متوهق تقريبا ومحتاج رايكم في السباكة

[PGR]

السلام عليكم ,, اكثر الحمامات عندي ركبت فيها البلاط ,, المهم السالفة الحين انه ال wc طالع وايد قريب من الطوفة في 4 حمامات وماتوقعته جذي يطلع ,, حبيت اعرف وقت التركيب هل يقدر يركبة بازاحة تقريبا 10 سم ؟ افيدوني الله يخليكم لاني تقريبا متوهق

[نور الحور]

انت لو متوهق 100% كان بنساعدك .. بس تقريبا ذي لا .. ما نقدر :nice:

أمزح أخوي .. والله ما أعرف بس الله يسهل عليك أمرك وماشاء الله القسم هني فيه خبرات .. موفق :victory:

[عقرب]

هالسؤال توجهه للبايبفيتر إلي ركب لك التمديدات وهو بيفيدك إذا تقدر ولا لا

دق عليه الحين ووده البيت وشرح له

[دهــن العود]

المفروض تكون متفق معاه على المقاسات wc من قبل

ولو لقيت اخطاء ممكن ترجع معاه ويصلح الخطأ الي سواه


الله يعيينك

[Aaziz]

بالراحه تقدر، طبعا فلسفه مني مش من باب تجربه.

البيب الي داخل في الارض تركب فيه كوع تخليه يتجه بعيد عن الطوفه و ترد تركب كوع ثاني يغير الاتجاه الى اعلا

فهمت الي اقصده ؟

[عقرب]

بالراحه تقدر، طبعا فلسفه مني مش من باب تجربه.

البيب الي داخل في الارض تركب فيه كوع تخليه يتجه بعيد عن الطوفه و ترد تركب كوع ثاني يغير الاتجاه الى اعلا

فهمت الي اقصده ؟


في هالحاله بيضطر يكسر من البلاط شوي :)

لازم يجيب البايب فيتر إلي اشتغل له ... والمفروض أنه خذ قياسات wc قبل لا يتشريهم

[عقرب]

وعليكم السلام ورحمة الله وبركاته ( آسف على الرد في البداية بدون الرد على السلام ) :)

[naklan]

اخوي بسيطة الموضوع يتعالج اذا 2 او 3 سنتي فيه تحويلة واذا 10
لازم يفتح 4 حبات بلاط في الارضية ويصلح البيب ويركب على القياس
للكرسي الخطا يتحمله البيب فيتر اقول عسى الله يوفقك وتلقى بلاط
من مال الارضية للحمامات الي بتصلحها والا بتتوهق
موفق اخوي

[PGR]

مشكورين الجميع على الردود المشكلة انه الحمامات اكثرها في الطابق اللي فوق وانا خايف لو كسرت في الارضية انه العازل يتضرر ,, في اي حل ولا التكسير هو الحل الوحيد ؟

[عقرب]

قلت لك يالغالي لازم تجيب البايب فيتر إلي مدد لك البيبات وهو إلي بيفيدك أكثر من اي شخص سواء يقدر يضبط لك الموضوع بدون تكسير أو بتكسير بسيط يعتمد على فنياته وكيفية معالجة المشكله

[PGR]

قلت لك يالغالي لازم تجيب البايب فيتر إلي مدد لك البيبات وهو إلي بيفيدك أكثر من اي شخص سواء يقدر يضبط لك الموضوع بدون تكسير أو بتكسير بسيط يعتمد على فنياته وكيفية معالجة المشكله

يعطيك العافيه وهاي ان شاء الله اللي بسويه

[بن غيث]

عادي .. الموضوع بسيط .. مجرد تحويلة بلاستيكية

[الســـهم]

اللي فهمته انك تبي تسحبه وتزيحه لليمين او اليسار ..

اتوقع انها صعبه تصير من دون تكسير , لأن قاعدة الـ Wc ( الله يكرمكم ) مافيها مجال حق 10 سم ..

