يسون الشوارع لمده سنتين وبس
يعني شارع 3 مسارات مخارجه ومداخله خط واحد وضيق ويوقف السيد فيه 500 متر
هذا يدل على فشل التخطيط والتصميم
يوميا حادث. وحشره فالحين المرور يخشون الردارات. فقط خلوا الشارع يفضى عشان تصيدون فيه العالم
تمشي ريل عل البترور وريل على البريك اول الي قدام بس تشوف ليته ولع ارقع بريك تقعد برعب
ياخي مادري شبيضير بالبلد سنه 2022

مافي حلول بهالادراات!!!!!!!
صراحه صرت امسك. طريق الباركن. وامشي فيه ابركلي
يازحمه ياثنين هنود مداعمين واقفين يطلعون بمواترهم على حكه كبر الظفر
مادري في حد عاجبه وضع الطريق 22 فبراير خاصه من جسر الشمال لين دوار العبيدلي؟؟

[R 7 A L]

هالشارع اعتقد ماحد يحبه
انا مقاطعه من زمان

والحين الحمدلله
طريق سلوى قريب ينتهي

[الامير]

االه كريم

[Positive]

حدك اتسوق ظ¤ظ* على هالخط
واغلب المرات الزحمه يكون فيه حادث والعالم يخفون علشان يطالعون
زين ليش؟؟؟؟
وانا مايقهروني الا الي يمشون ظ¨ظ* ولين نزلوا نفق ضربوا بيرك!!!! ترى السرعه ظ،ظ*ظ*

[السكين]

في السابق كانت المشكلة الرئيسية للناس بالشوارع هي السرعة ، بس حالياً أكثر ما يواجهني وانا رايح الشغل السلاحف اللي ماشيين عاليسار كل الخطوط ماشييين بنفس السرعة . ولازم يكّع بريك تحت النفق خاصة العسيري ولازم بريك قبل الرادار ولو ماشي 80 والله حالة !!

كل يوم تأخير وضغط اعصاب بالشوارع والسبب ضيق الشوارع وضيق مدارك المسؤولين .

[هبوب الكوس]

الحل يسون شارع اخر فوق الشارع نفسه

شاهدة هذه في الشارقه صراحه ناجح وخاصه اذا مافي مجال للتوسعه

واذا تنفذ المشروع ياريت ماتنساني اشغال 20% نسبه لي :(

[Dmy Enabi]

في السابق كانت المشكلة الرئيسية للناس بالشوارع هي السرعة ، بس حالياً أكثر ما يواجهني وانا رايح الشغل السلاحف اللي ماشيين عاليسار كل الخطوط ماشييين بنفس السرعة . ولازم يكّع بريك تحت النفق خاصة العسيري ولازم بريك قبل الرادار ولو ماشي 80 والله حالة !!

كل يوم تأخير وضغط اعصاب بالشوارع والسبب ضيق الشوارع وضيق مدارك المسؤولين .

صحيح خلاص الخط السريع ألحين صار اليمين

[فارس قطر]

الله يكون في العون

.

[خــالــد]

السلام عليكم ورحمه الله وبركاته

الموضوع ومافيه وباختصار
خط 22 فبراير
ملينا وكرهنا اليوم الي. خلص فيه هالشارع
انواع الزحمه من 6ونص الصبح لين 10 باليل حوادث بالهبل ازدحام مش طبيعي
والله حرام شارع من 6 سنوات خلص يصير فيه هالمشاكل مدري يفكرون بس يسون الشوارع لمده سنتين وبس
يعني شارع 3 مسارات مخارجه ومداخله خط واحد وضيق ويوقف السيد فيه 500 متر
هذا يدل على فشل التخطيط والتصميم
يوميا حادث. وحشره فالحين المرور يخشون الردارات. فقط خلوا الشارع يفضى عشان تصيدون فيه العالم
تمشي ريل عل البترور وريل على البريك اول الي قدام بس تشوف ليته ولع ارقع بريك تقعد برعب
ياخي مادري شبيضير بالبلد سنه 2022

مافي حلول بهالادراات!!!!!!!
صراحه صرت امسك. طريق الباركن. وامشي فيه ابركلي
يازحمه ياثنين هنود مداعمين واقفين يطلعون بمواترهم على حكه كبر الظفر
مادري في حد عاجبه وضع الطريق 22 فبراير خاصه من جسر الشمال لين دوار العبيدلي؟؟

والله صدقت اخوي ملينا من الزحمة والحوادث المتكررة على الطريق السريع 22 فبراير ياليت يشوفون لنا حل في اسرع وقت كل يوم وانا امسك هالطريق احط يدي على قلبي اقول ان شاء الله اوصل سالم وبعض السائقين المتهورين للاسف يجي طاير يمشي يمكن 200 وانت تمشي عالسرعة القانونية ويلصق فيك حتى انك ترتبك تخاف يركب فوق سيارتك وماتدري تنتبة لة وهو لصق فيك او تنتبة حق السيارات الي قدامك والمشكلة يكبس لك خمسين الف مرة وهو لصق فيك يصرقع تصرقع :(

[خــالــد]

في السابق كانت المشكلة الرئيسية للناس بالشوارع هي السرعة ، بس حالياً أكثر ما يواجهني وانا رايح الشغل السلاحف اللي ماشيين عاليسار كل الخطوط ماشييين بنفس السرعة . ولازم يكّع بريك تحت النفق خاصة العسيري ولازم بريك قبل الرادار ولو ماشي 80 والله حالة !!

