أبوي توفى الله يرحمة عندي استفسارات عاجلة بخصوص اعادة البناء

[فانفير]

السلام عليكم ورحمة الله وبركاتة

أبوي توفى قبل اسبوعين تقريبا الله يرحمة ويغفرلة ويعفو عنه اللهم امين

عندي عدة استفسارات

بيت أبوي الله يرحمه قديم صار له35 سنه وكان علية هدم وإعادة بناء واحنا كنا ماشين في الإجراءات بس توقف الموضوع لانه كنا نبي نسوي فلتين متلاصقتين وارفضو قالو لو نبي فلتين نبني من حسابنا واذا فله بيكون على بنك التنمية
...واحنا كنا نبي نطلع من البيت والإسكان تاجر لنا وقالو لنا مايصير لازم تطلع رخصة البناء بعدين الإسكان تاجر لنا ...وموضوع البيت توقف بسبب دخول أبوي الله يرحمة المستشفى وإجراءات السفر ماقدرنا نكمل اجراءات البيت

بغيت اعرف بعد وفاة أبوي الله يرحمة
شنو مصير بيتنا هل راح يتم الهدم وإعادة البناء هل راح ينزل لنا المبلغ من بنك التنمية هل الإسكان بتاجر لنا بيت او لا أبوي الله يرحمة كان متقاعد وهو منفصل عن الوالدة واحنا كلنا كبار وعندنا اختين مش متزوجات ويشتغلون وما عندنا قصر هل معاشة راح يتوقف او لا

وعندي استفسار بخصوص خواتي اللي ماتزوجو أعمارهم 35 و32 احد الأخوات في العزى قالت لنا ان يطلع لهم ارض وقرض هل الموضوع صحيح او لا و إذا صحيح شنهي الاوراق المطلوبة وين مكان التقديم وهل كل وحدة فيهم بيطلع لها ارض وقرض او لا


وجزاكم الله خير

[وبشرالصابرين]

الله يجمعكم على الخير
أرجو أنكم ما تتفرقون بعد أبوكم الله يرحمه

.

[تغلبية]

الله يرحمه ويغفر له اختي والله يحسن عزاكم

ممكن افيدج بخصوص الارض والقرض يحق للفتاة القطرية من عمر 35 سنة وطالع وغير متزوجة يحق لها ارض وقرض باسمها. بس اذا عندها اخو مو متزوج او اخت بهالعمر او اكبر يدمجون القرض للاثنين واذا تزوج الشاب ممكن ينفصل بطلب اخر.
الافضل انج تقرين قانون الاسكان علشان تكونين على بينة
وللسؤال تروحين ادارة الاسكان في الدائري الثالث
وتحديدا تسالين منى الكواري او هميان الكواري اذا بتتابعين بالتليفون

وان شالله الاخوان يفيدونج اكثر

[كازانوفا]

رحمة الله على ابوكم ويصبركم وييسر اموركم ان شالله لما يحب ويرضى

[فانفير]

جزاكم الله خير أجمعين وماقصرتو

[قطريه22]

الله يرحمه ويغفر له انشاء الله وعظم الله اجركم
وانشاء الله الاخوان ماراح يقصرون وبيفيدونك

[الخزرجي قطر]

الله يرحم والدكم ويغفر له

[مستر بن]

آلله يصبرككم ويجعل مثوى ابووكم ألجنه