ظاهرة سفر النساء لغير ضرورة بدون محرم !!

[مشاكل]

بادئ ذي بدء ،،، احيطكم علماً انه وبما أن مواضيع النساء والزواج والتعدد هي اللي ماشي سوقها ،،، والمواضيع الاخرى ماتوكل عيش :omen2: ،،، فأنني قررت اركب الموجه مع الموضه :this:
1
2
3
Her we gooooooooooo
escape

كثر في الاونه الاخيرة موضة سفر النساء الى الخارج بدون محرم بغرض السياحة والوناسة والشوبينج ،،،
وطبعاً كلنا نعرف رأي الشرع في هذا الشأن متمثلاً بقول رسولنا الكريم صلى الله عليه وسلم عن أبي هريرة رضي الله عنه قال : قال النبي صلى الله عليه وسلم ( لا يحل لامرأة تؤمن بالله واليوم الآخر أن تسافر مسيرة يوم وليلة إلا مع ذي محرم عليها )

ماهي الاسباب التي ادت لانتشار هذه الظاهرة وماسبل علاجها ؟
وهل تؤيدون منع النساء من السفر لغير ضرورة الا مع ذي محرم ؟

الموضوع مفتوح على مصراعية على قولة اخونا حمد هههههه

[التيما]

عادي شفيها !!

مافي رياييل في هالعالم شنو ما نسافر !!

صاروا الرياييل ينافسونا في الشوبينج والكشخة .. وينافسونا في الصالونات وحتى عيادات الليزر !! وفي الملابس يلبسون ملون والشعر مستشور .. ورقصهم ولا فيفي عبدو !! وسياراتهم الوردية والصفرا والحمرا والبنفسجي !!! وين الرياييل !!! لا تضحكني بس هههههههههه

[غزلان]

الله يهديهم لو لضروره معليه لكن سفرات بكثره وبدون ضروره ما افضلها

[حمد 2002]

ممممممممم يمكن اذا مجموعه نساء ومعاهم حريم كبار عاقلات ، ويمكن اذا كانو مظطرييييييييييييييييييييين وهناك اسباب ملحه للسفر ، ولا عندهم محرم ،،،

اما اذا كان عندهم محرم وسفرتهم للوناسه ومب لسبب مهم لاااااااااا والف لااااااااااا ومليار لاااااااااااااا

هاي الي ناقص بعد ،،، :discuss::discuss:




تحياتي لك اخوووي على الموضوع الطيب :victory:

[واثق بالله]

ماهي الاسباب التي ادت لانتشار هذه الظاهرة وماسبل علاجها ؟


صديقات السوء


وهل تؤيدون منع النساء من السفر لغير ضرورة الا مع ذي محرم ؟

لاشك في ذلك

[الخزرجي قطر]

اذا للضروره ولكن الاولى وجود محرم معها

[النهار]

((لا تسافر المرأة إلا مع ذي محرم))

حكم سفر المرأة في الطائرة بدون محرم
من عبد العزيز بن عبد الله بن باز إلى حضرة الأخ المكرم الأستاذ / أ . س . ع . وفقه الله لكل خير آمين.
سلام عليكم ورحمة الله وبركاته .. وبعد كتابكم المؤرخ في 15/1/1394هـ وصل وصلكم الله بهداه، وما تضمنه من الإفادة أنك اختلفت مع أحد زملائك في جواز سفر المرأة المسلمة بالطائرة بدون محرم، مع أن وليها يكون معها حتى تركب الطائرة، ومحرمها الآخر يكون في استقبالها في البلد المتوجهة إليه، ورغبتك في الفتوى كان معلوماً.

لا يجوز سفر المرأة المسلمة في الطائرة ولا غيرها بدون محرم يرافقها في سفرها؛ لعموم قوله صلى الله عليه وسلم: ((لا تسافر المرأة إلا مع ذي محرم))[1] متفق على صحته؛ ولأنه من المحتمل تعرضها للمحذور في أثناء سير الطائرة بأية وسيلة من الوسائل، ما دامت ليس لديها من يحميها، وأمر آخر وهو أن الطائرات يحدث فيها خراب أحياناً، فتنزل في مطار غير المطار الذي قصدته، ويقيم ركابها في فندق أو غيره في انتظار إصلاحها، أو تأمين طائرة غيرها، وقد يمكثون في انتظار ذلك مدة طويلة أو يوم أو أكثر، وفي هذا ما فيه من تعرض المرأة المسافرة وحدها للمحذور، وبالجملة فإن أسرار أحكام الشريعة الإسلامية كثيرة، وعظيمة، وقد يخفى بعضها علينا، فالواجب التمسك بالأدلة الشرعية، والحذر من مخالفتها من دون مسوغ شرعي لا شك فيه. وفق الله الجميع للفقه في الدين، والثبات عليه. إنه خير مسؤول، والسلام عليكم ورحمة الله وبركاته.
.

[باراكودا]

لايجوز شرعا
وغير مقبول عرفا .

[R 7 A L]

حرام وعيب وقلة حيا

[Mohammed2]

خلاص في دليل على التحريم وواضح وصحيح
أظن الحكم معروف ( مايجوز )

لحد يقعد يبرر ويقول اذا واذا

اذا البنت ماعندها محرم عشان تسافر وتتونس
لازم تصبر
الصبر افضل من فعل المحرم

[أخت الكل]

ماهي الاسباب التي ادت لانتشار هذه الظاهرة وماسبل علاجها ؟


السبب الرئيسي أنهن مالقن لهن والي يتولاهن كثروا الرخوم من الرجال الله يعافينا


وهل تؤيدون منع النساء من السفر لغير ضرورة الا مع ذي محرم ؟

اكيد أخوي الحكم الشرعي واضح وضوح الشمس

[نورهان88]

حنا كل سنة نسافر حريم مع بعض ,,,

والحمداللة نطلع ونرجع مع بعض ،،،

والأعمال بالنيات ,,,

والحج والعمرة أجازو ذلك تكون المرأة مع النسوة

زمن تغير تجد بعض الرجال لما يسافر مع أهلة ماتشوفة إلا
بالليل راجع متأخر مايدري عن أهلة

خلها على الله ،،، والله أقوى



:tease::omen2::tease:

[MAZEN37]

حجة النساء بخصوص هذا الموضوع انه السفر حلال حتى لو كانت بروحها لانه ما في خلوه
والمطارات كلها بشر ومحد يقدر يسوي شي
هالزمن كل شخص يفسر ويحلل على كيفه
عموما اعتقد تخلي الرجل عن دوره هو السبب لهذه التصرفات

[الأصيلة]

المرأة تحتاج للرجل في السفر
صحيح إن الدنيا صارت سهالات
لكن ماتضمن تعرضها لأي مشكلة لايمكن أن تخرج منها بدون رجل من محارمها..
خاصة الأماكن البعيدة...
التي بدأت يتصعب السفر إليها مع ظهور المشاكل السياسية والخطف والقتل...
الآن أصبح التقليد الأعمى هو الفيصل في كل شيء عند ( البعض )
المشكلة الكبرى أن هؤلاء النساء لديهن الزوج والابن والأخ وقد يكون الأب
ومع ذلك تصر على السفر مع الصديقات
والمشكلة الأكبر أنه بغير ضرورة تستدعي هذا السفر...
وما أكبر من ذلك يكون في السنة أكثر من أربع أو خمس مرات
ولندن وباريس هي الوجهة المهمة في ذلك...
ممكن نقول دبي والكويت والبحرين أخف الأماكن ونقدر نروح لها مع محرم ال14 سنة أو ال16
لكن أوروبا صعب جدا ...
بالإضافة إلا أن هناك في هذه البلدان متعهدين من الجنسيات العربية
بالقيام بشؤون المسافر رجل كان أو امرأة أعتقد هذا من الأسباب التي
جعل السفر بدون محرم سهل جدا ...
والذي سهّل كل هذا وجود المال اللازم للسفر بعد أن مّن الله علينا بالزيادات أطال الله بعمر بومشعل..
وصار الكل يقدر يسافر في كل إجازة ولو كانت يومين...
بحيث أصبح السفر الهم الأول والأخير كما لاحظت عند الكثير ...

[الأصيلة]

الله يهديهم لو لضروره معليه لكن سفرات بكثره وبدون ضروره ما افضلها
صباح الخير غزلان
تصدقين مرة أنا قاعدة مع مجموعة حريم
قالت وحده منهم اشرايكم نروح لندن الاسبوع الجاي قالوا أوكي..
خلاص ونخلي مصر الشهر الجاي..
استغربت اشلون تتم الموافقة بدون أخذ رأي الزوج أو الأخ أو الأب...
هم صحيح أعمارهم كبيرة فوق الأربعين وكلهم متزوجات
لكن مايمنع التصرف بحرية كاملة بدون مبالاة بأحد...
والمشكلة عندهم بيوت وعيال وبنات يحتاجون رعاية واهتمام...

[طير حوران]

الاسبوع الماضي سافرت الى دبي وكان معنا في الطائره امرأتين لابسين قطري في مطار الدوحه وبدون محرم وعندما نزلنا في مطار دبي ونحن عند مكتب اجار السيارات لم اصدق نفسي بما ارى واذا بهم يمرون بنا وهم لابسين ملابس مختلفه عن ما كانوا يرتدونه في مطار الدوحه !!!!!!!!!!!!!!!

ومكشوفي الوجه بعد ان كانوا يرتدون النقاب !!!!!!!!!!!!!!

ماذا لوكان هؤلاء ذاهبون الى باريس او غيرها من العواصم الاوروبيه !!!!!!!!

هل تعتقدون ان ذلك سيحدث لوكان معهم محرم ؟؟؟!!!!

كما اود التذكير للمسلمين ومن يهتدون بهدي محمد صلى الله عليه وسلم ان ماوجد به نص قرأني لايجوز فيه الاجتهاد او التأويل حتى لو من اكبر المشايخ وفي حالة التجرؤ من بعض العلماء فهذا التجرؤ في الفتوى مردود عليه ويؤأخذ من عمل بها كما يؤاخذ من افتى بها فهو مخالف لنص قرأني واضح الوجوب وليس لسنه

الله يستر حرمات المسلمين

[qtr qtr]

هاذي اسميها مسترجله .. وولي امرها .....

[Al-Kuwari]

مصخرة ما بعدها مصخرة

الله يستر علينا وعلى اهالينا ولا يبلانا ..

[أسد الجزيرة]

سبحان الله يستحلون الحرام من اجل وناستهم

[الصريح99]

الدين والعادات والتقاليد لا تسمح بذلك ،،،،،، والي تدافع عن خروج وسفر المرأة بروحها معظمهم اما
ظ،- مطلقات وما وراهن رجال
ظ¢- عوانس وماوراهن رجال
ظ£- والسبب الرئيسي والمهم ان بعض الرجال اصبح كلديوث ،،، والرجولة اختفت في العائلة الي يسمح لاختة او احد محارمة بالسفر لوحدها مهما كانت الأسباب مثل هولاء لا يسمو رجال ،،، اسمحو لي لكن ماني قادر اصدق ان فيه اب او إخوان يرمون بناتهم ويسمحون لها تسافر الي اي مكان بدون ما يكون احد من اهلها معها لمثل هولاء اقول خافو الله في بناتكم. وانتو السبب فيما يجري لبعض النساء من ضياع
*

[chillis]

خاطري يوم ادش مافي موضوع عن المرأه ربي لك الحمد :×

[أسد الجزيرة]

خاطري يوم ادش مافي موضوع عن المرأه ربي لك الحمد :×

ممكن تساهمين في الموضوع برايج هذي المواضيع وجدت لتنبيه الغافلين و توعيتهم

[chillis]

ممكن تساهمين في الموضوع برايج هذي المواضيع وجدت لتنبيه الغافلين و توعيتهم

ملينا من هالمواضيع المكرره :) كل يوم ما لا يقل عن 3 مواضيع تخص المرأه حسستونا ان حنا ولا شي :) وهذا رأي محد يجبرني اغيره

[أسد الجزيرة]

ملينا من هالمواضيع المكرره :) كل يوم ما لا يقل عن 3 مواضيع تخص المرأه حسستونا ان حنا ولا شي :) وهذا رأي محد يجبرني اغيره

ما رديتي على سؤالي

[الصريح99]

ملينا من هالمواضيع المكرره :) كل يوم ما لا يقل عن 3 مواضيع تخص المرأه حسستونا ان حنا ولا شي :) وهذا رأي محد يجبرني اغيره

أتمني اختي تشاركي برايك او عدم الدخول لمثل هذه المشاركات فهذا شي راجع لك
،،،، لان البعض يحس بان اثارة مثل هذه المواضيع موجه له شخصيا لقيام هولاء بنفس الافعال التي ننتقدهم فيها ،،، فيتضايق البعض ويبدأ بمحاربة النقاش فيها ،،، وشكرا لصاحب الموضوع *

[al-marri]

بادئ ذي بدء ،،، احيطكم علماً انه وبما أن مواضيع النساء والزواج والتعدد هي اللي ماشي سوقها ،،، والمواضيع الاخرى ماتوكل عيش :omen2: ،،، فأنني قررت اركب الموجه مع الموضه :this:
1
2
3
her we gooooooooooo
escape

كثر في الاونه الاخيرة موضة سفر النساء الى الخارج بدون محرم بغرض السياحة والوناسة والشوبينج ،،،
وطبعاً كلنا نعرف رأي الشرع في هذا الشأن متمثلاً بقول رسولنا الكريم صلى الله عليه وسلم عن أبي هريرة رضي الله عنه قال : قال النبي صلى الله عليه وسلم ( لا يحل لامرأة تؤمن بالله واليوم الآخر أن تسافر مسيرة يوم وليلة إلا مع ذي محرم عليها )

ماهي الاسباب التي ادت لانتشار هذه الظاهرة وماسبل علاجها ؟
وهل تؤيدون منع النساء من السفر لغير ضرورة الا مع ذي محرم ؟

الموضوع مفتوح على مصراعية على قولة اخونا حمد هههههه





الكلام الي بالاحمر جواب كافي للموضوع

[رهج السنابك]

وايد يسافرون بنت مع امها او مع اختها العودة مب شرط سياحة احيانا دورات او دراسة او علاج

فهل الحكم حرام قطعا؟؟؟ حتى لو لعلاج او دراسة؟!!

