تسوقين سيارة؟؟!! تعالي شوي نسولف :)

[رهج السنابك]

موضوعي للسيدات اللي تسوق
؛


اعتزم اتعلم القياده وافتك من غربله الهنود لاني انذل ذل من الدريولية
لكن شوي متردده وافكر بأسوأ السلبيات

ابي تجارب البنات شلون تعلمتوا وكيف تغلبتوا ع الصعوبات

انا ماعرف اي شي في السواقه زيرو بدش مدرسة لمدة شهر وماعندي حد من اهلي يعلمني هل المدرسه لوحدها تكفي؟ ام استعين بوحده تعلمني بعد المدرسه

واشكثر احتاج لين اقدر اسوق في شوارعنا الجميله
وشنو افضل سياره اخذ ؟!

[jassas]

اول شي تعلمي وبعدين اختاري السياره

السواقه سهله بس اللي يسوقون يرفعون الضغط

الله يوفقج ويسهل لج وننتظر التقرير بعد التجربه

[نوار قطر]

للاسف مااسوق ولا افكر اني اسوق ،، موفقه حبيبتي

[غير البشر]

الله يوفقج اختي

بس احس المدربين بالمدرسه بنفسهم مايعرفون يسوقون
مافي احلى من التعلم بالبر

انا محد علمني بنفسي تعلمت في البر
صج سحت كم شيره وصعدت على ردم هههههه
بس الحمدلله تعلمت من نفسي

بس انتي مالج الا المدرسه وهي لابأس بها اهم شي تتعلمين الاساسيات
واهم شي اختي تحاولين تطردين الخوف منج وزياده الثقه احسها اكثر من نص التعلم


وبالتوفيق

[التيما]

اهم شي لا تخافين لان الخوف في السواقة كارثة .. ثاني شي بيضايقونج وانتي تتعلمين في الشارع بعض التافهين بس دامج في طريقج لا يهمونج .. المدرسة بتسجلين حوالي أربعين درس وبيجون في الحصة 12 بيقولون لج قدمي امتحان لو مؤ مستعدة ارفضي .. نصيحة لو بتشترين سيارة اشتري مستعملة في البداية لانه من الطبيعي في البداية بتضربين رصيف او دعمة خفيفة او باركن او او ولو السيارة جديدة بيعورج قلبج عالسياره .. وبالتوفيق حبيبتي

[بنـ الدحيل ـت]

هلا حبيبتي

على ايامي كنت أبحث عن متدربة لتعلمني السواقة

رحت لها .. وسألتني : عندج خبرة في السواقة ..؟؟

قلت لها أيه أخوي علمني اشوي في البر

وبس علمتني الواقة 21 يوم ونجحت في السواقة

وأخذت الليسن :)

[بنـ الدحيل ـت]

صح كلام الأخوات .. أهم شيء أنج ما تخافين

أنا علمت ولدي قلت له : أنت أحسن واحد تسوق سيارة

بس

توقع ( أخطأء الآخرين ) في السواقة

[مدرسة]

توكلي على الله ، ولا تخافين

تدربي بعيد عن الزحمة حتى لو ما عندج حد ،

لا تسرعين و انتي عليمية ، الهون ابرك ما يكون

انتبهي عالشارع و لا تدوسين بريك بدون داعي

تذكري أن السواقة و السيارة وسيلة وليست غاية في

و هدف في حد ذاتها

الله يوفقك و يعينك عالسندارة

[لمعة الالماس]

اهم شي ما تخافين وعادي مع الايام بتتشجعين وتفتكين من مذلة الدريوليه

واستخدمي الاشارات وسوقي مع حد من هلج بعد التدريب

وركزي على تعليمات المدرب

وبالتوفيق

[بريق الحق]

اهم شي الواحد مايتردد لم يكون واقف فالدوار او فالشارع ... بالنسبه حق مدرسة تعليم السواقه الصراحه فااشلين

[ms-qtr]

من تجربتي
تعلمي في مدرسة السواقة وقدمي الامتحان قبل ما يخلص التدريب باسبوع
علشان لو قدر الله وما نجحتي يكون عندج وقت قبل ما تخلص فترة التدريب
ولا يقصون عليج ويخلونج تقدمين من وهل لأنهم يبون الفكة
وقولي حق المدربة توديج اماكن مختلفة وبعض الاماكن الزحمة علشان تتعلمين
وقبل الامتحان تدربج في المكان الي العادة المرور يمتحنون فيه
اول ما تاخذين الليسن درجي نفسج بنفسج
في البداية خلج على الأماكن القريبة والي مب زحمة وبعدين تطوري
وخلج من الناس الي تقول الحريم ما يعرفون يسوقون
السواقة ابدا مب صعبة بس يبيلها تنتبهين على سواقتج وعلى الي حواليج بنفس الوقت
والله يوفقج

