هل يوجد وظائف بدون واسطة

[J.QATAR]

اولاً انا موظف شغال في أحد البنوك في الدولة ولدي خبرة قرابة الخمس سنوات (صراف)
حاولت عدة مرات تغيير وظيفتي إلى وظائف أخرى :weeping:
انا حلمي االعمل في قطاع البترول او الغاز ولا يوجد عندي مشكلة أن أعمل في دخان أو ميسيعيد
المشكلة أن كلما قدمت لا يوجد رد طبعاً عن طريق الأونلاين
حاولت اقدم باليد لشركة قطر للبترول الطابق الرابع قسم التوظيف قالولي لا ما يسير تقدم من عندنا قلتلهم طيب انتم ليش فاتحين قسم التوظيف قالولي هذا للطلبة حديثي التخرج للثانوية العامة
قلت طيب كيف اقدم عندكم قالولي عن طريق الاونلاين :weeping:
المشكلة لا يوجد رد لا بالموافقة او بالرفض
حيث بدات المحاولة قبل سنتين تغيير وظيفتي و السبب ان الى الان لا يوجد لا ترقية لا درجات ولا شئ تخيلو تشتغلون لمدة قرابة الخمس سنوات على نفس الدرجة على نفس الوظيفة على نفس المسمى :tease: و انا الحمد لله من الموظفين الملتزمين بالدوام ولا عمري تغيبت عن العمل لأي سبب من الأسباب :eek5:

ياشباب تكفون اللي يعرف وين ممكن اقدم اوراقي و السي في يرسلي على الخاص

[اتعبني غروري]

اخوي ارسلي السيره الذايه .. على البريد ادناه والله يجيب الي فيه خير لك والي .
ASJT_AS@hotmail.com

[الصريحه]

الله يوفقك
انا ماتوظفت الا بعد واسطتين وقويه وبعد تاخرت لمده سته او سبع شهور لين نادوني(طلع في خلاف بين بعض الشخصيات وعاندوا بعض واخروا توظيفتي)
مع العلم شهادتي مطلوبه
الله يعينك انا مثلك حابه اغير مجال شغلي
ان حصلت بلغني وسوا اجر فيني

[jassim_007]

الجواب باختصار

لا لا لا!

[أبوعلي89]

الله يجرينا من الواسطة في كل شي .. مو بس الوظائف

[بوخالد911]

صعبة هالايام

يبيله دززززززززززززززززززة قوووووووووووووووية

[ام ناصر1]

نعم يوجد ...ولكن ستنتظر أكثر من الباقين

[بوطويشم]

السلام عليكم

نعم تقدر بدون واسطة لكن بنسبه اقل

ادخل تويتر @RasGas_NDP بتلقى ايميل للتوظيف

قدمت عليهم قبل رمضان مادري اوله وعقبه بسبوعين تقريباً او اكثر بشوي اتصلو لي عشان المقابله و الي حسيته ان عندهم رغبه جاده في توظيف القطريين

بالتوفيق

[R 7 A L]

الله يعينك
قطاع البنوك تحت مظلة القطاع الخاص ( الشركات المساهمة )
وهو أسوء قطاع على الاطلاق
لا إجازات عدلة وساعات عمل طويلة
والترقيات معدومة حتى لا تتأثر فوائد المساهمين

[Al-Kuwari]

نعم يوجد

انا توظفت في 4 اماكن مختلفه بدون واسطه غير عروض العمل اللي رفضتها

الحمدلله رب العالمين

[الخيالة]

لا مافي يمكن حقي جذيه لان ماخليت مكان ماقدمت حتي رضيت براتب ضعيف بعد


الله يوفق الجميع

[حرقطر]

مافيه والدليل اني ابحث على وظيفه في الاوقاف وقالو لي يالحبيب عندك وااااااااسطه بتمشي ماعندك مب حولك هههههههه ضحكت وقلت كفووو اشكرك على صراحتك خاف وقالي بس لاحد يفضحني هههههههه

[تغلبية]

اولاً انا موظف شغال في أحد البنوك في الدولة ولدي خبرة قرابة الخمس سنوات (صراف)
حاولت عدة مرات تغيير وظيفتي إلى وظائف أخرى :weeping:
انا حلمي االعمل في قطاع البترول او الغاز ولا يوجد عندي مشكلة أن أعمل في دخان أو ميسيعيد
المشكلة أن كلما قدمت لا يوجد رد طبعاً عن طريق الأونلاين
حاولت اقدم باليد لشركة قطر للبترول الطابق الرابع قسم التوظيف قالولي لا ما يسير تقدم من عندنا قلتلهم طيب انتم ليش فاتحين قسم التوظيف قالولي هذا للطلبة حديثي التخرج للثانوية العامة
قلت طيب كيف اقدم عندكم قالولي عن طريق الاونلاين :weeping:
المشكلة لا يوجد رد لا بالموافقة او بالرفض
حيث بدات المحاولة قبل سنتين تغيير وظيفتي و السبب ان الى الان لا يوجد لا ترقية لا درجات ولا شئ تخيلو تشتغلون لمدة قرابة الخمس سنوات على نفس الدرجة على نفس الوظيفة على نفس المسمى :tease: و انا الحمد لله من الموظفين الملتزمين بالدوام ولا عمري تغيبت عن العمل لأي سبب من الأسباب :eek5:

ياشباب تكفون اللي يعرف وين ممكن اقدم اوراقي و السي في يرسلي على الخاص


أخوي علشان تلقى وظيفة لابد يكون عندك مهارات أو مجال انت متخصص فيه

تيلر .. مايزيد ولا يطور مهارة

اقترح عليك تختار مجال تحبه .. اتطور نفسك فيه في وقت الفراغ .. تاخذ دورات .. تقرا عنه .. لو قدرات اتغير وظيفتك في البنك نفسه .. تاخذ خبرة شوي .. عقب تطلع في وظيفة غير البنك ..

والله يوفقك ويسهل أمورك

[النجلا]

انا توظفت بثلاث اماكن وبدون وآسطة ولاحتى اعرف حد فالمكان ..

بتقول شلون ؟؟

بقولك : توكل امرك لله سبحانه وتعالى بالنية الخاااالصة .. وكثرة الاستغفار ..

والله يوفقكم يآرب

[فرهود]

خل واسطك ربك وتوكل عليه وشوف شلون بتمشي امورك .

[النشميه]

الواسطة الحقيقيه هي الله سبحانه وتعالى

[تغلبية]

انا توظفت بثلاث اماكن وبدون وآسطة ولاحتى اعرف حد فالمكان ..

بتقول شلون ؟؟

بقولك : توكل امرك لله سبحانه وتعالى بالنية الخاااالصة .. وكثرة الاستغفار ..

والله يوفقكم يآرب



ماشاءالله تبارك الرحمن

صدق من قال "النيـــة مطيـــة" :victory:

[حمد 2002]

نعم يوجد واسطه ، وللعلم الواسطه متفشيه بكل البلدان مب بس قطر حتى بأمريكا والدول العظمى هناك واسطات ،،،

يعني طبيعي انا بوظف ولد عمي ولا صديقي ورفيجي على حساب الغريب الي ماعرفه !!!! صح ولا غلط :):nice:

تحياتي لك ،،