حطوا كاميرات مراقبة بمواتركم (ضروري) حدث اليوم لي

[mr ali]

السلام عليكم
انا طالب جامعي باول فصل لي , وجاني موتر هدية ,,
والله قهرررررر اليوم كان عندي امتحان ,ساعة 1وخلصت , لما رجعت حصلت الموتر من ورا مشمخ بمفتاح , كأنة توقيع ولا شعار, قهرررر , ,, وانا ما عندي عداوات مع اي احد ,, حتى ما ابي اظلم يمكن مب هاي المكان يمكن مكان ثاني ,, بس انا متأكد امس بالليل ما كان في هاي التشمخ
انا شنو مشكلتي اذا كنت ما اعرفك , وانت عندك مشكلة نفسية او نقص او حقد تطلعة علي ... :anger1::anger1::anger1:

قبل صار لي تموية من هاي الشي , وانا كنت طالع اخر محاظره لي تقريبا الساعة 3:30 .. شفت 2 طلاب من دولة عربية, واقفين بقرب الموتر يدخنون وما ادري شنو ,, كان لازقين ما اعرف شنو كانوا يسون , المهم لما قربت راحوا بعيد ولا شافوني او التفوا نهائيا .. ؟؟ &.&

انا سمعت ان اقدر اركب كاميرات مراقبة بالموتر من الداخل ؟؟
شاركوني بتجاربكم شنو الموقف الي مريتوا فية؟ وشلون حليتوا المشكلة ؟؟
وشنوا الحل مع هـ الفئة المريضة الي ما تنصاد

شكرا ع قراآتكم

[H B A]

الله يعينك ياخوي .. والله لايوفق هالاشكال اذا كان الشي مقصود
سواء يعرفونك او لا


انا الحمدالله ماصادفتني هالمواقف

وبخصوص الكاميرا
http://www.eyespypro.com/products/Starnex-CCam-2-Camera-Vehicle-Security-Camera.html

تقدر تركب كاميرا وفي انواع واشكال :) هذي شفتها لك على السريع

[تحداني]

:)

يمكن بالغلط يا اخوي .. او يمكن صار شي غير متوقع من الشخص الي مر احذي سيارتك
انا باقوا مساحه سيارتي وما اوصلتني المساحه الجديده الا بعد شهرين
وقلت الله يغربل ابليسهم غربلوني :) عاد تعال شوف اذا كانت الدنيا مطر

هونها وتهون .. ما عندي فكره عن الكاميرات
اخاف انشغل فيها واصير خالتي قماشه بالدقيقه اطل بالكاميرا

جملك الله برضاه

[$بنت شيوخ$]

انا واحد ضرب سيارتي بوكس خفسها وشمخها وهي في الستي بدون سبب

[الحاقول]

ممكن في الليل القطو شمخ السياره

انا القطو شمخ سيارتي في البيت

[لابأس]

الله يستر لا نصير مثل الروس !

بعض الجنسيات فيها حقد حتى لو كانوا ع ارضك وماكلين من خيرها.

[وحيد-الشوق]

عندنا موتر للبيت كورولا 2008 تخيل الموتر ماكمل سنة وكان صاف برا والا الباب الخلفي كله شموخ بمفتاح وشموخ قوية حيل طيرت الصبغ

الله لايبارك فيهم

[راشد محمد]

حسبي الله ونعم الوكيل..والله قهر

[king fish]

انا واحد ضرب سيارتي بوكس خفسها وشمخها وهي في الستي بدون سبب


ليش ما رحتي لادارة السيتي تخليهم يشيكوا كاميرات المراقبه
وبعدين الباركنات بفلوس تحت مسؤوليتهم

[وبشرالصابرين]

أخوي أكيد موترك كشخه

وهذا مرض نفسي عند بعض الناس

كذالك في المجمعات التجارية يعطونك بخطه حلوه في الباب

وبعد السواقين في البيت لهم هذي الحركات

كله حسد والعياذ بالله

[زقرتي ومزاجي]

موتري موقعين على الرفرف الخلفي ... الله يقص يده ان شاء الله

[قطرية مثقفة]

حاسه فيك صادني نفس الموقف @ طلعت من الميغامارت اللي في السنتر وما جفت الا سيارتي مشمخه @@ وانه اصلا ماروح السنتر الا نادرا لأني مش من المنطقة @@ وزوجي وده السيارة حق البولش @@ الشموخ السطحية راحت بس اللي عميق ماراح *