[حسن]

نصيحه لك ومن واقع تجربه

المدارس كلها تجاريه بحته وكانه خباز ولا مكينه تفريخ بسبب العدد الكثير

انصحك تعلمي على القير العادي اولا وثانيا حاولي انهم مايضحكون عليك بخصوص الساعه لان الكثير من المدارس سارت الساعه عنهم 30 دقيقه
وحاولى ان المدرب مايعلمك على البارك وl
حاولي دائما شارع وصري على ذالك لاضيعين وقتك في الداخل السواقه اساسا شارع
ولا تخافين ولا شي وبعدين اخذي كورس كامل ولا تخلينهم يسون لك اختبار الا بعد 35 يوم علشان مايضربون على الايام الباقيه
وبالتوفيق

[راشد محمد]

هالله هالله في الركاده وتوقعي مفاجات في الطريق والله يعينج على المواقف اذا بتروحين محل او متشفى لانها ماساه

[ام ناصر1]

تعلمت السواقة وما اشجع البنات على تعلمها ....لكن كل وحده ادرى بظرفها ..أنا اسرح إذا سقت مسافات طويلة ...
وانقرف إذا كنت بسيد طويل انتظارا للإشارة ....اسوق مشاوير قصيرة فقط
السواقة بيطير عنج الخوف حتى لوكنتي خوافة بعد سنة ...تقريبا كل البنات الي عندهم تجارب بالسواقة يقولون بعد سنة
تمكنوا من مغالبة الخوف ...
الي يبي يسوق لازم يكون مركز طول الوقت ...وعنده قدرة على تقدير المسافات واتخاذ القرار بسرعة ....وبخاصة
عند الدوار ؟!
سخافة السواقة ...تجعل الجسم يعرق ...وركبج بتعورج بعد فترة....واهم شي شغلج يكون موفر مواقف والإ راح تتبهدلين

[sendarala]

زين طرحتي هذا الموضوع

انا قدمت على مدرسة من اسبوعين وفي نفس اليوم اتدرب واخذ نظري طبعا النظري في اسبوع فقط

الحمدلله حفظت الكتيب ( للنظري ) وقدمت الامتحان ونجحت بامتياز هذا كله بالنظري

لكن الصعوبة في العملي ( الدوار) وبالاخص وقت الزحمة

بس قولوا ان شاء الله انجح واخذ الليسن

طبعا محد من الاهل فاضي يعلمني

وان شاء الله اخذ شوركم واتدرب بنفسي بعد ما اخذ الليسن

[.. الكاش ..]

المشكله مب فسواقه المشكله اخذ الحيطه والحذر من اخطاء الاخرين واهم الشي الي بيبتدي يسوق تكون عنده القناعه وعدم الارتباك والتوكل على الله

[ضوى]

بصراحة تتعلمين السواقة ابرك من المذلة ، وانا تعلمتها لنفسي اروح وارد من شغلي ونادر اذا اسوق لمشاوير ثانيه طبعا اذا زوجي مسافر اخلص مشاويري بنفسي
المهم كنت وايد جبانة واخاااف من الدواوير والشوارع وماكنت احلم اني ممكن اسوق لين مرة واحدة قلت لزوجي انا مليت من توصيل العيال وزهقت سواقة الدريول وابي اتعلم سواقة، قالي توكلي على الله وعلمني شوي في شارع المتحف قبل ، دخلت مدرسة ظ¤ظ* ساعة ، امتحنت ونجحت ويوم اللي استلمت الليسن رحت الوكالة واخذت سيارتي اللي كانت جاهزة وسقت للبيت بروحي صج خايفة مرتبكة ووايد اطق بريكات بس الحمد لله مع المملرسة صرت اوكي وراح الخوف ، وهذا انا صار لي ظ¤ لين ظ¥ سنين اسوق ونافعة نفسي وعيالي وبيتي للضرورة

[بومحمد المطاوعه]

للاسف مااسوق ولا افكر اني اسوق ،، موفقه حبيبتي

هههههههههههه لانج خوافه :tease:

وتخافين تذبحين الناس ف الشارع

تلفين على فلان وعلان خخخخخخ

:nice:

[بومحمد المطاوعه]

الله يوفقج اختي

وان شاءالله ربي يسهل عليج

ونفس ماقالو الاخوات والاخوان

اهم شي تنزعين الخوف من بالج

وان شاءالله بتتعلمين بسرعه

[عليه العوض]

توكلي على الله وتعلمي السواقه ولاتخافين من السواقه كل شي يجي بالتمرين ونحن في عصر يحتاج الكل
فيه لقيادة السياره انا اشجع ان تسوق المراءه السياره وتتعلم السواقه للضروره تعلمي في مدرسه السواقه
واذا احد من اهلك يساعدك على السواقه في الشواره وكيف اخذ الدوارات والتقاطعات والمسارات
لمده معينه حتى تتمكنين من السواقه بشكل افضل و من الافضل في البدايه اشتري سياره قديمه حتى تسير عندك الخبره في السواقه بعدها اشتري السياره الجديده ربنا يوفقك

[عليه العوض]

توكلي على الله وتعلمي السواقه ولاتخافين من السواقه كل شي يجي بالتمرين ونحن في عصر يحتاج الكل
فيه لقيادة السياره انا اشجع ان تسوق المراءه السياره وتتعلم السواقه للضروره تعلمي في مدرسه السواقه
واذا احد من اهلك يساعدك على السواقه في الشوارع وكيف اخذ الدوارات والتقاطعات والمسارات
لمده معينه حتى تتمكنين من السواقه بشكل افضل و من الافضل في البدايه اشتري سياره قديمه حتى تسير عندك الخبره في السواقه بعدها اشتري السياره الجديده ربنا يوفقك

[حميداني]

اخذي الليسن واتعلمي السواقه سواء سقتي او ماسقتي
السواقه ضروره من ضرورات الحياه الحين مثلها مثل الدراسه وبالتأكيد هي استر من ان يسوق فيج دريول
على فكره ان دعمتي مره اثنين وست ترى عادي , الكل دعم في بداياته فلا تهولينها لا تخافين ولا تكبرينها
اخذي رقم الي ادعمج ورقم موتره وكملي طريجج , اخوج او ابوج او حد يصيرلج العصرر يروح يخلص الاجراءات

انصحج أول شي بموتر صغير ومايكون فور ويل علشان ما تتأذين في اشياء وايده وامورج اتخلص بسرعه
موتر من المواتر الي توايرها امركب عليها فلات تاير الي ان تبنشرت تمشين فيها عادي على الشارع
او تاخذين لج موتر واتركبين عليها هالتواير واتحطين لج جوال بس حق الطواري في السياره او تزودينه بتلفون ويكون أحسن لو فيه نظام ملاحه علشان ان لا سامح الله ضعتي ولاشي تتصلين
وتقولين للي تبينه اسم الشارع وخلاص

ان قلنا ام فلات تاير وكنت بمكان خالي لا جوال ولاشي المواتر الصالون اتيي معاها تواير وايد صغيره تمكن
حتى الحريم من انهم يشلونها ويبدلونها ... الاحتياط للطواري هم جداً مهم فخبري اخوج ابوج انهم يعلمونج على الجيك داخل البيت حتى لو انتي او هم حاطين فبالكم انه ما بيحصل , الاستعداد احسن من الاسترجال في مثل هالمواقف

الموضوع تراه جداً بسيط وحتى ما يحتاج هالكم من الاحتياطات الي انا ذكرتها بس شيء حلو بعد
انك اتكون جاهز وخلاص ... اهم شي ان دايماً يكون معاك تلفون

اتوكلي على الله والله يحفظج

[تغلبية]

انا تعلمت في البر .. وعلمتني صديقتي على الباركنغ

بس للحين ماخذت ليسن ومافيه نية قريبة

وانصج في الويكند تسوقين مع وحدة من صديقاتج في ساحات فاضية خاصة الباركنغ لانه صعب شوي ع الحريم والله يعينج ويوفقج

[بنت مريخ]

يوم أجوف سيايير البنات الكشخه افكر أسوق
بس أخاف
تعلمت في البر في الطعش
الله يوفقج

[تاجر كشخة]

اهم شي في تعلم السواقة هو الثقة في النفس وعدم الخوف
أما عن السيارة نصيحة مني خذي سيارة رخيصة و نسبة الامان فيها عالية لين تتقنين السواقة عدل سنة سنتين بعدها اخذي لج أغلى سيارة في الوقت الحالي انصحج بكامري رخيصة نوعا ما ومريحة وخراباتها قليلة وقطع غيارها متوفر وفي اي وقت تقدرين تبيعينها بسعر جيد موفقة أختي

[شموخ]

عندج مدرسة الراية فيها مدربات سوداتيات ممتازات موفقة باذن الله..

