بــــــــــاريس

[فــراولــة]

السلام عليكم أنا إن شاء الله رايحه باريس نهاية الشهر بغيت معلومات عن ديزني لاند والاوت ليت والمطاعم العربيه ف باريس والجو ولكم جزيل الشكر

[Chambray]

السلام عليكم أنا إن شاء الله رايحه باريس نهاية الشهر بغيت معلومات عن ديزني لاند والاوت ليت والمطاعم العربيه ف باريس والجو ولكم جزيل الشكر

حددي اختي نوع المعلومات الي تبغينها في ديزني لاند .. مثلاً اسعار التذاكر ولا الفنادق ولا المواصلات ولا ايش بالضبط !؟

المطاعم العربية كثيرة في باريس لكن افضلها ( العجمي ) و ( نورة )
اذا تبغين مطاعم مغربية بعد مووجوود ..

الجو بارد ( مابين 5 - 15 ) درجة .. بس هالايام ( نهاية موسم الشتاء ) ويعتبر غداً 20 مارس آخر يوم من ايام ( الشتاء ) ويبدأ فصل الربيع ابتداءً من غداً ان شاء الله .. بس بعد يبقى الجو باارد .. ومتقلب .. قبل السفر ب اسبوع تستطيعين معرفة الجو عن طريق موقع الارصاد الجويه الفرنسي
http://france.meteofrance.com

[Chambray]

http://www.qatarshares.com/vb/showthread.php?t=528136
موضوع خاص باستفسارات باريس

[غير البشر]

مرحبا اختي
يعطيه العافيه اخوي Chambray ماقصر بيض الله وجهه


بالنسبه للأوت لت
ادخلى على رابط موضوعي
وروحي للمشاركه رقم 8
فيها الاوت لت حق عدد من الدول الاوروربيه
ومنها باريس ولندن مع الشرح
ويطلع لج كل اوت لت الماركات الموجوده بها
وبعطيج ان شاء الله مسار القطار والمحطات للاوت لت في مشاركه قادمه


http://www.qatarshares.com/vb/showthread.php?t=529587



وبعطيج كامل تفاصيل استفسارج ان شاء الله :victory:

[غير البشر]

اختي سؤال في دزني لاند بتروحون وترجعون بنفس اليوم
او حاجزين وبتقعدون مبيت هناك
ارجو التوضيح

[فــراولــة]

اختي سؤال في دزني لاند بتروحون وترجعون بنفس اليوم
او حاجزين وبتقعدون مبيت هناك
ارجو التوضيح

هلا اخوي راجعه ف نفس اليوم

[غير البشر]

هلا اخوي راجعه ف نفس اليوم


اختي بما ان نفس اليوم

انصحج تحجزين تذاكر دزني لان من الشانزليزيه
في محل حق ديزني مكانه
تمشين جنب فندق الماريوت الشانز وتخلينه على يسارج
تمشين تقريبا 300 متر بتحصلين على يسارج محل في الزاويه
هذا شكله

http://im38.gulfup.com/vaUDI.jpg (http://www.gulfup.com/?j1lCgG)

اول ماتدخلين المحل تنزلين تحت بالدرج بتحصلين كاونتر في الزاويه
يبيع تذاكر حق دزني لاند

ملاحظه :
قولي له ان يرويك خارطه الالعاب لانها الحديقه لها نوعين من التذاكر

تقدرين تاخذين تذكره للحديقتين
وتقدرون تاخذين حق وحده منهم لان يمكن الثانيه ماتعجبكم يعني حرام تدفعون زياده

وبالنسبه لدزني تروحون لها با الاندر قراوند تقريبا ساعه ونص
او بالسياره تاخذونها من الفندق وتقريبا نفس المسافه ولو اني افضل السياره احسن واريح



بالنسبه للأت لت outlet

فرنسا فيها 17 اوت لت :rolleyes2:

بس اشهر وانسب واقرب اوت لت هو لافيلج
وهو جنب دزني لاند مباشره
يعني لو تطلعون بدري وتروحون دزني لاند وبعدها مباشره للأوت لت يكون افضل

وهنا الخارطه توضح المسافه بين الاوت لت ودزني لاند

http://im42.gulfup.com/q4uWF.png (http://www.gulfup.com/?zjjUE2)


وادخلي على رابط الاوت لت بتحصلين كل الماركات الموجوده به

http://www.outlet-malls.eu/shopping-center/france/la-vallee-village-near-paris.html



اوقات الدوام في الاوت لت


من الاثنين الى الجمعه
من الساعه 10 صباحا الى 7 مساء

ويوم السبت
من 10 صباحا الى 8 مساء


يوم الاحد
من 10 صباحا الى 7 مساء

[للصبر اخر]

اولا تروحين وتردين بالسلامه
ثانيا
يوم في والت ديزني مايكفي
احنا 5 ايام وماتكفيناا
لان اغلب الالعاب زحمه
وعندج الستوديو
والفيليج والعروض اللي فيه شي حلو وايد
والمطاعم العربيه عندج نوره والعجمي بس العجمي غالي وايد

[فــراولــة]

اختي بما ان نفس اليوم

انصحج تحجزين تذاكر دزني لان من الشانزليزيه
في محل حق ديزني مكانه
تمشين جنب فندق الماريوت الشانز وتخلينه على يسارج
تمشين تقريبا 300 متر بتحصلين على يسارج محل في الزاويه
هذا شكله

http://im38.gulfup.com/vaudi.jpg (http://www.gulfup.com/?j1lcgg)

اول ماتدخلين المحل تنزلين تحت بالدرج بتحصلين كاونتر في الزاويه
يبيع تذاكر حق دزني لاند

ملاحظه :
قولي له ان يرويك خارطه الالعاب لانها الحديقه لها نوعين من التذاكر

تقدرين تاخذين تذكره للحديقتين
وتقدرون تاخذين حق وحده منهم لان يمكن الثانيه ماتعجبكم يعني حرام تدفعون زياده

وبالنسبه لدزني تروحون لها با الاندر قراوند تقريبا ساعه ونص
او بالسياره تاخذونها من الفندق وتقريبا نفس المسافه ولو اني افضل السياره احسن واريح



بالنسبه للأت لت outlet

فرنسا فيها 17 اوت لت :rolleyes2:

بس اشهر وانسب واقرب اوت لت هو لافيلج
وهو جنب دزني لاند مباشره
يعني لو تطلعون بدري وتروحون دزني لاند وبعدها مباشره للأوت لت يكون افضل

وهنا الخارطه توضح المسافه بين الاوت لت ودزني لاند

http://im42.gulfup.com/q4uwf.png (http://www.gulfup.com/?zjjue2)


وادخلي على رابط الاوت لت بتحصلين كل الماركات الموجوده به

http://www.outlet-malls.eu/shopping-center/france/la-vallee-village-near-paris.html



اوقات الدوام في الاوت لت


من الاثنين الى الجمعه
من الساعه 10 صباحا الى 7 مساء

ويوم السبت
من 10 صباحا الى 8 مساء


يوم الاحد
من 10 صباحا الى 7 مساء





مشكور اخوي ع المعلومات والله يجعله ف ميزان حسناتك بس بغيت اعرف متى وقت الالعاب الناريه ف ديزني والساعه كم تفتح انا مالي خاطر العب لان مافي معانا اطفال بس خاطري اشوف ديزني

[غير البشر]

مشكور اخوي ع المعلومات والله يجعله ف ميزان حسناتك بس بغيت اعرف متى وقت الالعاب الناريه ف ديزني والساعه كم تفتح انا مالي خاطر العب لان مافي معانا اطفال بس خاطري اشوف ديزني


