مدرسة الفرقان وآكاديمية قطر للقادة ...

[حراير قطر]

مساء الخير

بغيت رآيكم في مدرسة الفرقان وآكاديمية قطر للقادة ،،،

من ناحية التدريس والاختبارات والادارة والمدرسين

ودي اسجل عيالي بوحدة منهم ...

آختكم

حراير قطر

[تغلبية]

يمدحون الثنتين بس اعتقد الفرقان دينية أكثر من القادة أجنبية في التعليم وتعتبر مدرسة داخلية نظامها صارم، وعندهم اساتذة قطريين متخصصين (مربين) يعلمون الطلبة علوم أهل قطر (العادات والتقاليد والسنع والواجب)، يدورون عليهم ويوقظونهم لصلاة الفجر.
مشكلة القادة انهم ينزلون الولد اللي دارس في مدرسة أجنبية سنة .. اظن يختلف النظام بين أمريكي وبريطاني.

[البحار00]

يمدحون الثنتين بس اعتقد الفرقان دينية أكثر من القادة أجنبية في التعليم وتعتبر مدرسة داخلية نظامها صارم، وعندهم اساتذة قطريين متخصصين (مربين) يعلمون الطلبة علوم أهل قطر (العادات والتقاليد والسنع والواجب)، يدورون عليهم ويوقظونهم لصلاة الفجر.
مشكلة القادة انهم ينزلون الولد اللي دارس في مدرسة أجنبية سنة .. اظن يختلف النظام بين أمريكي وبريطاني.

شلون يوقظونهم لصلاة الفجر ليش هو الطالب يبات عندهم

وبعدين عن أي مدرسه تتكلمين بالضبط الفرقان ولا أكاديمية القاده

[تغلبية]

شلون يوقظونهم لصلاة الفجر ليش هو الطالب يبات عندهم

وبعدين عن أي مدرسه تتكلمين بالضبط الفرقان ولا أكاديمية القاده

أتكلم عن أكاديمية القادة أخوي
هي عبارة مدرسة داخلية ، يعني الطلاب يباتون في مجمع المدرسة
ولهم زيارة أهاليهم من مغرب يوم الخميس ويردون السبت قبل المغرب

[بونووف]

درست فالفرقان فالاعداديه . وكان نظامهم المدرسين كالتالي تدرس فالصف لكن من غير اوراق مراجعه تبي اوراق مراجعه خذ حصص تقويه العصر عشان تاخذ اوراق المراجعه .. واذا خذت تقويه راح تنجح ف امتحانات منتصف الفصل .. وغير اذا المدرس عرف انه هالطالب ولد شخص مرموق فالدوله عامله معاملة ثانيه وخاصه وغير عن الطلاب ..وكان بعض المدرسين يطلقون لحاتهم بداية السنه الدراسيه ولين جات الاجازه كل واحد قطع خده من الموس ... هالكلام ف التسعينات مادري اذا تغيرت الاداره ولا لا..

اما القاده مادري عنهم

[SOUD.QA]

حراير قطر حطي فبالج ان اكاديمية القاده فيها مبيت ما راح تشوفين ولدج الا آخر الاسبوع ومستقبله بينحصر بس فالعسكريه وانتي بهالنقطه ممكن تظلمينه لانه صغير وبعده ما يعرف شاللي يبغيه لمستقبله

فكري فالقاده عدل وادرسي الموضوع لان شخصية الولد بتتغير تماما

:)

[حراير قطر]

يعطيكم العافيه جميعا وما قصرتوا

للعلم عيالي بمرحلة الابتدائية

ننتظر آراء البقيه ....

[شرقاويه]

عسى ماشر مدرسه داخليه شنو اجانب وحتى الاجانب مايحطون عيالهم بمدارس داخليه الا كثيرين السفر والعيال مايربيهم الا اهلهم المدرسه لتعليم فقط مستحيل في قطريين حاطين عيالهم فيها صراحه اشك

[حراير قطر]

للرفع ...

