افيدوني الله يرحم والديكم ... ضروري يالغاليين

[بومحمد المطاوعه]

السلام عليكم ورحمه الله وبركاته ..

شخباركم يا اخواني واخواتي فالله ...

عساكم طيبين


بدخل في الموضوع على طول

قبل شهرين تقريبآ

كنت بتسبح واقف تحت الدش ( الرشاش )

بس مادري شلي خلاني امسك الولف في المغسله

اول مامسكت تشوطت بكهرباء قوي

شعر جسمي فز من محله

وخفت وطلعت من مكان الشووور :nice:

المهم قلت يمكن الولف متشوط خلني اشغل الماي

رفعت الولف في المغسله بقوطي الشامبو

ويوم نزل الماي قلت بمسك بشوف شالسالفه

اول ما حطيت ايدي تحت الولف

الا الماي كامل متكهرب ومتشوط حده

وتكهربت زين ماصحت ههههههه

المهم طلع البيت كامل متكهرب

يعني الحمدلله ماشغلت الرشاش وانا تحته ولا كنت رحت فيها

عادي حاله وفاة وصارت في الوكره الله يرحمه :weeping:

طلعت من الغرفه واصارخ على الأهل تحت ف الصاله

ان لحد يستخدم اي ماي فالبيت ترى الماي مكهرب وفيه شوط

طلعت السالفه كلها من الدينمه فوق السطح

البرشر الي تدف الماي

بدلت الدينمه والحمدلله الامور طيبه

الحين امس صار نفس الموضوع

بس الشوط خفيف جدآ

شيكت كل شي مافي اي شي خربان

كل شي صاحي

وبدلت العوامه في الدرام فوق السطح والي تحت

وكل شي سليم

بس ليش الشوووط والكهرب في الولف والماي اشوي ؟؟؟


افيدوني الله يرحم والديكم

والله اخاف على عيالي واهلي

هذا خطر كبير الصراحه وانا تعبت مع هالأمر

اذا حد يعرف وين الخلل تكفى يتكلم



اخوكم بومحمد المطاوعه :)

[نور الحور]

سلامات سلامات يابومحمد الله يحفظك ويحفظ هلك .. والله ما أعرف بس ما حبيت ادخل الموضوع وما اتحمد لك بالسلامة ..
اقرا على نفسك وعيالك وسم قبل لا تمسك أي شي .. وشوف لك واحد فني يشوف الخلل ..
وطمنا عليك إن شاء الله ما فيك شي؟

[catqat]

الحمدلله جات ع هالشي،،،،غريبة الدينما اتكهرب الماي !!!!!

دام انك بدلت الدينما ونفس الشي ، معناته توصيل الكهربا فيها خلل .... أو بدل مكان الدينما بكبرها ... والله يوفقك ويحفظكم من كل مكروه

[وحيد-الشوق]

بسم الله حاجه غريبة وتخوف :(

معقول ممكن يصير شيء مثل الي صارك

ماعندي فكره عن موضوعك لكن شكلي كل مابتسبح بوسوس :(

[almaf1a]

اول شئ تشيك عليه دينمة الماي

[بن غيث]

ههههه ... موضوع بسيط أن شاء الله .. ولا تخاف

أذا ما عينت لك أحد .. راسلني ع الخاص .. برقم جوالك

[بومحمد المطاوعه]

سلامات سلامات يابومحمد الله يحفظك ويحفظ هلك .. والله ما أعرف بس ما حبيت ادخل الموضوع وما اتحمد لك بالسلامة ..
اقرا على نفسك وعيالك وسم قبل لا تمسك أي شي .. وشوف لك واحد فني يشوف الخلل ..
وطمنا عليك إن شاء الله ما فيك شي؟

الله يسلمج اختي

لا الحمدلله انا هين امري

بخير وعافيه

بس خوفي على عيالي واهلي اكثر من خوفي على نفسي

والله قمت اوس وس من الماي

[بومحمد المطاوعه]

الحمدلله جات ع هالشي،،،،غريبة الدينما اتكهرب الماي !!!!!

دام انك بدلت الدينما ونفس الشي ، معناته توصيل الكهربا فيها خلل .... أو بدل مكان الدينما بكبرها ... والله يوفقك ويحفظكم من كل مكروه

اللهم امين

والله بشوف حل لها

لاني تعبت ويا هالشي

شكلي ببلغ الشرطه اخر شي هههههههه

[بومحمد المطاوعه]

بسم الله حاجه غريبة وتخوف :(

معقول ممكن يصير شيء مثل الي صارك

ماعندي فكره عن موضوعك لكن شكلي كل مابتسبح بوسوس :(

والله ياخوي واحد توفى ف الوكره الله يرحمه

شي خطر

تخيل الماي كامل مكهرب :weeping:

[بومحمد المطاوعه]

اول شئ تشيك عليه دينمة الماي

شيكت والله ياخوي وبدلتها

بس بعد نفس المشكله الحين ردت

[بومحمد المطاوعه]

ههههه ... موضوع بسيط أن شاء الله .. ولا تخاف

أذا ما عينت لك أحد .. راسلني ع الخاص .. برقم جوالك

ان شاءالله يكون بسيط بس ابشر الحين بطرش لك رقم جوالي

[قطريه22]

:eek5:

الحمدلله على السلامه

والله اني تخرعت معقوله ماي يشوط شالسالفه

انا بروحي موسوسه الحين كل ماجي اتسبح باتخرع
شكلي باحط ماي في الطش وباتسبح فيه
والا باروح البحر اتسبح ،، مب مخلص الاسبوع الا لوني طاير من الملوحه:rolleyes2:


تدري خل حد يجي ويشيك يمكن انابيب الماي الي حاطينها في الشوارع فيها غلط ودخل واير من الكهربا شوط وشبك معاه الماي..

اسأل حد من جيرانك صاده هالشي أو لا ..

[نور الحور]

ههههه ... موضوع بسيط أن شاء الله .. ولا تخاف

أذا ما عينت لك أحد .. راسلني ع الخاص .. برقم جوالك


انزين إذا بسيط بليز بن غيث نورنا شالخلل؟ الله يحفظ الجميع شي يخرع والله

[بومحمد المطاوعه]

:eek5:

الحمدلله على السلامه

والله اني تخرعت معقوله ماي يشوط شالسالفه

انا بروحي موسوسه الحين كل ماجي اتسبح باتخرع
شكلي باحط ماي في الطش وباتسبح فيه
والا باروح البحر اتسبح ،، مب مخلص الاسبوع الا لوني طاير من الملوحه:rolleyes2:


تدري خل حد يجي ويشيك يمكن انابيب الماي الي حاطينها في الشوارع فيها غلط ودخل واير من الكهربا شوط وشبك معاه الماي..

اسأل حد من جيرانك صاده هالشي أو لا ..

ههههههه اي والله اختي

الصراحه شي يخرع

انا عن نفسي قمت اوسوس

بس سالفه الطشت اوكي

حتى لو متكهرب عادي


الله المستعان

والجيران ماصادهم هالشي

بس ف عندي

[بومحمد المطاوعه]

بارك الله فيك ياخوي بن غيث

ماقصرت

كلمني واحد واتفقت وياه على يوم الاحد ان شاءالله

لان محد اليوم ف البيت وبنرجع الاحد ان شاءالله

بخليه يفحص الخلل

بارك الله فيك يالغالي

[بومحمد المطاوعه]

انزين إذا بسيط بليز بن غيث نورنا شالخلل؟ الله يحفظ الجميع شي يخرع والله

ان شاءالله يكون بسيط جدا يارب

[Locale]

مو يمكن يكون من الصخان ؟
لان واحد من اهلنا مثل حالتك وطلع الخلل فالصخان

[ولد العلي]

الله يحفظ الجميع شي يخرع والله

[naklan]

اخوي بو محمد الحمد لله على السلامة
الموضوع اكيد من الصخان سكره وجرب
اذا المشكله راحت معناتها اكيد منه

او من العوامة اذا كانت من النوع الي لها واير
ولاكتشاف الخلل من وين سكر الكهرباء مره عن
الصخان وشوف ومره عن البرشر للتجرية
ومره عن الغطاس الي في الخزان للتجربة
ما فيه كهريا الا في هالاشياء

[باراكودا]

سلامات ماتشوف شر يابومحمد
عندك مشكلة في سلك الارضي في الدينمة
وبعدين لاتحاتي تتكهرب مع الفيوزات الجديدة
وهذه صورتها

http://www.wickes.co.uk/content/ebiz/wickes/invt/204998/Type-B-Minature-Circuit-Breaker_large.jpg


تخلص من الفيوزات القديمة القاتلة فورا وهذه صورتها
http://www.totalhomesupply.com/v/vspfiles/templates/ths/images/sd_mini_circuit_breaker.jpg

[لابأس]

عندك مشكلة في ملوحة الماء والمواصير نحاسيه ,
عشان كذا تحس بلسعة كهرباء عند مسك الحنافيه بسبب الرواسب الملحيه والنحاسيه.

