الصداقه بين الرجال والنساء خارج أوقات الدوام !!!

[حمد 2002]

(( الصداقه بين الرجال والنساء خارج أوقات الدوام !!! ))

اخبرني احد الاشخاص الذين أعرفهم والذين يشتغلون بالتلفزيون ولن اذكر اي تلفزيون بالتحديد تجنبا للفتنه والقيل والقال :) ، بأن زميل العمل وزميله العمل عاااادي يتصلون ببعض خارج وقت العمل واتدور من بينهم احاديث تتعلق بالعمل ولا تتعلق بالعمل وسوالف وضحك :) !! ،

هل هالشيء يدور في اغلب الامكان المختلطه !!! وهل هالشيء منتشر بقوه في اغلب هالأمكان والقطاع الخاص بالتحديد ؟!!!!!

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الأطار العام للموضوع

تحاتي لكم

[Aaziz]

ردينا على طير يالي :confused:

[R 7 A L]

يمكن حالة واحدة
مانقدر نقيس بأن جميع من يشتغلون في التلفزيون نفس هالنوعية المريضة

[ضوى]

لا طبعا الحالات اللي ذكرتها حالات شاذه ، والا الشي العام هالخرابيط غير موجودة

[Nojoom]

هذي امور اخلاقيه وتختلف من شخص الى اخر بغض النظر عن وين يشتغلون .

اذا اخلاقه ماضبته ماراح يضبطه شي .

[فرهود]

يمكن يعتبرون بعض مثل الاخوان ونواياهم بريئه:shy:

[moonبنتnight]

هل هالشيء يدور في اغلب الامكان المختلطه !!! وهل هالشيء منتشر بقوه في اغلب هالأمكان والقطاع الخاص بالتحديد ؟!!!!!

هل الكلام غير صحيح وجود حالة أو حالتين لا تعمم على الكل 00
والتربية لها دور وهذه حالة شاذه 00

[ودي أكون]

(( أيحب أحدكم أن يأكل لحم أخيه ميتـًا فكرهتموه ))

انت تبي الاعضاء تنبر مثل المواضيع وتتكلم ففلان وعلان .!؟

لان ماشوف اي هدف من الموضوع سوى تشويه السمعات وكل واحد يتبلى ويخمن .! ويتكلم فعرض الناس .!؟


الله يهديك اخوي

[مرتبش]

هو مسلسل خليجي ممل
له اكثر من بطل كل ماخلص واحد نقز الثاني

[العلم]

هل هالشيء يدور في اغلب الامكان المختلطه !!! وهل هالشيء منتشر بقوه في اغلب هالأمكان والقطاع الخاص بالتحديد ؟!!!!!


ما اعرف صراحة .. ولكن اتوقع كل شيء من الإختلاط .. ولا أشوف هذا الشيء بعيد يصير عندنا فقطر ..

[بوحمد111]

من وجهة نظري واحترامي لصاحب الموضوع ان هذا الشي غير جائز ولا يحق لنا الكلام عن ناس يمكن يكون اتصالهم ببعض بعد فترة الدوام راجع لنقاش في امور العمل ولكن لو تطور الموضوع وصار الاتصال لغير مصلحة العمل فهذا حرام والعلم عند الله لأن حتى صوت المرأه لغير محارمها يعتبر حرام والصداقة بين الجنسين راجعة لعدة عوامل واهمها قلة التربيه من الطرفين واهمال الوالدين ومن الممكن ان يؤدي هذا الشي الى انحراف صعب التحكم فيه

تحياتي

[القبطان سلفر]

هل هالشيء يدور في اغلب الامكان المختلطه !!! وهل هالشيء منتشر بقوه في اغلب هالأمكان والقطاع الخاص بالتحديد ؟!!!!!



اوافقك الرأي .

لكن هي زماله اقرب منها الى الصداقه واعتقد تحدث بكثره في الاماكن المختلطه . وهذا واقع مألم .

[فرهود]

الله يقطع بليسك ياحمد تقول ماتبي تذكر اسم التلفزيون عشان القيل والقال الي يسمعك يقول عندنا 20محطه هههههههههه

[حمد 2002]

لي عوده للرد على جميع الردود الوارده بالموضوع ان شاء الله

[مرت محمد]

لاحول ولا قوه الا بالله

[حسن]

اي احتكاك في العالم فلابد من شرر

[7llo]

اوووووف سوالف القيل والقال موجوده بكل الشركات والدوائر الحكوميه ومحد يقدر ينكر هل الشي ومنتشره بكثره وللعلم هاي مش بس في قطرهاي موجود بكل الدول العربيه

[قطري !]

مافيه شي اسمه زماله او صداقه


اللي تخاف من الله وتحترم والديها وتربيتها ماتسوي هالشي

[رفيق الصحراء]

هذي حريات شخصيه مانقدر نمنعها . حتى مدير تلك المحطه مايقدر يمنعها دام فيه موافقه من الطرفين خلاص دام هم ماتعدوا الحدود اللي بالشغل والحدود الاخلاقيه

[catqat]

للأسف بعض العقول القطرية فاشلة بكل شي، حتى في أسس طرح المواضيع،،

نفس اللي حاط موضوع، التعدد حلال أم حرام ...!!

