دراسة اللغة الانجليزية في لندن

[S.T.Y.L.E]

السلام عليكم

اول شي مادري اذا مكان الموضوع صحيح او لا ، اذا غلط اعذروني

ندخل فالموضوع
بصراحه ودي ادرس لغة في بريطانيا ، واسمع وايد يقولون فمعاهد كامبرج افضل شي
وعندي كذا سؤال اتمنى القى من يجاوبني

1- هل معاهد كامبرج افضل من لندن ؟
2- هل معاهد كامبرج صعبه فالدراسه جداً ؟
3- ماهو أفضل معهد لغة انجليزية في لندن ومعتمد ، اتمنى ذكر اثنين او ثلاثه ؟
4- ماهو افضل ، السكن مع عائلة او السكن في السكن الطلابي ؟
5- فترة الدراسة 4 شهور ، هل بتكون مفيده تتوقعون والا فالدوحه نفس الشي ؟

انا افضل تكون ف لندن لان فيها المناطق السياحيه والمنطقة سهله الحفظ
اما كامبرج بتكون جديدة علي


اتمنى رايكم

[روح الاطلس]

لندن كل شي فيها غالي غااااالي السكن لو بروحك اقل شقة محترمة ب 12 الف وحسب الموسم ممكن توصل 30 الف

مدينه كامبرج حلوة كجو دراسي لكن كئيبة بعد ماتخلص من المعهد ماعندك شي تسويه

لندن حلوة وممتعه لكن عيبها الغلا وفيها معهد حلو ورخيص اسمه كينغ ستريت كولج وقريب من الهايد بارك والمناطق الحيوية يعني جدولك بيكون مليان

4 شهور هل بتكون كافيه او لا يعتمد عليك وعلى مستوى لغتك هل تبي تبدأ من الزيرو؟ او عندك لغه وتبي تقويها ؟ انت اي ليفل؟

ليه ماتفكر بمناطق غير لندن وكامبرج؟

[أسير الاسهم]

شوف بل سكول .. فيه في كامبردج وفي في لندن وفيه في ويلز

يمدحونها

[بوخالد911]

اهم شي ابعد عن لندن
وعن العرب

انت رايح تكتسب لغة
وخله الهدف الأساسي

[الايرلندي]

انصحك اخي بايرلندا ارخص و افضل من بريطانيا من كل النواحي و الايرلندين بشكل عام طيبين و يحبون الناس حتي العرب الموجودين بايرلندا افضل في تعاملهم من الموجودين بي بريطانيا و موفق باذن الله

[alemadi2022]

صح اهم شي تحاول تقط نفسك مع انجليز او ناس تتكلم انجليزي بس

[ذكي جدااا]

لندن غاليه بالنسبة لكامبردج المدينة حلوه وصغيره بس الساعه خمس كل شي يسكرر وملل. أسكتلندا حلوووه أدنبره ممكن تسكن مع عائلة ب ظ¨ظ*ظ* باوند بالشهر أو أرخص حتا بالنسبة لمعاهد ادنبره بالعاده من ظ¢ظ*ظ* الئ ظ¢ظ¥ظ* باوند بالاسبوع الكورس عشرين ساعه بالاسبوع اربع ساعات يوميا بالاخير ترا الخيارات كثيره جدااا ممكن تدرس بأي معهد وبأي مدينه سوا ببريطانيا او اسكتلندا لكن لندن هي الأغلى. وبالتوفيق