حملة وظفهم ( الاسهم القطرية )

[Nojoom]

حملة وظفهم

هذا الموضوع رسالة الى كل قطري هنا في المنتدى او متابع لهذا المنتدى
كثرت في الاونه الاخيره اصوات ابناء وبنات البلد الباحثين عن وظيفة
ويوم بعد يوم يزداد عدد العاطلين عن العمل ؟
كثر اللوم على الدولة وعلى الجهات الحكوميه والخاصة بِشأن التوظيف
ولكن لا صوت لمن تنادي .
هنا اطرح سؤالي اين انتم ايها القطريون من هذا الموضوع
هذا المنتدى يعد من اكبر المنتديات التي تجمع القطرين
ولا شك ان هنالك الكثير من يستطيع ان يساهم في حل هذه المشكله
لذالك اعلم ان صوتي سوف يصل لكم
ان كنتم انتوا ابناء الوطن لا تساعدون بعضكم البعض ..فما عسانا ان نقول ؟

حملة وظفهم من خلال منتدى شبكة الاسهم القطرية
اتمنى ان تكون حملة تحقق ما لم يستطع تحقيقه لا وزارة العمل ولا المعرض المهني.
اتمنى ان نشاهد من خلال هذا الموضوع طلبات حقيقية للعمل
املك حتى الان
8 سير ذاتية لشباب وبنات قطرين يبحثون عن عمل ورقم سوف يزداد بلا شك .
كذالك اتمنى من الاعضاء الباحثين عن العمل وضع او ارسال معلومات مبدئية عن مؤهلاتهم
لنقوم بحصرها ومتابعتها .
وهنا ننتظر الخطوه الاولى والمبادره الولى بطلب وتوظيف القطرين العاطلين عن العمل .

[فيروزه]

جزاك الله خير عالطرح بالتوفيق

[intesar]

لا هم متابعين جيداً ويدرون وعارفين ويقرأون ولا عذر لديهم..
لكن أضم صوتي وتساؤلاتي
لماذا
ومتى

ودمتم بحفظ الرحمن

[Nojoom]

للأسف عدد المشاهدات لا يتناسب مع عدد الردود

وحتى لان لا يوجد اي مبادره من اي شخص .

وكلنا نعلم ان هناك الكثير من رواد هذا المنتدى بيدهم ان يساهوا في حل هذه المشكله
ولكن مثل ماذكرت عندما لا يساعد ابن البلد اخيه او بنت البلد اختها فهذي كارثه


يشتكي لي احد الشباب ويقول

والله صرت انطوائي وماصرت احب اطلع من البيت

استحي وانا في هذا العمر اطلب من ابوي فلوس استحي اروح مع ربعي وكلن يحلف على الحساب الا انا يادوب الي معاي يكفيني

قمت القهر والانكسار واليأس لما تخلص دراستك وتبحث عن وظيفة ولا تحصل .

اي خطوه في المستقبل متعلقه في العمل والراتب

شلون اتزوج ؟ شلون اكون اسره ؟ شلون اصرف ؟ شلون ابني بيت ؟

صرت شخص حاقد وكاره لناس بسبب الوضع الي انا فيه .اجانب عايشين في ديرتي احسن مني
ومعيشين اهلهم بعد معاهم

وانا خاطري في اليوم الي استلم فيه راتب وعزل مبلغ لمي وابوي منه .



هذا كلام شخص قاله لي وكم وكم شخص مثله لكن العزه والكرامه تخليه يكتم الي في خاطره


انا موظف عادي في احد الشركات والحمدالله حاولت وسعيت في توظيف اكثر من شخص بالي اقدر عليه

لحد يقول ماقدر الكل يقدر بس بالتعاون يا اهل قطر . الاماكن كلها صارت مستعمره من قبل الاجانب وللاسف سكوتي وسكوتك راح يدفن الشباب ويزيد الاستعمار

[مــاي ورد]

ياريت يشوفون الجاليات و الجنسيات الثانيه شلون يساعدون بعضهم مب مثلنا للأسف

[Bozizoo]

انا اشوف المشكله ماهي في الدوله وعدم توظيف القطريين
المشكله بالضبط في طالب الوظيفه
لانه يطلب و ظيفه معية في وزارة معينه في ادارة معينه في قسم معين
في مكتب معين
وهذه المشكله الرئيسيه

وتحياتي للجميع

[Al-Kuwari]

^
^

هذا واحد من الأسباب

وهناك البعض اللي يقولك اي وظيفة دخيل الله بس وظفني ولا عرضت عليه وظيفة قالت ما تناسبني !

لكن احقاقاً للحق هناك من يطلب اي وظيفة وللأسف مايحصل على اي عروض

ارزاق من رب العالمين والحمدلله على كل حال

[R 7 A L]

جزاك الله خير

نسال الله التوفيق للجميع

[مشتاقة لقطر]

بالتوفيق يارب

[خزامئ]

الله يجعل فيها رزق للجميع
ابي وضيفه حق بنتي مخلصه الثنويه ابي مكان مش مختلط مع الرجال

[قــطــريــه]

والله انا كتبت موضوع قبل فترة واتهموني بأني من الناس اللي ابحث عن سيفيات الناس لأخذ معلوماتهم الشخصية مع اني كنت راح اخذ سيفياتهم واوديهم لمدير الموارد البشرية بنفسه وللعلم هو قطري لكن للأسف مانقول غير الله كريم والمشكله ترى في بعض اعضاء المنتدى اللي عندهم مرض اسمه الشك بكل شي وينقلون شكوكهم المرضيه للأعضاء وبس وصلتني مجموعه بسيطه من السيفيات كلمت بعضهم بنفسي وقابلتهم لأني كنت محتاجة اوظف في قسمي واخترت بعض السيفيات اللي تتناسب مع متطلبات الوظيفه والبعض الاخر عطيتهم لمدير الموارد البشرية ولما تتوافر الوظائف تتناسب مع مؤهلاتهم راح يتواصلون معاهم بالتأكيد

ماعرف ايش اقول الحين اللي بقوله عندكم المعرض المهني

والسلام ختام

[امـ حمد]

جزاك الله خير
الله يوفق الجميع ،
لقد تكفل الله بأرزاق الخلق وأقسم على ذلك فقال تعالى(وَفِي السَّمَاءِ رِزْقُكُمْ وَمَا تُوعَدُونَ ،فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ) (الذاريات

[تغلبية]

للأسف عدد المشاهدات لا يتناسب مع عدد الردود

وحتى لان لا يوجد اي مبادره من اي شخص .

