شباب (( هل قطر )) كشخه وعنده رقم مميز وجيبه مافيه ريال واحد

[حمد 2002]

السلام عليكم ورحمه الله وبركاته

موضوعي لهذا اليوم يحمل العنوان التالي

(( شباب (( هل قطر )) كشخه وعنده رقم مميز وجيبه مافيه ريال واحد ))

لفت نظري الكثير من شبابنا القطري الذي يتباها بالمظاهر مما يرهق نفسه بأزمات ماليه نظير تلك المظاهر الكذابه !!!!!!!!!!!

تلقاه اول مايخلص ثانوي ياخذله سلفيه ويطلعله سياره قيمتها 200 الف وفوق !!!!!!!!!!!! ليش هالشيء واشحاااااااادك على هالشيء ؟!!!!!!! :rolleyes2: طلعلك كامري ولا كورلا في بدايه حياتك وتالي اذا جمعت فلووس اشترلك الي تبي :):)

وتلقى شباب ايتباهون بالأرقام المميزه سواءا ارقام سيارات ولا ارقام جوالات ، يعني اشتريلي رقم سياره قيمته 30 الف ليشششششششش !!!!!!!!!!!!!!!!!!!!!!!!!!!!!!!!!!!!!!!

اذا عندك فلوس اشتر مب مشكله بس اذا ماعندك لاتشتري وشو الي حاااااادك على الشيء :)


وغيره وغيره من الأمور الاخرى الي يطول الحديث عنها ،،،،،،،،،،

وحبيت اقول نقطه اخيره (( بأن الرجوله ليست بالكشخه بل بالفعل وقت الشدايد :) ))
الموضوع مفتوح للنقاش العام على مصراعيه وفقا لسياسه المنتدى وبدون الخروج عن الأطار العام للموضوع

تحياتي لكم

[R 7 A L]

لزوم البرستيج

[حمد 2002]

لزوم البرستيج

ماضيعنا الا هالبرستيج :)

تحياتي لك يارحال على المشاركه الطيبه :nice:

[عيون الدوحة]

الأرقام المميزة طلعت موضه بالخليج وانتهت
الا قطر مازالو على الأرقام المميزة

[حمد 2002]

الأرقام المميزة طلعت موضه بالخليج وانتهت
الا قطر مازالو على الأرقام المميزة

ومالسبب ؟ ليش الواحد ايحط نفسه بضائقه ماليه يندم عليها فيما بعد ؟!!!

تحياتي لج على المشاركه الطيبه ،،

[سعود العمادي]

يعطيك العافيه اخوي حمد عالموضوع

متابع موضوعك وبعدها بحط ردي

[حمد 2002]

يعطيك العافيه اخوي حمد عالموضوع

متابع موضوعك وبعدها بحط ردي

في انتظار ردك :nice:

تحياتي لك :nice:

[R 7 A L]

ماضيعنا الا هالبرستيج :)

تحياتي لك يارحال على المشاركه الطيبه :nice:


ايه هم يبون كذا
وبعدها يشتكون ان الرواتب قليلة وان الديوان مايقدم مساعدات
وليش الدولة ماتسدد الديون
وليش وليش وليش وليش ..... الخ

[حمد 2002]

ايه هم يبون كذا
وبعدها يشتكون ان الرواتب قليلة وان الديوان مايقدم مساعدات
وليش الدولة ماتسدد الديون
وليش وليش وليش وليش ..... الخ

:nice:

الله يهديهم ان شاء الله

[elders]

أصلا ماحد هالايام بيحمل كاش بجيبه

[حمد 2002]

أصلا ماحد هالايام بيحمل كاش بجيبه

:telephone: وشباب لبنان نفس شباب قطر ؟

[elders]

:telephone: وشباب لبنان نفس شباب قطر ؟

لا لا هدلاك اهم شي عندون يضهروا عشيه ويتروؤا منئوشة ولاتيه ويلبسو اجدد تياب عالموضه
مو كلن طبعا

[العلم]

موضوع صعب .. لي عوده ..:(

[elders]

موضوع صعب .. لي عوده ..:(

ولا صعب ولاشي ركز وسمي وبتحل كل شي

[HAMAD2008]

ياكثرهم أخوي حمد،،،انا اعرف 3 شباب أعمارهم ما تعدي 22 سنه ،،أقوله عليك دين يقول إيه حول ال 400الف،،أقوله ليش ،،يقول أقساط سياره وأرقام ،،شلون تصرف يقول الله يخلي الوالد،،في ذمتك هذا منطق

[العلم]

ولا صعب ولاشي ركز وسمي وبتحل كل شي


اقصد شيء ثاني .. :anger1:

[تاسيتوس]

الخير واجد الحمدالله , بس البعض يحاول يجاري عيشه مب عيشته هذا بيتعب وايد.

