حسبي الله ونعم الوكيل على من أجبرني على كتابة هذا الموضوع

[أبولوتس]

بسم الله الرحمن الرحيم
والصلاة والسلام على أشرف المرسلين سيدنا محمد وعلى آله وصحبه وسلم

تحية ملؤها الود والاحترام لاخواني وأخواتي أعضاء المنتدى الأكارم .

عندما تهم بكتابة موضوع جديد يمليه عليه عقلك فسوف تجد الصعوبة في كتابة الأسطر الأولى فقط ، ولكن عندما يمليه عليه قلبك فسوف تجد الصعوبة في كتابة الموضوع حتى السطر الأخير منه.

ترددت كثيرا في كتابة هذا الموضوع وأنا أعلم يقينا أن قلبي سوف يملي علي ماتكتبه أصابعي.
ولكي يصل الموضوع من القلب إلى القلب سوف أكتبه بالعامية.

إخواني وأخواتي ،أصعب شي في الحياة لما تمر جنب محل وبنتك ولا ولدك يبي شي من هذا المحل وما يكون معاك حقه وتصرفهم وتقول " بكره أن شالله يابابا اجيبلك أحسن منه ياله تأخرنا على ماما مشينا"

والي أصعب منه لما تاصل لمرحلة حتى حليب طفلك الصغير يجيبه غيرك.
والي أصعب من هذا كله لما تكون إنسان جامعي وعندك خبرات وفي دولة خليجية، وتمر عليك هذي المواقف.

لكن سبحان الله إذا عرفت انه حتى في لقمة عيشك فيه واسطات ومحسوبيات ولما تتأكد انه الفساد موجود في كل الدوائر الحكومية والخاصة، وانه الشخص الغير مناسب في المكان المناسب بسبب الواو، هنا ممكن تزول بعض علامات الاستغراب.

اذكر في يوم قالتلي الوالدة الله يطول بعمرها " الي يخاف وان أمك يطلع فوق للجبل يعيش عمرة كلة وسط الحفر، وما ترقى فوق إلا بالشهادة"
مادرت الغالية إن فوق الجبل نظام فاسد يرميك بالحجر علشان تكون تحت وسط الحفر.

أخيرا إخواني الي يخبر وظيفة لشاب سعودي معاه دبلوم سكرتارية تنفيذية لمدة سنتين ونص، وشهادة بكالوريوس من أمريكا تخصص علاقات عامة وخبرة سنتين ونص في مستشفى وسنه في بنك ، أكون له من الشاكرين بعد شكر الله سبحانه وتعالى.

والي مايعرف ، لا ينساني من الدعاء إن الله يفرج همي إنه سميع عليم.


حسبي الله ونعم الوكيل على كل شخص كائن من كان إرتضى الفساد في بلاد الحرمين وأن استجدي لقمة عيشي أنا واطفالي ( اللهم أمين).

سبحان الله وبحمده سبحان الله العظيم،،،،،

[أخت الكل]

شاب سعودي معاه دبلوم سكرتارية تنفيذية لمدة سنتين ونص

شهادة بكالوريوس من أمريكا تخصص علاقات عامة

خبرة سنتين ونص في مستشفى وسنه في بنك
أخوي الكريم

ما شاء الله تبارك الرحمن كفائة نشريها بالذهب وانت مقدم على الجنسيات العربية والأجنبية اللي ماليه الديرة بعضها على سنع وبعضا لا

تعال وقدم في المدارس المستقلة وقطاع الغاز والبترول اظن اذا ما خاب ظني هالقطاعين يقدمون راتب وسكن للموظف والاخوان يفيدونك اكثر مني

[لاجل QT]

الله يرزقك انشالله ويوفقك ويوفقنا اجمعين

[ابن الجزيرة]

شاب سعودي معاه دبلوم سكرتارية تنفيذية لمدة سنتين ونص

شهادة بكالوريوس من أمريكا تخصص علاقات عامة

خبرة سنتين ونص في مستشفى وسنه في بنك
سبحان الله وانا الذي افكر ان السعودية خالية من البطالة خاصة بطالة المتعلمين

