ظاهـرة تعمـد استبدال لوحات السياره من الأماميه الى الخلفيه !

[بومحمد المطاوعه]

السلام عليكم ورحمة الله وبركاتة

شخباركم يا اخواني واخواتي فالله ...

ظاهـرة تعمـد استبدال لوحات السياره من الأماميه الى الخلفيه مـع أن العقوبـة مشـددة !






شاهدنا الكثير جدا من السيارات قد تعمد اصحابها وبكل جرائه اخفاء استبدال اللوحه الأماميه بالخلفيه !!!!!!!!!!!!!!!!!


لأن الأماميه من كثره السفر والخطوط الطويله والعج من الرمل يأكل السياره من الأمام وتختفي ارقام وبيانات اللوحه

يعني الصراحه شي يقهر لو شفنا مثل هالناس

هذي السياره امس مصورها من احدى دول مجلس التعاون

http://im42.gulfup.com/GDN7o.jpg (http://www.gulfup.com/?OsJpan)

وقمت بالتصال على 999 والبلاغ عليها ولله الحمد

مابلغت ولا صورت السياره الا يوم تأكدت ان اللوحه الأماميه نظيفه وبياناتها واضحه

اشلون الأماميه اللوحه واضحه والخلفيه باهته ....؟



انا لا اعلم هؤلاء المخالفين يجهلون العقوبة ؟؟؟

ام انهم يستبعدون وقوعها ؟؟؟!!!

ام ماذا ؟؟؟


الواقع ان الكثير منا لم يصل له ماهي العقوبة المترتبة على هذا الفعل !!!!!


يا ناس !!!

يا عالم !!!

ترى هذا الأمر خطير جدا والمفروض تطبق عقوبه عليها


عقوبة إخفاء حرف او ارقام من لوحة السيارة في الأسلام ..


قال عضو هيئة كبار العلماء المستشار في الديوان الملكي
الدكتور عبد الله المطلق فالسعوديه
تظليل اللوحات أو إخفاؤها لمنع كاميرات ساهر من التقاطها يعتبر مخالفة لولي الأمر ومخالفة للتنظيمات التي وضعت من أجل المصلحة العامة
وهذه الأمور لا تجوز شرعا

قال تعالى (أطيعوا الله وأطيعوا الرسول وأولي الأمر منكم)

اتمنى النقاش الجاد في هذا الأمر

لأن اذا اللوحه مخفيه وبياناتها غير واضحه

خطر جدآ

يمكن يسبب في حادث والناس ماتقدر تسجل بيانات السياره

يمكن يسبب مصيبه وماتقدر تسجل ولا رقم من اللوحه


اترك لكم الحريه في النقاش

بومحمد المطاوعه

[السكين]

وعليكم السلام

دخلت وكلي فضول اعرف السبب وما توقعته والله !

غريبة ناس تحب تخالف وتتحايل على القانون ، رغم انه ممكن تجيه مخالفة أكبر من قيمة اللوحة بعشرات المرّات غير الوقت اللي يضيّعه على نفسه وعلى الدولة .

يعطيك العافية بو محمد

[fhd4]

ما أدري أخوي .. بس أشوف ما فيها شي ...
بعض الرادارات في دبي مثلا بالعكس... تصور من الأمام ...

يعني ركب اللوحة الواضحة قدام عشان الصورة تطلع حلوة :)

اللوحة الغير واضحة المفروض تتبدل ... ان كانت في الأمام أو الخلف...

[Qaatar]

مب شرط ياخوي كل الخيلج تقريبا الامارات السعوديه البحرين من الامام ردراتهم

[بومحمد المطاوعه]

وعليكم السلام

دخلت وكلي فضول اعرف السبب وما توقعته والله !

غريبة ناس تحب تخالف وتتحايل على القانون ، رغم انه ممكن تجيه مخالفة أكبر من قيمة اللوحة بعشرات المرّات غير الوقت اللي يضيّعه على نفسه وعلى الدولة .

يعطيك العافية بو محمد


الله يعافيك ياخوي

الله كريم

مادري اشلون يتمشون ويحبون يجيبون كلام لأنفسهم

[بومحمد المطاوعه]

ما أدري أخوي .. بس أشوف ما فيها شي ...
بعض الرادارات في دبي مثلا بالعكس... تصور من الأمام ...