[elders]

اقصد شيء ثاني .. :anger1:

ثاني اثنين ؟

[حمد 2002]

موضوع صعب .. لي عوده ..:(

:shy: في انتضار عودتك

[حمد 2002]

ياكثرهم أخوي حمد،،،انا اعرف 3 شباب أعمارهم ما تعدي 22 سنه ،،أقوله عليك دين يقول إيه حول ال 400الف،،أقوله ليش ،،يقول أقساط سياره وأرقام ،،شلون تصرف يقول الله يخلي الوالد،،في ذمتك هذا منطق

الله المستعان ياخووك ، بالفعل بعض الناس مادري شلون ايفكرون !! :)

تحياتي لك ولمشاركتك الطيبه بالموضوع :nice:

[حمد 2002]

لا لا هدلاك اهم شي عندون يضهروا عشيه ويتروؤا منئوشة ولاتيه ويلبسو اجدد تياب عالموضه
مو كلن طبعا

اها

تحياتي لج :nice:

[حمد 2002]

الخير واجد الحمدالله , بس البعض يحاول يجاري عيشه مب عيشته هذا بيتعب وايد.

بالفعل الي يجوف الناس الي اعلى من مستواه وايحاول ايجاريهم بحياتهم بيتعب واااااايد :)

تحياتي لك اخووي ولمشاركتك الطيبه :victory:

[متروس]

اعجبتني مقولة الي مش مديون يعتبر غني

حلو ان الواحد لما يتكلف (في المعقول) على الأمور الي ترفع من قدر صاحبها ,, مثل العزايم والوقفات المالية للمستضعفين في الأرض ويساعد الي علية ديون والي بيتزوج ويوقف مع خلق الله وقفات طيبة ,, وتدور الدنيا وبيقفون معاة ناس كثير وبيردون لة الجميل

الوسطية هي احلى شي ,, ولا ننسى انة في ناس اغنياء واشكالهم وحياتهم اعوذ بالله من البخل

الحمداللة على النعمة والخير

[بـارود]

رقم الجوال ممكن الواحد يحفظه أما رقم السيارة مادري شالفايدة منه ؟!

[الاستثمار]

عدو وجود الحس بالمسؤولية عدم وجود رادع ديني كلن يطالع الاعلى منه ما يطالع الاقل منه ويقول الحمدلله على نعمة الخير والدين

[عضوو]

هذي مشكلة الشعب كامل الكل همه الرئيسي المظهر وهذا مؤشر خطير

شباب وبنات وكبار وصغار هموننا تدل على عقولنا *

[لاجل QT]

بسبب نظرة الناس للمظاهر دون الجوهر انتشرت هذة الظاهرة عند الشباب والبنات

لااشباع غريزة التقدير

لان الواقع واللى نشوفة ..يقول الكل ماشي على المظاهر الناس تقيمك وتقدرك وتحترمك على اللى عندك

كل ماكان عندك شي مميز كل ماكان تقدير الناس لك اكبر

وطبعا هذا خطأ للاسف,, في الشخص وفي نظرة الناس الى المظهر الخارجي فقط

ماقام الشخص يتقيم باخلاقة والمحافظة على صلاتة ..صار التقيم كم عندك او ماذا تركب ..او كيف شكل بيتك ,,كم مرة يسافر الخ الخ...

الناس ماتعرف من انت!!! ولكن تعرف ماذا ترى عندك لتحدد تقديرك في نظرهم

فاطبيعي الشخص يحب يكون في عين الناس الافضل حتى لو كلفة ذالك الكثير

[qatari 111]

الصراحه اخوي بوحمد .. انا مريت بتجربه اني اخذ سياره على قد فلوسي كاش من غير اقساط .. وخذت سياره امريكي فور ويل عائليه وموديلها كانت 2009 في سنة 2010 الصراحه الناس والبيئه اللي حولينا هم السبب باللي حاصل .. ماتحصل اي احترام فالطريق حتى اللي يسوق سيكل مايحترمني .. الا بسياره فوق ال200 الف وموديل السنه .

وهذا انا شريت سياره موديل السنه وقيمتها فوق ال300 الف .. والحمدلله اني شريتها كاش وحصلت كل الاحترام من الناس اللي حوليي فالطريق ونظرة الناس لي تغيرت طبعا اللي مايغرفوني اني انسان مسؤول او مدبر وله مكانه والله حتى مسؤلي تغيرت نظرته لي للاحسن .. وانا موظف عااادي جدا ومتواضع جدا ولله الحمد

[واحد قطري]

ههههههه مادري ليش احساسي كل الشباب يعرفون اجابة سؤالك معنها تفشل بس هي الواقع كل هالمضاهر بالسيارات واللبس والارقام والكشخه عشان ......... مب عشاني ولا عشانك ولا لو الدوحه كلها نفسنا محد كشخ
واقع لزوم نعترف فيه

[الزعفراني]

لا تلومهم مقاييس المجتمع ونظرته للناس صارت ماديه

[توشيبا]

الصراحه اخوي بوحمد .. انا مريت بتجربه اني اخذ سياره على قد فلوسي كاش من غير اقساط .. وخذت سياره امريكي فور ويل عائليه وموديلها كانت 2009 في سنة 2010 الصراحه الناس والبيئه اللي حولينا هم السبب باللي حاصل .. ماتحصل اي احترام فالطريق حتى اللي يسوق سيكل مايحترمني .. الا بسياره فوق ال200 الف وموديل السنه .

وهذا انا شريت سياره موديل السنه وقيمتها فوق ال300 الف .. والحمدلله اني شريتها كاش وحصلت كل الاحترام من الناس اللي حوليي فالطريق ونظرة الناس لي تغيرت طبعا اللي مايغرفوني اني انسان مسؤول او مدبر وله مكانه والله حتى مسؤلي تغيرت نظرته لي للاحسن .. وانا موظف عااادي جدا ومتواضع جدا ولله الحمد


شدعوه وانا اخوك والله لو اللي قاطع الطريق في وجهي سيكل متفقعه توايره واللي راكبه هندي ان اوقف واحترمه مثل مانا محترم نفسي

اما اني امشي في الشارع وماحترم او اصير محترم الا بسياره 300 الف


:)

[عيون الدوحة]

الداخلية والمرور مساعدتهم على المظاهر
لو يوقفون نقل الارقام وايد ابركً

[مشاكل]

شدعوه اخو حمد اشوفك افتريت على الشباب ؟؟!!
لايكوكونك الحريم علينا وخلك على تخصصك هههههه
,,,,,
شوف يالذيب
تبي الصراحة ,,, انا ماألوم اللي ياخذ له موتر كشخة ورقم مميز ,,, بختصار: لأن الدنيا اصبحت مظاهر والاحترام والتقديراصبح للمظهر
تحياتي لك

[حمد 2002]

اعجبتني مقولة الي مش مديون يعتبر غني

حلو ان الواحد لما يتكلف (في المعقول) على الأمور الي ترفع من قدر صاحبها ,, مثل العزايم والوقفات المالية للمستضعفين في الأرض ويساعد الي علية ديون والي بيتزوج ويوقف مع خلق الله وقفات طيبة ,, وتدور الدنيا وبيقفون معاة ناس كثير وبيردون لة الجميل

الوسطية هي احلى شي ,, ولا ننسى انة في ناس اغنياء واشكالهم وحياتهم اعوذ بالله من البخل

الحمداللة على النعمة والخير

صادق أخوي ، يجب على الواحد ان لايبسط يده كل البسط ولايجعلها مغلوله :nice: ،،،

تحياتي لك ولمشاركته الطيبه بالموظوع ،،،،

[حمد 2002]

رقم الجوال ممكن الواحد يحفظه أما رقم السيارة مادري شالفايدة منه ؟!