[نوار قطر]

المره مالها حااايه تساافر بدون محرم معاها وخاصة مثل ماقلت ياخوي انها رايحه توسع صدرها وتسوي شوبنق ،،، مب ذاك الشي الضروري الي يخليها تسافر مع ربعها او مع خواتها بدون ريال،،، هالشي مب في دينا ولا عاداتنا ولاتقاليدنا ولا سلكنا ،،،، من متى نشوف المره قابضه جوازها ورايحه اتفرفر من بلاد لي بلاد ،،شخلت حق الريال عيل ، انا اقول تحب العافيه وتمسك ارضها وتقعد مكانها ومب لازم تسافر ،،لي حصلت حد يوديها ساعتها خل تلف العالم كله :victory:

[مشاكل]

عادي شفيها !!

مافي رياييل في هالعالم شنو ما نسافر !!

صاروا الرياييل ينافسونا في الشوبينج والكشخة .. وينافسونا في الصالونات وحتى عيادات الليزر !! وفي الملابس يلبسون ملون والشعر مستشور .. ورقصهم ولا فيفي عبدو !! وسياراتهم الوردية والصفرا والحمرا والبنفسجي !!! وين الرياييل !!! لا تضحكني بس هههههههههه
ههههههههههه
حياج الله اختي الفاضلة التيما


الله يهديهم لو لضروره معليه لكن سفرات بكثره وبدون ضروره ما افضلها
بارك الله فيج اختي غزلان وكثر الله من امثالج

ممممممممم يمكن اذا مجموعه نساء ومعاهم حريم كبار عاقلات ، ويمكن اذا كانو مظطرييييييييييييييييييييين وهناك اسباب ملحه للسفر ، ولا عندهم محرم ،،،

اما اذا كان عندهم محرم وسفرتهم للوناسه ومب لسبب مهم لاااااااااا والف لااااااااااا ومليار لاااااااااااااا

هاي الي ناقص بعد ،،، :discuss::discuss:





تحياتي لك اخوووي على الموضوع الطيب :victory:
هلا الغالي حمد
اسمحلي تدخلت في تخصصاتك ،،، شنسوي السوق ناشف :p

ماهي الاسباب التي ادت لانتشار هذه الظاهرة وماسبل علاجها ؟


صديقات السوء


وهل تؤيدون منع النساء من السفر لغير ضرورة الا مع ذي محرم ؟

لاشك في ذلك
مختصر مفيد
مرحبا بك عزيزي الواثق بالله

اذا للضروره ولكن الاولى وجود محرم معها
نعم اخوي العزيز الخزرجي للضرورة احكام والضرورات تبيح المحضورات
بس الموضوع ليس هل انت مؤيد ام لا
الموضوع عن الاسباب اللي ادت الى انتشار هالظاهرة
وهل انت مع منع سفر المراءة بدون محرم اذا لم يكن للضرورة


((لا تسافر المرأة إلا مع ذي محرم))

حكم سفر المرأة في الطائرة بدون محرم
من عبد العزيز بن عبد الله بن باز إلى حضرة الأخ المكرم الأستاذ / أ . س . ع . وفقه الله لكل خير آمين.
سلام عليكم ورحمة الله وبركاته .. وبعد كتابكم المؤرخ في 15/1/1394هـ وصل وصلكم الله بهداه، وما تضمنه من الإفادة أنك اختلفت مع أحد زملائك في جواز سفر المرأة المسلمة بالطائرة بدون محرم، مع أن وليها يكون معها حتى تركب الطائرة، ومحرمها الآخر يكون في استقبالها في البلد المتوجهة إليه، ورغبتك في الفتوى كان معلوماً.

لا يجوز سفر المرأة المسلمة في الطائرة ولا غيرها بدون محرم يرافقها في سفرها؛ لعموم قوله صلى الله عليه وسلم: ((لا تسافر المرأة إلا مع ذي محرم))[1] متفق على صحته؛ ولأنه من المحتمل تعرضها للمحذور في أثناء سير الطائرة بأية وسيلة من الوسائل، ما دامت ليس لديها من يحميها، وأمر آخر وهو أن الطائرات يحدث فيها خراب أحياناً، فتنزل في مطار غير المطار الذي قصدته، ويقيم ركابها في فندق أو غيره في انتظار إصلاحها، أو تأمين طائرة غيرها، وقد يمكثون في انتظار ذلك مدة طويلة أو يوم أو أكثر، وفي هذا ما فيه من تعرض المرأة المسافرة وحدها للمحذور، وبالجملة فإن أسرار أحكام الشريعة الإسلامية كثيرة، وعظيمة، وقد يخفى بعضها علينا، فالواجب التمسك بالأدلة الشرعية، والحذر من مخالفتها من دون مسوغ شرعي لا شك فيه. وفق الله الجميع للفقه في الدين، والثبات عليه. إنه خير مسؤول، والسلام عليكم ورحمة الله وبركاته.
.
اشكرك اخي العزيز على اثرائك للموضوع

لايجوز شرعا
وغير مقبول عرفا .
مرحبا الغالي باركودا
لاخلاف في عدم جواز سفر المراءة بدون محرم شرعاً وعرفاً
لكن مالاسباب التي ادت الى انتشار هذه الظاهرة ؟

حرام وعيب وقلة حيا
اؤيدك في كل ماتفضلت به
مرحبا بك عزيزي رحال

خلاص في دليل على التحريم وواضح وصحيح
أظن الحكم معروف ( مايجوز )

لحد يقعد يبرر ويقول اذا واذا

اذا البنت ماعندها محرم عشان تسافر وتتونس
لازم تصبر
الصبر افضل من فعل المحرم
هلا وغلا اخوي محمد
اشكرك على التعقيب والمرور وحسم الامور

[مشاكل]

ماهي الاسباب التي ادت لانتشار هذه الظاهرة وماسبل علاجها ؟


السبب الرئيسي أنهن مالقن لهن والي يتولاهن كثروا الرخوم من الرجال الله يعافينا


وهل تؤيدون منع النساء من السفر لغير ضرورة الا مع ذي محرم ؟

اكيد أخوي الحكم الشرعي واضح وضوح الشمس
بارك الله فيج يااخت الرجال وكثر الله من امثالج


حنا كل سنة نسافر حريم مع بعض ,,,

والحمداللة نطلع ونرجع مع بعض ،،،

والأعمال بالنيات ,,,

والحج والعمرة أجازو ذلك تكون المرأة مع النسوة

زمن تغير تجد بعض الرجال لما يسافر مع أهلة ماتشوفة إلا
بالليل راجع متأخر مايدري عن أهلة

خلها على الله ،،، والله أقوى


:tease::omen2::tease:
الله المستعان اختي نورهان
حياج الله اختي العزيزة


حجة النساء بخصوص هذا الموضوع انه السفر حلال حتى لو كانت بروحها لانه ما في خلوه
والمطارات كلها بشر ومحد يقدر يسوي شي
هالزمن كل شخص يفسر ويحلل على كيفه
عموما اعتقد تخلي الرجل عن دوره هو السبب لهذه التصرفات
اشكرك اخي الفاضل مازن على المشاركة الطيبة ويامرحبا بك

المرأة تحتاج للرجل في السفر
صحيح إن الدنيا صارت سهالات
لكن ماتضمن تعرضها لأي مشكلة لايمكن أن تخرج منها بدون رجل من محارمها..
خاصة الأماكن البعيدة...
التي بدأت يتصعب السفر إليها مع ظهور المشاكل السياسية والخطف والقتل...
الآن أصبح التقليد الأعمى هو الفيصل في كل شيء عند ( البعض )
المشكلة الكبرى أن هؤلاء النساء لديهن الزوج والابن والأخ وقد يكون الأب
ومع ذلك تصر على السفر مع الصديقات
والمشكلة الأكبر أنه بغير ضرورة تستدعي هذا السفر...
وما أكبر من ذلك يكون في السنة أكثر من أربع أو خمس مرات
ولندن وباريس هي الوجهة المهمة في ذلك...
ممكن نقول دبي والكويت والبحرين أخف الأماكن ونقدر نروح لها مع محرم ال14 سنة أو ال16
لكن أوروبا صعب جدا ...
بالإضافة إلا أن هناك في هذه البلدان متعهدين من الجنسيات العربية
بالقيام بشؤون المسافر رجل كان أو امرأة أعتقد هذا من الأسباب التي
جعل السفر بدون محرم سهل جدا ...
والذي سهّل كل هذا وجود المال اللازم للسفر بعد أن مّن الله علينا بالزيادات أطال الله بعمر بومشعل..
وصار الكل يقدر يسافر في كل إجازة ولو كانت يومين...
بحيث أصبح السفر الهم الأول والأخير كما لاحظت عند الكثير ...
نورتي اختي الفاضلة الاصيلة الموضوع
بارك الله فيج وجزاك الله خير


صباح الخير غزلان
تصدقين مرة أنا قاعدة مع مجموعة حريم
قالت وحده منهم اشرايكم نروح لندن الاسبوع الجاي قالوا أوكي..
خلاص ونخلي مصر الشهر الجاي..
استغربت اشلون تتم الموافقة بدون أخذ رأي الزوج أو الأخ أو الأب...
هم صحيح أعمارهم كبيرة فوق الأربعين وكلهم متزوجات
لكن مايمنع التصرف بحرية كاملة بدون مبالاة بأحد...
والمشكلة عندهم بيوت وعيال وبنات يحتاجون رعاية واهتمام...


الاسبوع الماضي سافرت الى دبي وكان معنا في الطائره امرأتين لابسين قطري في مطار الدوحه وبدون محرم وعندما نزلنا في مطار دبي ونحن عند مكتب اجار السيارات لم اصدق نفسي بما ارى واذا بهم يمرون بنا وهم لابسين ملابس مختلفه عن ما كانوا يرتدونه في مطار الدوحه !!!!!!!!!!!!!!!

ومكشوفي الوجه بعد ان كانوا يرتدون النقاب !!!!!!!!!!!!!!

ماذا لوكان هؤلاء ذاهبون الى باريس او غيرها من العواصم الاوروبيه !!!!!!!!

هل تعتقدون ان ذلك سيحدث لوكان معهم محرم ؟؟؟!!!!

كما اود التذكير للمسلمين ومن يهتدون بهدي محمد صلى الله عليه وسلم ان ماوجد به نص قرأني لايجوز فيه الاجتهاد او التأويل حتى لو من اكبر المشايخ وفي حالة التجرؤ من بعض العلماء فهذا التجرؤ في الفتوى مردود عليه ويؤأخذ من عمل بها كما يؤاخذ من افتى بها فهو مخالف لنص قرأني واضح الوجوب وليس لسنه

الله يستر حرمات المسلمين
هلا وغلا بالغالي طير حوران
مشاركة طيبة من شخص اجودي

هاذي اسميها مسترجله .. وولي امرها .....
صدقت اخوي العزيز qtr
الحال عند البعض تبدل ،،، المره صارت رجال والرجال صار مره

مصخرة ما بعدها مصخرة

الله يستر علينا وعلى اهالينا ولا يبلانا ..
ههههه اي والله مصخرة
حياك الله يالغالي

سبحان الله يستحلون الحرام من اجل وناستهم
الله يستر علينا والله لايبلانا
مرحبا بك عزيزي الاسد وحياك الله

الدين والعادات والتقاليد لا تسمح بذلك ،،،،،، والي تدافع عن خروج وسفر المرأة بروحها معظمهم اما
ظ،- مطلقات وما وراهن رجال
ظ¢- عوانس وماوراهن رجال
ظ£- والسبب الرئيسي والمهم ان بعض الرجال اصبح كلديوث ،،، والرجولة اختفت في العائلة الي يسمح لاختة او احد محارمة بالسفر لوحدها مهما كانت الأسباب مثل هولاء لا يسمو رجال ،،، اسمحو لي لكن ماني قادر اصدق ان فيه اب او إخوان يرمون بناتهم ويسمحون لها تسافر الي اي مكان بدون ما يكون احد من اهلها معها لمثل هولاء اقول خافو الله في بناتكم. وانتو السبب فيما يجري لبعض النساء من ضياع
*
مشاركة صريحة منك اخي العزيز الصريح
حياك الله يالغالي

[مشاكل]

خاطري يوم ادش مافي موضوع عن المرأه ربي لك الحمد :×
صدقتي اختي الفاضلة في كل ماتفضلتي به
بارك الله فيج ويامرحبا بج






الكلام الي بالاحمر جواب كافي للموضوع
ومرور وافي اخي العزيز المري
حياك الله يالغالي

وايد يسافرون بنت مع امها او مع اختها العودة مب شرط سياحة احيانا دورات او دراسة او علاج

فهل الحكم حرام قطعا؟؟؟ حتى لو لعلاج او دراسة؟!!
هلا ومرحبا بالفاضلة الارستقراطية
بالنسبه للموضوع عن سفر المراءة من غير ضرورة للسياحة والوناسة والتسوق

المره مالها حااايه تساافر بدون محرم معاها وخاصة مثل ماقلت ياخوي انها رايحه توسع صدرها وتسوي شوبنق ،،، مب ذاك الشي الضروري الي يخليها تسافر مع ربعها او مع خواتها بدون ريال،،، هالشي مب في دينا ولا عاداتنا ولاتقاليدنا ولا سلكنا ،،،، من متى نشوف المره قابضه جوازها ورايحه اتفرفر من بلاد لي بلاد ،،شخلت حق الريال عيل ، انا اقول تحب العافيه وتمسك ارضها وتقعد مكانها ومب لازم تسافر ،،لي حصلت حد يوديها ساعتها خل تلف العالم كله :victory:

الله يكثر من امثالج اختي نوار
وجعل والديج الجنة

[السحابة]

بالنسبة لي اشوف السفرة بدون الزوج ماتسوي الصيف اللي الطاف كنت حامل في 5شهور وزوجي كان علي سفر ومايقدر يأجل وانا متعودة ان كل حمل اسافر عمره عشان الله يتم لي علي خير وزوجي ممكن يتأخر في سفرته اقترحت اني ااخذ اخوي معاي محرم لان السفر بعد هذا الشهر صعب ووافق زوجي وذهبنا العمره انا واخوي واختي كان الحجز اربع ايام بعد ماخلصت الطواف ومناسك العمره اتصلت زوجي يطمئن علي قلت له يمكن احجز علي الغد ماارتحت وهو مو معاي سوي اتصالاته في الدوحة لتقديم الحجز ورجعت ولما رجع من سفرته حسيت في نبرة صوته ملام اشلون هان عليكي تسافري من دوني بس ومن بعدها لو بموت استحااااااااااله اسافر من دونه بس مازعل مني لان يدري ان الحامل ممنوع تركب الطياره وممكن يتأخر في سفرته وهاي اول واخر مره بسويها وهذا اعتذار مني له علي الملا اسفه يازوجي العزيز اسفه يابو عيالي ياالغالي وكانت سفرتي لبيت الله

[Dmy Enabi]

عادي شفيها !!