[كازانوفا]

هاااه بومحمد عايش والا نترحم عليك :)

امزح جعل عمرك طوووووووووويل

احنا هاي المشكله تكون من السخاااان لذلك اشغله لحد ما يوصل العداد لدرجه الحراره اللى احتاجها وبعدين اقفله وبعدين نبدأ نعوم مثل البط :)

[بن غيث]

انزين إذا بسيط بليز بن غيث نورنا شالخلل؟ الله يحفظ الجميع شي يخرع والله

بيخبركم بومحمد بعد المعاينة .. أن شاء الله

[بومحمد المطاوعه]

مو يمكن يكون من الصخان ؟
لان واحد من اهلنا مثل حالتك وطلع الخلل فالصخان

ان شاءالله بكره الصبح بشوف الموضوع

مضغوط حدي اليوم ولا قدرت اتواعد مع الشباب الي طرشهم لي بن غيث ماقصر والله

عزيز وغالي :)

[بومحمد المطاوعه]

الله يحفظ الجميع شي يخرع والله

اللهم امين يارب

[بومحمد المطاوعه]

اخوي بو محمد الحمد لله على السلامة
الموضوع اكيد من الصخان سكره وجرب
اذا المشكله راحت معناتها اكيد منه

او من العوامة اذا كانت من النوع الي لها واير
ولاكتشاف الخلل من وين سكر الكهرباء مره عن
الصخان وشوف ومره عن البرشر للتجرية
ومره عن الغطاس الي في الخزان للتجربة
ما فيه كهريا الا في هالاشياء

والله ياخوي جربت كل شي

مستغرب

انا امسك الولف في كهرب وام العيال تمسع تقول مافي شوط ولا كهرب

مخي عووورني

ان شاءالله لين بكره بشوف الموضوع الصبح بأذن الله وبنوافيكم بالجديد

[بومحمد المطاوعه]

سلامات ماتشوف شر يابومحمد
عندك مشكلة في سلك الارضي في الدينمة
وبعدين لاتحاتي تتكهرب مع الفيوزات الجديدة
وهذه صورتها

http://www.wickes.co.uk/content/ebiz/wickes/invt/204998/type-b-minature-circuit-breaker_large.jpg


تخلص من الفيوزات القديمة القاتلة فورا وهذه صورتها
http://www.totalhomesupply.com/v/vspfiles/templates/ths/images/sd_mini_circuit_breaker.jpg

الله يسلمك ياخوي

ان شاءالله ببدلهم كلهم شكلي وافتك مره وحده

[بومحمد المطاوعه]

عندك مشكلة في ملوحة الماء والمواصير نحاسيه ,
عشان كذا تحس بلسعة كهرباء عند مسك الحنافيه بسبب الرواسب الملحيه والنحاسيه.


الله اعلم بنشوف الموضوع ان شاءالله وبرد عليكم بأخر الاخبار

[بومحمد المطاوعه]

هاااه بومحمد عايش والا نترحم عليك :)

امزح جعل عمرك طوووووووووويل

احنا هاي المشكله تكون من السخاااان لذلك اشغله لحد ما يوصل العداد لدرجه الحراره اللى احتاجها وبعدين اقفله وبعدين نبدأ نعوم مثل البط :)

ههههههههههههههههه

ترحمو علي حي او ميت

الرحمه للحي والميت :)

[بومحمد المطاوعه]

بيخبركم بومحمد بعد المعاينة .. أن شاء الله

ان شاءالله ياخوي بن غيث

ماقصرت والله :)

وبكره ان شاءالله برد عليكم

[Right]

بسم الله عليك يا أخوي " بومحمد "



ما تشوف شر



الحمدلله على سلامتك .. خارج من الشر إن شاء الله

[بومحمد المطاوعه]

بسم الله عليك يا أخوي " بومحمد "



ما تشوف شر



الحمدلله على سلامتك .. خارج من الشر إن شاء الله





الله يسلمك يالغالي

ماتقصر الله يرحم والديك :)

[بومحمد المطاوعه]

جزاك الله خير الجزاء

ياخوي بن غيث


ماقصرت والله

الحمدلله الفنيين شافو المشكله

بس السخان والدينما كل شي تمام

بس احتمال مني انا المشكله

لاني والله مستغرب من نفسي

امسك الولف بعض الاحيان في كهرب وشوط خفيف

وانادي ام العيال تمسك مافي شي

مادري شالقصه

والله قمت اوس وس هههههههه

اهم شي ان كل شي سليم والحمدلله


تحياتي لك وماقصرت يالغالي

[السيف5]

ماتشوف شر يالغالي

[بومحمد المطاوعه]

ماتشوف شر يالغالي

الشر مايجيك ياخوي