مممم رقم الجوال المميز حلو لو كان ب 3000 ريال ان كثر ، بس رقم جوال على 40 الف ليشش :eek5: ،،،

تحياتي لك ولمشاركتك الطيبه بالموضوع :victory:

[حمد 2002]

عدو وجود الحس بالمسؤولية عدم وجود رادع ديني كلن يطالع الاعلى منه ما يطالع الاقل منه ويقول الحمدلله على نعمة الخير والدين

بالفعل يجب أن تكون هناك مسؤليه ذاتيه لدى الشباب للأحساس بالمسؤليه :nice:

تحياتي لك ولكلامك الممتااز :nice:

[حمد 2002]

]هذي مشكلة الشعب كامل [/COLOR]الكل همه الرئيسي المظهر وهذا مؤشر خطير

شباب وبنات وكبار وصغار هموننا تدل على عقولنا *

ليس الشعب كامل بل البعض :secret: ،،

تحياتي لك ولكلامك الطيب بالموضوع :victory:

[حمد 2002]

بسبب نظرة الناس للمظاهر دون الجوهر انتشرت هذة الظاهرة عند الشباب والبنات

لااشباع غريزة التقدير

لان الواقع واللى نشوفة ..يقول الكل ماشي على المظاهر الناس تقيمك وتقدرك وتحترمك على اللى عندك

كل ماكان عندك شي مميز كل ماكان تقدير الناس لك اكبر

وطبعا هذا خطأ للاسف,, في الشخص وفي نظرة الناس الى المظهر الخارجي فقط

ماقام الشخص يتقيم باخلاقة والمحافظة على صلاتة ..صار التقيم كم عندك او ماذا تركب ..او كيف شكل بيتك ,,كم مرة يسافر الخ الخ...

الناس ماتعرف من انت!!! ولكن تعرف ماذا ترى عندك لتحدد تقديرك في نظرهم

فاطبيعي الشخص يحب يكون في عين الناس الافضل حتى لو كلفة ذالك الكثير


صدقتي أختي بالفعل هذا زمن المظاهر للأسف !!!!!!!!!!!

تحياتي لج ولمشاركتج واضافاتج الجميله بالموضوع :victory::victory:

[حمد 2002]

لي عوده للرد على بقيت الردود بعد قليل ان شاء الله

[qatarman8008]

وليش اخش فلوس في البنك .. خل استانس واكشخ .. وبكرة على خالق بكره ..

[بونووف]

شدعوه راكب كامري ولا شدعوه رقم موترك سلطه ولا رقم جوالك رقم دريول هالعبارات تلاقي الشباب يعيبون على بعض....

لو الكل حس بالمسؤوليه وانه وراه زواج ومصاريف عيال وبيت ماراح يفكر دقيقه ياخذ له سلفه يشتر فيها سياره ولا رقم جوال ....

انا مثال حي عندك يوم كنت عزوبي ماكنت افكر الا بيومي الموتر مايكمل معاي سنه ابيعه واخذ غيره وكله اقساط وسلفيات لين مازهقت جربت الفورويل والسبورت قلت خلاص خلني اتزوج ابرك لي من العزوبيه .. ويوم جا وقت الصج الزواج صج انه و لله الحمد تيسرت اموري وعايش لكن افكر في كل ريال صرفته على المواتر لو مجمعها كان الحين مشطب الدور الثاني هههههه لكن الواحد يتعلم من دروسه ..

بعد ماعرست تميت على كامري البيت سنتين والكل كان يتطنز علي يقولي وينك من العلالي لي المراعي

الواحد لازم يحس بالمسؤوليه عشان يعرف ويفكر مليون مره قبل لا يدخل نفسه في ديون ... وفي مثل حفظته يوم استعمل الكامري اللي ماعندوش مايلزمووش ههههه

[راشد محمد]

يعطيك العافيه اخوي حمد عالموضوع

[بنت قطريههه]

السلام عليكم ورحمه الله بالنسبة لي كأمراه تحليلي انه يدل على عقليه ناقصه لان الشخص العاقل يستخدم للسياره للتوصيل وليس للكشخه اما بالنسبة كشخه وما عنده فلوس يعبئ سيارته فاعتقد انه يوجد مشاكل في المناهج لتعليم الاقتصاد للأولاد والبنات

[7llo]

ترا وايد شباب جي كل ربعي جي اهم شي عنده المظهر
عندي ربع والله العظيم اعمارهم ماطافت 22 وعليهم سلفيات اكثر من 700 الف كل شوي مبدلين موتر يشترون موتر مايتم معاهم الا شهرين مره بنميرا مره جي 55 ومره اس600 ومره رنج ولما يزهق يرجع ياخذ له كروزر جديد ويتم معاه 6 شهور وبعدين يبيعه مره ثانيه ويرجع على هل الحال وكله سفرات ويضعونها على اشياء تافهه وفي اول الشهر يروحون ياخذون مصروف من اهاليهم
الصراحه انا اشوف الوالد او الاهل لهم دور كبير في التربيه ممكن يكون ابوه حارمه اشياء وايد يوم كان بالمدرسه ولما يخلص ثانويه يبي يعوض ويروح يجر له سلفيات بمبالغ كبيره ويفسفها . ربعي كلهم مديونين للبنوك اقل واحد من ربعي مديون للبنك ب 350 الف واكثر واحد عليه مليون وخرده طبعن كلهم مطيرينها على المصخره ومش متزوجين اطير على مصخره وسيايير واشياء ماصخه وسفرات وماركات ولما يخترب شي بمواترهم يجرون سلفيه عشان يصلحون الموتر وبعدين يبيعونه واحد من ربعي كان ماخذ اكس 6 وضرب عليه اكسل مادري مقص وبدل زيوت للسياره جر سلفيه من البنك ودفع لانه حسابه طلع 28 الف
الصراحه لو الواحد مثلن ياخذ موتر على قده ويجر سلفيه 120 ولا 150 الف في بدايه عمره بقول مو مشكله بس انا استغرب من الناس الي تجر سلفه اول ماتشتغل من 300 الف وانت رايح فوق

[chillis]

ترا وايد شباب جي كل ربعي جي اهم شي عنده المظهر
عندي ربع والله العظيم اعمارهم ماطافت 22 وعليهم سلفيات اكثر من 700 الف كل شوي مبدلين موتر يشترون موتر مايتم معاهم الا شهرين مره بنميرا مره جي 55 ومره اس600 ومره رنج ولما يزهق يرجع ياخذ له كروزر جديد ويتم معاه 6 شهور وبعدين يبيعه مره ثانيه ويرجع على هل الحال وكله سفرات ويضعونها على اشياء تافهه وفي اول الشهر يروحون ياخذون مصروف من اهاليهم
الصراحه انا اشوف الوالد او الاهل لهم دور كبير في التربيه ممكن يكون ابوه حارمه اشياء وايد يوم كان بالمدرسه ولما يخلص ثانويه يبي يعوض ويروح يجر له سلفيات بمبالغ كبيره ويفسفها . ربعي كلهم مديونين للبنوك اقل واحد من ربعي مديون للبنك ب 350 الف واكثر واحد عليه مليون وخرده طبعن كلهم مطيرينها على المصخره ومش متزوجين اطير على مصخره وسيايير واشياء ماصخه وسفرات وماركات ولما يخترب شي بمواترهم يجرون سلفيه عشان يصلحون الموتر وبعدين يبيعونه واحد من ربعي كان ماخذ اكس 6 وضرب عليه اكسل مادري مقص وبدل زيوت للسياره جر سلفيه من البنك ودفع لانه حسابه طلع 28 الف
الصراحه لو الواحد مثلن ياخذ موتر على قده ويجر سلفيه 120 ولا 150 الف في بدايه عمره بقول مو مشكله بس انا استغرب من الناس الي تجر سلفه اول ماتشتغل من 300 الف وانت رايح فوق

وتالي يوم يقولون له معليه تسلف شوي للزواج والمهر قال انا مينون ما عندي عقل اتسلف حق زواج وطلبات الحريم الكبيره :secret:

[عقرب]

الصراحه اخوي بوحمد .. انا مريت بتجربه اني اخذ سياره على قد فلوسي كاش من غير اقساط .. وخذت سياره امريكي فور ويل عائليه وموديلها كانت 2009 في سنة 2010 الصراحه الناس والبيئه اللي حولينا هم السبب باللي حاصل .. ماتحصل اي احترام فالطريق حتى اللي يسوق سيكل مايحترمني .. الا بسياره فوق ال200 الف وموديل السنه .

وهذا انا شريت سياره موديل السنه وقيمتها فوق ال300 الف .. والحمدلله اني شريتها كاش وحصلت كل الاحترام من الناس اللي حوليي فالطريق ونظرة الناس لي تغيرت طبعا اللي مايغرفوني اني انسان مسؤول او مدبر وله مكانه والله حتى مسؤلي تغيرت نظرته لي للاحسن .. وانا موظف عااادي جدا ومتواضع جدا ولله الحمد


بالعكس أخوي أنا ما سوق غير الجمس غمارة 2500 HD والسعر 110,000 فقط

ويا ما لفيت على خلق الله بالغلط بس محد يقولي شي بالعكس يعطوني طريق وبكل أحترام حتى الهرن ما سمعه :nice:

[qatari 111]

بالعكس أخوي أنا ما سوق غير الجمس غمارة 2500 hd والسعر 110,000 فقط

ويا ما لفيت على خلق الله بالغلط بس محد يقولي شي بالعكس يعطوني طريق وبكل أحترام حتى الهرن ما سمعه :nice:

كلامك صحيح لانه يخرع العالم .. والناس تخاف على مواترها لتنعدم .. ماشاءالله

[qatari 111]

شدعوه وانا اخوك والله لو اللي قاطع الطريق في وجهي سيكل متفقعه توايره واللي راكبه هندي ان اوقف واحترمه مثل مانا محترم نفسي

اما اني امشي في الشارع وماحترم او اصير محترم الا بسياره 300 الف


:)

اخوي ممب لهالدرجه استهين فالناس .. كلنا اوادم ومحد ناقصه شي ولا زايده شي . الا الاخلاق والاحترام يكون فيه اختلاف بينهم .. وبالعكس قمت اخاف على سيارتي من اي شي يضرها .. المبلغ تبعت فيه وانا اجمعه .. مب محصلها فالشارع .

:)

[بونووف]

بالعكس أخوي أنا ما سوق غير الجمس غمارة 2500 hd والسعر 110,000 فقط

ويا ما لفيت على خلق الله بالغلط بس محد يقولي شي بالعكس يعطوني طريق وبكل أحترام حتى الهرن ما سمعه :nice:

انت قلتها 2500 hd غصبن عنك تعطيه طريق لانه اذا قرب صوبك يعورك ههههههه

[Abdulraman]

يعني .......... مجمع واقعد تسمع:nice:

[Bozizoo]

مبداء او فكرة ال saving
مب موجودة عندنا
راتبك 15 بتصرفه
راتبك 100 بعد بتصرفه

[Bozizoo]

على ال saving
باركوا لي شريت لكزس 570

[Roo7MooT]

لي اليوم مانسى صف يمي رنج روفر 2012 في محطة اللاند قال للهندي صب 15 عادي

قلت كل هالكشخة والرزة وهالموتر واخرتها 15 ولا عادي

الشباب أصعب فترة في حياته بالنسبة لي هي في أول 3 سنوات من عمله

هي الي تحدد مستقبله اذا كان من أهل الديون او لا

اعرف 3 من ربعي أقلهم عليه 880 الف واكثرهم مليون و450 الف

والسبب السيارات الكشخة والسفرات الي مالها داعي

والحين بعضهم راتبه صك 22 الف مايصفى له الا 4500 او أقل

على النقيض بعد من ربعي متوظفين 2004-2005 خذوا سلفة سيارة بس

خلصوا القرض الاول في 2010 خذوا لهم موتر يديد مو 2010

وتم معاهم الموتر الثاني وراتبهم مع الزيادات ارتفع وينخصم منهم

3500 ريال قسط السيارة بس


شتان بين الفئتين

[أم نواري1]