وكلنا نعلم ان هناك الكثير من رواد هذا المنتدى بيدهم ان يساهوا في حل هذه المشكله
ولكن مثل ماذكرت عندما لا يساعد ابن البلد اخيه او بنت البلد اختها فهذي كارثه


يشتكي لي احد الشباب ويقول

والله صرت انطوائي وماصرت احب اطلع من البيت

استحي وانا في هذا العمر اطلب من ابوي فلوس استحي اروح مع ربعي وكلن يحلف على الحساب الا انا يادوب الي معاي يكفيني

قمت القهر والانكسار واليأس لما تخلص دراستك وتبحث عن وظيفة ولا تحصل .

اي خطوه في المستقبل متعلقه في العمل والراتب

شلون اتزوج ؟ شلون اكون اسره ؟ شلون اصرف ؟ شلون ابني بيت ؟

صرت شخص حاقد وكاره لناس بسبب الوضع الي انا فيه .اجانب عايشين في ديرتي احسن مني
ومعيشين اهلهم بعد معاهم

وانا خاطري في اليوم الي استلم فيه راتب وعزل مبلغ لمي وابوي منه .



هذا كلام شخص قاله لي وكم وكم شخص مثله لكن العزه والكرامه تخليه يكتم الي في خاطره


انا موظف عادي في احد الشركات والحمدالله حاولت وسعيت في توظيف اكثر من شخص بالي اقدر عليه

لحد يقول ماقدر الكل يقدر بس بالتعاون يا اهل قطر . الاماكن كلها صارت مستعمره من قبل الاجانب وللاسف سكوتي وسكوتك راح يدفن الشباب ويزيد الاستعمار


أخوي نجوم .. الله يجزاك خير على المبادرة الطيبة ..

وودنا نساعد باللي نقدر عليه .. مع اني موظفة .. مالي سلطة على التوظيف


بس بقولك شي .. ولرفيقك ..

انا ممكن احضر المقابلات ويكون لي راي في اللجنة ..

لما يجيني واحد مثل رفيقك اللي تكلمت عنه .. برفضه حتى لو كان عنده ماجستير !

وبقولك ليش ..

حالة الياس والقنوط والاستسلام حتى لو كانت وقتية .. لها دور على الموظف الناجح ..

اللي يفرق القطريين عن الهنود تحديداً انهم حركين .. هابين ريح .. يرزون الفيس وماعندهم لا ما يصير وأنا استحي ومن هالكلام


المدير أو رئيس القسم يبي موظف يشيله .. يعتمد عليه

لازم الموظف القطري يثبت كفاءته وقدرته على العمل والوظيفة ويعايش ظروفها ...

اذا ما كان عنده تحدي بيكون موظف زيادة عدد وعبء على جهة العمل ... وعله على القلب

مالوم المدراء اذا جاب له شخص عربي يحكه وقت الدوام وعقب وقت الدوام لانه يبرد القلب


بتقولون هو قطري والدولة ملزومة توظفه .. نعم هالكلام صحيح

لكن الحين احنا صرنا بوقت المنافسة شديدة ... ماقدر ارتاح واقول انا قطري محد كفو يشلني من مكاني .. ولنا في المحالين للبند المركزي أو التقاعد خير شاهد وعبرة


السموحة منكم .. قسيت بكلامي لصالحكم يا اهل قطر ... لاااااااازم يكون عندكم تحدي للوظيفة والا منتو بمحصلينها


من جهة ثانية شخصية :

ليش رفيقك ياخذ مصروفه من ابوه ؟!


هو يقدر يشتغل ويدخل حتى لو مبلغ بسيط

يستثمر في اي شي يحبه

لو يحب الحمام ... يقدر يشتري ويبيع في الحمام

لو له في الارقام يقدر يبيع ويشتري .. او المواتر .. او اي شي يحبه


في المنتدى هني تجار اعمارهم على 18 سنة .. وانا قد تعاملت مع تاجر كاميرات صف اول ثانوي يتيم .. يبيع ويشتري في الكاميرات ؟!

لا يضيقها وهي وسيعة .. الفرص كثيرة .. بس يبي لها من يقتنصها !

والله يوفق الجميع

[المحاميه]

ياريت والله يكون في تعاون وتنحل الازمه

[الصريحه]

أخوي نجوم .. الله يجزاك خير على المبادرة الطيبة ..

وودنا نساعد باللي نقدر عليه .. مع اني موظفة .. مالي سلطة على التوظيف


بس بقولك شي .. ولرفيقك ..

انا ممكن احضر المقابلات ويكون لي راي في اللجنة ..

لما يجيني واحد مثل رفيقك اللي تكلمت عنه .. برفضه حتى لو كان عنده ماجستير !

وبقولك ليش ..

حالة الياس والقنوط والاستسلام حتى لو كانت وقتية .. لها دور على الموظف الناجح ..

اللي يفرق القطريين عن الهنود تحديداً انهم حركين .. هابين ريح .. يرزون الفيس وماعندهم لا ما يصير وأنا استحي ومن هالكلام


المدير أو رئيس القسم يبي موظف يشيله .. يعتمد عليه

لازم الموظف القطري يثبت كفاءته وقدرته على العمل والوظيفة ويعايش ظروفها ...