[معماري قطري]

كان عندنا سواق صابرين عليه 14 سنه هندي نحيس برطامه .. وكل سنه يقول عطني نقل كفالة وانا أزيده علشان يقعد لين وصل 1300 من حول 5 سنين .. وقلت له خلاص هذي السنه تقول تبي نقل كفالة هذي موافقتي .. ودخلت زوجتي مدرسة وكانت ما تعرف شيء وخوافة من السواقة .. والحمد لله تعلمت بسرعة وخذت الليسن وهو مب مصدق، وجبت سواق غيره وحاول يشرده الخبيث بس الثاني طلع فاهم ما اهتم لكلامه، وإضطريت آطرده طلع كلامه عن نقل الكفالة كذب محد يبيه.

المهم الحمد لله أُم العيال تسوق بحذر وشكل ما قالوا الأعضاء بالتدريج، وأحسن سياره أشوفها الفورويل بكل أنواعها حق قطر للمطبات والشوارع المكسره وللناس اللي يقتربون من الصالون بطريقة خطره، ومهم تكون في صدام السيارة حديدة قلص طالعه أقل شيء شبر ولو متر بعد أحسن علشان يخافون من الاقتراب.

[الحريّه]

مساهمة الأخ حميداني رائعة و فيها خلاصة ما تحتاجين معرفته بالفعل . أفضل من قد يعلمك قيادة السيارة هو أحد أهلك , والد أو أخ أو زوج . و ربما أخت إذا كانت إحدى أخواتك تقود سيارة , و ذلك لأنهم أحنُّ عليك من غيرهم. و أنا أرى أن الرجال هم أفضل من قد يعلمك القيادة.
ملاحظة : عندما تجلسين أمام مقعد القيادة للمرة الأولى سترين و كأن ما أمامك بدون حدود , و سيكون انطباعك عما أمامك شمولي و هذا عادي جداً . و ستبدأ الأشياء تأخذ شكلها بعد فترة قصيرة جداً و يعتمد ذلك على ثقتك بنفسك. أفضل الأوقات التي قد تتعلمين فيها القيادة هي ساعات الصباح الأولى عندما تكون الشوارع أقل ازدحاماً . و أرشح أن تقودي في شوارع الفرجان الداخلية حتى لا يضايقك بعض قادة السيارات الشباب المستهترين.
تذكري أن تلبسي حزام الأمان منذ البداية حتى تنمو لديك هذه العادة.
كما أن الكثيرين ممن يقودون السيارات في شوارع المدينة ليسوا حذرين أو متمكنين , فتذكري ذلك و احذري أخطاءهم.
تعرفي على جميع مفاتيح السيارة حتى لا تتفاجأي بعد ذلك بحاجتك لأحدها و أنت تجهلين موقعه ( عندما اشتريت سيارتي الأخيره و احتجت أن أملؤها بالبترول لم أعرف أن لها زر خاص يفتح غطاء الوقود . فأُسقط في يدي إلى أن جاء عامل المحطة و نبهني إلى أنه موجود في باب السيارة , وكان موقفاً محرجاً ) .
بالنسبة لأفضل سيارة فذلك يخضع لميزانيتك . فالأوروبي - في رأيي - دائماً هو الأفضل . مع أن الكثيرين يجدون الياباني أفضل ربما لأنهم يفكرون بفرص بيع السيارة بعد ذلك أو توفر قطع الغيار في السوق.
لا تخافي أبداً , فمثل جميع المواقف , نحن نبدأ متعلمين ثم نصبح محترفين . و الخطأ واردٌ دائماً . أهم شيء أن تتعلمي من أخطائك .
دعاؤنا لك جميعاً بالتوفيق , و حياكِ الله في نادي السائقات من النساء :victory:

[R 7 A L]

انصحك في البداية تبحثين عن كرولا او هوندا سيفك قير عادي قديمة شوي يعني من 2000 و ورى
تعلمي عليها لمدة سنه

[لاجل QT]

اهم شي تكونين مصحصحة ومركزة وتتوقعين اخطأ الاخرين يعنى عندج فراسة السواقة اللى جاي مسرع افسحي لة لاتعاندينة..واللى يمشي مش السلحفاة تجاوزية ...لان سائق خايف ..بيك اب المراهقين ابتعدي عنهم خلي مسافة توهم يتعلمون وفاكرين نفسهم خبرة..المراءة السائقة بعد انصحج درين بالج لان اغلبهم مترددين خوافين..انصحج لاتوقفين باركنغ في باركنات الهاي واي تحت الجسر خطرة جدا ...في ناس للاسف تستخدمها للعبور مع انها باركنغ


عقب مع الوقت بتقدرين تحللين شخصية كل سائق عن طريق قيادتة وكيف التعامل معهم

عدم الاندفاع اللى يكون سببها الثقة الزيادة..

