قرض بنك التنمية لايكفي لشراء شقة في قطر !!!

[وحيد-الشوق]

السلام عليكم


الفئة الي تستحق قرض فقط ماتشوفون انهم وايد مظلومين مليون و200 مع شروط بنك التنمية ماتكفي لشراء بيت خرابة في قطر وحتى الشقة الجديدة اغلى من هالسعر استديو كمثال بمليون ريال في اللؤلؤة ومن فتره في شقق للبيع في عمارات الاصمخ شقة في النجمة للبيع بمليون و300 :secret:

فرضا شخص نزله القرض والحاله لقريب لي 3 سنين ومب قادر يشتري بيت طيب كمثال اقل بيت في الوكرة مليونين وفوق مافي شيء اقل :rolleyes2: وحتى البيوت في الخور ارتفعت اسعارها في الفترة الاخيره

والحل يا اخوان ؟؟ !!

[شموخ دائم]

,

,



مرحبا


الله يعطيك العافيه

والله انا اتفق معاك ان السعر ما يتناسب مع السوق الان

المفروض يرفعون القرض الى ( مليون وثمان مئه ) اقل شي

حتى يكفي او على لاقل الشخص يزيد شي بسيط

طبعا هذا امنيه الان ومجرد فكره

اما الحل ( العملي ) وبعيد عن الامنيات

انك تشتري بيت ( دور واحد )

قبل سنه كان البيوت في الخور مليون ونص
الان وصلت 2 مليون

والسنه الجايه يمكن توصل 2 مليون ونص

العقار مشكلته كل شهر يتغير سعره بكل دول العالم كذا



والله يعين الجميع



,

,

اخوك


شموخ دائم

[حمد 2002]

عندي لك الحل اخوي وحيد الشوق اذا رحت بنك التنميه وقالولك دور بيت بمليون وميتين وشروط البيت كذا وكذا ، قولهم لااا انا وقتي مايسمح لي ادور انتو دورو ورجعولي خبررر !!!!!!!!

[عيون الدوحة]

الله يعينكم ان شاالله
أنا اعرف ناس شخصين الزوج والزوجة وفرو مبلغ محترم خلال سنة من رواتبهم
وقدرو يشترون الارض

[عايش فرحان]

بالنسبة لمستحقي القرض فقط ..

اقترح ان تبيع لهم الدولة اراضي بسعر مدعوم .. بعيدا عن مضاربات التجار ومكاتب العقارات.

[Diamond]

زيادة القرض ما راح تحل شي ،، لو زاد القرض نص ميلون الفلل بتزيد مليون،، قبل فتره طلعت اشاعه عن زيادة القرض ارتفعت اسعار الفلل من 300- 500 الف ،،، الزايده ما راح تحل شي ،، والغريب فالموضوع ان هالقانون طلع سكيتي مافي اعلان عنه مافي شي ويتعارض مع الدستور وكل القوانين،،،
والاغرب فالموضوع في ناس مهب من مواليد قطر ولا ابائهم مواليد قطر وخذوا ارض وناس جدودهم قطررين وابائهم مواليد قطر وهم مواليد قطر وماخذوا ،، وناس اخوانهم خذوا اراضي وهم ما خذوا ... صراحه محد يدري شسالفة القانون هاي ومن من هالقانون ومتى طلع وليش ما اعلنوا عنه فالجرايد ،،، عموما الفكره من هالقانون عشان يرفعون اسعار العقار في قطر ويخلونه يطير فوق ويحركون البنوك بعد من القروض اللي بالملايين مهب من نقص الاراضي او كثرة اعداد هالفئه .

عموما اخوي او اختي انا متاكد مليون فالميه ان هالقانون بيتغير وراح تاخذ ارض ،، حمدلله ان الله ولى علينا بومشعل اللي يركض ليل نهار ورى مصالح المسلمين والعرب وما اعتقد يرضى على شعبه ينحرم من السكن ،،، عليك بالاستغفار علاج حق كل مشكله

[musel999]

السلام عليكم


الفئة الي تستحق قرض فقط ماتشوفون انهم وايد مظلومين مليون و200 مع شروط بنك التنمية ماتكفي لشراء بيت خرابة في قطر وحتى الشقة الجديدة اغلى من هالسعر استديو كمثال بمليون ريال في اللؤلؤة ومن فتره في شقق للبيع في عمارات الاصمخ شقة في النجمة للبيع بمليون و300 :secret:

فرضا شخص نزله القرض والحاله لقريب لي 3 سنين ومب قادر يشتري بيت طيب كمثال اقل بيت في الوكرة مليونين وفوق مافي شيء اقل :rolleyes2: وحتى البيوت في الخور ارتفعت اسعارها في الفترة الاخيره

والحل يا اخوان ؟؟ !!


الحل طال عمرك انك تسوي مثل كثير من الناس يبيع اللي وراه وقدامه وياخذ قرض فوق القرض اللي عنده ويشتري في اماكن بعيده عن الدوحه ممكن تلقى في الخور مثلا فلل بمليون وستميه عندك الوكير عندك ام العمد والمناطق الخارجيه والحمدالله الخدمات متوفره وتكون بينك وبين الدوحه نص ساعه

[Locale]

المشكله اذا زادوا القرض بتزيد اسعار البيوت

[محمد سعيد]

اللهم لاعيش الا عيش الاخرة

مانبي قصور ولا بيوت الله يغنينا من فضله

[بونووف]

يجهزوون فلل نفس مشروع البندري اللي فالخيسه بمساحه بسيطه في كذا منطقه فالدوحه وبرع الدوحه ويخيرون المواطن تبي المليون و 200 ولا الفللا وطبعا يقسط للفلا اذا يبغي الفلا ...طبعا الحكومه ماراح تخسر شي لان الاراضي حكوميه والبنيان ماراح يكلف عليهم مليون 200 اذا مساحة 450 يعني موفري وماخذين الفايده...من بدااال مايتمرمط لين يدور له فللا ولا ارض وياخذ قرض وينكسر ظهره من الديون

[راشد محمد]

اسعار العقارات في تزايد.نبي قانون لحل هالمشكلة

[qatarman8008]

بالنسبة لمستحقي القرض فقط ..

اقترح ان تبيع لهم الدولة اراضي بسعر مدعوم .. بعيدا عن مضاربات التجار ومكاتب العقارات.

:nice::nice::nice::nice:
اقتراح صحيح في محله .. لا اعتقد انه سيؤخذ بعين الاعتبار..

[qatarman8008]

هل الموضوع حول كيف نشتري مسكن بمليون ونص .. ام هو حول القانون اللي ما عرفنا على اي اساس يعطي ناس ارض وقرض وناس ثانيين قرض فقط ..؟؟

[عقار]

بالنسبة لمستحقي القرض فقط ..

اقترح ان تبيع لهم الدولة اراضي بسعر مدعوم .. بعيدا عن مضاربات التجار ومكاتب العقارات.



هذا حل معقول
وعلى قولة اخوانا المصريين ( احسن الوحشين )

[ابوالكلام]

عندي لك الحل اخوي وحيد الشوق اذا رحت بنك التنميه وقالولك دور بيت بمليون وميتين وشروط البيت كذا وكذا ، قولهم لااا انا وقتي مايسمح لي ادور انتو دورو ورجعولي خبررر !!!!!!!!

صح هذا هو المفروض انت مواطن تشتغل وتخدم بلدك وتخلف اجيال تخدم البلد اذا اين دور اجهزة الدولة وماذا يعملون شرب شاي

[رايق البال x]

بالنسبة لمستحقي القرض فقط ..

اقترح ان تبيع لهم الدولة اراضي بسعر مدعوم .. بعيدا عن مضاربات التجار ومكاتب العقارات.

اتفق معاك اخوي وهذا اللي مفروض يصير او على الاقل شركات المقاولين اللي تبني حق القطري تكون مدعومة من الدولة وبذلك يقدر القطري يبني ويسكن بسرعة ،
معقولة مواد البناء تباع للقطري اللي على قد حالة بنفس القيمة الي تباع للشركات واصحاب المشاريع الضخمة ( هذا لا يعقل) ...والدولة مب عجزانة

[النجلا]

انا اعرف وحدة رفضوا يعطونها القرض بسبب انها في الشهر مرة تسافر البحرين !!!!

هل هالشي سبب رئيسي وقانوني !! والا بس مايبون يعطونهأأ؟

لان اللي اعرفه في عالم عاشوا سنين في اوروبا وغيرها ورجعوا خذوا اراضي وقروض وعادي

[وحيد-الشوق]

,

,



مرحبا


الله يعطيك العافيه

والله انا اتفق معاك ان السعر ما يتناسب مع السوق الان

المفروض يرفعون القرض الى ( مليون وثمان مئه ) اقل شي

حتى يكفي او على لاقل الشخص يزيد شي بسيط

طبعا هذا امنيه الان ومجرد فكره

اما الحل ( العملي ) وبعيد عن الامنيات

انك تشتري بيت ( دور واحد )

قبل سنه كان البيوت في الخور مليون ونص
الان وصلت 2 مليون

والسنه الجايه يمكن توصل 2 مليون ونص

العقار مشكلته كل شهر يتغير سعره بكل دول العالم كذا



والله يعين الجميع



,

,

اخوك


شموخ دائم

الله يعافيك

المشكلة اذا رفعوا القرض كل شيء بيزيد واذا مارفعوا القرض بعد مانقدر نشتري بيت

والبيت الدور الواحد يكلف ايضا اكثر من مبلغ القرض الارض بروحها سعرها مثل سعر القرض !!!

انا استغرب ليش التفرقة ترى القطريين كلهم 250 الف يعني عدد بسيط ومساحات وايد فاضية عندنا :(

[وحيد-الشوق]

عندي لك الحل اخوي وحيد الشوق اذا رحت بنك التنميه وقالولك دور بيت بمليون وميتين وشروط البيت كذا وكذا ، قولهم لااا انا وقتي مايسمح لي ادور انتو دورو ورجعولي خبررر !!!!!!!!

يليت يدورون :telephone:

لكن من بيسمع

[بوخالد911]

مليون و200 الف اعتبره كعامل مساعد
ولاززززم تدبر عمرك بتكملة المبلغ الباقي

والله يعيينا

[وحيد-الشوق]

الله يعينكم ان شاالله
أنا اعرف ناس شخصين الزوج والزوجة وفرو مبلغ محترم خلال سنة من رواتبهم
وقدرو يشترون الارض

اقل ارض في الدوحة كم قيمتها ؟ اذا موظف متزوج حديثا وراتبة 20000 ماله حل غير الديون من البنك


بالنسبة لمستحقي القرض فقط ..

اقترح ان تبيع لهم الدولة اراضي بسعر مدعوم .. بعيدا عن مضاربات التجار ومكاتب العقارات.

والله لو يبنون بيوت ويوزوعنها اسوة بدولة الامارات بيكون حل ممتاز ياخوي والله لوشقة بعد اقتراح طيب :)