مافي رياييل في هالعالم شنو ما نسافر !!

صاروا الرياييل ينافسونا في الشوبينج والكشخة .. وينافسونا في الصالونات وحتى عيادات الليزر !! وفي الملابس يلبسون ملون والشعر مستشور .. ورقصهم ولا فيفي عبدو !! وسياراتهم الوردية والصفرا والحمرا والبنفسجي !!! وين الرياييل !!! لا تضحكني بس هههههههههه

عادي وعادي جدا بعد ،، حلاتها بدون ريال حق الغثة وعوار الراس ،مثل ما الرياييل يحبون سفرات الشباب ، ترى بعد البنات يحبون يمعة البنات ،مب لازم يسوون شي غلط

[شبح الصمت]

:oops:

[Mohammed2]

بعض البنات يعاندون كلام الرسول صلى الله عليه وسلم

سبحان الله

غصب يتبعون اللي في بالهم حتى لو غلط

[ام السعف]

حرام وعيب وقلة حيا

صح كلامك
:nice:

والله يهديهن ويعافينا مما بلاهن

انتهى

[ام السعف]

عادي وعادي جدا بعد ،، حلاتها بدون ريال حق الغثة وعوار الراس ،مثل ما الرياييل يحبون سفرات الشباب ، ترى بعد البنات يحبون يمعة البنات ،مب لازم يسوون شي غلط


استغفر الله واتوب اليه

سامحنا يارب لما نناقش في شي واضحة حرمته

امهات المؤمنين مشى عليهم كلام رب العالمين ورسوله الكريم
احنا في الالفية الثالثة نقول عادي وعادي جدا ،،

وعطوني واحد
شهر يكلم وشهر يعلم
وشر يتعمم
:(

[أم نواري1]

حرام شرعا لا يجوز حتى للحج
إذا ماعندي محرم ما أحج عذرني ربي عن أحد أركان الإسلام الواجبه مع الاستطاعه
بتناقشون في سفر سياحه ووناسه وكلام فاضي.!

الواحد يصبر ويحتسب والله يآجره

الأسباب : مافي خوف من الله
في زمن صرنا نترك السنن لأنها سنن
فنتساهل في ترك ما وجب تركه من المحرمات

الواحد لما يهون في نفسه الدين والخوف من الله بتورعه عن محارمه تصير الدنيا كذا ساااايبه
بالإضافة أن الرجل دوره بات مهمّش في حياة كثير من النساء



بحفظ الله

[Dmy Enabi]

استغفر الله واتوب اليه

سامحنا يارب لما نناقش في شي واضحة حرمته

امهات المؤمنين مشى عليهم كلام رب العالمين ورسوله الكريم
احنا في الالفية الثالثة نقول عادي وعادي جدا ،،

وعطوني واحد
شهر يكلم وشهر يعلم
وشر يتعمم
:(
لحد يفتي على كيفه

[Dmy Enabi]

حرام شرعا لا يجوز حتى للحج
إذا ماعندي محرم ما أحج عذرني ربي عن أحد أركان الإسلام الواجبه مع الاستطاعه
بتناقشون في سفر سياحه ووناسه وكلام فاضي.!

الواحد يصبر ويحتسب والله يآجره

بحفظ الله

عيل لو جذيه كل الحريم آثمات وعاصيات

[ام السعف]

لحد يفتي على كيفه

الحمدلله ما اشتغلنا مفتيات ،، هذا شرع الله
راجعي المفتين يا اختي ،، :shy:

[أم نواري1]

عيل لو جذيه كل الحريم آثمات وعاصيات

أي نعم حبوبه آثمات
تؤثم كل من سافرت حتى للحج من غير محرم

واللي يبي الإفتاء الصح ياخذه من التقاه الورعين
مب من مفتيين التيك أواي

بحفظ الله

[تحداني]

السلام عليكم جميعاً

[البارع]

مايسافر من الحريم الى الي ماوراها رجل يسنعها

اما الي وراها رجال مستحيل تسافر

وعلى فكره الي يسافرون بروحهم شراذم من (حثالة المجتمع)

مايمثلون الى انفسهم ومنهم على شاكلتهم

[تحداني]

هالموضوع يحمل كم هائل من الكلمات " الجارحه .. القاتله .. المدمره .. المتفاعله .."
هذا لو يهودي يبي يسلم بيخاف وبيشرد .. خفوا على هالنوعيه من النساء .. انصحوهم بهداوه
هالزمن ما ينفع له هالاسلوب لازم كل شي بشويش ..


الجنس الناعم حساس .. فيمكن يتأثر بسرعه
ولو تأثر ممكن يناحس .. بشويش ..


هي رقيقه جدا


جملكم الله برضاه

[ام السعف]

السلام عليكم جميعاً



وعليكم السلام ورحمة الله وبركاته

حريم وبنات اعمارهم 30 و 40 و وما قبل 50
يسافرون بروحهم للسياحة ............> مب جائز يا تحداني ،،

[أم نواري1]

لصارت كبر جدتي المفروض تعقل بهالعمر عندهم أحفاد صايرين
مب تناحس وتصغر عقلها ونبرر لها ونقول حساسه

ياتحداني خلج محضر خير = )

[تحداني]

وعليكم السلام ورحمة الله وبركاته

حريم وبنات اعمارهم 30 و 40 و وما قبل 50
يسافرون بروحهم للسياحة ............> مب جائز يا تحداني ،،




صح عليج
انزين انا ما قلت شي وه

بدل ما اتقولين صباح النور على البنور .. جايه ركيض عشان اتهاوش
ترى انا احس

[تحداني]

لصارت كبر جدتي المفروض تعقل بهالعمر عندهم أحفاد صايرين
مب تناحس وتصغر عقلها ونبرر لها ونقول حساسه

ياتحداني خلج محضر خير = )




الله يقطع ابليسكم اشفيكم علي من صباح الله خير
انزين انا ما قلت شي واللاهي .. انا معاكم قلبا وقالبا وجبدا ومصاريناً
لا اله الا الله محمد رسول الله

خلاص انا بطلع :weeping:

[ام السعف]

صح عليج
انزين انا ما قلت شي وه

بدل ما اتقولين صباح النور على البنور .. جايه ركيض عشان اتهاوش
ترى انا احس

صباح النور على البنور

http://www.pic4ever.com/images/pinkglassesf.gif

[تحداني]

صباح النور على البنور

http://www.pic4ever.com/images/pinkglassesf.gif




:shy::shy: .. استحيت
نعود لجبد الموضوع

[أم نواري1]

الله يقطع ابليسكم اشفيكم علي من صباح الله خير
انزين انا ما قلت شي واللاهي .. انا معاكم قلبا وقالبا وجبدا ومصاريناً
لا اله الا الله محمد رسول الله

خلاص انا بطلع :weeping:

ماكو إلا باب واحد يا تحداني وأنا سكرته وابتلعت المفتاح :shy:
اركدي بس وصباحج ورد

[تحداني]

ماكو إلا باب واحد يا تحداني وأنا سكرته وابتلعت المفتاح :shy:
اركدي بس وصباحج ورد


حاضر.. اركدي تحداني :( .. وصباحج عسل .. مع اشويه قشطه خاليه الدسم

وايد زينه .. احسن من السوسه هذيج

سفر مافي

[بوخالد2]

كل شي يصير بالزمن المتقلب هذا

راح الغيره على النساء من رجالهم

[رمح الضعاين]

عادي شفيها !!

مافي رياييل في هالعالم شنو ما نسافر !!

صاروا الرياييل ينافسونا في الشوبينج والكشخة .. وينافسونا في الصالونات وحتى عيادات الليزر !! وفي الملابس يلبسون ملون والشعر مستشور .. ورقصهم ولا فيفي عبدو !! وسياراتهم الوردية والصفرا والحمرا والبنفسجي !!! وين الرياييل !!! لا تضحكني بس هههههههههه

هههههههههههههههههه

[رمح الضعاين]

المفروض السفر بمحرم -

والأهم من المحرم ان المحرم لما يسافر لايكون وجوده وعدمه واحد ويخلي شوفاته مفصخين ومتبرجين جدام الله وخلقه

افهموا معنى المحرم جيدا" قولا" وفعلا"

[رمح الضعاين]

المفروض السفر بمحرم -

والأهم من المحرم ان المحرم لما يسافر معهم لايكون وجوده وعدمه واحد ويخلي شوفاته مفصخين ومتبرجين جدام الله وخلقه بعض المحارم يكون هو والخروف واحد
افهموا معنى المحرم جيدا" قولا" وفعلا"


أحوكم

[ضوى]

هالمنتدى مايعرفون يناقشون المواضيع من غير تجريح او ذم او او ؟؟

كلمة ورد غطاها

ماأيد ، اايد وانتهى الموضوع ، جائز بفتوى كذا وكذا ، وغير جائز بفتوى كذا وكذا وانتهينا

لازم ادخل الابو والاخو والزوج

واطلع عذاريب الدنيا في الحرمة او البنت ؟؟

يبه اتقوا الله السنتكم وقود النار فكروا بالكلام قبل لا تقطونه

[حسن]

اصبح واقع وبكثره

واللي بيسافر يسافر واللي بيجلس بيجلس

وكلن له رب بيحاسبه

اسمعو النصيحه جزاهم الله خير ماسمعوها الله يهديهم

[ام السعف]

محشومه يا ام السعف من ان هذي تكون اختج !

الله يهديها ويصلح لها بالها ،،

هي اختي في الاسلام ،، تصدق اني قعدت مع وحدة من قرايبي عمرها 20
تقول لي الحجاب مب بالغصب لازم يكون بقناعة ،، فقلت لها افصخي حجابج
دام انه مب بالغصب ،، رديت علي تبين ياكلوني وينتفوني ،،

فالبعض مب مستوعب شرائع الدين ويظن اللي يفكر فيه هو اللي صح
وان شاءالله متى ما فكروا وتدبروا امور دينهم راح تلقاهم
يصيرون احسن الناس ان شاءالله ،،

[Rider]

والله مب خالصين من الحريم في هذا الزمان في النهاية الفرس من خيالها

[حميداني]

في الموضوع عدة اقوال للعلماء فيه

http://www.islamweb.net/fatwa/index.php?page=showfatwa&Option=FatwaId&Id=6219

وكان في مشكله وهي جلوسها بجانب رجل اجنبي عنها
فان كانت تقدر وفرها لها مقعد في مكان بروحها او مع حد من اهلها او قريباتها او شخص ثقه

المحرم يوجب في السفر مش في المغادره او عند الوصول واهناك من استدل بمده زمنيه معينه لوقت الترحال وهي اليوم ونصف وقالو البعض انها ثلاث حتى يوجب المحرم على الفتاه عند السفر والبعض قال بغير ذلك

الموضوع مش موضوع حلال وحرام أكثر من ان سفرها بروحها بلا هدف في الغربه
ممكن يجمع العيون عليها من سارقين من مغتصبين من مختطفين ومن ومن ..
خاصه ان عرف حد انها وحيده في هذا السفر وكان في هالسفر مكوث
شخصياً ما يعجبني لكن ان لقت البنت هالثقه كانت امها عمتها او بالغه وكبيره في السن
يعني يكون فيه حد مسؤول فالله معاها

وربك اعلم بظروف الناس , فيه منهم من ما يملك حد في دنيا وفيه وفيه
على كل حال يفضل دايماً يكون معها في الغربه شخص متزن وحكيم وأبد ما اظني حد يحبذ السفر بروحك
في السفر لحالك حتى لو كان شاب شر ان ما لقيت لك عون ومجيب مناك

والله يعين

[NINA RICCI]

قال النبي صلى الله عليه وسلم ( لا يحل لامرأة تؤمن بالله واليوم الآخر أن تسافر مسيرة يوم وليلة إلا مع ذي محرم عليها )

[طير حوران]

عيل لو جذيه كل الحريم آثمات وعاصيات

اختي العزيزه جزاك الله خير

لاتعممين فليس كل الحريم ونساؤنا لايزالون بحفظ الله بعيدين عن تلك المعاصي الا من اغواه شيطانه وهم قله بل وقله جدا ومثل هذه ندعو الله لها بالصلاح والهدايه

[بو خليفه 123]

اصبح واقع وبكثره

واللي بيسافر يسافر واللي بيجلس بيجلس

وكلن له رب بيحاسبه

اسمعو النصيحه جزاهم الله خير ماسمعوها الله يهديهم



لا تعصب يابو علي كل شي ولا اعصابك ياخي وشبلاك هاليومين ضايق صدرك ترا والله احط "منع سفر" على حريم قطر كلهم لجل ارضيك :(

[خليفـة]

دام شرع اللہ لا يجيز للمرأة السفر لحالها بدون محرم
قضي الأمر الذي فيه تستفيان
والي بتخالف شرع اللہ
نسأل اللہ لهاا الهداية والتوبة
وحسابها عند من لا تنام عينه

خليفة

[حسن]