اذا ما كان عنده تحدي بيكون موظف زيادة عدد وعبء على جهة العمل ... وعله على القلب

مالوم المدراء اذا جاب له شخص عربي يحكه وقت الدوام وعقب وقت الدوام لانه يبرد القلب


بتقولون هو قطري والدولة ملزومة توظفه .. نعم هالكلام صحيح

لكن الحين احنا صرنا بوقت المنافسة شديدة ... ماقدر ارتاح واقول انا قطري محد كفو يشلني من مكاني .. ولنا في المحالين للبند المركزي أو التقاعد خير شاهد وعبرة


السموحة منكم .. قسيت بكلامي لصالحكم يا اهل قطر ... لاااااااازم يكون عندكم تحدي للوظيفة والا منتو بمحصلينها


من جهة ثانية شخصية :

ليش رفيقك ياخذ مصروفه من ابوه ؟!


هو يقدر يشتغل ويدخل حتى لو مبلغ بسيط

يستثمر في اي شي يحبه

لو يحب الحمام ... يقدر يشتري ويبيع في الحمام

لو له في الارقام يقدر يبيع ويشتري .. او المواتر .. او اي شي يحبه


في المنتدى هني تجار اعمارهم على 18 سنة .. وانا قد تعاملت مع تاجر كاميرات صف اول ثانوي يتيم .. يبيع ويشتري في الكاميرات ؟!

لا يضيقها وهي وسيعة .. الفرص كثيرة .. بس يبي لها من يقتنصها !

والله يوفق الجميع

مادامج تحضرين ولج راي ساعدي الناس
ولو سمحتي شيلي من بالج هالنظره التعيسه
اي هندي هبه ريح
انا قطريه واعمل بكفاءه وبحب وهبه ريح وشغلي دقيق ومايتعطل واسوي اي شيء مب شغلي مثل الطباعه او اجلب بعض الاوراق اللتي تنقصني من الارشيف بنفسي وكذلك اطرش ردود واتصل بالتلفون كي انهي عملي بسرعه وكي لايتعطل العمل
وكل هذا مب من شغلي لكني مااحب يتاخر شغلي مع اني مثل مااسلفت مكاني مهم وشغلي حساس
واقابل مندوبين كذلك وقمه في الاحتشام والادب واللباقه وصبري عليهم طويل
واساعدهم حتى بفهم اجراءات العمل وابسطها لهم
لكن بمايقتضيه العمل وبدقه
ومثلي في الدوام كثيرات من شباب وبنات
فياليت اولا نشيل عقده الاجنبي من راسنا
وثانيا فعلا اهل البلد اولى بخيرها عيل وين يروحون ؟؟؟؟؟؟؟؟؟
واكيد اي شخص حتى انتي في مقابلتج الاولى ارتبكتي وشخصيتيج غير ومع الحين الممارسه والخبره تصيرين موظفه لديها اسلوب وثقه
يالله حاولوا وساعدوا غيركم والاجر مايضيع وصدقوني بيجي اليوم اللي حد يشيل حد من اهلك ويساعدهم مثل ماساعدتوا غيركم

[حمد 2002]

^
^

هذا واحد من الأسباب

وهناك البعض اللي يقولك اي وظيفة دخيل الله بس وظفني ولا عرضت عليه وظيفة قالت ما تناسبني !

لكن احقاقاً للحق هناك من يطلب اي وظيفة وللأسف مايحصل على اي عروض

ارزاق من رب العالمين والحمدلله على كل حال

عيل جامعي تبي اتوظفه فراش ولا مراسل !!!!!!!!

من حق كل شخص درس وتعب يختار الوظيفه الي تناسبه ،،،

من كثرهم ((هل قطر )) ، من حقهم يختااااااااااااارون الي يبوووون :)

تحياتي لك ،،،

[Al-Kuwari]

عيل جامعي تبي اتوظفه فراش ولا مراسل !!!!!!!!

من حق كل شخص درس وتعب يختار الوظيفه الي تناسبه ،،،

من كثرهم ((هل قطر )) ، من حقهم يختااااااااااااارون الي يبوووون :)

تحياتي لك ،،،


لا يا حمد مب من حقه يختار الوظيفة اللي يبيها

في شواغر وفي وظائف تناسب التخصص وملزوم يقبل فيها لو عالاقل الوظيفة الاولى منها يسد حاجته ويكتسب خبره وبعدها يدور على راحته


ومهب معقولة جامعي بوظفه فراش او مراسل , امثلتك غير واقعية

بعطيك مثال

شاب قطري متخرج من الثانوية نسبته 50% غير ملم بالانجليزية , تنعرض عليه وظيفة سكيوريتي او فني في المصنع يرفض ويقولك لا انا ابي وظيفة ادارية او ابي بعثه او ابي مدري ايش

مثال ثاني

شاب قطري , جامعي خريج ادارة اعمال , تنعرض عليه وظيفة في قسم المالية , يرفض ويقول لا انا ابي علاقات عامة , طيب العلاقات العامة مافيها شواغر ولو فيها وحسيتك مناسب قدمتها لك !!


تعوذ من ابليس يا حمد وفكر فيها بعقلانية وبدون عاطفة وبتشوف ان كلامي صحيح

مشكلة بعض شبابنا خصوصا لو كان جامعي يبي قبل ما يجي المقابلة يختار القسم والوظيفة والمكتب والدور اللي بيداوم فيه وهالشي مرفوض جملة وتفصيلاً

[حبر وقرطاس]

حملة وظفهم

هذا الموضوع رسالة الى كل قطري هنا في المنتدى او متابع لهذا المنتدى
كثرت في الاونه الاخيره اصوات ابناء وبنات البلد الباحثين عن وظيفة
ويوم بعد يوم يزداد عدد العاطلين عن العمل ؟
كثر اللوم على الدولة وعلى الجهات الحكوميه والخاصة بِشأن التوظيف
ولكن لا صوت لمن تنادي .
هنا اطرح سؤالي اين انتم ايها القطريون من هذا الموضوع
هذا المنتدى يعد من اكبر المنتديات التي تجمع القطرين
ولا شك ان هنالك الكثير من يستطيع ان يساهم في حل هذه المشكله
لذالك اعلم ان صوتي سوف يصل لكم
ان كنتم انتوا ابناء الوطن لا تساعدون بعضكم البعض ..فما عسانا ان نقول ؟

