دهاليز مجمع ايكيا !!!

[مشاكل]

جميع الاخوة اللي زاروا مجمع ايكيا اعتقد لاحظوا كيفية تخطيط الممرات والبارتشنات او الحواجز وارفف العرض ،،،
تحس نفسك ضايع ماتعرف من وين دخلت ومن وين تطلع ،،، ويجبرونك على المرور على كافة الاقسام ،،،
اكتضاض في البضائع وطريقة توزيعها ومسوين زحمة والشارع فاضي ؟؟!!

فكرت خلال تواجدي في المحل فيما لو ( بعيد الشر ) لاقدر الله حدث حريق والوضع بهذا الشكل ،،، هذا والامور طبيعيه احنا ضايعين وماندري وين نروح ؟! فما بالكم في حال حدوث حريق لاقدر الله شلون بيكون الوضع ؟؟؟!!!!

كنت اتمنى ان يكون المجمع بشكل مفتوح ويعتمد تقسيمة على شكل تقاطعات وتوفير ممرات واسعة ،،،

اتمنى من ادارة الدفاع المدني ان تضع هذا الامر في عين الاعتبار قبل منح رخصة الدفاع المدني ،،،

واخيراً
اسأل الله تعالى ان يحفظنا اجمين من كل شر وسوء

[عيون الدوحة]

موجودة اسهم ارشادية على الارض
وهذا حال ايكيا في جميع دول العالم

[مشاكل]

موجودة اسهم ارشادية على الارض
وهذا حال ايكيا في جميع دول العالم

هل حسيتي باللي حسيته ؟

[عيون الدوحة]

هل حسيتي باللي حسيته ؟

لا والله لاني متعودة على ايكيا دبي

[بونووف]

مادري اذا تتكلم عن المواقف ولا عن الممرات اللي داخل المحل .. لانه نظام المحل في كل فروعه انك تمر على كل الاقسام عن طريق ممر واحد ... هاي اللي فهمته من كلام واحد سكوتلندي مادري اذا صح ولا لا لاني مارحت له حد الحين

[مشاكل]

مادري اذا تتكلم عن المواقف ولا عن الممرات اللي داخل المحل .. لانه نظام المحل في كل فروعه انك تمر على كل الاقسام عن طريق ممر واحد ... هاي اللي فهمته من كلام واحد سكوتلندي مادري اذا صح ولا لا لاني مارحت له حد الحين
اي نعم يالغالي انا اتكلم عن نظام المحل من الداخل
حتى لو كان هذا نظامه في كافة انحاء العالم بس مايمنع ان تُكيّف طريقة التنظيم بما يتوافق مع تحقيق كافة سبل الامن والسلامة لمرتادي المتجر
والله اعلم

[بونووف]

اي نعم يالغالي انا اتكلم عن نظام المحل من الداخل
حتى لو كان هذا نظامه في كافة انحاء العالم بس مايمنع ان تُكيّف طريقة التنظيم بما يتوافق مع تحقيق كافة سبل الامن والسلامة لمرتادي المتجر
والله اعلم

بس اكيد في بوابة لمخارج الحريق ..!!؟؟ مع هالكم حريق اللي صار بالدوله المفرووض مشددين على المجمعات والمحلات الجديده

[مـراحـب]

هاي النظام في جميع أنحاء العالم

كل الشكر

[مشاكل]

بس اكيد في بوابة لمخارج الحريق ..!!؟؟ مع هالكم حريق اللي صار بالدوله المفرووض مشددين على المجمعات والمحلات الجديده

اي نعم الشيخ انا لاحظت في بوابات حريق
بس تخطيط المجمع من الداخل يساعد على الارتباك وقد يساهم في تفاقم المشكلة في حال حدوث طارئ لاقدر الله

[@north_star@]

انا اول مرة رحتله ضعت وانا ادور المخرج ولما سالت احد الموظفين قالي اتبع الاسهم الى على الارض والحمد لله ثاني مرة ما ضعت بس المحل مجهز بالكامل بنظام مقاومة الحرائق عن طريق المرشات والحساسات بالسقف والله يبعد الشر عن الجميع

[airbus]

الصراحة كان سهل بس تتبع الخطوط الي على الارض وبعد فيه طريق مختصرة ادا تبي تمشي للباب على طول

[سكرمر]

مجمع ايكيا .. مجمع خطيـر من ناحيه الامن والسلامه


بعيد الشـر لو يصير حريق او اي شي طاري محد يقدر يطلع منه لانه ممراته ضيقه وغير واضحه


وابواب السلامه مخفيه ويمكن تحصلها مقفوله بعد


ياليت الدفاع المدني يشيك عليه ... ولا لازم ننتظر حريق وضحايا عشان يتحركون ...

[بومحمد المطاوعه]

للحين مارحت وماشفته من داخل

الي يعجبني ف ايكيا

انك تعتمد على نفسك

تاخذ قلم و ورقه وتسجل

وتروح المخزن وتدور على الي تبيه

شي فللللللللللللللللله

[حسن]

الللي اعرفه في ايكيا ادبي هناك اسهم تتبعها

بس السؤال هل هناك زحمه والناس كانها مهب شايفه خير ولا الوضع عادي
لاني ناوي السنه الجايه ازوره

[Dana’1]

هو نظامة كذا وترى فية مخارج وفية إختصارات

حسن أنا غلطت وزرتة من كم يوم بتوقيت غلط بغيت شغلات للمطبخ تحسفت من الزحمة إلي شفتها داخل إيكيا مبهذلين الأثاث بعض الأطفال
وأستغربت إن البعض من الجنسيات الأسيوية يحطون أطفالهم عند بعض الأسرة الخاصة بالأطفال ويعطونهم الأكسسوارات من قلوب وحركات ويصورونهم!! وحتى الكبار يصورون بعض فية إلي يصور زوجتة وهي جالسة على كرسي وإلا طاولة طعام! غريبة الصراحة
يعني لو كانوا يصورون الأثاث بروحة بقول عادي يمكن يبغى يشوف شي يمشي معة إلخ
لكن يقلبونه إستيديو تصوير
من كيذا طلعنا وقلت إن شاءلله بجية بعد فترة ووقت الضحى بوسط الأسبوع إن شاءلله

[mr.M]

هذا نظام المحل بكل دول العالم
ما دخلت الي بقطر بس الي دخلتهم برع قطر
كل ماتخطي خطوتين تحصل مخرج طوارئ

[م. عبدالعزيز]

اخوي ايكيا كل محلاتهم بالعالم هالشكل ، يعني هذا هو نظامهم، اسهم تتبعها وبالعكس حلو النظام مميز عن باقي المحلات، واذا انتبهت اكثر قبل لتدخل في بروشورات شكثر خذ اللي تبيه وبيعطيك تصور على نظام المحل علشان يختصرون عليك الوقت وتوصل القسم اللي تبغيه ، وملاحظه اخرى ترا اذا ركزت بتلاقي مخارج طوارئ كثيره اثناء مرورك وبتلاقي علامه Exit على السقف

والله يحفظنا جميعا من كل مكروه

[المنسى]

فعلا كلامك صحيح يدور الراس

[q6ri_vip]

الللي اعرفه في ايكيا ادبي هناك اسهم تتبعها

بس السؤال هل هناك زحمه والناس كانها مهب شايفه خير ولا الوضع عادي
لاني ناوي السنه الجايه ازوره

أبشرك أخوي حسن لا زحمه ولا شي والمواقف متوفرة امس كنت فيه
وبخصوص الأسهم والإرشادات واضحه لاقدر الله شب حريق
الأمور طيبه

[ابوالكلام]

عادي الا فرع قطر

[التيما]

أنا للحين ما رحته بس على كلامك نفس الشكل في كل محلات ايكيا هم نظامهم كذا .. أنا رحت ماليزيا و دبي و أوروبا نفس النظام ..

[حسن]

هو نظامة كذا وترى فية مخارج وفية إختصارات

حسن أنا غلطت وزرتة من كم يوم بتوقيت غلط بغيت شغلات للمطبخ تحسفت من الزحمة إلي شفتها داخل إيكيا مبهذلين الأثاث بعض الأطفال
وأستغربت إن البعض من الجنسيات الأسيوية يحطون أطفالهم عند بعض الأسرة الخاصة بالأطفال ويعطونهم الأكسسوارات من قلوب وحركات ويصورونهم!! وحتى الكبار يصورون بعض فية إلي يصور زوجتة وهي جالسة على كرسي وإلا طاولة طعام! غريبة الصراحة
يعني لو كانوا يصورون الأثاث بروحة بقول عادي يمكن يبغى يشوف شي يمشي معة إلخ
لكن يقلبونه إستيديو تصوير
من كيذا طلعنا وقلت إن شاءلله بجية بعد فترة ووقت الضحى بوسط الأسبوع إن شاءلله




أبشرك أخوي حسن لا زحمه ولا شي والمواقف متوفرة امس كنت فيه
وبخصوص الأسهم والإرشادات واضحه لاقدر الله شب حريق
الأمور طيبه


اشكركم على التوضيح

خلها كم يوم ونروح على هداوه

:)

[Locale]

مستحيل يفتح الا انه مجهز بجميع مخارج وادوات وارشادات السلامه
الحين صاروا وايد مشددين من هالناحيه عقب حريق فيلاجيو

[Azizuk]

زرت المحل يوم الجمعة ومن السلبيات الموجودة المدخل ضيق جداً والسلم الكهربائي خطر حيث تدافع الزوار يجعله خطر لو قدر الله صار حريق مخارج الطوارئ غير واضحه وأنا ارفض سياسة انك لازم تلف المحل كامل عشان تاخذ حاجة جنب المحاسب ( الكاشير ) وكل ماسألت موظف عن المخرج قالي اتبع السهم ⬅ لو انقطعة الكهرباء شلون تشوف تتبع السهم والممرات ضيقه جداً

بس أحس الناس أدافع وتمدح على حساب أرواح الآخرين ومادري شنو محصلين وخير ياطير إذا سياسة المحل في جميع دول العالم جذي يتغير عندنا وبعدين حتى لو سياسية المحل السلامة أولاً وأخيراً

مواقف السيارات تحت المحل مش في القبو وصاير المحل رفيع عن مستوى الارض ومخارج الطوارئ وسلم الطوارئ راح يكون عالي جداً بيكون عليه مذبحة لو سمح الله يصير حريق وإلا حتى بس جرس الإنذار يشتغل بالغلط شوف التدافع شلون راح يصير
وأنا نازل من الدرج من الدور العلوي والناس طالعه صار تصادم معاهم وهذا الوضع مش في وضع خطر

ونجي حق مدخل المحل من الشارع الرئيسي بعد ضيق يمكن يعيق رجال الدفاع المدني والجهات الأمنية من سرعة الوصول إلى المحل

يرجى من الجهات المختصة إعادة النظر والتدخل في تصحيح الأخطاء وتغير سياسة المحل لإرضاء الزوار

[فارس قطر]

اول مرة اشوف في قطر مجمع احس انة كئيب

لابركنك السيارات عدل ولا الي بيسوي شوبنك يرتاح ولا وما انصح للعائلات تزورة .

[كبير المتداولين]

نظام الدربكه داخل ايكا نظام تسويقي لجعل العميل يتسوق قدر الامكان

[chillis]

في اسهم بالارض يدلك للطريق وهاشي مو جديد على ايكيا من اول محل لهم وهذا تخطيطهم للمحل يمكن انت ما شفتها قبل مرات بعض المواضيع غريبه

[fhd4]

ايكيا من افضل المحلات ترتيباً … اتجاه واحد وما تضيع …

لكن نحن المتعودين على نظام الجمعيات والمحلات … تروح وترجع على نفس الخط الف مرة …

[BuFaisal]

ايكيا من افضل المحلات ترتيباً … اتجاه واحد وما تضيع …

لكن نحن المتعودين على نظام الجمعيات والمحلات … تروح وترجع على نفس الخط الف مرة …

:nice:

[Aaziz]

اذا ايكيا على خبري. توجد فيه اختصارات في حال ماحبيت تتبع الاسهم و يكون عباره عن باب مغلق تفتحه و تكون عديت لفه كامله.
مادري عن فرع الدوحه هل هو نفس النظام او غير و اتوقع ان النظام واحد في جميع فروع العالم

[R 7 A L]

زرت المحل يوم الجمعة ومن السلبيات الموجودة المدخل ضيق جداً والسلم الكهربائي خطر حيث تدافع الزوار يجعله خطر لو قدر الله صار حريق مخارج الطوارئ غير واضحه وأنا ارفض سياسة انك لازم تلف المحل كامل عشان تاخذ حاجة جنب المحاسب ( الكاشير ) وكل ماسألت موظف عن المخرج قالي اتبع السهم ⬅ لو انقطعة الكهرباء شلون تشوف تتبع السهم والممرات ضيقه جداً

بس أحس الناس أدافع وتمدح على حساب أرواح الآخرين ومادري شنو محصلين وخير ياطير إذا سياسة المحل في جميع دول العالم جذي يتغير عندنا وبعدين حتى لو سياسية المحل السلامة أولاً وأخيراً

مواقف السيارات تحت المحل مش في القبو وصاير المحل رفيع عن مستوى الارض ومخارج الطوارئ وسلم الطوارئ راح يكون عالي جداً بيكون عليه مذبحة لو سمح الله يصير حريق وإلا حتى بس جرس الإنذار يشتغل بالغلط شوف التدافع شلون راح يصير
وأنا نازل من الدرج من الدور العلوي والناس طالعه صار تصادم معاهم وهذا الوضع مش في وضع خطر

ونجي حق مدخل المحل من الشارع الرئيسي بعد ضيق يمكن يعيق رجال الدفاع المدني والجهات الأمنية من سرعة الوصول إلى المحل

يرجى من الجهات المختصة إعادة النظر والتدخل في تصحيح الأخطاء وتغير سياسة المحل لإرضاء الزوار

اي والله
لو انقطعت الكهرباء
وش الحل ؟

مافية الا ان الواحد يأخذ معه ولاعة :rolleyes2:لزوم الخروج بسلامة

[جرير]

شدعوه وليش كل هالعالم مسوين زحمه

التصوير . . . اللي يرقد على السرير ويصورونه

واللي واقف في المطبخ ويصورونه يقطع بصل وطماط . . من صجكم الناس رايحه تتصور

دزني لاند يمكن . . . او كدزانيا . . احتمال

[راشد محمد]

هاي النظام في جميع أنحاء العالم

كل الشكر

:nice:

[شمس المغيب]

بالعكس انا رحت له
ومخارج الطوارئ واضحه وموزعه في كل مكان
بس الواحد يمشي فيه بحسب اتجاهات الأسهم
وهو سالم إن شاء من كل شر

[مهره]

بصراحه انا متعودة عليه وعلي الاسهم الي تحت والمشكله اول مارحت الي مسوين الزحمه الي يايين بالعكس ولا يعرفون للاسهم ولا للاتجاهات عانيت منهم وخصوصا معاهم عربانات ياليت الكل يلتزم بالسهم الي علي الارض

[تهامي باشا]

لو تتبعت الاسهم الارضية فستمر على جميع أقسام ايكيا من الدور الثاني ثم الأول مرورا بالمخزن ثم الكاشير وأخيرا المطعم
هناك أبواب طوارئ موزعة بشكل جيد، إضافة إلى وجود مخارج مغطاة بستائر توصلك إلى المخرج بطريقة أسرع، ويشار إليها بلافتة فوق مخرج الاختصار

[نور الحور]

اممممم .. نظامه حلو ومرتب بس مزعج للي يبي ياخذ شغله بسرعة ويروح .. ثاني شي الأسهم على الأرض مو رسم هي إضاءة من بروجكتر فوق ..لو انقطعت الكهرباء محد بيدري وين طريجه :rolleyes2:

[مزعله النساء]

اممممم .. نظامه حلو ومرتب بس مزعج للي يبي ياخذ شغله بسرعة ويروح .. ثاني شي الأسهم على الأرض مو رسم هي إضاءة من بروجكتر فوق ..لو انقطعت الكهرباء محد بيدري وين طريجه :rolleyes2:



لو انقطعت الكهرباء محد بيدري وين طريجه
كلام خطير ياليت يايتخدون الاجراء الازم

[بيانو]

كلامك صحيح 100% اخوي راعي الموضوع

بالفعل تضيع داخل المجمع وإن حبيت تخرج ما تعرف بعد تضيع وسالفه

بالاضافه إلى إحساسك بضيق الصدر من الزحمه وطريقة العرض الغريبه

وملحوظتك فى محلها تماماً وصحيحه 100% فى حالة حدوث شىء لقدر الله

[زهرة بنفسجية]

كلااامك بالضبط اللي كنت بقوله
و سبحان الله كل اللي دار في راسك دار في راسي و انا هناك
الممرات ضيقة و اضطررنا للوقوف كثيرا نتيجة للزحمة و ضيق المكان
و كذا مرة ضعنا
و الاحلى اننا دائما ماشيين عكس السير :(
مدري شلون نصير بعكس الناس
و الاسهم اللي في الارض ما بينت علينا من شده الاكتظاظ و الازحام و الناس ملية المكان ما شفنا الاسهم
اما المواقف حدث و لا حرج عن الضغط لكن الحمدلله اللي ساعدهم الساحه الخارجيه تستوعب ماشاء الله
و اتوقع مع الايام بيعدلوها و يزفتوها
لكن عن ضيق الممراات فعلا لاحظته و ضعنا كذا مرة فيه