رايكم بخصوص تصميم البيت

[وحيد-الشوق]

السلام عليكم

ماخاب من استشار ويليت نشوف ارائكم وملاحظاتكم

الملف pdf مرفق

طبعا انا عندي كم ملاحظة احس الملحق الي برا وايد عود للخدامة والمطبخ بعد

وهل مساحة الطبيله تكفي 3 سيارات جنب بعض ؟

[معماري قطري]

عاد انا فضولي يستوي مليون لين حاولت افتح مخطط وما انفتح .. حاول يا اخوي تسويه صورة وتحطه ما ينفتح عندي.

وعن المظلة تحتاج أقل شيء مترين ونص عرض لوقوف السيارة ولو حصلت 3 أمتار تكون مرتاح .. وبعض السيارات ما تكفيها مترين ونص.

[وحيد-الشوق]

http://i863.photobucket.com/albums/ab200/w7ed-qatar/83c50064-75bc-43db-bc5c-e00fe5af935e_zpsdeab3209.jpg?t=1363719299

http://i863.photobucket.com/albums/ab200/w7ed-qatar/2-6_zps94564925.jpg?t=1363719013

http://i863.photobucket.com/albums/ab200/w7ed-qatar/3-3_zpsbeb27666.jpg

[وحيد-الشوق]

عاد انا فضولي يستوي مليون لين حاولت افتح مخطط وما انفتح .. حاول يا اخوي تسويه صورة وتحطه ما ينفتح عندي.

وعن المظلة تحتاج أقل شيء مترين ونص عرض لوقوف السيارة ولو حصلت 3 أمتار تكون مرتاح .. وبعض السيارات ما تكفيها مترين ونص.

ولاتزعل حطيت لك صور بس جودتها قلت في البي دي اف واضح المخطط

المساحة الاجمالية للبناء 650 متر والارض 657 متر وودي اضيف مجلس خارجي وغرفة ثانية مهمة جدا في الطابق الارضي بس شلون مادري انقص مساحة البنيان ولا وشو اسوي بالضبط

[kka]

اقترح عليك انك تلصق الطبيلات بالمطبخ افضل وتخلي مساحة حق الحوش من قدام وعشان الشمس

[معماري قطري]

بيتك في أي منطقة؟

ممكن تقدر تحرك البيت ورا شوي ويمين شوي منها توسع الحوش جدام ومنها توسع الموقف 8 ونص أمتار بتكون مضمونه حق 3 سيارات 7.5 بتطلع ضيقه المواقف .. وحاول تسويها طولية للملحق تقدر تصف بسيارات أكثر ورا بعض إحتمال 6.

يبين لي التصميم مبدئي ولازم يتطور أكثر ومنه تتضح الصورة كاملة.

مبدئياً تقدر تزيد عرض الصالة أو المجلس أو الإثنين وتحافظ على مدخل ضيق يوسع الباب بس .. ممكن يكون عرضه حتى مترين و60 سم وتسوي باب قزاز جدام حماية ضد الغبار.

إدرس إحتياجك صح بالنسبة للصالة اليمنى بعد المدخل .. لو ألغيت فيها تكرم الحمام أو سويته بطريقة يكون تحت الدرج وخليت الدرج يبدأ من الجهة الثانية بحيث يكون مرتفع والحمام يكون تحته وفيه مغسلة وتخلي الصالة منفتحة أكثر .. وممكن توسع شوي فتحة الدرج الوسطى وتسوي مكان حق مصعد وبتكون فكرة حلوة خصوصاً عندك بنتاهاوس .. والبنتاهاوس خله غرفتين وتكرم حمام وسطهم .. وحاول أما تسوي منور ورا الحمام لفتح درايش جانبية أو تستغل جهة السطح لفتح درايش على السطح.

الملحق فوق أوكي بس تحت تبين لي الغرفة مكتوب عليها إطعام .. وإذا كانت غرفة طعام أو حتى غرفة سائق المفروض الحمام ما يكون في الواجهة وتكون الواجهة ولو إنها تطل على مظلة السيارات تنفتح عليها دريشة، والحمام والمدخل اللي معاه يكون ملاصق لحائط سور البيت .. يعني يفتر الحمام مع عقارب الساعة 90 درجة ويبقى باب الغرفة مكانه.

