المساعد الشخصي الرقمي

مشاهدة النسخة كاملة : ليش مافيه معاهد جيده لتعليم اللغات بقطر


حمد 2002
23-03-2013, 01:31 PM
السلام عليكم ورحمه الله وبركاته

العنوان كالتالي (( ليش مافيه معاهد جيده لتعليم اللغات بقطر ))

تعلم اللغات شيء مهم وخصوصا اللغه الأنجليزيه ، ليش ماعندنا معاهد جيده لتعليم اللغات بقطر ، اغلب اذا مب كل المعاهد هدفهم مادي بحت واسعارهم خياليه وياليت عندهم تدريس جيد بعد !!!!

بل تدريسهم اي كلام !!!!!

من هو المسؤل هل المجلس الاعلى للتعليم أم البلديه أم من بالظبط ؟

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ....
عيون الدوحة
23-03-2013, 01:34 PM
أحسن معهد كان تبع وزارة التربية والتعليم
وسكروة مادري ليش
يوسف0
23-03-2013, 01:59 PM
معاهد وايد حمد

في للياباني مجرب وممتاز

واللغة الانجليزية أكثر معاهد

واذا تبي معهد معترف به وأي لغة تبيها أتصل للسفارة للبلد الأم في قطر وأسألهم عن المعاهد الي تعترفون بها وبتكون بأسعار مناسبه أعتقد
Al-Kuwari
23-03-2013, 02:23 PM
بخصوص اللغة الانجليزية في معاهد كثيرة لكن مثل ماذكرت هدفها مادي , حتى لو الطاقم التدريسي كان مميز تظل الاسعار عالية جداً ومب اي واحد يقدر يدفعها

بخصوص اللغات الاخرى , الملحق الثقافي الفرنسي ممتاز جداً للغة الفرنسية واسعاره تعتبر رمزية حسب علمي (اخر خبري فيهم من كم سنة , الله العالم ارتفعت الاسعار الحين او للحين رمزية)

لكن لغات اخرى كالاسبانية او الالمانية للأسف لا توجد معاهد جيده وان وجدت الاسعار تكون خيالية بالألاف لكل مستوى
تحداني
23-03-2013, 07:31 PM
المسؤول عن هالموضوع " وزاره التعليم والتعليم العالي " المجلس الاعلى للتعليم
لانها الجهه التعليميه في البلد .. وقرأت زمان ان من بين الخطط انشاء معهد للغه وكل اللغات وتكون المتابعه عليها من قبل الدوله مثل " معهد اللغات " بس على احسن

عاد متى هالحلم يتحقق الله اعلم
والناس تدفع على المعاهد الموجوده لكن للاسف النتيجه بطئيه ومكلفه مثل ما قالوا الاخوان


جملكم الله برضاه
برويقن
23-03-2013, 07:46 PM
احسن معهد لتعليم اللغات

هو "معهد اللغات" التابع للمجلس الاعلى للتعليم تدريسهم ممتاز واسعاره طيبه 500 ريال لـ 3 شهور

لكن للاسف سكرووووووه المجلس الاعلى للتعليم من 3 سنين
ام السعف
24-03-2013, 02:47 PM
عدل كلامك ،، 99.999% من المراكز والمعاهد استغلالية وتشفط الفلوس شفط ،،

الأيام هذه نصيحتي الواحد يدخل يتعلم ذاتيا اون لاين ولايف مع مدرسين
خصوصين او في قروبات وكلها 400 ريال شهريا
مب 3600 حق ثلاث شهور وتطلع يبي لك مدرس يشرح لك
اللي درسته :omen2:
R 7 A L
25-03-2013, 07:08 AM
ليش مانشوف بعثات على الاقل لدراسة اللغة فقط من قبل المجلس الاعلى
الرويـس
25-03-2013, 10:16 AM
معاهد وايد حمد

في للياباني مجرب وممتاز

واللغة الانجليزية أكثر معاهد

واذا تبي معهد معترف به وأي لغة تبيها أتصل للسفارة للبلد الأم في قطر وأسألهم عن المعاهد الي تعترفون بها وبتكون بأسعار مناسبه أعتقد

نفس الشي