[بو - جاسم]

عسى ماشر مدرسه داخليه شنو اجانب وحتى الاجانب مايحطون عيالهم بمدارس داخليه الا كثيرين السفر والعيال مايربيهم الا اهلهم المدرسه لتعليم فقط مستحيل في قطريين حاطين عيالهم فيها صراحه اشك

انا قطري اختي وكنت فيها وتخرجت منها

وكان معاي الكثير من القطريين منهم الشيخ خليفة بن حمد ولد سمو الامير

المدرسة انشآت كشراكة بين مؤسسة قطر للتربية والعلوم وتنمية المجتمع و القوات المسلحة القطرية

والمدرسة جدا صارمة مع الطلاب من خلال النظام العسكري الصارم اللي تتبعه

وطبعا الخمس صلوات تقام في المدرسة في اوقاتها وفي مسجد وفي مرشد ديني

وفي مثل ما قالو الاخوان مرشدين قطريين يعلمون الطلاب التراث القطري

فالمدرسة مزيج مابين التعليم على افضل المستويات والضبط العسكري والدين والتراث الي هم جزأ لا يتجزأ من اهل قطر

طبعا هي مدرسة داخلية يكون فيها الطالب من مساء السبت ويرجع البيت الخميس الظهر يقضي الويكند مع اهله ويرجع يوم السبت مره ثانيه

اما كدراسه المدرسه توفر للطلاب الخيار ما بين دبلوم البكالوريا الدوليه او الدبلوم الثانوي الامريكي وهذول النظامين معترف فيهم من المجلس الاعلى للتعليم في دولة قطر

وعلى عكس ما يعتقدون الناس المدرسه مب بس تآهل للعسكرية، تاهل بعد لجميع التخصصات الاخرى المتوفره

طبعا خريجين الاكاديميه لهم الاولويه في العسكريه اذا ما رغبوا في العسكريه

وانا موجود اذا عندج اي استفسار ثاني اختي

[بصمة قطرية]

أخوي درس في القادة من بداية تأسيسها
بس طفش منها ما قدر يكمل ..!!!
قوانينهم كانت صارمة وايد
مادري إذا هالشي تغير ..!!
سألت عنها لأني مفكرة أدخل ولدي اللي رايح إعدادي
و مترددة ..!!!

[كازانوفا]

سبحان الله امس مدرسه العقيده بالمعهد تنصحنا بان نحط عيالنا بالفرقان للمرحله الابتدائيه وبالنسبه للمرحله الاعدديه والثانويه المعهد الديني وتناقشت زوجي عشان انقل عيالي من مدارس الحماد للفرقان

[راشد محمد]

الفرقان دينية

[حراير قطر]

صباح الخير

صديقتي تبي ادخل ولدها في مدرسة القادة

وعنده امتحان قبول

هل الامتحان سهل او لا

او احد عند خبره بأسلتهم ويأهله حق هالامتحانات

جزاكم الله خير مقدما ...

[سهم ماينزل]

للرفع لسماع الآراء

[ولد العلي]

للرفع لسماع الآراء

:shy:

[خزامئ]

مدرسه الفرقان مثل مدرسه الاندلس تعتبر نوع ما دينيه
واغلب المدرسين من الجنسيات العربيه فيها كثير من المحسوبيه وامش امورك مع مدرسك براحه
اذا تبي ولدك يطلع متسس لغه انس انك تحتطه فيها يعني ماتفرق عن اي مدرسه اخر

اما اكاديميه القاده فرق المساء تسسي جيد للغه
ونضام انظباط حاولت ادخل ولدي فيها بس للاسف ماعدا الامتحان صعبه شوي
مكان المدرسه في الخور
مبيت من يوم السبت لين ضهرالخميس
مكلمات محدوده
ف الناهيه لو قدرت ادخل ولدي ماكان قصرت
بس مالله كتب نصيب
الي عاجبي انها اتطلع الولد رجال وصالب روحه
مهوب مثل المدرس العاديه خيخه وضعيف ولا يعرف يسوي شي
هم يعطون تنوع في النشاط من الصبح لين ساعه 5
وفيه حصص ترفيه
يعني كل شي موجود مع المراقبه الشديده يعني ماتخافين على ولدش فيها
والله يوفق الجميع