الاخ يخاطب عقول 13 سنة !!!؟؟

[مبتعث]

سبحانه مغير الاحوال من حالٍ إلى حال

2003 - 2013

والله يستر من
2013 - 2022

[Rider]

تعميم ما يجوز يمكن حالة شاذه وايضا مع الاختلاط في مواقع العمل توقع كل شي

[NINA RICCI]

للاسف هالشي شفناه بعيوننا مب كلام فاضي ..

قلة تربيه وقلة حياااء

[ooredoo90]

موضوع مهم اخوي حمد.. لأن اغلب المؤسسات في قطر مختلطة، بالتالي أكيد بيكون فيه تواصل بين الموظفين والموظفات، ولكن هل يصل هذا التواصل حد (الصداقة).. قد يكون هذا موجود.. لكن السؤال الأهم.. إحنا في قطر تعودنا ان الصديق يكون من نفس الجنس، الحين..وبعد ماصار الإختلاط في اغلب المؤسسات..هل الصداقة مع الجنس الآخر مقبولة؟

[jassim_007]

مو محتاج شهاده حد

ادخلو تويترات هل المقدمين و شوفو طريقه سوالفهم بين بعض !

حطيت موضوع من فتره و كان مجرد نصيحه للمقدمين خصوصاً انهم في بدايه مشوارهم "الفني" ولكن كانت للإدارة رأي اخر و حذفت الموضوع !

[ام السعف]

الاختلاط له مضاره سواء اهنيه في المنتدى او في اي مكان يا حمد،،

في ناس عادي عندهم يتواصلون في الخاص ويمدونها للمحادثات خارج المنتدى
وفي ناس لمدوها خارج المنتدى ممكن يصير الكلام بعيد عن المنتدى ،،

فهل تقدر تقول كل الاعضاء اهنيه يتواصلون خارج المنتدى ؟
وبناء عليه ،،

اي مجال مختلط لازم ولا بد انه تحدث فيه مثل هالأمور
سواء رضينا او ما رضينا ،، وقعدنا مع بنات او حريم بالفعل
صارت اتصالات من قبل زملاء لهم في العمل ،،

لكن هل نقدر نقول ان الاتصالات هذي وراها شي ؟
مب حاطين في ذممنا لأن ما ندري باللي يدور في الاتصالات هذي،،

في الوقت اللي هناك شباب وبنات ما يرضون يتواصلون خارج
العمل ،،

فهذا موجود وهذا موجود وكل حسب كنتروله على نفسه ،،

[Abdulraman]

هذا يا حمد يسمونه قلة ادب
عندنا في بعض الادارات فقط وعلى حسب البنت . ف بعض البنات تقول واحد من الربع انت تستحي وهي بايعتها اقصد فري لا اكثر

[بومحمد المطاوعه]

بارك الله فيك ياخوي حمد

لعبت الصراحه في الموضوع

الي موجود في كل العالم مب في قطر فقط

ولا في الهند ولا البنقال

في كل دوله موجود هذا الشي بس فئه بسيطه وان شاءالله ماتتكاثر

الي بايعه نفسها ومرخصه في عمرها ومنزله نفسها لدرجه الفسق والفجور

لها في هذا المجال وعادي جدآ تشوفهم يتمشون برع في كاتارا ولا اللؤلؤه مع بعض

شوف عيني شفت هذا الشي لأكثر من مره والعياذ بالله من شخص اعرفه ونصحته لوجه الله اكثر من 5 مرات ولا فايده

البنت طبعآ تتغشى والرجال كاشخ كوبرا ولا كأنه الموضوع غلط في غلط

ولو قلت له يرد يقولك زميله العمل عادي يامطوع
الدين يسر مب عسر

الحمدلله والشكر فاهم قول الله تعالى غلط

ماشاءالله عليه واثق ان السالفه حلال عليه
لو اخته تتمشى مع رجال غريب خله يسكت ويقول زميل العمل وعادي

بعيد الشر ناس متخلفه والعياذ بالله

جعلو الله اهون الناظرين لهم وجعلو في اعتقادهم هذا الشي حلال بحجه انهم زملاء عمل اتبعو عمل الجاهليه

كان أهل الجاهلية يحرمون ما ظهر من الزنى
ويستحلون ما خفي يقولون:

ما ظهر منه لؤم وما خفي فلا بأس بذلك

فأنزل الله تعالى:
(ولا تقربوا الفواحش ما ظهر منها وما بطن)
[الأنعام:151]

وكم أحدثت تلك الصداقات من مفاسد عظيمة لا يعلمها إلا الله تعالى
فضلاً عن ارتكاب معصية الله تعالى باستمتاع كل منهما بمن لا يحل له
والخلوة به
ففي الصحيحين من حديث ابن عباس رضي الله عنهما

قال: سمعت النبي صلى الله عليه وسلم يخطب يقول:

لا يخلو رجل بامرأة إلا ومعها ذو محرم"

وفي مسند الإمام أحمد

"ومن كان يؤمن بالله واليوم الآخر فلا يخلون بامرأة ليس معها ذو محرم منها، فإن ثالثهما الشيطان."