العفو اختي
ولج بمثله ان شاء الله

اختي بالنسبه للعرض والمسيره عاده لهم عرضين باليوم
تقريبا واحد مابين الساعه 6 الى 7 مساء (تأكدي منهم اكثر لما تاخذين التذاكر )
وطلبي منهم وقه بها عروض اليوم
والعرض الثاني وهو الاكبر والاضخم وفيه الالعاب الناريه ومناظر روعه :victory:
تقريبا وقته قبل لاتغلق الحديقه بنص ساعه او اكثر اشوي
يعني تقريبا 9 ونص


نصائح :


1- خلج بمكان العرض قبل الوقت بساعه تقريبا على اساس تشوفين لج مكان زين عن الزحمه

2- مكان العرض :
اول ماتدخلين الحديقه من البوابه الرئيسيه روحي سيده بتحصلين قدامج شارع داخل الحديقه
على هذا الشارع محلات تبيع اشياء دزني لاند ( اول محل على يسارج حلو وكبير وكل شي فيه للأصغار والكبار :victory: )
على هذا الشارع تكون العروض

3- وانتي بالشارع هذا بتشوفين قدامج بعيد اشوي قصر برنسس من هنا يبدا العرض وهم جايين الي نهايه الشارع الي قدام هذا المحل الي تكلمت عنه قبل اشوي

4- حاولي تختارين المكان جنب اول محل نفسه لمشاهده العرض على اساس مع انتهاء العرض
بسرعه تطلعين من الحديقه عن الزحمه عند البوابات المؤديه للخارج

5- بما ان ماعندكم اطفال وانتو فقط رايحين لدزني والعرض
انزلو اول شي في الاوت لت لافيلج وتسوقو وخلصو ولا تستعجلون على دزني لاند
وبعد ماتخلصون تروحون دزني تقريبا على الساعه 4 او 5 العصر

6- في مدخل البوابات لحديقه دزني فيها صناديق امانات نفس صناديق البريد
اسألو هناك طريقه الحصول على صندوق خاص فيكم وتحطون فيها اغراض الاوت لت
اذا حبيتو او تخلونهم معاكم


مواعيد فتح الحديقه :

شهر مارس ( 3 )

http://im40.gulfup.com/XAiIi.png (http://www.gulfup.com/?6qqJb7)


شهر ابريل ( 4 )


http://im40.gulfup.com/AXnnU.png (http://www.gulfup.com/?SsIZ0A)

[للصبر اخر]

غير البشر
اعتقد العرض الساعه 10 بالليل
او 11
حسب ما اتذكر

[غير البشر]

غير البشر
اعتقد العرض الساعه 10 بالليل
او 11
حسب ما اتذكر


هلا اختي للصبر اخر
انا كنت موجود قبل رمضان بس نسيت الوقت بالظبط
ماعتقد 11
لان الحديقه تسكر الساعه 10
فبكون العرض اتوقع مابين 9 ونص الى 10

بس الافضل انها تسأل في محل دزني في الشانز :victory:

[غير البشر]

المطاعم العربيه في باريس

عندج مطعمين كما ذكرو الاخوان

1- مطعم نوره
2- مطعم العجمي


وصف مطعم العجمي

عنوان المطعم 85Rue Francois 1er,75008





http://im39.gulfup.com/S3r4w.png (http://www.gulfup.com/?4vPdej)


وصف مطعم نوره

عنوان المطعم 21Avenue Marceau, 75116 Paris



http://im39.gulfup.com/mvnEE.png (http://www.gulfup.com/?u5SLDl)


وصف المطعمين من الخارطه

http://im39.gulfup.com/Cvqg9.png (http://www.gulfup.com/?lIUcSe)




وبالتوفيق ان شاء الله

[للصبر اخر]

في مطعم ايراني بس مو عارفه كيف اوصفه لج
بحاول
في الشانز عند فندق الورويك قبله تقريبا في باب زجاج لما تدخلينه بتلاقين صالون وكم مطعم المهم خلج ماشيه لين يجيج السلم الكهربائي طلعي فوق المطعم بيكون يسارج
اتمنى اني قدرت اوصفه صح