[نورالهدى]

انا كل سنه اصبغها في الوكاله بسبة الشموخ من قلب الله لايوفقهم

[بوخالد911]

وغير اللي يحذفون الجاري ( القاري ) العربة مالت الجمعية
لين شلوا الاغراض دزوا الجاري بقوو لييين ما يخبط موترر

[mr ali]

بالفعل قهر وظلم,,, بعض المواتر جدا غالية ونادرة وحرام تكون عرضة لمثل هاي المواقف ,, لازم في حل مناسب وفاصل لهاي المشكلة

[jaf111]

المفروض الجامعه فيها كيمرات مراقبه مب المواتر مايحتاج اخوي , المفروض يزيدون الكيمرات في الدوله عموما والمواقف خصوصا والأماكن الحساسه للأمن وللحوادث .

الله يعينك أخوي لاتنقهر ولاتزعل كل شي يتصلح الحمد لله شمخ مب شي اكبر . واذا متعمده محد خسران الا اللي سواها ...

[jaf111]

بالفعل قهر وظلم,,, بعض المواتر جدا غالية ونادرة وحرام تكون عرضة لمثل هاي المواقف ,, لازم في حل مناسب وفاصل لهاي المشكلة

الله يهداك جامعه قطر واجد عليها جي :secret: حق الأرصفه والمطبات والشمس

الغاليه والنادره خلها حق الأماكن العدله :nice:
الله يفكك من هالجامعه

[أبوهيا]

درسنا بالجامعه احنا والربع ماشفنا ولا سمعنا هالسوالف وتشمخ سيارات

[basma222]

ولدي كان داخل المحاضرة طلع حصل سيارته مشمخه في جامعه قطر

يمكن احد بالغلط يبي يطلع يحك السيارة بالسيارته

[امـ حمد]

لاحول ولا قوة الا بالله
هذا كله غيره وحسد

[الزعفراني]

احلى شيء في الموضوع ان الموتر جاك هديه

[Riku3]

في رمضان قبل ثلاث سنين طلعت من الدوام الا اشوف شبك موتري نصه على الارض والصدام مشقوق وحالة الموتر حالة ووضح ان ضربة قلص حسبي الله عليه .. لا رقم ولا وقف ولا الكيمرات صادته .. التأمين شامل بس الموتر ما كان جديد ودفعت نسبة .. حسبي الله ونعم الوكيل فيه ..

ما تقدر تحكم هالامور .. واحس ان الافضل ان تكون المواقف هي الي منظمه بكيمرات ودخول وخروج مسجل .

[بوخالد2]

عندي و عندك خير صاف الموتر وكنت نازل وزاره من الوزارات اخلص شغله

رجعت ولا الصدام الامامي مدعوم مع زلق وراح ولا كنه دعم موتر
حط اورقه اعتذار على الاقل او طريقه التواصل معاك مافي !!

ادعم و اهرب

[عاشق العديد]

بسم الله الرحمن الرحيم ..

الله يعينك والله يعطيك خيره ويكفيك شـره ..

والله لو تسمع كلام غيرك تهون عليك مشكلتك .. ياحظك شموخ
مب بايقين حساسه مب داعمين لك صدام مب زالغين لك الموتر من الجنب مب مبنجرين توايرك

وعن نفسي مره من المرات دعمت واحد شمخت موتره قمت وحطيت ورقه ع الجامه انه انا دعمت موترك وكذا والرجاء اتصلي .. بس ما اتصل لانها كانت بسيطه بس االعالم الحين يقلبك ولا جنه سو شي .. ركب ابو الكيمرات بعد

[@north_star@]

الي يقهر انه الي يشمخ السيارة ويروح بدون ما يحط ورقة اعتذار او رقمه

[شبح الصمت]

الله يعينكـ ياخوي ويعوضكـ خير

هذولي آناس فيهم آمراض نفسيه لو صدق يتعمدون يفتعلون هالشيء ومفروض ترآجع كاميرات المراقبة الي في المواقف اذا في كاميرات لأجل تتأكد من الاشخاص ..

واذا ما حصلت الله يعوضـكـ بس الكاميرا اش بتسوي وين بتحطها وعلى اي جهة رآح توجها ما تقدر يبيلـك أكثر من كاميرا صراحة ..

