تسخين السيارة خطأ يرتكبه كثير من الناس

[6alal]

تسخين السيارة خطأ يرتكبه كثير من الناس .. والتقرير التالي للذين ضيعوا أوقاتهم في تسخين السياره ،،
http://t.co/zIPjsSXj

^يستحق القراءة

[alrheeb2020]

اشكرك على الموضوع ^_^

بس مب مقتنع فالكلام وخاصه اذا موتر جديد ياخي تحس بالذنب اذا مشيت فيه بدون تسخين هههه

[ضوى]

ولا افكر اسخنها من خذتها للحين وانا مب مقتنعة بسالفة التسخين وقدني سامعة هالكلام من اخوي الكبير رحمة الله عليه انه التسخين كلام فاضي

[R 7 A L]

ليش الاستعجال
الواحد يدق سلف وينتظر شوي
لين على الأقل زيت المكينة والبريك ينزل
ولين يكون المكيف أو الدفاية جاهزة
ولين يتأكد الواحد من الأوضاع حول السيارة

[كود نمبر]

لازم الايل يرتفع ولا بتكسر الصبابات

[فارس قطر]

ليش الاستعجال
الواحد يدق سلف وينتظر شوي
لين على الأقل زيت المكينة والبريك ينزل
ولين يكون المكيف أو الدفاية جاهزة
ولين يتأكد الواحد من الأوضاع حول السيارة

:nice:

[شموخ دائم]

,

,


مرحبا


كلها قناعات والناس تغير قناعاتها مع الوقت

كان الي ياخذ كروزر قير ( اتوماتيك ) يضحكون عليه

لازم قير عادي
:)

الحين سبحان مغير الاحوال
الكل يبي ( اتوماتيك )

من يقدر على القير العادي
هذا تمرين للعضلات
ههههه

كان الناس كل صباح لازم يفتح غطاء المكينه
ويسحب ( عيار الزيت ) يشوفه ناقص او لا
ويفتح الراديتر يشوف الماي ناقص او لا

اااايام والله الحين الواحد مايعرف شنو لون المكينه
ما نفتح الغطاء خلاص
ههههه

,

,


اخوك


شموخ دائم

[لاجل QT]

الحين اشلون نسخن ولا مانسخن

بصراحة التسخين ياخذ وقت

[زمن الغربة]

مادري بس اخبر ايام الشباب كان عندي مكسيما ايام البرد مرات اقوم الفجر ابي الحق على الصلاة واكون متأخر ادق سلف وامشي والسيارة باردة حدها تطفي علي مرتين او ثلاث وانا امشي:rolleyes2: وهاي يقولك لا تسخن!!!!
وكان عندي اودي تي تي عليها تيربو في المانويل مكتوب لا تسخن السيارة لان هالشي يأثر عليها سلبا...كان احلا شي دق سلف وطيرررررررررر

[Rosso]

التسخين على حسب الشركه
يعني النيسان على كلام الشركه الام ان تسخينها 30 ثانية تكفي
وفي سيارات اكثر وفي سيارات اقل
بس اذا خليتها فترة طويله تسخن هاي بيضر بالمكينه
والله اعلم

[MAZEN37]

طبعا لازم تسخين على الاقل دقيقه
وين الزيت بالمكينه لازم يطلع على الصبابات
وبعدين ليش وكالات السيارات مسويه تشغيل عن بعد
وينطفي الموتر بروحه لما يسخن
تخيل نفسك لما تقوم الصبح تجري على طول
طبعا تتاثر سلبا مع المده

[وحيد-الشوق]

30 ثانية تكفي وتمشي على ريس المكينة بدون دعس

انتوا لو تشوفون المواتر الي تجي عالسطحات اصفار من برا وفي الجمارك السواق يدق سلف ويدعس هههههههه

[راس مشعاب]

هاي تقرير فني الوكالات اللي يبي عمر المكينة ينقص
التسخين يطول من عمرها بس

[الخزرجي قطر]

حسب ماتتعود انا مااسخن الموتر

[qews]

التسخين عندي 10 الى 20 ثانيه وبس .. والسياره عمرها كل سنتين الى 3 تتبدل

[Al-Kuwari]

يعتمد على الشركة

مثلا انا عندي رنج والشركة قالوا لي نص دقيقه بالضبط وامش

في نفس الوقت كان عندي كروزر وكنت اخليه يسخن من ثلاث الى خمس دقايق وفالشتا ازيدها شوي لان الجو بارد

[عيسى111]

وقفة السيارة في الزحمة أضر من التسخين مدة طويلة

[التيما]

غير صحيح .. لازم تتسخن والتسخين يكون لو انت مستعجل انك عالاقل دقيقتين تمشي مثل المره العيوز اللي تسوق عالعشرين وبعدين عادي او تخليها دقيقه وتحرك .. لان السيارة لو ما تسخنت ومشيت فيها على طول بتقطع وهي تمشي ..