كل يوم تأخير وضغط اعصاب بالشوارع والسبب ضيق الشوارع وضيق مدارك المسؤولين .

ياخي والله محد مجنني الا نوعيتك يجون يلصقون فينا ويتم يهرن ويكبس وانا ماشي عالسرعة القاونونية يسبب لي ربكة مب طبيعية ياخي لازم تذكر الله سيارات فيها اطفال وعوائل شنو بتستفيد لو دعمتهم وذبحتهم خفوا شوي عط مسافة حق الي جدامك تراء انا سوقتي مب نفسكم يدوب امشي بالسيارة وارتبك في الطريق لما يجيني واحد طاير لنة ممكن يذبحني.

[WARNING]

ياخي والله محد مجنني الا نوعيتك يجون يلصقون فينا ويتم يهرن ويكبس وانا ماشي عالسرعة القاونونية يسبب لي ربكة مب طبيعية ياخي لازم تذكر الله سيارات فيها اطفال وعوائل شنو بتستفيد لو دعمتهم وذبحتهم خفوا شوي عط مسافة حق الي جدامك تراء انا سوقتي مب نفسكم يدوب امشي بالسيارة وارتبك في الطريق لما يجيني واحد طاير لنة ممكن يذبحني.

اقبض اليمين وماعليك شر

[maryam5]

المشكلة محد يسمع الشعب فلا اتعبون نفسكم كلامكم محله واقف محد راح يهتم له او يلتف صوبه.

[ولد البدر]

انا اعاني من هالطريق كل يوم رايح وجاي عليه لانه الاقرب للوصول للجامعة لكنه مزدحم واسباب الزحمة المداخل الضيقة والمخارج للاسف ملل كنا ننتظره بفارغ من الصبر والحين ابتلشنا معاه ، والله المستعان

[BoFahed]

الحل موجود ويا ما تكلموا عنه وهو انشاء الشارع الموازي ل 22 فبراير اللي يربط خط الشمال بطريق سلوى والصناعية واعلنوا عنه اشغال والي لازم يسرعون فيه باي طريقه

المصيبة مئات الباصات والتريلات اللي تنقل الالاف العمال من سكنهم في الصناعية لين راس لفان والشمال من (5-7 ) في الروحه الصبح والرده بالليل

[معماري قطري]

الحل يسون شارع اخر فوق الشارع نفسه

شاهدة هذه في الشارقه صراحه ناجح وخاصه اذا مافي مجال للتوسعه

واذا تنفذ المشروع ياريت ماتنساني اشغال 20% نسبه لي :(

مع إن الحل ممكن وبسهولة وبدون ما تكون فيه تسكيرات وتعقيد لكن لو بيسوونه أشغال بياخذ سنين طويلة وبتكون فيه كل تعقيدات الدنيا، والحين كل أجزاء الجسور هذي الرئيسية والخرسانية خرسانة جاهزة تنقل وتركب في مكانها الصحيح بمعدات وكرينات خاصة.

والحل الممكن والسهل واللي المفروض متخطط له من قبل هو البعد بمسافة جيدة عن الطريق وعدم اعطاء تصاريح لعمارات على حافة الطريق بدال البيوت القديمة، وهذي العمارات التجارية لها عملاء وتحتاج مواقف حتى اللي بيوقف ما يحصل موقف وان حصل أو ما حصل بيخفف قد ما يقدر علشان يشوف المكان .. الإزالة والتوسعة بتستوي أسهل مع ترتيب التقاطعات صح .. سووا شيء مثل العالم ولا ارتاحوا في بيوتكم.

[سداوي&مدريدي]

للاسف تخطيط عشوائي " مشي حالك "

اتمنى يطرشونهم دورة تدريبيه بوظبي ويتعلمون منهم التخطيط على اصوله

[بوحمد111]

فعلا خط يروع وانا كل ما استخدم الخط اتشهد واقول للاهل يمكن والعلم عند الله ادخل هذا الخط ولا اطلع منه بسبب الرعب اللي اشوفه والحوادث اللي صعب الانسان الطبيعي يحصيها الا بجهاز حاسب لعدد الحوادث اليوميه

الله يحفظ الجميع