مشكلتي مع جوالي البورش [الأرشيف] - منتديات شبكة الأسهم القطرية

مشاهدة النسخة كاملة : مشكلتي مع جوالي البورش

بنـت الغالـي

18-03-2013, 12:10 PM

السلام عليكم ورحمة الله وبركاته ..

بقولكم مشكلتي ..

اشتريت بلاك بيري بورش شهر 7-2012 كلفني 7 الاف
المهم الجوال اختربت الازره اللي هي .. الزر الاخضر والاحمر وزر البيبي وزر الرجوع
تقريبا الخط كامل اخترب ماينضغط بدون سبب ..
وعرفت ان هالمشكله تصير في البورش ..

وديته للمحل اللي شريته منه وقلتله يتصلح على الضمان او يتبدل بجديد نفس الوكاله اللي ف اللاقونا .. وماكان عندي الفاتوره
المحل خلص تصليحه في ثلاث ايام .. ولما راح زوجي للتلفون عطوه فاتوره 1200 ريال
وقالوا الازره مش من ضمن الضمان .. هالكلام ماقالوه الا لما خلصوا كل شي

عطيتهم الكرتون حق الجوال .. قالوا لازم الفاتوره قلتلهم مب عندي
بس تقدرون تشوفون فواتير شهر 7 وبتحصلون النسخه حق الفاتوره .. يقولون ماعندنا
واللحين هم مب راضيين يبدلون التلفون الا بالفاتوره ..
مب عارفه شسوي معاهم .. ويقولون ماعندهم فواتير الاشهر اللي طافت
طبعا هم نصابين يبوني استسلم وادفع .. وانا مب مجبوره ادفع 1200 ريال ..
وبعدين قالوا خلاص ادفعي 600 ريال والنص الباقي احنا بندفعه .. عيني عينك نصب
المهم اني ادفع فلوس .. مافي شي يجبرهم يدفعون عني نص المبلغ لو كانوا صادقين

عطوني حل ؟

قطر88

18-03-2013, 03:10 PM

دامه ع الضمان شامل كل شئ

اذا ضمان دولي ولا ضمان لاقونا. يتصلح او يتبدل ع الضمان

بس اذا الجهاز انفك في محل على طول الضمان ملغي

الصارم

18-03-2013, 03:39 PM

ماشاالله كريم بيدفع النص مره وحده ليش فاتح جمعيه خيريه

الله يعينكم

بوليد

18-03-2013, 04:59 PM

الفاتورة كلام فاضي اصلن السريال نمبر للتلفون مسجل عندهم بالسستم ومايحتاج فاتورة ولا شي

Amigo

18-03-2013, 08:32 PM

Welcome to Qatar
كالعاده حقنا ضايع الله يعوضج خير

المناعي1

18-03-2013, 10:47 PM

أختي جربي مع حماية المستهلك والله يعينج

حمد بن سعد

18-03-2013, 11:31 PM

عن نفسي جوالي صاده مثل جوالك وتلفوني بدون ظمان شاريه من محل تلفونات المهم عطوني رقم اتصل عليه وقلت لهم مشكلة التلفون طرشولي صندوق من دبي عن طريق ارمكس وحطيت التلفون فيه وودوه دبي صلحوه ورجعوه ولا دفعت اريال

فلوس

19-03-2013, 12:12 AM

أختي عطيه 400 ريال فقط لأن هذا هو سعر الفلاته الأصلي. واجهزه المحلات ضمانها شركه سيل الإماراتيه. كان المفروض يرسله لكم للإمارات. يتصلح مجانا.

نصيحه إلي يبي يشتري بورش يأخذه من اللاجونا

qewc

19-03-2013, 12:19 AM

الضمان يشمل الازره واذا الجوال ما يتصلح يتبدل من الضمان

حتي لو ضمان دولي

انا جوالي جاته نفس مشكلتش وتبدل الجهاز الخارجي من كور وكيبورد ولكن بنفس البن كود

qewc

19-03-2013, 12:19 AM

الجوكر90

19-03-2013, 01:33 AM

حمايه المستهلك هم راح يتكفلون بالموضوع

بنـت الغالـي

19-03-2013, 08:51 AM

بقوولكم شصار وياهم ,,

راحوا لهم اخوي وزوجي ..

