تسجيل الدخول

مشاهدة النسخة كاملة : اذا ركبت سكاي لايت في بيتك .. دش الله لايهينك ..


عايش فرحان
20-03-2013, 09:10 AM
السلام عليكم

حبيت اركب سكاي لايت في بيتي .. واثناء التصميم .. اخبرني المهندس الاستشاري .. وهو مهندس قطري اكن له و لعلمه كل احترام وتقدير ..

اخبرني ان السكاي لايت فشل في قطر و مشاكله كثيرة بالنسبة للذين ركبوه في قطر..

منها انه يخر اثناء المطر .. و قابل للكسرعند سقوط البردي ..

سؤالي للذين ركبوا سكاي لايت في منازلهم .. هل انتم مرتاحين منه ام ندمتم على تركيبه؟
ام راشد 1
20-03-2013, 09:33 AM
اخوي، روح محل هاي فيجن، في الدائري الرابع (اظن فيلا قدام اللولو) عندهم وكاله شركة تركيه، تقدر تفتح و تسكر السكاي لايت بالكهرباء او باليد.
شموخ دائم
20-03-2013, 11:56 AM
,

,


مرحبا


الله يعطيك العافيه

تقديرنا الكبير للمهندس كلامه صحيح قبل 20 سنه
:)

الان كلامه غير صحيح مع تطور انواع الزجاج ووتطور طرق البناء والتركيب
كثير ناس مركبينها ومافي عندهم اي مشكله لا من ناحيه الكسر ولا من ناحيه العزل
بالعكس فيها جماليات كثيره
والضوء الطبيعي له مفعول السحر داخل البيت
توكل على الله وركب

اخونا معماري قطري راح يفيدك اكثر
في النواحي الفنيه له تجارب طيبه بهذا المجال


,

,


اخوك


شموخ دائم
عايش فرحان
20-03-2013, 12:38 PM
مشكورين يالربع على الردود الطيبة..

والله انا الشي الوحيد اللي احاتيه انه يخر.. خصوصا انه حصل اني مريت كذا مكان عام (مجمعات تجارية وخلافه ) الا حظ انه فيه خطوط سوده على اللطوف دار ما دار السكاي لايت تدل على انه كان يخر من الاطراف حزة المطر.
نور الحور
20-03-2013, 01:11 PM
أخوي عايش فرحان وإن شاء الله تتم فرحان دوم .. أخونا معماري بيفيدك إن شاء الله ولا يهونون البقية لأنه أكثر من مرة كان ينصح بالسكايلايت وشرح ووضح فيها نرفع لك الموضوع عشان تلقى إجابة إن شاء الله :nice:
كبير المتداولين
20-03-2013, 01:25 PM
على قوله اخونا شموخ العلم تطور


توكل وامورك طيبه
معماري قطري
21-03-2013, 06:02 AM
توني كنت أكتب فوق في الموضوع المثبت عن السكايلايت .. انا مسوي يا اخوي هرمي ماخذ حيز نص صالة توزيع صغيرة 4 في 3 وقزاز دبل وبدون مخفي وطالع حلو ألحين أشوفه من المكتب بدأ يدخل نور شمس الصبح .. وفيه ناس يفكرون الشمس تصلخهم في الظهر .. صدقني وايد حلو .. انا مسوي في بيتي عدة أنواع عددها الإجمالي 5 .. منها سقف كامل بلاستيك محبب بين الملحق والمطبخ الداخلي.

شمسنا حلوه والمطر لين طق حلو وحتى البرق .. صج خرعني البرق وخفت وسئلت مهندس كهربه قال لتخاف برقنا فوق ما ينزل تحت ولو نزل يمسك في الحديد أقرب شيء.
عايش فرحان
21-03-2013, 09:18 AM
توني كنت أكتب فوق في الموضوع المثبت عن السكايلايت .. انا مسوي يا اخوي هرمي ماخذ حيز نص صالة توزيع صغيرة 4 في 3 وقزاز دبل وبدون مخفي وطالع حلو ألحين أشوفه من المكتب بدأ يدخل نور شمس الصبح .. وفيه ناس يفكرون الشمس تصلخهم في الظهر .. صدقني وايد حلو .. انا مسوي في بيتي عدة أنواع عددها الإجمالي 5 .. منها سقف كامل بلاستيك محبب بين الملحق والمطبخ الداخلي.