ملاحظ الحمامات تكفي لثلاث قطع بس.

خلنا نفترض التخطيط طلعوا طيبين معاك وسمحوا لك بتحريك البيت فوق متر ولليمين متر، فتكون عندك إمكانية تمد متر في طول الصالة تحت أو على الأقل طول الغرفة الرئيسية فوق، وتضمن مساحة للفت في وسط تجويف الدرج وتضمن مساحة زينه حق تكرم الحمام الرئيسي.

متابع معاك وبعد ما يرتب لك التعديل المكتب بارتبه لك أكثر لو حبيت بس عطني فايل الأُوتوكاد وبالتوفيق لك.

[وحيد-الشوق]

اقترح عليك انك تلصق الطبيلات بالمطبخ افضل وتخلي مساحة حق الحوش من قدام وعشان الشمس

اكيد بس قلت للمهندس ابي مساحة مبدئية تكفي 3 سيارات او 6 ورا بعض

شاكر لك ملاحظتك

[وحيد-الشوق]

بيتك في أي منطقة؟

ممكن تقدر تحرك البيت ورا شوي ويمين شوي منها توسع الحوش جدام ومنها توسع الموقف 8 ونص أمتار بتكون مضمونه حق 3 سيارات 7.5 بتطلع ضيقه المواقف .. وحاول تسويها طولية للملحق تقدر تصف بسيارات أكثر ورا بعض إحتمال 6.

يبين لي التصميم مبدئي ولازم يتطور أكثر ومنه تتضح الصورة كاملة.

مبدئياً تقدر تزيد عرض الصالة أو المجلس أو الإثنين وتحافظ على مدخل ضيق يوسع الباب بس .. ممكن يكون عرضه حتى مترين و60 سم وتسوي باب قزاز جدام حماية ضد الغبار.

إدرس إحتياجك صح بالنسبة للصالة اليمنى بعد المدخل .. لو ألغيت فيها تكرم الحمام أو سويته بطريقة يكون تحت الدرج وخليت الدرج يبدأ من الجهة الثانية بحيث يكون مرتفع والحمام يكون تحته وفيه مغسلة وتخلي الصالة منفتحة أكثر .. وممكن توسع شوي فتحة الدرج الوسطى وتسوي مكان حق مصعد وبتكون فكرة حلوة خصوصاً عندك بنتاهاوس .. والبنتاهاوس خله غرفتين وتكرم حمام وسطهم .. وحاول أما تسوي منور ورا الحمام لفتح درايش جانبية أو تستغل جهة السطح لفتح درايش على السطح.

الملحق فوق أوكي بس تحت تبين لي الغرفة مكتوب عليها إطعام .. وإذا كانت غرفة طعام أو حتى غرفة سائق المفروض الحمام ما يكون في الواجهة وتكون الواجهة ولو إنها تطل على مظلة السيارات تنفتح عليها دريشة، والحمام والمدخل اللي معاه يكون ملاصق لحائط سور البيت .. يعني يفتر الحمام مع عقارب الساعة 90 درجة ويبقى باب الغرفة مكانه.

ملاحظ الحمامات تكفي لثلاث قطع بس.

خلنا نفترض التخطيط طلعوا طيبين معاك وسمحوا لك بتحريك البيت فوق متر ولليمين متر، فتكون عندك إمكانية تمد متر في طول الصالة تحت أو على الأقل طول الغرفة الرئيسية فوق، وتضمن مساحة للفت في وسط تجويف الدرج وتضمن مساحة زينه حق تكرم الحمام الرئيسي.

متابع معاك وبعد ما يرتب لك التعديل المكتب بارتبه لك أكثر لو حبيت بس عطني فايل الأُوتوكاد وبالتوفيق لك.

البيت في الوكرة

طيب اذا ما وافقوا التخطيط ؟ انا استغربت من المهندس يقولي هذا القانون طيب حتى لو قانون انا بسكن في البيت ولا انتوا يالتخطيط !!