يعني ركب اللوحة الواضحة قدام عشان الصورة تطلع حلوة :)

اللوحة الغير واضحة المفروض تتبدل ... ان كانت في الأمام أو الخلف...

ياخوي صحيح تتبدل

وانا مالي علاقه بدوله غير دولتي

انا اتكلم عن دولتي قطر

وجود اللوحه الخلفيه اهم من اماميه

الله المستعان

[بومحمد المطاوعه]

مب شرط ياخوي كل الخيلج تقريبا الامارات السعوديه البحرين من الامام ردراتهم

اخوي القصد مب في الرادارات فقط

القصد ان صعب جدآ تسجل رقم السياره اذا شرد صاحبها

[Rider]

شتقول ياخوي في ضعفاء النفوس

[R 7 A L]

المخالفة واضحة
بس

وين العقوبة ؟

[بومحمد المطاوعه]

شتقول ياخوي في ضعفاء النفوس


الله كريم ياخوي

[بومحمد المطاوعه]

المخالفة واضحة
بس

وين العقوبة ؟

والله ياخوي شي يقهر

اتصلت 999 والي رد علي للأسف من نفس الدوله الي مخالف

اعتقد ما ارسل دوريه ولا شي

لاني يوم قلت له مواصفات السياره وعن بلد اللوحه

حسيت انه بينسى الموضوع

الله اعلم هل تصرف ام ترك الموضوع

[مرتبش]

بارك الله فيك

الفوضى المرورية العارمة سببها واحد!

غياب الشرطة التام عن الحياة اليومية

[ذيب ازغوى]

اخوي بومحمد اشلونك

انا اهني اخالفك الراي واقولك يالطيب المخالفات قصبت ظهورنا

فانى لما اسافر احد الدول الخليجيه اغبر اخر رقم من اللوحه

[دنيا الاسهم]

جزاك الله خير

[عنزي قطر]

بومحمد بارك الله بك مواضيعك دائما مميزة

الغالي لي عوده للموضوع ان شاءالله

[باراكودا]

لاتحاتي اليوم بغيت أجدد الاستمارة في مرور مدينة خليفة رجعوني من الكونتر
وخلوني أصف بالموتر طابور لمدة نص ساعة علشان يتأكدون من
اللوحات سليمة شىء جديد اول مرة اشوفه .

[معماري قطري]

والله ملاحظة في محلها

وملاحظ اللي يحطون رمانة قلص طويلة في سياراتهم ويرفعونها من ورا ويتمشون براحتهم وكل شوي بريك في ويه الناس واللي يبي يدعم يدعم .. وملاحظ السيارات القديمة اللي بصعوبة تشيل نفسها وسائقينها خايفين يدوسون لها شوي .. وملاحظ صدامات الحديد اللي على المازدا النص نقل وغيرها اللي تكسر السيارات ولا مصنعة بقوانين صح.

[الدوحي7]

بومحمد بعد انت مخالف في الاسلام على قولتك ،، مركب صوت على الجمس الى عندك ليش ماتقول انك مخالف مب ممنوع ولاكيف،،،،

[نبض الخفوق]

بومحمد بعد انت مخالف في الاسلام على قولتك ،، مركب صوت على الجمس الى عندك ليش ماتقول انك مخالف مب ممنوع ولاكيف،،،،

صادوه ههههههههههههه

[بومحمد المطاوعه]

بارك الله فيك

الفوضى المرورية العارمة سببها واحد!

غياب الشرطة التام عن الحياة اليومية

وفيك بارك اخوي

والله ياخوي الشرطه مب مقصرين القصور من الاشخاص نفسهم

[بومحمد المطاوعه]

اخوي بومحمد اشلونك

انا اهني اخالفك الراي واقولك يالطيب المخالفات قصبت ظهورنا

فانى لما اسافر احد الدول الخليجيه اغبر اخر رقم من اللوحه

ياخوي اذا تمشي عدل وماتخالف تأكد انك بخير وعافيه

ولا بينكسر ظهرك

بدون سبب ماتتخالف

اكيد لك اسباب من جذي تحصل مخالفات

انا على مواتري مخالفات واستاهلها كلهم

رادارات اكثريتهم

الشارع 80 امشي 100

استحق ان اتخالف

الغلط مني انا مب من المرور

واكبر غلط انك تغبر اللوحه اخوي

تخيل تدعم حد وانت مب منتبه

اشلون يسجل رقمك ورقمك مب واضح


اتمنى ياخوي ماتخالف علشان ماتحصل على مخالفه

[بومحمد المطاوعه]