لا تعصب يابو علي كل شي ولا اعصابك ياخي وشبلاك هاليومين ضايق صدرك ترا والله احط "منع سفر" على حريم قطر كلهم لجل ارضيك :(

لا والله يابوخليفه انا ماعصبت كلش وردي اقول اللي بيسافر بييسافر ماعليه منك ولا مني

بعدين تصدق ان الويكند رايح البحر بدون طراد والجو ولا اروع انحرمنا من الطراد
وتعال توسط حق خوشي ولده يبي يشتغل
ونبيل يقول ااخوي توا جاي زياره وتعال كلم له فلان يبي يشتغل

والله لو انت مكاني يابوخليفه كان طبيت من البلكونه

ياخوك ماتاخذني معاك في البلكونه
:victory:

[تحداني]

هالمنتدى مايعرفون يناقشون المواضيع من غير تجريح او ذم او او ؟؟

كلمة ورد غطاها

ماأيد ، اايد وانتهى الموضوع ، جائز بفتوى كذا وكذا ، وغير جائز بفتوى كذا وكذا وانتهينا

لازم ادخل الابو والاخو والزوج

واطلع عذاريب الدنيا في الحرمة او البنت ؟؟

يبه اتقوا الله السنتكم وقود النار فكروا بالكلام قبل لا تقطونه



مهما اتقولين اتقوا الله مافي فايده .. في ناس يفكرون ان المعلومه ما راح توصل
الا ابهالكلمات الهندسيه العميييقه في التجريح .. وكل ما زادت حدتها كل ما يعني في مخهم
زاد حده الرفض والتشبيه .. قول حرام وانتهى .. كلمه حرام تفي الغرض والاحاسيس والمشاعر والوجدان



خليها على الله انتي اسمعي وطلعي
او ناظري وابتسمي وقولي عافانا الله

ما احبج

في الموضوع عدة اقوال للعلماء فيه

http://www.islamweb.net/fatwa/index.php?page=showfatwa&option=fatwaid&id=6219

وكان في مشكله وهي جلوسها بجانب رجل اجنبي عنها
فان كانت تقدر وفرها لها مقعد في مكان بروحها او مع حد من اهلها او قريباتها او شخص ثقه

المحرم يوجب في السفر مش في المغادره او عند الوصول واهناك من استدل بمده زمنيه معينه لوقت الترحال وهي اليوم ونصف وقالو البعض انها ثلاث حتى يوجب المحرم على الفتاه عند السفر والبعض قال بغير ذلك

الموضوع مش موضوع حلال وحرام أكثر من ان سفرها بروحها بلا هدف في الغربه
ممكن يجمع العيون عليها من سارقين من مغتصبين من مختطفين ومن ومن ..
خاصه ان عرف حد انها وحيده في هذا السفر وكان في هالسفر مكوث
شخصياً ما يعجبني لكن ان لقت البنت هالثقه كانت امها عمتها او بالغه وكبيره في السن
يعني يكون فيه حد مسؤول فالله معاها



هالفقره بغايه الروعه .. خلونا نتخيل وهالتخيلات وارده .. اضطريتي اتروحين صيدليه تالي الليل .. انجبرتي تركبين اللفت اخر الليل .. حبيتي تتغرضين في سوبر ماركت الساعه 7 ولا 8
مع العلم في دول تتوقف الحياه فيها بعد هالوقت وتصبح من سابع المستحيلات مرور فتاه لوحدها دون مضايقات
الموضوع ابعد من كونه ثقه او عدم ثقه .. وابعد من انا اريد ان أأكد لنفسي حجم الحريه الي امتلكها .. والموضوع أبعد من ظنون شكليه ظاهريه

السفر للدول العربيه قد يكون اهون في بعض هالمواقف .. لكن في دول ثانيه تصير الفتاه لوحدها سلعه .. حتى لو كانت شريفه .. لان نسبه السكر والخمور وقطاع الطرق كثيره
وينظرون لها على ان هذا امر عادي لو تعديت باللمس

خلونا نتخيل امر آخر .. في مطارات الكثير من الدول فكره ان يجي هندي مقابل مبلغ رمزي وويرتب الاجناط .. او يحطها على الوزن وكل هالامور مستحيله .. كيف يكون منظر البنت في هالمواقف .. او كيف يكون حالها وهي يادون اتشل شنطه يدها
او كيف يكون موقفها لو طارت الطياره وتعالي خذي تذكره جديده .. وسالفه

مواقف كثيره ما يعرفها الا الي جربها ومر فيها
الرجل مب لانه رجل بس نبيه معانه .. لانه سند .. ويسترها .. ويحميها من اي شئ غير متوقع
لكن ان دعت الحاجه الماسه جدا جدا للسفر دون وجود رجل
اما لانشغاله او لعدم وجوده في حياتنا او لمرض فلا حول ولا قوه الا بالله


وربك اعلم بظروف الناس , فيه منهم من ما يملك حد في دنيا وفيه وفيه
على كل حال يفضل دايماً يكون معها في الغربه شخص متزن وحكيم وأبد ما اظني حد يحبذ السفر بروحك
في السفر لحالك حتى لو كان شاب شر ان ما لقيت لك عون ومجيب مناك

والله يعين




جملك الله برضاه

[أسد الجزيرة]

والله لو انت مكاني يابوخليفه كان طبيت من البلكونه

ياخوك ماتاخذني معاك في البلكونه
:victory:
خايف عليك لا تسويها

[حسن]

خايف عليك لا تسويها

الله يحفضك يااسد الجزيره والله يعزك
تسلم والله صج اني غالي عندك

عزيز وغالي وخلني اروح اجيب عيالي من المدرسه

تحياتي

[نوار قطر]

بالنسبه حق الي قالو عاادي ومافيها شي البنات يسافرون بروحهم ،،، قد فكرتي في يوم من الايام لو صادج شي وانتي في بلاد الغربه من لج ،،، قد فكرتي لو حد تعرض لكم وانتو ماشيين في سوق في مجمع شبتسوون ،،، قد سالتي نفسج لو ضعتي من لج ،،، قد سالتي نفسج لو انباقت فلوسج ولو ضاع تلفونج شبتسووين ،، فالمطار لو استلعنو عليج في البلاد الي انتي فيها شلون بتصرفين ، ترى السفر مب مجرد متعه ووناسه وبس،،، والله ياروحتي من غير ريال ماتسوى على الاقل اعرف ان وراي ظهر وراي واحد اعتمد عليه لو صار فينا شي،،،

خالتي كانت مسافره تركيا مع عيالها طبعا وريلها في اجازة نص السنه تقول واحنا في مجمع وفي محل ملابس دخلو علينا بنات كويتيات ثنتين والخوف بينط من عينهم الايقولون حق خالتي الله يخليج ساعدينا خالتي تقول خفت عليهم سالتهم اشفيكم قالو في 2 من الاتراك يلاحقونا ملاحق ويقولون لنا تعالو معانا مب مخلينا في حالنا وانا ماصدقت ان شفت وحده من الخليج والي يسلمج لاتخلينا تقول انكسر قلبي عليهم قلت اهم لاتخافون يايمه وين تبون بوديكم قالو اهلنا تحت دخيل الله ودينا لهم تقول وصلتهم لي اهلهم وتطمنت عليهم انهم بخير وبأمان ،،،

بعيد الشر لو وحده صادها هالموقف ومالقت من يساعدها شبتسووون،،، بتصيرون ضحيه لهم وبكل سهووله ،،،

[تحداني]

نوار قطر

اختي خطج يطلع لي ما ادري اشلون ابي اقرا الي كتبتيه مب قادره
انا جي ولا كلكم :(


اسفه بس مالي الا هالطريقه اقول لج

[نوار قطر]

نوار قطر

اختي خطج يطلع لي ما ادري اشلون ابي اقرا الي كتبتيه مب قادره
انا جي ولا كلكم :(


اسفه بس مالي الا هالطريقه اقول لج

اشفيه خطي :eek5: حتى بالكي بورد مب حلو :weeping: وين اطق براسي :rolleyes2:

[عنيــــد]

الله يهديهم ولا يبلانا ولا يبتلينا ..

الحمدلله الذي عافانا مما ابتلاهم به

[طير حوران]

اشفيه خطي :eek5: حتى بالكي بورد مب حلو :weeping: وين اطق براسي :rolleyes2:

ترى تحداني ماتقصد الخط مب حلو الا حلو بس كبريه شوي

[تحداني]

اشفيه خطي :eek5: حتى بالكي بورد مب حلو :weeping: وين اطق براسي :rolleyes2:



جذي اصغير مثل النيمل .. هههههه .. ما ادري كل الاحروف راقده على بعض
جي اصغنون .. والله اسفه بس صج ما ادري اشلون

ما عليج مني خلاص بحاول اسوي كوبي وبيست

غربلتوني

[تحداني]

ترى تحداني ماتقصد الخط مب حلو الا حلو بس كبريه شوي



معاك حق يا اخوي
مب بس اصغير .. ما ادري اشلون

[qatara]

الحيا نقطه

[نوار قطر]

ترى تحداني ماتقصد الخط مب حلو الا حلو بس كبريه شوي

اي ادري بس اتغشمر معاها :shy:

[نوار قطر]

جذي اصغير مثل النيمل .. هههههه .. ما ادري كل الاحروف راقده على بعض
جي اصغنون .. والله اسفه بس صج ما ادري اشلون

ما عليج مني خلاص بحاول اسوي كوبي وبيست

غربلتوني



هههههه ادري فديتج بس ماادري انا طالع عندي واضح ،،، وحجمه اوكى مممم مادري اذا حد عنده مثل ملاحظتج ولا انتي فقط ،،بس لعيوونج ان شالله بكبر الخط :victory:

[Al-Kuwari]

هههههه ادري فديتج بس ماادري انا طالع عندي واضح ،،، وحجمه اوكى مممم مادري اذا حد عنده مثل ملاحظتج ولا انتي فقط ،،بس لعيوونج ان شالله بكبر الخط :victory:

الخط كبير و واضح عندي

[Dmy Enabi]

بالنسبه حق الي قالو عاادي ومافيها شي البنات يسافرون بروحهم ،،، قد فكرتي في يوم من الايام لو صادج شي وانتي في بلاد الغربه من لج ،،، قد فكرتي لو حد تعرض لكم وانتو ماشيين في سوق في مجمع شبتسوون ،،، قد سالتي نفسج لو ضعتي من لج ،،، قد سالتي نفسج لو انباقت فلوسج ولو ضاع تلفونج شبتسووين ،، فالمطار لو استلعنو عليج في البلاد الي انتي فيها شلون بتصرفين ، ترى السفر مب مجرد متعه ووناسه وبس،،، والله ياروحتي من غير ريال ماتسوى على الاقل اعرف ان وراي ظهر وراي واحد اعتمد عليه لو صار فينا شي،،،

خالتي كانت مسافره تركيا مع عيالها طبعا وريلها في اجازة نص السنه تقول واحنا في مجمع وفي محل ملابس دخلو علينا بنات كويتيات ثنتين والخوف بينط من عينهم الايقولون حق خالتي الله يخليج ساعدينا خالتي تقول خفت عليهم سالتهم اشفيكم قالو في 2 من الاتراك يلاحقونا ملاحق ويقولون لنا تعالو معانا مب مخلينا في حالنا وانا ماصدقت ان شفت وحده من الخليج والي يسلمج لاتخلينا تقول انكسر قلبي عليهم قلت اهم لاتخافون يايمه وين تبون بوديكم قالو اهلنا تحت دخيل الله ودينا لهم تقول وصلتهم لي اهلهم وتطمنت عليهم انهم بخير وبأمان ،،،

بعيد الشر لو وحده صادها هالموقف ومالقت من يساعدها شبتسووون،،، بتصيرون ضحيه لهم وبكل سهووله ،،،

عادي هالمواقف ممكن تصير لي حتى وانا في الدوحة
وتصير لي وانا مسافرة مع محرم ومايكون موجود معاي
شدعوه حسستوني إن البنت ماتعرف تتصرف
وبعدين آنا عمري ماسمعت إن البنات صارت لهم مشاكل كبيرة ‘إلا بالعكس المشاكل تصير حتى حق الشباب وسمعنا عن شباب تعرضوا للضرب ولا للقتل حتى ،شسوى الشاب في هالموقف

إلي كاتبه ربي بيصير لو كنت في عرض المحيط
آخذ بالأسباب فقط ،وأتوخى الحيطة الحذر

كلمة أخيرة ترى إحنا جايفين خير ومب متخرعين عالسفر بروحنا ،

لكن المبدأ عندي عادي ، وأبدا مافي فرق بين المرة والريال ، مثل مافي ريال ضعيف في حرمة قوية

تحياتي

[Dmy Enabi]

في الموضوع عدة اقوال للعلماء فيه

http://www.islamweb.net/fatwa/index.php?page=showfatwa&option=fatwaid&id=6219

وكان في مشكله وهي جلوسها بجانب رجل اجنبي عنها
فان كانت تقدر وفرها لها مقعد في مكان بروحها او مع حد من اهلها او قريباتها او شخص ثقه

المحرم يوجب في السفر مش في المغادره او عند الوصول واهناك من استدل بمده زمنيه معينه لوقت الترحال وهي اليوم ونصف وقالو البعض انها ثلاث حتى يوجب المحرم على الفتاه عند السفر والبعض قال بغير ذلك

الموضوع مش موضوع حلال وحرام أكثر من ان سفرها بروحها بلا هدف في الغربه
ممكن يجمع العيون عليها من سارقين من مغتصبين من مختطفين ومن ومن ..
خاصه ان عرف حد انها وحيده في هذا السفر وكان في هالسفر مكوث
شخصياً ما يعجبني لكن ان لقت البنت هالثقه كانت امها عمتها او بالغه وكبيره في السن
يعني يكون فيه حد مسؤول فالله معاها

وربك اعلم بظروف الناس , فيه منهم من ما يملك حد في دنيا وفيه وفيه
على كل حال يفضل دايماً يكون معها في الغربه شخص متزن وحكيم وأبد ما اظني حد يحبذ السفر بروحك
في السفر لحالك حتى لو كان شاب شر ان ما لقيت لك عون ومجيب مناك