حملة وظفهم من خلال منتدى شبكة الاسهم القطرية
اتمنى ان تكون حملة تحقق ما لم يستطع تحقيقه لا وزارة العمل ولا المعرض المهني.
اتمنى ان نشاهد من خلال هذا الموضوع طلبات حقيقية للعمل
املك حتى الان
8 سير ذاتية لشباب وبنات قطرين يبحثون عن عمل ورقم سوف يزداد بلا شك .
كذالك اتمنى من الاعضاء الباحثين عن العمل وضع او ارسال معلومات مبدئية عن مؤهلاتهم
لنقوم بحصرها ومتابعتها .
وهنا ننتظر الخطوه الاولى والمبادره الولى بطلب وتوظيف القطرين العاطلين عن العمل .

كانت الدنيا لطيفه والناس قلوبها نظيفه صحيح القعده ظريفه بس لازم وظيفه
دوراتك دورات نفسيه .. خبراتك خبره حياتيه ...معشم نفسي من امس والمكتب ورى الشمسسسس...هجولوني انقجوني بس لالا لا لاتحرموني..
طاير وعقالي مايل... حاير فالزحمه حاير
عندي انترفيو موعد لا تنسووه ..هجولوني جهزوني بس ارجوكم وظفوني ..


مع تحيات المطرب قصي

[تغلبية]

مادامج تحضرين ولج راي ساعدي الناس
ولو سمحتي شيلي من بالج هالنظره التعيسه
اي هندي هبه ريح
انا قطريه واعمل بكفاءه وبحب وهبه ريح وشغلي دقيق ومايتعطل واسوي اي شيء مب شغلي مثل الطباعه او اجلب بعض الاوراق اللتي تنقصني من الارشيف بنفسي وكذلك اطرش ردود واتصل بالتلفون كي انهي عملي بسرعه وكي لايتعطل العمل
وكل هذا مب من شغلي لكني مااحب يتاخر شغلي مع اني مثل مااسلفت مكاني مهم وشغلي حساس
واقابل مندوبين كذلك وقمه في الاحتشام والادب واللباقه وصبري عليهم طويل
واساعدهم حتى بفهم اجراءات العمل وابسطها لهم
لكن بمايقتضيه العمل وبدقه
ومثلي في الدوام كثيرات من شباب وبنات
فياليت اولا نشيل عقده الاجنبي من راسنا
وثانيا فعلا اهل البلد اولى بخيرها عيل وين يروحون ؟؟؟؟؟؟؟؟؟
واكيد اي شخص حتى انتي في مقابلتج الاولى ارتبكتي وشخصيتيج غير ومع الحين الممارسه والخبره تصيرين موظفه لديها اسلوب وثقه
يالله حاولوا وساعدوا غيركم والاجر مايضيع وصدقوني بيجي اليوم اللي حد يشيل حد من اهلك ويساعدهم مثل ماساعدتوا غيركم



الحمدلله الله مطلع من فوق سابع سماء انا شاسوي .. وماعندي النظرة اللي قلتي عنها
انا طرحت للمقارنة وبحكم اللي اشوفه من واقع العمل

لكن بعد انا بساعد باللي ما يضر جهة العمل
اشرايج في موظفات جاو .. وتمسكنوا .. وقالوا ساعدونا وساعدونا .. واحنا محتاجين
وانا رايي في وحده منهم غير مناسبة للعمل او الوظيفة المطلوبة وحدها حدها طباعة
لما امسكوا الوظيفة .. اشسووا

من يجون الساعة 7 الصبح .. افرشوا الارض وارقدوا لين الساعة 8:30 قاموا يصدرون البريد !! واللي تصدر باسم غير ادارتنا :rolleyes2: للحين النودة مافكت من راسها !

والثانية ما تتنزل تمشي خطوتين تروح تجيب الورقة من الطابعة .. وقاعدة اتكابر .. "انا اروح اجيب ورقة من الطابعة .. ليش الفراش ما يجيبها لي " وهذي مابينها وبين الطابعة 10 امتار !!

انتي هابة ريح الله يعطيج الصحة والعافية و الله يكثر من امثالج .. بس لاتختزلين كل الموظفات فيج ..

اشرايج بتوظيف الشفقة والاحسان ؟! كم معاملة قاعدة اتعطل وحقوق ناس تضيع .. وهذا غير الاوراق الضايعة والبريد المفقود ؟
يعجبج هالمستوى من الاداء .. وهل في هذا الاداء تطوير وتحسن لمؤسسات الدولة؟!؟

[Al-Kuwari]

الحمدلله الله مطلع من فوق سابع سماء انا شاسوي .. وماعندي النظرة اللي قلتي عنها
انا طرحت للمقارنة وبحكم اللي اشوفه من واقع العمل

لكن بعد انا بساعد باللي ما يضر جهة العمل
اشرايج في موظفات جاو .. وتمسكنوا .. وقالوا ساعدونا وساعدونا .. واحنا محتاجين
وانا رايي في وحده منهم غير مناسبة للعمل او الوظيفة المطلوبة وحدها حدها طباعة
لما امسكوا الوظيفة .. اشسووا

من يجون الساعة 7 الصبح .. افرشوا الارض وارقدوا لين الساعة 8:30 قاموا يصدرون البريد !! واللي تصدر باسم غير ادارتنا :rolleyes2: للحين النودة مافكت من راسها !

والثانية ما تتنزل تمشي خطوتين تروح تجيب الورقة من الطابعة .. وقاعدة اتكابر .. "انا اروح اجيب ورقة من الطابعة .. ليش الفراش ما يجيبها لي " وهذي مابينها وبين الطابعة 10 امتار !!