[أم محمد 90]

ترى تصير وايد مب قطو ولا غلط ولا شي

انا بالجامعة بنت شمخت موتري بمفتاح لوكرها من سنة ونص تقريبا شمخة كاااااااااااااااااااملة وهي ماشية

ترى الناس حقودين حتى لو تسوق تيدا بعد بيحقدون عليك

حمدلله والشكر الله لا يبلانا

[عذايب قطر]

الله يعينك

اما انا قطو على سيارتي بيض اول ماطلعتها وهي صافة عند البيت
وبعد فترة تشمخ بالمفتاح

الله لايسامحهم

[كازانوفا]

يمكن واحد غيران منك عاد لا تلومه ذيك الساعه لان الغيره والحقد ما لهم حل حسبنا الله ونعم الوكيل

[تحداني]

صباح الخير على الجميع

ليش دايما ظنونه اتروح على انها حقد وحسد .. ساعات تكون بالفعل بالغلط
والشخص مب قاصد يسوي هالحركه .. وساعات شطانه يهال .. ولو وده يعتذر وينتظر صاحب السياره يخاف من رده الفعل


جملكم الله برضاه

[R 7 A L]

حلوة الى يقولون الفاعل ( قطو )
وحلوة الى يقولون احسنوا الظن

يقول لكم السيارة من الصدام للصدام فيها خدش مفتاح او سكروب
وش تفسيرة ؟

[لمعة الالماس]

القطوة اذا شمخت معروف شكل شموخها

اما زلوق بمفتاح هذا شي ثاني

واحنا عندنا سيارة يديدة رحنا فيها الستي سنتر ولما رجعنا لقينا زلق شكبره من الصدام

حسبي الله عليهم

[FIRE FLY]

ههههه عيل انا اش قول !!!

جا واحد ومشمخ السيارة من الرفرف اللي قدام لين الليت اللي ورا !!

وبعدها رايح عند الباب اللي ورا ... وطارقها الاخ توقيع " Ali " مع حركات وزخرفة بكتابة الاسم !!!!

[ام السعف]

اتذكر يوم كنت صغيرة كانت هوايتي المفضلة تفشش التواير وتشميخ السيارات
وما كنت افرق ما بين سيارة يديدة او قديمة ،، او يمكن كلهم كانوا قدام ومافي
يدية بينهم فكانوا يتشابهون ،،،

كبرت اليوم وللحين فيني نزعة مستترة لممارسة نفس الهواية
واعترف اني الوحيدة ما بين جيش الاطفال اللي كنت امارس هالهواية الغريبة
وكل محاولاتي بسحب المحيطين حولي بممارستها باءت بالفشل
لأن الجبن كان متملك منهم " تبا للجين ولا كنا فريق اليوم ":(

تبي الصراحة يااخوي مب عارفة شنهو سبب هالتصرف ،، لو قلنا نقص اجتماعي
فالكل حولي فيهم نقص ،، لو قلت عداوة ضد اصحاب السيارات والله ما كانت
اعرفهم وكل ذنبهم اني امر احذى السيارات ،،

زين شنهو السبب ؟

:weeping:

[Abdulla Al.F]

ههههه عيل انا اش قول !!!

جا واحد ومشمخ السيارة من الرفرف اللي قدام لين الليت اللي ورا !!

وبعدها رايح عند الباب اللي ورا ... وطارقها الاخ توقيع " Ali " مع حركات وزخرفة بكتابة الاسم !!!!

:anger1::anger1::anger1::anger1::anger1::omg::omg: :omg:

[جفى الجوارح]

ياكثر الي يشمخون في باركنات المجمعات

الله يعينك الصراحه

ويعطيك خيرها ويكفيك شرها ان شاء الله

لا تصبغ السياره عشان مايطيح سعرها, اضربها باليس او ودها حد من المحلات الي تستخدم بعد المحاليل لاخفاء الشموخ

[قطريه22]

ممكن في الليل القطو شمخ السياره

انا القطو شمخ سيارتي في البيت



:eek5::telephone: صج قهر

كنت مسكت القطو وضربته ضرب وحذفته من فوق سور البيت

[وحيد-الشوق]

اتذكر يوم كنت صغيرة كانت هوايتي المفضلة تفشش التواير وتشميخ السيارات
وما كنت افرق ما بين سيارة يديدة او قديمة ،، او يمكن كلهم كانوا قدام ومافي
يدية بينهم فكانوا يتشابهون ،،،

