تأخير في تبديل القير من الثاني للثالث

[fzaa_qatar]

السلام عليكم اخواني .. عندي جي اكس ار 2007 فيه تاخير فالتبديل من الثاني للثالث وان رحت للكراجات كلن بيتفلسف .. ابي اعرف حد مر بهالمشكله وشنو حلها .. مع العلم سويت فحص عند العالمي قالي عندك عيار الدعسه الفجائيه .. وبس

[بريق الحق]

شلون اخوي ممكن توضيح اكثر ؟
هل الموتر يلكش قصدك

[لابأس]

متى اخر مره غيرت زيت القير ؟

[fzaa_qatar]

والله يا جماعه الخير بالنسبه للمشكله لمن يصير التبديل احس بحنه ونتعه خفيفه فسياره وعقب عادي وبالنسبه للزيت مغيره من فتره بسيطه .. فيه اللي يقولي القير يبي له تزيد الزيت او تغير حساس الثروتل .. عاد صراحه مادري .. حد عنده مكنيكي خبره غير متفلسف .. وجزاكم الله كل خير ..

[المارونـــي]

سنسرات المكينه جيك عليها

[R 7 A L]

في البداية بدل زيت القير وفلترة قبل كل شي

[عاشق العديد]

سنسر مكينه .. وبنسبه حق النسم الطويل كل الجيات من 2006 لين 2007 نفس الحاله انا موتري لما كان تماتيك نفس الحاله حنه ونتعه .. لكن جوف الكلاجات تلعب دور .. جيك ع الكلجات وبدل مروحة المكينه .. عشان الحنه ما ارتحت من الحنه الا لما بدلت المروحه ..
ولو قيرك فيه شي ثاني خربان انا عندي قير تماتيك ما ابيه .. بس فيه مشكله وحده الي وهي انه يبي له كلجات .. فقط .. لو بغيته دزلي رقمك ع الخاص بس مابقدر ارد عليك بمسج لانه المنتدى مايسمح لي بارسال رساله خاصه .. وشكرا

[fzaa_qatar]

يعطيكم الف عافيه اللي ردوا وان شاء الله راح اغير زيت القير وشيك عالسنسرات كلها .. ونشوف شيصير ..