جزاك الله خير

ويجزاك كل خير اخوي

[بومحمد المطاوعه]

بومحمد بارك الله بك مواضيعك دائما مميزة

الغالي لي عوده للموضوع ان شاءالله

بارك الله فيك ياخوي

جزاك الله خير

حياك اي وقت يالغالي

[بومحمد المطاوعه]

لاتحاتي اليوم بغيت أجدد الاستمارة في مرور مدينة خليفة رجعوني من الكونتر
وخلوني أصف بالموتر طابور لمدة نص ساعة علشان يتأكدون من
اللوحات سليمة شىء جديد اول مرة اشوفه .

الحمدلله شي حلو

بس تأكد ياخوي هذا لمصلحتك ومصلحت الناس

[بومحمد المطاوعه]

والله ملاحظة في محلها

وملاحظ اللي يحطون رمانة قلص طويلة في سياراتهم ويرفعونها من ورا ويتمشون براحتهم وكل شوي بريك في ويه الناس واللي يبي يدعم يدعم .. وملاحظ السيارات القديمة اللي بصعوبة تشيل نفسها وسائقينها خايفين يدوسون لها شوي .. وملاحظ صدامات الحديد اللي على المازدا النص نقل وغيرها اللي تكسر السيارات ولا مصنعة بقوانين صح.

الله اعلم ياخوي بهالموضوع

بس ان شاءالله تكون بقوانين

[بومحمد المطاوعه]

بومحمد بعد انت مخالف في الاسلام على قولتك ،، مركب صوت على الجمس الى عندك ليش ماتقول انك مخالف مب ممنوع ولاكيف،،،،

والله ياخوي انا اعترف انها ممنوع

بس بتصريح من الوكاله:)

ابشرك الموتر مزود وبشارك فيه ان شاءالله في الحلبه

اضبط الموتر مب لسباق الناس في الشارع

ولاكن للحلبات وميولي السيارات

والحمدلله سيارتي مرتبه بشكل قانوني وحتى الصوت ماازعج الناس فيه

من 2010 على السياره بس لاكن كل شي بالعقل في الاستخدام

ازعاج الناس مشكله كبيره

وهذا الشي يختلف عن اخفاء لوحه السياره عن الناس

لان اخفاء اللوحه ضياع حق الغير
اذا دعمت شخص وهربت اشلون يسجل رقم سيارتك وسيارتك ارقام اللوحه مب واضحه

:) بارك الله فيك

[بونووف]

كله افكر اقول شلون العالم لوحهم اللي وره اتطير ملامحها اطلعت السالفه تغير مكان اللوحه ..يعطيك العافيه الصراحه كلامك صحيح لو صار شي شلون بنقدر نسجل رقم السياره .. ولكن في تعليق بسيط اللي هو انت شدراك انه اللي كلمته نفس الجنسيه وماطرش الدوريه لاتظن ظن السوء ان لبعض الظن اثم

وبعدين ماتدري يمكن جاي الدوحه بالريووس

[راشد محمد]

شرايك بعض الناس لوحتهم الخلفية موب موجودة كلش ..شالحل

[بوعجيل]

من أمن العقوبة أساء الأدب

[almaf1a]

مره جاتني مخالفة رادار ولما طلبت الصورة لقيت الرقم مب واضح لسوء التصوير عندهم
سواد ولا يبين الا اول رقم
لاتخاف عليهم الي في المرور عندهم نظرة ثاقبه يشوفون اول رقم ويعرفون الباقي بالحاسه السادسه

[ابوالعبد]

مع احترامي لك انت وش حارك؟ يخي ناس بعضهم ماعندهم فلوس نفسك يدفعون ليه هالانانيه!!!!!