في النهاية السواقة متعة وتفريج للهم


موفقة مقدما

[chillis]

السواقه سهله ويبيلها شوية ثقه بس وما تخافين واحسن لج من الدريوليه بس مشكله الزحمه :( تخليج تكرهين السواقه احيانا

[بوحارب]

والله تعليم المدارس ما يكفي الصراحة لازم رجّال من البيت يعلمج

انا توني معلم المدام وخذت الليسن لكن السواقه رايحه في خرايط امها ولا افكر انها تسوق بروحها بعد

واهم شي الثقه وعدم الخوف عششان محد يجيب العيد ههههههه

[رهج السنابك]

مشكورين ماقصرتوا كلامكم كله افادني وحكم

ان شاء الله المدرسة تعلمني عدل لان ماعندي حد للاسف ممكن يدربني فمضطرة اتعلم الاساسيات وكل شي من المدرسة
مابي اهز ثقة امي فيني ان دعمت من اول مرة :( هاي اكثر شي احاتيه
اكثر شي مخوفني المواقف اللي ممكن اتعرض لها مثلا صار لي حادث شنو اسوي؟ اروح بنفسي لمركز الشرطة؟ لان اعرف المرور مايروحون لموقع الحادث لازم احرك لاقرب مركز.
الله لا يجيب حوادث واسوق بركادة بس بعد لازم نفكر بكل السيناريوهات

ناس مدحت الفورويل وناس قالت سيارة قديمة

الفورويل احسها اصعب في السواقة ويبي لها طاقة وقوة ماعرف احساسي صح او لا؟

[رهج السنابك]

البنات اللي شاركوا الليسن خذتوه من اول مرة ؟؟

[رهج السنابك]

والله تعليم المدارس ما يكفي الصراحة لازم رجّال من البيت يعلمج

انا توني معلم المدام وخذت الليسن لكن السواقه رايحه في خرايط امها ولا افكر انها تسوق بروحها بعد

واهم شي الثقه وعدم الخوف عششان محد يجيب العيد ههههههه


هههه عيل تعليمك مب مضبوط ارجع عطها دور ثاني:tease:

[بوحارب]

هههه عيل تعليمك مب مضبوط ارجع عطها دور ثاني:tease:

اقصد معلمها في مدرسة السواقه :telephone:

والحين طلعات خفيفه في موتري الفورويل بس مب عاجبها :omen2:تبي صالون

ونصيحه ابتدي بالصالون خاصه الكامري وعقب خذي فورويل لأنه افضل للبنت :nice:

[فراغ]

السواقة مهاره يكتسبها الأنسان في حياته ليجعل حياته أكثر سهوله
توكلي على الله وسوقي حتى لا تستحقين الأخرين فعتمدي على نفسك
والسياقه أسهل من شرب كاس ماء بس يلزمك التدرب وتزيدين ساعات التدريب
يعني أختي خذت اليسن وكانت خايفه فزدناها بعد اليسن 40 ساعة أضافيه والحين تسوق بروحها تودي عيالها للمدرسة وتجيبهم وفتكينا من الهندي وراتبة 1500 وأكلة وسفره وفيزته وريحته

[ام ناصر1]

فعلا الفورويل تبي حجم وطول ..جربت اسوقها ما عرفت حسيت ما اقدر اسيطر عليها ...
لاتفكرين ايش بيصير ترى كل شي يصير بالشارع اذا دعمتج اي سيارة عادي اتصلي بالاهل
أهم شي ما تدعمين شاحنة ...لأنها الأخطر
والسيارة الصغيرة أفضل لأن التمكن من القيادة ياخذ وقت بس في حل ...اخذي فورويل صغيرة
مثل ..رف فور وطختها في الحجم من باقي الوكالات ...