بلد ينتج اكثر من 12 مليون برميل من النفط ولا تستطيع ان تجد وظيفة ؟؟؟

طيب ليش ما تبدا عمل خاص هناك الكثير من الناجحين في هذا العمل؟؟

[Dana’1]

الله يوفقك يابو لوتس وتنال ما تتمنى وأكثر ..والله يفرج عليك وعلى أطفالك
ممكن أعرف أنت بأي منطقة بالسعودية إذا مافيها حرج
حسب ما ذكرت بالسيرة الذاتية المختصرة لفت نظري
إنك كنت موظف سنتين بالمستشفى وسنة في بنك ليش تركت العمل في هالقطاعين ؟ يعني تركتها لتحسين الوضع أم انك ما كنت مترسم بهذي الوظايف؟!

بالتوفيق لك

[نورهان88]

الله يوفقك أن شاءالله

[غرِيبهـ]

شاب سعودي معاه دبلوم سكرتارية تنفيذية لمدة سنتين ونص

شهادة بكالوريوس من أمريكا تخصص علاقات عامة

خبرة سنتين ونص في مستشفى وسنه في بنك
سبحان الله وانا الذي افكر ان السعودية خالية من البطالة خاصة بطالة المتعلمين

بلد ينتج اكثر من 12 مليون برميل من النفط ولا تستطيع ان تجد وظيفة ؟؟؟

طيب ليش ما تبدا عمل خاص هناك الكثير من الناجحين في هذا العمل؟؟

تابع برنامج الثامنة مع داوود الشريان
وسترى العجب العجاب فيها بطالة فساد اخطاء

اللي اعرفه ان السعودين صعب يتوظفون في قطر
ويمكن هالشي تغير احين
وخاصة بعد الزيارة الاخيرة لولي عهد السعودية لقطر وتوقيع اتفاقيات
اتمنى يعاملونهم نفس العمانيين ويتيحون لهم فرص عمل في قطر
بنسب متوازنة

الله يفرج همك اخوي و تحصل على الوظيفة اللي تتمناها

[الخيالة]

الله يوفقك اخوي

[al-marri]

الله يعينك يرزقك بالوظيفة الزينه ويوفقك يارب

التوظيف في قطر مب صعب للخليجين ابدا ... انا اعرف سعودين في البترول وفي قطاعات ثانيه خاصه في قطر

تعال لقطر بنفسك واقعد لك كم يوم وقدم على الوظايف بنفسك اذا تقدر

ومؤهلاتك ممتازه وعندك خبره وراح تحصل لك وظيفه زينه ان شاء الله

لاكن حاول انك تجي بنفسك وتقدم .... واسال الله لك التوفيق يا ابو لوتس

[رهج السنابك]

اذا لك خاطر تشتغل في قطر لا تيأس حاول وحاول تعال بنفسك وقدم في شركات توظيف تساعدك وفي قطاعات تشغلك بسرعه مثل البنوك عندنا يشغلون ويبون موظفين وفي عندك قطاعات التأمين وفي عندك العسكرية يشغلون اردنيين وسودانيين انت اولى


عندنا منطقة الابراج هالمنطقة كل برج فيها من ست الى سبع جهات عمل يعني يوم واحد بتكون مريت على اكثر من 40 جهة عمل بمكان واحد روح لهم واطلب تدخل على الموارد البشرية وكلم المدير او حد مسؤل بتحصل صدقني بتحصل

اللي يسعى بيحصل

ياليتني لو كنت مسؤله او بيدي شي كان ساعدتك

ربي يفرج يهمك

؛

[فراغ]

والله يا خوي أنتا أولا من ألآجانب في الحصول على الوظائف في دول الخليج فالخليج للخليجيين وليس للأجانب
لكن شتقول فيه عدات عقبات تعترض مواطنيين الخليج
من يومين سمعنى قطري محجوز في دولة خليجية بدون ذكر السبب
ترى عيببنا منا وفينا وأذا صابتنا مشكلة طلبنا من بعضنا المساعدة
وينا وقت الرخى من بعض نعرف الأجنبي
ووقت الشده قعدنا نستنجد بربعنا وينا عنهم وقت الرخى
الله يهدي بس
ترانا ساعدنا دول بعيده عنا وأخرتها سبونا وربعنا ناسينهم

[أبولوتس]

أخت الكل@ شكرا لمرورك الكريم والله يجزاك خير، هنا الشهادة مالها قيمة إذا ما عندك واو.

لأجل qt@ شكرا لك.

ابن الجزيرة@ ماهي حكاية عدد البراميل المباعة السؤال ( آلية تصريف العائد النفطي لمين وكيف؟) شكرا لك

أختي ديور@ الله يجزاك خير على كلامك الطيب.
أنا من الرياض وتركت العمل لأني كنت أطمح للأفضل، كملت دراستي الأكاديمية والآن لي أكثر من سنة أبحث عن وظيفية

نورهان، غريبة ، ملكة الزهور @ شكرا لمروركم العطر.

المري@ أن شالله أني جاي لقطر الثلاثاء أن شالله والله ييسر.

الأرستقراطية @ كلامك طيب الله يجزاك الجنة.

[النجلا]

الله ييسر لك اموورك يآرب ويفرجهاآ عليك ..

وبالنسبة للاخوة الاعضاء اللي قالوا توظيف الخليجي مب صعب ..

اقولكم توظيف بوعيون زرق وخضر هو اللي مب صعب لكن الخليجي للأسف ومع احترامي الهندي له مكانه أعلى من الخليجي في دوائرنا الحكومية وفي أولوية التوظيف .. :)

[النجلا]

اتوقع المنتدى مليآن مدراء ورؤوساء اقسام وووو .. يللا شوفوا للرجآل وظيفة تناسب مؤهلاته وشهاداته

[أبولوتس]

فراغ@ صدقت عقدة الأجنبي مشكلة في دول الخليج ، وسبحان الله خيرنا دايم برى ، ولما تسأل ليه؟ يقولك بسبب لسياسة الخارجية!! طيب ياخي متى تهتمو بالسياسة الداخلية؟

النجلا@ الله يرفع قدرك ويخليلك حمد والنجلا ، شكرا لمرورك الكريم

[قطريه22]

الله يعينك يرزقك بالوظيفة الزينه ويوفقك يارب

التوظيف في قطر مب صعب للخليجين ابدا ... انا اعرف سعودين في البترول وفي قطاعات ثانيه خاصه في قطر

تعال لقطر بنفسك واقعد لك كم يوم وقدم على الوظايف بنفسك اذا تقدر

ومؤهلاتك ممتازه وعندك خبره وراح تحصل لك وظيفه زينه ان شاء الله

لاكن حاول انك تجي بنفسك وتقدم .... واسال الله لك التوفيق يا ابو لوتس



لااخوي في هالشي غلطت


كل دول الخليج تتوظف بسهوله في قطر الا السعوديين

مادري شالسبب اعرف ناس سنين يدورون شغل مب لاقين وهم مواليد قطر بس الجنسيه سعوديه

جرب تسال الاماكن الحكوميه او الخاصه في قطر تاخذون سعوديين بيقولون لك لا

والله يوفقك اخوي

[Fendi]

لاحول ولاقوة الا بالله

[chillis]

الشركات الخاصه وبالذات الاجنبيه مثل شركات البترول يعين،ن اي جنسيه اذا كان كفو وعنده خبره جرب وربي يرزقك

[ka2ka2]

الله يوفقك وان شاء الله تحصل مبتغاك
انا سعودي وجيت الى قطر قبل شهرين للبحث على وظيفة
قطاع الخاص اذا عندك انلكيزي حياك الله , اما قطاع الحكومي القطري يالله يحصل بصعوبة

اذا حصلت وظيفة لا تنسنا يالغالي ,,, الله يوفقك

[بنت المطر]

الله يفرجها عليك يأرب ويرزقك من حيث لا تحتسب

الله يرزقك الخير كله عاجله واجله يأررب

الله يبارك لك في رزقك

[الصريحه]

الله يفتح لك ابواب رزقه
الافضل في حال عدم سد شواغر الوظائف في قطر ياخذون اهل الخليج
هم اولى واقرب ولهم نفس العوايد ونفس الانتماء
ماادري وش اقول قهر والله يرزقك من اوسع ابوابه

[العتيبـــــي]

حاول تستغني عن
الكماليات مثل
الانترنت
اللي انت الان شابك
منه .. وبقيمتها
اشتر حليب لـ طفلك ..

