تطلع لي علامه في الطبلون ما اعرف وش سالفتها

[الكاسر99]

السلام عليكم ورحمة الله وبركاته


هذه العلامة تطلع عندي فجأه وانا امشي في الموتر


واذا وقفت وطفيت الموتر وشغلته مره ثانية تختفي


شوفوا الصورة



http://im34.gulfup.com/hONWD.jpg



رحت اليوم الوكاله لاني الليت أشتغل عندي مره وحده وقلت لهم وش هذه العلامة


قعد يتكلم بالأنجليزي ويخرط وفهمت منه أنه يقول شي في القير


وقال لي بفحص الموتر بالكمبيوتر وحط جهاز الكمبيوتر وفحصه وطلعت النتيجة

كما في الصورة



http://im34.gulfup.com/NtuVY.jpg



قلت له وش المشكلة قال لي عندك سويج أو شي يخص البريك وعمل للعلامة حذف


من جهاز الكمبيوتر وقال لي أذا رجعت العلامة تعال الوكلة وبنبدل لك سويج البريك



بس طرشت الصورة لواحد من ربعي قال لي هاي أشارة الدبل العود


وبالفعل شغلت الدبل العود طلعت نفس العلامة



وش السالفة ؟؟؟؟؟؟؟؟؟؟؟



الموتر : جي أكس ار 2009 - ثمانية سلندر


مع العلم أني ما شغلت الدبل العود من خذت الموتر إلى الآن


هل ممكن أيل الدبل ناقص


او شي أخر



أرجوا المساعده


وجزاكم الله كل خير

[القلم الصريح]

كم ماشي فالموتر؟؟؟؟

[الكاسر99]

كم ماشي فالموتر؟؟؟؟

ماشي أخوي الموتر 104000

وأنا لا راعي بر ولا شي


ولا أحتاج أشغل الدبل

مع العلم أن المواتر كلها صارت دفع رباعي يعني ما يحتاج حتى تشغل الدبل الصغير

أخوي أذا تعرف حل للمشكلة عطني أياه


أنا قلت أذا لازم أشغل الدبل العود راح أشغله حتى لو كنت في الشارع فتره بسيطه وأسكره

[القلم الصريح]

اتوقع طلعت لك هالعلامه بعد ماتجاوزت ال 100 الف ، انا صارت لي تقريبا نفس مشكلتك في موتري الشكل القديم 2003 طلع لي ليت فالطبلوم
ماخليت مكان مارحت له واحد يقول لي مروحه ولازم انظف المروحه وشغل وايد ويكلف فوق ال2000 ريال
واحد قال لي ماتتصلح الا بالوكاله
واخر شي مار بالصدفه على محل ( كار مكس - اوتو كار ) وراويته المشكله وحوس في ازره الطبلوم واختفت العلامة نهائيا ولا رجعت والفورمن جزاه الله خير ما رضى ياخذ ريال واحد مني

[يوسف0]

http://im34.gulfup.com/9Yoc2.jpg (http://www.gulfup.com/?zcxcRn)

http://im34.gulfup.com/2pLYD.jpg (http://www.gulfup.com/?cxC8IK)

اخوي لو تبدل الصور بهاي الصور لان الي حاطهم انت ضخمييييين :)

واعتقد انت توك جايب السيارة بعد تصليح حادث لان ولعلي ليتين غير الي عندك بعد ماصلحت عند وكالة التويوتا التعيسه

ولعلي ليت ال ABS وليت مال الاكسل بدلولي قطعة فالABS على قولتهم وراح الليت نهائيا

اما الليت الثاني يجيني مرات ويختفي وسحبت عليه لان ما ابي اقرب من الوكالة بعد تنقيعات وبهدله بمعنى الكلمه وشكاوي وزعاق وعوار راس وماعندي واسطه اتخلص شخل الشهر بيومين

فمادري جوف ردود الاعضاء يمكن تفيدك اكثر

[زمان]

اخوي افصل البطارية لمدة تتراوح من 20 الى 30 دقيقة وإن شاء الله امورك طيبة

[@north_star@]

شوف هالموضوع يمكن يساعدك
http://www.toyota4arab.com/forum/t181715.html

[الكاسر99]

أول شي جزاكم الله كل خير على المساعدة وبارك الله فيكم جميعاً


الأخ اللي قال لي أنه أكيد السيارة جايه من حادث لا أخوي الحمد لله ماسويت لا حادث ولا شي


الأخ اللي قال لي أن الليت طلع بعد ال 100 ألف صح أخوي بعد 100 ألف طلع لي الليت

[jassas]

اخوي موضوعك سهل ولاموتر مافيه شي هذا ليت الدبل يولع بالمزاج

وغالبا يفصل اذا طفيت وشغلت السياره وأحيانا مايفصل

المشكله في طرمبة الدبل اعتقد اسمها أو الحساس أو نفس ماذكرت محتاج تبديل

وأغلب المواتر الجديده فيها المشكله موفق بإذن الله

[الكاسر99]

جزاكم الله كل خير على المساعدة

أخوي جاسم طمنك الله وجزاك الله خير

قصدك أن الموتر مافي شي بس مجرد ليت يولع ومافي خوف أن شاء الله من شي

[عاشق العديد]

لاتحاتي ولا شي ..
المواتر الجديده كلها نفس الحاله ..
خاصتن الجي اكس ار عندي 3 من الربع نفس الحاله ..
الوكاله يبه بتقعد تقولك ببدل وببدل بيضربون عليك نفس ولد عمي ظربو عليه والله بما يقارب 20 الف او اكثر والعلم عند الله لكن لما شفنا تقرير السياره كم مره دخلت انها اكثر من 20 مره وفي كل مره كان يدفع 5 واساسا المشكله عيب تصنيعي .. فا نصيحه لو طلعت لك العلامه اضغط ع علامة تشغيل السياره ربع تشغيل وخل السويج ع الطبلون بيسوي مثل سفت وير وعقبها شغل الموتر وبتروح العلامه باذن الله .. والله يوفقك ترى عادي وماعليك من الشركه ترى نصابين .. والعلامه لو تطلع الدبل مايكون شغال ع فكره .. والله يوفقك ..

[غير البشر]

اخوي انا طلعت لي من كم يوم نفس العلامه
بس على نسيان فتك مهب كروزر

تأكد يمكن وقت غسيل السياره حد ضغط على الزر
شييك على ازره الدبل الي عندك

[Paydayyy]

موفق فى حل المشكلة اخوى

[الكاسر99]

بارك الله فيكم جميعاً

وبيض الله وجهكم