[ضوى]

البنات اللي شاركوا الليسن خذتوه من اول مرة ؟؟

شخصيا انا وخواتي الخمسة اخذناها من اول مرة ولله الحمد

وبخصوص الحوادث ، عادي حبيبتي اذا الشباب وهم خبرة ماشاء الله عليهم يدعمون دعمات خشنة وخفيفة فعادي هالشي والاغلب من اخطاء الاخرين ، اذا صادج لا قدر الله حادث بشارع عام نصيحة انتظري الشرطة وانتي بسيارتج بتجي الشرطة تاخذ اللي تبيه وعقبها اي احد من اهلج يروح المرور ويطلع ورقة التصليح وخلافه ، ماعندج احد ماشاء الله مراكز الشرطة تحترم النسوان وبيخلصونج بسرعة من غير تعطيل ومحترمين الله يحفظهم يارب

اذا الحادث خفيف حركي ولا تعطلين نفسج ولا اللي حواليج خاصة اذا اللي صار معاه الحادث ولد حلال ومشى الموضزع برقم تامينج ورقم تامينه وانتهى الموضوع

مراكز الشرطة للجنسين ومب عيب ولا حرام اذا خلصتي امورج بنفسج اذا ماعندج احد يقوم بهالشي اخدمي نفسج وريحي اهلج بدل بهدلة الدريولية وعنطزتهم

بخصوص سيارة صغيرة والا فورويل ، نصيحتي فورويل شوارعنا ماتصلح لها ابدا السيارات الصالون والله بيلعن ابو خامسها تشمين شوي الا حفرة بوسط الشارع تكسر لج السيارة ، وحتى الفورويل سهلة بدخول الدوار وثقيلة عكس الصالون ، خاصة كل اللي حوالينا سيراات كبار تخافين منهم

كل التوفيق ان شاء الله

[شبح الصمت]

ما نبي نقولك ونكثر من الكلام وما قصروا الاخوة والاخوات

لا تحاتين مثل ما تعلمنا رآح تتعلمين إن شاء الله

والله يحفظكـ ويستر عليك ولا تحاتين المرور والحوادث هذه حطيها همج الاخير لا قدر الله صار شيء والا شيء اهل قطر ما راح يقصرون فيـكـ لو تعطلتي ..

ونصيحه دامكـ خايفه اخذي لكـ سيارة مستعمله تعلمي عليها مبدئياً لين تتمكنين وتحسين نفسكـ تمام عقب انطلقي الى القمـه ..

أهم شيء الثقة في النفس ورآح تشوفين السواقه سهله ..

الله يستر عليكـم

[تحداني]

صباح الخير على الجميع

لا تطلعين من المدرسه الا وانتي متعلمه " الباركينج .. وعلى ايامنه كان في الs , L
وقير عادي .. اذا للحين الوضوع مستمر على هالحال ياويلج لو جبتي لج إعفاء
تتعلمين يعني تتعلمين .. وبعدها توكلي على الله والله الحافظ

في اشيا دايما اخواني والوالد كانوا يوصوني عليه .. تعلمي اتشوفين المرايا الجانبيه والاماميه
وتعلمي اشلون اتقدرين المسافات .. لانها من اكبر مصائب البعض من النساء في السواقه
ودائما توقعي اخطاء الآخرين .. فديري بالج من الغير اكثر ما اديرين بالج على نفسج


سمي بالرحمن وقولي دائما توكلت على الله
وستعودين الى البيت مسروره بإذن الله :)

الله يسعدج يارب .. ويجملك برضاه

[الخـود]

المدرسة بروحها ماااا تكفي
انا دخلت اتعلم اوتوماتك،، صحيح انه اسهل من العادي، لكن انصحج تاخذين اكثر من شهر، يعني طلعي في الشارع وايد ،، لان انا نجحت في اقل من شهر، لكن لما تطلعين تسوقين بروحج بدون مدربة الوضع مختلف...
تماااااما ،،،

بتتعلمين عدل اذا ابوج او اخوج او زوجج علمج،،،

او اذا تقدرين تعلمي ع القير العادي :)


موفقة

[أبوعلي89]

السواقة مثل كل مهارة .. بالاول تواجهين صعوبة .. ومع الاصرار تصبح معاج مثل الا مهارة ثانية
والله يوفقج

[تغلبية]

لا تفكرين في الحوادث .. لاقدر الله من غير شر .. لو صار اي شي 999 مايقصرون

أهم شي " اشعري بمتعة القيادة " .. مثل ماتقول الدعايات :nice:

[مرت محمد]

بصراحه أيدج تتعلمين السواقه وبقوه

للحاجه وللضروره لازم البنت تتعلم السواقه حتى لو عندها دريول

تعلمت السواقه وانا عمري 12 سنه من اخواني وابوي وشوي تعلمت من خوالي صرت متمكنه عدل ولما تزوجت زوجي حطلي دريول ودريولييا مريح وماعندنا مشاكل

بس سافر ومن يومها ودريول يشرد ودريول عصبي يصارخ علينا كل مابيغينا نروح مشوار وبتلشنا مع دريول اذا نزلنا مكان يروح وماندري وين يروح ولا يرد علينا .

