سمعت انهم زادو القرض [الأرشيف] - منتديات شبكة الأسهم القطرية

المساعد الشخصي الرقمي

مشاهدة النسخة كاملة : سمعت انهم زادو القرض

وهم السنين

15-03-2013, 09:16 PM

هل الكلام اللي سمعته صحيح انهم زادو القرض ...?
اللي عنده معلومات عن الموضوع ياريت لو يزودنا فيها وشكرا

.. الكاش ..

15-03-2013, 09:48 PM

في طراطيش كلام انه بيكون تعديل لانه عندي شخص مقدم على القرض فقالوله اصبر لين شهر اربعه هذا والله اعلم

أسد الجزيرة

15-03-2013, 11:26 PM

لين شهر اربعة نفس العام حطوا العالم على امل و لا شفنا شئ كله اشاعات

تغلبية

15-03-2013, 11:28 PM

اخبار قوية تقول انهم بيزيدونه الى مليونين

متواصل

16-03-2013, 02:17 AM

ودنا يكون الخبر قرض من غير فوائد ،،

أخت الكل

16-03-2013, 06:32 AM

ما نبيهم يزيدونه نبيهم يمشون معاملات الحريم اللي وقفوها حسبي الله ونعم الوكيل

لاجل QT

16-03-2013, 06:37 AM

املنا ان يكون القرض منحة او مكرمة اميرية بدون اقساط

القسط كبير للبعض

لاجل QT

16-03-2013, 06:38 AM

^^^

على الاقل للحاضنات

نوار قطر

16-03-2013, 01:40 PM

ان شالله يطلع هالكلام صح،،، انا ارضي قالو لي شهر ظ¤ بنعطيج اياها واسمج من اول الاسامي بس مايندرى ،،،

ودي أكون

16-03-2013, 01:52 PM

حسب معلومات زيادة القرض الحكومي وليس البنوك .!

يعني سلفيات السيارة واعباء الحياه

زيادة القرض من ظ¥ظھ الى ظ،ظ*ظھ

والله اعلم

كراج فورملا1

16-03-2013, 02:13 PM

ياليت يزيدونه

atiq

16-03-2013, 02:15 PM

شنو الفائدة في زيادة القرض بدون التحكم في التضخم وشجع التجار الذين بيستغلون الخبر ويضاعفون أسعارهم وكأنك يا بوزيد ماغزيت

كود نمبر

16-03-2013, 02:56 PM

^^^

على الاقل للحاضنات

والحاضنين مالهم رب :weeping:

اعتقد صعبه شوي سالفة الزياده
المفروض تحجيم اسعار البناء والمواد والناس بتكون بخير

باراكودا

16-03-2013, 03:07 PM

مافي فايدة من الزيادة مع جشع المقاولين والتجار .

لاجل QT

16-03-2013, 03:39 PM

والحاضنين مالهم رب :weeping:

اعتقد صعبه شوي سالفة الزياده
المفروض تحجيم اسعار البناء والمواد والناس بتكون بخير

الحاضنيين رجاجيل كفو والنعم فيهم

بس الحاضنات مكسورات الجناح

لاجل QT

16-03-2013, 03:41 PM

حسب معلومات زيادة القرض الحكومي وليس البنوك .!

يعني سلفيات السيارة واعباء الحياه

زيادة القرض من ظ¥ظھ الى ظ،ظ*ظھ

والله اعلم

مكتوبة الارقام ظظظ
كتبيها بالحروف:)

ودي أكون

16-03-2013, 03:59 PM

مكتوبة الارقام ظظظ
كتبيها بالحروف:)

زادوا نسبة القرض

من خمسة بالمية .. لين عشرة بالميه

يعني عشر اضعاف الاساسي

والله اعلم

وحيد-الشوق

16-03-2013, 04:01 PM

مليون و200 الف تكفي للي عنده ارض يعني يقدر يبني او يزيد مبلغ 200 الف مثلا

لكن نجي للفئة الي تستحق قرض فقط مليون و200 ماتجيب لك شقة في الدوحة شلون بتجيب لك بيت حسب شروط الاسكان كمثال في الوكرة تحتاج تزيد مليون ريال عشان تشتري لك بيت حسب شروط بنك التنمية

اتمنى من اميرنا الغالي بومشعل عسى ربي يطول بعمره النظر في هذا الموضوع :(

محمد سعيد

16-03-2013, 04:48 PM

الاعلام يقول موضوع السكن في قطر افضل من غيره مقارنة مع الدول الاخرى

انزين!