[أم هشام]

درست فالفرقان فالاعداديه . وكان نظامهم المدرسين كالتالي تدرس فالصف لكن من غير اوراق مراجعه تبي اوراق مراجعه خذ حصص تقويه العصر عشان تاخذ اوراق المراجعه .. واذا خذت تقويه راح تنجح ف امتحانات منتصف الفصل .. وغير اذا المدرس عرف انه هالطالب ولد شخص مرموق فالدوله عامله معاملة ثانيه وخاصه وغير عن الطلاب ..وكان بعض المدرسين يطلقون لحاتهم بداية السنه الدراسيه ولين جات الاجازه كل واحد قطع خده من الموس ... هالكلام ف التسعينات مادري اذا تغيرت الاداره ولا لا..

اما القاده مادري عنهم

كلامك صحيح 100 % وهالكلام تقريبا من 9 سنوات

[بريق الحق]

اتمنى معرفة ميول الاطفال قبل ادخالهم للقاده او الفرقان

[سهم ماينزل]

مستقبل مبهر في انتظار طلاب أكاديمية قطر للقادة

http://www.qf.org.qa/content-ar/qf-telegraph-ar/issue-82-ar/our-future-leaders-have-the-world-at-their-feet-ar

[قطري 777]

مافي احلا من مدارس الحكومه .

[لبتونه]

ولدي الحين ابتدائي وفكرت ادخله فيها لكن سالفه ينام هناك 5 ايام ماادري عنه ولااشوفه الا يومين فقط من كل اسبوع صعبه شوي

[فريج النجادة]

مدرسة الفرقان معروفة على مستوى الدولة

افضل مدرسة للتاسيس الابتدائي فقط

هذا شي معروف عنها

نصيحة اقولها لك من القلب

اغلب المدارس تعليمهم واحد

ويبقى الاهم وهو المربي والصحبة الصالحة

وعلية انا ارشح 1-الفرقان 2- الاندلس

[سهم ماينزل]

ولدي الحين ابتدائي وفكرت ادخله فيها لكن سالفه ينام هناك 5 ايام ماادري عنه ولااشوفه الا يومين فقط من كل اسبوع صعبه شوي

بالعكس يعتمد على نفسه وبرنامجهم جداً رائع

[ضوى]

انا قطري اختي وكنت فيها وتخرجت منها

وكان معاي الكثير من القطريين منهم الشيخ خليفة بن حمد ولد سمو الامير

المدرسة انشآت كشراكة بين مؤسسة قطر للتربية والعلوم وتنمية المجتمع و القوات المسلحة القطرية

والمدرسة جدا صارمة مع الطلاب من خلال النظام العسكري الصارم اللي تتبعه

وطبعا الخمس صلوات تقام في المدرسة في اوقاتها وفي مسجد وفي مرشد ديني

وفي مثل ما قالو الاخوان مرشدين قطريين يعلمون الطلاب التراث القطري

فالمدرسة مزيج مابين التعليم على افضل المستويات والضبط العسكري والدين والتراث الي هم جزأ لا يتجزأ من اهل قطر

طبعا هي مدرسة داخلية يكون فيها الطالب من مساء السبت ويرجع البيت الخميس الظهر يقضي الويكند مع اهله ويرجع يوم السبت مره ثانيه

اما كدراسه المدرسه توفر للطلاب الخيار ما بين دبلوم البكالوريا الدوليه او الدبلوم الثانوي الامريكي وهذول النظامين معترف فيهم من المجلس الاعلى للتعليم في دولة قطر

وعلى عكس ما يعتقدون الناس المدرسه مب بس تآهل للعسكرية، تاهل بعد لجميع التخصصات الاخرى المتوفره

طبعا خريجين الاكاديميه لهم الاولويه في العسكريه اذا ما رغبوا في العسكريه

وانا موجود اذا عندج اي استفسار ثاني اختي


كفو عليك بو جاسم جبت الخلاصة :)

[بنـت قطر]

اتمنى لك التوفيق اخوي