عن مياة الشرب ( المعبئه او استخدام فلاتر ) ما هوالافضل؟؟

[jinfo]

السلام عليكم ورحمة الله وبركاتة .
انا متأكد ان الموضوع بينفع الكثير

اود معرفة الأفضل من وجهة نظركم .

شراء المياه المعدنية او المعبئه .. " ايفيان - هايلاند - اروى - الريان .. الخ "
أو
استخدام فلاتر منزلية و شرب الماء من صنبور المياه ؟

و تفصيل السبب و أفضل الانواع سواء المياة المعدنية او انواع الفلاتر ..

[jaf111]

شكرا اخوي على طرح موضوع نقاشي عن مسأله مياه الشرب

لاني مهتم ومتأكد ان في سوء تخزين ، من المسؤول عن سوء التخزين ، نفرض ان الواحد يشرب من ماي الحكومه ، احيانا يحتاج يشتري ماي معبأ. ، اللي بعضه طعمه سم ! والسبب سوء التخزين لأن كرتون عن كرتون الطعم يفرق شي صاحي وشي الغراش مشلخه والطعم مثل ماذكرت بلاستك !

انا احس ان التنوع افضل ، الا اذا كان ماي الحكومه فيه مالايعلمه الا الله.

شكرا مره اخرى

[basma222]

استخدام فلاتر منزلية و شرب الماء من صنبور المياه افضل من المياه المعدنية لان فيها املاح مضارة للكليه

[R 7 A L]

والله مايندرى مياة الحكومة صالحة للشرب ولا لا
لانها محلاه ومعالجة

مايندرى فية امراض اعراضها مع المرضى قديمة وتوهم مكتشفيها من كلى وعقم وسرطانات وغدد وهشاشه عظام وصلع وبرص وشيب مبكر
مايندرى هل لمياة الحكومة تدخل فيها ام لا

[jinfo]

شكرا اخوي على طرح موضوع نقاشي عن مسأله مياه الشرب

لاني مهتم ومتأكد ان في سوء تخزين ، من المسؤول عن سوء التخزين ، نفرض ان الواحد يشرب من ماي الحكومه ، احيانا يحتاج يشتري ماي معبأ. ، اللي بعضه طعمه سم ! والسبب سوء التخزين لأن كرتون عن كرتون الطعم يفرق شي صاحي وشي الغراش مشلخه والطعم مثل ماذكرت بلاستك !

انا احس ان التنوع افضل ، الا اذا كان ماي الحكومه فيه مالايعلمه الا الله.

شكرا مره اخرى

طرح رائع , تشكر عليه

بالنسبة لي , أتفادى مشاكل التخزين عن طريق شراء مياة معدنية محلية التعبئة ,مع ملاحظة تاريخ التعبئة . ماء الريان أحياناً أشتري في نفس يوم التعبأة أو أسبوع بالكثير من تاريخ التعبئة .

وبهذا أكون تفاديت المشكلة .

بالنسبة لي أيضاً المياة المعدنية الوحيدة في قطر هي ريان . أما باقي المياه المعبأة في قطر عبارة عن مياه الحكومة مقطرة ومعبأه وليست معدنية من آبار .

[jinfo]

استخدام فلاتر منزلية و شرب الماء من صنبور المياه افضل من المياه المعدنية لان فيها املاح مضارة للكليه

والله يالغالي الأملاح ليست ضارة مطلقاً .

بالعكس هناك أملاح مهمة مثل الكالسيوم و المغنيزيوم و البوتاسيوم و أيضاً القليل من الصوديوم

هذا التوازن الطبيعي للماء .

أما إذا كانت خالية من هذه الأملاح و العناصر . قد تسبب أمراض و مشاكل صحية .

[jinfo]

والله مايندرى مياة الحكومة صالحة للشرب ولا لا
لانها محلاه ومعالجة

مايندرى فية امراض اعراضها مع المرضى قديمة وتوهم مكتشفيها من كلى وعقم وسرطانات وغدد وهشاشه عظام وصلع وبرص وشيب مبكر
مايندرى هل لمياة الحكومة تدخل فيها ام لا

فعلاً , ودنا نعرف أكثر عن مكونات ماء الحكومة .

و بما أن شركات مثل دانا تستخدم ماء الحكومة .. يبدو لي أنها قليلة الأملاح المعدنية " يعني مياة فقيرة " وهذا غير صحي مطلقاً .