سؤال مدخل الصالة (Hall) انا اشوفه ماخذ مساحة كبيره عالفاضي ولاشرايك يا اخ معماري

بالنسبة للبنت هاوس تكفي غرفة حاليا واذا احتجنا نزيد فبيكون بعدين ان شاء الله

الحمامات تكفي لثلاث قطع يعني ازيد مساحتها ؟

المصعد فكره حلوة في البيت بس اتوقع بيكلف علي وايد وانا عندي ميزانية حاطها في بالي

والملحق الي برا غرفة بس في خطأ من المهندس المهم شرايك لو صغرت مساحة الملحق والمطبخ الخارجي وايد عود عالفاضي

طيب ابي اضيف غرفة اضافيه تحت للضروره وابغي مجلس خارجي ايش اسوي وغرفة للسايق بعد :(

اخيرا شنو الأوتوكاد ؟

وجزاك الله خير

[معماري قطري]

البيت في الوكرة

طيب اذا ما وافقوا التخطيط ؟ انا استغربت من المهندس يقولي هذا القانون طيب حتى لو قانون انا بسكن في البيت ولا انتوا يالتخطيط !!

التخطيط يا اخوي يسمحون بمسافات أقل بس حاول معاهم انت .. إخوي مسوي أقل من متر داعوس ضيق حتى المنهول ماخذ العرض كامل.

سؤال مدخل الصالة (hall) انا اشوفه ماخذ مساحة كبيره عالفاضي ولاشرايك يا اخ معماري

هذا اللي قلت لك عنه .. يعتبر ممر ولو كبرت الجلسة اللي على اليمين والمجلس وصغرت المدخل أحلى أو تكبر وحده منهم مب شرط تناظر اللي في اليمين نفس اليسار .. وتسوي باب قزاز ومدخل وبعدين باب خشب.

بالنسبة للبنت هاوس تكفي غرفة حاليا واذا احتجنا نزيد فبيكون بعدين ان شاء الله

الحمامات تكفي لثلاث قطع يعني ازيد مساحتها ؟

إنت حسب احتياجك لو محتاج أكثر من 3 زيد .. بالنسبة للرئيسي كبره شوي تحتاج حوض + شاور + مغسلة عريضة + كرسي حمام + بديه .. هذا حسب توقعي ولو تحتاج أقل انت اللي تعرف احتياجك والمساحة تترتب على هالأساس.

المصعد فكره حلوة في البيت بس اتوقع بيكلف علي وايد وانا عندي ميزانية حاطها في بالي

مب شرط تحط لفت بس سو الترتيب اللي قلت لك عليه.

والملحق الي برا غرفة بس في خطأ من المهندس المهم شرايك لو صغرت مساحة الملحق والمطبخ الخارجي وايد عود عالفاضي

حتى لو غرفه يا اخوي عدل وضعية الحمام بحيث يكون ملاصق للطوفة وتنفتح دريشة جهة السيارات والباب... المطبخ صحيح شوي كبير ممكن تصغره شوي

طيب ابي اضيف غرفة اضافيه تحت للضروره وابغي مجلس خارجي ايش اسوي وغرفة للسايق بعد :(

هذي يبي لها إعادة تخطيط وترتيب وممكن تضطر تسوي بيسمنت أو حتى جزء بيسمنت .. ما يكون بكامل البيت يعني.

اخيرا شنو الأوتوكاد ؟

وجزاك الله خير

الله يجزيك بمثل ما دعيت

الأوتوكاد يا اخوي هو برنامج الرسم الهندسي وملفه بيكون موجود عند الإستشاري .. بس مب ضروري ألحين خله يسوي لك التعديلات كلها وبعدها ممكن ترسل الفايل

[عيون الدوحة]

انا مب عارفة انتوًكلكم تصممون في نفس المكتب
ليش الحمام في واجهة الغرفةً
الافضل الغرفة بعدين غرفة الملابس وبعدها الحمام

[وحيد-الشوق]