[حبر وقرطاس]

تسخين السيارة خطأ يرتكبه كثير من الناس .. والتقرير التالي للذين ضيعوا أوقاتهم في تسخين السياره ،،
http://t.co/zipjssxj

^يستحق القراءة

اولا اخوي عدم تسخين السيارات اذا كانت تعمل بالديزل
ولكن السيارات في دول الخليج في الجو البارد يجب ان تسخن ليس من المعقول تدق سلف وتمشي لانها مصممه اساسا للجو الحار لان هناك ريجتر في السياره يبرد السياره وليس موجود في سيارات اروبا


فالكل يعلم سياراتالخليج تختلف في المواصفات عن سيارات اروبا وان كانت من ذات الشركه

[بوخالد911]

أسخن موتري ما بين
2 - 3 دقايق
وأنطللللللللللللللللللللللللق بحفظ الله

[متروس]

طبعا لازم تسخين على الاقل دقيقه
وين الزيت بالمكينه لازم يطلع على الصبابات
وبعدين ليش وكالات السيارات مسويه تشغيل عن بعد
وينطفي الموتر بروحه لما يسخن
تخيل نفسك لما تقوم الصبح تجري على طول
طبعا تتاثر سلبا مع المده

من اول ما تشتغل السيارة ,, دورة المحرك الإولى كافية انها توزع الزيت الى كل مكان

والتشغيل عن بعد الهدف منة هو للسيارات الي في الدول الباردة لما يوقفون سياراتهم برا في الثلج ,, تترسب طبقة من الجليد على الدرايش وتاخذ وقت لين تذوب بعد ما تشتغل السيارة ونظام تذويب الثلج وموجود في اغلب السيارات ,, وبعض السيارات لو تدقق في الدريشة الي قدام راح تلاحظ فيها اسلاك دقيقة جداً ماتبين الا من قريب وهذي وضيفتها تذويب الثلج (دي فروستنق)

اصحاب السيارت الي فيها هذا النظام من المصنع (او شارينة من محلات الزينة) في الدول الباردة فليل يرفعون المساحات (عشان ماتخترب شفراتها) ويخلون الدفاية وزر تذويب الثلج على وضع التشغيل ولما يقومون الصبح يشغلون سياراتهم وعلى مايوصلون لها تكون جاهزة والثلج يكون ذايب ,, والي ماعندهم هذا النظام يدقون سلف وينظفون الثلج ويظطرون ينطرون

اما اذا السيارة في طبيلة (كراج) يدقون سلف ويحركون على طووووول ونلاحظ دخان ابيض يطلع من الدبة وهذا الدخان هو الهايدروكربون السام والي يطلع بسبب انة لما تكون الدبة (دبة البيئة catalytic converter) بعدها باردة,, واذا سخنت دبت البيئة ,, يختفي الدخان لأنها تحرقة بالحرارة وفي نفس الوقت تحرق البترول الي مر على المكينة وفرط من غير ما يحترق ,, وبعض السيارات فيها 3 دبات بيئة

السيارت الحديثة مواصفاتها نفس الشي تقريباُ (وارد الخليج ووارد اوربا وامريكا) والي يفرق هو انة في الدول الي يجيها برد قارص يحطون في الرديتر سائل مضاد للتجمد (ففتي ففتي) مواد كيميائية وماي عادي (ب 15 ريال تقريباً )

[السحابة]

غدا بتحصلو تقرير غسل الويه وتفريش الاسنان يضر الانسان فلاداعي البس الثياب واطلع علي طول

[لاجل QT]

طب انا ابي اعرف؟؟

كم الوقت المطلوب للتسخين السيارة؟؟

هل يفرق من سيارة لين سيارة؟؟

انا اسخن من 3 دقايق الى 5

[Aaziz]

بالنسبه لي ما اسخن السياره ولا شي ،، و احيانا الحراره تكون تحت الصفر بكثير ،، 30 ثانيه ما اخذ و احرك .