نسأل الله السلامه والعفو والعافيه


بومحمد المطاوعه :)

[بومحمد المطاوعه]

الاختلاط له مضاره سواء اهنيه في المنتدى او في اي مكان يا حمد،،

في ناس عادي عندهم يتواصلون في الخاص ويمدونها للمحادثات خارج المنتدى
وفي ناس لمدوها خارج المنتدى ممكن يصير الكلام بعيد عن المنتدى ،،

فهل تقدر تقول كل الاعضاء اهنيه يتواصلون خارج المنتدى ؟
وبناء عليه ،،

اي مجال مختلط لازم ولا بد انه تحدث فيه مثل هالأمور
سواء رضينا او ما رضينا ،، وقعدنا مع بنات او حريم بالفعل
صارت اتصالات من قبل زملاء لهم في العمل ،،

لكن هل نقدر نقول ان الاتصالات هذي وراها شي ؟
مب حاطين في ذممنا لأن ما ندري باللي يدور في الاتصالات هذي،،

في الوقت اللي هناك شباب وبنات ما يرضون يتواصلون خارج
العمل ،،

فهذا موجود وهذا موجود وكل حسب كنتروله على نفسه ،،



اختي مستحيل يصير في هذا المنتدى تواصل عبر المسجات ولا حد يمنعهم

الي يتواصل بغرض التحرش او التعرف او السب والشتم

يتخذون اجرائهم الاداره معاه

ف تطمني في هذا المنتدى ولله الحمد

لأن لو مافي قوانين ولا ردع هذي الفئه من الشواذ مابتحصليني اشارك

بس تاكدي اختي ان مافي شي اسمه زميل عمل ولا في شي اسمه اتصل واسأل عن موضوع في العمل واضحك معاه عادي

واذا اتصلو خارج العمل وحدث بينهم الضحك والسوالف والمصخره

تعتقدين لمصلحه العمل ولا لمصلحه الرغبه الشخصيه ..؟

الأمر واضح جدآ اذا حدث في التلفون الخاص بين فتاه ورجل ممازحه وضحك ومسجات ووو و و و و

بارك الله فيج اختي

[لاجل QT]

مافي داعي تسألنا عن رأينا دام شرعنا الاسلام وضح لنا

وانت تعرف ان الاسلام حرم العلاقة بين الرجل والمراءة خارج اطار الزواج

ليش تبي رأينا دام مستحيل نأيد هالنوع من العلاقات !!!!؟

[khalid525]

مافي داعي تسألنا عن رأينا دام شرعنا الاسلام وضح لنا

وانت تعرف ان الاسلام حرم العلاقة بين الرجل والمراءة خارج اطار الزواج

ليش تبي رأينا دام مستحيل نأيد هالنوع من العلاقات !!!!؟

شلون الاسلام حرم العلاقة بين الرجل والمراة خارج اطار الزواج ، يعني هل حرام في الاسلام ان تكلم او تتواصل المرأة مع الرجل حتى لو لم يكن بينهما صلة قرابة ؟

[العقل المدمر]

محد يقدر يحدد نسبه هالفئه بيننا
ومب شرط كلهم يكون دينهم ضعيف
بعضهم ممكن يكونون غافلين ويحتاجون تذكير بس
لان اللي ينحط في الموقف مب نفس اللي يشوفهم او يسمع عنهم
وفي النهايه صح الظروف تتغير لكن المفروض اخلاقنا ما تتغير

[dm styal]

شلون الاسلام حرم العلاقة بين الرجل والمراة خارج اطار الزواج ، يعني هل حرام في الاسلام ان تكلم او تتواصل المرأة مع الرجل حتى لو لم يكن بينهما صلة قرابة ؟

رأيي اذا اهي مجبرة انه تكلم الرجال بخصوص العمل فهذا اوكي لكن ضحك وسوالف وغشمره؟؟! اذا الواحد بيرضى هذا على اخته او زوجته بعد شاقول الريايل راحو مابقا من شي انا اوافقك اختي لأجل اعتقد وضحتي ووضحت رأيها .

