رسالة شكر الي اوريدو.

[السرمد]

الصراحه اليوم الصبح ساعه 7 ونص انقطع تلفوني..
دفعت فاتورتي عن طريق الموقع تبع اوريدو او كيوتل سابقا
انخصمت من حسابي لكن مابينت فالموقع للاسف وتم تلفوني مقطوع
اتصلت على 111 ردت علي الموظفه الصراحه كانت قمه فالاسلوب والتعاون
على عكس العاده من ناحية التعاون عشان محد يفهمني غلط وفتحت تلفوني فورا وقالت لي شكوتك تسجلت وراح نحلها ان شاء الله..
بعدها ب10 دقايق اتصل فيني الموظف المتابع لشكوتي وخذ تفاصيل اكثر
وساعه 12:50 دقيقه الظهر اتصل فيني يقولي مشكلتك خلاص انحلت واسفين على الخطا.

طبعا عشان اكون صريح انا صادفتني مع كيوتل هالنوعيه من المشاكل كثير وكان الرد المعتاد اخوي راجع فرع السد عشان يحلون لك المشكله وعقب ماتروح ويلوعون جبدك ماتحصل نتيجه بعد..
الحين مشكلتي انحلت وانا في مكاني وبدون اي جهد سوى اني بلغت..طبعا في ناس بتقول الشبكه سيئه والخط يفصل و و و ..اقوله معاك بس شوي شوي كلشي بيتطور..
الصراحه ماتوقعت اني بمدح يوم كيوتل في شي لكن الحق يقال في تطور من ناحية الخدمه واتمنى هالتحسن يتبعه تحسن في تطوير الشبكه وتوابعها..

[أم نواري1]

أنا نفس المشكلة صارت مشكلة معاي ع فاتورة دولية
فهمني الموظف الشغلة غلط وطلع علي مبلغ وقدره

اتصلت واشتكيت وفي نفس اليوم أحالوا الشكوى
وبعدها بكم يوم اتصل لي المسؤول بنفسه يعتذر
وإن الفاتورة انشال المبلغ بكبره جزاه الله خير

فشكرا أريدوا وشكرا لمن يعمل بضمير

[للصبر اخر]

انا لي 4 ايام اتصل ولاحد يرد اتم ع الخط فوق 10 دقايق

[ضوى]

الصراحة وايد خدمات كيوتل تحسنت عن قبل لا تصير اوريدو

[الرمـــاح]

ياناس ترى بس الاسم الي تغير يقولون

واكيد الموظفين هم نفسهم

والله زين اذا قاموا يحلون المشاكل بسرعه عن طريق التلفون

[سكتون]

انا بفتح صفحه جديده مع اوريدو وبنسى البهدله زمان كيوتل

[رجل الجزيرة]

انا لي 4 ايام اتصل ولاحد يرد اتم ع الخط فوق 10 دقايق

إتصلي لهم مرة ثانية.

:)

[باراكودا]

تستاهل اوريدو الشكر وأن شاء الله ماتكون اول واخر مرة نشكرها
والى الامام دائما .

[Right]

أتمنى من أوريدو أن تحذو حذو الشركات الأجنبية



سواء في خدمة العملاء أو العروض



أعتقد يبي لنا 100 سنة حتى نحصل على ما نريد !!!

[مثير للجدل]

اوريدو من ناحية الانترنت والمكالمات متاخره كثيرررر وكثيررر وكثيرررر عن فودافون يبيلها سنين الى ان توصل خدمات النت والعروض على المكالمات

[R 7 A L]

لو ينزلون أسعار المكالمات والإنترنت
راح نكون لهم من الشاكرين 24وكل يوم

[Abu JaBeR]

والله لو يغيرون الموظفين بعد ماراح يتغيرون

الخدمه من أسواء ما يكون و بالأخص الانترنت

وإذا اتصلت وانتظرت 10 دقايق عشان يردون عليك راح يقولون لك مافي مشكلة

لا والي يقهرك أكثر أنهم يحولونك على الدعم الفني عشان يساعدونك وتجلس معاهم 30 ساعه بدون ما تستفيد شي

[MAZEN37]

صدفه تعرف الصدفه
الي صار معاك صدفه كيوتل ما عندهم حرفية بالشغل

[ALYAZEEDI]

الظاهر اخوانا يقصد انا الي صار معاه حلم ويتمنى تطبيقه على ارض الواقع

[chillis]

انا لي 8 شهور ولا ردوا علي بمشكلة اللالياف الضوئيه لان احتاج مقوي فوق وقالوا لي شكوتج تسجلت من 8 شهور وكل يوم اتصل ويقولون لي تم ولا شفنا شي كيوتل اريدو لاتغير غير في الاسم بس

[محمد سعيد]

انا يسلموني ادارة اريدُ

وابشروا بالخير

بس الاسعار ماقدر اوعدكم فيها لانها من المجلس الاعلى للاتصالات