شمسنا حلوه والمطر لين طق حلو وحتى البرق .. صج خرعني البرق وخفت وسئلت مهندس كهربه قال لتخاف برقنا فوق ما ينزل تحت ولو نزل يمسك في الحديد أقرب شيء.

مشكور اخوي عالرد..

عند اي شركة مسويها ؟..
SULTAN1
21-03-2013, 09:57 AM
أنا اتفق مع المهندس اللى حذرك من السكاي لايت، مع احترامي لكل الردود ،مهما طال الوقت وامكانيات الشركات ، لابد في يوم من الأيام بتسبب عندك تسرب ،والرأي الأخير لتقديرك
catqat
21-03-2013, 10:25 AM
اسمحوا لي ع اللقافة .... ممكن نستفيد من موضوعكم وتحطون صور السكاي لايت؟؟؟
RAHA
21-03-2013, 10:41 AM
السلام عليكم و رحمة الله و بركاته
الموضوع حلو و لكن سأتكلم هنا بشكل عام
عن أي عمل فيه كماليات و أقصد الكماليات
أعمال في البيت ليس من الأساس او يمكن الإستغناء عنه
و لكن عند شخص اخر يرغب فيه لأن له شكل او أداء معين

و عندي لكم ثلاث محاور رئيسية
أولا: الرغبه
في حالة رغبتك الحصول على شيء معين
يجب عليك ان تأخذ جميع الأفكار و المقترحات لتحقيق رغبتك

ثانيا: السعر
في حالة إقتناعك بالمطلوب يجب ان تعرف ان هذه الكماليات لها سعرها
و يختلف سعرها بجودتها و مساحتها و ضمانها

ثالثا: الصيانه
لازم نميز عموما في أي بيت يتم وضع الكماليات فيها مثل
كماليات الديكور او الكهرباء
لأن لابد من هذه الكماليات عمل الصيانه المناسبه
كما تتم في الفنادق و في حالة إهمالها تؤدي لحدوث المشاكل
و التي ممكن حلها و لكن بالصيانه الدوريه تتفاداها

كبرنا الموضوع شوي

و لكن أبي أوصلكم لنقطه معينه
ان هذه الكماليات ليس من أساسيات البيت إلا في حالات معينه
مثل سكاي لايت بعض الإستشاريين يضعونها لعدم و جود إناره للصالات الداخليه
و بعضهم يضعها وسط الدرج و كل استشاري او مالك يختلف نظرته للسكاي لايت

نرجع للنقاط الفوقيه بس للسكاي لايت:
أولا: الرغبه
عموما السكاي لايت حلو و يدخل إضاءه و ينور البيت او الغرفه المطلوبه
و لها أشكال عديده منها الصغيره و الكبيره و الهرميه و إلي على شكل قبه

ثانيا: السعر
يختلف السعر على حسب طريقة تصنيعه مثل اليو بي في سي او الألومنيوم
و في بعض القبب تيجي جاهزه قالب بلاستيك و لكن القبه أعلى سعر و ثمه الهرميه
حيث يصل سعر السكاي لايت القبه 3 متر قطر ما بين 30.000 إلى 50.000 و أكثر
و أغلبية الشركات تعطي ضمان عليها و على الربلات بعض الأوقات

ثالثا: الصيانه
ربعنا ما يبون يتعبون نفسهم :)
و لكن السكاي لايت يبيله صيانه نظافه
التأكد من الربلات المطاطيه بين فتره و فترهع
على الأقل التأكد منها مره في السنه

و غير طبعا انك ما تقدر تركب لمبات أو ثريات
حوالينها لإرتفاعها العالي في الغالب
هو ممكن و لكن يحتاج لعمل و حل فني فني

و لكم تحياتي
ام راشد 1
21-03-2013, 10:41 AM
تفضل

82864
ام راشد 1
21-03-2013, 10:42 AM
اسمحوا لي ع اللقافة .... ممكن نستفيد من موضوعكم وتحطون صور السكاي لايت؟؟؟

تفضل
82865
catqat
21-03-2013, 10:51 AM
أم راشد ما في صورة :) ,,,, عموما تشكرين ع المجهود
معماري قطري
21-03-2013, 12:20 PM
اسمحوا لي ع اللقافة .... ممكن نستفيد من موضوعكم وتحطون صور السكاي لايت؟؟؟

حطيت الصور في كم موضوع قبل وباشوف في فولدر الصور باحط بعد .. هذي صور لسقف غرفة حوض السباحة .. وحطيت عنه موضوع بإسم عمل حوض سباحة مغلق فيه صور ومعلومات أكثر.

http://im39.gulfup.com/5AHRZ.jpg (http://www.gulfup.com/?ZX2Eeu)

وبعدين كل شيء إذا تركب صح بيعمر لكن لازم بيحتاج صيانة ويمكن استبدال بعد فترة، وما فيه شيء دايم.. وهذي صورة نوعية سكايلايت في حمام.

http://im37.gulfup.com/IhMqQ.bmp (http://www.gulfup.com/?eIqpVD)

وهذي صورة إنعكاس السكايلايت الهرمي في صالة صغيرة في بيتي .. وهذا مقاسة مترين و40 سم في 1.2 متر وقزاز شفاف بدون أي تعتيم وكلفني 12000 عن طريق شركة قطر لليو بي في سي وصنعوه في الشارقه بقطاعات ألمنيوم وتاج من الحديد.

http://im38.gulfup.com/RIfoB.jpg (http://www.gulfup.com/?dRxcdy)

وهذي صورة مباشرة للسكايلايت الهرمي.

http://im40.gulfup.com/An7ja.jpg (http://www.gulfup.com/?6n5I9E)

http://im39.gulfup.com/6PdBt.jpg (http://www.gulfup.com/?QDX3DT)

هذا السكايلايت نسمع صوت المطر لين طق عليه ونشوف منه الغيم وهو ينور المكان ويدخل نوره لصالة الجلوس .. وهذي المنطقة نصحوا مهندسين التكييف بتكييفها وتركتها بدون تكييف والحمد لله برودتها من الغرف المجاوره مقبولة.

وهنا إنعكاس الشمس على الحائط.

http://im38.gulfup.com/wHjHZ.jpg (http://www.gulfup.com/?M7Tfs1)

وميزة السكايلايت يكون مفتوح ليل نهار ويحافظ على الخصوصية لأنه فوق السطح.

وهذي صورة للسكايلايت بعد المغرب بشوي.

http://im38.gulfup.com/I9Yqg.jpg (http://www.gulfup.com/?dppgl6)

وهذي صورة لسكايلايت عبارة عن صف من الطوب الزجاجي بتشكيلة فقاعات مقاس 30 في 30 وصراحة تحسفت إني ما رفعت السقف شوي وسويت صفين أو 3 لأن تشكيلتهم وايد حلوه... وورا تبين القبة اللي فيها 8 درايش ثابتة ومن البولي كاربونيتد بلاستك وهو محبب ينشر النور وسهل حنيه وكلفتني الوحده 500 ريال .. بس سويت لها كسرة في الخرسانة بحيث يثبت الفريم الألمنيوم وما يبين يكون مخفي من تحت ومن فوق يكون ثابت داخل الخرسانة وينحط عليه قطعة ألمنيوم بعد عزل الفجوات تغطي العازل وتحفظه عن الشمس.

http://im42.gulfup.com/iXUgf.jpg (http://www.gulfup.com/?YJ6Kie)

إنعكاس هذا الخط من الطوب الزجاجي على الأرضية .. وصورته بهالوضعية لأن التصوير المباشر صعب ينور وايد.

http://im42.gulfup.com/l90ZI.jpg (http://www.gulfup.com/?nevHZF)

وهذا إنعكاس درايش القبة على أرضية استراحة الدرج.

http://im40.gulfup.com/9M0p0.jpg (http://www.gulfup.com/?ofCb5R)

وهنا انتشار النور الطبيعي من القبة على ارضية الدرج.

http://im39.gulfup.com/Wo0rS.jpg (http://www.gulfup.com/?2V8HvL)

http://im40.gulfup.com/113yt.jpg (http://www.gulfup.com/?9Q0p3U)

http://im39.gulfup.com/xA2uQ.jpg (http://www.gulfup.com/?naWXH2)

وباحاول أصور القبة مباشر وقت المغرب والإضاءَة خفيفة إن شاء الله.
معماري قطري
21-03-2013, 12:53 PM
اللي يبي يشوف سكايلايت قديم يمكن من الستينات أو السبعينات ومسوى بطريقة غريبة .. شفتوا قصر الضيافة اللي في رميله وراه قصر ما ادري شسمه ولا لمن بس فيه قبه فيها طوب زجاجي وفيه سقف منحني للأعلى فيه فجوات بطوب زجاجي وبشكل كثير حلو والقصر عايش للحين .. عاد وين الإستشاري اللي عنده فن ألحين وشجاعه يسويه؟