وبعد كلااااام ومناقشه طويله .. كانوا مصرين يبون الفاتوره ..
ويقولون ان الفواتير القديمه مب عندهم ..
اخوي خذ التلفون منهم بالغصب وطلع ..
وقالوله بنشتكي عليك انك سارق الجوال @@ يعني يتبلون على اخوي
قالهم صورة بطاقتي الشخصيه عندكم واشتكوا ..
وهو ناوي يشتكي عليهم اصلا

واللحين انا خايفه ماابي مشاكل لاخوي =(

قطر88

19-03-2013, 09:43 AM

abu m7md

19-03-2013, 09:59 AM

جهزي العدس والفول حق زوجج واخوج( ابو زعبل )
ههههههه
اتغشمر
لاتخافين ولا تحاتين اي شي
معاكم الحق
لانه بورشه ديزايين سستمها بالعالم كله مش في قطر بس
وكل شي مسجل فالكمبيوتر
لكن شافوا اهل قطر يسكتون ومايبون المشاكل قالوا نستغل الفرصه
بعدين حد ياخذ بورش من غير بورشه ديزاين انه ارخص اب 100 ريال
الحين سعره على 7100 الجديد الاسود كامل

ننتظر الاخبار والتطورات الي تصير

عاد تلفوني بياصل اخر الاسبوع

تقبلي مروري
ابو محمد

بنـت الغالـي

19-03-2013, 10:31 AM

والله انا من صوبي قلتلهم اكلكم ومصروفكم ف العاصمه كله على حسابي ..
ههههههههههههه
الله يحفظهم .. وعلى فكره اخوي معانا ف المنتدى والكل يعرفه ..

المهم اخوي قدم شكوى في حماية المستهلك .. وقال يومين ثلاثه وبيتسكر المحل
لانهم فعلا غشاشين .. واسلوبهم خايس .. انا لما كلمتهم قال مو مشكلتنا تكسرين الازره واحنا نصلح بلاش .. قلتله ليش انا مجنونه بكسر جوالي ب 7000 ريال ..
جنسيتهم اللي يشتغلون كلهم اتراك وسوريين

واللحين ننتظر اللي بيصير مع حماية المستهلك:victory:

o_85

20-03-2013, 12:08 AM

اذا حماية المستهلك ما سوو شي

نقول على قطر السلام

واشلون ما يحتفظون بالفواتير القديمه وعيل ليش يسوونها

بوسلطانqtr

22-03-2013, 03:18 AM

السلام عليكم
انا تلفوني اخترب فيه الزر الوسطي اللي هو الماوس وتلفوني شاريه من محل مش من الشركه اول مره صلحته في في محل في الغرافه ب1000 ريال واخترب مره ثانيه وانا في لندن رحت شركة البورش اللي في هارودز وانا لاعندي لافاتوره ولاكرتون شيكوا على رقم الجهاز في الكمبيوتر وخلال 10 دقايق استلمت تلفون جديد بس بدون كرتون والحمدلله

abu m7md

22-03-2013, 05:51 PM

وش صار
شكلي بنتقل لدوله ثانيه ادا ماسوو شي

H B A

22-03-2013, 08:53 PM

الجهاز عليه ضمان دولي من البورش

انا صادتني نفس المشكله اتصل على رقمهم
وارسلو لي شخص من ارامكس يستلم الجهاز وارسله لدبي وتبدل الكيبورد ورجعو سلموني اياه عند باب البيت وبلاش

اما المحلات للاسف نصابين ويستغلون لدرجه مب طبيعيه
خصوصا اللي يشتغلون فيها الجنسيات اللي ذكرتيها

انا استغرب من الاشخاص اللي يتعاملون معاهم

الحمدالله موجودين الوكالات كلها للجوالات
وثانيا الموزعين الكبار ( فيرجن كارفور فودافون)

انا استبدلت الايفون في كارفور مره وكم مره في فودافون والبلاك بيري
على اقل مشكله فالجهاز ومن غير مناقشهه !!!

