بخصوص الرخام الذهبي والي تعاملو معاه يرجى الدخول

[NO_LIMITs]

السلام عليكم جميعاً

تعاملت مع الرخام الذهبي لدرج البيت ولاني كنت مستعجل عشان الدرابزين ماشاورت حد في السعر والنوع والحين ابيه يركب لي الارضيات وابي رايكم.

بالنسبه للدرج هذا الي تم عمله وعطوني رايكم:

الدرج حلزوني وطول العتبه 1.50 سم وعرضها 40 سم

اخترت كريما مارفل 3سم مع دارك امبرادور للستب والنعلات.

40 عتبه مع النعلات طلع كامل 24000 ريال :secret::rolleyes2:

على كلامه انه اسباني وابي الي يشوف الصوره المرفقه يعطيني رايه وخبرته.

عجبني تركيبهم ونظافة الرخام:nice:

[PGR]

في رايي السعر رخيص لاني انا بسوي للدرج اللي عندي حلزوني بس لونين امبرادور تقريبا 40 عتبه او 47 طلع علي اب 45,000

[شموخ دائم]

,

,


مرحبا


منزل مبروك ان شاء الله

سؤالك الحين وايد متأخر بارك الله فيك ركبت وخلصت
:)

صعب نعرف من الصوره خاصه انه الصوره ما نقدر نكبرها كثير يخرب الروزولوشن مالها
عموما المحل الي تعاملت معاه محل نثق فيه ونثق بصاحبه
مالهم حركات الغش

ومن الصوره الشكل االعام طيب وطالع جميل ما شاء الله
اختيار موفق لتركيب اللونين مع بعض
انا من محبين هذولا اللونين
عليهم طلب بكل دول العالم وليس بقطر

لو قسمنا المبلغ 24 الف على ال 40 عتبه
يطلع العتبه الوحده كلفتك 600 ريال

توريد وتركيب
وخاصه انها 3 سم
وطولها متر ونص

خاصه ان سعر الكريم مارفيل من 280 ريال الى 300 ريال للمتر المربع
النوع العادي ابو 2 سم

اما اذا كان سعر الكريم مارفيل بحدود 350 ريال
راح يطلع السعر مناسب


سعر ( التركيب ) يختلف من شخص الى شخص ومن شركه الى شركه
حسب ( نظافه ) التركيب

اعتقد السعر عندك شوي زايد شي بسيط
اعتقد لو كان السعر بحدود 18 الف بيكون مناسب جدا
اذا كان ( التركيب نظيف ) يكون العتبه الوحده تكلف
450 ريال

يالله ( دافع بلا )
هههههه

اهم شي تكون مرتاح من ( الشكل النهائي ) للدرج
ترى هذا يسوى الفرق بالسعر لان التعب جاب نتيجه طيبه
:)


,

,


اخوك


شموخ دائم

[NO_LIMITs]

هلا فيك اخوي PGR

ريحتني شوي لاني حسيت اني تسرعت بس الصراحه طلع الشغل مضبوط باللونين البيج والبني شوف الصوره المرفقه بعد ماخلصو الشغل :nice:
عسى ربي يوفقك



اخوي شموخ دائم نورت الموضوع

ادري اني متأخر في السؤال بس شاسوي كنت مستعجل،
سألت الحين عشان ارتاح نفسياً واتوكل على الله واسوي معاه ارضية الطابق الارضي، بس انا قبل ماتفق معاه رحت شوش للرخام وعطاني سعر 34000 ريال ،
ولما رحت عند جلال وعطاني السعر توكلت على الله وخلصت معاه والحمدلله ماتحسفت وبعد قلت اسأل الطيبين شرواك عشان ارتاح اكثر وافتك من الوسواس.

على فكره انصح ان محد يسوي درج حلزوني لانه مكلف في التشطيب.

شوف الصوره المرفقه بعد ماخلصو :victory: وعسى ربي يوفقك

[ram]

عند التدقــيق في صــورة الرخـــام ( الكريما مارفيـــل ) يمكن ملاحظة بقع واحيانا تكون كبيرة
لذا عند تركيب الأرضيــات ستبرز هذه البقع بشكل اكبر وســتحد من جمال الرخام

فقط مجرد ملاحظة و بالنســبة للســـعر فهو معقول

[NO_LIMITs]

عند التدقــيق في صــورة الرخـــام ( الكريما مارفيـــل ) يمكن ملاحظة بقع واحيانا تكون كبيرة
لذا عند تركيب الأرضيــات ستبرز هذه البقع بشكل اكبر وســتحد من جمال الرخام

فقط مجرد ملاحظة و بالنســبة للســـعر فهو معقول

اخوي شنو تقصد بالبقع !!!

الصوره خذتها قبل لايغسلون الرخام وفيه عليه طبقة تراكمات اتربه من القص وشغل السنفره للحوائط .

ان شاءالله يكون اختياري موفق لنوع الرخام وشاكرلك ملاحظتك

[حسن الاحمد]

جلال البنغالي أنا وياه ربع عالتلفون بدون مانعرف بعضنا. هو يُعتبر أحسن واحد لان عنده بضاعة كثيرة ومتنوعة وسعره دائماً معقول . بس مشكلته انه مشغول دائماً

[فتك العديد]

اخوي معليك امر تقدر طرشلي رقم جلال ( الرخام الذهبي )

[حياتي]

اذا حد عنده مكان الرخام الذهبي يوصفلي اياه وبعد يرسلي رقمهم محتاجه ضروري

[عقرب]

شارع 19 ... تروح هناك أحسن وتشوف ألواح كبيرة من الرخام والجيرانيت وتختار على كيفك

[OREO]

سواء جلال او خلدون كلهم انصب من الثاني ،،

حاسبوا يا شباب تراهم بلعبون بالمساحات و هذا عن تجربة شخصية ،،

تعاملت مع اكثر من محل و كل شخص يعطي قياسات ع مزاجه و الفروقات كبيرة للاسف ،،

فلذا من الافضل برايي تاخذون التسعيرة و اتقيسون بنفسكم و ما يمانع اذا تصورون المكان و تعرضون على الاخوان في المنتدى لاجل تضمن حقك من بعض الدجالين و اللي ما يخافون ربهم ،،