تشوفونه سعر مناسب ؟!!

[أم وضاحي]

الحمد لله
قريب بيخلص تشطيب البيت
و الحين بادية في الحوش
الهندي إللي ماسك لي التشطيب قال لي بيسوي لي الحوش مع الدفان لكن بدون البلاط
ب 45 ألف ريال
مع العلم أن مساحة الحوش 650 متر
أيش رايكم ؟!!
أنا حسيت أنه يبي يقص علي
لأني لما قلت له وقف الحوش ولا تشتغل في الدفان
قال لي باسويه لج ب 40 ألف
سؤالي هل السعر مناسب ؟ مع أنه بدون تركيب البلاط أو الانتر لووك بس تسوية الدفان
ووهل تعرفن حد مضمون يسويه لي بسعر أقل

[نوت]

جدا غالي الا فوق الغالي بعد:omg:

[قطري قديم]

غالي اختي اذا تبين ممكن نوفر لك اختي

[عقرب]

الدفان إن كثر سعره 5000 لكامل الحوش ... لان تريب الدفان ب 250 ريال والحوش إن كثر يبغيله 20 تريب

[ريان]

السعر غالي لانه حاسب المتر 61 ريال

اذا المواد كلها عليه والتركيب 40 ريال تقريبا
والبلاط عليج فقط
يعني الحسبه 40 ضرب 650=26000

[بوحارب]

هقوتي انه غالي

[ريان]

معليش مانتبهت انه بدون تركيب الحين اقول حرامي

الدفان وتسويته انتي ممكن تسوينه تطلبين الدفان وشيول صغير
مع عمال يومين ايسونه لج وبسعر بسيط جدا عن السعر اللي حاطه هالنصاب

[ولد المنصور]

الا امدبل السعر ادبااااااااااااااااااااااااااااااااااااااااااااااا اااااااااااااااااااااااااال ,,,,,,, كم تريله بودره وشيول صغير ودكاك ,, ان كثروا 10 الاف ,, والعمليه سهله اختي ...

[معماري قطري]

شكله حاسب حق مشاريع أشغال

[Chambray]

الحمد لله
قريب بيخلص تشطيب البيت
و الحين بادية في الحوش
الهندي إللي ماسك لي التشطيب قال لي بيسوي لي الحوش مع الدفان لكن بدون البلاط
ب 45 ألف ريال
مع العلم أن مساحة الحوش 650 متر
أيش رايكم ؟!!
أنا حسيت أنه يبي يقص علي
لأني لما قلت له وقف الحوش ولا تشتغل في الدفان
قال لي باسويه لج ب 40 ألف
سؤالي هل السعر مناسب ؟ مع أنه بدون تركيب البلاط أو الانتر لووك بس تسوية الدفان
ووهل تعرفن حد مضمون يسويه لي بسعر أقل
شغل يده في حدود 25 - 27 الف ..
دفان مع تركيب
من غير مواد ومن غير الدفان

لو قلنا الدفان والمواد ماتكلف شئ
لو قلنا انك محتاج ( 10 تريبات بودرة على سبيل المثال ) × 450 ريال = 4500
ولو قلنا محتاج ( 4 تريبات رمل مغسول ) × 800 = 3200
ولو قلنا محتاج ( 200 كيس اسمنت ) × 15 = 3000 ريال

يعني اجمالي المواد : 10500 ريال ( اقصى تقدير )

يعني الاجمالي ( مايجي 37 الف ) ..

وبالتوفيق

[Chambray]

سوال : ايش نوع البلاط ؟؟؟
انترلوك ولا بلاط شعبي ؟

في صبيه وحديد ؟؟ ولا بدون ؟؟

مع المناهيل ولا بدون ؟؟
مع القريل ولا بدون ؟؟
مع جرانيت الدرج ولا بدون ؟؟
مع كربستون الحديقه ولا بدون ؟؟

في امور كثيرة لازم الواحد يعرفها .. علشان مايظلم المبلط ..

[أم وضاحي]

صج صج ماقصرتو.
و الله جاتني الصيحه.
كنت حاسه ان في شي غلط بالموضوع
الابوقه في السالفه
هو حاسب لي شغل يده مع الدفان و الشغل اللي تابع له
من غير تركيب البلاط او الانترلوك.
وكل اللي طلبته منه انه يسوي لي منهول جدام الباب لين الله يعزكم البالوعه عشان لو غسلنا السيارات او الحوش. ألماي ما يطلع لين الشارع
بس.

[Bozizoo]

الدفان إن كثر سعره 5000 لكامل الحوش ... لان تريب الدفان ب 250 ريال والحوش إن كثر يبغيله 20 تريب

كلامك صيح 100%

قول بعد بوبكات لتسويه الدفان 3 ايام 1000 ريال
و 400 السياره الي تجيبه و ترجعه
4 عمال لتسويه بعد لمده 3 ايام 1200
و بودره 2 تريب يمكن 1500
دكاك يوم او يومين 400 ريال
ماء 3 تربيات 450 لرش الدفان
بس السوال كم تريب دفان محتاج الحوش