Crown

24-03-2013, 12:35 AM

انا صارتلي نفس المشكله

ولا قادر اصلحه لانه مب من لاجونا وين اقدر اصلحه فالدوحه بسعر معقول؟

Anas_G

24-03-2013, 12:54 AM

الضمان على السستم عندهم لو بدون فاتورة يقدرون يشيكون على السستم على رقم السيريال بس يستهبلون شوي اتصلي على حماية المستهلك

بنـت الغالـي

25-03-2013, 10:59 AM

والله امس كلموهم حماية المستهلك ..
وقالوا لاخوي انهم يقولون احنا ماعندنا الفواتير القديمه
ونظامنا يدوي مانسجل شي ف الكمبيوتر @@
قلتله شلون وهو قدامي لما شريت الجهاز كان يسجل ف الكمبيوتر .. :eek5:

المهم ..
حماية المستهلك استدعوهم اليوم .. وقال الموظف لاخوي ان موقفنا ضعيف لان ماعندنا فاتوره
وقال لو عندكم فاتوره اقدر ادفعهم قيمة الجوال ,, او يستبدلونه بجديد .. براحتكم

قال انا بحاول فيهم .. وان شاء الله نطلع بنتيجه طيبه .. او على الاقل يكون درس قوي لهم
لانهم نصابين .. :omen2:

بس اللي قاهرني انهم مب راضيين يطلعون اي دليل للفاتوره مع انها قريب ماصارلها سنه مثلا
واحسهم مسحوا كل شي من الجهاز وتخلصوا من الفواتير القديمه .. عشان مايكون فيه دليل ضدهم
اهم شي عندي ماينصبون على غيري ويخافون مره ثانيه :anger1:

bo-ibrahem

26-03-2013, 03:43 PM

الله يعطيج العافيه يالشيخه والله يكثر من امثالج الغيورين على اهل قطر

بنـت الغالـي

01-04-2013, 07:56 AM

الله يعافيك اخوي ^_^

AL-MAYSTRO

01-04-2013, 08:06 AM

سبحان الله نفس مشكلتي بالضبط

هالازره اللي عليها دوائر ماتشتغل فجأه بدون سبب

اللي محيرني الزرار الاول الاحمر http://im40.gulfup.com/S9SQ1.jpg (http://www.gulfup.com/?Khi8sT) وثاني يوم اللي فالنص السهم ماصار يشتغل http://im40.gulfup.com/QybKe.jpg (http://www.gulfup.com/?luIiSy)

وبعدها بكم ساعه الزرار اليسار السهم ماصار يشتغل بعد http://im40.gulfup.com/5uZx0.jpg (http://www.gulfup.com/?Y2FOtz)

http://im37.gulfup.com/o0sPE.jpg (http://www.gulfup.com/?jm0t59)

وديته للمحل عليه ضمان وخذوه طرشوه لدبي تم اسبوعين وتوة واصل امس مكلميني بروح استلمه اليوم

وسألتهم عن المشكله يقولون الكل يعاني منها يعني نص التلفونات اللي تتصلح نفس المشكله

وديته للمحل اللي فيه الضمان (الاتصالات) وخذوه طرشوة لدبي وامس وصل بروح عقب شوي استلمه

واعتقد حتى بيحاسبون المحل لانه مضيع الفواتير مايحتفظ فيها .. وزين اشتكو عليه .. بس لو مشتكي قبل ماياخذ بالغصب احسن عشان ماتنقلب السالفه عليه

ماتدرين شبيقولون بيتبلون عليه الله لايقول
:rolleyes2: