ارخص المحال التجارية

[fantasy]

ياليت يكون هناك موضوع مثبت و يكون متجدد لكي يستفيد الناس فمثلا انا ساكن في الوكرة و اعرف منطقتي لكن الناس اللي تجي و تبي مثلا تتعشا في مطعم ممكن انها تستفيد من موضوع انا اطرحه و غيري ايضا

اللي ابي اقوله كل واحد يذكر اسم مطعم, مخبز،معصرة،الخ يكون سعره اقل من المحال الاخرى
و راح ابدأ وياكم

معصرة الجنوب في الوكره سندويشاتها ارخص سندويتشات اشوفها الى الان بعد ارتفاع الاسعار وانا اتكلم عن سندويتش اللحم أو الدجاج مايونيزحيث ان سعره ريالين اما باقي المعاصر 3 ريال و فوق.

ايضا رحت اليوم هيبرماركت نسيت اسمه اللي ورا مجمع المحلات التجارية اللي مقابل مقبره مسيمير, شفت عندهم برجر دجاج ساديا بو 24 حبه سعر مميز جدا ب 16 ريال عرض خاص و سعره الحقيقي 36 ريال في كل مكان, الحقوا عليه طبعا سبب العرض ان تاريخ الانتهاء بعد شهر, صراحه انا مافتكر لتاريخ الانتهاء حق الشغلات المثلجه و شريت 5 قواطي, ادعوا لي مايصيدني عوار بطن بعد شهر خخخخخخخ

ياليت تزيد المشاركات و نستفيد منكم

[وحيد-الشوق]

معصرة الجنوب خووش معصرة بس يأخي من اكل من عندهم احس المعدة تخبط عندي عشان جذي صار لي فتره مقاطع شيء معاصر

وبخصوص الهمبرجر اكيد سعرها بيكون رخيص عشانها بتنتهي بعد شهر :)

[Abd4llah]

احذر يا اخى لا تشترى مواد غذائية تنتهى صلاحيتها قريبا لربما اصابها شىء من سوء التخزين

[boahmed]

إن شاء الله بالتوفيق

[السكين]

السفير دايماً عنده عروض مميزة

مثل زيتون شرائح أو عادي أخضر وأسود أمريكانا وفيه منه أردني 4 كيلو اجمالي أو صافي 2.5 كم بـ 10 ريال وتنتهي بشهر 6 الجاي وهالكلام كان من اكثر من شهر بس لا زال موجود.

وعندث كثير عروض اول ما تدخل بوجهك اشوفه اكثر مجمع عنده عروض حلوة.