اطفالكم اطفالكم اطفالكم اطفالكم ....

[ثابت]

السلام عليكم ورحمة الله وبركاتة

والله ياأهل قطر أهل الخير انا شفت مناظر يتألم القلب لها كل يوم الصباح اوصل اطفالي للمدرسة اوقف امام باب المدرسة حتى يفتح وينزلون الاطفال لتوجة لدراساتهم ولكن الي سبب لي الضيقة انة كانت هناك سيارة فخمة ومبين أنة أهل هذا الطفل عندهم خير والله منعم عليهم,وكان في السيارة سائق وخادمة, نزلت الخادمة وسحبت الطفل وهو نائم في المقعد الخلفي والله يوم سحبتة وهو نائم انة فرقز تخرع الياهل من سحبتها وكانت شديدة بسحبتها لة ما يبين انة الخدامة هذي فيها قهر وحقد والطفل مثل العصفور الي مكسور جناحة وهو يمشي وعيونة توها تفتح من النوم ويفركها شكلة يكسر الخاطر الله يحفظة عمرة تقريباً 4 سنوات او 5 والله اعلم شعرة مش مشط وملابسة مبين عليها مش منظفة عدل ومعفس بنطلونة وقميصة عور قلبي بصراحة كانت بنزل وبهاوش الخدامة بس قلت مالي حق ممكن لو اهلة ابوة و امة لو عرفوا يطلعون من النوع المعقد ويظنون بتفكيرهم انة هم ما يعرفون يربون ولدهم ويهتمون فية والمشكلة جربت هالشي قبل قلت حسبي الله ونعم الوكيل والله الولد حتى نزل مادخل مع باب المدرسة وحرك الدريول والخدامة شي يعور القلب وقفت لين شفتة دخل ومشيت.

أمانة لكل أب و أم اطفالكم اهتموا فيهم ولا تقطونهم هالقطة تراء والله حرام والله حرام واذا انتوا تشوفون نفسكم ماتقدرون تربون لاتجيبون عيال.

[ام السعف]

لا حول ولا قوة الا بالله

[البحار00]

انا وام العيال

مقسمين التوصيل فيما بينا

هي توصلهم الصبح مع السواق

وانا اجيبهم الظهر

كل هذا بس علشان ما اهمل عيالي مع خدامه وسواق

جزاك الله ياخوي على التنبيه

والله يعلم ان اشوف هالمشاهد دايما

واقربها امس دريول ماخذ بنت يمكن في الصف الاول ماسكها من يدها ومركبها السيارة

ومافي حد وياهم في السيارة

[حمد 2002]

لا حول ولا قوة الا بالله

[أم نواري1]

يا الله .!

اللهم كن معهم يارب واحفظهم من شر الخدم والدريوليه = (

بحفظ الله

[dm styal]

عادي وايد اشوف هذا المنظر الي يقطع القلب لما اودي بنتي انا وابوها المدرسة ساعات اقول يمكن هذا ولد الهندي سألت الولد شسمك طلع من عيله فلان ووووووو الله يهديهم ويفتح عيونهم على مابلاهم

[حسن]

رساله توجه الى حقوق الطفل

وياريت يشكلون عده فرق عمل لمراقبه المدارس ويشوفون بعيونهم
اي اللي قاعد يصير من اهمال بعض اولياء الامور

بالنسبه لي لاني اجيب عيالي المواقف كثيره ومن كم يوم كنت با اصور
لك طفل نصف جسمه برع السياره لكن للاسف السيد حرك

الله المستعان

[نورهان88]

لا حول ولا قوة الا بالله


قلبي عورني،،،،

[بصمة قطرية]

لا حول و لا قوة إلا بالله
ما يخافون على عيالهم ،...؟؟
على كثر ما نسمع م بلاوي الخدم و الدريويلة
و ما زال الكثير من الأهل مهملين عيالهم ..!!

