فزعتكم في مكينة في أكس ار

[QtrAlshmaaL]

السلام عليكم ورحمة الله وبركاته

عندي في أكس ار 2008 جلد المكينة متعورة يسبة الحرارة ودخلته كراج دكار ونصحني أني ابدل المكينه لان قطع الغيار بتكلف علي .. فأ أبغي النصيحه من الاخوان ... هل ابدل المكينة (وإذا ببدلها وين ممكن احصل مكاين نظاف في قطر أو الامارات) .. ولا اشتري قطع الغيار .. أو ابيع الموتر بخرابه لاني مهب متفيق له

[Qaatar]

حاسب ياخوي توضب المكينه بتكلفك
واذا بتاخذ مكينه خذ مكينه ماعمرها تبطلت قبل
الجديد الكروزر محد يضبط مكينته واذا طبطلت يطيح من قيمته
واعتقد المكينه من الامارات توصل بين 13 لين 16 حسب موديلها وممشاها
وقراج يبدلها لك بين 1500 و2000

[QtrAlshmaaL]

يزاك الله خير على النصيحه بس وين ممكن أحصل مكاين نظيفه في الامارات

[تمون]

انصحك تركب مكينه لاتوضب مكينة موترك
وللعلم اسعارهم اكثر من ظ،ظ© الف في الامارات من واقع تجربه شخصيه ارخص مكينه 6 سلندر حصلتها ب 16 الف بدون ضمان بعد و ال 8 سلندر حصلتها بحدود العشرين الف بدون الكومريسر و الباور ودينمة الجرج
ماعرف الاسعار في قطر بس اكيد اغلا بكثير

[A4844]

ركب مكينه 5.7 جديده كامله 32 ألف فالامارات

[QtrAlshmaaL]

يزاكم الله خير وفعلاً عزمت على تغير المكينة اذا لقيت فالشارجه .. بس شلون اتاكد أن المكينة نظيفة

[وحيد-الشوق]

الله يعينك وييسر لك امورك وربي يعوضك ان شاء الله

اتوقع مالك الا الامارات وجيك في وكالتهم هناك كم سعر المكينة الجديده

[ابوصالح1]

صلحها او بدلها في قطر لاتروح الامارات وانت ماعندك خبرة في المكاين هناك نصب وغش هائل

[qatari-vip]

اول شي شيك هنا في كل الكرجات قبل لا تسافر واسألهم اذا جبت مكينه بكم التركيب او ود الموتر فصطحه هناك وبلده هناك احسن بس قبل شي في الدوحه على كم المكائن اذا فرق حول خمسه بدلها هنا احسن لك من السفر وبعدين حاسب من المكااين الى تكون مب خليجيه تجئ وارد امريكا او اليابان من سيارات متك نسله عندهم أخذ مكينه خليجيه او تكون. من سياره خليجيه واذا تقدر تشيك في السعوديه بعد خاصه في الرياض وبتوفيق

[الدوحي7]

ركب مكينه 2007 وتحت لان نفس المحرك لل2008،،والباقي على الكراج،، وانا عندي موتر 98 مدعوم اذا لك خاطر في المكينه كلمني ، وجيب لها راعي الكراج يشوف المكينه ونتفق على السعر،،،

[سمو انسان]

المكينة ان شاء الله انك بتحصلها في الذيد في الشارقه ولكن حاسب من النصب ،، الافغان والايرانين اصحاب السكاريب ينهبون الشخص اذا عرفو انه قطري ،، نصيحه روح مع اماراتي ،،
الكويت فيها محلات سكاريب واجد وبتحصل ان شاء الله