[Chambray]

غير البشر ، أسجل اعجابي بخبرتك :)
وشرحك الرائع المدعم بالصور

المكان الي استمتع فيه صراحة هو futur o scope في مدينة بواتييه
والي احسن من ديزني صراحة هو ( يوروب بارك ) في المانيا ( مدينة رست 35 كيلو عن مدينة ستراسبورغ الفرنسية ) .
ديزني كل الاوقات زحمه والسبب القطارات اليومية من لندن - بلجيكا - مدن فرنسا


نصيحة الي يبي يروح ديزني يطلع من الفندق 8 الصبح ، يوصل هناك 9 تكون الحديقه توها فاتحه ..

[Chambray]

في مطعم ايراني بس مو عارفه كيف اوصفه لج
بحاول
في الشانز عند فندق الورويك قبله تقريبا في باب زجاج لما تدخلينه بتلاقين صالون وكم مطعم المهم خلج ماشيه لين يجيج السلم الكهربائي طلعي فوق المطعم بيكون يسارج
اتمنى اني قدرت اوصفه صح

بس عرفته تقصد مطعم Jet set الي مجابل مقهى المجلس
للاسف هالمطعم ما احبه كلش
والاسباب كثيرة
من اهما
1- المكان فيه شيشه
2- العاهرات منتشرين فيه انتشار واضح للاسف
3- ليلاً يتحول إلى مرقص
4- اكله من لين ذاك الزود

في واحد ثاني قريب من الشانز

F A V
العنوان
5 Bis r Berri
75008 PARIS

واذا تبي الي احسن منه
Mazeh
العنوان
65 r Entrepreneurs
75015 PARIS

هذا صج المطعم صغير ، لكن الاكل لا يعلى عليه :nice:

[للصبر اخر]

هلا اخوي ايه صدقت بالنسبه للمطعم بالليل ابد مانمر صوبه
والمجلس عنده شاي احمر يعدل الراس بالغربه :shy:
في مطعم لبناني بس بعد ماعرف اوصفه مشكلتي ما احفظ الاسامي بس ادل المكان :secret:

[غير البشر]

بس عرفته تقصد مطعم Jet set الي مجابل مقهى المجلس
للاسف هالمطعم ما احبه كلش
والاسباب كثيرة
من اهما
1- المكان فيه شيشه
2- العاهرات منتشرين فيه انتشار واضح للاسف
3- ليلاً يتحول إلى مرقص
4- اكله من لين ذاك الزود

في واحد ثاني قريب من الشانز

F A V
العنوان
5 Bis r Berri
75008 PARIS

واذا تبي الي احسن منه
Mazeh
العنوان
65 r Entrepreneurs
75015 PARIS

هذا صج المطعم صغير ، لكن الاكل لا يعلى عليه :nice:



العفوو يا خبير فرنسا مابعدك كلام يا الغالي :nice:

اي صدقت هالمطعم عمري مادخلته حتى لو تسكن في الورويك بعض الغرف
تطلع على المطعم من الخلف واليشه والزحمه والحاله حاله تقدر تشوفهم من الفندق

[غير البشر]

هلا اخوي ايه صدقت بالنسبه للمطعم بالليل ابد مانمر صوبه
والمجلس عنده شاي احمر يعدل الراس بالغربه :shy:
في مطعم لبناني بس بعد ماعرف اوصفه مشكلتي ما احفظ الاسامي بس ادل المكان :secret:



لايكون اختي قصدج معطم قريب وايد من الشانز
اعتقد اسمه الريف اللبناني

في نفس صفه بيزا بينو تلفين حدى اللفات الي جنب هالمطعم
وبعدها يجي المطعم على اليسار على الزاويه