حسبي الله و نعم الوكيل ،،

[intesar]

لا تعليق ومتابعة

[chillis]

الحين اذا كل الاعضاء هم الي يوصلون عيالهم للمدارس عيل الي عند باب المدارس من عياله :( لا تقولون لي اجانب ارجوكم

[أم نواري1]

يمقن اي ويمقن لا
بس الاكيد ان الكل آمن مأمن ع الدريول والخادمة التي تكون مربيه وحاضنة ومعلمه أحيانا
يشوفهم قدامه حليوين ومن وراه يلعبون لعبتهم

سلام

[كود نمبر]

أكبر غلط أن الأطفال يروحون مع السائق والخادمه
بروحوهم مهما كانت الظروف للمدرسه ولا الدكان ولا بيت الأهل
لكن بصراحه الحين نشوف ها الظاهره منتشره
الله يكفينا شرهم

[القبطان سلفر]

رساله توجه الى حقوق الطفل

وياريت يشكلون عده فرق عمل لمراقبه المدارس ويشوفون بعيونهم
اي اللي قاعد يصير من اهمال بعض اولياء الامور

بالنسبه لي لاني اجيب عيالي المواقف كثيره ومن كم يوم كنت با اصور
لك طفل نصف جسمه برع السياره لكن للاسف السيد حرك

الله المستعان


وين حقوق الطفل والا المسأله شوووو بس ! شئ يقطع القلب فعلا . انتهاك صارخ لمعنى الطفوله والبراءه وحقوق الطفل نايمين في العسل . كم من الانتهاكات والتحرش الجنسي يعانون منه الاطفال في خلوتهم مع الغرباء سواء من الخدم او الخدامات .

اذ الاب والام ما عندهم حس بالمسؤليه لازم يجي دور الحكومه والمؤسسات المعنيه في الحفاظ على المواطن من سوء الاستغلال وحتى ولو كان طفل فهو لازال مواطن له حقوق وواجبات .

لازم وبشكل فوري يكون هناك تشريع وقوانين لحماية الطفل حتى من الاباء المهملين وتقديمهم للعداله والقانون لانهم هم السبب الاول في ضياع الجيل وانحرافه .

والله انا ما اعرف اشلون الاب او الام يطاوعهم قلبهم يطرشون عيالهم مع الخدم . اباء تافهين لا يستحقون مسمى اب ..... شئ يقهر .

[bent mhmd]

سائق منزل بنتين صغار بزي مدرسي للدكان الممتلئ بالعمال والخدامه الاميره قاعده في السياره

مريحه ما تبي اتعب عمرها والبنات مع السائق في الدكان وين الاهل ما تدري

[qrt_trading]

بالنسبة لي زوجي يوصل ولدي الكبير المدرسة ويرجع بالباص أما الاثنين الصغار يروحون ويرجعون بالباص هممممممممممم مع اني افكر أجيب سايق بس راح يكون زوج شغالتي بمجرد ما يفتحون المجال مره ثانيه للفلبين لان بنتي معاقه ولازم اتداوم في الشفلح والمرجح اني أنا راح اوديها المدرسة والظهر زوجي يرجعها من المدرسة بس في حالة السفر السايق مع زوجته اللي هي شغالتي بالإضافة لممرضة بنتي راح يجوبونها من المدرسة يعني للضرورة وبس.

[Aozomblue]

الله المستعان

[الصريحه]

انا وام العيال

مقسمين التوصيل فيما بينا

هي توصلهم الصبح مع السواق

وانا اجيبهم الظهر

كل هذا بس علشان ما اهمل عيالي مع خدامه وسواق

جزاك الله ياخوي على التنبيه

والله يعلم ان اشوف هالمشاهد دايما

واقربها امس دريول ماخذ بنت يمكن في الصف الاول ماسكها من يدها ومركبها السيارة

ومافي حد وياهم في السيارة

المفروض توقفه وتبلغ الادراه
ممنوع وانا دايم ابلغ واوقف السياره
لان بعض الامهات مفكره ان السايق مع الخدامه يجيبون عيالها لكن الواقع شيء ثاني

[بصمة قطرية]

الحين اذا كل الاعضاء هم الي يوصلون عيالهم للمدارس عيل الي عند باب المدارس من عياله :( لا تقولون لي اجانب ارجوكم

و هل كل الأعضاء يمثلون كل الشعب القطري ..؟؟؟

[لولو2022]