[لاجل QT]

شلون الاسلام حرم العلاقة بين الرجل والمراة خارج اطار الزواج ، يعني هل حرام في الاسلام ان تكلم او تتواصل المرأة مع الرجل حتى لو لم يكن بينهما صلة قرابة ؟

تكلمنا عن تكوين العلاقة مثل الصداقة اللى تؤدي الى المحضور في الغالب
لذالك حرم الاختلاط

اما انها تكلم بائع او من هذا القبيل طبعا عادي

[الوسيط العقاري]

الله يقطع بليسك ياحمد تقول ماتبي تذكر اسم التلفزيون عشان القيل والقال الي يسمعك يقول عندنا 20محطه هههههههههه


شكلها قناه 37

[حبر وقرطاس]

مافي صداقه لانها تدخل في المحظور وتفتح ابواب والكلام يجر كلام وقله ادب واطلاع على الخصوصيات


انا اسميها معرفه طيبه اعرف فلانه في العمل وتعرفني انا من وشنو وظيفتي ، قد تطلب مني مساعده او استفسار في مجال تعلم هي من واقع العمل ان لي خبره فيه فأفيدها والعكس والناس لبعضها

اما اكلمها اي وقت وشات في الواتساب وسوالف جانبيه وتجي مكتبي وقت الاستراحه والا اروح مكتبها اسمح لي هذا تعدى الخطوط الحمراء والزرقاء والصفراء

[حقيقه]

يمكن تضبيط عشان تمشي حالها بالشغل

[شميرام]

لا تعليق
الله يهدهم
انا أشكال موظفينا ماعرفها
الواحد لازم يفصل بين وقت الدوام والأوقات الأخرى

[ولي العهد]

لا طبعا الحالات اللي ذكرتها حالات شاذه ، والا الشي العام هالخرابيط غير موجودة


روحي كلية شمال الاطلنطي وبتشوفين العجب وبتدمع عينج من الحال الي وصلوا له والسبة الاختلاط

[Q-t-r]

ههههه الريال عطاكم رايه فهموه واصابع يدكم مب سوى

[Q-t-r]

روحي كلية شمال الاطلنطي وبتشوفين العجب وبتدمع عينج من الحال الي وصلوا له والسبة الاختلاط
:tease:صح لسانك يالذيب

[الخزرجي قطر]

الحلال بين والحرام بين
الشخص يحترم نفسه اذا كان مذكر او كانت مؤنثه
مافي داعي الاخذ وصداقة عمل وبكره تتطور العلاقه
الله يهدينا جميعا ويسترنا وهذه نتائج الاختلاط ومع مرور الوقت بيكون شي عادي

[بوسلمان 2010]

التربيه لها دور كبير ةاصابعك مو سوى

[ام السعف]

اختي مستحيل يصير في هذا المنتدى تواصل عبر المسجات ولا حد يمنعهم

الي يتواصل بغرض التحرش او التعرف او السب والشتم

يتخذون اجرائهم الاداره معاه

ف تطمني في هذا المنتدى ولله الحمد

لأن لو مافي قوانين ولا ردع هذي الفئه من الشواذ مابتحصليني اشارك

بس تاكدي اختي ان مافي شي اسمه زميل عمل ولا في شي اسمه اتصل واسأل عن موضوع في العمل واضحك معاه عادي

واذا اتصلو خارج العمل وحدث بينهم الضحك والسوالف والمصخره

تعتقدين لمصلحه العمل ولا لمصلحه الرغبه الشخصيه ..؟

الأمر واضح جدآ اذا حدث في التلفون الخاص بين فتاه ورجل ممازحه وضحك ومسجات ووو و و و و

بارك الله فيج اختي

استاذ ابو محمد ،،

هل ذكرت في مشاركتي يصير تواصل في المنتدى ومافي حد يمنعهم ؟

اللي ذكرته انه بيصير تواصل عبر الرسايل الخاصة ،، وممكن هالتواصل
يكون ضمن اطار مواضيع المنتدى ،، فهل لو طرشت لك ايميلي
وكلمتك خارج المنتدى الإدارة بيكون لها كلمة علي حزتها ؟
الادارة لها فيما يدور في اطار المنتدى ،، وكلامي كان عن ما يحدث خارج
اسوار المنتدى بعد تطور تبادل الرسائل والايميلات والأرقام ،،

فمثلا في يوم من الأيام اعطيت احد الأخوان ايميلي علشان موضوع يخص
غيري وتم التواصل مع هالشخص عبر الايميل بعيد عن المنتدى
والله يذكره بالخير وين ما كان ،، فهل لو لا سمح الله التواصل هذا انحف عن مساره
نلوم الإدارة ونقول ما قامت بواجبها ؟

فالمعنى ان هناك من يعتبر تبادال الايميلات وارقام التلفونات امر عادي
فرضه الود المتولد من الاختلاط الحاصل ،، ما قلت اني مع الأمر هذا
بس وضحته انه سببه الاختلاط ،،

وعليه ،، اي نوع من التواصل المفروض يكون في اطار معين ومحدد
هذا كان هناك ضرورة لمثل هذا التواصل ،، اما اذا ماكانت هناك ضرورة
فماله داعي لتبادل الايميلات والأرقام ،،

هل وضحت وجهة نظري ؟

[حياة]

ماادري والله لاني مااشتغل
الله يصلح الحال

[بومحمد المطاوعه]