اسخن في حاله وحده بس ،، اذا كان نيسان قدم و ايام شتا هههههههه اصلا ماتقدر ماتصخن :nice:

بالنسبه للي سأل عن فتره التسخين ،، سبق شفت فيديو موثوق فيه ان الفتره الي يحتاجها الموتر للتسخين هي الفتره اللازمه لارتفاع الزيت من اسفل المكينه الى الجزء العلوي للمكينه ،، و هي فتره لا تتجاوز 10 ثواني في السيارات الحديده (وهي الفتره الي من تدق سلف الى ان تطفي جميع اضواء المحرك في طبلون السياره بعد التشغيل)

هذا ماعندي والله اهلم

[خليفـة]

المواتر الجديدة الحين كلها نظام بخاخات
والقديمة كلبريتر
ونظام البخاخ لاا تحتاج السيارة أكثر من
3 إلى 5 دقائق كحد اقصى لتكون جاهزة للسير

كثرة التسخين يضر السيارة أكثر من نفعها
وقليل من يعرف هذا الكلام

خليفة

[بوحمد111]

انا صار لي اكثر من ثلاثين سنه اسوق سيارات ولا عمري سخنت لي سياره ادق سلف واحرك حتى في عز الشتاء

[@north_star@]

التسخين على الاقل دقيقة الى دقيقتين ومب بس علشان دورة زيت المكينة لانه المهم بعد زيت الجير لازم يسخن شوي ........ لما تمشي بالسيارة مباشرة بدون تسخين تحس انه عزم السيارة ضعيف شوي بس لما تسخن شوي بتكون طبيعية وهذا من واقع تجربة

[R 7 A L]

التسخين على الاقل دقيقة الى دقيقتين ومب بس علشان دورة زيت المكينة لانه المهم بعد زيت الجير لازم يسخن شوي ........ لما تمشي بالسيارة مباشرة بدون تسخين تحس انه عزم السيارة ضعيف شوي بس لما تسخن شوي بتكون طبيعية وهذا من واقع تجربة



ضف الى ذلك
في الدول الباردة جداً
البريك تسمع له صوت تحس السفايف منتهيه

[بونووف]

التسخين عندي اركب ادق سلف بعدين اقعد اوزع البوك مكان والجوال اللي يبي ينشحن والتلفون الثاني احطه مكانه واعدل الكشخه ودعاء الركوب واشبك الريوس وخلاص ... توصل 15 ثانيه

[دااانة قطر]

عن نفسي ماحب اسخن السيااره واذا كنت عند هلي اخوي ياخذ المفااتيح ويشغل السياارات قبل مانطلع
ولين اقول له انا ماخليها تسخن يقول بتخربين المكينه








لازلت ماسخنها

[qatarman8008]

الفتوى في موضوع تسخين السيارة يحتاج الى مهندس.. !!
انا اعتقد انه لا بد من تسخين محرك السيارة .. لثلاثة اسباب :
الاول .. ان زيت المحرك يحتاج الى وقت كافي من الدوران كي يصل الى كل القطع والثغرات.. وهذا يضمن اقل نسبة احتكاك وتاكل بين اجزاء المحرك.. وهذه هي وضيفة الزيت اصلا..
الثاني .. انه يصعب على المكينة ادارة الزيت في المحرك عندما يكون بارد.. وذلك بسبب ارتفاع كثافة الزيت مع تدني درجة الحرارة.. ولهذا تجد معدل دوران المحرك مرتفع عند تشغيل المحرك .. ثم يهبط تدريجيا الى معدله الطبيعي بعد دقيقة او دقيقتين تقريبا ..
الثالث.. انه في درجات الحرارة المتدنية لا يتم احتراق الوقود بشكل كامل مما يقلل كفاءة المحرك .. وينتج عن عملية الاحتراق اول اكسيد الكربون السام .. اما في درجات الحرارة المتوسطة 80-100 درجة فانه يحترق بشكل كامل مما يزيد من كفاءة المحرك وينتج عنه ثاني اكسيد الكربون ( لا اقول صديق للبيئة ولكن يمكن تدويره بواسطة النباتات والاشجار الخضراء والمسطحات المائية )
..
..
سامحوني عالاطالة..

[QTR-1978]

بالنسبه لي ما اسخن السياره ولا شي ،، و احيانا الحراره تكون تحت الصفر بكثير ،، 30 ثانيه ما اخذ و احرك .

اسخن في حاله وحده بس ،، اذا كان نيسان قدم و ايام شتا هههههههه اصلا ماتقدر ماتصخن :nice:

بالنسبه للي سأل عن فتره التسخين ،، سبق شفت فيديو موثوق فيه ان الفتره الي يحتاجها الموتر للتسخين هي الفتره اللازمه لارتفاع الزيت من اسفل المكينه الى الجزء العلوي للمكينه ،، و هي فتره لا تتجاوز 10 ثواني في السيارات الحديده (وهي الفتره الي من تدق سلف الى ان تطفي جميع اضواء المحرك في طبلون السياره بعد التشغيل)