اصلا في بعض رادارات مخرفه او بالعربي تصور

ثانيا مخالفات جامده جدا جدا شدعوه رواتبنه كلها راحت بسبب هرادارات

لاتقولي خلك قانوني هذاني قانوني وهم يخالفوني

[بومحمد المطاوعه]

كله افكر اقول شلون العالم لوحهم اللي وره اتطير ملامحها اطلعت السالفه تغير مكان اللوحه ..يعطيك العافيه الصراحه كلامك صحيح لو صار شي شلون بنقدر نسجل رقم السياره .. ولكن في تعليق بسيط اللي هو انت شدراك انه اللي كلمته نفس الجنسيه وماطرش الدوريه لاتظن ظن السوء ان لبعض الظن اثم

وبعدين ماتدري يمكن جاي الدوحه بالريووس

هههههههههههههههههههههه

ذبحتني يوم تقول جاي الدوحه بالريووس ههههههههههههه

الله يقطع بليسك :nice:

والله ياخوي معروفه اذا نفس الجنسيه عارف كلامهم عدل

مابي اظلم ولا احط في ذمتي

بس اللهجه واضحه ويوم سألني عن جنسيه اللوحه خثر في كلامه :tease:

الله المستعان

وان شاءالله ياخذون الاجراء اللازم معاه

[بومحمد المطاوعه]

شرايك بعض الناس لوحتهم الخلفية موب موجودة كلش ..شالحل

الحل انه ينحجز 90 يوم

على قانون المرور

[بومحمد المطاوعه]

من أمن العقوبة أساء الأدب

بارك الله فيك

[بومحمد المطاوعه]

مره جاتني مخالفة رادار ولما طلبت الصورة لقيت الرقم مب واضح لسوء التصوير عندهم
سواد ولا يبين الا اول رقم
لاتخاف عليهم الي في المرور عندهم نظرة ثاقبه يشوفون اول رقم ويعرفون الباقي بالحاسه السادسه

والله ياخوي صحيح تصير الاغلاط

ويشيلون المخالفه عنك لو مظلوم فيها

[بومحمد المطاوعه]

مع احترامي لك انت وش حارك؟

مع احترامي لك انت ماعندك اخلاق فالرد :)



يخي ناس بعضهم ماعندهم فلوس نفسك يدفعون ليه هالانانيه!!!!!



ههههههههههههه ماشاءالله باين انك حسوود وتحسد الناس على خيرهم

الله يزيد ويبارك فالخير للكل مب لي فقط

ليه هالانانيه :anger1:

اذا شخص دعمك وشرد ولا تقدر تسجل رقم موتره والسبه اللوحه مب واضحه لاتبطل حلجك وتشتكي وتتكلم وتقول والله المرور غافلين على هذا الشي

لو شخص تسبب لك بحادث ولا غلط عليك وشرد وانت ماقدرت تسجل رقمه والسبه اللوحه مب واضحه

لاتتكلم وتسوي نفسك عنتر وتقول صج المرور راقدين

بس الي تعرف تتكلم فيه انك ترد على الناس بردود طفوليه
الله يصلح حالك




اصلا في بعض رادارات مخرفه او بالعربي تصور



مافهمت وضح اكثر اخوي
لو في ترجمه الله يرحم والديك اكتبها :nice:




ثانيا مخالفات جامده جدا جدا شدعوه رواتبنه كلها راحت بسبب هرادارات



ياخوي امش سيده محد بيخالفك

تخالف وماتبي المخالفه توصل لك

ليش لايكون على راسك ريشه يبه

لاتخالف مابتتخالف

واعتقد الدوله فيها قانون

مب القانون متسطر يمين ويسار علشان تتخالف بدون سبب




لاتقولي خلك قانوني هذاني قانوني وهم يخالفوني


وانا شدراني عنك اذا كنت قانوني ام لا
اذا تقول عن نفسك قانوني

مابتتخالف اخوي

وراتبك في مخباك محد بماخذه

اما تخالف وماتبي يخالفونك صعبه جدا

يمكن دوله غير قطر
بس قطر دوله منتظمه والقانون يمشي فوق الكل
والي يخالف القانون يتحمل الي يجيه

ع العموم الظاهر انت من النوع الي تحول اللوحات من جذي معصب على الموضوع وان الموضوع مب مهم عندك

اللوحه الأماميه نظيفه والخلفيه باهته ههههههه فهمني اشلون الخلفيه طارت ووجهيه السياره منعدمه من العج والرقم نظيف

مايبيلها كلام

التبديل من الأماميه للخلفيه واضحه جدآ

من قريت كلمه وش وانا غاسل ايدي من الرد عليك :) لان مافي فايده لو تكلمت ووضحت لك الصوره كامله ان هالشي غلط ام صح

[التيما]

اول مره اعرف ان الناس تتعمد هالحركة !! بس صج خطيرة جدا ولازمها غرامة قوية

[نورهان88]