استاذ ابو محمد ،،

هل ذكرت في مشاركتي يصير تواصل في المنتدى ومافي حد يمنعهم ؟

اللي ذكرته انه بيصير تواصل عبر الرسايل الخاصة ،، وممكن هالتواصل
يكون ضمن اطار مواضيع المنتدى ،، فهل لو طرشت لك ايميلي
وكلمتك خارج المنتدى الإدارة بيكون لها كلمة علي حزتها ؟
الادارة لها فيما يدور في اطار المنتدى ،، وكلامي كان عن ما يحدث خارج
اسوار المنتدى بعد تطور تبادل الرسائل والايميلات والأرقام ،،

فمثلا في يوم من الأيام اعطيت احد الأخوان ايميلي علشان موضوع يخص
غيري وتم التواصل مع هالشخص عبر الايميل بعيد عن المنتدى
والله يذكره بالخير وين ما كان ،، فهل لو لا سمح الله التواصل هذا انحف عن مساره
نلوم الإدارة ونقول ما قامت بواجبها ؟

فالمعنى ان هناك من يعتبر تبادال الايميلات وارقام التلفونات امر عادي
فرضه الود المتولد من الاختلاط الحاصل ،، ما قلت اني مع الأمر هذا
بس وضحته انه سببه الاختلاط ،،

وعليه ،، اي نوع من التواصل المفروض يكون في اطار معين ومحدد
هذا كان هناك ضرورة لمثل هذا التواصل ،، اما اذا ماكانت هناك ضرورة
فماله داعي لتبادل الايميلات والأرقام ،،

هل وضحت وجهة نظري ؟

بارك الله فيج وضحت وجهه نظريتج اختي

بس القصد ان هنا في هذا المنتدى

اذا ارسلتي رساله خاصه لي بخصوص الموضوع

امر عادي

ولاكن لايمكنني ان ارسل رقمي لأي اخت ولا ايميلي

لان الاداره لها الحق ان تتصرف

اما ارسل رابط موضوع
او عن موضوع في المنتدى واتناقش فيه بكل احترام

امر عادي جدآ

هذا قصدي

اما الايميلات الخارجيه الاداره طبعآ لاتعلم ولاكن الله يعلم :)


بارك الله فيج

[qatara]

( الحيا نقطه )
لا يفيد معها تبريرات واعذار واهيه

[الهتان]

بالنسبه على هذا الموضوع للأسف موجود وحتى الحين يتجراء الموظف ويكلم الموظفه خارج وقت

الدوام بحجة اتمام العمل ومرات حتى وهي في الأجازه مسافره ماتوقف المسجات ومدري ايش

انا اقول الوحده تطلع من باب العمل خلاص تترك العمل ولا حد يحاول يناقشها في شيء ابد

اذا في شيء لما ترد الصبح يقولها وهي اثناء العمل ...

وإن صارت تراها تصير بقبول الموضفه هذا شيء وتمادي الموظف لأنها تركت له الباب مفتوح

وتقدر تصده وتوقفه عند محله لو هي حابه ... كل وحده وتربيتها واخلاقها السنعه سنعه واللي على الهوى انا ماشيء يا قلبي الله يستر عليها

بس هذا اللي انا حبيت اقوله

[الأصيلة]

الإختلاط داء مستشري في جسد مجتمعنا
بعض البنات صار الأمر عادي جدا عندها
وشوفوا المعارض والمهرجانات شيء غريب
يصير بين المنظمين اختلاط رجال ونساء
سوالف وضحك وأكل وشرب وكأنهم اخوان أو أزواج..
يعني هذولا أكيد مارح تنتهي العلاقة بخروجهم من المكان
لازم التواصل حتى لو كان من اجل العمل وهذا شيء ضروري
لكن الفطرة الطبيعية تتسبب في حدوث ميول خاص بين أحدهم وقد تتطور العلاقة
وقد يكون الاثنين متزوجين او العكس...
المهم ما اجتمع اثنان إلا والشيطان ثالثهم...

[ضوى]

الإختلاط داء مستشري في جسد مجتمعنا
بعض البنات صار الأمر عادي جدا عندها
وشوفوا المعارض والمهرجانات شيء غريب
يصير بين المنظمين اختلاط رجال ونساء
سوالف وضحك وأكل وشرب وكأنهم اخوان أو أزواج..
يعني هذولا أكيد مارح تنتهي العلاقة بخروجهم من المكان
لازم التواصل حتى لو كان من اجل العمل وهذا شيء ضروري
لكن الفطرة الطبيعية تتسبب في حدوث ميول خاص بين أحدهم وقد تتطور العلاقةوقد يكون الاثنين متزوجين او العكس...
المهم ما اجتمع اثنان إلا والشيطان ثالثهم...

لا تظلمين بختج يا الاصلية لا تدخلون في الغيب

[الأصيلة]

لا تظلمين بختج يا الاصلية لا تدخلون في الغيب

لا والله يا ضوى إن شاء الله ما أظلم بختي
بس هذه الحقيقة عند البعض انا ما عممت...
لكن الشيطان يزيين لهم...وهذا شفناه ولمسناه ,,
وخاصة تشوفين بعض البنات بكامل زينتها وريحتها الطيبة وعبايتها...
تشوفينهم قاعدين عادي بدون أي حرج سوالف وضحك..
انا ما ألومهم ..ألوم من سمح لهم بهذا وما وضع حد لاختلاطهم..
المفروض كل واحد بمكانه وفيه حدود للتواجد في هذه الأماكن...
كم مرة اشوف بنات يتصلون فيهم ربعهم في الشغل
ويسألونهم عن أشياء تافهه جدا
وضحك وسوالف ...وهذا مايجوز أبدا...