[كبير المتداولين]

حلول الاخوان كلها صحيحه

وعندي لك حل اخر وهو شراء wc بالمقاس المتواجد لان المقاسات تختلف من نوع الى اخر واذا الفرق من 10 الى 15 بيكون شي عادي

والله يوفق

[عقرب]

حلول الاخوان كلها صحيحه

وعندي لك حل اخر وهو شراء wc بالمقاس المتواجد لان المقاسات تختلف من نوع الى اخر واذا الفرق من 10 الى 15 بيكون شي عادي

والله يوفق


مشكلته أن wc يوم ركب في الحمام ( الله يعزكم ) طلع قريب من الطوفة من الجنب قصده ( صحح لي يا راعي الموضوع إن كنت غلطان ) في هالحالة ماظن يحتاج يشوف نوع ثاني لأن المشكله في موقع بيب الصرف هو إلي يبغيله تغيير ... يبعده عن الطوفة شوي .. فلازم يجيب البايب فيتر إلي ركب له ويحل له المشكله إن شاء الله

[معماري قطري]

اللي فهمته إن بايب الصرف قريب من الحائط والمفروض يتحرك جدام 10 سم أقل شيء.

فيه نوعيات من كراسي الحمام يجي صرفها أُفقي ورا وهذي يتركب لها كوع 90 درجة وتنزل في الصرف .. هي أساساً مصنوعة للصرف اللي طالع من الحائط مباشرةً .. وتنفع في هذي الحالة بس ما ادري شلون بيكون شكلها مقبول أو لا .. وإن ما نفعت ما لك الا راي البيب فيتر وشوف بيب فيتر شاطر.

حل آخر شوي صعب بيكون تشتري النوع المعلق وتركب الحديد الحامل للكرسي على الجدار وتخفيه بتغليفه بالخشب .. مارين بلايوود .. وعليه تركب بلاط حايط .. بس بتكون سويت شغل أكثر من شغل التكسير البسيط والتكسير البسيط بس إزالة بعض البلاطات ما يوصل للعازل.

سؤال من اللي سوى لك هالشغل علشان ما نعطي حد شغل من فصيلته؟

[PGR]

مشكورين الجميع على الردود ,, المشكلة اني بغيت احرك بيب الصرف 10 سم من الطوفة مب للامام لاا للجنب يعني لو حد يبي يستخدم ال wc ريوله تضرب في الطوفة فحبيت اوخره 10 سم

بشوف البايب فيتر شبيقول انا وقفت الشغل في ارضيات الحمام مع انه الارضيات انصبت بالاسمنت , سؤال عشان احط اسوأ الاحتمالات لو اضطريت اني اكسر الارضيه عشان اغير موقع الصرف هل العازل تحت الصبية بيتضرر؟؟ مع العلم انه الطريقة عندي البيبات فوق العازل وفوقهم رمل وفوقهم صبية ؟ وشنو الطريقة الانسب اني اكسر الارضيه بالجريندر ولا ورور ولا شلون ؟ يعطيكم العافيه والحمدلله على كل حال

[معماري قطري]

مشكورين الجميع على الردود ,, المشكلة اني بغيت احرك بيب الصرف 10 سم من الطوفة مب للامام لاا للجنب يعني لو حد يبي يستخدم ال wc ريوله تضرب في الطوفة فحبيت اوخره 10 سم

بشوف البايب فيتر شبيقول انا وقفت الشغل في ارضيات الحمام مع انه الارضيات انصبت بالاسمنت , سؤال عشان احط اسوأ الاحتمالات لو اضطريت اني اكسر الارضيه عشان اغير موقع الصرف هل العازل تحت الصبية بيتضرر؟؟ مع العلم انه الطريقة عندي البيبات فوق العازل وفوقهم رمل وفوقهم صبية ؟ وشنو الطريقة الانسب اني اكسر الارضيه بالجريندر ولا ورور ولا شلون ؟ يعطيكم العافيه والحمدلله على كل حال

يا اخوي التكسير ما فيه أسهل منه شدخ بمطرقة وبس وحرك 20 سم أو أكثر إذا عندك مسافة كافية ولا شيء بيعيقك 10 سم ما تسوي شيء.

بالنسبة للكرسي من السنتر 40 سم كفاية وزود وللكرسي والبديه مسافة متر و30 سم كفاية للإثنين من طوفة لطوفة مثلاً أو أي عائق ثاني.

[PGR]

يا اخوي التكسير ما فيه أسهل منه شدخ بمطرقة وبس وحرك 20 سم أو أكثر إذا عندك مسافة كافية ولا شيء بيعيقك 10 سم ما تسوي شيء.

بالنسبة للكرسي من السنتر 40 سم كفاية وزود وللكرسي والبديه مسافة متر و30 سم كفاية للإثنين من طوفة لطوفة مثلاً أو أي عائق ثاني.
اخوي العوازل شلون ما راح تتضرر.؟