تطعيم الأنفلونزاأصابني بالأنفلونزا

[مساهم فنان]

منذ خمس سنوات وأنا آخذ كل سنة تطعيم ضد الأنفلونزا ، بصراحة آخذه في المراكز الصحية الخاصة ، هذه السنة قررت أخذه من المركز الصحي الذي أنا أتبعه ، والذي حدث لي بعد التطعيم أنني حتى الآن مرضت بالأنفلونزا 3 مرات وتأتي الأنفلونزا شديدة جداً .... ونفس الشئ أصاب عائلتي .
فهل أحد منكم أصابه ما أصابني وعائلتي من جراء التطعيم الذي يفترض أن يمنع الأنفلونزا ؟
بصراحة من شدة الأنفلونزا التي أصابتني فأشك أن التطعيم كان مغشوشاً.

[غزلان]

اخر مره اخذت تطعيم الأنفلونزا يوم رحت الحج لأنه اجباري وصابتني انفلونزا والله اعلم المشكله كانت من الطعم او من عدوى الحج وبعدها ما خذت التطعيم

[Locale]

خذتها قبل لاروح العمره قبل اسبوعين
وعقب ماخذتها باسبوع صادتني انفلونزا وايضا ابو عيالي صاده انفلونزا وصديد مزمن

[الصريحه]

مستحيل اخذها
مااخذتها ولاافكر اخذها
علشان تزيد مناعتك عليك بالاشياء الطبيعيه
اشرب برتقال وعصير ليمون وخذ ملعقه عسل وكثر اكل في الفواكه ولاتشرب بارد ولاتعرض للمكيف بشكل مباشر واذا اضطريت امسح وجهك ورقبتك بزيت زيتون
وان شاء الله ماتحتاج للتطعيم

[ms-qtr]

أنا بعد خذته قبل الحج
ومن عقبه صادتني إنفلونزا قوية
مع اني مب من النوع الي أمرض بسرعة
بس أتوقع السبب من أجواء الحج

[شميرام]

اي شهر خذته؟؟
انا أخذه كل سنه السنه (من سنه يمكن خلص مفعوله يعني العام مخذتها )الحمدالله نفع معاي بس اللي قبلها لا
عيال أختي خذوها عقب رمضان او الحج كم مره جاتهم انفلونزه وقويه

[monatee]

من ايام المدرسه وانا الضابطه تركض وراي عشان اخذ التطعيمات

اخر تطعيم اخذته كان في الابتدائي

واكاني الحمدالله مافيني شي والمرض مايصيدني الا كل سنتين مره

التطعيمات الصراحه ماقتنع فيها احسها تضر اكثر ماتفيد

ماتشوف شر اخوي ،، دام التطعيم جابلك المرض خله عنك

[المريخي77]

منذ خمس سنوات وأنا آخذ كل سنة تطعيم ضد الأنفلونزا ، بصراحة آخذه في المراكز الصحية الخاصة ، هذه السنة قررت أخذه من المركز الصحي الذي أنا أتبعه ، والذي حدث لي بعد التطعيم أنني حتى الآن مرضت بالأنفلونزا 3 مرات وتأتي الأنفلونزا شديدة جداً .... ونفس الشئ أصاب عائلتي .
فهل أحد منكم أصابه ما أصابني وعائلتي من جراء التطعيم الذي يفترض أن يمنع الأنفلونزا ؟
بصراحة من شدة الأنفلونزا التي أصابتني فأشك أن التطعيم كان مغشوشاً.

أخي الكريم
لابد من معرفة المقصود بالانفلونزا . وعدم الخلط بينها وبين الزكام والرشح العادي ، وهو نوع من الانفلونزا.

هناك الانفلونزا قاتلة ومن بينها انفلونزا الطيور والخنازير وغيرها .....
h1n2
h9n2
h7n3
h10n7

أتوقع المنتشر هو التلقيح عن الانفلونزا الموسمية وهي قاتلة لانها تسبب لدى الاشخاص الذين ليس لديهم مناعة مثل كبار السن أو الاطفال او وجود ربو أو سكر ، فتسبب لهم التهابات رئوية وغيرها

ابحث عن أنواع الانفلونزا أو الانفلونزا الموسمية .

[بصمة قطرية]

اللي أعرفه ان التطعيم عبارة عن جرعة بسيطة جداً من المرض نفسه
تعطى للشخص
ليقوم جهاز المناعة بمقاومته
بالتالي تكون عنده مناعة من المرض ..
الإنفلونزا أو غيره ..
اللي أصيبوا بالإنفلونزا ممكن الجرعة كانت كبيرة ..
الحمدلله ما أحب آخذ هالأبر
و أحب تكون المناعة طبيعية
بالفواكه و الخضروات
و الشاي الأخضر
أذكر مرة من كم سنه سمعت عن هالأبرة
و سألت طبيب أطفالي قلت له
تنصحني آخذها ..؟
قال لي ما أنصحج تاخذينها
في ناس خذوها و جاتهم الإنفلونزا أقوى من كل مرة
و في ناس أخف
و في ناس إرتاحوا منها
على حسب طبيعة الجسم
بس أغلب اللي خذوها جاتهم الإنفلونزا
اقوى من كل مرة ،،

[khalid525]

اعتقد شئ طبيعي ان تصاب بالانفلونزا بعد التطعيم ، لكن المفروض بعد ذلك تعطيك مناعة لمدة سنه .