مبدأ السلفيات لمجاراة الموضة وتقليد الناس صعب جدا
الحمد لله عايشين بخير ونعمة واللي مايكون نفسه لمستقبله بكره يندم
ماعندي غير سلفة السيارة بس
والحمد لله تزوجت وكانت تساهيل
وأسافر وأشتري اللي فخاطري بس بعقل

والله يهدي هالشباب
اللي بينتبهون بس متأخر

[qatari 111]

لي اليوم مانسى صف يمي رنج روفر 2012 في محطة اللاند قال للهندي صب 15 عادي

قلت كل هالكشخة والرزة وهالموتر واخرتها 15 ولا عادي

الشباب أصعب فترة في حياته بالنسبة لي هي في أول 3 سنوات من عمله

هي الي تحدد مستقبله اذا كان من أهل الديون او لا

اعرف 3 من ربعي أقلهم عليه 880 الف واكثرهم مليون و450 الف

والسبب السيارات الكشخة والسفرات الي مالها داعي

والحين بعضهم راتبه صك 22 الف مايصفى له الا 4500 او أقل

على النقيض بعد من ربعي متوظفين 2004-2005 خذوا سلفة سيارة بس

خلصوا القرض الاول في 2010 خذوا لهم موتر يديد مو 2010

وتم معاهم الموتر الثاني وراتبهم مع الزيادات ارتفع وينخصم منهم

3500 ريال قسط السيارة بس


شتان بين الفئتين

اخوي هذا شكله مستأجرها من مكاتب الاجار .. او حق واحد من ربعه

[عيون الدوحة]

لي اليوم مانسى صف يمي رنج روفر 2012 في محطة اللاند قال للهندي صب 15 عادي

قلت كل هالكشخة والرزة وهالموتر واخرتها 15 ولا عادي

الشباب أصعب فترة في حياته بالنسبة لي هي في أول 3 سنوات من عمله

هي الي تحدد مستقبله اذا كان من أهل الديون او لا

اعرف 3 من ربعي أقلهم عليه 880 الف واكثرهم مليون و450 الف

والسبب السيارات الكشخة والسفرات الي مالها داعي

والحين بعضهم راتبه صك 22 الف مايصفى له الا 4500 او أقل

على النقيض بعد من ربعي متوظفين 2004-2005 خذوا سلفة سيارة بس

خلصوا القرض الاول في 2010 خذوا لهم موتر يديد مو 2010

وتم معاهم الموتر الثاني وراتبهم مع الزيادات ارتفع وينخصم منهم

3500 ريال قسط السيارة بس


شتان بين الفئتين


الي صب ب 15 مب شرط مديون يمكن ماكان عندة كاش ولا مستعجل يصب ب 15 ريال

انا دايما اصب ب 20 لين 25 ريال
مش مديونة ولا شي بس تعودت اصب بهاي المبلغ وتكفيني لي اسبوع

[سعود العمادي]

السلام عليكم

انا كنت واحد من هاي الشباب الي كانوا يشترون سيارات بس مب للكشخه او لفت النظر وماكنت اخذ السيارات الكشخة الالمانيه

لا امريكي او ياباني اول ماخلصت الثانوية واشتغلت طلعت لي موتر كروزر وتميت سنتين على هاي
الموتر وعقبها قدمت استقاله من الوظيفة الاولى واشتغلت في الوظيفة الثانية وطلعت موتر سبورت كمارو تم معاي فترة قصيرة مش اكثر وعقبها موتر ثالث ورابع

لكن الحين الحمدالله اموري تغييرت وثابت ع موتري كروزر 2013 لكن للاسف ان غلطت غلطة في البداية مع الديون والاقساط لكن الحمدالله

يبقى لي من الراتب مبلغ محترم والحمدالله على النعمه والامور كلها قاعده تتعدل مع الايام

وانا اقول للشباب لحد يغلط من البداية ويحط ديون وهو توه في البداية

ومثل ماقالوا الاعضاء المظاهر مب كل شي ولا بموترك ولا بلبسك

الناس راح تحترمك باخلاقك وصلاتك وتربيتك

[أبوعلي89]

ظاهرة المظاهر الكاذبة ظاهرة عالمية .. مو بس في قطر

[حمد 2002]

يرجى حذف الموضوع لكي لحد يزعل من الموضوع