انتي هابة ريح الله يعطيج الصحة والعافية و الله يكثر من امثالج .. بس لاتختزلين كل الموظفات فيج ..

اشرايج بتوظيف الشفقة والاحسان ؟! كم معاملة قاعدة اتعطل وحقوق ناس تضيع .. وهذا غير الاوراق الضايعة والبريد المفقود ؟
يعجبج هالمستوى من الاداء .. وهل في هذا الاداء تطوير وتحسن لمؤسسات الدولة؟!؟

اتفق معاج مليون بالمئة

العمل أمانة , والمفروض الواحد يساعد نفسه بالاول عشان الناس تساعده

واقصد يساعد نفسه بالاول اي ان يطور من نفسه ويكون قد المنافسه ويكون توظيفة لانه كفؤ وقد المنصب مهب بس لانه قطري وملزومين نوظفه

[FCB 82]

انا ادور وظيفه وللحين ماحصلت جامعيه تخصص اعلام

[تغلبية]

الله يوفقج اختي

وانتي تنتظرين .. انصحج تاخذين دورات مركز الجزيرة الاعلامي ..

مجانية للقطريين وعليها دفع رسوم تأمين يردونها لج بعد الدورة


اللي تقدرين عليه اخذيه .. لا تفوتينهم لانها بتعزز السيرة الذاتية عندج


واعرضي على الجهات تشتغلين متطوعة .. ماتبين راتب ولا مكافأة

وشدي حيلج واقنعيهم بادائج .. وخلهم يرتاحون منج و عقب هم بيطلبونج للوظيفة

وبالتوفيق إن شاءالله

[خــالــد]

لا يا حمد مب من حقه يختار الوظيفة اللي يبيها

في شواغر وفي وظائف تناسب التخصص وملزوم يقبل فيها لو عالاقل الوظيفة الاولى منها يسد حاجته ويكتسب خبره وبعدها يدور على راحته


ومهب معقولة جامعي بوظفه فراش او مراسل , امثلتك غير واقعية

بعطيك مثال

شاب قطري متخرج من الثانوية نسبته 50% غير ملم بالانجليزية , تنعرض عليه وظيفة سكيوريتي او فني في المصنع يرفض ويقولك لا انا ابي وظيفة ادارية او ابي بعثه او ابي مدري ايش

مثال ثاني

شاب قطري , جامعي خريج ادارة اعمال , تنعرض عليه وظيفة في قسم المالية , يرفض ويقول لا انا ابي علاقات عامة , طيب العلاقات العامة مافيها شواغر ولو فيها وحسيتك مناسب قدمتها لك !!


تعوذ من ابليس يا حمد وفكر فيها بعقلانية وبدون عاطفة وبتشوف ان كلامي صحيح

مشكلة بعض شبابنا خصوصا لو كان جامعي يبي قبل ما يجي المقابلة يختار القسم والوظيفة والمكتب والدور اللي بيداوم فيه وهالشي مرفوض جملة وتفصيلاً

ردك سبب لي مغص ياخي ما طفش الشباب الا هالتفكير المريض من قال لك مالة حق يختار الا يختار المكان الي يناسبة ومن حقة بعد يطور ويدرس التخصص الي يناسبة ليش انت تختار رغبة وميول كل شخص لا كلامك هذا خطاء وهذا سبب انة تشوف موظفين غير منتجين او مدير مايدري وين ربي قاطة بسبب هذا التفكير بعدين ياخي مثل ما قلت لازم يكون عندة انجليزي وتخرج ب 50% تراء مب عيب انة الوظيفة تطور اي موظف وتعطية دورات لين ما يصير شخص qualified.

تراءمرة وحدة قطري توة متخرج مسكين يبي يترزق حتى الوظيفة الي مقابلينة علشانها وظيفة اي كلام وذلوة ذل جاني الشخص الي بيقابلة يالكواري وقال لي خالد ابيك تحظر معاي المقابلة وهذا الشخص انا ادري انة رايح فيها في الشغل ولا يدري وين الشرق من الجنوب وسئال الولد وانا موجود قال لة تعرف انجليزي قال لة الولد يعني ما عرف اوكي قال لا ما يصير لازم تعرف ومانقدر نقبلك والله كنت بحثلها معة يوم قال هالكلام تعرف ليش لنة هذا الي مقابلة مايعرف انجليزي انا اكتب لة اميلتة بالشغل ياخي في ناس مريضة وهذا تفكيرها.

المفروض القطرين يختارون الوظيفة الي تناسبهم ويكون خطة التطوير مستمرة وبجدية حتى نشوف انتاج وناس تشتغل.

بسنا خرابيط يالكواري!!!

[Nojoom]

انا اشوف المشكله ماهي في الدوله وعدم توظيف القطريين
المشكله بالضبط في طالب الوظيفه
لانه يطلب و ظيفه معية في وزارة معينه في ادارة معينه في قسم معين
في مكتب معين
وهذه المشكله الرئيسيه

وتحياتي للجميع


ياخوي الشخصيه الي تتكلم عنها صدقني نادره

في ناس تتمنى الشغل في اي مكان صحيح ممكن انه يتمنى مجال معين او قطاع معين

لكن صعب ان الواحد يقدر يختار المكان الي اهو يبيه

طبعاً لما يقدم على وظيفه سيرته الذاتيه ومؤهلاته اهي الي تحدد المكان المناسب له .

[Nojoom]

^
^

هذا واحد من الأسباب

وهناك البعض اللي يقولك اي وظيفة دخيل الله بس وظفني ولا عرضت عليه وظيفة قالت ما تناسبني !