لاحولاولاقوةالابالله

[الدوحي7]

والله ياخوي انا اعترف انها ممنوع

بس بتصريح من الوكاله:)

ابشرك الموتر مزود وبشارك فيه ان شاءالله في الحلبه

اضبط الموتر مب لسباق الناس في الشارع

ولاكن للحلبات وميولي السيارات

والحمدلله سيارتي مرتبه بشكل قانوني وحتى الصوت ماازعج الناس فيه

من 2010 على السياره بس لاكن كل شي بالعقل في الاستخدام

ازعاج الناس مشكله كبيره

وهذا الشي يختلف عن اخفاء لوحه السياره عن الناس

لان اخفاء اللوحه ضياع حق الغير
اذا دعمت شخص وهربت اشلون يسجل رقم سيارتك وسيارتك ارقام اللوحه مب واضحه

:) بارك الله فيك

صباح الخير اخوي بومحمد شلونك،،
طبعا كلنا نحب السيارات والمحركات ولكن انت قلت بنفسك ان الصوت ممنوع وانا مايهمني ممنوع ولا مب ممنوع ،المهم انت شوف نفسك وحريتك ذي اهم شي مازعجت حد،وانت تقول مسوى سيارتك للحلبه ربي يوفقك،، وثاني شي بخصوص لوحه الرجال والله ان بعض اللوحات تتغير لوهي في الخلف معا الزمن ، لاتعتقد الناس كلها عندها فلوس تغير لوحات وفاضيه تغير وتدفع فلوس، وانت حكمت علىالرجال انه مبدل اللوحه وانا اقول مستحيل ، واذا تبي تعرف اللوحات تتغير معا الصابون والشمس ولغبار تنمسح وان شفت كذا لوحه من قبل،،ويعطيك العافيه،، ولحساب يوم لحساب،،يجزاك خير على ردك على،وننطر تصوير مشاركاتك في الحلبه،

[بومحمد المطاوعه]

اول مره اعرف ان الناس تتعمد هالحركة !! بس صج خطيرة جدا ولازمها غرامة قوية

صحيح اختي

في ناس يركبون لوحات مب مسجله بالسياره

يعني لو الشرطي يبلغ على السياره

تطلع كورولا والسياره اصلن كروزر

وصارت شكثر

الله يهديهم

[وبشرالصابرين]

اخوي هذي مش ظاهرة هذي حالات فرديه لا تكاد تذكر

والدوريات في كل مكان

وشكرا على الموضوع

[بومحمد المطاوعه]

صباح الخير اخوي بومحمد شلونك،،


صبحك بالنور والسعاده يالغالي
الحمدلله بخير وعافيه
شخبارك



طبعا كلنا نحب السيارات والمحركات ولكن انت قلت بنفسك ان الصوت ممنوع وانا مايهمني ممنوع ولا مب ممنوع ،المهم انت شوف نفسك وحريتك ذي اهم شي مازعجت حد،وانت تقول مسوى سيارتك للحلبه ربي يوفقك،،

صحيح ياخوي انا عن نفسي ميولي للسيارات شي خيالي :nice:

والله ياخوي اني لا احب ازعج الاخرين ولا احد يزعجني
في كل شي

لا اتجاوز علشان لا اخذ حق الغير في الطريق ولا اسمح لأي شخص يتجاوزني :)

ربي يحفظك ويحفظني ويحفظ الجميع يارب



وثاني شي بخصوص لوحه الرجال والله ان بعض اللوحات تتغير لوهي في الخلف معا الزمن

صحيح يالغالي

تتغير من الشمس وتصير صفرا اشوي اذا اللوحه بيضه

وتتقشر لاحظت انا :)


لاتعتقد الناس كلها عندها فلوس تغير لوحات وفاضيه تغير وتدفع فلوس، وانت حكمت علىالرجال انه مبدل اللوحه وانا اقول مستحيل

ياخوي ترى والله 100 ريال التبديل

واذا لوحتك باهته مثل هذي الطريقه ترى حتى لو عليك مخالفات يبدلونها لك بدون لاتدفع المخالفه بس سعر اللوحه

100 ريال فقط
اعتقد المبلغ ولا شي بالنسبه لحياه الاخرين

هذي الشي المفروض من راعي السياره يبدلها بدون لاحد يقوله

اشلون يرضى على نفسه يتمشى بلوحه غير واضحه

وانت تقول مستحيل ياخوي انه مبدلها :)

ترى انا غلطتي ماصورت الموتر من قدام

الليتات رايحه والصدام الامامي رايح

من عنابي صاير ابيض والليتات بيضه

واللوحه نظيفه جدآ

اشلون كل شي اخترب الا اللوحه ...!