ولدي عمره 40 يوم سخن ومرض وزوجي مسافر والحمدالله اني اعرف اسوق وشلت وليدي وعلى طول طوارىء السد السواقه تنفع في الحالات الصعبه

[عاشق العديد]

الله يوفقج .. وافضضل لج تروحين وتجين ولحالج وبسيارتج ولا احد يمن عليج ولا احد ينتظرج ..

المدرسه مب كل شي .. بما انه بيعطونج ليسن تحت تدريب اطلعي مع احد من اهلج من خواتج بنات عمج الخ
تعلمي ع الكجه ..

وسياره انصحج بلكزسس صالون البنوتيه .. لاتاخذين مديل السنه لانه بتكون اول سياره خذيلج مديل قديم شوي مثلا 2006 2007 كشخه وحلوه ونفس الجديده تقريبا ..

والله يوفقج لما يحب ويرضى ..

[بوخالد2]

الله يحفظج و يستر عليج من السيارات

[بونووف]

انصحج اذا اول مره بتسوقين لاتروحين مدرسة سواقه .. خلي حد فالبيت يعلمج السواقه اخوج ولا ابوج ولا عمج .. لانه هم اللي بيعلمونج كيف تتصرفين فالحالات الصعبه .. اما مدرسة السواقه بيعلمونج سواقة الهنوود اللي متوهقين فيها دق اشاره قبل اللفه ب 600 كيلو

اهم شي اهم شي تقووييين قلبج .. وعدم الارتباك في نص الشارع

والسياره فالبدايه استعملي اي سياره فالبيت واذا مافي خذي سياره عاديه تستحمل الزلوووغ وبعد ماتتمكنين من السواقه اشتري السياره اللي في خاطرج

والله يستر عليج ويحفظج

[تحداني]

لا تفكرين في الحوادث .. لاقدر الله من غير شر .. لو صار اي شي 999 مايقصرون

أهم شي " اشعري بمتعة القيادة " .. مثل ماتقول الدعايات :nice:




صباح الخير على الجميع

أي متعه يا تغليبه .. الا قولي حلقه جديده مع لعبه الأعصاب
طقت اجبودنا من السواقه وما باليد حيله


جملك الله برضاه

[بونووف]

صباح الخير على الجميع

أي متعه يا تغليبه .. الا قولي حلقه جديده مع لعبه الأعصاب
طقت اجبودنا من السواقه وما باليد حيله


جملك الله برضاه

اي والله لو في يدي كان حطيت لي سايق يوصلني ويرجعني

[تحداني]

اي والله لو في يدي كان حطيت لي سايق يوصلني ويرجعني




:weeping: .. جان زين ..
لا تقلب المواجع .. والناس ملهوفه على السواقه ما اعرف ليش
سبحان الله

[تغلبية]

صباح الخير على الجميع

أي متعه يا تغليبه .. الا قولي حلقه جديده مع لعبه الأعصاب
طقت اجبودنا من السواقه وما باليد حيله


جملك الله برضاه





شوفي أنا سقت مازدا فورويل بشارع فاااااضي فحسيت بمتعة القيادة .. :nice:

أما شوارع المارثون هذي .. أنا صادني روع منها ..