هذا المطعم كنت دووم اروح له قريب وايد من الشانز واكله لذيذ
لكن اخر مره رحت باريس دورته ماحصلته
شكلها جاتني ام الديفان :secret:

[للصبر اخر]

لايكون اختي قصدج معطم قريب وايد من الشانز
اعتقد اسمه الريف اللبناني

في نفس صفه بيزا بينو تلفين حدى اللفات الي جنب هالمطعم
وبعدها يجي المطعم على اليسار على الزاويه

هذا المطعم كنت دووم اروح له قريب وايد من الشانز واكله لذيذ
لكن اخر مره رحت باريس دورته ماحصلته
شكلها جاتني ام الديفان :secret:

لالا الطريق المقابل له
بتلاقي واحد هندي واقف بيده لوحه
هالمول فيه مطعم هندي ومطعم لبناني

[للصبر اخر]

في مطعم ايراني بالشانز بس اكله ماعجبني وايد اعتقد انه بين البيتزا الفوكييت

[غير البشر]

لالا الطريق المقابل له
بتلاقي واحد هندي واقف بيده لوحه
هالمول فيه مطعم هندي ومطعم لبناني



المول الصغير الي في نهايه الشانز قصدج جنب محل اديداس

[فــراولــة]

مشكوريين ماقصرتوا ف ميزان حسناتكم يارب

[Chambray]

هلا اخوي ايه صدقت بالنسبه للمطعم بالليل ابد مانمر صوبه
والمجلس عنده شاي احمر يعدل الراس بالغربه :shy:
في مطعم لبناني بس بعد ماعرف اوصفه مشكلتي ما احفظ الاسامي بس ادل المكان :secret:

عرفته
تقصد مطعم البارون ..

اذا طلعت من مقهى المجلس تطلع يمين اول ماتطلع من الباب تروح يسار تحصله
صغير ويسوي شوارما وفلافل وفيه جلسات بس صغير .. لاتقولي مب هو :anger1:

[Chambray]

لالا الطريق المقابل له
بتلاقي واحد هندي واقف بيده لوحه
هالمول فيه مطعم هندي ومطعم لبناني

مجمع Le 66
المطعم الهندي الي فيه مب لين هناك بعد ههههه .. بس في وايد من ربعي يحبونه :nice:

[Chambray]

العفوو يا خبير فرنسا مابعدك كلام يا الغالي :nice:

اي صدقت هالمطعم عمري مادخلته حتى لو تسكن في الورويك بعض الغرف
تطلع على المطعم من الخلف والشيشه والزحمه والحاله حاله تقدر تشوفهم من الفندق

بس للامانه المجلس ( احسن واحد يضبط لك راس المعسل ) بعكس ( الجت ست ) الي لا قعدته حلوه ولا الجو العام حلو ..

المجلس اخترب بعد ماضاق المكان .. وادارة فندق الورويك منعوا مقهى المجلس من الجلوس في الخارج .. مع ان الجلسه الخارجية كانت ممتازة .. لكن ضيقوا عليهم وضاق المكان للاسف

[Chambray]

مشكوريين ماقصرتوا ف ميزان حسناتكم يارب

العفو اختي فراوله . بالعكس استانسنا بتبادل الخبرات بين الربع :nice::nice:

[kka]

في فندق ريفي حلو في دزني لاند اسمه الماريوت في باص واقف اوصل كل فترة واذا بغيتي اوت لايت بعد كلمي الرسبشن يوصلج في مطعم لبناني في اوت ليت مش ذاكر اسمة افضل مكان للسكن في باريس عند الاوبرا او جدام متحف اللوفر هناك الكثر من المجمعات افضل بكثير من شارع الشانز ((( على فكرة فرنسا جدا جدا عادية ))) اذا بغيتي بلد متطور وممتاز سنغافورة وبس وكل شي فيه اسواق وملاهي وكل شي

[alemadi2022]

بااريس من اجمل الاماكن اللي زرتهاا
انجيووو

والاخوان ماقصروا