كبرت اليوم وللحين فيني نزعة مستترة لممارسة نفس الهواية
واعترف اني الوحيدة ما بين جيش الاطفال اللي كنت امارس هالهواية الغريبة
وكل محاولاتي بسحب المحيطين حولي بممارستها باءت بالفشل
لأن الجبن كان متملك منهم " تبا للجين ولا كنا فريق اليوم ":(

تبي الصراحة يااخوي مب عارفة شنهو سبب هالتصرف ،، لو قلنا نقص اجتماعي
فالكل حولي فيهم نقص ،، لو قلت عداوة ضد اصحاب السيارات والله ما كانت
اعرفهم وكل ذنبهم اني امر احذى السيارات ،،

زين شنهو السبب ؟

:weeping:

:omg::eek5:

ههههههههههههههههههههه ما اصدق

ام السعف شفيج اعقلي :rolleyes2:

طلعتي شريرة مالقيتي غير هذي الهواية السيئة اخاف لين يومج هذا تحبين تشمخين :(

[الخزرجي قطر]

هذا مرض نفسي او حقد والعياذ بالله من هذه الاشكال
الله يعينك وتصلح موترك الله يبارك لك ويهنيك ويعطيك خيرها ويكفيك شرها

[ام السعف]

:omg::eek5:

ههههههههههههههههههههه ما اصدق

ام السعف شفيج اعقلي :rolleyes2:

طلعتي شريرة مالقيتي غير هذي الهواية السيئة اخاف لين يومج هذا تحبين تشمخين :(

:(:(:(:(
:(:(:(
:(:(
:(

[تحداني]

اتذكر يوم كنت صغيرة كانت هوايتي المفضلة تفشش التواير وتشميخ السيارات
وما كنت افرق ما بين سيارة يديدة او قديمة ،، او يمكن كلهم كانوا قدام ومافي
يدية بينهم فكانوا يتشابهون ،،،

كبرت اليوم وللحين فيني نزعة مستترة لممارسة نفس الهواية
واعترف اني الوحيدة ما بين جيش الاطفال اللي كنت امارس هالهواية الغريبة
وكل محاولاتي بسحب المحيطين حولي بممارستها باءت بالفشل
لأن الجبن كان متملك منهم " تبا للجين ولا كنا فريق اليوم ":(

تبي الصراحة يااخوي مب عارفة شنهو سبب هالتصرف ،، لو قلنا نقص اجتماعي
فالكل حولي فيهم نقص ،، لو قلت عداوة ضد اصحاب السيارات والله ما كانت
اعرفهم وكل ذنبهم اني امر احذى السيارات ،،

زين شنهو السبب ؟

:weeping:


السبب ان ضميرج ميت .. اتقي الله
ليش جي اتسوين ليش ليش ليش
والظن عندنا رايح صوب الاقطاوه وبالغط .. والناس ما يقصدون
طحتي من عيني للاسف بعد ما كنت غالي




:omg::eek5:

ههههههههههههههههههههه ما اصدق

ام السعف شفيج اعقلي :rolleyes2:

طلعتي شريرة مالقيتي غير هذي الهواية السيئة اخاف لين يومج هذا تحبين تشمخين :(



مب شريره الا سوسه واكبر سوسه وابليسه بعد

:(:(:(:(
:(:(:(
:(:(
:(




بعد لج ويهه اتردين واطلين في الموضوع
للحين ضميرج ما صحى ؟؟

[Q-t-r]

السلام عليكم
انا طالب جامعي باول فصل لي , وجاني موتر هدية ,,
والله قهرررررر اليوم كان عندي امتحان ,ساعة 1وخلصت , لما رجعت حصلت الموتر من ورا مشمخ بمفتاح , كأنة توقيع ولا شعار, قهرررر , ,, وانا ما عندي عداوات مع اي احد ,, حتى ما ابي اظلم يمكن مب هاي المكان يمكن مكان ثاني ,, بس انا متأكد امس بالليل ما كان في هاي التشمخ
انا شنو مشكلتي اذا كنت ما اعرفك , وانت عندك مشكلة نفسية او نقص او حقد تطلعة علي ... :anger1::anger1::anger1:

قبل صار لي تموية من هاي الشي , وانا كنت طالع اخر محاظره لي تقريبا الساعة 3:30 .. شفت 2 طلاب من دولة عربية, واقفين بقرب الموتر يدخنون وما ادري شنو ,, كان لازقين ما اعرف شنو كانوا يسون , المهم لما قربت راحوا بعيد ولا شافوني او التفوا نهائيا .. ؟؟ &.&

