عادة سيئه - ظاهرة سلبية ؟؟؟؟

[فيرو]

اخوانى الكرام اعضاء المنتدى , السلام عليكم ورحمه الله وبركاتة

اليوم حبيت اشارك معاكم النقاش عن عادة سيئة يقوم بها البعض من سكان ارض قطر الطيبة وهى التحديق الشديد داخل السيارات عند الدوارات والاشارات او حتى عند التخطى حيث تجد وانت تقود سيارتك فى امان الله بشخص ينظر لسيارتك ومن بداخلها بطريقة مستفزة بدون مراعاه لحرمة الغير وخصوصيتهم .
موقف صار لى شخصيا امس المساء فى الطريق بين دوار الثمامة وطريق المطار اثناء القيادة ومعى زوجتى وابنى والطريق شبه خالى وملتزم سرعة 95 كيلو فى الساعه بالمسار اليمين واذا بشخص متطفل ياتى من اليسار وينظر بطريقة مستفزة للركاب داخل السيارة وبعدها استقر بالمسار اليمين امامى وخفض السرعة فقمت بدورى بالتحول للمسار اليسار فاذا به يفتح زجاج سيارته ويكرر النظر بطريقة ابسط ما يقال عنها انها سوقية وغير متحضرة لم احاول ان اعيرة اهتمام واكملت طريقى ولكن بقهر وحسرة من التصرف الغير مسئول .
ما رايكم يا اخوان فى هذة الظاهرة هل من حق الاخرين انتهاك الخصوصية وفى رايكم ما هو التصرف المناسب مع مثل هؤلاء
ودمتم فى حفظ الله
شكرا

[aldeem1]

يمكن كان وراك وما فتحتله الطريق ويبي يقهرك ؟؟

تعديل تعديل تعديل
عفوا توني اقرا انك تمشي على اليمين
هذا برايي انسان حقير والمفروض تشتكي عليه

[ضوى]

كم مرة صارت معاك حتى صارت عادة لبعض سكان قطر؟؟ وكيف صارت ظاهرة سيئة ؟

[أم نواري1]

لا تلتفت فيهم
ويلتفتون لي تتكسر رقابهم = )

الحقران يقطع المصران

[بونووف]

حتى الدريوليه قاموا يطلون فالمواتر .. وفي ناس ارقابهم تتكسر من كثر مايلف رقبته

[تحداني]

انا ما أطلطل بس لو كان الطريق زحمه احتار شاسوي
.. ولا اذا كنت واقفه في زحمه مالها اول ولا آخر ..

ان طليت يمين بس بدون ما اركز اطالع شخص يأما يعصب علي او يتم يطالعني بإبتسامه
ان طليت يسار نفس الشي
ان شفت يدامي القى ناس اتعدل الغتره والاعقال والنظاره او بنات يلفون علي بعدين حسبالهم في بالي شي .. يعني لي متى انزل راسي :( وما احب انشغل وايد بالتلفون


مشكله كبيره واللاهي


جملكم الله برضاه

[نور الحور]

انا ما أطلطل بس لو كان الطريق زحمه احتار شاسوي
.. ولا اذا كنت واقفه في زحمه مالها اول ولا آخر ..

ان طليت يمين بس بدون ما اركز اطالع شخص يأما يعصب علي او يتم يطالعني بإبتسامه
ان طليت يسار نفس الشي
ان شفت يدامي القى ناس اتعدل الغتره والاعقال والنظاره او بنات يلفون علي بعدين حسبالهم في بالي شي .. يعني لي متى انزل راسي :( وما احب انشغل وايد بالتلفون


مشكله كبيره واللاهي


جملكم الله برضاه


اقري لج جريدة مقضوضة من النص وتفرجي مثل ما تبين :victory:

[فيرو]

كم مرة صارت معاك حتى صارت عادة لبعض سكان قطر؟؟ وكيف صارت ظاهرة سيئة ؟

يرجى الانتباه اولا لمعنى وشموليه كلمة سكان
ثانيا الموضوع دة بيصير على الاقل مرة اسبوعيا لكن موقف الامس كان مستفز مع العلم انى التزم جيدا بأداب الطريق ولا افتعل المشكلات او مشاكسات مع احد والدليل على ذلك انى كظمت الغيظ ولم اظهر رد فعل مع هذا الشخص خاصة
ثالثا كيف صارت ظاهرة سيئة ؟
جرب انت ان تكون بصحبة عائلتك وزوجتك بالسيارة وياتى شخص ويطيل النظر لكم بطريقة مستفزة . عندها ستعرف الاجابة
شكرا

[نور الحور]

أخوي فيرو .. بالفعل في بعض الناس مثل ما وصفت .. أحس نسوا عيونهم داخل سيارتنا ..
وهذي مشكلة الفضول اللي تنتشر في دول العالم الثالث عموماُ .. الناس كل ما علت أخلاقهم قل تدخلهم وفضولهم في شؤون الغير :victory:

[تحداني]

اقري لج جريدة مقضوضة من النص وتفرجي مثل ما تبين :victory:



اوهوووو الحين من قال ان انا أبي أتفرج " اشدعوه مسرحيه "
بس والله ساعات انتظر فوق ال15 دقيقه .. معقوله انزل راسي طول هالوقت



الواحد ان قال الصج اجرحوه :(

[فيرو]

أخوي فيرو .. بالفعل في بعض الناس مثل ما وصفت .. أحس نسوا عيونهم داخل سيارتنا ..
وهذي مشكلة الفضول اللي تنتشر في دول العالم الثالث عموماُ .. الناس كل ما علت أخلاقهم قل تدخلهم وفضولهم في شؤون الغير :victory:

الفضوووووووووووووووووووووووووووول . هذا بيت القصيد
احنا لا نطالع سيارات احد ولا من بداخلها لاننا تربينا على احترام الاخرين واحترام خصوصيتهم وكما اوضحت هى مسأله اخلاق ليس اكثر
شكرا وجزاك الله خير

[ضوى]

وصل اللي تبي توضحه

اذا عليك باتباع كلام النبي صلي الله عليه وسلم ، النظرة الاولى لك والثانية عليك ، الاولى عديها والثانية وقف صاحبها وجادله وافهم منه شنهو المطلوب بالضبط من التفرج داخل سيارتك وانت مع محارمك

[نور الحور]

اوهوووو الحين من قال ان انا أبي أتفرج " اشدعوه مسرحيه "
بس والله ساعات انتظر فوق ال15 دقيقه .. معقوله انزل راسي طول هالوقت



الواحد ان قال الصج اجرحوه :(


هههههه .. انزين اقري لج كتاب .. اتصلي في حد .. أكلي لج سندويشه :shy:

[نور الحور]

الفضوووووووووووووووووووووووووووول . هذا بيت القصيد
احنا لا نطالع سيارات احد ولا من بداخلها لاننا تربينا على احترام الاخرين واحترام خصوصيتهم وكما اوضحت هى مسأله اخلاق ليس اكثر
شكرا وجزاك الله خير


قال رسول الله صلى الله عليه وسلم : (من حسن إسلام المرء تركه ما لا يعنيه) ..بس عاد وين اللي يفهم ويطبق :weeping:

[حسن]

هو في فرق بين اللي يطلطل وبين اللي يقز

الاول قصده شريف والثاني قصده شر

والري الراجح اذا ماغير الطله وتم مركز هذه ماتحسب عليه
لكن اللي يتم يركز ويلتفت ويرجع مره ثانيه
ويبتسم في وجهك وش تسوي في هذه الحاله


:)

[نور الحور]

هو في فرق بين اللي يطلطل وبين اللي يقز

الاول قصده شريف والثاني قصده شر

والري الراجح اذا ماغير الطله وتم مركز هذه ماتحسب عليه
لكن اللي يتم يركز ويلتفت ويرجع مره ثانيه
ويبتسم في وجهك وش تسوي في هذه الحاله


:)

حسيتك حكم في مباراة :rolleyes2:

[تحداني]

هههههه .. انزين اقري لج كتاب .. اتصلي في حد .. أكلي لج سندويشه :shy:

:weeping:
الحين تعطيني هالحلول .. وين هالحلول مساعه


هو في فرق بين اللي يطلطل وبين اللي يقز

الاول قصده شريف والثاني قصده شر

والري الراجح اذا ماغير الطله وتم مركز هذه ماتحسب عليه
لكن اللي يتم يركز ويلتفت ويرجع مره ثانيه
ويبتسم في وجهك وش تسوي في هذه الحاله


:)




انت اشطر واحد فيهم كلهم .. حسيت انك وايد راعيت مشاعري
واللاهي انا كان قصدي نفس قصدك .. بس هالقلم يخرب بيته يخون صاحبه
الحين بيقولون تحداني الزمن كله اطلطل في سياير الناس :(

انا السبب

[تحداني]

حسيتك حكم في مباراة :rolleyes2:




لا هو كان يشرح لكم :( بطريقه انسانيه ..

[نور الحور]

:weeping:
الحين تعطيني هالحلول .. وين هالحلول مساعه






انت اشطر واحد فيهم كلهم .. حسيت انك وايد راعيت مشاعري
واللاهي انا كان قصدي نفس قصدك .. بس هالقلم يخرب بيته يخون صاحبه
الحين بيقولون تحداني الزمن كله اطلطل في سياير الناس :(

انا السبب


قلت لكم حسن صاير كأنه حكم في مباراة .. زين جذي خلاج تحسين بالذنب :secret:
انزين للحين ما قلتي لأخونا فيرو وجهة نظرج في اللي يطلطلون واللي يخزون في سيارات العالم .. :telephone:

[فيرو]

وصل اللي تبي توضحه

اذا عليك باتباع كلام النبي صلي الله عليه وسلم ، النظرة الاولى لك والثانية عليك ، الاولى عديها والثانية وقف صاحبها وجادله وافهم منه شنهو المطلوب بالضبط من التفرج داخل سيارتك وانت مع محارمك

جزاك الله خير

[تحداني]

قلت لكم حسن صاير كأنه حكم في مباراة .. زين جذي خلاج تحسين بالذنب :secret:
انزين للحين ما قلتي لأخونا فيرو وجهة نظرج في اللي يطلطلون واللي يخزون في سيارات العالم .. :telephone:




اي صح .. بس حسيت للحظه ان خاطري اقول الكلام الي كتبته
يخزون يعني يتمون فتره طويله يطالعون .. لا انا ما احب جي
احس ان الشخص ملقوف وماله داعي .. هاذي قله ادب
اما بس يطالع نظره سريعه عادي مسكين ارقبته بطيح من كثر ما ينزل راسه .. بعد هذا شارع مب بيت ..

اخوي فيروز انت لا اتعصب .. بس اذا مصخوها نزل الدريشه وقول له خير اخوي
في شي زاعجك " الله يستر " هالحل مب متأكده منه بس مافي مانع اتجربه


جملك الله برضاه

[طير حوران]

انا اتفق مع مشاركة الاخت / تحداني الزمن

حيث لايمكن لي طول وقت الانتظار وانا متسمر وكأني في الصلاه لابد ان يلتفت الانسان يمنة ويسره ويتفرج على ماحوله وخاصة الالتفات على مايتحرك والشارع دائما متحرك وليس بشرط ان يكون الانسان سيء النيه

اما بالنسبه لموضوعك اخي العزيز لااعلم مااقول لك بخصوصه ولكن ارى ان حسن النيه في هذه الحاله افضل الى ان يرى الانسان من التصرف الخطأ مايبرر ان يزعل ويستنفر رجولته مع انني لااتفق وهذا الرأي فلتعتبر نفسك في السوق او اي مكان أخر

وخاصة عندما تعلم ان هذا الانسان لايعرفك ولايقصد الاساءه اليك تحديدا


تحياتي

[حسن]

:weeping:
الحين تعطيني هالحلول .. وين هالحلول مساعه






انت اشطر واحد فيهم كلهم .. حسيت انك وايد راعيت مشاعري
واللاهي انا كان قصدي نفس قصدك .. بس هالقلم يخرب بيته يخون صاحبه
الحين بيقولون تحداني الزمن كله اطلطل في سياير الناس :(

انا السبب

والله شاقولك ياتحداتني الزمن

هل الايام الواحد يجيه خبال وساعات لو تكلمت بيقولن هذه خبله ولا هذا خبل
:victory:

فالتعبير عن النفس البشريه ومايجول فيها
يوديك احيانا في غياهب الجب
:secret:

فالمهم النيه الصادقه يابنت الحلال واللي هل الايام اصبحت مثل مشروم ام السعف اللي اختفت من عقب قصه ولا دتها وشنطه طفلها

:eek5:

المهم طالعي يمين وطالعي يسار على كيفك
وعلى كيفي

قالو خبل قالو خبله

ماعلينا من كلام الناس كلام الناس مهب قران منزل


تصدقين مافي اخلى من تحط بوزك وتشرب من الولف

لا اروى من اروى الولف

:victory:

[نور الحور]

اي صح .. بس حسيت للحظه ان خاطري اقول الكلام الي كتبته
يخزون يعني يتمون فتره طويله يطالعون .. لا انا ما احب جي
احس ان الشخص ملقوف وماله داعي .. هاذي قله ادب
اما بس يطالع نظره سريعه عادي مسكين ارقبته بطيح من كثر ما ينزل راسه .. بعد هذا شارع مب بيت ..

اخوي فيروز انت لا اتعصب .. بس اذا مصخوها نزل الدريشه وقول له خير اخوي
في شي زاعجك " الله يستر " هالحل مب متأكده منه بس مافي مانع اتجربه


جملك الله برضاه


لااااااااااا ..خربتيها عدل :secret:

[فيرو]

السيارتين كانوا فى وضع الحركة والقياده كانت تقريبا على سرعة 95 كالعادة لا فى دوار ولا اشاره السؤال هو .
لماذا لا تنتبة للطريق وارواح الاخرين بدلا من اطاله النظر والتحديق فى ناس عاديين وسيارة عادية ؟

[تحداني]

والله شاقولك ياتحداتني الزمن

هل الايام الواحد يجيه خبال وساعات لو تكلمت بيقولن هذه خبله ولا هذا خبل
:victory:

فالتعبير عن النفس البشريه ومايجول فيها
يوديك احيانا في غياهب الجب
:secret:

فالمهم النيه الصادقه يابنت الحلال واللي هل الايام اصبحت مثل مشروم ام السعف اللي اختفت من عقب قصه ولا دتها وشنطه طفلها

:eek5:

المهم طالعي يمين وطالعي يسار على كيفك
وعلى كيفي

قالو خبل قالو خبله

ماعلينا من كلام الناس كلام الناس مهب قران منزل


تصدقين مافي اخلى من تحط بوزك وتشرب من الولف

لا اروى من اروى الولف

:victory:



والله شاقوللك يا اخوي حسن .. على قولتك قالوا خبله قالوا مينون
الدنيا ماشيه والحياه قاسيه .. والحمد لله الجنه والنار مب ابيد البشر كان ما طلعنا من نار
الله لا يقول .. وانا اقول دايما مثل ما قال اخوي طير حوران " شخص لا اعرفه ولا ايعرفني " خل احسن النيه .. والله معاه .. طالع خل يطالع شاسوي فيه اقص راسه مثلا
ما طالع بعد جزاه الله كل خير والله يسهل دربه .. ما احب ادخل في نفوس الناس واكفايه الظاهر منها اجيب وجع الراس حق نفسي ليش

وانا وانت وفيرو والكل عارف الشارع مكان عام .. وانت تمشي في مكان عام
وقد لاسمح الله يصدر من الناس شئ لا يعجبني .. فنقول لا حول ولا قوه الا بالله
بس كل شي له حد

ام السعف وعليه عليها في بعض المواضيع احس من ردودها كأنه واحد في نادي صحي
وامعرق وحالته حاله وهي اترد على المداخلات
لا واحلى شي يوم تمسك اعصابها ومن داخلها موله تعال يود الضحك بس


بطالع يا اخوي بس بسوي بالنظره الاولى
هاذي الثانيه ما اتوقع اكررها

اهم شي رضى السائقين ..


ومنه الى المسؤلين في اشغال
الله يخليكم عدلوا شوارعكم الناس اتعبت من الانتظار

من المسؤل ؟؟ وينك يا حسن الساعي :) :) :)


جملك الله برضاه




لااااااااااا ..خربتيها عدل :secret:



واللاهي ما كان قصدي .. بس الحماس زايد :)

جملك الله برضاه

[طير حوران]

السيارتين كانوا فى وضع الحركة والقياده كانت تقريبا على سرعة 95 كالعادة لا فى دوار ولا اشاره السؤال هو .
لماذا لا تنتبة للطريق وارواح الاخرين بدلا من اطاله النظر والتحديق فى ناس عاديين وسيارة عادية ؟

احتمال أخر اخي العزيز/فيرو

ان الرجال كان مشبه على سيارتك وبعد ماطافك شكك في الامر وخفف السرعه حتى تمر عليه ويتأكد انك لست الشخص المعني بالنسبه له

احسن النيه (ان بعض الظن اثم )

تحياتي

[تحداني]

السيارتين كانوا فى وضع الحركة والقياده كانت تقريبا على سرعة 95 كالعادة لا فى دوار ولا اشاره السؤال هو .
لماذا لا تنتبة للطريق وارواح الاخرين بدلا من اطاله النظر والتحديق فى ناس عاديين وسيارة عادية ؟




اخوي هذا الي يطلطل بيموت ترى وبيموتنه معاه
احنه تونا في عز شبابنا

والله حاله

[فيرو]

احتمال أخر اخي العزيز/فيرو

ان الرجال كان مشبه على سيارتك وبعد ماطافك شكك في الامر وخفف السرعه حتى تمر عليه ويتأكد انك لست الشخص المعني بالنسبه له

احسن النيه (ان بعض الظن اثم )

تحياتي

لانة كان شخص من جنسية عربية فقلت لنفسى انة ممكن يكون مشبه على
عموما الحمد لله على كل حال

[شبح الصمت]

ريح بالك عازل حراري 50 بالميه كامل

وخله ينزل يكشخ على جامة السيارة

[فيرو]

ريح بالك عازل حراري 50 بالميه كامل

وخله ينزل يكشخ على جامة السيارة

جزاك الله كل خير وهذا بالفعل قرارى بعد هذا الموقف لانه السيارة بزجاجها الشفاف حاله الوكاله لم يتم اى تعديل بس بعد هذا الموقف فعلا قرارى تركيب عازل حرارى بنسبه معقوله للحفاظ على خصوصية اسرتى .

جزالك الله خير , ما تعرف حد يسوية بتخفيض