مرات أغمض عيوني وأنا في السيارة خاصة لما يجي السايق عليمي .. تعبت وأنا أعلمه وعيني عليه :(

[SOUD.QA]

توكلي على الله وقوي قلبج

خلج واثقه بنفسج ولا تخافين من شي ديري بالج على اللي حولج من مواتر خصوصا عالدوار الكل يلف على كيفه انصحج واتخذي هالشي عاده استخدمي الاشارات

لا تناحسين الشباب فالسواقه بعضهم مجنن ويتم يلف عليج ويضرب بريكات فوجهج احنا يالشباب سووها فينا وإذا لزق فظهرج واحد لا تتوترين عطيه مجال متى ما قدرتي

متى ما تمكنتي من السواقه يدج بتاخذ عالسرعه تركيها عنج لان آخرتها دمار للموتر والروح كل من يسرع حوالينا آخرتها نوقف جنبه عالدوار ولا الاشاره السرعه تراها شر ما سوت فالشباب خير

نصيحه مني لج طلعي لج بي ام موتر مريح خصوصا للبنات عندج سنسرات كل ما قربتي من الشي لونها غمج عكس باقي المواتر اللي بس الصوت فيها يزيد فالبي ام عندج شاشه تبين لج انتي قريبه من شنو بالاضافه للي يكون فباقي المواتر يطلع عندج بكمبيوترها نقص الآيل وضغط التاير وقرب موعد الصيانه والفئه الخامسه فيها شي حلو متى ما بنجر التاير تقدرين تمشين فيه 80 كيلو



الله يحفظج

:)

[قطريه جدا]

شوفي النجاح في المدرسه السواقه شعوره كنج تاخذين نتيجه تحليل او الامتحان
هههههه
خرعتج
السواقه مايبيلها خبره سابقه روحي المدرسه وبيعلمونج عدل لان حصص السواقه موزعه على r و l
يعني تركبين السياره لفوق وترجعين تنزلين على ورا -وتدخلين الباركنق وتطلعين منه
اما الحصص الباقيه في الشارع وانا اشوفه سهل جدا
اهم شي في الامتحان تحفظين الارشادات في الكتيب مالهم لان لو ماحفظتي تسقطين

واذا نجحتي بنفس اليوم تستلمين الليسن واول الاشهر السواقه تحسينها تخرع وتخلي القلب في البطن
..
لكن خلج ريلكس وبصير كل شي عادي

[captin]

مبرووك على الليسن مقدما

قبل على أيامنا اللي ينجح وياخذ الليسن
يوزع بارد بيبسي وميراندا غراش في الصناديق
البلاستيك الصفرا
على عيال الفريج والربع والناس تبارك له
هههههههههههه


دائما للنجاح وعدم الخوف اقنعي نفسج بانج مب أقل في القدرات والامكانيات
من اللي يسوقون بمهارة واحتراف.
دائما قولي في داخلج انا قادرة على دخول المجال والتفوق اللي يسوقون مب احسن مني.


بالتوفيق ننطر صندوق البارد :)

[تحداني]

شوفي أنا سقت مازدا فورويل بشارع فاااااضي فحسيت بمتعة القيادة .. :nice:

أما شوارع المارثون هذي .. أنا صادني روع منها ..

مرات أغمض عيوني وأنا في السيارة خاصة لما يجي السايق عليمي .. تعبت وأنا أعلمه وعيني عليه :(




شفتي انا اقول لج هي دمار للأعصاب .. وعليه على تحداني الزمن .. الهاي وي
قبل كان بالنسبه لها قطار الموت .. الحين كأنه لعبه يهال ..
بس دائما استودع نفسي 100 مره في هالطريق
والمصيبه الكل يتجاوز ولا اهوه ابعارف ليش يتجاوز
والكل يستعرض مهاراته القياديه وليتها مهارات صحيحه
ساعات اتجيني الضحكه من سواقه الشباب .. احس الود ودهم يقضون على كل عنصر نسائي في طرق الهاوي وي .. وكأني اسمعهم يقولون انتوا اشتبون جايين اهني


تدرين قطر من كثر الهاوي وي الي عندها
صار احساس القياده فيه احساس متبلد


حطي اعيونج عليه .. يقول لج اذكى هندي في الهند هو اغباهم
" البعض " هههههه


جملك الله برضاه

[تحداني]

مبرووك على الليسن مقدما

قبل على أيامنا اللي ينجح وياخذ الليسن
يوزع بارد بيبسي وميراندا غراش في الصناديق
البلاستيك الصفرا
على عيال الفريج والربع والناس تبارك له
هههههههههههه


دائما للنجاح وعدم الخوف اقنعي نفسج بانج مب أقل في القدرات والامكانيات
من اللي يسوقون بمهارة واحتراف.
دائما قولي في داخلج انا قادرة على دخول المجال والتفوق اللي يسوقون مب احسن مني.


بالتوفيق ننطر صندوق البارد :)




اما بارد " يحيكم والله " تبارك الرحمن .. انا اول ما عرف عمور اني نجحت في الاختبار
جايني ركض اتوصليني النادي :(