والله يعين

هذا الكلام الصح

[أسد الجزيرة]

الله يهديج

[ام السعف]

كلمة أخيرة ترى إحنا جايفين خير ومب متخرعين عالسفر بروحنا ،

لكن المبدأ عندي عادي ، وأبدا مافي فرق بين المرة والريال ، مثل مافي ريال ضعيف في حرمة قوية

تحياتي

يا اختي القضية مب جايفين خير ولا طايحين في فقر ،،

سفر المرأة بروحها من غير محرم لغير ضرورة غير جائز شرعا ،،

فهل عندج اعتراض على كلام الشرع ؟
بغض النظر انا اوافق ولا انتي ترفضين ،،

[أم نواري1]

اختي ام السعف
البعض مايعرف إن أمور الشرع مفروض نقول سمعنا وأطعنا وخلاص
ونسلم بذلك ونقوم به طائعين وبكل سعادة
البعض يظن أنه أذكى وأفهم وأقدر
بينما من خلقه سبحانه يقوله هذا غلط
وهو ماراح أقول مثل البهايم
بقول مثل الفراش اللي تحوم حول النار وتبي تطب فيها
وانتي وانا وكثير ممن يغارون ع خواتنا نكشهم عنها
يحسبونه ضعف
لكن لا والله بإمكان الوحده فينا تروح وتجي لحالها ووين ماتبي
لكن شرع الله واضح والحمد لله ع نعمة العلم في الدين والبحث في حالة الجهل أو غموض أو عدم فهم

لكن ناس بصيرتهم مطموسه شبتقولين غير الله يهديهم مع النصح

بحفظ الله

[طير حوران]

عادي هالمواقف ممكن تصير لي حتى وانا في الدوحة
وتصير لي وانا مسافرة مع محرم ومايكون موجود معاي
شدعوه حسستوني إن البنت ماتعرف تتصرف
وبعدين آنا عمري ماسمعت إن البنات صارت لهم مشاكل كبيرة ‘إلا بالعكس المشاكل تصير حتى حق الشباب وسمعنا عن شباب تعرضوا للضرب ولا للقتل حتى ،شسوى الشاب في هالموقف

إلي كاتبه ربي بيصير لو كنت في عرض المحيط
آخذ بالأسباب فقط ،وأتوخى الحيطة الحذر

كلمة أخيرة ترى إحنا جايفين خير ومب متخرعين عالسفر بروحنا ،

لكن المبدأ عندي عادي ، وأبدا مافي فرق بين المرة والريال ، مثل مافي ريال ضعيف في حرمة قوية

تحياتي

اختي العزيزه جزاك الله خير

ان الصلاة تنهى عن الفحشاء والمنكر وانتي مسلمه وتصلين ان شاء الله ومن المؤكد ان دينك وصلاتك ستردعك من الاستمرار في هذه المعصيه باءذن الله وسنبقى ندعو لكي ولأمثالك بالهدايه والصلاح

لأن من لايصلي لايردعه شيء ووصف صلى الله عليه وسلم من ترك الصلاه بالكفر وليس بعد الكفر ذنب

اللهم ارزقنا الهدايه والصلاح

[أم نواري1]

الكلام الصح ع هذا الرابط

http://www.saaid.net/Doat/assuhaim/omdah/215.htm

بحفظ الله

[طير حوران]

هذا الكلام الصح

لالالالالالالالالالا ليس صحيح

لأن ماورد فيه نص قرأني واضح او سنه واضحه لايجب فيه الاجتهاد ولا الاختلاف ومن افتى ومن عمل بالفتوى يتحملون الاثم مشتركين

الله يهدي الجميع

[mubarak750]

نوار قطر

اختي خطج يطلع لي ما ادري اشلون ابي اقرا الي كتبتيه مب قادره
انا جي ولا كلكم :(


اسفه بس مالي الا هالطريقه اقول لج


تصدقين عاد معاي واحد ونظره -20/-20 وقاعد يقرأ بدون نظارة,

[نوار قطر]

عادي هالمواقف ممكن تصير لي حتى وانا في الدوحة
وتصير لي وانا مسافرة مع محرم ومايكون موجود معاي
شدعوه حسستوني إن البنت ماتعرف تتصرف
وبعدين آنا عمري ماسمعت إن البنات صارت لهم مشاكل كبيرة ‘إلا بالعكس المشاكل تصير حتى حق الشباب وسمعنا عن شباب تعرضوا للضرب ولا للقتل حتى ،شسوى الشاب في هالموقف

إلي كاتبه ربي بيصير لو كنت في عرض المحيط
آخذ بالأسباب فقط ،وأتوخى الحيطة الحذر

كلمة أخيرة ترى إحنا جايفين خير ومب متخرعين عالسفر بروحنا ،

لكن المبدأ عندي عادي ، وأبدا مافي فرق بين المرة والريال ، مثل مافي ريال ضعيف في حرمة قوية

تحياتي

في الدوحه يوقفونج ويقولون لج تعالي معانا :) ليش حبيبتي وين قاعدين احنا ،،، ولا ممكن يصير هالشي ،،،

ولا في السفر مب معقوله بجيشوفون ريلج معاج او اخوج ويسحبونج يبونج اتيين معاهم ،،،

حبيبتي خلنا نكون واقعين الريال في السفر غير عن المره ،،، يمكن الي نصرب هو متحرش او متهاوش في بعض البلدان من عقب المغرب محد يطلع من البلاوي الي تصير يمكن هو طالع نصايف الليل،،،

ومب مسألة شايفين خير او ميتين على السفر،، ترى الناس في خير ونعمه والكل يسافر،،، احنا نتكلم عن المبدأ،،، والمره مهما كانت قويه ترى في نقاط ولحظاات ضعف ،، المره تبقى مره مهما كانت قويه ،،، وفعلا الي ربي كاتبه بيصير بس في نفس الوقت ولا تلقو بأيديكم الى التهلكه ،،


والله يحفظج من كل شر :)

[mubarak750]

عادي شفيها !!

مافي رياييل في هالعالم شنو ما نسافر !!

صاروا الرياييل ينافسونا في الشوبينج والكشخة .. وينافسونا في الصالونات وحتى عيادات الليزر !! وفي الملابس يلبسون ملون والشعر مستشور .. ورقصهم ولا فيفي عبدو !! وسياراتهم الوردية والصفرا والحمرا والبنفسجي !!! وين الرياييل !!! لا تضحكني بس هههههههههه



أول شيء أقولج كلمة ابراهيم الصلال ( الله يرحمه ) لما يوقف جدام الحرمة ويرفع يده في وجهها ويقول بصوت عالي: اوووووووووووووب.
ثاني شيء أذا الرجال ما أهتم بنفسه قت وطلعتو سوالفكم,
وثالث شئ وأهم شباب قطر أرجل شباب على مستوى العالم حسب كل المعايير وبكل المقاييس

[شميرام]

الحين يهال يسفرون بروحهم هههه

[باراكودا]

الحذر واجب , انا لااستبعد تعرض البنت في حالة سفرها بدون محرم لاى أعتداء
اوخطف في أى لحظة وفي أى بلد وفى اى مصعد اوداعوس ..

[bos3eed]

الله يهديهم

[Dmy Enabi]

يا اختي القضية مب جايفين خير ولا طايحين في فقر ،،

سفر المرأة بروحها من غير محرم لغير ضرورة غير جائز شرعا ،،

فهل عندج اعتراض على كلام الشرع ؟
بغض النظر انا اوافق ولا انتي ترفضين ،،

ماعندي اعتراض على كلام الشرع
عندي اعتراض على كلامج
الشرع أباح السفر وعندي أدلتي
http://www.onislam.net/arabic/ask-the-scholar/8343/126048-2010-10-18-16-51-54.html
لكن ليش أضيق على نفسي وآخذ الفتوى إلي تبينها
اعتراضي إنه إذا حد خذ الجانب المباح لاتقطونه في جهنم
رب العالمين هو إلي بيحاسب مب آنا ولا إنتي

تحياتي

[Dmy Enabi]

في الدوحه يوقفونج ويقولون لج تعالي معانا :) ليش حبيبتي وين قاعدين احنا ،،، ولا ممكن يصير هالشي ،،،

ولا في السفر مب معقوله بجيشوفون ريلج معاج او اخوج ويسحبونج يبونج اتيين معاهم ،،،

حبيبتي خلنا نكون واقعين الريال في السفر غير عن المره ،،، يمكن الي نصرب هو متحرش او متهاوش في بعض البلدان من عقب المغرب محد يطلع من البلاوي الي تصير يمكن هو طالع نصايف الليل،،،

ومب مسألة شايفين خير او ميتين على السفر،، ترى الناس في خير ونعمه والكل يسافر،،، احنا نتكلم عن المبدأ،،، والمره مهما كانت قويه ترى في نقاط ولحظاات ضعف ،، المره تبقى مره مهما كانت قويه ،،، وفعلا الي ربي كاتبه بيصير بس في نفس الوقت ولا تلقو بأيديكم الى التهلكه ،،


والله يحفظج من كل شر :)

رايج أحترمه

[بوخالد2]

انزين واللي اتسافر هي و الخدامه

و تخلي ريلها مع العيال بالدوحه برضاه طبعا

وهي قاعده هناك هي و خدامتها لغرض الدارسه

هل الزوج يضمن سلامة الزوجه بالخارج ؟

[chillis]

انزين واللي اتسافر هي و الخدامه

و تخلي ريلها مع العيال بالدوحه برضاه طبعا

وهي قاعده هناك هي و خدامتها لغرض الدارسه

هل الزوج يضمن سلامة الزوجه بالخارج ؟

العتب عليه ليش يرضى ويخليها يستاهل ما يجيه :secret:

[أم نواري1]

ماعندي اعتراض على كلام الشرع
عندي اعتراض على كلامج
الشرع أباح السفر وعندي أدلتي
http://www.onislam.net/arabic/ask-the-scholar/8343/126048-2010-10-18-16-51-54.html
لكن ليش أضيق على نفسي وآخذ الفتوى إلي تبينها
اعتراضي إنه إذا حد خذ الجانب المباح لاتقطونه في جهنم
رب العالمين هو إلي بيحاسب مب آنا ولا إنتي

تحياتي

الرابط أعلاه معلوماته طيبه
بس وين قريتي الإباحة

انتي تقولين أدلتي .!
الأدلة كلها تحرم وتمنع حتى للحج

لكن كلام بعض الأئمة اجتهدوا وشرحوا وأفتوا

وكل يؤخذ من كلامه ويرد إلا رسول الله -صلى الله عليه وسلم-
يا حبيبتي أمامك أحاديث صحيحة صريحة تمنع سفرك بدون محرم
تقومين تتبعين الرخص .!

انتي جوهره غالية وربج يحبج ويبي لج الخير
خالقك هو أعلم بك ولذلك سن لنا هذا المنهاج
واللي يبي يقنعك بعكس رايك أيضا يحب لج الخير = )

الرابط اللي طرحتيه أبي تطلعين لي أدله من القرآن والسنة تقول بجواز السفر من دون محرم :)

انتظرج حبيبتي

بحفظ الله

[بومحمد المطاوعه]

لا تسافر المرأة إلا مع ذي محرم متفق على صحته ،

ولقوله صلى الله عليه وسلم : مسند أحمد بن حنبل (1/26).

لا يخلون رجل بامرأة ؛ فإن ثالثهما الشيطان

رواه الإمام أحمد وغيره ، من حديث عمر رضي الله عنه بإسناد صحيح



الشيخ: لا يحل للمرأة أن تسافر بدون محرم لا في الطائرة ولا في السيارة ولا في السفينة لعموم
قول رسول الله صلى الله عليه وسلم الثابت في الصحيحين
من حديث ابن عباس رضي الله عنهما (لا تُسافر المرأة إلا مَع ذِي محرم)
أو (إلا ومعها ذُو محرم)
وهذا النهى للتحريم يدل على أنه للتحريم أن ذلك هو الأصل فيما نهى الله عنه ورسوله ويدل عليه أيضاً أنه ورد هذا الحديث معناه:
(لاَ يَحِلُّ لاِمْرَأَةٍ تُؤْمِنُ بِاللَّهِ وَالْيَوْمِ الآخِرِ أَنْ تُسَافِرَ)

فقوله:(لاَ يَحِلُّ لاِمْرَأَةٍ تُؤْمِنُ بِاللَّهِ وَالْيَوْمِ الآخِرِ أَنْ تُسَافِرَ)

صريح في التحريم وكونها تمضي إلى المطار بمحرم وينتظرها في المطار الذي تقدم إليه مَحرم هذا لا يُبرر سفرها بدونه أي: بدون المحرم
لأنه من الجائز أن يكون للطائرة مانع يمنعها من الهبوط في المطار المنتظر هبوطها فيه فتطير إلى بلد آخر ومن الجائز أن يعرض لمحرمها المُسْتَقْبل عارض يمنعه من الخروج أو على الأقل من الوصول إلى المطار قبل هبوط الطائرة ومن الجائز أيضاً أن يُغَرب بالمرأة عند نزولها من الطائرة فَيُذْهب بها إلى غير ما تريد كما وقع

المهم أنه لا يجوز للمرأة في أي حال من الأحوال أن تسافر إلا ومعها ذو مَحرم لا في الطائرة ولا في السيارة ولا في السفينة ... والله اعلم

[NINA RICCI]

المفروض مافي نقاش في موضوع فيه شرع الله واضح .. وايات واحاديث تدل على ان السفر حرام من غير محرم ..

والله يهدي الجميع يارب

[أم نواري1]

المفروض مافي نقاش في موضوع فيه شرع الله واضح .. وايات واحاديث تدل على ان السفر حرام من غير محرم ..