بالنسبة للمياة المعبأة ,, كنت أتمنى لو شركة وحدة تحترم صحة المسلمين و تستخدم الزجاج بدل البلاستيك .

[وحيد-الشوق]

احنا صار لنا فتره طويلة فوق ال5 سنين ماشربنا من ماي الفلاتر كله مياه معدنية

[شموخ دائم]

,

,


مرحبا

هذه مسئله صعب ان نحدد ماهو النوع ( الاحسن ) لانها لن تحسم

في الحقيقه ماء الحكومه ماي نظيف معقم ويمر بمراحل كثيره من الاختبارات

وهو ماء صالح للشرب ولا يختلف عن الماء الي نشتريه من ريان او غلفا او اروى

وكلهم انواع طيبه ونظيفه وفيها ( تفاوت ) من الاملاح نوع اقل من نوع بالشي البسيط

وفي الحقيقه الجسم يحتاج هذه الانواع من الاملاح وهي ضروريه للجسم

ومن المفروض ما نشغل انفسنا الى هذه الدرجه

احنا مشكلتنا الكبيره

وخاصه من يعاني من ( الاملاح في الكلى ) مشكلته قديمه

ومنذ الطفوله وخلال السنوات الكثيره تراكم هذه الاملاح وايضا نوع الاغذيه وطبيعه الجسم

لها تاثير علينا خلال عشرات السنوات الماضيه وحصل ( الضرر )

الان احنا نشرب مياه معدنيه كم شهر او سنه وسنتين وما نحس بالتحسن

:)

ونفكر اذا شربنا راح تختفي ( مشاكلنا ) وهذا خطاء

كبير

الي تجمع عنده املاح في الكليه اصبح خلاص اسير هذه الاملاح

ومافي فايده الان تحسين نوع الماء

اصبح الاهتمام بالصحه ( متأخر )

مثل الي يدخن ويوم تعب من التدخين ( اقلع ) ويفكر بيرجع صحته مثل ايام الشباب

الان فقط الواحد يتلاحق الي باقي

:)



,

,


اخوك


شموخ دائم

[شميرام]

فلتر و ماي أدور الماي مافي صوديوم وايد بس مب ديما احصل وفي كرتون ورقي اذا ما حصلت مسافي او جلفا وافضل الأكواب

[أخت الكل]

المقياس في موضوع الماء هو نسبة الصوديم فيه فكل ما كانت نسبته عاليه في الماء فهو ضار

مرة سمعت محاضرة للرائع المهندس علي منصور الكيالي الله يعطيه طولة العمر
ويعطي من من يقراء كلماتي هذي

قال فيها إن كل المياة اللي نشربها هالحين تعتبر مياة ميتـه وعلشان نحولها لمياة حية لازم نحطها
لمدة نصف ساعة على الأقل في إناء فخاري ومن سمعت محاضرته على طول زرت كبرة عمان وشريت حب او زير باحجام صغيرة ما ياخذ الا مقدار لتر تقريبا ووزعتها في غرف النوم وسبحانه الماء طعمه لذيذ وبرودته عجيبه


إضافه حبيت إضيفها من كلام المهندس الكيالي وهي إن المياة الميتة اللي نشربها هالحين تعطي بيئة صالحة لأي فايرس أو مرض جسمنا فيه استعداد للاصابة فيه

[moonبنتnight]

الماء المفترض المنزلي افضل من المعبئة ..
سوء تخزين الماء يغير من طعم الماء .. من غير الأملاح تأثر على الكليتين ..

[شميرام]

,

,


مرحبا

هذه مسئله صعب ان نحدد ماهو النوع ( الاحسن ) لانها لن تحسم

في الحقيقه ماء الحكومه ماي نظيف معقم ويمر بمراحل كثيره من الاختبارات

وهو ماء صالح للشرب ولا يختلف عن الماء الي نشتريه من ريان او غلفا او اروى

وكلهم انواع طيبه ونظيفه وفيها ( تفاوت ) من الاملاح نوع اقل من نوع بالشي البسيط

وفي الحقيقه الجسم يحتاج هذه الانواع من الاملاح وهي ضروريه للجسم

ومن المفروض ما نشغل انفسنا الى هذه الدرجه

احنا مشكلتنا الكبيره

وخاصه من يعاني من ( الاملاح في الكلى ) مشكلته قديمه

ومنذ الطفوله وخلال السنوات الكثيره تراكم هذه الاملاح وايضا نوع الاغذيه وطبيعه الجسم

لها تاثير علينا خلال عشرات السنوات الماضيه وحصل ( الضرر )

الان احنا نشرب مياه معدنيه كم شهر او سنه وسنتين وما نحس بالتحسن

:)

ونفكر اذا شربنا راح تختفي ( مشاكلنا ) وهذا خطاء

كبير

الي تجمع عنده املاح في الكليه اصبح خلاص اسير هذه الاملاح

ومافي فايده الان تحسين نوع الماء

اصبح الاهتمام بالصحه ( متأخر )

مثل الي يدخن ويوم تعب من التدخين ( اقلع ) ويفكر بيرجع صحته مثل ايام الشباب

الان فقط الواحد يتلاحق الي باقي

:)



,

,


اخوك


شموخ دائم
في الحقيقه ماء الحكومه ماي نظيف معقم ويمر بمراحل كثيره من الاختبارات


واضح ان نظيف زياده عن لزوم لدرجه شعورنا حتتت من الكلور

[سيناتورنايف]

في مياه زجاجية نوفا جلاس الكرتون 24 حبه 28 ريال بس في السعودية وتعبئتها آبار جوفية

[بصمة قطرية]

والله يالغالي الأملاح ليست ضارة مطلقاً .

بالعكس هناك أملاح مهمة مثل الكالسيوم و المغنيزيوم و البوتاسيوم و أيضاً القليل من الصوديوم

هذا التوازن الطبيعي للماء .

أما إذا كانت خالية من هذه الأملاح و العناصر . قد تسبب أمراض و مشاكل صحية .

الصوديوم كثرته مضرة
و أغلب المياه المعدنية نسبة الصوديوم كبيرة
و هي اللي تسبب زيادة الأملاح في الجسم
بالتالي تضر الكلى
مياه واحة النسبة كبيرة
ريان تقريباً متوسطة
المهم تكون النسبة أقل من عشرة
مياه دانه و تنورين النسبة بسيطة
و هاي اللي أستخدمهم

و معروف طبعاً الفلتر أفضل بكثير ،،

[تحداني]

زمان كان اعتمادي على ماء الحكومه وما كنت اشرب بكثره الماي
الحين مع الدوام عندنا " دانه " بس مب وايد صحي لان نسبه الصوديوم عاليه
وفي البيت عندنا البرادات الكبيره الي تركب لها المياه المعدنيه فاشتركت في نستله لان افضل الموجود

لكن ان طلعت دايما اخذ " اروى " الافضل حاليا في السوق ونسبه الصوديوم الاقل من البقيه
على ما اعتقد " 2.3 " وهالشي يقلل الاملاح لمن يعانون من زيادتها
وللدايت تمام التمام



هني وعافيه يارب .. ولا تنسون لتر على الاقل في اليوم :)

جملكم الله برضاه

[.. الكاش ..]

طول عمرنا نشرب ماي الصحه والحمدالله مافينا الا العافيه

[عيون الدوحة]

أخذ تعبئة الدوحة
دانة أو الريان

[khalid525]

ماي الحكومة طبعا افضل للشخص العادي ، المياة المعبأة او الصحية افضل لمن يعانون من امراض مزمنة يحددها الدكاتره والحمدلله على نعمه

[jinfo]

زمان كان اعتمادي على ماء الحكومه وما كنت اشرب بكثره الماي
الحين مع الدوام عندنا " دانه " بس مب وايد صحي لان نسبه الصوديوم عاليه
وفي البيت عندنا البرادات الكبيره الي تركب لها المياه المعدنيه فاشتركت في نستله لان افضل الموجود

لكن ان طلعت دايما اخذ " اروى " الافضل حاليا في السوق ونسبه الصوديوم الاقل من البقيه
على ما اعتقد " 2.3 " وهالشي يقلل الاملاح لمن يعانون من زيادتها
وللدايت تمام التمام



هني وعافيه يارب .. ولا تنسون لتر على الاقل في اليوم :)

جملكم الله برضاه

يعطيك ربي العافية .. الأنسان محتاج أكثر من لتر في اليوم ..

