ابي معلومات عن شنغهاي

[داعم طوفه]

السلام عليكم ابي معلومات عن مدينة شنغهاي واذا احد راح هناك هل يمدح المدينة ولى واذا في مترجم هناك ازودنا برقم المترجمescapeescape

[Chambray]

اقدر اساعدك بالسكن صراحة ..

اسألني عن الفنادق والشقق وحاضرين لك

[Chambray]

افضلهم صراحة وارقاهم
The Peninsula Shanghai


http://media-cdn.tripadvisor.com/media/photo-s/01/ed/28/3e/peninsula-shanghai.jpg




IFC Residence
http://www.moveandstay.com/picture_apartments/ground_floor_entrance_with_signage1_40595.jpg

http://afso.net/wp-content/uploads/2012/09/afso_p_ifcr_10-816x540.jpg

http://www.eexrealestate.com/houses/big/2012425/ifc_living.jpg

عندك فندق
The Ritz-Carlton Shanghai, Pudong

وعندك
Les Suites Orient, Bund Shanghai

[التيما]

شانغهاي تسمى باريس الشرق .. روعه صراحة قعدت فيها كم يوم بطريقي لبكين من غوانزو .. مكاتب الترجمة بتحصلها كثير بس الزين في شانغهاي أنهم يتكلمون انجليزي مؤ مثل غوانزوا وبكين ..

[naklan]

انا زرت شنغهاي عجيبهة :nice:
الشارع الاول والاجمل هو نانجنغ رود
شارع مشاه جميل الصراحة الشرح يطول
لكن اقولك تابع التقريرعن شنغهاي


الرابط

http://travel.maktoob.com/vb/travel389138/

[naklan]

معلومات منقولة
شنغهاي هي عاصمة الصين التجاريه
وهي الخيار الاول للأوربيين
اهم المعالم فيها( برج الؤلؤة) التفزيون..ثالث اعلى برج في العالم والأعلى في اسيا


انت اللى يهمك هو شارع شارع نانجينغ (Nanjing) الشارع الاول بالصين المشهور
فيه المجمعات والمحلات والاسواق والطاعم طوله تقريبا 5 كيلوا( زيارته في المساء) لها طابع خاص

والاماكن السياحه
نهر هوانغبو -حديقة يويوان - متحف شنغهاي

واذا ودك تطيعني:)
اركب القطار.. ساعتين وانت في مدينه ايوو
وروح لسوق الفوتيان.. حرام تطوف هالفرصه\ يوم واحد فقط ما يأثر
واستمتع بالسوق واشتر الهديا الرخيصه من هناك
واذا ما يمديك بسبب عملك شارع نانجينغ يكفي

[naklan]

وهذه معلومات اخرى منقولة

اخوي ..علشان ما اعقد لك الامور وتكون سهله وبسيطه
كل شغلك بيكون مع الرسبشن.
اي شي تبيه قولهم بالانجليزي طبعاً وهم يكتبونه علي ورقه بالصيني
يعني تبي سوق معين قولهم ابي سوق الساعات ...وهكذا
حتي القطار..

اعتقد..ولست جازماً
بان محطه القطار بشنغهاي اللوحات الارشاديه بالانجليزي عكس كوانزوا كلها صيني
وكذلك موزعين التذاكر.. يتكلمون الانجليزيه..لانها شنغهاي منطقه الاوربين
مدام سفرتك بشهر اربعه يمديني ان شاء الله قابلة صاحبي او اتصلت فيها
لانه خبره بشتغهاي

اذا المدام تلبس نقاب..الله يعينك:)
واحد يسولف لي يقول كل ما ادش انا وزوجتي محل ( الجهال الصينيين يبكون)
لانها سترها الله دنيا واخره منقبه
لا تستغرب نظرتهم لك بشكل يشكك في نفسك
ابتسم دائماً في وجوههم
الصيني اهم شيء لديه
1- العمل
2- الاكل
اخذت كروت الفندق واحد معاك وواحد مع المدام.. علشان لاتضيعون
ومنه تعطونه التكسي اذا بغيتو تردون للفندق( او لا سمح الله ضيعتو بعض)

اخذ معاك من الكويت عملته ( رممبي- يوان) تقريبا 1000 رممبي
اخر مره صرفت كان 100 رممبي = 4.200
وباق يالعمله اخذها دولار..
وحين تصرف دولارات من الصرافين بالصين.. ضعها علي جهاز كشف النقود المزوره
وحاول قد ما تقدر ما تستخدم الصرف الالي هناك.لانه مرات يعطي فلوس مزوره

التكسي..
خل معاك( خرده) ولا تعطيه مبلغ كبير علشان ما يرد لك فلوس مزوره


يفضل انك ما تاخذ ملابس كثيره وانت مسافر وقد ما تقدر خفف الوزن
علشان بالرده تحط الهدايا والمشتروات بدون ما يحسب عليك وزن زايد
واذا خربتها وشريت كميات كبيره اشحنها علي الخطوط التايلنديه جوي
خلال ثلاث ايام تقريبا توصل للكويت والكيلوا 1.250


ملاحظه مهمه:-
قبل لا تسافر اطبع عنوان الفندق بالصيني علشان تعطيه التكسي من المطار للفندق

المعلومات كثيره.. بس ناسيهم لنا عوده اذا تذكرت شيء

بالنسبه للمواصلات من المطار للفندق و العكس أنا رتبتها مع الفندق و بيوفرون لي سياره خاصه تنطرني إن شاء الله ..

[داعم طوفه]

جزاكم الله خير وان شاء الله في انتظاركم على المعلومات