والله يهدي الجميع يارب

في زمن الصحابة وهم خير القرون نوقش الرسول في أمور الكبائر
وطولب بإباحتها ولكنها استخدم الأسلوب اللين والقلب المشفق لكي يردع الشاب
الذي جاء طالبا أن يحلل له الزنا

إذا الأخت تناقش بحثا للحق فنعم يحق لها تناقش وواجب علينا أن نمشي معها للأخير
ودام نيتها خير بإذن الله لن يريد الله بها إلا خيرا :shy:

بحفظ الله

[Dmy Enabi]

الرابط أعلاه معلوماته طيبه
بس وين قريتي الإباحة

انتي تقولين أدلتي .!
الأدلة كلها تحرم وتمنع حتى للحج

لكن كلام بعض الأئمة اجتهدوا وشرحوا وأفتوا

وكل يؤخذ من كلامه ويرد إلا رسول الله -صلى الله عليه وسلم-
يا حبيبتي أمامك أحاديث صحيحة صريحة تمنع سفرك بدون محرم
تقومين تتبعين الرخص .!

انتي جوهره غالية وربج يحبج ويبي لج الخير
خالقك هو أعلم بك ولذلك سن لنا هذا المنهاج
واللي يبي يقنعك بعكس رايك أيضا يحب لج الخير = )

الرابط اللي طرحتيه أبي تطلعين لي أدله من القرآن والسنة تقول بجواز السفر من دون محرم :)

انتظرج حبيبتي

بحفظ الله

تحياتي

تفضل ومن الفقهاء المعاصرين الذين ذهبوا إلى جواز سفر المرأة دون محرم عند وجود الأمن الشيخ ابن جرين ـ رحمه الله ـ حيث قال في الفتوى رقم (7286):

فالذي أراه جواز سفر المرأة في الطائرة، لمدة نصف يوم أو ثلثيه، بحيث يوصلها المحرم الأول إلى المطار، ويتصل بالمحرم الثاني ليستقبلها في البلد الثاني، ولا خلوة في الطائرة، والمرأة كسائر الراكبات، وليس هناك مجال للخوف عليها، والاحتمالات التي تقدر نادرة الوجود، والأصل السلامة، وهذا يعم السفر للحج وغيره، وهذا ما ترجح عندي رفقًا بالمسلمين. أ.هـ

ومن الذين أجازوا سفر المرأة من غير محرم عند الأمن ووجود الثقات فضيلة الشيخ القرضاوي ومما قاله بعدما أورد أدلة الجواز:

ونود أن نضيف هنا قاعدتين جليلتين :

أولا: أن الأصل في أحكام العادات والمعاملات هو الالتفات إلى المعاني والمقاصد بخلاف أحكام العبادات، فإن الأصل فيها هو التعبد والامتثال، دون الالتفات إلى المعاني والمقاصد . كما قرر ذلك الإمام الشاطبي ووضحه واستدل له.



ثانيا: إنَّ ما حرم لذاته لا يباح إلا للضرورة، أما ما حرم لسد الذريعة فيباح للحاجة . ولا ريب أن سفر المرأة بغير محرم مما حرم سدًا للذريعة.



كما يجب أن نضيف أن السفر في عصرنا، لم يعد كالسفر في الأزمنة الماضية، محفوفًا بالمخاطر لما فيه من اجتياز الفلوات، والتعرض للصوص وقطاع الطرق وغيرهم. بل أصبح السفر بواسطة أدوات نقل تجمع العدد الكثير من الناس في العادة، كالبواخر والطائرات، والسيارات الكبيرة، أو الصغيرة التي تخرج في قوافل .

وهذا يجعل الثقة موفورة، ويطرد من الأنفس الخوف على المرأة؛ لأنها لن تكون وحدها في موطن من المواطن.

ولهذا لا حرج أن تسافر مع توافر هذا الجو الذي يوحي بكل اطمئنان وأمان. [2]أ.هـ

الخلاصة:

الأصل في المسألة هو منع المرأة من السفر دون محرم، وهذا رأي الجمهور، فإذا كانت المرأة ليست تحت ‏ضرورة ملجئة فعليها إن أرادت السفر أن تكون مع محرم لها أو مع زوج عملا بقول جمهورالعلماء.

أما إن كانت المرأة تحت ضرورة ملجئة، أو تحتاج لهذا السفر لنفع نفسها وبيتها وأسرتها ووطنها، ولا تستطيع أن تتخلى عنه، فيسعها قول من أجاز لها السفر دون محرم بشرط وجود الرفقة المأمونة، ووجود الأمن وانتفاء الريب، وألا تتعرض المرأة للإيذاء والابتذال، وإلا حرم سفرها.

والله أعلم.

[NINA RICCI]

في زمن الصحابة وهم خير القرون نوقش الرسول في أمور الكبائر
وطولب بإباحتها ولكنها استخدم الأسلوب اللين والقلب المشفق لكي يردع الشاب
الذي جاء طالبا أن يحلل له الزنا

إذا الأخت تناقش بحثا للحق فنعم يحق لها تناقش وواجب علينا أن نمشي معها للأخير
ودام نيتها خير بإذن الله لن يريد الله بها إلا خيرا :shy:

بحفظ الله

قبل غير عن الحين ..

الحين كلشي واضح لنا .. احنا نتناقش على موضوع حكمه واضح واضح .. (( حرام )) ,

مثل ما حكم الصلاه واضح ومافيه نقاش انه واااجب .. فحكم السفر بعد واضح اخوي ..

في هالحاله الدعاء بالهدايه هو الحل مب النقاش ..

[أم نواري1]

طيب أختي دمي عنابي :)
أحترم المشايخ المذكورين وأحترم آرائهم
بس الأدلة تكون من القرآن والسنّة
هاتي الأدلة الصحيحة الصريحة التي بنوا عليها كلامهم
والتي منها استنبطوا جواز سفر المرأة للضرورة من غير محرم مع رفقة صالحة مأمونة

لأن الأحاديث على أن مطلق الأسفار لا تجوز إلا مع ذي محرم
والنهي والتحريم واضح

وربك اللي خلق الأولين والآخرين
عليم بما وقع وما هو واقع حاليا وماسيقع مستقبلا
وماذكره نافع لكل الأزمان والأمكنة



برجاء أن تتحملين النقاش معاي :shy:
لأنه نبي نوصل عن مفهومك لسبب سفر المرأة من غير محرم ومتى يباح

لخصي لي اللي فهمتيه أنتي بأسلوبك ع ضوء ماقرأتيه
متى يباح لها السفر من غير محرم
وهل هذا اللي تناوله الموضوع بصراحة .؟!

بحفظ الله

[نوار قطر]

انزين واللي اتسافر هي و الخدامه

و تخلي ريلها مع العيال بالدوحه برضاه طبعا

وهي قاعده هناك هي و خدامتها لغرض الدارسه

هل الزوج يضمن سلامة الزوجه بالخارج ؟

لاتعليق الصراحه والعيب منه هو مب من المره ،،، لان لو رفض ريلها جان ماراحت وخلته ،، سبحااان الله انقلبت الايه المره تسافر والريل عند العيااااال ههههه خوووش شي

[أم نواري1]

قبل غير عن الحين ..

الحين كلشي واضح لنا .. احنا نتناقش على موضوع حكمه واضح واضح .. (( حرام )) ,

مثل ما حكم الصلاه واضح ومافيه نقاش انه واااجب .. فحكم السفر بعد واضح اخوي ..

في هالحاله الدعاء بالهدايه هو الحل مب النقاش ..

والزنا كان محرما وقتها
والسائل أعرابي غبي عنه ماكان يسأل عنه :shy:

[ام السعف]

قبل غير عن الحين ..

الحين كلشي واضح لنا .. احنا نتناقش على موضوع حكمه واضح واضح .. (( حرام )) ,

مثل ما حكم الصلاه واضح ومافيه نقاش انه واااجب .. فحكم السفر بعد واضح اخوي ..

في هالحاله الدعاء بالهدايه هو الحل مب النقاش ..

يا بنتي يا اختي الصغيرة،،

اليوم نشوف بنات على 18 سنة و 17 سنة و 20 سنة
يطرشونهم يدرسون بروحهم ،، فهل الشرع اجاز هالشي ؟


خلونا نبتعد عن ثقة الأهل فيهم وهم احرار في ثقتهم

لكن خلونا نتكلم عن الشرع ،، ايعقل ان الشرع يجيز
سفر طفلة عمرها 18 سنة للدراسة في بلاد الغرب من غير محرم ؟

[رجوان]

حجة النساء بخصوص هذا الموضوع انه السفر حلال حتى لو كانت بروحها لانه ما في خلوه
والمطارات كلها بشر ومحد يقدر يسوي شي
هالزمن كل شخص يفسر ويحلل على كيفه
عموما اعتقد تخلي الرجل عن دوره هو السبب لهذه التصرفات

اي والله صدقت :victory:

[NINA RICCI]

يا بنتي يا اختي الصغيرة،،

اليوم نشوف بنات على 18 سنة و 17 سنة و 20 سنة
يطرشونهم يدرسون بروحهم ،، فهل الشرع اجاز هالشي ؟


خلونا نبتعد عن ثقة الأهل فيهم وهم احرار في ثقتهم

لكن خلونا نتكلم عن الشرع ،، ايعقل ان الشرع يجيز
سفر طفلة عمرها 18 سنة للدراسة في بلاد الغرب من غير محرم ؟

يا اختي الكبيره ام السعف ..

انا ضد السفرررر بدون محرم ... سواااء دراسه ولا غيره
انا قريت ان حتى العمررره والحج مايصير بدون محرم .. لو ماتواجد المحرم مب بالضروره انها تروح , فـ تقعد في بيتها ..

[رجوان]

يا بنتي يا اختي الصغيرة،،

اليوم نشوف بنات على 18 سنة و 17 سنة و 20 سنة
يطرشونهم يدرسون بروحهم ،، فهل الشرع اجاز هالشي ؟


خلونا نبتعد عن ثقة الأهل فيهم وهم احرار في ثقتهم

لكن خلونا نتكلم عن الشرع ،، ايعقل ان الشرع يجيز
سفر طفلة عمرها 18 سنة للدراسة في بلاد الغرب من غير محرم ؟

اي والله ومب متزوجات بعد!!!!قولوا لومتزوجه وعندها عيال يمكن ماتشرهتوا عليها بس الشرهه ع البنات الي يسافرون بروحهم ولاحد قال عنهم شي!!!

[qatara]

انزين واللي اتسافر هي و الخدامه

و تخلي ريلها مع العيال بالدوحه برضاه طبعا

وهي قاعده هناك هي و خدامتها لغرض الدارسه

هل الزوج يضمن سلامة الزوجه بالخارج ؟

تدري ياخوي بتعجز

ان خلاها قالو يستاهل هو السبب
وان ما خلاها قالو ذيه معقد وشكاك

ان عطا وما قصر وعنفصت قالو يستاهل ليش يعطيها
وان ما عطها الا بحدود المعقول قالو بخيل


وان داها لمشوار مشوارين في الاسبوع سوا سوق او زياره قالو ساجنها
وان ترك لها الحبل على القارب قالو هو السبب مخلي لها الحبل على القارب


السنعه لو تقولها سافري بروحج والله لو عباده وحج
ماراحت والي تبي تطامر تتحجج باي سبب للمطامر

يبه شرع الله واضح ومبادي المجتمع واضحه
والسنعه واضحه والدامره واضحه

والله يصلح الحال

[أم نواري1]

يا بنتي يا اختي الصغيرة،،

اليوم نشوف بنات على 18 سنة و 17 سنة و 20 سنة
يطرشونهم يدرسون بروحهم ،، فهل الشرع اجاز هالشي ؟


خلونا نبتعد عن ثقة الأهل فيهم وهم احرار في ثقتهم

لكن خلونا نتكلم عن الشرع ،، ايعقل ان الشرع يجيز
سفر طفلة عمرها 18 سنة للدراسة في بلاد الغرب من غير محرم ؟

يا أم السعف ياوخيتي :shy:
مساء الورد بالأول

وسؤالج جوابه النفي طبعا

حتى من أجاز من العلماء أجازة لضرورة ورفقة آمنه
ووضع شروط للرفقة الآمنة

وهذا اللي أبي أوصله
أنه مانلوي أعناق النصوص وماناخذ اللي نبي من كلام العلماء ويناسب هوانا ومصالحنا
وهو ليس كذلك

بحفظ الله

[رجوان]

تدري ياخوي بتعجز

ان خلاها قالو يستاهل هو السبب
وان ما خلاها قالو ذيه معقد وشكاك

ان عطا وما قصر وعنفصت قالو يستاهل ليش يعطيها
وان ما عطها الا بحدود المعقول قالو بخيل


وان داها لمشوار مشوارين في الاسبوع سوا سوق او زياره قالو ساجنها
وان ترك لها الحبل على القارب قالو هو السبب مخلي لها الحبل على القارب


السنعه لو تقولها سافري بروحج والله لو عباده وحج
ماراحت والي تبي تطامر تتحجج باي سبب للمطامر

يبه الدين واضح والشرع واضح
والسنعه واضحه والدامره واضحه

والله يصلح الحال

مايصير تسيئ الظن بالحريم الي يسافرون مع بعض بعضهم عندهم ظروف ومحد معاهم حرام سوء الظن

[أم نواري1]

الأخ ماقصد إنه يرمي المسلمات ويقذفهن
بل قصد إن الحلال بين والحرام بين وبينهن أمور مشتبهات
والتصرف مع الأمور المشتبهه بالتورع عنها وتركها أولى إلا لضرورة

والضرورة غابت عن كثير من النساء
وبتن لا يقدرنها بقدرها

فكل وحده قامت تشوف سفرها ضرورة .!

بحفظ الله

[hasss1969]

الحقيقة البنت ضعيفة بطبيعتها اللي الله خلقها عليها وعاطفتها تغلب على تفكيرها احيانا لذلك منع الاسلام سفرها الا مع محرم...وكذلك منع ان تتزوج من غير المسلم حتى لايؤثر الزوج غير المسلم على زوجته المسلمة...

[qatara]

مايصير تسيئ الظن بالحريم الي يسافرون مع بعض بعضهم عندهم ظروف ومحد معاهم حرام سوء الظن

سبحن الله كانك تقولين ان في حرمه مالها اي
زوج او
اب او
ولد او
عم او
خال او
اخ او
ابن اخت
او ابن اخ

او او او الخ
وين ذولي كلهم ختفو مره وحده

حدث العاقل بما لا يعقل فان اقتنع فلاعقل له

[qatara]

الأخ ماقصد إنه يرمي المسلمات ويقذفهن
بل قصد إن الحلال بين والحرام بين وبينهن أمور مشتبهات
والتصرف مع الأمور المشتبهه بالتورع عنها وتركها أولى إلا لضرورة

والضرورة غابت عن كثير من النساء
وبتن لا يقدرنها بقدرها

فكل وحده قامت تشوف سفرها ضرورة .!

بحفظ الله

صادق ياخوي هذا القصد لاكن لم تقول الحق
فبعضهم يريد الشي على هواه فيفسره بما يخدمه هو
لاكن الشرع واضح

اذا اختلفتم في شي فردوه لله ورسوله وليس للتبريرات

[ام السعف]

يا اختي الكبيره ام السعف ..

انا ضد السفرررر بدون محرم ... سواااء دراسه ولا غيره
انا قريت ان حتى العمررره والحج مايصير بدون محرم .. لو ماتواجد المحرم مب بالضروره انها تروح , فـ تقعد في بيتها ..

جزاج الله كل خير ،، والسموحة التبس علي الأمر ظنيت اللي تكتب دمي عنابي :shy:
مي سوري احييج على رايج ،،


اي والله ومب متزوجات بعد!!!!قولوا لومتزوجه وعندها عيال يمكن ماتشرهتوا عليها بس الشرهه ع البنات الي يسافرون بروحهم ولاحد قال عنهم شي!!!

هو الواحد لما يسوي شي لازم يدافع عن نفسه ،، مااعتقد مثلا مثلا مثلا
الحرامي بيقول انا بقت وخلاص ،، اكيد بيحط مبررات لبوقته ،،واذا لقى
له منفذ شرعي ممكن يلجأ له على اساس انه يبرر موقفه ،،

محشومات اللي يسافرون من غير محرم من مثل هالتشبيه ،،

اليوم ما نقول اللي ما تسافر ما يبدر منها الغلط ،، نعم يمكن اللي تسافر
تكون اشرف واكرم من كثيرات يسوون الغلط وهم في ربوع الوطن ،،

لكن لما الشرع يمنع سفر المرأة من غير محرم اهنيه نتكلم عن شي
علينا ان نعترف فيه انه امر رباني ،، فاللي بتخالفه فهي تقع في معصية
سواء كانت محترمة او غير محترمة مع احترامي الكبير للكل ،،




يا أم السعف ياوخيتي :shy:
مساء الورد بالأول

وسؤالج جوابه النفي طبعا

حتى من أجاز من العلماء أجازة لضرورة ورفقة آمنه
ووضع شروط للرفقة الآمنة

وهذا اللي أبي أوصله
أنه مانلوي أعناق النصوص وماناخذ اللي نبي من كلام العلماء ويناسب هوانا ومصالحنا
وهو ليس كذلك

بحفظ الله

مساء الفول

ادري ان السفر يكون لضرورة ،، مرض او عدم وجود محرم والسفر الملح
مب سفر وسكن واقامة لشهور بهدف الدراسة ومن غير محرم !!

حرام والله اللي يصير في حق هالزهرات :(

[خليفة77]

الله المستعان والله يحفظ الجميع ان شاء الله

السفر فيه مخاطر كثيرة مثل تعطلت الطائرة او هبوط اضطراري

ومن بين هذه المخاطر هل يعلم الاخ او الاب ماذا تفعل البنت برى ؟!!

في احدى السفرات لي انا وأحد من اصدقائي نشوف بأعيننا مجموعة بنات قروب مسافرين للنزهه بدون محرم ونشوف ايضآ بنات يدرسون برى ونتصادف معهم في مطاعم وقهاوي (( الشيشه )) !!! ولا معهم سوى خادمه او ( القير فرند ) في السفر (( وانا لا اعـمــم عـلى الـجــمــــيـــــــع )) ولاكن يجب ان ننظر في هذه الفئه التي ممكن مع الايام تقع والعياذ بالله مثل المخدرات والمسكرات وهنا لايـــلام ســـواء زوجـهـا او والـدهـــا او اخــوها الذي رضـا عليها بأن تــتـصـرف وكأنها رجــل وليـس امرأه ,, وفي النهاية الله الحافظ ,, مع العلم فيه فئه قليله مضطره ولاحول ولاقوة الا بالله ونسأل الله تعالى ان يحفظ جميع نساء المسلمين .

وهـنـــــا يــتــــطـــلـب ان يـكــون مـعـهـــا مـحرم حتى لاتقع في مثل هذه الامور

[Dmy Enabi]

طيب أختي دمي عنابي :)
أحترم المشايخ المذكورين وأحترم آرائهم
بس الأدلة تكون من القرآن والسنّة
هاتي الأدلة الصحيحة الصريحة التي بنوا عليها كلامهم
والتي منها استنبطوا جواز سفر المرأة للضرورة من غير محرم مع رفقة صالحة مأمونة

لأن الأحاديث على أن مطلق الأسفار لا تجوز إلا مع ذي محرم
والنهي والتحريم واضح

وربك اللي خلق الأولين والآخرين
عليم بما وقع وما هو واقع حاليا وماسيقع مستقبلا
وماذكره نافع لكل الأزمان والأمكنة



برجاء أن تتحملين النقاش معاي :shy:
لأنه نبي نوصل عن مفهومك لسبب سفر المرأة من غير محرم ومتى يباح

لخصي لي اللي فهمتيه أنتي بأسلوبك ع ضوء ماقرأتيه
متى يباح لها السفر من غير محرم
وهل هذا اللي تناوله الموضوع بصراحة .؟!

بحفظ الله

وتحياتي لك
بس عفوا أنا مب فقيهه عشان أجوف الآيات وأعرف الأحاديث أنا من عامة المسلمين ودام في رجال ثقات ومشايخ وعلماء هم من يقومون بهالدور ،ليش تبيني أصير مفتيه ،آنا علي أختار إلي يناسبني دام حلال ومايضرني
الأصل في الدين الإباحة ياخوي ، لكن بزمنا كل شي حرام ،ليش ترى الحياة جميلة ،والإنسان يحب يستمتع بحدود العقل ،أرجع وأكرر كلامي ، إلي تسافر تسافر الله يحفظها ، ليش دايما نصر إلي تسافر بروحها آثمة وسوت منكر ، ترى صكوك الجنة مب بيدنا ،
لكن لحد يقعد يفتي من الجانب إلي هو يجوفه ؟ فكر معاي أخوي
كل إلبنات إلي درسوا برع آثمات ؟
كل الموظفات إلي رايحين دورات أو مؤتمرات آثمات ؟
رجاء لاتضيقون عالعالم
إلي فهمته عن نفسي إن الإنسان مخير مب مسير ، الله قال لنا "لا إكراه في الدين " ،واحنا اليوم نكفر إلي تسافر بروحها
كل إنسان له ظروفع وقناعاته واختياراته ، والي لازم أسويه احترم جميع الآراء عجبتني ولا ماعجبتني ، مايحق لي أقول إن الي يمنع هله من السفر دين وخلوق ( وما شاء الله ) ولا أرمي إلي تسافر بروحها بالفجور ،لأنه مالي حق ، ورب العباد بيحاسبنا ، احنا من عشان نقعد نحكم عالعالم
أخيرا رايي آخذ إلي يناسبني دام في علماء أفتوا إنه حلال ، شلون أفتوا هذي مب شغلي ، ما دعي العلم ،ولا أكلف نفسي ، وبعدين احنا نتكلم بميزان العقل ،يعني حسستوني إن المرة مطيحه دبي والبحرين كل ويك إند ، لو مرة بتسافر يمكن مرة في السنة مع أمها وخواتها شالمشكلة ؟
سهلوا الدين عالناس لاتعقدونه كل شي حرام ، حتى حاطين الهارلي بعد حرام


شبقى بعد ؟

دمتم برقي

[طير حوران]

مايصير تسيئ الظن بالحريم الي يسافرون مع بعض بعضهم عندهم ظروف ومحد معاهم حرام سوء الظن

ماهى الظروف هل هى من الضرورات ؟؟؟

واسمح لنا بعد ذلك نعرف ماهو مفهومك للضرورات؟؟؟

[Dmy Enabi]

الله المستعان والله يحفظ الجميع ان شاء الله

السفر فيه مخاطر كثيرة مثل تعطلت الطائرة او هبوط اضطراري

ومن بين هذه المخاطر هل يعلم الاخ او الاب ماذا تفعل البنت برى ؟!!

في احدى السفرات لي انا وأحد من اصدقائي نشوف بأعيننا مجموعة بنات قروب مسافرين للنزهه بدون محرم ونشوف ايضآ بنات يدرسون برى ونتصادف معهم في مطاعم وقهاوي (( الشيشه )) !!! ولا معهم سوى خادمه او ( القير فرند ) في السفر (( وانا لا اعـمــم عـلى الـجــمــــيـــــــع )) ولاكن يجب ان ننظر في هذه الفئه التي ممكن مع الايام تقع والعياذ بالله مثل المخدرات والمسكرات وهنا لايـــلام ســـواء زوجـهـا او والـدهـــا او اخــوها الذي رضـا عليها بأن تــتـصـرف وكأنها رجــل وليـس امرأه ,, وفي النهاية الله الحافظ ,, مع العلم فيه فئه قليله مضطره ولاحول ولاقوة الا بالله ونسأل الله تعالى ان يحفظ جميع نساء المسلمين .

وهـنـــــا يــتــــطـــلـب ان يـكــون مـعـهـــا مـحرم حتى لاتقع في مثل هذه الامور

هذا إلي ذبحنا أخوي واسمح لي ،سوء الظن أموت واعرف ليش الرياييل عندهم فكرة غن البنت إذا كانت بروحها بتسوي شيء غلط ؟ ترى عادي تسوي شي غلط وهي في قوطي حتى ، ليش دايما نربط الحرية بالانفلات ، كثير من الرجال في مجتمعاتنا يدعي الخوف على أهله ، ولكن الحقيقة هي الخوف من أهله

دمتم برقي

[طير حوران]

تحياتي

تفضل ومن الفقهاء المعاصرين الذين ذهبوا إلى جواز سفر المرأة دون محرم عند وجود الأمن الشيخ ابن جرين ـ رحمه الله ـ حيث قال في الفتوى رقم (7286):

فالذي أراه جواز سفر المرأة في الطائرة، لمدة نصف يوم أو ثلثيه، بحيث يوصلها المحرم الأول إلى المطار، ويتصل بالمحرم الثاني ليستقبلها في البلد الثاني، ولا خلوة في الطائرة، والمرأة كسائر الراكبات، وليس هناك مجال للخوف عليها، والاحتمالات التي تقدر نادرة الوجود، والأصل السلامة، وهذا يعم السفر للحج وغيره، وهذا ما ترجح عندي رفقًا بالمسلمين. أ.هـ

ومن الذين أجازوا سفر المرأة من غير محرم عند الأمن ووجود الثقات فضيلة الشيخ القرضاوي ومما قاله بعدما أورد أدلة الجواز:

ونود أن نضيف هنا قاعدتين جليلتين :

أولا: أن الأصل في أحكام العادات والمعاملات هو الالتفات إلى المعاني والمقاصد بخلاف أحكام العبادات، فإن الأصل فيها هو التعبد والامتثال، دون الالتفات إلى المعاني والمقاصد . كما قرر ذلك الإمام الشاطبي ووضحه واستدل له.



ثانيا: إنَّ ما حرم لذاته لا يباح إلا للضرورة، أما ما حرم لسد الذريعة فيباح للحاجة . ولا ريب أن سفر المرأة بغير محرم مما حرم سدًا للذريعة.



كما يجب أن نضيف أن السفر في عصرنا، لم يعد كالسفر في الأزمنة الماضية، محفوفًا بالمخاطر لما فيه من اجتياز الفلوات، والتعرض للصوص وقطاع الطرق وغيرهم. بل أصبح السفر بواسطة أدوات نقل تجمع العدد الكثير من الناس في العادة، كالبواخر والطائرات، والسيارات الكبيرة، أو الصغيرة التي تخرج في قوافل .

وهذا يجعل الثقة موفورة، ويطرد من الأنفس الخوف على المرأة؛ لأنها لن تكون وحدها في موطن من المواطن.

ولهذا لا حرج أن تسافر مع توافر هذا الجو الذي يوحي بكل اطمئنان وأمان. [2]أ.هـ

الخلاصة:

الأصل في المسألة هو منع المرأة من السفر دون محرم، وهذا رأي الجمهور، فإذا كانت المرأة ليست تحت ‏ضرورة ملجئة فعليها إن أرادت السفر أن تكون مع محرم لها أو مع زوج عملا بقول جمهورالعلماء.

أما إن كانت المرأة تحت ضرورة ملجئة، أو تحتاج لهذا السفر لنفع نفسها وبيتها وأسرتها ووطنها، ولا تستطيع أن تتخلى عنه، فيسعها قول من أجاز لها السفر دون محرم بشرط وجود الرفقة المأمونة، ووجود الأمن وانتفاء الريب، وألا تتعرض المرأة للإيذاء والابتذال، وإلا حرم سفرها.

والله أعلم.

اختي العزيزه جزاك الله خير

كل يؤخذ منه ويرد الا صاحب هذا القبر صلى الله عليه وسلم

ومن عمل من الجمهور بفتوى اباحه ماهو واضح في القرأن والسنه فهو شريك لمن افتى في الاثم

[أم نواري1]

وتحياتي لك
بس عفوا أنا مب فقيهه عشان أجوف الآيات وأعرف الأحاديث أنا من عامة المسلمين ودام في رجال ثقات ومشايخ وعلماء هم من يقومون بهالدور ،ليش تبيني أصير مفتيه ،آنا علي أختار إلي يناسبني دام حلال ومايضرني


أنا ماقلت لج صيري مفتية يا حبيبتي أنتي ومعاج أختج :shy:
لكن قتلج شنو الأدلة والآيات وشنو المواقف اللي خلت هالعلماء يبيحون للبعض السفر من غير محرم



الأصل في الدين الإباحة ياخوي ، لكن بزمنا كل شي حرام ،ليش ترى الحياة جميلة ،والإنسان يحب يستمتع بحدود العقل ،أرجع وأكرر كلامي ، إلي تسافر تسافر الله يحفظها ، ليش دايما نصر إلي تسافر بروحها آثمة وسوت منكر ، ترى صكوك الجنة مب بيدنا ،
لكن لحد يقعد يفتي من الجانب إلي هو يجوفه ؟ فكر معاي أخوي
كل إلبنات إلي درسوا برع آثمات ؟
كل الموظفات إلي رايحين دورات أو مؤتمرات آثمات ؟
رجاء لاتضيقون عالعالم
إلي فهمته عن نفسي إن الإنسان مخير مب مسير ، الله قال لنا "لا إكراه في الدين " ،واحنا اليوم نكفر إلي تسافر بروحها
كل إنسان له ظروفع وقناعاته واختياراته ، والي لازم أسويه احترم جميع الآراء عجبتني ولا ماعجبتني ، مايحق لي أقول إن الي يمنع هله من السفر دين وخلوق ( وما شاء الله ) ولا أرمي إلي تسافر بروحها بالفجور ،لأنه مالي حق ، ورب العباد بيحاسبنا ، احنا من عشان نقعد نحكم عالعالم


نعم الدين يسر وليس عسر
والحلال بين والحرام بين
وأوامر ربي لازم ننفذها

لما أجي أقول ربي حرم سفر المرأة بدون محرم إلا لضرورة ومع رفقة آمنة
مثل الحج أو العلاج لمرض خطير وماله علاج بالديرة مثلا
وماقلنا اللي يمنع دين واللي يسمح فاسق

بعض النساء ممن حججن متوفر لها محرم
لكن راحت بروحها هذي ربج يتقبل حجها لكنها عاصية

والحياة جميلة وراح تكون أجمل لو تمسكنا بشرع ربي
والرخص نستعملها بحدود الشرع



أخيرا رايي آخذ إلي يناسبني دام في علماء أفتوا إنه حلال ، شلون أفتوا هذي مب شغلي ، ما دعي العلم ،ولا أكلف نفسي ، وبعدين احنا نتكلم بميزان العقل ،يعني حسستوني إن المرة مطيحه دبي والبحرين كل ويك إند ، لو مرة بتسافر يمكن مرة في السنة مع أمها وخواتها شالمشكلة ؟

كيف شلون أفتوا مب شغلتج.؟!

الحين لو مطعم أو بلد سياحي بنسأل ونبحث وندور الأحسن
ويوم نجي للدين مب مهم كيف أفتوا وشلون أجازوا

مو طيب يمكن أفتوا لشخص وانتي خذتي بفتوى هالشخص
وحالج يختلف عن حاله

اللي أباحوا له بنفس الوقت ممكن يحرمون لج :)

هذا القصد

فالخلاصة إذا كنتي مضطرة لحج أو علاج مع رفقة صالحة توكلي
وإذا كان هربا بالدين هذي من غير محرم تجوز لكن بإذن الله مانوصل لهالمرحلة

سهلوا الدين عالناس لاتعقدونه كل شي حرام ، حتى حاطين الهارلي بعد حرام


شبقى بعد ؟

دمتم برقي

ردي باللون الأحمر

بحفظ الله

[Dmy Enabi]

ردي باللون الأحمر

بحفظ الله

تحياتي وتقديري واحترامي لك لسعة صدرك في النقاش
وفي النهاية رأيك وأحترمه

تحياتي

[طير حوران]

ردي باللون الأحمر

بحفظ الله

سبحانك لااله الا انت اني كنت من الظالمين

اختي العزيزه يعلم الله انني اتيت لأاكتب ماذكرتيه بالضبط في مداخلتك مع الاخت العزيزه/ دمي عنابي

جزاك الله الجنه ومتعك بنعمة العلم والايمان والعقل الراجح

تحياتي

[طير حوران]

تحياتي وتقديري واحترامي لك لسعة صدرك في النقاش
وفي النهاية رأيك وأحترمه

تحياتي

اختي العزيزه جزاك الله خير نحن من نحترمك ونقدرك على سعة صدرك لما اتى من الجميع من مداخلات في الموضوع وتقبلتي كل ذلك بصدر رحب واسلوب نقاش راقي

متعك الله بنعمة العقل والايمان

تحياتي

[Al-Kuwari]

الدين صار سوبرماركت ناخذ اللي نبيه ونخلي اللي مالنا حاجة فيه

لا حول ولا قوة الا بالله


استغفر الله العظيم واتوب اليه

[kuwari]

ناقصات عقل ودين

[Mbarkaji]

خلاص في دليل على التحريم وواضح وصحيح
أظن الحكم معروف ( مايجوز )

لحد يقعد يبرر ويقول اذا واذا

اذا البنت ماعندها محرم عشان تسافر وتتونس
لازم تصبر
الصبر افضل من فعل المحرم

كلام سليم بارك الله فيك اخوي

[بومحمد المطاوعه]

الدين صار سوبرماركت ناخذ اللي نبيه ونخلي اللي مالنا حاجة فيه

لا حول ولا قوة الا بالله


استغفر الله العظيم واتوب اليه

اي والله صدقت ياخوي بومبارك

بعض الناس لهم في هذا السوالف نفس ماقلت

الله يتوب علينا وعليهم

[أم نواري1]

تحياتي وتقديري واحترامي لك لسعة صدرك في النقاش
وفي النهاية رأيك وأحترمه

تحياتي

لا ليس برأيي بل قول الله ورسوله
ونحن علينا السمع والطاعه

هدانا الله وإياك أختي الغاليه
وحفظنا وسائر نساء المسلمين من كل سوء

وأصلح حال كثير من ولاة الأمور

بحفظ الله

[أم نواري1]

سبحانك لااله الا انت اني كنت من الظالمين

اختي العزيزه يعلم الله انني اتيت لأاكتب ماذكرتيه بالضبط في مداخلتك مع الاخت العزيزه/ دمي عنابي

جزاك الله الجنه ومتعك بنعمة العلم والايمان والعقل الراجح

تحياتي

اللهم امين ولكم بمثل وكل مسلم
والمؤمن للمؤمن ينصحه ولا يخذله
وهي أخت لنا واجب علينا نصحها باللين
جمعنا الله وإياها في فردوسه الأعلى

واللي يقول ناقصات عقل ودين
ليته يبحث فيها ويعرف نقصان العقل والدين المقصود

بحفظ الله

[mubarak750]

وتحياتي لك
بس عفوا أنا مب فقيهه عشان أجوف الآيات وأعرف الأحاديث أنا من عامة المسلمين ودام في رجال ثقات ومشايخ وعلماء هم من يقومون بهالدور ،ليش تبيني أصير مفتيه ،آنا علي أختار إلي يناسبني دام حلال ومايضرني
الأصل في الدين الإباحة ياخوي ، لكن بزمنا كل شي حرام ،ليش ترى الحياة جميلة ،والإنسان يحب يستمتع بحدود العقل ،أرجع وأكرر كلامي ، إلي تسافر تسافر الله يحفظها ، ليش دايما نصر إلي تسافر بروحها آثمة وسوت منكر ، ترى صكوك الجنة مب بيدنا ،
لكن لحد يقعد يفتي من الجانب إلي هو يجوفه ؟ فكر معاي أخوي
كل إلبنات إلي درسوا برع آثمات ؟
كل الموظفات إلي رايحين دورات أو مؤتمرات آثمات ؟
رجاء لاتضيقون عالعالم
إلي فهمته عن نفسي إن الإنسان مخير مب مسير ، الله قال لنا "لا إكراه في الدين " ،واحنا اليوم نكفر إلي تسافر بروحها
كل إنسان له ظروفع وقناعاته واختياراته ، والي لازم أسويه احترم جميع الآراء عجبتني ولا ماعجبتني ، مايحق لي أقول إن الي يمنع هله من السفر دين وخلوق ( وما شاء الله ) ولا أرمي إلي تسافر بروحها بالفجور ،لأنه مالي حق ، ورب العباد بيحاسبنا ، احنا من عشان نقعد نحكم عالعالم
أخيرا رايي آخذ إلي يناسبني دام في علماء أفتوا إنه حلال ، شلون أفتوا هذي مب شغلي ، ما دعي العلم ،ولا أكلف نفسي ، وبعدين احنا نتكلم بميزان العقل ،يعني حسستوني إن المرة مطيحه دبي والبحرين كل ويك إند ، لو مرة بتسافر يمكن مرة في السنة مع أمها وخواتها شالمشكلة ؟
سهلوا الدين عالناس لاتعقدونه كل شي حرام ، حتى حاطين الهارلي بعد حرام


شبقى بعد ؟

دمتم برقي



أكبر كلام من أكبر عقل, صدقيني أيتها الأخت الكبيرة أنا كنت متشدد وايد في هالموضوع مثل مواضيع ثانية بأسم الدين, لكن الأعتراف بالخطأ فضيلة
أيتها الأخت الكبيرة عقلا وفكرا وفهما للدين أؤيد كلامك وبقوة.وانتي على خير

[باراكودا]

أحذروا من الربيع

الهندي
لقد بدا بالانتشار وأخر الضحاية سائحة سويسرية .

[أسد الجزيرة]

يقولون الضحية عمرها اربعين سنة :eek5:

[أم نواري1]

شنو الربيع الهندي
والضحيه شصار فيها
ووين هالكلام ؟!

[أسد الجزيرة]

اكتبي ضحية سويسرية في قوقل

[دروب]

بعض الأسباب :
الجرأة
التعلق بالدنيا
قلة الوازع الديني
فبعضهم يمشي على هواه
والبعض يقول ان بعض العلماء متشددين لأن الفتوى لا توافق هواه
وهناك من يعتمد على عقله في تبرير السفر من دون محرم
حب المظاهر
التقليد بدون الرجوع الى رأي الدين

العلاج :
تذكيرها بالأحاديث النبوية التي تنص على التحريم
وان الدين صالح لكل زمان ومكان
والتذكير هذا هو ليس إظهارا لعيوب المرأة كما يفهم البعض منهن بل هو من باب الحفاظ عليها

وبالأخص الأمهات فهن قدوة لبناتهن

[مشاكل]

( وذكر ان الذكرى تنفع المؤمنين )

[لاجل QT]

نعلم علم اليقين لايجوز شرعا سفر المراءة لوحدها او مع مجموعة للوناسة

وهذا ينطبق على الرجل نعلم علم اليقين ان لايجوز سفرة الى بلاد الكفار الا للضرورة القصوى

لو الكل طبق الدين حرفيا ماكانت عندنا هالكم الهائل من المشاكل الاسرية

[sos_z]

حرامٌ لأنَّ النَّبي صلَّى الله عليه وسلَّم قالَ : ( لا تُسافِرِ المرأةُ إلاَّ معَ ذي مَحْرَمٍ ) رواه البخاري (1763) ومسلم (1341) . حتى لو كان عملها يتطلَّب ذلك ، وعليه نقول إذا كانتْ لا تجد مَحْرَماً فلا تُسافرْ .


قال تعالى : الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا {المائدة: 3}
بالنسبة للذين يحللونه بدعوى ان الزمان اتغير .. فالإسلام دين كامل صالح لكل زمان ومكان وفيه الحل والعلاج لجميع قضايا الأمة .

[sos_z]

***الله عز وجل يقول : (( وَنَزَّلْنَا عَلَيْكَ الْكِتَابَ تِبْيَانًا لِّكُلِّ شَيْءٍ )) (سورة النحل :89) .***

[sos_z]

قول النبي صلى الله عليه وسلم : " لا تسافر المرأة إلا مع ذي محرم " متفق عليه ، من حديث ابن عباس رضي الله عنهما : وقد قال الله سبحانه : (( وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ)) (سورة الحشر :7) .

[تغلبية]

قول النبي صلى الله عليه وسلم : " لا تسافر المرأة إلا مع ذي محرم " متفق عليه ، من حديث ابن عباس رضي الله عنهما : وقد قال الله سبحانه : (( وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ)) (سورة الحشر :7) .

الله يهديه المحرم .. هو سامح لهم يسافرون بدونه !!!

[sos_z]

عن أبي عبد الله النعـمان بن بشير رضي الله عـنهما قـال: سمعـت رسـول الله صلي الله عـليه وسلم يقول: (إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام كـالراعي يـرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجـسد مضغة إذا صلحـت صلح الجسد كله وإذا فـسـدت فـسـد الجسـد كـلـه ألا وهي الـقـلب)

[R 7 A L]

لاحول ولاقوة الا بالله

بعض الاخوات في هذا الموضوع متساهلات
الله يهديهم

[OREO]

شخصياً ما الوم عامة الشيعة كون اتبعوا أئمتهم و اخذوهم قدوه و مارسوا المتعة بإسم الدين ،،

البعض يقول قال الله و قال الرسول ،، و البعض الاخر يرد و يقول قال علنان و قال علتان و الحياة حلوة و الدين يسر و لا تحرمون الحرام اكثر من ماهي حرام ،، :rolleyes2:


يا بنت يو نو ارابيك ؟؟

اقري القران و احاديث رسولك بارك الله فيك و الا ما اختلفنا عن الشيعة و اليهود و النصارى و العياذ بالله ،،

[Fahad Alqahtani]

عادي شفيها !!

مافي رياييل في هالعالم شنو ما نسافر !!

صاروا الرياييل ينافسونا في الشوبينج والكشخة .. وينافسونا في الصالونات وحتى عيادات الليزر !! وفي الملابس يلبسون ملون والشعر مستشور .. ورقصهم ولا فيفي عبدو !! وسياراتهم الوردية والصفرا والحمرا والبنفسجي !!! وين الرياييل !!! لا تضحكني بس هههههههههه

فيها انه محرم شرعا .