الله يجزيك بمثل ما دعيت

الأوتوكاد يا اخوي هو برنامج الرسم الهندسي وملفه بيكون موجود عند الإستشاري .. بس مب ضروري ألحين خله يسوي لك التعديلات كلها وبعدها ممكن ترسل الفايل

كلمت المهندس قالي الارتداد من الجانب الايمن ممكن تخليه متر ونص او مترين حلو بس من الامام لازم خمسة متر وماتقدر تخلي المساحة الخلفية اقل من 3 متر :( شرايك اخوي معماري

انا بصغر مساحة الملحق الخارجي وبصغر المطبخ وايد وشخصيا ما احب المطبخ الخارجي جونا حار وكله غبار ومايساعد

سؤال اذا ماسويت اللفت وحطيته في الخريطة وقررت اركبه بعد مايخلص البيت كمثال شلون الوضع ؟


سؤال شاطح لو مساحة البنيان 650 متر هل بيكفي مبلغ مليون و200 او مليون و400 كحد اقصى مع التشطيب :telephone:

وملاحظاتك كلها في الحسبان اخوي معماري

بيض الله وجهك وماقصرت

[وحيد-الشوق]

انا مب عارفة انتوًكلكم تصممون في نفس المكتب
ليش الحمام في واجهة الغرفةً
الافضل الغرفة بعدين غرفة الملابس وبعدها الحمام

انا بالذات لحد يسألني ههههههههه :shy:

بفكر في ملاحظتج

[captin]

مرحبا أخوي حياك الله ما خاب من استشار

الحقيقة التصميم عادي جدا ومبسط ومساحات كثيرة مهدورة
خصوصا الصالة الوسطية اللي هي عبارة عن ممر عريض ما منه فايده

باين من الرسم وشعار المكتب هذا رسم المهندس اسامة بمكتب الفن والهندسة

ملاحظاتي كالتالي :

أولا : الأرض صغيرة نوعا ما وتحتاج أنك تعدل في التصميم وتكسب لك مساحة في خلف الفيلا
كحوش للعائلة او حديقة خلفية صغيرة .

ثانيا : تلغي الصالة أو الممر العريض بوسط الفيلا وتخلي الصالة نفسها هي صالة وممر وبالتالي تصغر معاك المساحة العرضية للفيلا.

ثالثا : تقلل عرض الملاحق الى 4.5 متر او حتى 4 امتار بدال 5.23 متر

رابعا : في الدور الأول تحاول تسوي لك بانتري صغير راح تحتاج له بفراغ الدرج
اذا قدر المصمم يسوي لك.

خامسا : عرض الأرض يسمح لك تسوي كراج ومعاه غرفة صغير للسايق اقترح عليك
تسوي من الحين غرفة للسايق راح تحتاج لها بدال ما تبني بعدين.

وأخيرا اسأل المهندس اسامة عن تصميم فيلا في الوكير اعتقد فيلا صغيرة حلوة وملمومه صالتها دائرية شفتها عندهم من فترة عجبتني كتوزيع واستغلال للأرض حاول انك تشوفها وتركبها على الأرض عندك وبالتوفيق ان شاء الله .

[معماري قطري]

كلمت المهندس قالي الارتداد من الجانب الايمن ممكن تخليه متر ونص او مترين حلو بس من الامام لازم خمسة متر وماتقدر تخلي المساحة الخلفية اقل من 3 متر :( شرايك اخوي معماري

حافظ على الإرتدادات بس حاول في الممكن ومتر ونص كفاية بس بيكون ما فيه مكان للزراعة الا في إصيصات، وورا معقولة مسافة 3 متر عرض ولو قدرت تستغلها عدل في جلسة خارجية بسيطة وزراعه ممكن .. وممكن تمد بايب الماي للجهة الخلفية وتركب بايب 4 إنش لماي الدنكر من جدام البيت للجهة الخلفية من البيت وتخلي التانكي ورا

انا بصغر مساحة الملحق الخارجي وبصغر المطبخ وايد وشخصيا ما احب المطبخ الخارجي جونا حار وكله غبار ومايساعد

ممكن حتى تلغي المطبخ الخارجي وتكبر الداخلي وتخليه بارز شوي من طرف البيت

سؤال اذا ماسويت اللفت وحطيته في الخريطة وقررت اركبه بعد مايخلص البيت كمثال شلون الوضع ؟

ممكن بس خطط له من البداية وأسس له وممكن تركب بعدين حديد خاص آي بيم وتتغلف بزجاج .. والأفضل تسوي الدرج عادي ببلاط شعبي وتحط عليه سجاد وتتخلص من الدرابزين من البداية بعمل حايط خرساني للفت وتركبه من البداية .. بتكون وفرت في تشطيب الدرج والدرابزين ودفعت شوي في اللفت.


سؤال شاطح لو مساحة البنيان 650 متر هل بيكفي مبلغ مليون و200 او مليون و400 كحد اقصى مع التشطيب :telephone:

انا عرض الملحق ما بين عندي مب واضح يعني في الصورة .. إذا 5 وشوي ممكن تصغره حتى لين 4 وبعدين انت بتوفر متر أقل شيء من تحريك البيت جهة اليمين.

بالنسبة للمجلس الخارجي والغرفة الإضافية لو تسوي نص بيسمنت أتوقع بتوفر مساحة زينه وتخلي المدخل في جنب البيت من يمين وممر مظلل بخشب ويوصل لدرج نازل تحت لباب المجلس اللي بيكون شبه خارجي وخاص للرجال.

وملاحظاتك كلها في الحسبان اخوي معماري

بيض الله وجهك وماقصرت

الله يسلمك بالعكس ما سويت شيء وبفايل الاوتوكاد باقدر أوضح لك أكثر بالمقاس وبتوزيع الأثاث.

[وحيد-الشوق]

مرحبا أخوي حياك الله ما خاب من استشار

الحقيقة التصميم عادي جدا ومبسط ومساحات كثيرة مهدورة
خصوصا الصالة الوسطية اللي هي عبارة عن ممر عريض ما منه فايده

باين من الرسم وشعار المكتب هذا رسم المهندس اسامة بمكتب الفن والهندسة

ملاحظاتي كالتالي :

أولا : الأرض صغيرة نوعا ما وتحتاج أنك تعدل في التصميم وتكسب لك مساحة في خلف الفيلا
كحوش للعائلة او حديقة خلفية صغيرة .

ثانيا : تلغي الصالة أو الممر العريض بوسط الفيلا وتخلي الصالة نفسها هي صالة وممر وبالتالي تصغر معاك المساحة العرضية للفيلا.

ثالثا : تقلل عرض الملاحق الى 4.5 متر او حتى 4 امتار بدال 5.23 متر

رابعا : في الدور الأول تحاول تسوي لك بانتري صغير راح تحتاج له بفراغ الدرج
اذا قدر المصمم يسوي لك.

خامسا : عرض الأرض يسمح لك تسوي كراج ومعاه غرفة صغير للسايق اقترح عليك
تسوي من الحين غرفة للسايق راح تحتاج لها بدال ما تبني بعدين.

وأخيرا اسأل المهندس اسامة عن تصميم فيلا في الوكير اعتقد فيلا صغيرة حلوة وملمومه صالتها دائرية شفتها عندهم من فترة عجبتني كتوزيع واستغلال للأرض حاول انك تشوفها وتركبها على الأرض عندك وبالتوفيق ان شاء الله .

معاك حق ياخوي واتفق معاك التصميم عادي جدا :secret: ومافي استغلال للمساحة الواحد لأنه عليمي ومتوهق مايعرف ايش الصح من الغلط :(

انا قررت اغير والغي هالصالة الي طولها تقول ملعب كرة يد :) وبخلي صاله ومجلس وغرفتين تحت وبصغر في مساحة الملحق والمطبخ الخارجي وبسوي مجلس خارجي بأذن الله

هو مكتب الفن والهندسة بس مب عند اسامة

جزاك الله خير ياخوي ومنكم نستفيد

[وحيد-الشوق]

الله يسلمك بالعكس ما سويت شيء وبفايل الاوتوكاد باقدر أوضح لك أكثر بالمقاس وبتوزيع الأثاث.