[المهاجر]

المحترمه وصاحبة الخلق واللي متربيه عدل

لن تسمح لاي كان ان يتصل بها خارج اوقات الدوام وحتى بالعمل

لن تسمح بالاتصال بها الا باطار العمل وفيما يخص العمل فقط

وتنهي الاتصال مباشره

اما من تتصل بزميلها او مديرها بعد نهاية الدوام بحجة ان هناك امور خاصه

بالعمل فهذه وعفواً بالكلمه لم تحترم نفسها ولا اهلها

ولم تراعي دينها

شنهو هالاامر الخطير اللي بيخلي موظف يتصل بموظفه ويكلمها وهي في بيتها

اعتقد هناك وسيله اخرى وهي ايميل العمل فاذا كان هناك امر خاص بالعمل

فيتم انهاءه من خلال ايميل العمل

وهناك كثيرات من يدعين المثاليه وانهم على خلق ولكنهم في الواقع

تجدها تكون علاقه مع رجل غريب بدون ان تراعي دينها ولا تخاف من ربها

المطلع على السرائر

هذه المرأه إن كانت تظن انها تستطيع ان تخدع الناس وتخدع زوجها او ابيها او اخوها

فهي مخطئه لأنها لا تخدع الا نفسها وهي الخسرانه في الاول والأخير

فليش نحط مبررات واعذار ونقول امور خاصه بالعمل ولابد ان ننجزها

وقت العمل للعمل وبعد انتهاء الدوام ينتهي العمل ويرحل لليوم التالي

[المهاجر]

لا والله يا ضوى إن شاء الله ما أظلم بختي
بس هذه الحقيقة عند البعض انا ما عممت...
لكن الشيطان يزيين لهم...وهذا شفناه ولمسناه ,,
وخاصة تشوفين بعض البنات بكامل زينتها وريحتها الطيبة وعبايتها...
تشوفينهم قاعدين عادي بدون أي حرج سوالف وضحك..
انا ما ألومهم ..ألوم من سمح لهم بهذا وما وضع حد لاختلاطهم..
المفروض كل واحد بمكانه وفيه حدود للتواجد في هذه الأماكن...
كم مرة اشوف بنات يتصلون فيهم ربعهم في الشغل
ويسألونهم عن أشياء تافهه جدا
وضحك وسوالف ...وهذا مايجوز أبدا...


صدقتي اختي الاصيله

[بنـ الدحيل ـت]

لا والله يا ضوى إن شاء الله ما أظلم بختي
بس هذه الحقيقة عند البعض انا ما عممت...
لكن الشيطان يزيين لهم...وهذا شفناه ولمسناه ,,
وخاصة تشوفين بعض البنات بكامل زينتها وريحتها الطيبة وعبايتها...
تشوفينهم قاعدين عادي بدون أي حرج سوالف وضحك..
انا ما ألومهم ..ألوم من سمح لهم بهذا وما وضع حد لاختلاطهم..
المفروض كل واحد بمكانه وفيه حدود للتواجد في هذه الأماكن...
كم مرة اشوف بنات يتصلون فيهم ربعهم في الشغل
ويسألونهم عن أشياء تافهه جدا
وضحك وسوالف ...وهذا مايجوز أبدا...

صدقتي حبيبتي الغالية الأصيلة

بارك الله فيكي وكثر من امثالج

[أم نواري1]

قليلات الحياء
الوحدة إذا ماصانت نفسها في الدوام عن القيل والقال
عادي عندها ترفع سماعة وتتكلم خارج وقت الدوام .!

عيب والله ع الطرفين

أي شغل هذا اللي بيخليهم يتناقشون خارج وقت الدوام.!

سلام

[mubarak750]

الأختلاط يا حبيبي صار شئ واقع. يعني مثل مولود انولد وشاف النور وخلاص, وهالمولود فاعد يكبر وينمو بس الفرق أن في بعض البلاد هالمولود بدا النموعنده من زمان وترعرع وصار في عنفوانه ولا اكبر دليل من المسلسلات الخليجية اللي انشوفها بدون تحديد الجنسيتين الخليجيتين المعروفتين.
أما بالنسبة حق وليدنا فهو أنولد من فترة بس النمو عنده والرعرعه في السنوات الأخيرة كانت بشكل جيد وملحوظ وسريع.
وصدقني أخي العزيز هالمولود بيكبر أكثر وبيصير شاب وبيصير في عزه وما تقدر تسوي له شئ ولا شئ ساعتها. كل اللي عليك ساعتها اذا الله عطاك عمرأنك اتشوف بعينك وتحسر وتذكر وتقول وين أول.
ترى مابقى الا السعودية والمولود أنولد بس يحاولون يمنعون نموه بس لعلمك أهو يكبر أكثر وأكثر . بس عندهم المشكله ما رارح ايشوفونه الا شاب في عنفوانه بس بيكون مشوه.
عزيزي اذا انت لسه صاحي من النوم وشايف هالنتيجة من الاختلاط وسوالف الموظفين مع الموظفات بعد الدوام اسمحلي اقولك انك طيب وايد. لان هذا نتيجة طبيعية وهذا انا وهذا انت. يا انك بتشوف اشياء مب تدمع لها العيون لا الا تدمي لها القلوب اللي في الصدور وسلام كبير مني للمنتدى