هذا ماعندي والله اهلم


كلامك صحيح اخوي اذا انطفت كل الليتات بالطبلون تقدر تحرك السياره انا شفت نفس البرنامج
نظام التسخين كان على ايام السيارات القديمه الكربريتر اللي كان يبي له وقت لين يصخن احين مكاين السيارات تغيرت بمجرد وصول الزيت لاعلى المكينه او بمعنى ان الزينتخذ لفه كامله عالمكينه تقدر تحرك وهذا ماياخذ 10 ثواني

[خــالــد]

كلام خطاء السيارة تحتاج تسخين وانا متاكد من هذي المعلومة لني ماخذها من مهندس سيارات هو قال لي هالشي والخطاء انك ماتسخن السيارة يوم سئالتة قال لي اي سيارة لما تشغلها الايل يكون تحت وبارد في المكينة لكن لما تشتغل السياراة يتم يدور الايل وترتفع تدريجين حرارة المكينة وتقدر تمشي عليها لنة لو تميت تمشي على طول بدون ماتسخن المكينة راح مع الايام تصيدك مشاكل بمكينة السيارة وممكن تنكسر ( تخبط )

ومثال بسيط لو كان عندك كاس وصبيت فية مرة وحدة ماي حر بينكسر جرب وشوف

وهذا بعد فيديو للخبير السعودي حسن كتبي تكلم بهذا الموضوع في الدقيقة 21:14 تابع وبتعرف ليش

http://www.safeshare.tv/w/TSYcogTnEp

[المزمجرر]

آنا أسخنها وهي تمشي

[boamir]

السلام عليكم ورحمة الله وبركاته


الطريقة المثالية هي إنك تشغل السياره وتنتظر لمدة 35 ثانيه
والآيل يرتفع وتقدر تعرف هالشي من عداد ضغط الآيل
http://fierosparks.com/images/oil-gage-pic2.jpg
لما يوصل مستواه الطبيعي إلي هو في أغلب السيارات تحت النص بشوي وبعض السيارات في النص بالضبط
وبتحصل السياره ريسها مرتفع شووي
وبعد ال35 ثانيه ينزل الريس بنفسه لمستواه الطبيعي وتقدر تمشي بس ماتدعس وعداد ضغط المكينه لازم مايرتفع فوق 3
لحد ما عداد الحراره يوصل مستواه الطبيعي وإلي هو في أغلب السيارات عالربع
وهذي وظيفة الثروموستات إنها تسكر الماي عن المكينه لحد ماترتفع حرارة المحرك لدرجة معينه وعقبها تفتح الماي عليه وتخلي الحراره ثابته على حد معين

اما بالنسبه للسيارات القديمه كانت المشكله إنها اغلبها مافي ثورمستات أو إلي كان يعاني من الحراره يشيل الثرومستات والحراره دايما تكون تحت كللش ويضطر إنه يسخنها أكثر خصوصا إذا كان كربريتر لأنه الكربريتر يدخل البترول مباشر وماكان يحترق عدل اما البخاخ يدخل البترول على شكل رذاذ وهالشي يخليها تحترق أسرع وتسخن السياره بسرعه أكبر

[juma]

إحنا ليش نروح بعيد معظم السيارات الحديثة اول ما تشغلها يكون الريس عالي أعلى من المعتاد وبعد فتره بسيطه ينزل هذا يوحي للسائق بان السيارة جاهزه للسير أي أن أمور الزيت في المكينة طيبه وخذ حقه في التسخين والدوران بشكل مثالي مما يعني بان التشغيل والصبر على السياره لين الريس يخف يعتبر تسخين وهذا الفعل تعمد المصنع أن يصممه في السياره ليتحاشى أي تحرك مباشر وسريع للسيارة قبل أن يتم التسخين أو تحريك الزيت في المكينة وهذا عادة تكون بعد الوقوف لفترة طويله الجواب (تسخين مفروض من المصنع )يعني مب على كيف المهندس ملاحظه بعض السيارات ما فيها يمكن لوجود أجهزه إضافية تساعد على تحريك الزيت بشكل مثالي وهذا ما يجب الانتباه له أي إذا شفت سيارتك الريس فيها عالى وينزل بعد دقيقتين هذا المفروض تصبر عليها أما إذا ما في وسيارتك حديثه اشخطه وما عليك شر انشاءالله ونتمنى للجميع السلامه

[بيانو]

الحل موجود فى جميع السيارات

يوجد مؤشر أو ليت

المؤشر يبدأ فى الصعود للدرجه المطلوبه للإنطلاق والسير
والليت يطفى وبعدها يبدأ الانطلاق والسير

هذا والله أعلم

[ام السعف]

قرأت فيما قرأت من فترة كم سنة ان السيارات الحديثة لا تحتاج الى تصخين
وكان هالخبر في موقع سعودي متخصص للسيارات ،،

[OutLaw]

المسئلة مب مسئلة ان الزيت يرتفع ويغطي المكينة بالكامل .. لكن الزيت فاعليته وهو بارد اقل من فاعليته وهو حار .. لما يكون حار يكون اكثر لزوجة . وللتاكد اختبار بسيط تقارين الزيت البارد مع الزيت الحار وبتشوف الفرق الكبير من حيث اللزوجه .