واللوحه الخلفيه واضحه جدا من العج طايره

يعني لو انا رجل مروري على طول بوقف الشخص وبخالفه ويمكن احجز الموتر

لان هذا الشي فعل فاعل

وحتى لو كانت اماميه من حقي ك رجل مروري احجز الموتر واخالفه

المفروض على الشخص يبدل اللوحه

والحين محل الحمايه في كل مكان موجود يركب حمايه على اللوحه واللوحه ماتخترب من العج

كتجربه شخصيه انا مركب حمايه ع الموتر واسافر ف العج واللوحه عليها حمايه ماتخترب ولله الحمد



واذا تبي تعرف اللوحات تتغير معا الصابون والشمس ولغبار تنمسح وان شفت كذا لوحه من

صحيح ياخوي اللوحه تخترب اذا اهملتها لاشك في هذا الشي

بس لاكن تخيل اللوحه ممسوحه من العج في فرق بين العج وفي فرق بين الشمس :)



،ويعطيك العافيه،، ولحساب يوم لحساب،

الله يعافيك ياخوي والحمدلله على كل حال في ناس تركب لوحات ياخوي مب لوحات الموتر

وكلنا محاسبين عند الله ياخوي :)

بس هذا الأمر ياخوي فيه ضياع حق الناس

تخيل يدعم ويشرد وين تقدر تسجل رقمه ؟.؟

والله ان هالشي غلط

اذا انا غلطان في هذا الأمر اتمنى اي انسان يقولي انت غلطان واهو الصح

بس الغلط وارد في هالموضوع

حتى لو نفرض اللوحه الخلفيه اختربت من الشمس ياخي بدلها من الاماميه النظيفه للخلفيه

ليش تخليها جذي
فيها ضياع حق الغير اذا دعم وشرد والله محد يقدر يسجل رقمه

نسأل الله ان يحسن خاتمتنا


يجزاك خير على ردك على،وننطر تصوير مشاركاتك في الحلبه،

ويجزاك كل خير يالذيب

ان شاءالله بتحفكم بالصور :)

[بومحمد المطاوعه]

اخوي هذي مش ظاهرة هذي حالات فرديه لا تكاد تذكر

والدوريات في كل مكان

وشكرا على الموضوع

الشكر لله تعالى

صحيح اخوي حالات فرديه

بس اشلون يرضون على انفسهم هذا الشي

[النهار]

بومحمد بعد انت مخالف في الاسلام على قولتك ،، مركب صوت على الجمس الى عندك ليش ماتقول انك مخالف مب ممنوع ولاكيف،،،،

هههههههههه اش دراك :nice:

[بومحمد المطاوعه]

هههههههههه اش دراك :nice:


صادني اعتقد ههههههههه :nice:

مريت عليه مستعجل اشوي

على خط الشاليهات اليديد

والصراحه كنت مسرع لاني رايح حق بنتي اوديها طواري السد

طالع من العنه ورابط حزامي ومسرع

الحمدلله وصلت بخير وماتسببت للأخرين بشي

[ولد البدر]

من أمن العقوبة أساء الأدب

[بومحمد المطاوعه]

من أمن العقوبة أساء الأدب

بارك الله فيك ياخوي وجزاك ربي الجنه :)

[: بوحمود :]

عن أبي هريرة -رضي الله عنه- عن النبي – عليه الصلاة والسلام- أنه قال: (من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر على معسر يسر الله عليه في الدنيا والآخرة، ومن ستر مسلما ستره الله في الدنيا والآخرة) وفي الصحيحين من حديث ابن عمر -رضي الله عنه- عنهما عن النبي -صلى الله عليه وسلم- أنه قال: (المسلم أخو المسلم لا يظلمه ولا يُسلمه، ومن كان في حاجة أخيه كان الله في حاجته، ومن فرَّج عن مسلم كربة فرَّج الله عنه بها كربة من كرب يوم القيامة، ومن ستر مسلماً ستره الله يوم القيامة) فهذا هو المشروع: إذا رأى الإنسان من أخيه في الله عورة يعني معصية فلا يفضحه ولا ينشرها بين الناس، بل يسترها عليه وينصحه ويوجهه إلى الخير ويدعوه إلى التوبة