بالنسبة لي محتاج بين 2ونص إلى 3ونص لتر يومياً :)

وكل إنسان له حسبة خاصة

تحياتي

[تحداني]

يعطيك ربي العافية .. الأنسان محتاج أكثر من لتر في اليوم ..

بالنسبة لي محتاج بين 2ونص إلى 3ونص لتر يومياً :)

وكل إنسان له حسبة خاصة

تحياتي




معاك حق كل انسان له حسبه خاصه
ولكن لتر نسبه منطقيه لأعداء " شرب الماء" وهم كثر


جملك الله برضاه

[نور الحور]

صراحة موضوع الماي سالفته سالفه ..
بالنسبة لي حاطه فلتر كهربائي لماي الحكومة
ما أحب استخدم المياه المفلترة في غراش كبيرة مقلوبة .. أحسها مو صحية أبد لطريقة تعبئتها وتخزينها لو كانت زجاج كانت أفضل على الأقل ما تتفاعل مع البلاستيك المعرض للشمس ..
وبالنسبة لماي التعبئة للشرب فيه ماي مؤين (عدد الأيونات السالبة فيه كبير) صحي جداً نسيت اسمه ينباع في عدة محلات كل مرة ابي اروح اشتري لي كرتون أنسى ..بس طعمه حلو عذب ..
والأغلب نشتري ايفيان أحب طعمه أكثر من المياه المعبئة محلياً :victory:

[تحداني]

صراحة موضوع الماي سالفته سالفه ..
بالنسبة لي حاطه فلتر كهربائي لماي الحكومة
ما أحب استخدم المياه المفلترة في غراش كبيرة مقلوبة .. أحسها مو صحية أبد لطريقة تعبئتها وتخزينها لو كانت زجاج كانت أفضل على الأقل ما تتفاعل مع البلاستيك المعرض للشمس ..
وبالنسبة لماي التعبئة للشرب فيه ماي مؤين (عدد الأيونات السالبة فيه كبير) صحي جداً نسيت اسمه ينباع في عدة محلات كل مرة ابي اروح اشتري لي كرتون أنسى ..بس طعمه حلو عذب ..
والأغلب نشتري ايفيان أحب طعمه أكثر من المياه المعبئة محلياً :victory:




اتخيل في البيت كله يشربون افيان .. لا قولي غير هالكلام نور الحور
هالماي يحطونه في مكتب الوزراء .. والسفراء
مع العلم مب وايد صحي وجيكي على نسبه الصوديوم ..

وماي افيان ما اعتقد ماي عملي لليهال الي يشربون اشوي وتعالي شوفي الاغراش
وسعره مب ارخيص لو اعتمدتي عليه اعتماد كلي .. هاذي ابروحها ميزانيه

لا اتقولون بخيله :( مهو انتوا عندكم التفاسير على كيف كيفكم
بس ما ادري اشرايج


متسببه ناويه ارد حقي :(


جملك الله برضاه

[نور الحور]

اتخيل في البيت كله يشربون افيان .. لا قولي غير هالكلام نور الحور
هالماي يحطونه في مكتب الوزراء .. والسفراء
مع العلم مب وايد صحي وجيكي على نسبه الصوديوم ..

وماي افيان ما اعتقد ماي عملي لليهال الي يشربون اشوي وتعالي شوفي الاغراش
وسعره مب ارخيص لو اعتمدتي عليه اعتماد كلي .. هاذي ابروحها ميزانيه

لا اتقولون بخيله :( مهو انتوا عندكم التفاسير على كيف كيفكم
بس ما ادري اشرايج


متسببه ناويه ارد حقي :(


جملك الله برضاه


صح كلامج .. بس والله يوم كنا ندور الفلتر اللي نبيه وما حصلناه كنا نشتري بالكرتون ماي ايفيان .. تحسين طعمه عذب .. بعدين عرفنا عن نسبة الصوديوم.. وكنت أحطه لليهال في شنط الروضة والمدرسة .. صح يبيله ميزانية بس الماي وايد مهم .. لين الحمدلله لقينا الفلتر اللي أدوره وركبناه والحمدلله ما قمنا نشتري إلا كل فترة وفترة بس ناويه اشتري لي هالماي المؤين واعتقد اغلى من ايفيان بعد لمكتبي في الشغل ..:victory:
أشوفج متسببة :omen2:

[حسن]

مافي احلى من ماي الحكومه

شربنا يوم دراماتنا حليانه ماصار فينا شي
الحين يوم الفلاتر والخزانات النظيفه قمتو تتذمرون

جيبولي ماي ام اسويه انا خاطري اشرب منه ولا ماي الوعب

ولا ثنيه اليحشه

ابي ماي

:weeping:

[تحداني]

صح كلامج .. بس والله يوم كنا ندور الفلتر اللي نبيه وما حصلناه كنا نشتري بالكرتون ماي ايفيان .. تحسين طعمه عذب .. بعدين عرفنا عن نسبة الصوديوم.. وكنت أحطه لليهال في شنط الروضة والمدرسة .. صح يبيله ميزانية بس الماي وايد مهم .. لين الحمدلله لقينا الفلتر اللي أدوره وركبناه والحمدلله ما قمنا نشتري إلا كل فترة وفترة بس ناويه اشتري لي هالماي المؤين واعتقد اغلى من ايفيان بعد لمكتبي في الشغل ..:victory:
أشوفج متسببة :omen2:


اتحسين طعمه على قوله وحده جنه ماي زمزم صح ؟
الحمد لله لقيتي الفلتر ولا راح اتروح ميزانيتج كلها على الماي وصج انه مهم بس عاد البدائل بنفس النوعيه اي نوعيه " ايفيان " موجوده مثل " تنورين " تلقينه في المخازن الكبرى في الغالب وطعمه طيب واعتقد لبناني وقريب جدا جدا من ايفيان


عاد الماي المؤين ما اطيقه مره شربته في مكتب وحده من البنات
اتقول ماي الدوام موش كيوت .. الماي اشلون يكون كيوت ما ادري :)


مافي احلى من ماي الحكومه

شربنا يوم دراماتنا حليانه ماصار فينا شي
الحين يوم الفلاتر والخزانات النظيفه قمتو تتذمرون

جيبولي ماي ام اسويه انا خاطري اشرب منه ولا ماي الوعب

ولا ثنيه اليحشه

ابي ماي

:weeping:




والله انا شربت من ماي الحكومه لين ما قلت بس .. وامي كانت اتحط الجيك في الثلاجه ودايما من الحكومه ولا صار فينه لا هشاشه عظام ولا مشاشه عظام بس بعد ما تطورنا بحكم تطور العصر .. وتطور التكنلوجيا واختراع البرادات .. حطينه ذاك البراد الاكبير الحديد ما اعرف الالمنيوم الي له ولف تذكره ؟؟ وهم مديناخ ابماي الحكومه

بس تدري اسملى عليك كسل وعيزانين نتحرك وانروح الحوش
خذنه البرادات المتنقله الي هابين فيها وانركب عليها المياه المعدنيه
وشفت سياره نستله في الطريج وانا راده البيت
قلت له رفيك اشلون اتوصل لي الماي البيت .. ؟؟
رد علي جيب 200 ريال انا يعطيك دفتر كوبون

بس والله هاي الحكايه

عاد احنه كم ساعه في الدوام ؟؟
وكم ساعد قاعدين فوق ؟؟

وماي الحكومه الغلبان ما صار له وجود :(



توته توته توته .. خلصت الحتوته



جملك الله برضاه

[حسن]

والله ياجماعه الخير يقصون عليكم وانتو تصدقونهم لهذه الدرجه ماتميزون

يعني الحبن يبيعون عليكم واقسم بالله ماي الحكومه وانتو تشترون

يعني الحين الامارات ولا قطر ولا السعوديه في انهار عذبه

:eek5:

قايلكم يبيعون لكم الوهم وانتو مصدقين

انا شعاري مافي ماي غير ماي ابوفنطاس

اما تشربه يطير منك النعاس

:victory:

[ام السعف]

أفضل الحكومي ،،

له نكهة لبيييبة ما احسها في الماي المعلب ،،

وسمعت ان ماي الريان افضل المياه المعلبة حسب دراسة لجامعة قطر
لأنه معبأ من صنابير المياه الحكومية مع اشوية تعديل،،

ولا احنا وين عندنا مياه طبيعية في قطر :omen2:

فشكرا لكم

[cavok]

ماي الحكومه وفلتر وبس