لكن احقاقاً للحق هناك من يطلب اي وظيفة وللأسف مايحصل على اي عروض

ارزاق من رب العالمين والحمدلله على كل حال



ونعم بالله .. وصدقت اخوي

الي يتطلب وظيفه وبعدها يتشرط او مثل ماذكر اخوي الي قبلك يبي وظيفه محدده فقط

هذيلا شواذ في قائمة الباحثين عن العمل

والقاعدة لا تبنى على الشواذ , الكثير من ابناء وبنات الوطن يبحثون بكل جد عن عمل , ومثل ماذكرت صحيح كل شخص وخاصه الجديد يتمنى اشياء لكن تحصله يتنازل عن الكثير من الي يتمناه حتى يحصل على عمل .

[Nojoom]

الله يجعل فيها رزق للجميع
ابي وضيفه حق بنتي مخلصه الثنويه ابي مكان مش مختلط مع الرجال


الله يوفقها ان شاء الله وتحصل على وظيفيه مناسبه

وتفرح امها باول راتب لها

خزنت اسمج عندي مع باقي الاسماء الي يبحثون عن عمل .

[Nojoom]

والله انا كتبت موضوع قبل فترة واتهموني بأني من الناس اللي ابحث عن سيفيات الناس لأخذ معلوماتهم الشخصية مع اني كنت راح اخذ سيفياتهم واوديهم لمدير الموارد البشرية بنفسه وللعلم هو قطري لكن للأسف مانقول غير الله كريم والمشكله ترى في بعض اعضاء المنتدى اللي عندهم مرض اسمه الشك بكل شي وينقلون شكوكهم المرضيه للأعضاء وبس وصلتني مجموعه بسيطه من السيفيات كلمت بعضهم بنفسي وقابلتهم لأني كنت محتاجة اوظف في قسمي واخترت بعض السيفيات اللي تتناسب مع متطلبات الوظيفه والبعض الاخر عطيتهم لمدير الموارد البشرية ولما تتوافر الوظائف تتناسب مع مؤهلاتهم راح يتواصلون معاهم بالتأكيد

ماعرف ايش اقول الحين اللي بقوله عندكم المعرض المهني

والسلام ختام



الله يجزاج خير اختي على مبادرتج الطيبه الي ذكرتيها .

ولا تلومين بعض الاعضاء لان للاسف في ناس تعرضوا لمواقف سابقه وفي بنات تعرضوا لمضايقات
بسبب ناس كانت غير جاده في طلب السيفيات .


فصار الاغلب يتخوف من ارسال معلوماته الشخصيه على ايميل غير رسمي او بمعنى ثاني جهه مجهوله .

اكرر الله يجزاج خير والله وحده او العالم بالنوايا

[مــاي ورد]

حبيت افيدكم ان في مواقع تقدرون تحطون فيها سيفياتكم مثل موقع byte.com

أو برنامج LinkedIn وهي عبارة عن شبكة للمتهمين بالعمل و الوظايف و موجودة في التلفون للبحث السريع

للامانة جاني كذا عرض عن طريقهم بس للأسف الوظيفة ما كانت أفضل من وظيفتي يعني تعادلها أو أقل منها فقلت خليني في وظيفتي الحالية ابرك لي و موقع لينكد ان يحطون وظائف و تقدرون تقدمون عليها دايركت

[عاشق العديد]

بسم الله الرحمن الرحيم ..

الوظيفه الوظيفه الوظيفه ..

الي يقول انه شباب قطر مايدورن وظايف وانه شباب قطر قاعدين وانه وانه وانه ..
انا اغلبية الربع يعني بالعربي الي ماكملنا دراسه جامعيه واكتفينا بالدراسه العاديه ..
الحمد لله متوظفين والاسم الوظيفي مايهمنا كثر ما انه العمل يهمنا وانه تخلص في عملنا ..
انا اعرف شباب منهم الي في قسم النقليات ومنهم المراسل ومنهم المندوب وكلهم شباب قطرين ويفتخرون بعملهم
لكن في بعض الردود الي تصغر هالوظايف فعيون الشباب وتخليه يعتقد انه عيب يشتغل هالشغل ومعنه والله انه اصصصعب شششغللللللللللللللل في الاداره كامله لانه كللل شي فيده وكل شي لازم هو يسويه وكل شي لازم يتم بسريه وشكل صصح ..
فلاتصغر الوظايف ياخوي حمد 2002 ترى اذا انت مدير او رئيس ترى غيرك مراسل وعاجبه شغله ..
اما عن الشغل .. انا حاليا اداوم في مكان استلم 6 وظايف ..
يومي كامل اشتغل 6 وظايف مش وظيفتين ولاوظيفه 6 ..
والحمد لله اخلاصي في عملي هو سبب الي مخلي المكان الي اان فيه يسلمني هالعمل ..
دوامي يبتدي 7 ونص وانا اداوم 7 ولا 6 ونص انا فالشغل دوامي ينتهي 3 ونص انا اطلع من الدوام 5 ولا 6 ..

الحمد لله ع كل حال صحيح تعببب لكن اخلص في عملك ولاتعطل شؤن الاخرين
وثانيا اناا اتمنى انه يفتحون الباب للقطرين وانهم يتوظفون ويمسكون مناصب ومهام سواء عاديه او عاليه
لانه اعرف انه الشباب القطرين مايقصرون وحتى البنات وصحيح في فئه معينه السلبيه الي تاخر الشغل وتجي متاخر لكن نقول نعطيهم فرصه وراح يثبتون وجودهم ..

والله الموفق والله يجزاك خير اخوي نجوم ع البادره الحلوه .. ولو فتحو مجال الوظايف في المكان الي انا فيه اول من اكلم انت .. والله يوفقك ..

[alawi23]

الله يجزاك خير ع الطرح المميز


وان شاء الله في ميزان حسناتك

[Bozizoo]

ياخوي الشخصيه الي تتكلم عنها صدقني نادره

في ناس تتمنى الشغل في اي مكان صحيح ممكن انه يتمنى مجال معين او قطاع معين

لكن صعب ان الواحد يقدر يختار المكان الي اهو يبيه

طبعاً لما يقدم على وظيفه سيرته الذاتيه ومؤهلاته اهي الي تحدد المكان المناسب له .

