ممكن مساعدة بخصوص تحويل فتحة وندوز الي سبيلت

[ثابت]

السلام عليكم ورحمة الله وبركاتة

ياجماعة الخير انا عندي بيت فية غرف وندوز مكيفات وبهذلتني لنها دخل غبار وتسبب الربو لصغار وحاب اسكر الفتحات وتحويل الغرف هذي الي مكيفات سبيلت

حب تنصحوني بعدت نقاط

1- اذا تعرفون احد عندكم يسوي لي هالشغلة يليت تعطوني رقمة يكو شاطر؟

2- وتقريبا كم بتكون تكلفة شغلة؟

3- وهل اعلق كمبريسر المكيف اخلية back to back او اودية فوق البيت مع انة شكل الكيبل بيطلع قبيح شنو تنصحوني اسوي؟

4- وشنو احسن مكيفات سبيلت اركبها ؟

وجزاكم الله خير

[Level]

العملية سهله جداً جيب لك بنّاي يسكر فتحة المكيف بطابوق ويصبغ المكان وكأنه لم يكن شي

وجيب هل المكيفات سواء الريّس او ميتسوبيتشي لاني مجربهم وممتازين ويفيدونك الاخوان بتجاربهم مع الغير

المهم يجون الشركة يسوون في الطوفه فتحه بقدر احتياجهم

والكمبروسر افضل يكون فوق البيت اذا كانت العمليه سهله وكل ماكان قريب من المكان او قريب من المكيف كان افضل

[ضوى]

العملية وايد سهلة

من داخل البيت سكرت الفتحة بجبسمبورد ومن برع طابوق وبعدها جات شكرة فوجي وعملت اللازم وركبت ستاند عالطوفة يعني لا هو هالارض وايد ولا رمتفع وايد بشكل واضح للي بالشارع ومنظر عادي جدا ومقبول ووايد مريح السبليت من الويندوز

[سهم عتيج]

امرك سهل جدا
تجيب عامل يسكر لك فتحة التكييف وتشتري لك البلاستك الدائري بقطر 3 سم وتخلي العامل يعمل لك فتحة اعلى المكان المفتوح قبل التسكير بقطر 3 سم عشان بيبات الغاز والتوصيلات وامورك طيبة ان شالله

والله يوفقك