فا اسلم وافضل وقت للتسخين من 2 الى 3 دقائق في الصيف و من 3 الى 4 دقائق في الشتا

[التميمي 3]

أنا عن نفسي لازم أسخن الموتر شوي
أقل شي 3 دقايق نفسياً أرتاح

[مبارك سعد]

الفتوى في موضوع تسخين السيارة يحتاج الى مهندس.. !!
انا اعتقد انه لا بد من تسخين محرك السيارة .. لثلاثة اسباب :
الاول .. ان زيت المحرك يحتاج الى وقت كافي من الدوران كي يصل الى كل القطع والثغرات.. وهذا يضمن اقل نسبة احتكاك وتاكل بين اجزاء المحرك.. وهذه هي وضيفة الزيت اصلا..
الثاني .. انه يصعب على المكينة ادارة الزيت في المحرك عندما يكون بارد.. وذلك بسبب ارتفاع كثافة الزيت مع تدني درجة الحرارة.. ولهذا تجد معدل دوران المحرك مرتفع عند تشغيل المحرك .. ثم يهبط تدريجيا الى معدله الطبيعي بعد دقيقة او دقيقتين تقريبا ..
الثالث.. انه في درجات الحرارة المتدنية لا يتم احتراق الوقود بشكل كامل مما يقلل كفاءة المحرك .. وينتج عن عملية الاحتراق اول اكسيد الكربون السام .. اما في درجات الحرارة المتوسطة 80-100 درجة فانه يحترق بشكل كامل مما يزيد من كفاءة المحرك وينتج عنه ثاني اكسيد الكربون ( لا اقول صديق للبيئة ولكن يمكن تدويره بواسطة النباتات والاشجار الخضراء والمسطحات المائية )
..
..
سامحوني عالاطالة..

100% كلامك صحيح :victory: :nice:

[almaf1a]

10 ثواني فقط للسيارات الجديده

[الجـــــــرح]

طيب ليش الريس يكون ضغطه عالي اكثر من دقيقتين؟؟؟؟؟؟؟؟؟؟؟؟؟؟؟؟؟

[ماجد]

انا ماسخن حدي يمكن عشر ثواني

بس مادعس في الموتر واحاول ان الضغط يكون نازل اول دقيقتين وبعدين

اخذ راحتي وافرش السفرة

[بومحمد المطاوعه]

على حسب نوع السياره

اذا بي ام ومرسيدس

شغل وامش ولاتحاتي بس لاترفع الريس فوق ضغط الـ 3

واذا ياباني لازم تسخين

[كبير المتداولين]

أقل شي 15 دقيقه لازم اسخن قبل اتحرك كل يوم صبح بس في الليل عادي دق سلف وامش

[خليفـة]

أقل شي 15 دقيقه لازم اسخن قبل اتحرك كل يوم صبح بس في الليل عادي دق سلف وامش

اش دعوة 15 دقيقه
هههههه

استوت تريله ديزل
مب سيارة

خذ مني .. دقيقتين وامش
وعلى ضمانتي


خليفة

[كحيلآن]

أول ما أصحى من النوم أدقها سلف قبل كل شي .. عقبها أعين من الله خير وافطر واتروش والبس وأحرك وكان الله غفوراً رحيما ... الحين اذا الوقفه تأثر على السياره وهي شغاله لازم تتكنسل الإشارات والدوارات والزحمه على شان السيارات ما تخرب :)

[مساهم عادي]

انا قريت اغلب كتالوجات السيارات ... مايتكلمون عن تسخين السيارة الا في الأجواء الباردة التي تقل درجة الحرارة الى ماتحت الصفر ومضى على اطفاء السيارة اكثر من 4 ساعات...

اما في الأجواء المعتدلة والحارة ... فلاتحتاج الى تسخين ... ومثل ماقالوا الزملاء، مجرد ان تطفئ الليتات في الطابلون ممكن تحرك..

[tareq_qa]

30 ثانية تكفي وتمشي على ريس المكينة بدون دعس

انتوا لو تشوفون المواتر الي تجي عالسطحات اصفار من برا وفي الجمارك السواق يدق سلف ويدعس هههههههه

اااكيد يدق سلف ويمشي مو سيارته ، هاي نفس حالة السيارة المستأجرة

انا أشوف التسخين لازم على الأقل دقيقتين

[LiL iNVe$ToR]

كتيب سيارتي يقول اخلي السياره شغاله 24/7 ولا اطفيها..واسوي صيانه كل 3000 ساعه للمكينه ..لاتسخين ولا عوار راس ..السياره جاهزه وساخنه في اي وقت...اخاف اتخبط علي اذا سقتها وهي بارده.

حسستوني عايشين في موسكو :rolleyes2:

[وحيد-الشوق]

البعض تحس خبرته اكثر من الي صنع السيارة بنفسه

صديق لي في اوروبا عنده مرسيدس موديل 2005 صار له حوالي 4 مادري 5 سنين يقولي انا ما اسخن السيارة ابدا وكذا مره كنت معاه وثلج و9 تحت الصفر دق سلف وحرك ههههه

انا مايقهرني غير بعض الناس يقولك 10 دقايق عسى ماشر ههههههههع

[fhd4]

تسخين السيارة … خسارة وقت وبترول …

السيارات الحين ماتحتاج أكثر من 10 ثواني …

[بومحمد المطاوعه]

قرأت فيما قرأت من فترة كم سنة ان السيارات الحديثة لا تحتاج الى تصخين
وكان هالخبر في موقع سعودي متخصص للسيارات ،،

هههههههههه اهلنا السعوديين

مافي شي اسمه تسخين عندهم

دق سلف وامش لو خبط الموتر ماعندهم اي مشكله :nice:

ونعم فيهم


على طاري التسخين انا بالرموت اشغل موتري الحمدلله :tease:

[بوحمد1]

في امريكا ما يعرفون التسخين

[كبير المتداولين]

اش دعوة 15 دقيقه
هههههه

استوت تريله ديزل
مب سيارة

خذ مني .. دقيقتين وامش
وعلى ضمانتي


خليفة

وحزات نص ساعه ماعندي نظام نظام
تعودت خلاص

[بومحمد المطاوعه]

رفيجي وصل مكه

وعنده فيكسار 2009

وقف في مواقف العزيزيه

من يوم الاربعاء الساعه 7 فليل

زوجته تقوله ترى يابوفلان الموتر شغال

قال لها لا متأكد طفيته

قالت اوكي

المهم رجع للموتر يوم الاحد الساعه 4 العصر

والموتر شغال

تخيلوووووووو

من يوم الاربعاء لين يوم الأحد

ولا بعد المكيف شغال

والبترول مصفر حده وكان مفول الموتر


اول ماقالي السالفه سمته ب 40 الف خخخخخخخخخخ

ذبحني يوم قالي الي صار له

قلت له احمد ربك الموتر ماذاب

[قوت القلوب]

,

,


مرحبا


كلها قناعات والناس تغير قناعاتها مع الوقت

كان الي ياخذ كروزر قير ( اتوماتيك ) يضحكون عليه

لازم قير عادي
:)

الحين سبحان مغير الاحوال
الكل يبي ( اتوماتيك )

من يقدر على القير العادي
هذا تمرين للعضلات
ههههه

كان الناس كل صباح لازم يفتح غطاء المكينه
ويسحب ( عيار الزيت ) يشوفه ناقص او لا
ويفتح الراديتر يشوف الماي ناقص او لا

اااايام والله الحين الواحد مايعرف شنو لون المكينه
ما نفتح الغطاء خلاص
ههههه

,

,


اخوك


شموخ دائم

باااااال والله ايام

[لاجل QT]

رفيجي وصل مكه

وعنده فيكسار 2009

وقف في مواقف العزيزيه

من يوم الاربعاء الساعه 7 فليل

زوجته تقوله ترى يابوفلان الموتر شغال

قال لها لا متأكد طفيته

قالت اوكي

المهم رجع للموتر يوم الاحد الساعه 4 العصر

والموتر شغال

تخيلوووووووو

من يوم الاربعاء لين يوم الأحد

ولا بعد المكيف شغال

والبترول مصفر حده وكان مفول الموتر


اول ماقالي السالفه سمته ب 40 الف خخخخخخخخخخ

ذبحني يوم قالي الي صار له

قلت له احمد ربك الموتر ماذاب

مرة سويتها:shy:

تمت لين ثاني يوم شغالة من الظهر لين الصبح:shy:

كان امشي على طول:) بس تميت خايفة لايكون البطارية فضت توقف على:(

مافي احلى من نظام سيارات البورش .. اذا وقفت السيارة تطفي بروحها ...تشتغل لما تحط ريلك على البريك.. :)

رفاهية من قلب:nice:

[مشاكل]

الالماني مايحتاج تصخين
الياباني والامريكي يحتاج
الكوري صخنته ماصخنته مصيرة يخبط هههه

[الكاسر99]

أنا أخواني ما يسخنون السيارة أبد ويقولون لي لا تحتاج السيارة إلى تسخين وهي بنظام البخاخ

بس أنا ما أقدر أمشي إلا أذا سخنت السيارة على الأقل لين يرتفع القيج إلى اول الخط

تعبوا أخواني معاي يقولون لي لا تسخن لكن مافي فايدة معاي

[بومحمد المطاوعه]

مرة سويتها:shy:

تمت لين ثاني يوم شغالة من الظهر لين الصبح:shy:

كان امشي على طول:) بس تميت خايفة لايكون البطارية فضت توقف على:(

مافي احلى من نظام سيارات البورش .. اذا وقفت السيارة تطفي بروحها ...تشتغل لما تحط ريلك على البريك.. :)

رفاهية من قلب:nice:

اذا السياره شغاله شدخل البطاريه فالموضوع ههههههههه

لاتحاتين البطاريه مالها علاقه

اذا السياره شغاله

بس البورش شي خيالي طبعآ

[Abdulraman]

انا عمري ماسخنت ادق سلف واعشق

[سارا البدر]

على حسب المزاج ساعات على طول احرك

مخي افتر الحين شسالفه نسخن السياره والا لا
سيارتي بي ام

[Al-Kuwari]

على حسب المزاج ساعات على طول احرك

مخي افتر الحين شسالفه نسخن السياره والا لا
سيارتي بي ام

نص دقيقه وامشي

[qatarman8008]

الفتوى في موضوع تسخين السيارة يحتاج الى مهندس.. !!
انا اعتقد انه لا بد من تسخين محرك السيارة .. لثلاثة اسباب :
الاول .. ان زيت المحرك يحتاج الى وقت كافي من الدوران كي يصل الى كل القطع والثغرات.. وهذا يضمن اقل نسبة احتكاك وتاكل بين اجزاء المحرك.. وهذه هي وضيفة الزيت اصلا..
الثاني .. انه يصعب على المكينة ادارة الزيت في المحرك عندما يكون بارد.. وذلك بسبب ارتفاع كثافة الزيت مع تدني درجة الحرارة.. ولهذا تجد معدل دوران المحرك مرتفع عند تشغيل المحرك .. ثم يهبط تدريجيا الى معدله الطبيعي بعد دقيقة او دقيقتين تقريبا ..
الثالث.. انه في درجات الحرارة المتدنية لا يتم احتراق الوقود بشكل كامل مما يقلل كفاءة المحرك .. وينتج عن عملية الاحتراق اول اكسيد الكربون السام .. اما في درجات الحرارة المتوسطة 80-100 درجة فانه يحترق بشكل كامل مما يزيد من كفاءة المحرك وينتج عنه ثاني اكسيد الكربون ( لا اقول صديق للبيئة ولكن يمكن تدويره بواسطة النباتات والاشجار الخضراء والمسطحات المائية )
..
..
سامحوني عالاطالة..

:nice::nice::nice:

[shadad]

الامريكي لو ما سخن ما يبدع بالشارع. عندي موتر لو دقيته وطلعت للصلاه على طول يفز جنه بيطفي بالاضافه الى الار بي ام يكون عالي . بينما بس اخليه يسخن دقيقه ونص او دقيقتين تقريبا يكون كل شي طبيعي .
وبالنسبة للتقرير : مع نفسه.

[لاجل QT]

اذا السياره شغاله شدخل البطاريه فالموضوع ههههههههه

لاتحاتين البطاريه مالها علاقه

اذا السياره شغاله

بس البورش شي خيالي طبعآ

اشلون ماله علاقة:omg:

عيل من اللى قص علينا وقال اذا السيارة تشتغل تفضي البطارية:anger1:

[Al-Kuwari]

اشلون ماله علاقة:omg:

عيل من اللى قص علينا وقال اذا السيارة تشتغل تفضي البطارية:anger1:


العكس صحيح اذا ماشغلتي السيارة فترة طويلة جدا تفضي البطارية

واذا طفيتي السيارة لكن خليتي الليتات شغالة تفضي البطارية

لكن طول ما المحرك شغال لاتحاتين البطارية

[الايرلندي]

موضوع جيد تعبت اشرح لزوج اختي انو ما يحتاج يسخن سيارته ربع ساعه كل يوم في الدوحه يصير لي 15 عام اسوق سيارتي في اوربا ما حصل سخنت السياره حتي ايام الشتاء و درجة الحراره ناقص 14 و بعض الاحيان وصلت ناقص 18 درجه و ما يصير شي في المحرك