[بومحمد المطاوعه]

عن أبي هريرة -رضي الله عنه- عن النبي – عليه الصلاة والسلام- أنه قال: (من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر على معسر يسر الله عليه في الدنيا والآخرة، ومن ستر مسلما ستره الله في الدنيا والآخرة) وفي الصحيحين من حديث ابن عمر -رضي الله عنه- عنهما عن النبي -صلى الله عليه وسلم- أنه قال: (المسلم أخو المسلم لا يظلمه ولا يُسلمه، ومن كان في حاجة أخيه كان الله في حاجته، ومن فرَّج عن مسلم كربة فرَّج الله عنه بها كربة من كرب يوم القيامة، ومن ستر مسلماً ستره الله يوم القيامة) فهذا هو المشروع: إذا رأى الإنسان من أخيه في الله عورة يعني معصية فلا يفضحه ولا ينشرها بين الناس، بل يسترها عليه وينصحه ويوجهه إلى الخير ويدعوه إلى التوبة


بارك الله فيك وجزاك الله خير

الحمدلله لم اضع اسم هذا الشخص ولا افضحته

ولاكن الي مسويه في سيارته

مخالفه للدوله

وحق الناس ضايع

اذا دعم شخص يعز عليك وهرب ولاقدرت ان تسجل رقمه

تفضل واطرح الحديث

الاحاديث لها احكام وتفسير كثير

مب معناتها اذا الانسان سرق شيء نستر عليه ...
واذا ذبح انسان بغير حق نستر عليه ونجعله من البريئين ونقول فرجنا همه

كل شي وله حكمه اخوي وتفسير

مب على اي شي نضعها بارك الله فيك


تحياتي لك

[عزووز قطر]

اخوي بومحمد ،،،

في البداية انت قلت انها ظاهرة ،،، والظاهرة معناها شي منتشر وبكثرة
وللأمانة انا ماشوفها ظاهرة ،،، عدد بسيط من السيارات ورجال المرور ولخويا قايمين بشغلهم

ثانياً :
شلون عرفت انه مغير اللوحة ،،، ياخوي ان بعض الظن إثم
مب زين تحط في ذمتك انه متعمد ومغير اللوحة علشان يدعم ويشرد !!! كلامك مب منطقي !!!


ثالثاً:
مثل ماذكر أحد الأخوان انك مركب صوت ،،، وانت رديت بأن الصوت مصرح من الوكالة ،،،، يعني مب مصرح من المرور ،،، والسيارات المجهزة للحلبات المفروض ماتتمشى في الشوارع العمومية ويقتصر استعمالها على الحلبات فقط

والصوت يدخل تحت بند الازعاج سواء انت أحسنت استخدامه او لا
واذا مب مصدقني اسأل أي شيخ دين وقوله انا مركب صوت على موتري بس ماازعج حد هل هذا حلال او حرام وبيجيك الرد

ومثل ماذكر اخوي بوحمود ،،، استر على الناس وهذي حالات فردية بسيطة ورجال المرور بيقومون بواجبهم

والله يعطيك العافية

[بومحمد المطاوعه]

اخوي بومحمد ،،،

في البداية انت قلت انها ظاهرة ،،، والظاهرة معناها شي منتشر وبكثرة
وللأمانة انا ماشوفها ظاهرة ،،، عدد بسيط من السيارات ورجال المرور ولخويا قايمين بشغلهم



صحيح اخوي قلت ظاهره لاني شايف اكثر من 10 سيارات

مابي اصور موتر موتر :)




ثانياً :
شلون عرفت انه مغير اللوحة ،،، ياخوي ان بعض الظن إثم
مب زين تحط في ذمتك انه متعمد ومغير اللوحة علشان يدعم ويشرد !!! كلامك مب منطقي !!!