[بومحمد المطاوعه]

الي تتواصل مع رجال عبر مسجات في تلفونها الخاص بالفيت في شؤن العمل واصلن لاتحل لها التواصل مع هذا الرجل

تأكدو الشيطان ثالثهما وشاطر ومستعد يفعل فعايله والندم لايفيد بعدها

اسمعو القصص الواقعيه والاحداث الي صارت من تائبات الي الله والسبه كانت بسيطه جدآ ولاكن كبرت مع العلاقات والتواصل



الله يبعد عنا و عنكم ويستر علينا وعليكم

[عزووز قطر]

للأسف ان هذا الشي موجود وبكثرة
وأغلب الموظفين والموظفات في الأماكن المختلطة على علم بهذه الأمور
واصبحوا الشباب والبنات على تواصل دائم إما بالبلاك بيري او الانستغرام او المسجات ،،، وللأسف بعضهم آباء وأمهات وبينهم اتصالات ومسجات خارج اوقات العمل ...

واللي مب مصدق يروح المعرض المهني اللي هو عقب اسبوع تقريباً ويشوف بعينه السوالف والضحك بين الموظفين والموظفات ،، غير الشاي والقهوة وكل وحدة تقهوي زميلها وتعطيه من السويت ،،، حشى زوجها مهب زميلها

[OREO]

يا جماعة خلوكم وسطيين و الاسلام دين تسامح و تقارب مثل ما يدعي البعض ..

[حسن]

يا جماعة خلوكم وسطيين و الاسلام دين تسامح و تقارب مثل ما يدعي البعض ..

يعني مافي مشكله حتى اذا يقابلون الجمهور
بحكم عملهم !

سبحان مغير الاحوال والدنيا دواره
صح ولا انا غلطان يااوريو
:victory:

[ساس الوفا]

اوافقك الرأي .

لكن هي زماله اقرب منها الى الصداقه واعتقد تحدث بكثره في الاماكن المختلطه . وهذا واقع مألم .

اسمها زمالة عمل ( يعني بعد انتهاء الدوام محد له حق يتصل في الثاني ) تربطنا علاقة عمل فقط،
انا ماراح اقول ماله او مالها حق يتصل اوتتصل فيه بعد الدوام بقول الاثنين مالهم حق يسمونها صداقة ( خارج نطاق العمل ) .

[qatara]

يا جماعة خلوكم وسطيين و الاسلام دين تسامح و تقارب مثل ما يدعي البعض ..

حسبي الله على من يسهل ويبررللشبهات والمنكرات
بحجة التسامح او بحجة الضرورات
فكل شي له مكانه ووقته وزمانه
وليس كل شي يتسامح ويتساهل فيه

والحلال بين والحرام بين

[حسن]

انا من راي اترك عنك هل الزماله ولا الصداقه ماوراها الا المشاكل
للاسف ابتليت فبه الكثير من الوزارات والمؤسسات

الله المستعان والقادم ادهى وامر

[OREO]

يعني مافي مشكله حتى اذا يقابلون الجمهور
بحكم عملهم !

سبحان مغير الاحوال والدنيا دواره
صح ولا انا غلطان يااوريو
:victory:

الله يهديني و يهديك اخوي حسن و انت صدقت اني من الجماعة هذه ؟

تراني ذكرت هالشي من باب السخرية لا اكثر و لا اقل و الله يستر من الايام الجاية ،، :(

[بومحمد المطاوعه]

اصلن الاختلاط

بدايه الفساد والعياذ بالله

حتى لو الوحده متحشمه ولابسه غفازات بس بعض الذئاب البشريه

ينضرون لها ويتعمقون على مفاتنها بعيد الشر

[حسن]

الله يهديني و يهديك اخوي حسن و انت صدقت اني من الجماعة هذه ؟

تراني ذكرت هالشي من باب السخرية لا اكثر و لا اقل و الله يستر من الايام الجاية ،، :(

بشرك الله بالخير ياخوي زين وضحت
الله يقطع ابليس الشيطان يدخل الناس في النيات

الايام الجايه ايييييييه

الله العالم وان شاء الله فيها خير للناس

حياك الله ياشيخ ولاتزعل

:victory:

[OREO]

حسبي الله على من يسهل ويبررللشبهات والمنكرات
بحجة التسامح او بحجة الضرورات
فكل شي له مكانه ووقته وزمانه
وليس كل شي يتسامح ويتساهل فيه