يعني فكنا من
المبالغات
اللي ( تمصع القلب )
وتخلينا نبكي
حزناً والماً على
حالك !!

تبي وظيفه في قطر
قل يا اهل المنتدى
اللي يقدر يوظفني
وبراتب ( مغري ) جداً
هذي هي مؤهلاتي ..

الرواتب في السعوديه
ماملت عيني .. ابي
مثل رواتبكم ^_^



بس لاتقعد ( تتضيعف )
هنا .. وامي قالت لي ..
وانا قلت لـ امي ..
وانا مسكين .. ماقدر
اشتري حليب
لـ طفلي ..

مؤهلاتك ..لا بأس بها
وانا متأكد انها
توظفك بالراحه ..
بس انت لك مطامع
اخرى ..
وياليتك جبتها بشكل
صريح .. بدلاً من فيلم
الدراما اللي
انت مسويه..

[راشد محمد]

الله يوفقك أن شاءالله

[عاشق العديد]

السلام عليكم ..

كيف حالك اخوي ان شاء الله بخير ..

الله يفك عوقققك والله كريم الصبر ..

الرزق من عند الله .. وربي راح يكتب لك الخير ..

اذا لغتك الانجليزيه ممتازه .. جرب تقدم عن طريق هالوبسايت .. شركه جديده توها فاتحه وفاتحه مجال للموظفين .. والاهم من ذالك اللغه الانجليزيه .. والله يوفقك لو كان في مجال ..

http://www.qstec.com/ شركه جديده للطاقه الشمسيه الشركه الام والداعم لها قطر فونديشن وهي احد فروعها .. ولها مميزات وراتب حلو باذن الله .. والله يوفقك للي فيه الخير ..

[دااانة قطر]

الله يعينك ويرزقك بالوظيفة الزينه ويوفقك يارب

[almaf1a]

شهادتك وخبرتك ممتازه
لو تشوف الاوروبين الي شغاليين بمناصب عندنا ولا يفهمون شئ راح تنصدم بالرغم من ان الوظائف الي ماسكينها تتطلب خبره عشر سنين على الاقل الا انهم مزورين سنين الخبره تلقى الواحد منهم يدرس في بلاده ويتخرج سنة 2010 ويتوظف في 2011 على اساس عنده خبرة 10 سنين وهي خبره خرطي عبارة عن شغل بارت تايم مع الدراسه

[ka2ka2]

حاول تستغني عن
الكماليات مثل
الانترنت
اللي انت الان شابك
منه .. وبقيمتها
اشتر حليب لـ طفلك ..

يعني فكنا من
المبالغات
اللي ( تمصع القلب )
وتخلينا نبكي
حزناً والماً على
حالك !!

تبي وظيفه في قطر
قل يا اهل المنتدى
اللي يقدر يوظفني
وبراتب ( مغري ) جداً
هذي هي مؤهلاتي ..

الرواتب في السعوديه
ماملت عيني .. ابي
مثل رواتبكم ^_^



بس لاتقعد ( تتضيعف )
هنا .. وامي قالت لي ..
وانا قلت لـ امي ..
وانا مسكين .. ماقدر
اشتري حليب
لـ طفلي ..

مؤهلاتك ..لا بأس بها
وانا متأكد انها
توظفك بالراحه ..
بس انت لك مطامع
اخرى ..
وياليتك جبتها بشكل
صريح .. بدلاً من فيلم
الدراما اللي
انت مسويه..



