من يعاني مثلي من ....

[الصغيره]

تعبت وياليت اللي كان مثلي ولقى حل او طبيب زين يقولي

اختكم الصغيره

لما تتعطراو تحط مكياج عينها تحمر وتصبح حمراء استخدمت من نفسي كذا قطره من الصيدليه للحساسيه من المك اب او العطور لكن ما به فايده

هي طبيعيه بس اتمكيج بمناسبه او احط عطر على طول تطلع فيه احمرار بجهه وحده

ياليت اذا حد جرب طبيب زين للعيون يقولي وجعله بميزان اعمالكم

[طبيب قطري]

جربي تروحين عيادات حمد قسم الأمراض الصدرية بيسوون لج تحليل الحساسيه..
دكتور العيون بيقولج عندج حساسيه من هالمنتجات وماتستخدمينها..
في ناس عندهم حساسيه من البخور والعطور والحل أنهم يبتعدون عندها، لان الحساسيه ممكن تسبب تضيق في الشعب الهوائية وقد تسبب ازمه ومشاكل أخرى انتي في غنى عنها..
استخدمي منتجات النظافه الشخصيه الخالية من العطور دايما ..

[بصمة قطرية]

لازم تفحصين عند دكتور عيون متخصص
تتأكدين إحتمال كبير معاج حساسية في العين
لازم تعرفين سببها
و تاخذين العلج المناسب
لا تستخدمين أدوية من كيفج
العين جداً حساسة
أطباء العيون في حمد ممتازين ،،
ما عليج شر إن شاء الله ،،

[راشد محمد]

ما عليج شر

[حسن]

بالنسبه للعيون ماقدر اقولك الى مستشفي باريكر في برشلونه
ولا تجنبي هل الامور وفكي نفسكك ولا تصيرين حقل تجارب لشي غير ضروري

الله يشفيك

[بوعجيل]

ما عليج شر

[شبح الصمت]

ما عليـج شر إن شاء الله

[مشاكل]

عليك بالرقيا الشرعية
ارقي نفسك وانتي موقنة بأن الشفاء من عند الله وحده لاشريك له
وماعليك شر ان شالله

[روح الاطلس]

اعرف حالات نفسج نهائي مايحطون ميك اب لحساسية العيون ودموع انهار انهاار


جربتي الميك اب الطبي؟؟ هل نفس المشكلة؟

[تحداني]

اعرف حالات نفسج نهائي مايحطون ميك اب لحساسية العيون ودموع انهار انهاار


جربتي الميك اب الطبي؟؟ هل نفس المشكلة؟



لا اتقولين ميك اب " كنبو " طبي وهالسوالف ؟؟
بليز روح يا بعد جبدي

[روح الاطلس]

لا اتقولين ميك اب " كنبو " طبي وهالسوالف ؟؟
بليز روح يا بعد جبدي

لا كنبو تعيسة يابعد شبدي

فيه ماركة Clinique حلوة وخفيفة وتناسب ذوات البشرة الحساسة

[تحداني]

لا كنبو تعيسة يابعد شبدي

فيه ماركة clinique حلوة وخفيفة وتناسب ذوات البشرة الحساسة



طلعتي براءه يا بعد مصاريني الجميله
للحين ما جربتها لان اعتقد ان فيني حساسيه مزاجيه :)
ساعات اكون من ذواتها وساعات ابد ما اجي صوبها

شكراً بحجم السماء

[ضوى]

والله انا مثلج تدمع عيوني بس ماتحمر وطول المناسبة احس اني ماشوف ولا اتراح الا اذا شلت اي شي عن عيوني

حتى الماكياج الطبي ماينفع

الحل تريحين نفسج وماتحطين ماكياج

[تحداني]

والله انا مثلج تدمع عيوني بس ماتحمر وطول المناسبة احس اني ماشوف ولا اتراح الا اذا شلت اي شي عن عيوني

حتى الماكياج الطبي ماينفع

الحل تريحين نفسج وماتحطين ماكياج




يعني البنات الحلوات الأمورات ما يحطون مكياج
صعبه يا ضوى والله صعبه

لا تقعدون اتقولون حلاتها ابطبيعتها
ولا اهم شي صحتها .. بس بعد لازم في حل بإذن الله

الامهات ساعات ما ادري اشلون :(

[ضوى]

يعني البنات الحلوات الأمورات ما يحطون مكياج
صعبه يا ضوى والله صعبه

لا تقعدون اتقولون حلاتها ابطبيعتها
ولا اهم شي صحتها .. بس بعد لازم في حل بإذن الله

الامهات ساعات ما ادري اشلون :(

بنتي الحلوة من غير ماكياج :)

بالعكس الماكياج وايد يبرز الجمال للانثى ، بس اذا بيضرها مب لازم ، او انها تدور وتدور وتجرب كذا ماركة لين يطيح عليها بس

بنتي فديتها تحب الماسكرا من تحطها تطلع له كور زيتية تحت الجفن وماتروح الا بعلاج كورتيزون ووايد تطلع لها ، وانا واثقة انها عين وارقيها دايما الحمد لله تخف وترد وصارت تخفف الماسكرا بس الكور تظل فترة ، عشان صحتكم يابنتي سووا كل شي لا تترددون :)

[تحداني]

بنتي الحلوة من غير ماكياج :)

بالعكس الماكياج وايد يبرز الجمال للانثى ، بس اذا بيضرها مب لازم ، او انها تدور وتدور وتجرب كذا ماركة لين يطيح عليها بس

بنتي فديتها تحب الماسكرا من تحطها تطلع له كور زيتية تحت الجفن وماتروح الا بعلاج كورتيزون ووايد تطلع لها ، وانا واثقة انها عين وارقيها دايما الحمد لله تخف وترد وصارت تخفف الماسكرا بس الكور تظل فترة ، عشان صحتكم يابنتي سووا كل شي لا تترددون :)




ان شاء الله .. تحت امرج يا اومي ومن بينهم الي اغليهم
ما بعد الكلام الي قلتيه الا " نقطه " وانتهى


جملك الله برضاه

[khaldoon]

هل سببلك هالشي جفاف بالعين؟

[قطريه22]

عليك بالرقيا الشرعية
ارقي نفسك وانتي موقنة بأن الشفاء من عند الله وحده لاشريك له
وماعليك شر ان شالله


معاك في الي قلته

[قطريه22]

هل سببلك هالشي جفاف بالعين؟

:eek5:
توني ادري انك دكتور

[@فارس@]

انصح بالرقية الجادة المتواصلة يوميا لفترة لا تقل عن شهر

وباذن الله تشفى

[كحيلآن]

طبيب قطري عادي يشارك بحكم أنه دكتور وكذا .. الباقين من متى هالمواهب :whistling::telephone::omen2::protest: :protest:

[الصغيره]

جربي تروحين عيادات حمد قسم الأمراض الصدرية بيسوون لج تحليل الحساسيه..
دكتور العيون بيقولج عندج حساسيه من هالمنتجات وماتستخدمينها..
في ناس عندهم حساسيه من البخور والعطور والحل أنهم يبتعدون عندها، لان الحساسيه ممكن تسبب تضيق في الشعب الهوائية وقد تسبب ازمه ومشاكل أخرى انتي في غنى عنها..
استخدمي منتجات النظافه الشخصيه الخالية من العطور دايما ..

تسلم ياخوي طبيب قطري

ابشر براجع العياده المسائيه عيون وبشوف اخرتها

[الصغيره]

لازم تفحصين عند دكتور عيون متخصص
تتأكدين إحتمال كبير معاج حساسية في العين
لازم تعرفين سببها
و تاخذين العلج المناسب
لا تستخدمين أدوية من كيفج
العين جداً حساسة
أطباء العيون في حمد ممتازين ،،
ما عليج شر إن شاء الله ،،

تسلمين الغاليه

رحت حق القحطاني وعطاني علاج بعياده الخاصه وفحص كامل العين لكن مالقيت نتيجه ايضا احمد بالعيون التخصصي ولا لقيت نتيجه من اتمكيج باي مناسبه على طول باول عشر دقايق عيني تصبح حمراء

والله بروح العياده المسائيه بشوف ايش يقولون

شكرا جزيلا لك الغاليه

[الصغيره]

بالنسبه للعيون ماقدر اقولك الى مستشفي باريكر في برشلونه
ولا تجنبي هل الامور وفكي نفسكك ولا تصيرين حقل تجارب لشي غير ضروري

الله يشفيك

اخوي حسن

شكرا لك اذا فيه طبيب معين ومجرب ليه لا بروح له عادي عطني بس العنوان

الف شكر لك على المرور والمشاركه

[الصغيره]

ما عليج شر

الشر ما يجيك وربي يجزاك كل خير اخوي

[الصغيره]

عليك بالرقيا الشرعية
ارقي نفسك وانتي موقنة بأن الشفاء من عند الله وحده لاشريك له
وماعليك شر ان شالله

والنعم بالله وبالرقيه الشرعيه وفعلا تاثيرها عجيب

ابشر ببدا بالرقيه الشرعيه ولا شئ افضل من كلام الله

شكرا جزيلا لك مشاكل

[الصغيره]

اعرف حالات نفسج نهائي مايحطون ميك اب لحساسية العيون ودموع انهار انهاار


جربتي الميك اب الطبي؟؟ هل نفس المشكلة؟

روح الاطلس

تسلمي ماقصرتي

لا والله ما جربت وما عرف وين المك اب الطبي

علما بانني دائما ابدل المك اب كل ست شهور واحيانا اربع شهور وماركات والفراشي اعقمها واشتري اسفنج استخدام مره وحده

لكن ياليت القى مك اب طبي


تسلمين على النصيحه والمرور الف شكرا لك

[الصغيره]

والله انا مثلج تدمع عيوني بس ماتحمر وطول المناسبة احس اني ماشوف ولا اتراح الا اذا شلت اي شي عن عيوني

حتى الماكياج الطبي ماينفع

الحل تريحين نفسج وماتحطين ماكياج

تسلمين ياضوى

والله بديت اكون استايل اجنبي على قولتهم فلانه اللي هي انا تقلد الاجانب ما تحط مك اب

تدرين ما بتصدقين فيه زميله يمنيه قالت لي احنا بنعمل كحل طبيعي من اللبان عيونها اللهم صلي على النبي تقول ما عمري تكحلت الا منه

قالت بتعطيني وبتعلمني الطريقه بس خفت اخاف تزيد الحاله قلت خلني ستايل اجنبي على ان الاجنبيات يحطون مك اب بعد لكن وش اسوي اخفف قدر المستطاع

تسلمين اختي على النصائح

[الصغيره]

يعني البنات الحلوات الأمورات ما يحطون مكياج
صعبه يا ضوى والله صعبه

لا تقعدون اتقولون حلاتها ابطبيعتها
ولا اهم شي صحتها .. بس بعد لازم في حل بإذن الله

الامهات ساعات ما ادري اشلون :(

والله بالاعراس احيانا اشوف اني غريبه الكل متصبغ وانا على قولة خالتي وش فيك عسى ماشر
:(

يارب تشفي عيني وتشفي كل عيون المسلمين والمسلمات

هي عين وحده المتاثره مش الثنتين ولله الحمد

بجرب الرقيه الشرعيه وبتوكل على الله

يسلموووو على المروور

[الصغيره]

هل سببلك هالشي جفاف بالعين؟

ابدا لا جفاف استخدم دائما مرطب للعين لانني عامله تصحيح نظر

والاحمرار مش بالسواد لا هو زي البصمه لها عروق حمراء ما تطلع الا مع المكياج او العطور القويه

المرطب استخدمه اربع مرات باليوم حسب نصيحه الطبيب


شكرا على المرور

[الصغيره]

انصح بالرقية الجادة المتواصلة يوميا لفترة لا تقل عن شهر

وباذن الله تشفى

ابشر

جزاك الله كل خير الدنيا والاخره

[رهج السنابك]

هالحاله صارت فجأه ولا انتي جذي طول عمرج

[الصغيره]

هالحاله صارت فجأه ولا انتي جذي طول عمرج

هلا الغاليه

والله يااااختي فجاه عيوني كانت طبيعيه وما قد شكيت من شي حتى سويت تصحيح نظر ولله الحمد ابد ما شكيت من حاجه وطبعا تصحيح النظر مع الدكتور خالد الشريف ومن 2005 وكل الامور طيبه بس جاء يوم بروح حق عرس واتفقت مع وحده تمكيجني بس مكيجتني والامور طيبه بعد ساعه وحده من عيوني طلعت بها عروق حمراء وصارت تدمع تدمع قلت يمكن شعره يمكن قلتر طار فيها ما شفت شي رحت العرس ما تهنيت به كل مكياج العين انمسح عين وحده بس المهم رحت اكثر من طبيب كله عطوني نقطه مصفيه للعين او مضاد حساسيه قالوا استخدميه عند الحاجه المهم تطلع مثل البصمه عروق وتحمر اذا نويت بس اتمكيج او اتكحل

الحمد لله على كل حال لله الحمد والشكر

كل ما تجي مناسبه والله يضيق خاطري

لكن الحمد لله حالي افضل من غيري

دعواتك لي يالغاليه ونصيحه استخدموا ادوات المكياج من عندكم باي مناسبه


وشكرا لك

[امـ حمد]

ماعليج شر حبيبتي
الله يشفيج يارب
عليج بالرقيه الشرعيه وأذكار الصباح والمساء

[Serenade]

حبيبتي في ماركات وايد منتجاتها للعيون الحساسة.. عادي العين تتحسس من فترة لفترة ما عليج شر
استخدمي الماركات الطبية الموثوقة.. عندج ماركة كلارنس ممتازة
و أخف شي عندج البودي شوب.. جدا مريح

[alemadi2022]

ماعليكم شر
انا تجيني حساسيه من انواع معينه من العطور

[ولي العهد]

طبيب قطري عادي يشارك بحكم أنه دكتور وكذا .. الباقين من متى هالمواهب :whistling::telephone::omen2::protest: :protest:


شف شف شف رد بصمة قطرية

( لازم تاخذين العلج المناسب ) تبي البنت اتحط علوج بعينها ياخي من متى العلوج علاج حق العين ؟ ههههههههههههههه

[الصغيره]

ماعليج شر حبيبتي
الله يشفيج يارب
عليج بالرقيه الشرعيه وأذكار الصباح والمساء

ربي يحفظك ام حمد ويطول بعمرك

ابشري ان شاء الله

[الصغيره]

حبيبتي في ماركات وايد منتجاتها للعيون الحساسة.. عادي العين تتحسس من فترة لفترة ما عليج شر
استخدمي الماركات الطبية الموثوقة.. عندج ماركة كلارنس ممتازة
و أخف شي عندج البودي شوب.. جدا مريح

تسلمي يالغاليه

ان شاء الله

واكيد هالشي اللي بيصير

جزيتي كل خير

[الصغيره]

ماعليكم شر
انا تجيني حساسيه من انواع معينه من العطور

الشر مايجيك وربي يحميك

الحمد لله على كل حال

[الصغيره]

شف شف شف رد بصمة قطرية

( لازم تاخذين العلج المناسب ) تبي البنت اتحط علوج بعينها ياخي من متى العلوج علاج حق العين ؟ ههههههههههههههه

:)

لا حول ولا قوه الا بالله

[أم محمد 90]

اختي استعملي ميك اب نوعية زينة
يمكن الخلل من اللي تستخدمينه مب من عيونج

[R 7 A L]

الله يبغي لك الخير

ابتعدي عن هذه الاشياء قدر المستطاع