الله يرحم والديك يالغالي ماقصرت معاي

بغير اشياء وايد ان شاء الله

بالنسبة للمجلس شلون بيكون نص بيسمنت اتمنى حد من الاخوان يشرح لنا

والله يخليكم الي عنده اي فكره او تصميم بمثل مساحة الارض لايبخل علينا

راسي عورني :rolleyes2:

[Qt.1]

نصيحه اخوي ماشوف عندك صاله , صالتك صايره ممرات وايد وصدقني بتحس فيها عقب , كنسل القعده الي على اليمين وافتحها خلها بكبرها صاله , ترى اهي اهم مكان في البيت , والصاله الشرحه حلوه وتفتح النفس خاصه في مدخل البيت , والله يوفقك وتبنيه وتسكن فيه يارب :)

[وحيد-الشوق]

نصيحه اخوي ماشوف عندك صاله , صالتك صايره ممرات وايد وصدقني بتحس فيها عقب , كنسل القعده الي على اليمين وافتحها خلها بكبرها صاله , ترى اهي اهم مكان في البيت , والصاله الشرحه حلوه وتفتح النفس خاصه في مدخل البيت , والله يوفقك وتبنيه وتسكن فيه يارب :)

الله يجزاك اخوي ياخوي موعدنا الاثنين ونشوف ان شاء الله :rolleyes2:

[نور الحور]

أخوي وحيد الشوق ..إذا كنت للحين في مرحلة المخطط أنصحك تغيره بالكامل .. خذ وقتك وسو لك سيرج في النت بتلقى تصاميم وايد حلوه خذ أفكار وعدل وغير لين توصل للتصميم اللي يعجبك .. ترى التصميم الحلو واللي على ذوقك شي وايد مهم ويبيله وقت وجهد .. وممكن تمر فيلل تنبيني وتشوف على الطبيعة أحسن .. وللأسف كثير من المكاتب هني قص ولزق أو مخططات أي كلام ..
الله يوفقك ويعينك

[ثابت]

مشاء الله تصميمك جداً روعة

[وحيد-الشوق]

أخوي وحيد الشوق ..إذا كنت للحين في مرحلة المخطط أنصحك تغيره بالكامل .. خذ وقتك وسو لك سيرج في النت بتلقى تصاميم وايد حلوه خذ أفكار وعدل وغير لين توصل للتصميم اللي يعجبك .. ترى التصميم الحلو واللي على ذوقك شي وايد مهم ويبيله وقت وجهد .. وممكن تمر فيلل تنبيني وتشوف على الطبيعة أحسن .. وللأسف كثير من المكاتب هني قص ولزق أو مخططات أي كلام ..
الله يوفقك ويعينك

كلامج عين العقل

ان شاء الله بغيره :victory:

[الصقر المحلق]

كلمت المهندس قالي الارتداد من الجانب الايمن ممكن تخليه متر ونص او مترين حلو بس من الامام لازم خمسة متر وماتقدر تخلي المساحة الخلفية اقل من 3 متر :( شرايك اخوي معماري

انا بصغر مساحة الملحق الخارجي وبصغر المطبخ وايد وشخصيا ما احب المطبخ الخارجي جونا حار وكله غبار ومايساعد

سؤال اذا ماسويت اللفت وحطيته في الخريطة وقررت اركبه بعد مايخلص البيت كمثال شلون الوضع ؟


سؤال شاطح لو مساحة البنيان 650 متر هل بيكفي مبلغ مليون و200 او مليون و400 كحد اقصى مع التشطيب :telephone:

وملاحظاتك كلها في الحسبان اخوي معماري

بيض الله وجهك وماقصرت

أنا مهندس معماري وفي حل حلو كتير
إنت ممكن تستفيد ملجمب كله وتكون ملصق فجمب الارض بس تعمل جيب معماري وتفتح عليه الشبابيك كلها ومساحته تكون 2*2 متر فقط