كم عدد طلبات الاراضي في الويتنج ليست الان؟

وكم واحد استفاد من قرض التنمية من المجموع الكلي؟

اذا النسبة اقل من 50% الي استفادوا من قانون الاسكان فهناك علامة استفهام ؟

وعدد العوائل القطريه الي مايملكون منزل ؟

كم؟

qrt_trading

16-03-2013, 10:22 PM

انتوا قولوا أمين وإن شاء الله ربكم ما يرد كل محتاج والله يكتب للكل إللي فيه الخير.

qatarman8008

16-03-2013, 10:59 PM

انشالله يارب ما يزيدون القرض..
احنا ما عرفنا اسعار الفلل ابو ثلاث واربع ملايين الا من بعد ما زادوا القرض الى مليون وميتين...
والا قبلها كانت الاسعار لاحسن فلة بمليون ونص...

باراكودا

18-03-2013, 12:09 AM

qatarman8008

18-03-2013, 08:37 AM

فعلا كلام الاخ qatarman8008صحيح لايوجد جدوى من زيادة القرض راح ياخذها المقاول
دون فائدة والافضل هو توفير مواد البناء حيث تسببت المشاريع الضخمة مثل الابراج ومشروع الوسيل
ومشيرب الى حصول عجز في هذه المواد مما تسبب في ارتفاع الاسعار .

المشكلة ياخوي ان الزيادة كانت غير مبررة .. يعني لا بسبب مشاريع ولا بسبب نقص مواد البناء ولا شي .. السالفة كلها ان يوم ارفعوا القرض الى مليون وميتين .. ارتفعت اسعار الفلل .. فجأة من مليون ونص الى ثلاث ملايين .. في غضون شهر فقط..!!
الحين تعال وارفع القرض الى مليونيين وشوف النتيجة ..
طبعا المقاولين وتجار العقار هم المستفيدين من هذي الارتفاعات ..

شيخ القبيلة

18-03-2013, 11:51 AM

زين لو فعلا بيزيدون القرض هل اللي خذوا من قبل المليون وميتين الف بيعطونهم الزيادة ولا لا

saad1125

18-03-2013, 01:01 PM

اشاعة
تم التاكد من موظفي البنك

لم يتم زيادة القرض ولا توجد دراسة لزيادة القرض

البنك يتسلم المبالغ بشهر 4 من كل سنة لهذا قبل فترة من شهر ابريل يتم ايقاف الاقتراض

لان قوائم المستفيدين تتغير كل سنة ويتم رفع القوائم قبل شهر 4 ويتم ايقاف الطلبات لحين الحصول

على الموافقة للعلم القائمة تتغير كل عام يتم ايضافة مستحقين جدد اوشطب بعض المستحقين للقرض

وهم السنين

12-04-2013, 06:03 PM

اقصد قرض الإسكان

خليفـة

12-04-2013, 06:34 PM

أول المستفيدين من زيادة القرض هم أصحاب العقارات
تذكروا كلامي ، بمجرد يزيدون القرض العقار بيولع
وألاسعار بتطير أقل شي بنسبة 25 - 30 %
وفي هالحالة .. كأنك يابوزيد ماغزيت
والكل بيرجع يغني وبأعلى صوت :
ما فيش فلوس يا حبيبي ما فيش فلوس

عموما
اللہ يوفق الجميع

خليفة

alsoq

12-04-2013, 07:11 PM

الحمدلله انا بنيت لو زادوه زاد سعر البناء ما سوو شي
التجار بس نزله ان فيه دراسه زياده تغيرت الاسعار ما ما بالك شي رسمي:)

sos_z

28-04-2013, 01:20 PM

السلام عليكم
ياريث حد يبشرنا بالموضوع
نبي نقدم على القرض هالايام
ماعليكم امر