انا سمعت ان اقدر اركب كاميرات مراقبة بالموتر من الداخل ؟؟
شاركوني بتجاربكم شنو الموقف الي مريتوا فية؟ وشلون حليتوا المشكلة ؟؟
وشنوا الحل مع هـ الفئة المريضة الي ما تنصاد

شكرا ع قراآتكم
انزين اشرايك الي طالع من البيت ومتاخر عل دوام :(يلقى تواير موتره مب موجوده

وتحت الموتر طابوق:omg: والموتر فكسار 2012:weeping: تبأ لـــهم

[ام السعف]

السبب ان ضميرج ميت .. اتقي الله
ليش جي اتسوين ليش ليش ليش
والظن عندنا رايح صوب الاقطاوه وبالغط .. والناس ما يقصدون
طحتي من عيني للاسف بعد ما كنت غالي





مب شريره الا سوسه واكبر سوسه وابليسه بعد





بعد لج ويهه اتردين واطلين في الموضوع
للحين ضميرج ما صحى ؟؟

:looking:

كنت تــفــلــة صغيرة
الحين ما اسويها كلش، بس خفي علي علشان ما اتأججين المشاعر ضدج
وتصحيّن الضمير الميت :vampire:

[mr ali]

الله يعين , اسعدتني مشاركاتكم . اختي اهنيج ع اعترافج . بس مب تعترفين للناس بعد ما تطفين الشاشة خخخخ

[رجل مثالي]

يجب وضع كاميرات مراقبة في كل مكان افضل

[السندان]

هذه الظاهره موجوده وأنا عندي موتر البيت من العام والسيارة مشموخه بمفتاح حافر السياره من الصدام إلى الصدام

[تحداني]

:looking:

كنت تــفــلــة صغيرة
الحين ما اسويها كلش، بس خفي علي علشان ما اتأججين المشاعر ضدج
وتصحيّن الضمير الميت :vampire:



عفيه عليج بعد اقصورج اتردين اتشمخين
هو ضرب الحبيب مثل أكل الزبيب .. كل مازاد حده كل ما زاد الغلا والتقدير
ثقي بذلك

وحشتيني :shy:


جملك الله برضاه

[معماري قطري]

هذي الحركة من إختراع جنسية معينة

أتذكر في مباراة بعد نهايتها وكان منتخب هذي الجنسية خسران وطلعوا قبل نهاية المباراة بشوي وخربوا سيارات أهل قطر بالتشميخ .. المهم حقد في نفسهم وطلعوه. :(

[معماري قطري]

هذي بلاوي ابتلينا بها من العاهات اللي جات بلادنا، وقمنا نشوف اللي لابس بدله صار له لابسها قرن من الزمان وفي يده شنطه ويبيع الوهم ويدور بين السيارات وممكن يسوي أي شيء.

[نوفة قطر]

صج قهر حاسه فيك

انا اول ماطلعت سيارتي كانت جديده الكراسي للحين عليها اكياس

طلعت من الدوام الا واحد شكله بيطلع من الموقف وسحب سيارتي على جنب وياه !

بس الصراحه يومها دعيت على هالمجهول دعااااوي ولا شيء وقفني والله

لان قلة ذوق انك تدعم والا حتى تشمخ سياره وتمشي وعادي عندك لا تحط ورقه ولا اي شيء

وقلة ذوق اكثر انك تشوف السياره جديده يعني خل عندك شوي دم يالظالم !

:anger1:

[ام السعف]

عفيه عليج بعد اقصورج اتردين اتشمخين
هو ضرب الحبيب مثل أكل الزبيب .. كل مازاد حده كل ما زاد الغلا والتقدير
ثقي بذلك

وحشتيني :shy:


جملك الله برضاه

اتشوووو،، الحمدلله

ما يوحشج وحش ،،

زين أجل انطري الزبيب المشمخ ،،:shy:

راعي الموضوع:

اعتقد البعض عنده مشكلة في نفسه ( مثلي ) وهالمشكلة كبرت معاه
فما عاد يفرق ان كان "تفل" او كبر وعدى مرحلة "التفولة"
فالله يعين اللي ينصدم ويشوف سيارته مشمخة ويصبره ويعطيه طولة البال :weeping: