المياه المعبئه وسوء التخزين بعيده عن أنظار الجهات المختصه !

[jaf111]

السلام عليكم


الرجاء من الناس خصوصا المسؤولين عن الرقابه . انهم مايتهاونون في هذا الموضوع

ياجماعه الماي اللي يجينا سواء من دول الخليج او خارج الخليج تتعرض لسوء تخزين . من قبل النقل او المستورد او الجمعيه اللي تبيعه . الماي يتم بالأيام في أشعه الشمس والطعم بلاستيك !

آنا اشتري ماي من شركه بريطانيه الماي عن جمعيه لين جمعيه يفرق الطعم "سم" والله سم طعمه لايطاق

لا والمشكله اشتري بال20 كرتون يكلفني اكثر من 1000 ريال احيانا وكله مغشوش !
السبب سوء التخزين فالنقل او فالتخزين فالجمعيه او كان من كان

الشركات واجد ياجماعه يفرق بسبه سوء التخزين انا اعاني من 6 شهور مع هالموضوع .

الماي يشرب منه الصاحي والمريض والأطفال اللي يضرهم أكثر من الكبار , ترى كله في ذمه اللي المراقبين على هالجمعيات

اتمنى منهم انهم يراقبون سالفه سوء التخزين ولايبخلون على انفسهم يشترون كم كرتون وبيعرفون شالسالفه

[فتى الدوحة]

موضوعك جداً مهم
ومرات لما اشتري غراش الماي ألاقي بعضها فيه ليك .. تسريب يعني ..
وأزيد على موضوع دور وزارة البيئة ممثلة في إدارة الجودة والمواصفات القياسية والرقابة الدائمة في التحليل المستمر لمياه الشرب المعباة ...

[jaf111]

موضوعك جداً مهم
ومرات لما اشتري غراش الماي ألاقي بعضها فيه ليك .. تسريب يعني ..
وأزيد على موضوع دور وزارة البيئة ممثلة في إدارة الجودة والمواصفات القياسية والرقابة الدائمة في التحليل المستمر لمياه الشرب المعباة ...


مافي الا احفر بير فالحوش اخوي فتى الدوحه

[تغلبية]

يقولك احسن نسبة وتناسب لمياه الشرب هي ماي الحكومة .. بس حط له الفلتر الرباعي اللي يتحرك فيه الماي رايح جاي .. وأمورك سليمة

بلا ماي معدني .. له احتمالية ترسيب الاملاح في الكلى

[النهار]

في الاول والاخير كلها مياه تعباء من مياه الحكومه يسون لهاتقطير وعبي وبيع

[تغلبية]

:omg:

ينابيع فرنسا وجبال الالب وسكوتلاند وتنورين .. هذي بعد ماي حكومة يالنهار ؟!؟

[النهار]

انا اقصد المياه المعباءه عندنا وفي دول الخليج
وين عندنا انهار ولاينابيع حتى لووجدت ينابيع في بعض الدول قدرتها محدوده جدا جدا
حتى لوافترضنا انها مياه ابار مياه الابار ملوثه بسبب المبيدات الحشريه

عسى ماشر مياه ايفيان الغرشه الصغيره 6 ريال والمياه العاديه بريال

[R 7 A L]

أنا مرة مريت على شركة قطرية في الصناعية
صراحة مكانهم قذر

[qatarman8008]

المشكلة كلها مو في الماي من وين جاء والا من اي بلد .. المشكلة مثل ما ذكر صاحب الموضوع هو سوء التخزين .. معروف ان عبوات (البلاستيك1 عبوات المياه ) لا تتحمل درجة حرارة اعلى من 25 درجة ولا تصلح الا لاستخدام واحد فقط.. بينما تجد انه يتم تخزينها في الصيف بدون مكيف ويتم نقلها بواسطة بك اب غير مكيف تحت الشمس ..!!

[chillis]

موضوعك صراحه مهم وياليت فعلا يراقبونهم بالتخزين مرات اخذ كرتون ماي القى نصه مبطل من الاساس يعني مو محكم الاغلاق

[راشد محمد]

ماي الفلتر افضل صحيا من الماي المعبا

[chillis]

ماي الفلتر افضل صحيا من الماي المعبا

المصيبه نفسيا ما قدر اشرب من الفلتر لازم الماي بغرشه :(

[ولد شرق]

جات على سوء تخزين الماي؟؟؟

من سمع فيكم امس وطني الحبيب صباح الخير عن سوء تخزين الادوية؟ الادويه قاطنيها على الرمل والستور متروس قطاوة والسقف جينكو...

وهاذي ادويه... لا ويتم التوريد لأغلب الصيدليات من هالستور...

[الصريحه]

ايه والله صارت لي مره وانا اشرب احس طعم الماي غريب وكانه فيه شيء
وبعده جاني مغص
وماتوقعت يكون منه
ولما اليوم الثاني خذت من الكرتون عبوه ثانيه نفس الشيء جاني مغص
عرفت انه اكيد ماتخزن عدل وضربته الشمس لين طلعت مواد البلاستيك في الماي
لازم يحذرونهم ومن ثم يغرمونهم
ارواحنا مب لعبه

[jaf111]

شكرا على الردود والتوضيحات.