والحلال بين والحرام بين

حسبي الله عليهم الى يوم القيامة ،،

[OREO]

بشرك الله بالخير ياخوي زين وضحت
الله يقطع ابليس الشيطان يدخل الناس في النيات

الايام الجايه ايييييييه

الله العالم وان شاء الله فيها خير للناس

حياك الله ياشيخ ولاتزعل

:victory:

حبيب و غالي اخوي حسن و كلنا اخون و ما بها من زعل ان شاءالله ،، :)

[بومحمد المطاوعه]

بشرك الله بالخير ياخوي زين وضحت
الله يقطع ابليس الشيطان يدخل الناس في النيات

الايام الجايه ايييييييه

الله العالم وان شاء الله فيها خير للناس

حياك الله ياشيخ ولاتزعل

:victory:


لا مايزعل ان شاءالله بس سو لنا 2

سندويش جبه مع شبس عمان وفلفل

ولا اقولك خلها 4

ههههه بس البس قفاز مانبي نتلوث خخخخ

[OREO]

لا مايزعل ان شاءالله بس سو لنا 2

سندويش جبه مع شبس عمان وفلفل

ولا اقولك خلها 4

ههههه بس البس قفاز مانبي نتلوث خخخخ

الله يغربل ابليسك بومحمد ،، ام العيال تسألني و اتقولي ايش صادك يا اوريو اشوفك قمت تاكل ممنوعات ههههههههه

قلتلها انا مالي خص و هذا كل من بومحمد اللي خلاني ادمن عليه ،، لكن صج صج طلع شي شي و صرت اكل منه بشراهه :shy:

[بوخالد2]

اللى يرضى على هله بالاختلاط

يتقبل كل شي يابوحمد ولايزعل و يقول بنتي او زوجتي و اثق فيها

شفنا الاختلاط و عرفنا الامور اللى تصير فيه

[بومحمد المطاوعه]

الله يغربل ابليسك بومحمد ،، ام العيال تسألني و اتقولي ايش صادك يا اوريو اشوفك قمت تاكل ممنوعات ههههههههه

قلتلها انا مالي خص و هذا كل من بومحمد اللي خلاني ادمن عليه ،، لكن صج صج طلع شي شي و صرت اكل منه بشراهه :shy:


هههههههه بالعافيه ياخوي علييك

والله يحفظك ويخلي لك هلك

عندي لك خلطه ثانيه بس بقولك عقب اذا ضبطت وياي خخخخ

[بومحمد المطاوعه]

اللى يرضى على هله بالاختلاط

يتقبل كل شي يابوحمد ولايزعل و يقول بنتي او زوجتي و اثق فيها

شفنا الاختلاط و عرفنا الامور اللى تصير فيه

صادق ياخوي وانا وياك في هذا الكلام :nice:

[HotBlood]

الحين اللي يشتغل في مكان مختلط كل يوم داخل مكتب ويسلم على البنت.
اذا شافها يوم من الايام في السوق لوحدها هل يسلم عليها والا لا؟

والا حلال في الشغل وحرام برع الشغل ؟!!!

مادام البنت حللت حق نفسها انها تشتغل في مكان مختلط فتوقع انها راح تحلل اشياء ثانيه شوي شوي.

واللي يقول الحين لا هذا عيب وغلط وزماله في العمل بس وداق الصدر....بكره بقولك لا هذا الحين صار شي عادي البنت اللي واثقه في نفسها ومحترمه ماراح تسوي شي غلط

[qatara]

اللى يرضى على هله بالاختلاط

يتقبل كل شي يابوحمد ولايزعل و يقول بنتي او زوجتي و اثق فيها

شفنا الاختلاط و عرفنا الامور اللى تصير فيه

القاه في اليم مكتوفا وقال له ..... اياك اياك ان تبتل بالماء ؟!

[mubarak750]

القاه في اليم مكتوفا وقال له ..... اياك اياك ان تبتل بالماء ؟!




لله درك

[الصريح99]

اللى يرضى على هله بالاختلاط

يتقبل كل شي يابوحمد ولايزعل و يقول بنتي او زوجتي و اثق فيها

شفنا الاختلاط و عرفنا الامور اللى تصير فيه

جزاك الله خير اخوي بو خالد اختصرت اشياء كثيره في سطرين والبيب بالختلاط ومصايبه يفهمو والله ان بنات ضاعو ونساء طلقت وابناء شردو وامتلأت المحاكم قضاياء والله يستر علي بناتنا ،،،، وعفوا لصاحب الموضوع وللاخوه للمراقبين المفروض حتى نقاش في هلمواضع لا تقبل المناقشه والأخذ والرد لكون الصداقات محرمه لا يقرها دين ولا أخلاق ولا عاداتنا ولا تقاليدينا

[نوت]

حراااااام وعيب ومنكر ومايجوز:omen2:لاداخل اطار العمل ولا خارجه ,اللهم احفظنا من فتن الدنيا ماظهر منها وما بطن