انا ماقلت ياخوي انه بيدعم وبيشرد

انا اقول في كلامي وابي اوضحه للناس وياليتك تفهمه

ان اللوحه مب واضحه

لو دعم وشرد محد كفو يقدر يسجل اللوحه الا لين حد يوقفه

لان والله مايبين شي كلش :rolleyes2:


بعدين ياخوي ترى واضحه السالفه

وجهيه الموتر طايره الليتات ملحه حدهم
الصدام من عنابي صاير ابيض

الشبك القليت صاير اصفر ومتقشر

والرقم نظيف ورده كأنه مافي شي

وبعدين المفروض عليه ان اهو يبدل اللوحه من الأماميه الواضحه للخلفيه

صح ولا انا غلطان ..؟

اللوحه فالبيت تتبدل من الخلف للأمام مايبيلها شي

ولو في المحل 20 ريال

واعتقد ان المبلغ ولا شي بالنسبه لشخص عسكري

لان كان لابس عسكري

عسكري ومخالف القانون
امحق عسكري والله واذا في ناس لهم في نفس هذا الامور تخالف القوانين

على الدنيا السلام

خليه ينزل دريسه لان مايستاهل يحمل شعار الدوله واهو مخالف الدوله

المفروض اهم ادرى بالقوانين




ثالثاً:
مثل ماذكر أحد الأخوان انك مركب صوت ،،، وانت رديت بأن الصوت مصرح من الوكالة ،،،، يعني مب مصرح من المرور ،،، والصوت يدخل تحت بند الازعاج سواء انت أحسنت استخدامه او لا



صحيح اخوي اشكرك على الرد وعلى هالكلام الطيب انا صح مركب صوت وصوت خفيف

ما انكر واقول لا :)

اعتقد 80% جموس قطر كلها عليهم صوت

الشياب والشباب وماعليهم كلام

الشفر مصرح ومختوم من المرور

اما الجمس لا

جيت على الجمس وعلي وخليت الناس ومواترهم

اللمبرجيني والمزراتي ماذكرت انهم احلى صوت فالعالم وازعاج

حلال يعني وانا حرام :)
واذا كانت سيارتي مزراتي هل بتتكلم وبتقول نفس ماقلت ...؟





واذا مب مصدقني اسأل أي شيخ دين وقوله انا مركب صوت على موتري بس ماازعج حد هل هذا حلال او حرام وبيجيك الرد



صحيح اخوي ان هذا الشي غلط بس حلال او حرام الله اعلم
ومصدقك وكلامك فوق راسي ما اقول انت غلطان ولا شي


والسيارات المجهزة للحلبات المفروض ماتتمشى في الشوارع العمومية ويقتصر استعمالها على الحلبات فقط



سيارتي تعتبر ستوك اخوي مشاركه للحلبات والاستخدام العادي

دليوز يعني والحمدلله لا اتسابق في الشارع ولا اسمح لنفسي اني استخدمها استخدام حلبات في الشارع :)

اعتقد اكثر السيارات السبورت في الشارع مخصصه للحلبات ويستخدمونها بشكل يومي يعني غيري حلال عليه :)




ومثل ماذكر اخوي بوحمود ،،، استر على الناس وهذي حالات فردية بسيطة ورجال المرور بيقومون بواجبهم

والله يعطيك العافية

الله يعافيك ياخوي

والاعضاء الي ردو علي بوحمود وغيره

احترم رأيهم والحمدلله انا مافضحت الشخص

لاطرحت اسمه ولا عرضت صورته

فقط صوره السياره واللوحه المخفيه

وهذا الأمر يهم الجميع مايهمني انا بروحي

واعتقد ان هذا الشي غلط ومخالفه قويه من المرور

وانا واثق من نفسي اني ماغلطت في اي شي

بل الغلط اهو نفسه وفي تصرفه وفي سكوته عن هذا الأمر الي فيه ضياع حق الناس وحق الدوله من المخالفات


تحياتي لك

[الدوحي7]

هههههههههه اش دراك :nice:

في دحيل:nice:

[بومحمد المطاوعه]

في دحيل:nice:


اها ههههههههه

اكيد كنت مستعجل :nice:

لو مافيني شي

عادي اتخالف عرقله سير خخخخ

امشي سلولي جدا :nice:

[الدوحي7]

اها ههههههههه

اكيد كنت مستعجل :nice:

لو مافيني شي

عادي اتخالف عرقله سير خخخخ

امشي سلولي جدا :nice:

يشهد الله انك تمشي شوي شوي وفي السليم طبعا،، ربي يحفظك،،

[بومحمد المطاوعه]

يشهد الله انك تمشي شوي شوي وفي السليم طبعا،، ربي يحفظك،،


الله يرحم والديك على هذي الشهاده الطيبه

بارك الله فيك اخوي

وربي يحفظك :)