[المواطن]

انا خذتها السنه وجاني زكام وتكرمون صديد في البلعوم من شهرين ومن يومين بدء وياي زكام وعطاس مبهدلني

[النهار]

اخوي المواطن
عندلك حل بسيط ان شاءالله كل هالعارض بيختفي خلال يومين
عندك اورق شجرة النيم وهي والحمدلله منتشره في قطر
وخاصه على طريق الجامعه
تاخذ لك 4 اوراق وتغسلهم وبعدها تمضغهم عدل وشوية ماي وتتغرر فيهم لمدة دقيقه وحده
وبعدين تتفلهم وتغسل حلجك زين بالماي
طعمه مر مر امر من العلقم حتى لودخل شي منه البطن مافي مشكله
ميزته لوعندك احتقان بيخف بشكل كبير ويختفي خلال يومين وحتى الزكام ييخف
وميزته الثانه يطهر الفهم من البكتيرياء الضاره
ماتشوف شر

[ولد شرق]

التطعيمات الصراحه ماقتنع فيها احسها تضر اكثر ماتفيد



اشلون اخوي التطعيم يضر اكثر مايفيد؟

اذا الاخ طبيب وضح لنا الفكره لاهنت...

[monatee]

اشلون اخوي التطعيم يضر اكثر مايفيد؟

اذا الاخ طبيب وضح لنا الفكره لاهنت...

ماني بطبيبه ،، مجرد اقتناع فيني ان التطعيمات ماشوف منها فايده

وخاصه اني اشوف اللي حولي هلي وربعي اللي اخذوا كل التطعيمات القديمه والجديده

اشوفهم بين فتره وفتره يمرضون ،، وخاصه في السفر وتغير الجو اغلبيتهم اذا مب كلهم يطيحون امرضى

ماتصيدني الامراض اللي تصيدهم وانا معاهم بنفس الظروف اللي هم فيها

اتيني اعراض المرض في البدايه واليوم الثاني تروح ،، لكن هم يطيحهم المرض اسبوع او 10 ايام

وواضح ان عندي جهاز مناعه اقوى منهم ،،، يمكن طبيعي ويمكن لاني ماخذت ولاشي من التطعيمات اللي اخذوها

[روح الاطلس]

مافي داعي لاخذ التطعيمات وعادي جداً تصاب بالانفلونزا حتى لو ماخذ لقاح لكن اصابتك بتكون اقل حدة

لان اللقاح يحتوي على تطعميات ضد انواع مشهورة من الفايروسات اللي تسبب الانفلونزا بالغالب ثلاث انواع ومعروف ان الفايروسات اللي تسبب الانفلونزا كثيرة جداً وتختلف كل سنة ونسبة حمايتك من هالانواع المشهورة توصل 80-85% يعني مب 100% :)

اذا كانت اصابتك قوية جداً هالسنة فلا تكرر اللقاح السنة الجاية.

[ذكي جدااا]

اللي أعرفه ان التطعيم عبارة عن جرعة بسيطة جداً من المرض نفسه
تعطى للشخص
ليقوم جهاز المناعة بمقاومته
بالتالي تكون عنده مناعة من المرض ..
الإنفلونزا أو غيره ..
اللي أصيبوا بالإنفلونزا ممكن الجرعة كانت كبيرة ..
الحمدلله ما أحب آخذ هالأبر
و أحب تكون المناعة طبيعية
بالفواكه و الخضروات
و الشاي الأخضر
أذكر مرة من كم سنه سمعت عن هالأبرة
و سألت طبيب أطفالي قلت له
تنصحني آخذها ..؟
قال لي ما أنصحج تاخذينها
في ناس خذوها و جاتهم الإنفلونزا أقوى من كل مرة
و في ناس أخف
و في ناس إرتاحوا منها
على حسب طبيعة الجسم
بس أغلب اللي خذوها جاتهم الإنفلونزا
اقوى من كل مرة ،،

الحمدلله ولا أفكر اخذها. وخاصة أنى اعرف انهم بيعطوني فيروس مضعف

[chillis]

انا بنتي كل تاخذها بحمد الحمدلله ممتازه الابره ولا شكوى منها والسنه الي ما تاخذها تصيبها الانفلونزا بكثره

[Falcon7]

يفترض من التطعيم السنوي الخاص بالانفلونزا انه يخفف من الاصابه و لكن لايمنع الاصابه به
:
هذا و الله أعلم