اللة يعين الام ، تبونها تسوق و تشتغل ودرس عيالها وتزور اهلها وتكتب في المنتدى
يعني اشبتلحق علية
مرة اتصلت في ام اقولها انتبهي على البنت لان الشغالة كل ليوم اتوديها الدكان الي جنب المدرسة ، والدكان كان متر في متر
ردت على .. تقول انا ارجع البيت الساعة 3 العصر انام لين 6 شاسوي
ليش اعيالي مايعلموني
والله كسرت خاطري ، الله يساعد كل ام
صاحب الموضوع خلك ايجابي ، مثل مانحب الخير لعيالنا ، انحبة لعيال الناس ونعلم اهلهم ونكسب اجر في الاطفال

[شيخ الديرة]

موضوع خطير جدا ويستحق الحوار الجاد

[ثابت]

اللة يعين الام ، تبونها تسوق و تشتغل ودرس عيالها وتزور اهلها وتكتب في المنتدى
يعني اشبتلحق علية
مرة اتصلت في ام اقولها انتبهي على البنت لان الشغالة كل ليوم اتوديها الدكان الي جنب المدرسة ، والدكان كان متر في متر
ردت على .. تقول انا ارجع البيت الساعة 3 العصر انام لين 6 شاسوي
ليش اعيالي مايعلموني
والله كسرت خاطري ، الله يساعد كل ام
صاحب الموضوع خلك ايجابي ، مثل مانحب الخير لعيالنا ، انحبة لعيال الناس ونعلم اهلهم ونكسب اجر في الاطفال

!!!! ومن اتهم الام ومن عم كل الامهات تراء انتي وعلى فكرة انا كثير امهات اشوفهم يوصلون عيالهم ويشتغلون ومستانسين ومسجلين بنشاطط كثيرة ولهم وجود بالمجتمع لكن انتي مبين عليج من النوع الي تبي بس تنام وشنو الايجابية الي تبيني اكون عليها بمثل هالموضيع اقول لا حلو الخدامة تمصع الياهل وهو توة بسن الورد و اصفق لهلة انتي من ردج مبين عليج ماتدرين وين ربي قاطج الله يهديج بس.

[ولد شرق]

اللة يعين الام ، تبونها تسوق و تشتغل ودرس عيالها وتزور اهلها وتكتب في المنتدى
يعني اشبتلحق علية
مرة اتصلت في ام اقولها انتبهي على البنت لان الشغالة كل ليوم اتوديها الدكان الي جنب المدرسة ، والدكان كان متر في متر
ردت على .. تقول انا ارجع البيت الساعة 3 العصر انام لين 6 شاسوي
ليش اعيالي مايعلموني
والله كسرت خاطري ، الله يساعد كل ام
صاحب الموضوع خلك ايجابي ، مثل مانحب الخير لعيالنا ، انحبة لعيال الناس ونعلم اهلهم ونكسب اجر في الاطفال

عفوا... اشلون يعني نبغي الام اتسوق وتشتغل و ادرّس اعيالها وتكتب في المنتدى؟

من يدرس عيالها عيل؟ الشغاله؟
من يهتم فيهم؟ الشغاله؟
تبغين الخدامه اتزور هلج ؟
وهل انتي ملزومه انج تكتبين في المنتدى؟ يعني المنتدى اهم من اعيالج؟؟؟؟؟

استغفر الله العظيم
اليوم 24 ساعه
الدوام من 7 لين 3 وانا اتكلم عن الشركات واكثر من نص الامهات في المنتدى مهب في الشركات يعني دوامهم من 8 لين 1
ولو جدلا قلنا ن 7 لين 3
ترجع المرة تنام ساعه وبعدها تهتم في اعيالها احسن لها من تربية الخدم إلا اذا اهي تربية خدم اصلن وتبغي اعيالها نفسها

اليوم مهب بكثره الأشغال اليوم والوقت ببركته
البركه موجوده في اليوم
انا اشتغل من 7 لين 3 وبعض الاوقات اوصل البيت 4
ارتاح لي ساعه وبعدها اطلع اليهال بشكل يومي
وازور الوالده
واروح المجلس
واقعد مع هلي
واحس اليوم طويل بعد

نظموا وقتكم وبسكم لف واعتماد على الغير ...

[مهره]

حسبي الله ونعم الوكيل عورت لي قلبي لاني اعاني كل يوم من هالمناظر واشوف وانا اودي عيالي انا واخوي البحار نفس الشي الصبح انا اودي وابوهم الظهر يجيبهم واشوف العجب العجاب في المدارس وهذي اكيد مدرسه مستقله الي يتكلم عنها اخوي لاني شبعت من هالسوالف
لكن ماقول غير حسبي الله ونعم الوكيل علي كل من اهمل عياله واعتمد علي الخدم

[دهــن العود]

حسبي الله و نعم الوكيل ،،

حرررام عليهم والله هاليهال امانة وربي بيحاسبهم

انا مرة شفت خدامة مع السواق في السيارة ومعاهم بنت صغيرة في الروضة وهم ينتظرون البنت الثانية في مدرسة ابتدائية والله العظيم شوف عيني الخدامة تبي تنزل تاخذ البنت الثانية والبنت الصغيرة ماتبي تنزل شكلها تبي تنام قامت الخدامة كفختها تكفخ والله عورت قلبي المهم عقب مانزلت البنت غصب رحت انا للبنت الصغيرة الي ضربتها لو تشوفون الخدامة شسوت يوم شافتني اقولها تعالي ابيج انا اعرف امج بغتتت تموووت:eek5: وتسحبها مني وانا اقول لها عطيني رقم امج والخدامة لسانها شطووله تقوول ماتعرف ماعطتني فرصه اكلم البنت لانها شكت اني شفتها :weeping:

هاليهال اماانة ولازم كل ام لو ظروفها ماتسمح انها تاخذهم مثلا من المدرسة تقعد مع عيالها تسالهم عن يومهم شسوو فيه وتسالهم عن طلعتهم ودخلتهم للمدرسة او عن احداث يومهم في المدرسة على الاقل تعرف ايش ممكن يصير ويحسون اليهال انها مهتمه فيهم

[لولو2022]

أخي ثابت الي يطرح الموضوع يجب علية أن يحاور بأدب وآحترام آراء الاخرين
عسى ماشر اذا مافهمت كلامي ،مالا داعي للالفاظ المستفزة
انا اتكلم عن الموظفات لاني مش موظفة واشوف الي في المدارس نفسك
لاكن انا احسن منك لاني مارضى بأهانة اي طفل أتكلم ، انصح ، ماكتب الخطاء واطلب من الناس النقد لان الخطاء واضح
فخلك محترم ومالا داعي للغلط :)

[ثابت]

أخي ثابت الي يطرح الموضوع يجب علية أن يحاور بأدب وآحترام آراء الاخرين
عسى ماشر اذا مافهمت كلامي ،مالا داعي للالفاظ المستفزة
انا اتكلم عن الموظفات لاني مش موظفة واشوف الي في المدارس نفسك
لاكن انا احسن منك لاني مارضى بأهانة اي طفل أتكلم ، انصح ، ماكتب الخطاء واطلب من الناس النقد لان الخطاء واضح
فخلك محترم ومالا داعي للغلط :)

!!! انتي غريبة على اي اساس تقولين انج احسن مني تعرفيني او تعرفين اخلاقي الحمدلله الي خلقنا هو الي يقيم من الاحسن ودام انج احسن مني وقيمتي نفسج انج احسن مني دليل على انة الحوار معاج راح يكون جداً صعب لنج قولتيني كلام انا ماقلتة بهدف انج تبين تجيشين علي بنات جنسج وهذا دليل على تفكيرج ومستوج الله يهديج وعلى قولتج انا مافهمت كلامج انا فهم حتى السم الي انتي دستة بين السطور مب بس كلامج لكن انتي الي ارجعي للموضوع وحرفية حرف حرف يمكن تفهمين انا ليش كاتب هالموضوع الله يستر عليج والحور بيني وبينج منتهي لنة ما منة فايدة.

[لولو2022]

انا اترفع عن هذا الاسلوب