ابواب الشرطه و الجيش مفتوحه اهم شي معليه سوابق
وقطر للبترول للحاصلين على الثانويه العامه
يقدم اليوم بعد اسبوع يداوم
لكن بعضهم يقولك ياخي انا ماابي العسكريه ربط و تنفيذ اوامر
زين قطر للبترول يقولك لا عندهم كرف وتعب و دوااامهم متاخر
يعني لحد يقول مافي شغل و بطاله
المشلكلة كلها في طالب الوظيفه

[Nojoom]

انا ادور وظيفه وللحين ماحصلت جامعيه تخصص اعلام

الله يوفقج اختي

وان شاء الله تحصلين الوظيفة المناسبه لج .


واكيد فيه من الاعضاء منهم في مجال الاعلام . الي اتمنا منهم تقديم النصح والمساعده في ايجاد العمل المناسب لج.

وهذا هدف الموضوع " التعاون " بينا يالقطرين دام اغلب الاماكن للاسف لانشاهد فيها قطري في مجال التوظيف

كل التوفيق لج . واسمج بخزنه من ضمن الاسماء الي عندي واي معلومات مفيده او ممكن تساعدج بطرشها لج

[Nojoom]

أخوي نجوم .. الله يجزاك خير على المبادرة الطيبة ..

وودنا نساعد باللي نقدر عليه .. مع اني موظفة .. مالي سلطة على التوظيف


بس بقولك شي .. ولرفيقك ..

انا ممكن احضر المقابلات ويكون لي راي في اللجنة ..

لما يجيني واحد مثل رفيقك اللي تكلمت عنه .. برفضه حتى لو كان عنده ماجستير !

وبقولك ليش ..

حالة الياس والقنوط والاستسلام حتى لو كانت وقتية .. لها دور على الموظف الناجح ..

اللي يفرق القطريين عن الهنود تحديداً انهم حركين .. هابين ريح .. يرزون الفيس وماعندهم لا ما يصير وأنا استحي ومن هالكلام


المدير أو رئيس القسم يبي موظف يشيله .. يعتمد عليه

لازم الموظف القطري يثبت كفاءته وقدرته على العمل والوظيفة ويعايش ظروفها ...

اذا ما كان عنده تحدي بيكون موظف زيادة عدد وعبء على جهة العمل ... وعله على القلب

مالوم المدراء اذا جاب له شخص عربي يحكه وقت الدوام وعقب وقت الدوام لانه يبرد القلب


بتقولون هو قطري والدولة ملزومة توظفه .. نعم هالكلام صحيح

لكن الحين احنا صرنا بوقت المنافسة شديدة ... ماقدر ارتاح واقول انا قطري محد كفو يشلني من مكاني .. ولنا في المحالين للبند المركزي أو التقاعد خير شاهد وعبرة


السموحة منكم .. قسيت بكلامي لصالحكم يا اهل قطر ... لاااااااازم يكون عندكم تحدي للوظيفة والا منتو بمحصلينها


من جهة ثانية شخصية :

ليش رفيقك ياخذ مصروفه من ابوه ؟!


هو يقدر يشتغل ويدخل حتى لو مبلغ بسيط

يستثمر في اي شي يحبه

لو يحب الحمام ... يقدر يشتري ويبيع في الحمام

لو له في الارقام يقدر يبيع ويشتري .. او المواتر .. او اي شي يحبه


في المنتدى هني تجار اعمارهم على 18 سنة .. وانا قد تعاملت مع تاجر كاميرات صف اول ثانوي يتيم .. يبيع ويشتري في الكاميرات ؟!

لا يضيقها وهي وسيعة .. الفرص كثيرة .. بس يبي لها من يقتنصها !

والله يوفق الجميع

الله يجزاج خير على مشاركتج وعلى ردج على الموضوع .

اختي انا اتكلم عن اكثر من شخص ومن الجنسين جادين ومازالوا يبحثون عن وظيفه .

اتفق معاج في بعض النقاط الي ذكرتيها بأن الشخص لما يتوظف لازم يكون موظف مجتهد ويادي المهام المطلوبه منه .

وصدقيني انا شفت واعمل مع الكثير من الشباب الي ماشاء الله عليهم يشتغلون بكل جهد ونشاط.

في القسم الي انا اشتغل نسبة القطرين يمكن 40%

والله ان اول شخص يداوم في القسم وقبل وقت الدوام الرسمي شاب قطري . والكل يشيد بجتهاده رغم ان ليس بحديث العمل.

الي ابي اقوله ان فيه الكثير من القطرين يحتاجون فقط الى الفرصه المناسبه .


اما الشق الثاني من ردج بخصوص ليش ياخذ مصروف او ليش مايشتغل مثل الاشخاص الي ذكرتيهم كامثال .

اختي التزامات واحتياجات الشخص الي يبحث عن وظيفه بعد انهاء دراسته تختلف جداً عن الي مازال طالب .

الطالب ممكن يطقطق وراضي بربح الف ريال او الفين

لكن الثاني يحتاج سياره يحتاج يتزوج يحتاج يساعد اهله في المصروف ...الخ


وصدقيني اختي لا تلومينهم لما يحبطون او لما يصيدهم يأس بعضهم صار له اكثر من سنه يقول كانت لي متطلبات بس الحين انا راضي باي شغل .

[الصريحه]

الحمدلله الله مطلع من فوق سابع سماء انا شاسوي .. وماعندي النظرة اللي قلتي عنها
انا طرحت للمقارنة وبحكم اللي اشوفه من واقع العمل

لكن بعد انا بساعد باللي ما يضر جهة العمل
اشرايج في موظفات جاو .. وتمسكنوا .. وقالوا ساعدونا وساعدونا .. واحنا محتاجين
وانا رايي في وحده منهم غير مناسبة للعمل او الوظيفة المطلوبة وحدها حدها طباعة
لما امسكوا الوظيفة .. اشسووا

من يجون الساعة 7 الصبح .. افرشوا الارض وارقدوا لين الساعة 8:30 قاموا يصدرون البريد !! واللي تصدر باسم غير ادارتنا :rolleyes2: للحين النودة مافكت من راسها !

والثانية ما تتنزل تمشي خطوتين تروح تجيب الورقة من الطابعة .. وقاعدة اتكابر .. "انا اروح اجيب ورقة من الطابعة .. ليش الفراش ما يجيبها لي " وهذي مابينها وبين الطابعة 10 امتار !!

انتي هابة ريح الله يعطيج الصحة والعافية و الله يكثر من امثالج .. بس لاتختزلين كل الموظفات فيج ..

اشرايج بتوظيف الشفقة والاحسان ؟! كم معاملة قاعدة اتعطل وحقوق ناس تضيع .. وهذا غير الاوراق الضايعة والبريد المفقود ؟
يعجبج هالمستوى من الاداء .. وهل في هذا الاداء تطوير وتحسن لمؤسسات الدولة؟!؟

وهم اختي امثلتج غير واقعيه علشان وحده او ثنتين نعمم
الخطا من المدير المسؤوول عن هالموظفات ويقدر ينبههم ويقدر يعطيهم انذار او حتى ينقصهم في التقييم
شرايج عندنا واحد اجنبي من اللي مدحتيهم هبه ريح على قولتج
مسوي مصايب في الشغل وفيه وحده حاليا بترفع فيه تحقيق لانه مب عارف اهميه شغله وقام بتصرف كبير خاطئ يحاسب عليه ومثل مااسلفت اساسا شغلنا حساس ومب قابل لمثل هذي الاخطاء
ويوم كلمته البنيه ليش سوا هالتصرف ؟؟؟؟؟؟؟؟؟ وللعلم هي تاذت من الموضوع بشكل مباشر لمده شهوور
قام يراوغ ويقول ماصار شيء وماراح يصير شيئ ويبي يسكر الموضوع خايف تفتح له تحقيق
وابشرج التحقيق جايه جايه لو قطري اخطا باقل من خطاه كان احشروووه وشهروا فيه وجازووه
ننطر قرارهم فيه
الله يوفق اهل قطر ويعزهم ويرفغ مكانتهم فووووووووووووق
قام يتعذر

[Nojoom]

حتى الان للاسف ولا شخص عرض او بادر بتقديم اي نوع من انواع المساعده


لا على الخاص ولا على العام

[تغلبية]

للرفع على أمل أن يعرض أحد الأعضاء المدراء طلبه للسير الذاتيه

ممكن أخذ السير الذاتية وأعرضها على المدير .. لكن لا أعد بشي

ولو في حد يستحق ماراح أتأخر أنا بنفسي ابي موظفات بمواصفات عالية ... وبمعنى أصح أبي "عقليات = مخوخ"

[دروب]

الله يجزاك الخير على هذه المبادرة الطيبة
لكن من الأفضل انك تحط التخصصات الموجودة عندك
عل وعسى يدخل مدير ويلاقي اللي يحتاجه
بالنسبة حق وزارتنا يبغى لهم شباب قطريين تخصص تكنولوجيا المعلومات
ولهم مستقبل حلو بإذن الله
لأنه المكان خلا من القطريين وماعندهم غير قطري وصار الحين مدير

[قطريه جدا]

اظم صوتي معاكم
اريد ان اتوظف

[Nojoom]

للرفع على أمل أن يعرض أحد الأعضاء المدراء طلبه للسير الذاتيه

ممكن أخذ السير الذاتية وأعرضها على المدير .. لكن لا أعد بشي

ولو في حد يستحق ماراح أتأخر أنا بنفسي ابي موظفات بمواصفات عالية ... وبمعنى أصح أبي "عقليات = مخوخ"

جزاج الله خير .. ولو الكل صار مثلج صدقيني بتكون الدنيا بخير

يحاول يساعد بالي يقدر عليه مايدري يمكن يكون سبب في فتح باب الرزق على شخص .

اغلب الناس تتردد وتقول انا مافي يدي شي .

يعني الي في الاقسام يقولون مو في يدنا في يد قسم التوظيف

والي في قسم التوظيف يقول مو في يدنا الاقسام ماتبي او ماعندها اماكن .

كثر الله من امثالج

[Nojoom]

الله يجزاك الخير على هذه المبادرة الطيبة
لكن من الأفضل انك تحط التخصصات الموجودة عندك
عل وعسى يدخل مدير ويلاقي اللي يحتاجه
بالنسبة حق وزارتنا يبغى لهم شباب قطريين تخصص تكنولوجيا المعلومات
ولهم مستقبل حلو بإذن الله
لأنه المكان خلا من القطريين وماعندهم غير قطري وصار الحين مدير


جزاج الله خير على اقتراحج وان شاء الله

برتب المعلومات وبعيد نشرها وكل مره مع اخر تحديث


* وبالنسبه للوظائف الي ذكرتيها هل فعلا يوجد فرص توظيف وطالبين ؟ ام فقط من خلال ملاحظتج

[Nojoom]

اظم صوتي معاكم
اريد ان اتوظف


الله يرزقج ان شاء الله العمل الي تتمنينه

ولا تنسين تمرين على المعرض المهني بعد اسبوع ان شاء الله

[تغلبية]

معرض قطر المهني على الابواب

راح يبتدي ان شاءالله يوم الاثنين الجاي 1 ابريل 2013

فيه فعاليات متعددة : مسابقة التصوير المهني .. واشياء أخرى

ومحاضرات ودورات تدريبية قبل المعرض

http://www.qatarcareerfair.com.qa/ar/QCF_2013/QCF_2013_Activities_And_Events/QCF_2013_Activities_And_Events_WorkshopsBeforeFair .aspx

وأثناء المعرض ..

http://www.qatarcareerfair.com.qa/ar/QCF_2013/QCF_2013_Activities_And_Events/QCF_2013_Activities_And_Events_WorkshopsDuringFair .aspx