من زين الرواتب في السعودية الشركات 3000 - 4000 والحكومي 4000- 6000

[al-marri]

لااخوي في هالشي غلطت


كل دول الخليج تتوظف بسهوله في قطر الا السعوديين

مادري شالسبب اعرف ناس سنين يدورون شغل مب لاقين وهم مواليد قطر بس الجنسيه سعوديه

جرب تسال الاماكن الحكوميه او الخاصه في قطر تاخذون سعوديين بيقولون لك لا

والله يوفقك اخوي



لا الشيخه ما غلطت ... قبل لا ارد على الموضوع انا اعرف 5 اشخاص سعوديين

توهم متوظفين في قطر من 3 شهور وجاي ... 2 منهم في شركه قطر للبترول ( سيكورتي ) الراتب لا يقل عن 11 الف ... و واحد في وقود ... و2 في مدارس مستقله ... 3 منهم حملة شهادات ثانويه فقط .

على هالاساس انا رديت على الموضوع ... والوظايف موجوده ويبيلها واحد يروح ويقدم ... مايقعد في البيت وينقل كلام فلان وعلان ان الوظايف مو متوفره ..

[q1989]

بالتوفيق

[أبولوتس]

الله يجزاه خير ويرحم والدية كل من خصني بالدعاء أو دلني على مكان اقدم عليه أو أرسلي خاص وعرض علي المساعدة.

العتيبي@ المسلسلات الدرامية تحصلها على أم بي سي دراما ما تحصلها عندي هنا وكلن يرى الناس بعين طبعه

الشخص الي يسخر من هموم الناس ومشاكلهم ينرد عليه بأسلوب مافيه أي نوع من الاحترام، لكن الحشيمة لأعضاء المنتدى.

كنت أتمنى تتحرول أصابعك قبل ما تجيب طاري الوالدة بأسلوب إستهزائي مقيت، إن دل على شي يدل على أسلوبك الشوارعي.

أخيرا الله يبيليك بالهم الذي إبتلاني به ، اللهم أمين.

[ام السعف]

الله يفتحها عليك وين ما كنت انت وكل محتاج وصاحب ضيق امين يارب العالمين

[ضوى]

حاول تستغني عن
الكماليات مثل
الانترنت
اللي انت الان شابك
منه .. وبقيمتها
اشتر حليب لـ طفلك ..

يعني فكنا من
المبالغات
اللي ( تمصع القلب )
وتخلينا نبكي
حزناً والماً على
حالك !!

تبي وظيفه في قطر
قل يا اهل المنتدى
اللي يقدر يوظفني
وبراتب ( مغري ) جداً
هذي هي مؤهلاتي ..

الرواتب في السعوديه
ماملت عيني .. ابي
مثل رواتبكم ^_^



بس لاتقعد ( تتضيعف )
هنا .. وامي قالت لي ..
وانا قلت لـ امي ..
وانا مسكين .. ماقدر
اشتري حليب
لـ طفلي ..

مؤهلاتك ..لا بأس بها
وانا متأكد انها
توظفك بالراحه ..
بس انت لك مطامع
اخرى ..
وياليتك جبتها بشكل
صريح .. بدلاً من فيلم
الدراما اللي
انت مسويه..




العتيبي انت عضو غير مهذب واسلوبك غير مقبول في منتدى الاسهم وياليت الادارة تتخذ معاك الاجراء المناسب

[امـ حمد]

الله يوفقك اخوي ويرزقك من حيث لا تحتسب

[الفنان]

حاول تستغني عن
الكماليات مثل
الانترنت
اللي انت الان شابك
منه .. وبقيمتها
اشتر حليب لـ طفلك ..

يعني فكنا من
المبالغات
اللي ( تمصع القلب )
وتخلينا نبكي
حزناً والماً على
حالك !!

تبي وظيفه في قطر
قل يا اهل المنتدى
اللي يقدر يوظفني
وبراتب ( مغري ) جداً
هذي هي مؤهلاتي ..

الرواتب في السعوديه
ماملت عيني .. ابي
مثل رواتبكم ^_^



بس لاتقعد ( تتضيعف )
هنا .. وامي قالت لي ..
وانا قلت لـ امي ..
وانا مسكين .. ماقدر
اشتري حليب
لـ طفلي ..

مؤهلاتك ..لا بأس بها
وانا متأكد انها
توظفك بالراحه ..
بس انت لك مطامع
اخرى ..
وياليتك جبتها بشكل
صريح .. بدلاً من فيلم
الدراما اللي
انت مسويه..


في كل رد لك تثبت انك انسان تافه