[لاجل QT]

العكس صحيح اذا ماشغلتي السيارة فترة طويلة جدا تفضي البطارية

واذا طفيتي السيارة لكن خليتي الليتات شغالة تفضي البطارية

لكن طول ما المحرك شغال لاتحاتين البطارية

:shy:

صج:shy:

طول هالفترة على بالي العكس:shy:

مرسي للمعلومات وكثرو من مواضيع تقنية السيارات

[بومحمد المطاوعه]

اشلون ماله علاقة:omg:

عيل من اللى قص علينا وقال اذا السيارة تشتغل تفضي البطارية:anger1:

لاعادي اختي

نفس ماتفضل اخوي الكواري

وقالج العكس

اما اذا دينما الجرج خربانه

السياره تبند

اما البطاريه لاتحاتين

مسافرين من الحسا لين الطائف بدون بطاريه ههههههههه

وسهلات ولله الحمد

مدام السياره شغاله لاتحاتين البطاريه

[تاجر كشخة]

مستحيل أمشي من دون ما أسخن "قلبي الصغير لا يتحمل " :shy:

بظل أسخن حتى أشعار أخر لين يجيني المدير العام حق شركة نيسان بكبره أبو عيون مختفيه ويقولي " 車は加熱しない "ذيك الحين باقتنع :tease:

[RAK_SL_Dubai]

انا شخصيا اشغل السياره وبعد دقيقه اتحرك

[7llo]

الصراحه ضيعتونا هههههه ، بالنسبه لي اكثر الاوقات اسخن موتري بس لما اطلع من الدوام ماسخنه كلش لانه اخلص دوام 3 مايمدي ابي اروح البيت اتغدى وانام ههههه

[@north_star@]

طريقة جديدة لتسخين السيارة لفوها بقصدير و10 دقايق بالمايكرو ويف خخخخخخخخخخ

http://www.majaless.com/up/get-3-2013-rrqqr5wq.jpg (http://www.majaless.com/up)

[SAHAM_QATAR]

السلام عليكم اخواني جميعاً

فقط وبشكل بسيط يجب ان نلتفت للحقيقة العلمية لحركة المحرك عند التشغيل

انفكر اشوي ( حديد + بنزين شديد الاشتعال + زيت + بخار ماء للتبريد )

مكونات تجتمع في جسم واحد وتعمل كلها في آنن واحد

لو تلاحظون عمليات انفجار داخل مكابس السيارة بفعل ( شرارة تطلع من البلاكات الكهربائية ) لتغذية المكابس التي تحمل في جعبتها ( البنزين القابل للأشتعال ) مع زيت لتسريع عملية احتكاك المكابح بجسم الماكينة داخلياً

وبالتالي الحرارة الناتجة عن الانفجار اتولد طاقة حرارية هائلة جداً والتي تقوم على تحرك كافة الوصلات الخاصة بدفع السيارة الى الامام او الخلف

هذه الطاقة تولد كم من الطاقة الحرارية وبالتالي لا نحتاج الى تسخين السيارة الى فترة طويلة
ومثل ما تفضل بعض الاعضاء بذكر من 10 ثواني الى 30 ثانية لتحريك الزين وتوزيعه في الدائرة الميكانيكية فقط.

ولا تنسون دعاء ركوب الدابة قبل الانطلاق ولكم الشكر والتقدير

[واحد في حاله]

الي يبي يسخن يسخن والي مب مقتنع لايسخن

ماعتقد الدقيقه او دقيقتين بتضر المكينه

هذا احنا نوقف في الزحمه وماقلنا بتضر المكينه

قبل كانت السياره تعيش عند الواحد فوق ظ،ظ* سنوات

ف يهتم في التسخين والايل والصيانه اول باول

الحين الي يبدل كل ظ¥ سنوات لايفكر في التسخين ولاغيره لان ماراح تأثر اول كم سنه

[الكايد1]

لازم الايل يرتفع ولا بتكسر الصبابات

حــــــــــــــجيت:victory:

[غير عنهم]

الياباني لازم يتسخن مش اقل من 5دقائق

[تهامي باشا]

السيارات اللي وقودها يعمل بنظام البخاخ تسخينها يستغرق حوالي 20 ثانية، يعني بعض سيارات التسعينات وجميع السيارات من الألفين وطالع

الخلاصة .. تسخين السيارة يكون من 10 إلى 30 ثانية

[eXpert*]

التسخين يختلف من سيارة لين سيارة ..

و الأفضل هو يوم ينزل مؤشر الأر بي أم تحت الألف دورة وعقب تتحرك ..